ကျန်းမာရေး သတင်းများ

နေလောင်မှာကို စိုးရိမ်ကြတာက ခရမ်းလွန်ရောင်ခြည်ကြောင့်ပါ။နေပူထဲ ထွက်ထွက် မထွက်ထွက် အတွင်းမှာနေလည်း ခရမ်းလွန်ရောင်ခြည်ထိနိုင်တာပဲဆိုပြီးနေလောင်ကာခရင်မ်တွေ လိမ်းရပါတယ်။ သူက နှစ်နာရီခြားတစ်ကြိမ် လိမ်းရမယ်/ဖျန်းရမယ်ဆိုလို့လည်းနေလောင်ကာကွယ်အောင် ထပ်ထပ်သုံးရပါတယ်။ ဒါပေမယ့် မကြာသေးခင်က အမေရိကန်အစားအသောက်နဲ့ဆေးဝါးကွပ်ကဲရေးဌာနရဲ့ ထုတ်ပြန်ချက်အသစ်တွေအရနေလောင်ကာခရင်မ်မှာပါတဲ့ဓါတုပစ္စည်းတွေကို လူ့ခန္ဓါကိုယ်ထဲစုပ်ယူလိုက်တဲ့ပမာဏက အဆိပ်အတောက်ဖြစ်စေတဲ့အဆင့်ထိမြင့်မားနေတယ်လို့ သိရပါတယ်။ ဖျန်းဆေး၊ လိုးရှင်း၊ ခရင်မ်တို့ကို အညွှန်းအတိုင်း လေးရက်ကြာသုံးပြီးနောက် စစ်ဆေးမှုတွေမှာ နေလောင်ကာခရင်မ်ပါ ဓါတုပစ္စည်းလေးမျိုးရဲ့သွေးကြောထဲရောက်ရှိမှုပမာဏက ပိုမြင့်တက်နေတာတွေ့ရပါတယ်။ ဒီပမာဏကဘေးကင်းမှုရှိတယ်လို့ သတ်မှတ်ထားတဲ့အတိုင်းအတာအဆင့်ကိုကျော်လွန်နေတယ်လို့University of California၊ San Francisco School of Medicine မှဒေါက်တာKanade Shinkai ကပြောပါတယ်။ ဒါပေမယ့် ဒီလေ့လာမှုရလဒ်ကြောင့်နေလောင်ကာခရင်မ်တွေကိုမသုံးသင့်ဘူးလို့ပြောဖို့စောသေးတယ်လို့ ပညာရှင်တွေကပြောပါတယ်။ ဘာလို့ဆိုနေရောင်ခြည်ကနေထိခိုက်မယ့်အန္တရာယ်က ဒီဓါတုပစ္စည်းကနေ ရမယ့်အန္တရာယ်ထက် ပိုဆိုးတာကြောင့်ဖြစ်ပါတယ်။ ဒီပမာဏက များနေတာ မှန်ပေမယ့် လူ့ကျန်းမာရေးကိုဘယ်လိုသက်ရောက်မှုရှိနိုင်လဲသေချာမသိရသေးတာကြောင့် ဒီလေ့လာမှုတစ်ခုတည်းနဲ့နေလောင်ကာခရင်မ်တွေမသုံးရဲကြတော့မှာကို စိုးရိမ်တယ်လို့ သုတေသီတွေကပြောပါတယ်။ နေလောင်ကာခရင်မ်အများစုမှာရောင်ခြည်တွေဒဏ်က ကာကွယ်ပေးဖို့oxybenzone၊ avobenzone နဲ့ octocrylene တို့လို ဓါတုပစ္စည်းတွေသုံးထားပါတယ်။ […]

လူဆိုတာတော့ ဖိစီးစရာတွေနဲ့မကင်းနိုင်ပါဘူး။တွေးစရာ၊ လုပ်စရာတွေများလွန်းလို့ အိပ်မပျော်နိုင်တဲ့ညတွေမှာလည်း ကိုယ့်အပူနဲ့ကိုယ်ပေါ့။ ဒီအနေအထားကနေ လွတ်မြောက်အောင် ရုန်းထွက်ဖို့တော့ ကြိုးစားသင့်ပါတယ်။ ဘာလို့ဆို ချက်ချင်းတော့မသေနိုင်ပေမယ့် ရေရှည်ကျန်းမာရေးအတွက် ဆိုးကျိုးကြီးမားလို့ပါ။အလုပ်ကြောင့်စိတ်ဖိစီးနေရတဲ့အပြင် အိပ်ရေးပါပျက်ထားသူဟာသွေးတိုးမရှိရင်သွေးတိုးဖြစ်လာ၊ ရှိပြီးသားဆိုလည်း နှလုံးသွေးကြောရောဂါနဲ့ ဆက်နွှယ်သေဆုံးရနိုင်ခြေ သုံးဆပိုများနိုင်ပါတယ်။ ဒါက လတ်တလောထွက်ရှိထားတဲ့ သုတေသနရလဒ်ပါ။သွေးတိုးရောဂါရှိတဲ့ ဝန်ထမ်းတွေရဲ့ကျန်းမာရေးမှာ စိတ်ဖိစီးမှုနဲ့အိပ်မပျော်ခြင်းဘယ်လိုဆက်နွယ်နေလဲဆိုတာ သုတေသနကလေ့လာတဲ့အခါ ရလဒ်ကတော်တော်ဆိုးတာတွေ့ရပါတယ်။သုတေသနမှာ အသက် ၂၅ နှစ်ကနေ ၆၅ နှစ်အတွင်းရှိတဲ့ဝန်ထမ်းဦးရေ ၂၀၀၀ နီးပါးရဲ့ အချက်အလက်တွေကို ဆန်းစစ်ခဲ့ရာမှာသွေးတိုးရှိသူတွေဟာလေ့လာမှုစတင်ချိန်မှာ နှလုံးသွေးကြောရောဂါ သို့မဟုတ် ဆီးချိုရောဂါမရှိခဲ့ကြပါဘူး။ အလုပ်နဲ့သက်ဆိုင်တဲ့စိတ်ဖိစီးမှုပဲဖြစ်ဖြစ် အိပ်မပျော်တဲ့ပြဿနာရှိနေသူပဲဖြစ်ဖြစ် နှလုံးသွေးကြောရောဂါဖြစ်နိုင်ခြေပိုများတယ်ဆိုပေမယ့် ဒီနှစ်ချက်လုံးရှိနေတဲ့သူမှာတော့ အန္တရာယ်ပိုများနေပါပြီ။ ဒီသုတေသနကိုEuropean Journal of Preventive Cardiologyဂျာနယ်မှာဖော်ပြထားတာပါ။ "သတိမထားမိတဲ့ အန္တရာယ်ပါ။ တစ်ရက်နှစ်ရက်လောက် စိတ်ဖိစီးပြီး အိပ်မပျော်တာ ပြဿနာမဟုတ်ဘူး။ စိတ်ဖိစီးနေရတဲ့အလုပ်နဲ့ အိပ်ရေးမမှန်တာ နှစ်ချီနေပြီဆို ခွန်အားအရင်းအမြစ်တွေမလုံလောက်တော့ဘဲ […]

လိုချင်တဲ့ပန်းတိုင်ကိုရောက်ဖို့ စားချင်စိတ်ကို ချိုးနှိမ်ပြီးအောင့်အည်းရတဲ့ ဝက်ကလေးတို့ရဲ့ဒုက္ခကို ကြုံဖူးမှသိမှာပါ။ သူများလိုပဲ ဆာတတ်ပေမယ့် စားလိုက်ရင် ဝိတ်ပိုတက်မှာစိုးပြီး မစားရဲ၊ ကယ်လိုရီနဲ့အဆီလည်းမများ ဗိုက်လည်းပြည့်မယ့်စားစရာကိုရွေးရ၊ စားသင့်တဲ့အချိန်ကလည်းတွက်ရသေးတယ်။ အဆီချမဟာစီမံကိန်းကြီးမှာ တဖြုတ်ဖြုတ်နဲ့ ကျရှုံးနေကြတဲ့ သူတွေအတွက် စင်ကာပူသုတေသနပညာရှင်တွေက နည်းလမ်းတစ်ခု အသစ်တီထွင်ပေးလိုက်ပါပြီနော်။ Nanyang Technological University နဲ့ National University Health System (NUHS) တို့ရဲ့သုတေသီအဖွဲ့က အဝလွန်သူတွေအတွက်ဆေးတောင့်တစ်မျိုးကို ရှေ့ပြေးပုံစံ တီထွင်ဖန်တီးခဲ့ပါတယ်။ EndoPil လို့အမည်ပေးထားတဲ့ ဒီဆေးတောင့်မှာ အစာအိမ်ထဲရောက်သွားတာနဲ့ ပြင်ပကသံလိုက်နဲ့ချိတ်ဆက်ပြီး အလိုအလျောက်ပြန့်ကားလာမယ့် ပူဖောင်းတစ်ခုပါရှိပါတယ်။ ဒီလို အစာအိမ်ထဲမှာ သူကနေရာယူထားတဲ့အတွက် သိပ်မဆာတော့ဘဲ ဗိုက်ပြည့်တင်းတိမ်နေစေပါလိမ့်မယ်။ဆေးတောင့်ထဲမှာပါတဲ့ အန္တရာယ်မရှိတဲ့အက်စစ်တစ်မျိုးနဲ့ဆားကို သံလိုက်နဲ့နှိုးဆွဓါတ်ပြုစေပြီး ပူဖောင်းထဲမှာ ကာဗွန်ဒိုင်အောက်ဆိုဒ်တွေပြည့်စေတာပါ။ လက်ရှိမှာ အဝလွန်လူနာတွေနဲ့ ခွဲစိတ်မှုလုပ်ဆောင်လို့မဖြစ်တဲ့ နာမကျန်းသူတွေအတွက် အစာအိမ်အတွင်းပူဖောင်းထည့်သွင်းတဲ့ကုသနည်းက ရှိနေပြီးသားဖြစ်ပါတယ်။ အဲဒီနည်းမှာဆို လူနာကို စိတ်ငြိမ်ဆေးပေးပြီး […]

နေရောင်ခြည်ကနေပဲအများဆုံးရရှိနိုင်တယ်ဆိုတဲ့ ဗီတာမင်ဒီရဲ့ကောင်းကျိုးတွေအကြောင်း၊ ဗီတာမင်ဒီ ချို့တဲ့ရင်ဖြစ်လာနိုင်တဲ့ပြဿနာတွေအကြောင်း လူသိများလာတဲ့အခါ ဗီတာမင်ဒီကိုဖြည့်စွက်အားဆေးအဖြစ်သောက်သုံးတာခေတ်စားလာပါတယ်။ ဆရာဝန်ညွှန်ကြားချက်နဲ့ ပမာဏမှန်ကန်အောင်သောက်သုံးတာဘာမှမဖြစ်ပေမယ့် ကိုယ့်သဘောနဲ့ကိုယ် အားဆေးတွေသောက်ကြတဲ့အခါ ကွိုင်တက်ပါတော့တယ်။ ဘာလို့ဆို ဗီတာမင်ဒီဟာ တန်ဆေးလွန်ဘေးဆိုတဲ့စကားကို အတိအကျသက်သေပြတဲ့ဓါတ်ဖြစ်နေလို့ပါပဲ။ တစ်နေ့တာ ရရှိသင့်တဲ့ ပမာဏထက်ကျော်လွန်သွားရင် ဒါမှမဟုတ်ကျော်လွန်တာကြာနေရင် ခန္ဓါကိုယ်မှာ ဆိုးကျိုးအန္တရာယ်ပိုများနိုင်တယ်ဆိုတာ မမေ့သင့်ပါဘူး။ ဥပမာ ဗီတာမင် ဒီအားဆေးကိုတစ်နေ့တစ်လုံးသောက်နေတယ်ထား၊ အရိုးအားဆေး၊ မာလ်တီဗိုက်တာမင်အားဆေး၊ အသည်းအားဆေး စသည်ဖြင့် အမည်တပ်တပ်ပြီး ဗီတာမင်အစုံပါတဲ့တခြားအားဆေးတွေ(ဗီတာမင်ဒီအပါအဝင်)ကို နှစ်မျိုးလောက်ထပ်သောက်လိုက်ရင်ပဲ ဗီတာမင်နဲ့သတ္တုဓါတ်တွေလိုတာထက်ပိုတော့မှာပါ။ ဒီဓါတ်တွေအကုန်လုံးဟာ ခန္ဓါကိုယ်ကြီးလည်ပတ်ရှင်သန်နိုင်ဖို့ မရှိမဖြစ်လိုအပ်တဲ့အာဟာရဓါတ်တွေဖြစ်ပေမယ့် လိုအပ်တဲ့ပမာဏထက် မလွန်ကဲနေသင့်ပါဘူး။ ဗီတာမင် ဒီလွန်ကဲရင် အရင်ဆုံးပျက်စီးမှာကျောက်ကပ်ပါပဲ။ လတ်တလောအဖြစ်ဆုံးသာဓကတစ်ခုကိုပြရရင် ကနေဒါအမျိုးသားတစ်ယောက်ဟာ တစ်နေ့တာသောက်သုံးသင့်တဲ့ ဗီတာမင် ဒီပမာဏထက် ၁၂ ဆ ပိုသောက်မိလို့ကျောက်ကပ်ပျက်စီးခဲ့ရပါတယ်။ သူဟာ သဘာဝကုထုံးပညာရှင်တစ်ယောက်ရဲ့အကြံပြုချက်နဲ့ ဗီတာမင်ဒီ ပမာဏအများကြီးကိုနေ့တိုင်းသောက်ခဲ့တာ နှစ်နှစ်ခွဲရှိခဲ့ပါပြီတဲ့။ အသက် ၅၄ နှစ်ရှိပြီဖြစ်တဲ့ အဲဒီအမျိုးသားက […]

နေအိမ်ကို သပ်သပ်ရပ်ရပ်လေးထားရတာက စိတ်ကျေနပ်မှုရစေတဲ့ အချက်တစ်ခုပါ။ အပြင်ကပြန်လာလို့ အိမ်ကလေး ရှင်းပြီး သပ်ရပ်နေရင် စိတ်ထဲမှာ ကြည်လင်နေတယ်နော်။ ဖုန်လေးတွေကင်းပြီး သပ်ရပ်နေတဲ့ အိမ်လေးကစိတ်ကျေနပ်မှုအပြည့်အဝရစေတာမှန်ပေမယ့် တစ်ခါတလေ ဖုန်ထူနေတာကလည်း ကျန်းမာရေးအတွက်ကောင်းပါတယ်နော်။ ဖုန်ထူနေတာကကောင်းတယ်လို့ပြောရတဲ့ အကြောင်းအရင်း လေ့လာမှုအသစ်တစ်ရပ်အရ သိရှိရတာက အိမ်မှာထူနေတဲ့ဖုန်တွေမှာရှိနေတဲ့ ဘက်တီးရီးယားလေးတွေက ပတ်ဝန်းကျင်လေထုထဲမှာရှိနေတဲ့ ကင်ဆာဖြစ်စေတဲ့ ဓါတုပစ္စည်းတွေကို တိုက်ဖျက်ပေးနိုင်တယ်လို့တွေ့ရှိခဲ့ရပါတယ်။ ဖုန်တွေက အန္တရာယ်ရှိစေနိုင်တယ်ဆိုပေမယ့် ကင်ဆာဖြစ်စေတဲ့ အရာတေါကိုတော့ တိုက်ဖျက်နိုင်စွမ်းရှိနေပါတယ်။ နေထိုင်ရာ အိမ်ထဲကနေရာအနှံ့အပြားမှာ မျက်စိနဲ့ မမြင်ရတဲ့ရောဂါပိုးတွေအများကြီးရှိနေပါတယ်။ရောဂါပိုးတိုင်း ကအန္တရာယ်ရှိတယ်လို့ မဆိုသာပေမယ့် အချို့သောရောဂါပိုးတွေကတော့ ကျန်းမာရေးကိုထိခိုက်စေနိုင်ပါတယ်။ သွားပွတ်တံထည့်တဲ့ခွက်တွေ၊ ပန်းကန်ဆေးတဲ့ရေမြှုပ် ကနေစလို့ အိမ်သုံးပစ္စည်းတော်တော်များများမှာ မျက်စိနဲ့မမြင်နိုင်တဲ့ရောဂါပိုးမွှားလေးတွေ အများအပြားရှိနေတတ်ပါတယ်။ ဒီလိုရောဂါပိုးတွေထဲကမှာ အိမ်ထဲမှာရှိနေတဲ့ ဖုန်မှုန့်တွေထဲမှာ ရှိနေတဲ့ သာမန်မျက်စိနဲ့ မမြင်နိုင်တဲ့Staphylococcusနဲ့Streptococcus တို့လိုဘက်တီးရီးယားတွေက ကိုယ်ခံအားနည်းနေသူတွေအတွက် ရန်သူဖြစ်နေပေမယ့် ကိုယ်ခံအားသာကောင်းနေမယ်ဆိုရင် ကင်ဆာမဖြစ်အောင် ကာကွယ်ပေးတဲ့ မိတ်ဆွေလေးတွေဖြစ်စေမှာ […]

ကြင်နာစိတ်ကြီးသူတွေ၊ရောဂြါဖစ်မှာကိုကြောက်တတ်သူတွေက အနီရောင်အသားတွေကိုရှောင်ကြတာများတယ်နော်။ အနီရောင်အသားစားတာများရင် အူမကြီးကင်ဆာဖြစ်တတ်တယ်။ရောဂါတွေတိုးစေတယ်ဆိုတာကိုး။ ဒီလိုပြောဆိုမှုတွေက လူတော်တော်များများကို အနီရောင်အသားတွေကိုရှောင်သွားစေပါတယ်။ ဒီအလေ့အထကတကယ်ကောကျန်းမာရေးကိုအထောက်အကူပြုရဲ့လား။ ခန္ဓါကိုယ်ဆိုတာကလည်း ထိုက်သင့်တဲ့ အာဟာရပြည့်ဝပါမှ ကျန်းမာမှာပါ။ အနီရောင်အသားစားသုံးမှုနဲ့ပတ်သက်တဲ့ လေ့လာမှုတစ်ရပ် အနီရောင်အသား စားသုံးမှုများတာ၊ပြုပြင်ထားတဲ့အသားတွေစားတာကရောဂါတွေဖြစ်စေနိုင်တယ်လို့တော်တော်များများကသိထားပြီးသားပါ။ မကြာသေးခင်ကလုပ်ခဲ့တဲ့လေ့လာမှုတစ်ရပ်အရတော့ ဒီအစားအစာတွေကိုလျှော့စားတာကလည် အသက်တိုစေနိုင်ပါတယ်တဲ့နော်။ အရာရာက တန်ဆေးလွန်ဘေးဆိုသလိုပေါ့။ ကမ္ဘာတလွှားမှာ အနီရောင်အသားတွေဖြစ်ကြတဲ့ အမဲသား၊ ဆိတ်သား၊ သိုးသားနဲ့ ဝက်သားအပါအဝင် ကြက်သား၊ဘဲသားတွေကို စားသုံးမှုနှုန်းကပြီးခဲ့တဲ့နှစ်ပေါင်း ၅၀ အတွင်း ဖွံ့ဖြိုးပြီးနိုင်ငံတွေမှာရော ဖွံ့ဖြိုးဆဲနိုင်ငံတွေမှာရောတော်တော်လေးများလာခဲ့ပါတယ်။ ဒီလိုမြင့်မားလာတဲ့ စားသုံးမှုကပဲလေ့လာသူတွေကို အနီရောင်အသားစားသုံးမှုများတာက ကျန်းမာရေးအပေါ်ဘယ်လိုသက်ရောက်မှုတွေရှိလဲဆိုတာကိုလေ့လာဖို့တွန်းအားဖြစ်စေခဲ့ပါတယ်။ ၂၀၁၁ ခုနှစ်ကလေ့လာခဲ့တဲ့လေ့လာမှုအရကတော့ အနီရောင်အသားနဲ့ ပြုပြင်ထားတဲ့ အသားတွေစားသုံးမှုများသူတွေက အသက်တိုနိုင်တယ်လို့တွေ့ရှိခဲ့ပါတယ်။ ဒီလိုရလဒ်ကလေ့လာမှုတစ်စုံတရာမရှိဘဲ အနီရောင်အသားနဲ့ပြုပြင်ထားတဲ့ အသားတွေကိုလျှော့စားရင် အသက်ရှည်မယ်ရောဂါကင်းမယ်ဆိုတဲ့ ယူဆလက်ခံချက်ကိုဖြစ်စေခဲ့ပါတယ်။ အနီရေင်အသာနဲ့ပြုပြင်ထားတဲ့ အသားဆားနယ်၊ ဝက်ပေါင်ခြောက်တို့လိုမျိုး အသားတွေကို စားမယ်ဆိုရင် ဆီးချိုရောဂါ ၊နှလုံးရောဂါနဲ့ ကင်ဆာရောဂါတွေကို ခံစားရစေနိုင်တယ်ဆိုတော့ ကျန်းမာရေးထိခိုက်မှာ စိုးတာကြောင့် […]

အမျိုးသမီးတွေကိုဆို အသက်ကြီးမှအိမ်ထောင်ကျရင် သားသမီးယူဖို့နောက်ကျလိမ့်မယ်၊ မွေးရခက်လိမ့်မယ်၊ ကလေးရဲ့ဖွံ့ဖြိုးမှုမှာ ထိခိုက်မှုရှိလိမ့်မယ်ဆိုပြီးစိုးရိမ်ကြလေ့ရှိပါတယ်။ မမွေးနိုင်မှာ ၊ မိခင်နဲ့ကလေးရဲ့ကျန်းမာရေးကိုအန္တရာယ်ရှိစေမှာကို စိုးရိမ်ကြလို့ မိခင်လောင်းအသက်ကြီးနေမှာကို မဖြစ်စေချင်ကြပါဘူး။ ဒါပေမယ့် အမျိုးသားတွေကျ ဘယ်လောက်အသက်ကြီးကြီး ကလေးယူဖို့ စိုးရိမ်ပူပန်မှုသိပ်မရှိကြဘူး။ ဒါပေမယ့် မကြာသေးခင်က သုတေသနတွေ့ရှိချက်အရ လမစေ့ဘဲကလေးမွေးဖွားခြင်း၊ ကလေးပေါင်မပြည့်ခြင်း၊ အတက်ရောဂါပါလာခြင်း ဖြစ်နိုင်ခြေတို့ အပြင် မိခင်လောင်းမှာ ကိုယ်ဝန်ဆောင်ဆီးချိြုဖစ်နိုင်တဲ့အန္တရာယ်ဖြစ်လာနိုင်တဲ့ အန္တရာယ်ပိုများစေနိုင်တယ်လို့ သိရပါတယ်။ BMJဆေးသုတေသနဂျာနယ်မှာ ဖော်ပြခဲ့တဲ့ သုတေသနအရ အသက် ၄၅ နှစ်အထက်ရှိတဲ့ ဖခင်တွေရဲ့ မွေးဖွားလာတဲ့ကလေးတွေမှာ ၁၂ ရာခိုင်နှုန်းလောက်က ဆိုးကျိုးသက်ရောက်မှုရှိတယ်လို့ ဆိုပါတယ်။ Stanford University School Of Medicine မှ ဒေါက်တာ Michael LEisenberg နဲ့အဖွဲ့ကဒီသုတေသနကို ဦးဆောင်လေ့လာခဲ့တာပါ။ အသက် ၂၀နဲ့ ၃၀ ဝန်းကျင်မှာ ဖခင်ဖြစ်တဲ့သူတွေထက်စာရင် ၄၅ […]

အိမ်သုံးပစ္စည်းတွေမှာကပ်ငြိနေတဲ့ ဖုန်မှုန့်တွေဟာ အဆီဆဲလ်တွေဖြစ်တည်မှုကို အရှိန်မြှင့်တင်ပေးနိုင်တဲ့ ဓါတုပစ္စည်းပေါင်းများစွာရဲ့ခိုအောင်းရာဖြစ်နေနိုင်တယ်လို့ သုတေသနပညာရှင်တွေကဖော်ပြလာပါတယ်။ ဒီတော့ ဖုန်တလူးလူးနဲ့ အိမ်မရှင်းဘဲနေကြတဲ့ အစ်ကိုအစ်မတို့ ပိုဝလာဖို့ လမ်းကြောင်းမြင်နေပါတယ်နော်။ မကြာသေးခင်နှစ်တွေတည်းကendocrineဟော်မုန်းရဲ့လုပ်ဆောင်ချက်ကို အနှောင့်အယှက်ဖြစ်စေနိုင်တဲ့ ဓါတုပစ္စည်းတွေရဲ့သက်ရောက်မှုအကြောင်းကို သုတေသီတွေက စိုးရိမ်ခဲ့ကြပါတယ်။ ဒီဓါတ်ပစ္စည်းတွေက တစ်ခါတလေ အိမ်သန့်ရှင်းရေးပစ္စည်းတွေမှာပါဝင်တတ်ပြီးနေ့စဉ်သုံးနေကျအရာတွေမှာတောင် ရှိနေတတ်ပါတယ်။ ပလတ်စတစ်ပစ္စည်းအများစုမှာက ခုနလိုendocrine-disruptingဟော်မုန်းတွေဖြစ်တဲ့phthalatesတွေပါလေ့ရှိပါတယ်။ ဒီဓါတုပစ္စည်းတွေက သန္ဓေမရနိုင်ခြင်း၊ အသည်းရောဂါ၊ ကင်ဆာနဲ့ ကလေးအဝလွန်ခြင်းတွေနဲ့ဆက်နွှယ်နေတယ်လု့ိလေ့လာတွေ့ရှိခဲ့ပြီးနောက်ပိုင်း သူတို့ကို လူ့ကျန်းမာရေးအန္တရာယ်တွေအဖြစ်နဲ့ သုတေသီတွေက သတိပေးခဲ့ပါတယ်။ အခုသုတေသနမှာတော့Duke University ရဲ့Nicholas School of the Environmentမှ ပါရဂူဘွဲ့ရChristopher Kassotisအဖွဲ့ကလေ့လာတွေ့ရှိခဲ့တာပါ။ အိမ်ထဲကဖုန်တွေကြောင့် အဆီဆဲလ်တွေပိုဖြစ်လာစေတာ ဘာကြောင့်လဲဆိုတော့ အဲဒီဖုန်တွေမှာendocrine-disrupting ဓါတုပစ္စည်းတွေပါနေလို့ပါပဲ။   သုတေသနမှာမြောက်ကယ်ရိုလိုင်းနားရှိနေအိမ် ၁၉၄ လုံးဆီက ဖုန်မှုန့်နမူနာတွေကို စုဆောင်းခဲ့ပြီး လူ့ကျန်းမာရေးအပေါ် ဖုန်မှုန့်တွေရဲ့ဓါတုသက်ရောက်မှုတွေကိုလေ့လာခဲ့ပါတယ်။ အဲဒီဖုန်မှုန့်တွေထဲက ဓါတ်ပစ္စည်းတွေရဲ့အာနိသင်ကိုစမ်းသပ်ခဲ့ပြီး အဆီဆဲလ်တွေအပေါ်သက်ရောက်မှုကို ဦးစားပေးလေ့လာဆန်းစစ်ခဲ့ပါတယ်။ ဒီဖုန်မှုန့်တွေထဲမှာပါဝင်တဲ့ ဓါတုပစ္စည်းက ပမာဏအရမ်းနည်းနေရင်တောင် အဆီဆဲလ်တွေဖြစ်ပေါ်မှုကိုမြှင့်တင်ပေးနိုင်တယ်လို့လေ့လာမှုရလဒ်တွေကဖော်ပြနေပါတယ်။ သုတေသနအတွင်းမှာ […]

စိတ်တွေ ဖိစီးလိုက်တာ၊ အလုပ်တွေကလည်း ဒီလောက်လုပ်နေတာတောင် မပြီးဘူးဆိုတဲ့ လေဒီလေးတွေ များရှိလား။ ဒါဆိုရင်တော့ ပြောစရာတစ်ခုရှိလာပါပြီနော်။ ဒါကတော့ အလုပ်တွေကို တအားဖိလုပ်နေလို့ စိတ်ဖိစီးနေတာ ဖြစ်နိုင်တယ်ဆိုတဲ့အချက်တစ်ခုပါ။ စိတ်ဖိစီးမှုများလာတဲ့အခါ အလုပ်တွေကိုကောင်းကောင်းမလုပ်နိုင်တော့ပါဘူး။ အာရုံစူးစိုက်မှုကလည်း ကျလာပါတယ်နော်။ နောက်ဆို စိတ်ဓာတ်ကျ တဲ့အထိ  ဖြစ်လာမှာပါ။ အလုပ်ချိန်များများလုပ်လေ စိတ်ဓာတ်ကျလေလေပါ အလုပ်စားပွဲမှာ တစ်ချိန်လုံးထိုင်နေရတာက ခက်ခဲပင်ပန်းပါတယ်။ တစ်နေ့တာမှာ ၈ နာရီထက်ကျော်ပြီး အလုပ်စားပွဲမှာ ထိုင်နေရတာက အချိန်ကြာလာတာနဲ့အမျှ စိတ်ဖိစီးမှုက ပိုလာနိုင်ပါတယ်။ ဒီခံစားချက်က စိတ်ခံစားမှုသက်သက်ပဲတော့ မဟုတ်ပါဘူး။ လေ့လာချက်တွေအရလည်း အမျိုးသမီးတွေဟာ အလုပ်ချိန်များများ အလုပ်လုပ်လေလေ စိတ်ဖိစီးမှုပိုများလာလေလေလို့ တွေ့ရှိထားရပါတယ်။ သုတေသီတွေက လေ့လာမှုအတွင်း အလုပ်လုပ်နေတဲ့ အမျိုးသမီးတွေကို လေ့လာခဲ့ပါတယ်။ ဒီလေ့လာမှုအရ တစ်ပတ်မှာ အလုပ်ချိန် နာရီ ၄၀ ထက် အလုပ်လုပ်တဲ့ အမျိုးသမီးတွေထက် တစ်ပတ်မှာ […]

တီဗီမထတမ်းကြည့်တာ ပုံမှန်လိုဖြစ်နေရင် ဉာဏ်ထိုင်းစေတယ်လို့ သုတေသနတစ်ခုကပြောပါတယ်။ ဇာတ်လမ်းတွဲကြိုက်သူတွေအတွက် စိုးရိမ်စရာပါနော်။ ကြိုက်ပြီဆို အစအဆုံးအခွေဝယ်ပြီး တစ်ပိုင်းပြီးတစ်ပိုင်း မပြီးမချင်း ဇွဲကောင်းကောင်းနဲ့ကြည့်ကြတာလေ။ ရုပ်သံလိုင်းပေါင်းစုံ အိမ်မှာတပ်ထားရင် ပိုဆိုး၊ အားတာနဲ့ တီဗီရှေ့ထိုင်တတ်တဲ့ အိမ်ကလူတွေတော့ ဒုက္ခပါပဲ။ သုံးနာရီခွဲထက်ကျော်ပြီး တီဗီမထတမ်းကြည့်တာ ပုံမှန်အကျင့်ဖြစ်နေသူတွေဟာ အသက်ကြီးလာတာနဲ့အမျှ ဘာသာစကားနဲ့ မှတ်ဉာဏ်ပိုင်းမှာ စွမ်းရည်ကျဆင်းလာနိုင်တယ်လို့ သုတေသနက ဆိုပါတယ်။ တီဗီဘယ်လောက်ကြိုက်ကြိုက် ကိုယ့်ဦးနှောက်ကိုထိခိုက်မယ်ဆိုရင်တော့ပြန်စဉ်းစားဖို့၊ ဆင်ခြင်ဖို့လိုပါတယ်နော်။ ဗြိတိန်ရဲ့University College London မှ ပါမောက္ခDaisy Fancourt ဦးဆောင်တဲ့ ဒီသုတေသနအကြောင်းကိုScientific Reports ဂျာနယ်မှာဖော်ပြခဲ့တာပါ။ ဒီသုတေသနမှာ အသက် ၅၀ နဲ့အထက်အရွယ် ၃၆၆၂ ဦးနဲ့ပတ်သက်တဲ့ အချက်အလက်တွေကိုလေ့လာဆန်းစစ်ခဲ့ကြတာပါ။ သူတို့တွေရဲ့ တစ်နေ့တာမှာ တီဗီဘယ်လောက်ကြည့်သလဲဆိုတာ မှတ်တမ်းတင်ပြီး သူတို့ရဲ့ စဉ်းစားတွေးတောနိုင်စွမ်းနဲ့ ဆင်ခြင်ဆုံးဖြတ်နိုင်စွမ်းတွေကို ဆန်းစစ်ခဲ့ပါတယ်။ သူတို့တွေရဲ့ ၂၀၀၈ နဲ့ […]