အသက်ရှူလမ်းကြောင်းကျန်းမာရေး

ခုလို ဆောင်းရာသီဟာ ဆောင်းရဲ့ အငွေ့အသက်တွေပါတဲ့ လေအေးအေးမှ ကြိုက်တဲ့သူတွေ အတွက်ကတော့ အသာယာဆုံးရာသီတစ်ခုပါ။ မိုးရဲ့ အငွေ့အသက်တွေ ကုန်သွားပြီဆိုပြီး တုပ်ကွေးရာသီကုန်ပြီလို့ ပြောလို့မရပါဘူး။ ဗိုင်းရပ်ပိုးတွေကိုက အေးနေရင်ပိုပြီး ရှင်သန်နိုင်တဲ့ သဘောရှိတာကြောင့် လေထဲမှာ မမြင်ရတဲ့ ပိုးတွေရှိနေနိုင်ပါသေးတယ်။ မိုးရာသီတစ်ခုပဲ တုပ်ကွေးရာသီ မဟုတ်ပါဘူး။ ဆောင်းရာသီမှာလည်း တုပ်ကွေးဖြစ်နိုင်ပါတယ်။ ဒါကြောင့်ဆောင်းရောက်တော့မှာမို့လို့ အနွေးထည်ေလးတွေဝယ်ပြီး အအေးဒဏ်ခံနိုင်ဖို့ ကြိုပြင်ဆင်ထားကြသလို ဆောင်းတွင်းတုပ်ကွေး အတွက်လည်း ကြိုပြင်ဆင်ထားဖို့ လိုအပ်ပါတယ်။ တုပ်ကွေးရာသီရောက်လာတာနဲ့ ဘာတွေကြိုပြင်ဆင်ထားဖို့ လိုအပ်လဲ။ ။ ကိုယ်ချစ်တဲ့ သူတစ်ယောက် နေမကောင်းဖြစ်တာကို ဘယ်သူမှတော့ မမြင်ချင်ကြဘူးလေ။ ဒါကြောင့် ကိုယ့်မိသားစုဆီကို မခေါ်ဘဲနဲ့ အမြဲရောက်ရောက်လာတတ်တဲ့ အအေးမိ တုပ်ကွေးရန်ကနေ ဘယ်လို ကြိုတင်ကာကွယ်ကြမလဲ။ တုပ်ကွေးရာသီရောက်ပြီဆို ဘာတွေပြင်ဆင်ထားဖို့ လိုအပ်လဲ။ ။ ဈေးဝယ်ထွက်ပါ - ဈေးဝယ်ထွက်ဆိုလို့ အနွေးထည်ချည်းပဲ […]

တုပ်ကွေးဆိုတာ တစ်အိမ်တည်းနေတဲ့သူချင်းအတူတူ ခုခံအားနည်းတဲ့ သူကိုပဲဝင်တတ်တဲ့ အမျိုးပါ။ အားနွဲ့သူဆို ပို အနိုင်ကျင့်တဲ့ လူဆိုးကြီးပေါ့။ သင်ကလည်း ခုခံအားနည်းတဲ့သူတစ်ယောက်ဖြစ်ခဲ့မယ်ဆိုရင် တုပ်ကွေး အနိုင်ကျင့်တာ မခံရဖို့ ခုပြောထားတဲ့ အချက်လေးတွေ လိုက်လုပ်ကြည့်သင့်တယ်နော်။ ဒါမှ ဘယ်လိုရာသီပဲရောက်ရောက် တုပ်ကွေးကို မမှုဘဲ နေ့ရက်တိုင်းကို ပျော်ရွှင်စွာဖြတ်သန်းနိုင်မှာပါ။ ခုခံအားစနစ်ကို ဘာတွေက ထိခိုက်စေလဲ။ ။ ခုခံအားဆိုတာ ကိုယ်တွင်းစစ်တပ်ကြီးရဲ့ ဗိုလ်မှူးချုပ်ကြီးပါ။ အပြင်ကဝင်လာတဲ့ ရန်သူပိုးမွှားတွေ အကုန်လုံးကို သူအားကောင်းလို့ကတော့ အပြတ်ချေမှုန်းတဲ့သူပါ။ ဒါပေမယ့် သူအားနည်းတဲ့ အချိန်လည်းရှိပါတယ်။ ခုခံအား စနစ်ကို အားနည်းအောင် လုပ်တဲ့ သူတွေကတော့ စိတ်ဖိစီးမှုများတာ အရက်၊ ဘီယာ အသောက်များတာ၊ ဆေးလိပ်သောက်တာ အချို နဲ့ အသင့်စား အစားအသောက်တွေ ပိုကြိုက်တတ်တာ အိပ်ရေးပျက်များတာ အဝလွန်နေပြီး ကိုယ်လက်လေ့ကျင့်ခန်း မလုပ်တာ […]

ဟိုသွားမယ်၊ ဒီသွားမယ်နဲ့ ခရီးတွေစီစဉ်ပြီး၊ ဘိုကင်တွေလုပ်ပြီးကာမှ နေမကောင်းထဖြစ်တယ်ဆိုတာတော်ရုံစိတ်ဆင်းရဲစရာတော့မဟုတ်ဘူး။ ပြင်ဆင်ထားတာတွေ၊ ချိန်းထားတာတွေ အကုန်လုံး ဘယ်လိုဆက်လုပ်ရမလဲ ဒီအချိန်မှာ လူကပျာပြီလေ။ ဒါပေမယ့် အဖြစ်များတဲ့ အအေးမိ၊တုပ်ကွေးဖြစ်တာဆိုရင်တော့ သိပ်မစိုးရိမ်ပါနဲ့။ ဒါလေးသာ ဖတ်ပြီးသွား၊ ဘာမှမဖြစ်စေရဘူး။နေကောင်းနေတဲ့လူတွေလောက်တော့ မကဲနဲ့ပေါ့။ ဒီအချက်လေးတွေကို ဉာဏ်လေးနဲ့ဆင်ခြင်နေထိုင်မယ်ဆိုခွေခေါက်နေစရာမလိုဘူး၊ အများနည်းတူ ခရီးသွားနိုင်ပါတယ်နော်။ ခရီးသွားရင်းနဲ့မှ ရုတ်တရက်နေမကောင်းဖြစ်လည်း အသုံးဝင်မယ့် နည်းလမ်းတချို့ကို အကြံပြုပေးလိုက်ပါတယ်။ ရတဲ့အချိန်မှာ နားပါ ခရီးသွားေနပါတယ်ဆိုမှ နားနေစရာလား လို့ပြန်ပြောမှာလား။ မဟုတ်ဘူးနော်။ ဆက်တိုက်ပြေးလွှားမနေဖို့ကိုဆိုလိုတာပါ။ နားလို့ရတဲ့သူများတွေနားချိန်မှာ ဟိုဟိုဒီဒီလျှောက်သွားနေတာ၊ ညဆိုလည်းစောစောမအိပ်ဘဲ သူများတွေလိုကဲနေတာ၊ ဖုန်းပွတ်နေတာတွေနဲ့တော့ လူကအနားရမှာမဟုတ်ပါဘူး။ ဒါဆိုဝေဒနာကပိုဆိုးလာမယ်၊ အဖျားပါတက်လာနိုင်တယ်၊ ခရီးလည်းမပျော်ရတော့ဘူး။ အချိန်ရရင် တရေးတမောအိပ်လိုက်ပါ။ အိပ်ရေးဝမှ၊ အနားယူမှ ကိုယ်ခံအားြပည့်ပြီး ခရီးဒဏ်နဲ့ လူကဒေါင်းမသွားမှာဖြစ်ပါတယ်။ ရေများများသောက်ပါ ဒါများ ဘာဆန်းလို့လဲသောက်တယ်လေ ဆိုပြီး အချိုရည်တွေ၊အားဖြည့်အချိုရည်တွေ လှိမ့်မသောက်နဲ့နော်။ ရေများများသောက်တဲ့အခါ ခန္ဓါကိုယ်ကိုရေဓါတ်ြဖည့်တင်းပေးပြီး လည်ချောင်းနဲ့အဆုတ်အတွင်းမှာ […]

လည်ချောင်းတွေနာတယ်၊ပြီးရင်ချောင်းဆိုးမယ်၊ နှာချေ၊ နှာစေးနေတယ်၊ ဒါတွေက နေမကောင်းဖြစ်ရင် ခံစားရနေကျအရာတွေ။ ဖျားနေပြီ ဆိုမှတော့ ကြိုတင်ကာကွယ်ရေးတွေဘာတွေနဲ့မဆိုင်တော့ဘူး။မြန်မြန်နေကောင်းအောင် ဘယ်လိုလုပ်မလဲဆိုတာ အရင်တွေးရတော့မှာပဲ။ အအေးမိ တုပ်ကွေးဆိုတာက သူ့ရက်အတိုင်းအတာနဲ့သူရှိတာကြောင့် သိပ်အမြန်ကြီးတော့ အရှင်းမပျောက်နိုင်ပါဘူး။ ဒါပေမယ့်နောက်ဆက်တွဲရောဂါလက္ခဏာတွေဖြစ်မလာအောင်၊ မလိုအပ်ဘဲ ရောဂါတာမရှည်အောင်၊ဝေဒနာခံစားရသက်သာအောင် ကြိုးစားလို့တော့ရပါတယ်။ နေပြန်ကောင်းတယ်ဆိုတာ အအေးမိတုပ်ကွေးဗိုင်းရပ်စ်တွေကို ကိုယ်ခံအားစနစ်က ခုခံတိုက်ထုတ်နိုင်တဲ့အနေအထားဖြစ်ပါတယ်။ ဒီလိုခုခံနေတဲ့ကာလအတွင်းမှာ နေမကောင်းလို့ဆိုပြီး ကွေးနေရုံနဲ့ ရောဂါလက္ခဏာတွေကိုကျော်လွှားနိုင်မှာမဟုတ်ဘူးနော်။ရောဂါပိုးတွေကို ခုခံပေးမယ့် ခန္ဓါကိုယ်ကိုစောင့်ရှောက်အားဖြည့်ပေးဖို့လည်းလိုပါတယ်။ ကိုယ်ခံအားစနစ်ကို ဘယ်လိုကူညီပေးကြမလဲ - (၁) အနားပေးပါ နေမကောင်းြဖစ်နေတဲ့အချိန်မှာဆို ရောဂါပိုးဗိုင်းရပ်စ်တွေကို ခုခံဖို့ ခန္ဓါကိုယ်ကပင်ပန်းနေမှာဖြစ်လို့ ပုံမှန်ထက် ပိုပြီးအားကုန်ပါတယ်။ ဒါ့ကြောင့် ဘာကြောင့်ပဲနေမကောင်းဖြစ်ဖြစ် အနားယူဖို့ တတ်နိုင်သလောက်ဦးစားပေးပါ။ကျောင်းတွေ၊အလုပ်တွေကိုဖြစ်နိုင်ရင် ခွင့်ယူလိုက်တာက ကိုယ့်အတွက်အနားယူဖြစ်တဲ့အပြင် လူအများကြားမှာ ကူးစက်ပြန့်ပွားမှုကိုကာကွယ်ပြီးသားဖြစ်ပါလိမ့်မယ်။ ကိုယ့်ရဲ့တစ်နေ့တာအလုပ်တွေကို ပမာဏလျှော့လုပ်ပြီး ခန္ဓါကိုယ်ကိုနားချိန်ပေးပါ။ (၂) အိပ်ရေးဝအောင်အိပ်ပါ နားနေတယ်ဆိုလည်း တီဗီရှေ့တော့ ညဉ့်မနက်စေနဲ့ပေါ့။ အိပ်ရေးပျက်တာက ကိုယ်ခံအားစနစ်ကို အားနည်းစေတဲ့အတွက် ဗိုင်းရပ်စ်တွေကို […]

ကာကွယ်ခြင်းက ကုသခြင်းထက်ပိုကောင်းတယ်ဆိုတဲ့ စကားပုံအတိုင်းပဲရောဂါတော်တော်များများက မဖြစ်ခင်ကကြိုတင်ကာကွယ်တာအကောင်းဆုံးပါ။ရောဂါဖြစ်လာရင် ခန္ဓါကိုယ်ကတုံ့ပြန်တိုက်ခိုက်ရတဲ့အတွက် မလိုအပ်ဘဲ ပင်ပန်းတာမျိုးဖြစ်နိုင်ပါတယ်။ ဒါကြောင့်ရောဂါတွေကို မဖြစ်ခင်က ကာကွယ်ကြဖို့ပြောပါရစေ။ ခန္ဓါကိုယ်ကျန်းမာနေစေဖို့အတွက် တာဝန်အရှိဆုံးသူက ကိုယ်တိုင်ပါ။ ဒါကြောင့် ကျန်းမာရေးနဲ့ ညီညွတ်တဲ့အလေ့အထလေးတွေကိုမွေးမြူပြီး ခန္ဓါကိုယ်ထဲကို မလိုလားအပ်တဲ့ရောဂါဘယတွေ ဝင်မလာအောင် တားဆီးလိုက်ပါ။ တုပ်ကွေးအန္တရာယ်ကို ကိုယ်တိုင်ကာကွယ်လိုက်ပါ ရာသီအကူးအပြောင်းတွေ အပူအအေးမမှန်တဲ့အချိန်တွေမှာ တုပ်ကွေးမိတာ အအေးမိဖျားနာတာတွေအဖြစ်များကြပါတယ်။ ဒီလိုအခြေအနေမျိုးမှာ ပတ်ဝန်းကျင်ကလူတွေဖျားတိုင်း လိုက်မဖျားဖို့ဆိုရင် ဒီအဆင့်လေးတွေလုပ်ကြည့်ပြီး ကာကွယ်လိုက်ပါ။ လက်တွေသေချာဆေးကြောပေးပါ - လက်ချောင်းလေးတွေကနေရာတော်တော်များများကို ထိတွေ့နေရတာကြောင့် ဘက်တီးရီးယားနဲ့ ဗိုင်းရပ်စ်တွေ အများကြီး ကပ်ငြိနေနိုင်ပါတယ်။ ဒါကြောင့် လက်တွေကိုသေချာဆေးကြောပေးဖို့ မမေ့ပါနဲ့။ရေနဲ့ဆပ်ပြာအလွယ်တကူမရနိုင်တဲ့အခါမျိုးမှာ လက်ကိုသန့်စင်နိုင်စေဖို့အတွက် သွားလေရာကိုရေမလိုလက်သန့်ဆေးရည်ေဆာင်သွားပေးပါ။ ချောင်းဆိုးနှာချေရင် တစ်သျှူးအသုံးပြုပေးပါ - နှာချေချောင်းဆိုးတဲ့အခါ နှာခေါင်းနဲ့ပါးစပ်ကို လက်နဲ့အုပ်လိုက်မယ်ဆိုရင် လက်ဖဝါးမှာရောဂါပိုးတွေပေကျံသွားတာမျိုးဖြစ်နိုင်ပါတယ်။ ဒါကြောင့် ကိုယ်တိုင်အတွက်ရော ပတ်ဝန်းကျင်ကသူတွေအတွက်ပါရောဂါကင်းဖို့ဆိုရင် နှာချေချောင်းဆိုးတိုင်း တစ်သျှူးအသုံးပြုပေးပါ။ တစ်သျှူးမရှိဘူးဆိုရင် လက်ကိုကွေးလိုက်ပြီးကွေးထားတဲ့လက်ထဲကို နှာချေချောင်းဆိုးတာမျိုးလုပ်ပေးပါ။ မျက်နှာကို […]

လူတစ်ယောက်ဟာ တစ်နှစ်မှာ အနည်းဆုံး နှစ်ကြိမ်လောက်တော့ ဖျားနာတတ်ကြပါတယ်။ အအေးမိဖျားနာတာဖြစ်ဖြစ် တုပ်ကွေးြဖစ်တာဖြစ်ဖြစ် ဖျားနာဖူးမှာပါ။ ပတ်ဝန်းကျင်မှာက သာမန်မျက်စိနဲ့မမြင်နိုင်တဲ့ရောဂါပိုးပေါင်းကလည်း များစွာရှိနေတာကိုး။ ကိုယ်ခံအားကောင်းနေတုန်းတော့ ဒီပိုးတွေက ကိုယ့်ကိုဘာမှမလုပ်နိုင်ပေမယ့် ကိုယ်ခံအားနည်းတဲ့အခါမျိုးမှာတော့ အအေးမိဖျားနာဖြစ်စေနိုင်ပါတယ်။ အအေးမိဖျားနာတာကိုဖြစ်စေနိုင်တဲ့ရောဂါပိုးပေါင်း ၂၀၀ကျော်ရှိနေပြီး ဒီရောဂါပိုးတွေက ခန္ဓါကိုယ်ထဲကို ကူးစက်ဝင်ရောက်ပြီးရင် ၅ ရက်ကနေ ၈ ရက်အတွင်း ခန္ဓါကိုယ်ရဲ့ကိုယ်ခံအားစနစ်ကို တိုက်ခိုက်လိုက်ပါတယ်။ ကိုယ်ခံအားနည်းသွားတဲ့အခါ အဖျားဝင်လာတာတင်မဟုတ်ဘဲနောက်ဆက်တွဲရောဂါတွေကိုပါခံစားရတာပါ။ ဒါကြောင့် အဖျားဝင်လာရင်သေချာဂရုစိုက်ဖို့လိုပါမယ်။ အဖျားကိုသက်သာစေမယ့်နည်းလမ်းတစ်ခုရှိပါတယ်။ ဒါကတော့ နှာခေါင်းဖြန်းဆေး(Nasal Spray) သုံးတာပါ။ Nasal spray က နှာခေါင်းပိတ်တာနဲ့ အအေးမိဖျားနာတာကိုဖြစ်စေတဲ့ ဗိုင်းရပ်စ်တွေကို ဖယ်ရှားရှင်းလင်းပေးနိုင်တာကြောင့် ဖျားနာမှုမဖြစ်အောင်ကာကွယ်တဲ့နေရာမှာရော ဖျားနာမှုကို သက်သာစေဖို့အတွက်ပါ အသုံးပြုပေးလို့ရပါတယ်။ အအေးမိတုပ်ကွေးဖြစ်စေနိုင်တဲ့ ဗိုင်းရပ်စ်တွေကိုဖယ်ရှားပေးနိုင်ပြီး အဖျားတာကိုလည်း ၂ ရက်အထိတိုစေနိုင်တာကြောင့် အဖျားဒဏ်ကိုကြာကြာမခံချင်ဘဲမြန်မြန်နေကောင်းချင်သူတွေအတွက် အသုံးတည့်မယ့်ဆေးတစ်မျိုးပေါ့။ Nasal Spray ကအဖျားပျောက်အောင် […]

ဆေးလိပ်ေသာက်မှ ၊ဆေးလိပ်ငွေ့ရှူမှ အဆုတ်ထိခိုက်တယ်လို့ထင်ကြတာများပါတယ်။ အသက်ရှင်ဖို့လေရှူရပါတယ်ဆိုမှလေရှူဖို့၊အောက်ဆီဂျင်ရဖို့အဓိကလုပ်ဆောင်ပေးနေတဲ့ အဆုတ်ရဲ့ကျန်းမာရေးမကောင်းရင် ဘယ်လိုအသက်ရှင်ကြမလဲ။ အဆုတ်ကို ထိခိုက်စေနိုင်တဲ့ တခြားအကြောင်းရင်းတွေထဲမှာ ကိုယ်တွေရဲ့နေ့စဉ်ဘဝထဲ ကြုံရများတဲ့ အရာတွေပါဝင်နေတယ်ဆိုတာ သိတဲ့သူနည်းပါတယ်။ အဆုတ်ရောဂါဖြစ်စေတဲ့ တရားခံဆို မီးခိုးငွေ့နဲ့လေထုညစ်ညမ်းမှုကိုပဲပြေးမြင်ကြတာမဟုတ်လား။ အဆုတ်ကို ထိခိုက်စေနိုင်တဲ့ တရားခံ (၆)ယောက် မှို စားတဲ့မှိုပွင့်တွေကို မပြောဘူးနော်။လေထဲကို အမှုန်လေးတွေလွင့်လာနိုင်တဲ့ မှို။ အစားအသောက်တွေရက်လွန်ပြီဆိုရင် မှိုတက်တာမှ အစိမ်းအဝါအမည်း အရောင်ကိုစုံလို့။ အစားအစာတင်မကပါဘူး၊ အမှိုက်တွေစုနေတာ၊ မစိုတစို မခြောက်တခြောက် အရာဝတ္ထုတွေ အိမ်ထဲမှာ ရှိနေရင်(အိမ်သန့်ရှင်းရေးပုံမှန်မလုပ်ရင်) အောက်သိုးသိုး မှိုနံ့တွေရနေမှာ သတိထားမိမှာပေါ့။ မြင်ရတာ မမြင်ရတာ ထား၊ အဲဒီမှိုကထွက်တဲ့ အမှုန်တွေက အဆုတ်ထဲရောက်တဲ့အခါ နာတာရှည်အဆုတ်ရောဂါ (COPD)လိုရောဂါတွေဖြစ်စေနိုင်တယ်၊ ဒါမှမဟုတ် ကိုယ်ခံအားစနစ်ကို အားနည်းစေလို့ တခြားရောဂါပိုးတွေကူးစက်ခံရလွယ်စေနိုင်တယ်။ ပိုးသတ်ဆေး စိုက်ခင်းတွေ၊ အပင်တွေမှာ ဖျန်းတဲ့ပိုးသတ်ဆေး၊ ဓါတုပစ္စည်းတွေကို ရှူရှိုက်မိ၊ ထိတွေ့မိ၊စားမိရင် အာရုံကြော၊ဟော်မုန်း၊ မျက်စိ၊အရေပြားနဲ့ […]

အအေးမိတုပ်ကွေးကို ကုသဖို့ အတွက် လိုအပ်သောဆေးများ။ ။ တုပ်ကွေးဆိုတာ အပေါ်ပိုင်း အသက်ရှူလမ်းကြောင်းကို ဗိုင်းရပ်စ်ပိုး ဝင်တာကြောင့် ဖြစ်ရတာပါ။ ခုလိုနေပူလိုက် မိုးရွာလိုက်ဖြစ်နေတဲ့ ရာသီဥတုမျိုးက တုပ်ကွေးတို့ အကြိုက်ဖြစ်ပါတယ်။ ပတ်ဝန်းကျင်က အပူအအေးမမျှတတော့ ကိုယ်ခန္ဓါရဲ့ အပူချိန်ကလည်း ညီမျှအောင်လိုက် မထိန်းနိုင်တော့ပါဘူး။ ဒီတော့ ကိုယ်ခန္ဓါရဲ့ ခံတပ်ကြီး ဖရိုဖရဲဖြစ်နေချိန်ကို အခွင့်အရေးယူပြီးတော့ တုပ်ကွေးဆိုတဲ့ အာဏာရှင်ကြီးက အားနည်းနေတဲ့ ခုခံအားစနစ်ကြီးကို ကြီးစိုး အနိုင်ကျင့်ဖို့ ဝင်လာပါတော့တယ်။ တုပ်ကွေးနဲ့ အတူ ဘာတွေပါလာတတ်လဲ။ ။ တုပ်ကွေးကို ဘုရင်လို့ပဲ သဘောထားကြပါစို့။ ဘုရင်ဘေးမှာဆို နောက်လိုက် အပေါင်းအပါ တစ်ပြုံကြီး ရှိသလိုပဲ တုပ်ကွေးကလည်း သူလာပြီဆိုတာနဲ့ သူ့နောက်လိုက် အပေါင်းအပါ တစ်ပြုံကြီး ကို ခေါ်လာပါတယ်။ ကိုယ်ခန္ဓါက မကြည်ဖြူဘဲ ကျူးကျော်ဝင်လာတဲ့ သူတွေဆိုတော့ သူတို့ကို […]