အသက်ရှူလမ်းကြောင်းကျန်းမာရေး

အအေးမိ တုပ်ကွေးလို့ လူတွေပြောလေ့ရှိတာဆိုတော့ တုပ်ကွေးဆိုတာက သိပ်ပြင်းထန်တဲ့ရောဂါတစ်ခုမဟုတ်ဘူးလို့ လူတွေထင်စရာရှိပါတယ်။ တကယ်တမ်းက ရာသီအလိုက်အဖြစ်များလေ့ရှိတဲ့တုပ်ကွေးအပျော့စားကြောင့်သာ တုပ်ကွေးဆိုတာက သိပ်မပြင်းထန်တဲ့ရောဂါတစ်ခုလို့ ထင်မြင်ရတာပါ။ တကယ်တမ်းမှာတော့ အရမ်းပြင်းထန်တဲ့တုပ်ကွေးဗိုင်းရပ်စ်ေတွလည်း ရှိပါတယ်။ ဒီဆောင်းပါးမှာတော့ အသက်သေဆုံးသည်အထိ ပြင်းထန်နိုင်တဲ့တုပ်ကွေးတွေအကြောင်းကို ပြောပြပေးသွားမှာပါ။ တုပ်ကွေးဘာကြောင့်ဖြစ်ရတာလဲ တုပ်ကွေးဆိုတာ Influenza လို့ခေါ်တဲ့ ဗိုင်းရပ်စ်ပိုးကြောင့်ဖြစ်ရတာပါ။ သူက အဓိကအားဖြင့် အသက်ရှူလမ်းကြောင်းကို ဒုက္ခပေးတာဖြစ်ပါတယ်။ အဖြစ်များတဲ့ လက္ခဏာတွေကတော့ ကိုယ်အပူချိန်တက်ပြီး ဖျားတာ၊ လည်ချောင်းနာတာ၊ ကိုယ်လက်ကိုက်ခဲတာ၊ နှာစေး၊ချောင်းဆိုးတာ တွေ ဖြစ်ပါတယ်။ တုပ်ကွေး ဘယ်နှစ်မျိုးရှိလဲ Influenza Virus ကို A, B, C ဆိုပြီး အုပ်စု ကြီး၃ခုခွဲလို့ရပါတယ်။ Influenza Virus A Influenza A ဗိုင်းရပ်စ်ကို Avian Influenza ( Bird Influenza) လို့ လူသိများပါတယ်။ Influenza […]

စကားပြောတာ နှာသံတွေပေါက်နေရော ဖျားနေတာလားလို့ ကိုယ့်ကို ဂရုစိုက်တဲ့သူတွေမေးတာမျိုးခံရဖူးမှာပေါ့။ သူတို့တော့နားထောင်ကောင်း၊မကောင်းမသိ ကိုယ်တိုင်ကတော့ နှာသံနဲ့စကားပြောရတာကို စိတ်ပျက်နေပြီ။ အသံတင်ပြောင်းတာမဟုတ် တစ်သျှူးအလိပ်လိုက် အထုပ်လိုက်ဘေးနားထားထိုင်နေရ သွားလာနေရတာ အတော်လေးတော့အလုပ်ရှုပ်တယ်နော်။ မလုပ်လို့လည်းမဖြစ် အရွယ်ကရောက်နေပြီ နှပ်ချေးတစ်ရှုံ့ရှုံ့လုပ်နေလို့မဖြစ်တော့ စိတ်ညစ်ပေမယ့် အချိန်ပြည့် နှပ်ညှစ်နေရတယ်လေနော်။ နှာစေးတာကြောင့် အလုပ်ရှုပ်တာက ဒီလောက်နဲ့ပဲပြီးသွားတာတော့မဟုတ်ပါဘူး။ တစ်နေကုန်နှပ်ညှစ်နေရတယ်။ အိပ်ခါနီးကျတော့ နှာခေါင်းပိတ်လို့ကောင်းကောင်းအိပ်မရဘူး။ ဒီပြဿနာရဲ့ အရင်းခံတွေကို သိထားမယ်ဆိုရင်ရှောင်ရှားဖို့လွယ်သွားမှာပေါ့နော်။ ဒီတော့ နှာစေးနှာပိတ်ဖြစ်စေတဲ့အကြောင်းအရင်းလေးတွေများ မသိချင်ဘူးလား။ နှာစေးတယ်ဆိုတာ နှာစေးတယ်ဆိုတာက နှာခေါင်းထဲမှာရှိတဲ့ တစ်ရှုးတွေနဲ့ နှာခေါင်းနဲ့ ကပ်လျက်ရှိနေတဲ့ တစ်ရှုးတွေ၊ နှာခေါင်းသွေးကြောတွေက ပိုလျှံနေတဲ့ ချွဲသလိပ်တွေကို ခန္ဓာကိုယ်ပြင်ပကို ထုတ်လွှတ်လိုက်တာပါ။ ဒီလိုထွက်လာတဲ့ ချွဲသလိပ်တွေက အရည်ကြည်ကြည်တွေကနေစလို့ ခပ်ပျစ်ပျစ်ချွဲတွေအထိ အမျိုးမျိုးဖြစ်နိုင်ပါတယ်။ ဒီအချက်တွေကြောင့် နှာစေးနိုင်ပါတယ် နှာစေးရတဲ့အကြောင်းအရင်းက တစ်ခုမကရှိနေနိုင်ပါတယ်။ အခုပြောပြတဲ့အချက်တွေကြောင့် နှာစေးတဲ့ဝေဒနာကို ခံစားရနိုင်ပါတယ်။ sinus infection ရှိတာ […]

ရာသီဥတုက ပူလိုက်အေးလိုက်နဲ့ မတည်ငြိမ်တဲ့အခြေအနေမှာ ဖျားနာလွယ်၊နေမကောင်းဖြစ်လွယ်ကြပါတယ်။ ကျောင်းမှာ၊ အိမ်မှာ၊ ရုံးမှာ တစ်ယောက်ကစဖြစ်လိုက်ရင်လည်း လိုက်မဖျားရင်တောင်မှ နှာချေ၊နှာစေးတာလောက်တော့ ကူးတတ်ကြပါတယ်။ အအေးမိ၊တုပ်ကွေးရောဂါပိုးတွေဆိုတာက အသက်ရှူလမ်းကြောင်းကနေ ကူးစက်တတ်တဲ့သဘာဝဖြစ်နေတော့ တစ်နေရာတည်းမှာအတူရှိနေတဲ့သူအချင်းချင်း လက်ဆင့်ကမ်းကြတာမဆန်းပါဘူး။ အရေးကြီးတာက ကိုယ့်မှာတုပ်ကွေးဖြစ်လာရင် သူများကိုမကူးစက်စေဖို့ ဆင်ခြင်နေထိုင်ဖို့ရယ်၊ ကိုယ့်ရောဂါကိုမြန်မြန်ပျောက်ကင်းအောင်နေတတ်ထိုင်တတ်ဖို့ရယ်၊ ကုသမှုကို တလေးတစားလိုက်နာဖို့ရယ်ပဲလိုပါတယ်။ ဒါပေမယ့်ကုသမှုကိုလိုက်နာတာ၊ သူများကိုမကူးအောင်နေတာ ဂရုစိုက်နိုင်တယ်ထားဦး။ ကိုယ့်ရဲ့ကျန်းမာရေးအသိကမှားယွင်းနေရင် ဒါမှမဟုတ် မှားယွင်းနေတာကို မသိရင် မလိုအပ်ဘဲရောဂါတာရှည်နိုင်တာ သတိထားသင့်ပါတယ်။ တစ်ယောက်ယောက် နေမကောင်းဖြစ်ရင် အရင်ဆုံးပြောတတ်ကြတာကနွေးနွေးထွေးထွေးနေနော်၊ အနွေးထည်ဝတ်ထား၊လေတိုက်မခံနဲ့ စသည်ဖြင့်။ ဒါ့ကြောင့် ဖျားပြီဆို အနွေးထည်လေးဝတ်၊စောင်လေးခြုံပြီးကွေးလိုက်တာ ထကိုမထတော့ပါဘူး။စောင်အထူကြီးခြုံ၊ အနွေးထည်အထူကြီးဝတ်ပြီးချွေးတွေထွက်လာရင် အဖျားကျတယ်၊ သက်သာတယ်ထင်ကြပါတယ်။ တကယ်တမ်းကျ အနွေးထည်နဲ့စောင်အထူကြီးတွေအောက်မှာ ချွေးတွေအထွက်များပြီးပြန်အအေးပတ်သွားတာမျိုးဖြစ်နိုင်ပါတယ်။ပြီးရင် အဖျားပြန်တက်လာတာချည်းပါပဲ။ ချွေးစို့လာရင် အဖျားကျတယ်ဆိုတာ အတန်အသင့် ချွေးထွက်ခြင်းကအရေပြားကိုအေးမြစေပြီး ခန္ဓာကိုယ်အပူချိန်ကို ကျစေလို့ပါ။ ဒါပေမယ့်အရမ်းပူလှောင်ပြီး ချွေးထွက်အရမ်းများတာမကောင်းပါဘူး။ အဖျားတက်လို့ချမ်းတုန်နေချိန်နွေးထွေးအောင်နေတာက လူနာကိုသက်တောင့်သက်သာရှိစေဖို့၊ […]

အဲယားကွန်းဆိုတာ ယနေ့ခေတ်လူနေမှုဘဝမှာ မရှိမဖြစ် အသုံးပြုနေရတဲ့ အရာတစ်ခုဖြစ်တယ်။ အဲယားကွန်းကို ဇိမ်ခံပစ္စည်း အဖြစ် သတ်မှတ်ထားကြပြီး အိမ်၊ကုန်တိုက်၊ ဆေးရုံဆေးခန်း ၊ အလုပ်၊ ကား အားလုံးအားလုံး နီးပါးတွင် အဲယားကွန်း သည် မရှိမဖြစ်ပေ။ အဲယားကွန်းနဲ့ ထိတွေရတာ နေ့တိုင်းအချိန်တိုင်း နီးပါးဖြစ်လာတော့ ကြာလာရင် ကျန်းမာရေး အတွက် ဘာတွေဖြစ်လာနိုင်သလဲ။ အတွင်းပိုင်းကျန်းမာရေးကို မထိခိုက်စေပေမယ့် အပြင်ပိုင်း အသားရေ က အဲယားကွန်းနဲ့ တိုက်ရိုက်ထိတွေ့ရတာဆိုတော့ အပြင်ပိုင်း အသားရေ ထိခိုက်နိုင်ဖို့က ပိုများတာပေါ့နော့်။ လူ့ပတ်ဝန်းကျင် အတွက် အဲကွန်းက ကောင်းတာရော ဆိုးတာကိုရော ဖြစ်စေတယ်ဆိုတော့ ဘာတွေဖြစ်နိုင်လဲ ဆိုတာ ကြည့်ရအောင်။ အဲယားကွန်းရဲ့ ကောင်းကျိုးတွေ။ အကောင်းဆုံး အားသာချက်တစ်ခုကတော့ နွေရာသီဆို အဲ့ယားကွန်းက မရှိမဖြစ်ပဲလေ။ ရာသီဥတု ပူတဲ့ အချိန်ဆို […]

“ညက အမေ အမောဖောက်လာလို့ဆေးရုံတင်လိုက်ရတယ်။” “ဘာဖြစ်တာတဲ့လ ဲ” “အရင်ထဲကတော့ရင်ကျပ်ရှိတာပဲ။ အခုကျ သွေးတိုး ဆီးချိုပါ ပါနေတယ်ပြောတယ်။ ရင်ကြပ်အတွက် စပ်ဆေးတေ ွ သောက်လို့ဖြစ်တယ်ပြောတာပဲ” “ဆရာဝန်တေ ွက တော့အရင်ဆေးရုံအခေါက်တေ ွ ဆေးရုံတက်ကတည်းက ရှူဆေးသုံးဖို့ပြောနေတာ၊ အမေက ကြောက်လို့မရှူတာ၊ ရှူဆေးတေ ွက နောက်ဆုံးအဆင့်ဆိုပြီးတော်လေ” “ရှူဆေးက အဲ့လောက်ဆိုးကျိုးမရှိဘူးတ ဲ့၊ အခုဆေးရုံကဆင်းရင်တော့ရှူခိုင်းမှရမယ်။” “ဟုတ်တယ်၊ အမေ့တုန်းကလည်း အစက မရှူဘဲနေတာ၊ နောက်ပိုင်း ဆရာဝန်က အတင်းတိုက်တ ွန်းလို့ ရှူဖြစ်သွားတာ၊ အခုတော့လည်း အဆင်ပြေတယ်။ ကြားက ပြောင်းလေးတော့ခံရှူရတယ်။ အမေက ဒီတိုင်းမရှူနိုင်တော့လေ။” ရင်ကြပ်ရောဂါသည်၏ လူနာစောင့်များ ပြောနေကြခြင်းဖြစ်သည်။ ရင်ကျပ်ရောဂါ ရင်ကျပ်ရောဂါများဟုလူသိထားကြသော ရောဂါများထဲတ ွင်ပန်းနာရင်ကြပ်(Brochial asthma) နှင့်လေပြွန်ရောင်ရင်ကျပ်ရောဂါ (COPD) ဟူ၍ အဓိက နှစ်မျိုးရှိပါသည်။ ပန်းနာရင်ကျပ်သည်အများအားဖြင့်အသက်ငယ်ငယ်ကတည်းက စဖြစ်လေ့ဖြစ်ထရှိသည်။ ဓါတ်မတည့်ခြင်း၊ မျိုးရိုးရှိခြင်းတို့နှင့်သက်ဆိုင်တတ်သည်။ ဓါတ်မတည့်ခြင်းဟုဆိုရာတ ွင် အနံ့ထူးထူးဆန်းဆန်းများ (အမွှေးနံ့သို့မဟုတ်အနံ့ဆိုး)၊ ဆေးလိပ်ငွေ့၊ အမွှေးတိုင်၊ ခြင်ဆေးခွေမှထ ွက်သော အငွေ့များ၊ စက်ရုံအလုပ်ရုံများမှထ ွက်သော […]

လူတွေကြားထဲရောက်လို့ အားလုံးကတိတ်ဆိတ်ငြိမ်သက်စွာထိုင်နေပြီဆိုကာမှချောင်းကဆိုးချင်လာတယ်။အောင့်ထားလို့လည်းမရတော်တော်ဆိုးတဲ့ကိစ္စနော်။ ခုလိုမျိုး ရာသီဥတု မမှန်တဲ့အခါမျိုးဆိုရင် ဖျားချင်သလိုလို လည်ချောင်းထဲကနာသလိုလိုချောင်းဆိုး နှာစေးတာတွေက မဖိတ်ခေါ်ဘဲကိုရောက်လာတတ်တာပါ။ချောင်းဆိုးချင်တာကလည်းအောင့်ထားလို့မရတဲ့ပြဿနာတစ်ခုပါ။ချောင်းဆိုးတာကြောင့်နေ့စဉ်လုပ်ဆောင်မှုတွေ မှာ အနှောင့်အယှက်မဖြစ်စေဖို့ဆိုရင် အခုပြောခဲ့တဲ့နည်းလမ်းလေးတွေကိုသုံးပြီးချောင်းဆိုးသက်သာအောင်လုပ်ဆောင်လိုက်ပါနော်။ ချောင်းဆိုးတာကို သက်သာအောင် အခုလိုလုပ်ဆောင်ပါ အခုပြောပြမယ့်နည်းလမ်းလေးတွေက အပန်းမကြီးဘဲချောင်းဆိုးတာကို သိသိသာသာသက်သာစေမှာပါ။နေ့စဉ်စားသုံးနေတဲ့အစားအစာတွေနဲ့ မီးဖိုချောင်ထဲကနေ အလွယ်တကူရရှိနေတဲ့ အရာတွေနဲ့ချောင်းဆိုးတာကို သက်သာအောင်လုပ်ဆောင်ပေးနိုင်ပါတယ်။ ရေသောက်ပေးပါ - တစ်နေ့တာမှာရေလုံလောက်သောက်သုံးတာက ကိုယ်ခံအားကိုကောင်းစေပါတယ်။ ချောင်းဆိုးတဲ့အခါရေများများသောက်ပေးပါ၊ ချွဲတွေကိုပျော်စေပြီးချောင်းဆိုးတာကို သိသိသာသာသက်သာစေနိုင်ပါတယ်။ ကြက်သွန်ဖြူ စားပေးပါ - ကြက်သွန်ဖြူမှာပါတဲ့Allicin ဆိုတဲ့ဒြပ်ပေါင်းတစ်ခုကချောင်းဆိုးတာကိုဖြစ်စေနိုင်တဲ့ အသက်ရှုလမ်းကြောင်းရောဂါပိုးကူးစက်ဝင်ရောက်တာကိုလျော့ပါးသက်သာစေနိုင်ပါတယ်။ ဒါကြောင့် ကြက်သွန်ဖြူတို့စားတာဖြစ်ဖြစ်၊ ဟင်းခါးချက်တဲ့ထဲကို ကြက်သွန်ဖြူထည့်ချက်တာဖြစ်ဖြစ်လုပ်ပြီး သုံးဆောင်ပေးပါ။ ချင်းလက်ဖက်ရည် -ရေနွေးဆူဆူထဲကို ချင်း လက်တစ်ဆစ်စာလောက်လှီးထည့်လိုက်ပါ။ပြီးရင် ခပ်နွေးနွေးလေးဖြစ်နေတုန်းသောက်သုံးပေးလိုက်ပါ။ချောင်းဆိုးတာကို သိသိသာသာသက်သာစေမှာပါ။ ပျားရည် - ပျားရည်က သဘာဝဆေးဖက်ဝင် စားသုံးစရာတစ်ခုပါ။ သင့်အနေနဲ့ ဆီးချိုရောဂါလိုမျိုး အချိုနဲ့မတည့်တဲ့ရောဂါမျိုးမရှိဘူးဆိုရင်ရေနွေးကြမ်းထဲကို ပျားရည်လက်ဖက်ရည်ဇွန်း ၂ ဇွန်း၊ သံပုရာသီးတစ်စိတ်လောက်ညှစ်ထည့်ပြီး ခပ်နွေးနွေးလေးဖြစ်နေတုန်းမှာသောက်လိုက်ပါ။ ချွဲသလိပ်တွေကိုပျော်စေပြီးချောင်းဆိုးတာကို သက်သာစေမှာပါ။ ကြက်သွန်နီ […]

တီဘီဆေးသောက်ရတော့မည်ဆိုလျှင် “သူက အားနည်းနေတာ ဆရာ၊ တီဘီဆေး သောက်လို့ ဖြစ်ပါ့မလား” တီဘီရောဂါသည်၏အမျိုးသားမှဆရာဝန်ကိုလာမေးလိုက်သော စကားဖြစ်သည်။ “သူဆေးဒဏ်ခံနိုင်ပါ့မလား” “အားမွေးပြီးမှသောက်ရင်ရမလား” “သလိပ်မှာတော့ပိုးမတွေ့ဘူးပြောတယ်၊ တီဘီဟုတ်ပါ့မလား” စသဖြင့်မေးခွန်းများသည်တီဘီရောဂါကုနေသော ဆရာဝန်များ ကြားဖူးနေကျ မေးခွန်းများဖြစ်သည်။ တီဘီရောဂါ သည်အသက်ရှူလမ်းကြောင်းမှတဆင့်ကူးစက်နိုင်သော ရောဂါဖြစ်သည်။ တခြားကူးစက်နိုင်သော နည်းလမ်းများလည်း ရှိသေးသည်။ အသက်ရှူလမ်းကြောင်းမှတဆင့်ကူးစက်သောရောဂါဖြစ်သဖြင့်တစ်ယောက်နှင့်တစ်ယောက်ကူးစက်နိုင်မှုမြင့်မားသည်။ မျိုးရိုးလိုက်သောရောဂါမျိုးမဟုတ်ပါ။ သို့သော်တီဘီပိုးရှိသူနေ အတူနေ မိသားစုများတွင်တော့ရောဂါကူးနိုင်ချေ မြင့်မားသည်။ တီဘီလက္ခဏာများတွင်နာတာရှည်ဖျားခြင်း (အဖျားငွေ့ငွေ့သာ ဖျားနိုင်သည်)၊ ချောင်း ၂ပတ်၃ပတ်ကျော်ဆိုးခြင်း၊ အစားအသောက်ပျက်ခြင်း၊ ကိုယ်အလေးချိန်ကျဆင်းခြင်းစသည်တို့ပါဝင်သည်။ တစ်ခါတစ်ရံအဖျားကြာရှည်ခြင်း တစ်ခုသာ ဖြစ်သည်မျိုးလည်း ရှိတတ်သည်။ တီဘီရောဂါသည်အဆုတ်သာမက တခြားခန္ဓါကိုယ်အစိတ်အပိုင်းများတွင်ပါ ဖြစ်တတ်ရာ နာတာရှည်ဝမ်းလျှောခြင်း၊ ခေါင်းကိုက်ပြီးသတိမေ့မျောခြင်း၊ အကျိတ်များထွက်ခြင်း စသဖြင့်ရောဂါလက္ခဏာမျိုးစုံလည်းဖြစ်နိုင်သေးသည်။ တီဘီရောဂါပိုးသည်ရှာရခက်သော ရောဂါပိုးတစ်မျိုးလည်းဖြစ်သည်။ သလိပ်စစ်၍ ရသော်လည်းသလိပ်ထဲတွင်တီဘီပိုးပမာဏ တော်တော်များမှသာ တွေ့နိုင်သည်။ ထို့ကြောင့်လည်း တစ်ခါတစ်ရံတွင်သလိပ်ထဲပိုးမတွေ့သော်လည်း ရောဂါလက္ခဏာနှင့်ဓါတ်မှန်စသည်တွင်တီဘီနှင့်တူလျှင်ဆေးပေးရသည်များလည်းရှိသည်။ ထိုအခါ လူနာနှင့်လူနာရှင်မှတီဘီမဟုတ်ဆေးသောက်စရာမလိုဟုသံသယရှိသည်မျိုးလည်းကြုံတွေ့ရပါသည်။ သလိပ်တွင်တီဘီပိုးကိုပုံမှန်သလိပ်စစ်ရုံ(Sputum […]

အအေးမိတုပ်ကွေးေကြာင့် ဖျားရပြီဆိုရင် လည်ချောင်းမနာရင်တောင် နှာစေးချောင်းဆိုးေဝဒနာကပြေးမလွတ်ပါဘူး။နေမကောင်းဖြစ်နေတဲ့အချိန်အတွင်းခံစားရတဲ့ လက္ခဏာတွေက ကုသမှုကြောင့်ပျောက်ကင်းသွားမှာဖြစ်ပေမယ့်ချောင်းလေးတဟွတ်ဟွတ်တော့ဖြစ်ကျန်ခဲ့နိုင်ပါတယ်။ ဒီလို လက္ခဏာတွေ မကျန်ခဲ့စေဖို့ ရောဂါပိုးကို အံတု ခုခံနေတဲ့အချိန်အတွင်းမှာ ဂရုတစိုက်ဆင်ခြင်နေထိုင်ဖို့လိုပါတယ်။ နောက်ပိုင်းမှာ ကျန်ခဲ့နိုင်တဲ့ ခံရခက်တဲ့လည်ချောင်းနာနဲ့ ချောင်းဆိုးခြင်းကို သက်သာစေမယ့်နည်းလမ်းတွေရှိပါတယ်။ ပူရှိန်းရှိန်းငုံဆေး နဲ့ သကြားလုံးတွေစားပါ။Menthol နဲ့ တချို့ငုံဆေးတွေက လည်ချောင်းနာဝေဒနာကို သက်သာစေပြီး လည်ချောင်းရှင်းစေပါတယ်။ ပျားရည်စားပါ။ ပျားရည်ကချောင်းဆိုးေရာ လည်ချောင်းနာပါ သက်သာစေနိုင်တဲ့ ဆေးနည်းတစ်ခုဖြစ်ပါတယ်။ရေနွေးကြမ်းထဲ တစ်ဇွန်းလောက်ထည့်သောက်ရုံနဲ့ အဆင်ပြေနိုင်ပါတယ်။ တစ်နှစ်အောက် ကလေးတွေကိုတော့ ပျားရည်မကျွေးပါနဲ့။ အရည်များများသောက်ပါ။ လည်ချောင်းယား၊ အာခေါင်ခြောက်လာရင်၊ချောင်းခြောက်ဆိုးလာရင် တစ်ခုခုသောက်နေရမှ ၊အာဆွတ်လိုက်ရမှနေသာတယ်ထင်ကြပါတယ်။ လည်ချောင်းတွင်းပိုခြောက်သွေ့စေနိုင်တဲ့ အရက်နဲ့ ကဖင်းပါတဲ့အရည်တွေကလွဲပြီး ကျန်တာအဆင်ပြေပါတယ်။ ဆေးသကြားပါတဲ့၊အချိုများတဲ့ အချိုရည်ေတွတော့ သိပ်မသောက်နဲ့ပေါ့။ လိမ္မော်နဲ့အချဉ်သီးဖျော်ရည်တွေကိုလည်းရှောင်ပါ။ ပူနွေးတာလေး သောက်ပါ။ကြက်စွပ်ပြုတ်အရည် သို့မဟုတ်ရေနွေးကြမ်းသောက်တာ အသက်ရှူလမ်းကြောင်းကို အနွေးဓါတ်ပေးနိုင်ပါတယ်။ရေဓါတ်ပြန်ဖြည့်နိုင်တဲ့အပြင် ပူနွေးမှုကြောင့် ချွဲသလိပ်ေတွကိုကြေစေပြီး […]

ခေါင်းကိုက်တာကအစ နေမကောင်းဖြစ်ပြီဆိုရင်မြန်မြန်ပြန်ကောင်းချင်ကြတာချည်းပါပဲ။ ဒါပေမယ့် ကိုယ့်ရဲ့အပြုအမူတချို့ကြောင့် ဝေဒနာပိုဆိုးစေတတ်ပါတယ်။ ဒါ့ကြောင့် ရာသီဥတုကြောင့်ပဲဖြစ်ဖြစ် ရောဂါပိုးကြောင့်ပဲဖြစ်ဖြစ် ဖျားနာတဲ့အခါနေထိုင်ပြုမူပုံ မှန်ကန်ဖို့ ဒီအချက်လေးတွေကို သတိထားသင့်ပါတယ်။ နေမကောင်းတဲ့အခါ လုပ်မိတဲ့အမှား (၈) ခု အိပ်ရေးဝအောင်မအိပ်ခြင်း ပြည့်ပြည့်ဝဝအိပ်စက်ခြင်းက ကိုယ်ခံအားစနစ်ရဲ့ကြံ့ခိုင်မှုအတွက် အဓိကသော့ချက်ပါ။ ဒါမှ ခန္ဓါကိုယ်ကရောဂါပိုးမွှားတွေကို ခုခံတိုက်ဖျက်နိုင်မှာဖြစ်ပါတယ်။ သုတေသနတစ်ခုအရဆိုရင် တစ်ညကို အိပ်ချိန် ၇ နာရီမပြည့်တဲ့သူတွေဟာ အအေးမိဝေဒနာခံစားရနိုင်ခြေမှာ ထိပ်ဆုံးကနေ ၃ ဆ ပိုများနေတယ်လို့ဆိုပါတယ်။ အအေးမိဝေဒနာလည်းဖြစ်နေတယ်၊ ညဘက်လည်းအိပ်မရဘူးဆိုရင် အိပ်ရာစောစောဝင်တာ ဒါမှမဟုတ်နေ့ဘက် တစ်ရေးအိပ်တာတွေ လုပ်ကြည့်ပါ။ နေမကောင်းဖြစ်ချိန်မှာ ပိုအနားယူပေးဖို့လိုအပ်ပါတယ်။ ရေအလုံအလောက်မသောက်ခြင်း ကိုယ့်ကိုယ်ကိုယ်ရေဓါတ်ပြည့်ဝအောင်ဂရုမစိုက်ရင် အအေးမိဝေဒနာကိုပိုဆိုးစေနိုင်ပါတယ်။ နေမကောင်းဖြစ်ချိန်မှာ ကိုယ်ပူခြင်း၊နှာရည်ယိုခြင်း၊ဆေးတွေကြောင့်အာခေါင်ခြောက်ခြင်း၊ ချွဲသလိပ်တွေထွက်ခြင်းတို့ကြောင့်ခြောက်ခန်းသွားတဲ့အရည်ဓါတ်ကိုပြန်လည်ဖြည့်တင်းပေးရပါမယ်။ရေ သို့မဟုတ် အရည်(ဥပမာ ကြက်စွပ်ပြုတ်)များများသောက်ပေးပါ။ ဆေးတွေကို ကိုယ့်သဘောနဲ့ကိုယ် ပိုသောက်ပစ်ခြင်း ဆေးတစ်လုံးနဲ့သက်သာမယ်ဆိုရင် နှစ်လုံးသောက်တော့မြန်မြန်ပျောက်မှာပေါ့လို့ မတွေးပါနဲ့။ ဆရာဝန်ညွှန်ကြားတဲ့အတိုင်းမဟုတ်ဘဲ ကိုယ့်သဘောနဲ့ကိုယ်ဆေးတွေစပ်ပြီးသောက်တာလည်းမကောင်းပါဘူး။ဆေးတွေရဲ့ဘေးထွက်ဆိုးကျိုး ပိုလာသရွေ့ရောဂါသက်သာမယ့်ဖြစ်စဉ်မှာ အနှောင့်အယှက်ဖြစ်စေနိုင်ပါတယ်။ ဆေးဆိုင်မှာအလွယ်တကူဝယ်လို့ရတဲ့ အအေးမိပျောက်ဆေးတွေကရောဂါကို မြန်မြန်သက်သာစေပါတယ်။ ဒါပေမယ့် […]

နေလို့မကောင်းဘူးဆိုတာနဲ့ မစားချင်၊မသောက်ချင်၊ တရှောင်ရှောင်နဲ့နေတတ်ကြပါတယ်။ ခန္ဓါကိုယ်ကနေလို့မကောင်းမှတော့ ခံတွင်းလည်းမကောင်းနိုင်တော့ပါဘူး။ အအေးမိတာပဲဖြစ်ဖြစ် တုပ်ကွေးြဖစ်နေတာပဲဖြစ်ဖြစ်၊ အပူလျှပ်တာပဲဖြစ်ဖြစ် ဖျားနေတဲ့အချိန်မှာ အာဟာရပိုနည်းသွားလို့မဖြစ်ပါဘူး။ ဟိုးအရင်တည်းကအယူအဆတွေအရ နေမကောင်းရင် ဆန်ပြုတ်တစ်မျိုးတည်းစားခိုင်းပြီး လူကြီးတွေက ဘာမှမစားခိုင်းတော့ပါဘူး။ အစားစားရင် အဖျားတက်မယ်ဆိုတဲ့ အယူအဆကရှိနေပါသေးတယ်။ ဒါနဲ့ပဲ အစားနည်းလာပြီး ကိုယ်ခံအားကပိုနည်း၊ ကိုယ်ခံအားမကောင်းလို့ရောဂါပိုးကို မခုခံနိုင်တော့ရောဂါပိုတာရှည်တာ အဖတ်တင်ပါတယ်။ အားမရှိတော့ ဆေးသောက်ရတဲ့ဒဏ်တွေကြောင့်လည်း လူက ပိုပြီးဝန်ပိရပါတယ်။ ဒါ့ကြောင့် ကျန်းမာရေးနဲ့ညီတဲ့အစားအစာတွေကိုထိုက်သင့်သလောက်စားပါ။ကြေလွယ်တဲ့အစားအစာကိုသာရွေးပြီး အပြင်စာတွေ၊ပြုပြင်ထားတဲ့အသင့်စားတွေကိုရှောင်ပါ။နေမကောင်းချိန်မှာ ကိုယ်ခံအားကောင်းစေဖို့ စားသင့်တဲ့အစားအစာတွေကို အခုပြောပြမယ်နော်။ အဖျားအမြန်သက်သာေစမယ့် အစားအသောက်တွေ နေမကောင်းတဲ့အချိန်မှာ ခန္ဓါကိုယ်ကြံ့ခိုင်နေဖို့ ပရိုတင်းဓါတ်ကိုလိုအပ်ပါတယ်။ အသား၊နို့ထွက်ပစ္စည်း၊ အစေ့အဆံတွေကနေ ပရိုတင်းကောင်းကောင်းရနိုင်ပါတယ်။ ပရိုတင်းကြွယ်ဝတဲ့အစားအစာတွေက ဗီတာမင်B6 နဲ့ B12 လို ဓါတ်တွေလည်းပါဝင်တာကြောင့် ကိုယ်ခံအားကိုကောင်းစေပါတယ်။ ဥပမာ ပဲ၊ အာလူး၊ ဟင်းနုနွယ်တို့မှာ ဗီတာမင်B6 ပါဝင်ပြီး အသား၊နို့နဲ့ ငါးတွေမှာ ဗီတာမင်B12 ပါဝင်ပါတယ်။ (၁) […]