အာဟာရဆိုင်ရာ အချက်အလက်များ

ကိုရီးယားကြည့်ရင်း မင်းသားမင်းသမီးတွေရေညှိထမင်းလိပ်စားတာတွေ့လိုက်တိုင်းဖြစ်ဖြစ်၊ရေညှိဟင်းချိုသောက်တာဖြစ်ဖြစ် ကြည့်ရင်း စားချင်နေတတ်တဲ့ရေညှိကြိုက်တတ်သူလေးတွေများရှိနေလား။ ဒါဆိုရင်တော့ စားသာစားပါ။ရေညှိက ကျန်းမာရေးအတွက်ကောင်းကျိုးများတာမို့ စားပါလို့ပြောရတာပါ။ရေညှိက ဘယ်လိုကျန်းမာရေးအကျိုးကျေးဇူးတွေရနိုင်လဲဆိုတာကို သိချင်တယ်ဆိုရင် ဒီဆောင်းပါးလေးထဲမှာ ဖတ်ကြည့်ပါနော်။ ရေညှိ ရေညှိက ပင်လယ်ရေပြင်ထဲမှာပေါက်ဖွားတဲ့ သဘာဝစားစရာတစ်မျိုးပေါ့။ အရောင်အသွေးကနေ အနီရောင်၊ အစိမ်းရောင်၊အညိုရောင် နဲ့ အနက်ရောင်ဆိုပြီးအရောင်အသွေးအမျိုးမျိုးပါပဲ။ရေညှိက ပင်လယ်ပြင်ရှိနေတဲ့ ကမ္ဘာ့နေရာတိုင်းမှာရှိပေမယ့်ရေညှိကို အဓိကစားသုံးကြတာက ဂျပန်၊ ကိုရီးယား၊ တရုတ်တို့လိုမျိုး အာရှနိုင်ငံတွေပါ။ ဂျပန်ဆူရှီဆိုင်တွေနဲ့ ကိုရီးယားရုပ်ရှင်တွေကြောင့် အခုနောက်ပိုင်းမြန်မာနိုင်ငံမှာလည်းရေညှိစားသုံးသူအရေအတွက်တော်တော်လေးများလာပါပြီ။ရေညှိက သတ်သတ်လွတ်စားသုံးသူတွေအတွက် ဗီတာမင် နဲ့ သတ္တုဓါတ်တွေများစွာကိုပေးစွမ်းနိုင်တဲ့ စားစရာတစ်ခုပါ။ ရေညှိမှာ ဘာတွေပါလဲ ရေညှိမှာ အာဟာရဓါတ်တွေ များစွာပါဝင်နေပါတယ်။ အမိုင်နိုအက်ဆစ် ဗီတာမင် A ဗီတာမင် C ဗီတာမင် B ဗီတာမင် E သံဓါတ် ကယ်လ်ဆီယမ် ပိုတက်ဆီယမ် အိုင်အိုဒင်း မဂ္ဂနီဆီယမ် ပရိုတင်း Fatty Acid ကာဗိုဟိုက်ဒရိတ် […]

ပူအိုက်တဲ့ ရာသီမှာ လူတော်တော်များများက ရေမကြာခဏ ဆာတတ်ကြတာကြောင့် ဖရဲသီးကို စားတတ်ကြပါတယ်။ နေပူတဲ့နေ့ရက်တွေမှာဆိုရင် စတိုးဆိုင်တွေမှာကအစ လှည်းလေးတွေအဆုံး ဖရဲသီးတွေ လှီးစိတ်ပြီး ရောင်းနေတာလည်း တွေ့ဖူးကြမှာပါ။ အရည်ရွှမ်းပြီး အရသာလည်း ရှိတဲ့ ဖရဲသီးက ဒီလို ပူအိုက်တဲ့ ရာသီအတွက် ကျန်းမာရေးဆိုင်ရာ ဘယ်လိုအကျိုးကျေးဇူးတွေ ရစေနိုင်လဲဆိုတာကို ပြောပြပေးမယ်နော်။ ၁။ ရေဓါတ်ဖြည့်တင်းပေးတယ်။ ရာသီဥတုပူလာရင် ချွေးထွက်လာမယ်။ ဆီးသွားများတဲ့အခါ ခန္ဓါကိုယ်က ရေဓါတ်ဆုံးရှုံးတာ သဘာဝပါပဲ။ ရေဓါတ်ဆုံးရှုံးတဲ့အခါမှာ ကိုယ်လက်မအီမသာဖြစ်တာ၊ လည်ချောင်းခြောက်ပြီး နာတာ၊ ခေါင်းမူးခေါင်းကိုက်တာ၊ နေရထိုင်ရခက်တာ၊ အလုပ်လုပ်ချင်စိတ် မရှိတာ၊ မူးဝေအော့အန်ချင်စိတ်တွေ ဖြစ်လာမှာပါ။ ဖရဲသီးမှာ ရေဓါတ် ၉၂ရာခိုင်နှုန်းပါဝင်တာကြောင့် ရေဓါတ်ခမ်းခြောက်မှုကို ကာကွယ်ပေးနိုင်တယ်။ ဒီလို ပူအိုက်တဲ့ ရာသီမှာ သဘာဝရေသန့်အပြင် ဖြည့်စွက်အစားအစာအနေနဲ့ စားပေးသင့်တဲ့ အစားအစာထဲမှာ ပါဝင်ပါတယ်။ ၂။ အာဟာရဓါတ်ပေါင်း များစွာ ပါဝင်ပါတယ်။ ဖရဲသီးမှာ […]

ကြယ်တာရာလို့တောင် အမည်ပေးတင်စားထားတဲ့စောင်းလျားသီးဟာ လှီးဖြတ်လိုက်တဲ့အခါမှာ တကယ်လည်း ကြယ်ပွင့်ပုံစံပါပဲ။ အရသာက ချဉ်ပြုံးပြုံးနဲ့ အရည်ရွှမ်းပြီး စားကောင်းတဲ့ အသီးတစ်မျိုးပါ။ သွားကျိန်းလို့ မစားရဲကြဘူးဆိုသူတွေတောင်စောင်းလျားသီးယို၊စောင်းလျားသီးနဲ့ချဉ်စပ်နှပ်ထားတဲ့လက်ဖက်တို့ကို စားရင်ကြွေသွားနိုင်ပါတယ်။စောင်းလျားသီးမှည့်ပြီဆို ချဉ်ပြုံးပြုံးအရသာလေးမှာ သကြားခတ်ထားသလို အရသာနဲ့ တကယ်ကိုစားလို့ကောင်းပါတယ်။ ဒါပေမယ့် ဟိုးအရင်ကအိမ်ရှေ့တွေမှာ စိုက်ထားတတ်တဲ့စောင်းလျားပင်လေးတွေက အခုတော့ရှားပါးနေပါပြီ။ အပင်ရှိနေသေးတဲ့အိမ်တွေမှာဆိုလည်း တန်ဖိုးမစား၊ သိပ်မစားကြတော့ လမ်းပေါ်မှာပြန့်ကျဲ။ တကယ်တော့ တန်ဖိုးမကြီးတဲ့ သဘာဝအသီးအနှံ၊အပင်လေးတွေကဆေးဖက်ဝင်တာ လူသိနည်းကြပါတယ်။ ဥပမာ ငယ်ငယ်ကဆော့ကြ၊စားကြတဲ့ဗောက်သီးကဆေးဖက်ဝင်မှန်းသိလာတဲ့အခါ နိုင်ငံခြားမျိုးတွေကိုဈေးကြီးပေးပြီးမှာယူကြတယ်။ အခုလို တန်ဖိုးမထားကြတဲ့ သဘာဝဆေးဖက်ဝင်အသီးလေးတွေကို တန်ဖိုးသိလာတဲ့အခါ လွယ်လွယ်နဲ့ရှာဝယ်လို့မရနိုင်တော့ဘူး၊ဈေးကြီးပေးပြီးလိုက်ဝယ်ရတော့တာပါပဲ။ ခုတော့ အရမ်းမရှားသေးခင် တန်ဖိုးထားပေးလိုက်ပါ။စောင်းလျားသီးက ဘယ်လိုအဖိုးတန်လဲဆိုတော့ ... အရွယ်တော် စောင်းလျားသီးတစ်လုံး (၉၁ ဂရမ်ခန့်)မှာ ဗီတာမင် C ကအများဆုံးဆိုပေမယ့် အမျှင်ဓါတ်၊ ပရိုတင်း၊ ဗီတာမင် B5၊ဖောလိတ်၊ကော့ပါး၊ ပိုတက်စီယမ်၊ မဂ္ဂနီဆီယမ်တွေ ပါဝင်ပါတယ်။ တစ်ခါစားအတွက် […]

အသည်းပုံ ပုံစံ နီနီရဲရဲလေးနဲ့ ဆွဲဆောင်မှုရှိလှတဲ့ စတော်ဘယ်ရီသီးကို စားမလားလို့မေးရင် ဘယ်သူမှ မငြင်းနိုင်ကြပါဘူး။ အရောင်အဆင်းနဲ့ ပုံပန်းသဏ္ဍန်လေးကလည်း လှသလို စားလိုက်ရင် ချိုချဉ်အရသာလေးရှိတဲ့ စတော်ဘယ်ရီသီးလေးက သင့်ကျန်းမာရေးကို အထောက်အကူပြုနေတဲ့ အရာတွေ အများကြီးရှိပါတယ်။ အဆင်းသာမက အချင်းပါရှိတဲ့ စတော်ဘယ်ရီသီးလေးရဲ့ ကျန်းမာရေးအတွက် ကောင်းကျိုးလေးတွေကို ကြည့်လိုက်ကြရအောင် ။ ။ စတော်ဘယ်ရီသီးကြောင့်ရနိုင်တဲ့ ကျန်းမာရေးအကျိုးကျေးဇူးများ ။ ။ ခုခံအားကို မြင့်တက်စေပါတယ်။ ။ ချိုချဉ် အရသာရှိတဲ့ စတော်ဘယ်ရီသီးမှာ ခုခံအားရဲ့ မဟာမိတ်တပ်သားတွေဖြစ်တဲ့ ဗီတာမင် C တွေအများကြီးပါတာကြောင့် စတော်ဘယ်ရီသီးများများစားလေ သင့်ခုခံအားမြင့်တက်လေလေ ရောဂါတွေ ကင်းစင်လေလေပါပဲ။ အမြင်အာရုံကို ကောင်းမွန်စေပါတယ် ။ ။ စတော်ဘယ်ရီမှာပါတဲ့ ဓါတ်တိုးဆန့်ကျင်ပစ္စည်း တွေက အသက်ကြီးလာရင် ဖြစ်တတ်တဲ့ မျက်လုံးရေတိမ်စွဲတဲ့ ရောဂါကို တားဆီးပေးပါတယ်။ ဒါ့အပြင် ခရမ်းလွန်ရောင်ခြည် […]

ထန်းသီးနုနုလေးစားရတာက ဂျယ်လီလေးစားရသလိုပါပဲ။ ဆိုးဆေးတွေ၊ပြုပင်ထားတဲ့ အချိုဓါတ်တွေကင်းစင်တဲ့ သဘာဝရဲ့ ဂျယ်လီလေးပေါ့။နွေရာသီမှာ ထန်းသီးနုနုချိုချိုလေးကို ပင်ပွားလေးနဲ့ရောလို့ နို့စိမ်းလေး၊ရေခဲလေးနဲ့ရာစပ်လိုက်ရင် ထန်းသီးဖော်ရည်ချိုအေးမွှေးလေးက ရင်အေးစေသလို စိတ်ကျေနပ်မငလည်းရစေတာအမှန်ပါ။ ထန်းသီး မနုမရင့်လေးတွေကိုလည်းကျောက်ကျောထိုးစားလို့ရပါသေးတယ်နော်။ ဒီလိုအမျိုးမျိုးအဖုံဖုံစားလို့ရတဲ့ ထန်းသီးနုနုလေးက စားကောင်းရုံတင်လား။ နိုးပါ။ ကျန်းမာရေးအတွက်လည်းကောင်းစေပါသေးတယ်နော်။ ထန်းသီးအကြောင်း သိပြီးပြီလား အညာဒေသတွေရဲ့ အမှတ်အသားလို့တောင်ပြောလို့ရတဲ့ ထန်းပင်လေးက သားသမီးတစ်ယောက်ထက်တောင်ပိုပြီး အသုံးကျသေးတယ်၊လို့ပြောတာကိုကြားဖူးကြလား။ ထန်းပင်ရဲ့ အရွက်က အမိုးမိုးလို့ရတယ်။ ထန်းသီးအဆံကစားလို့ရတယ်။ ထန်းသီးမှည့်သွားရင်လည်း အနှစ်တိုက်ပြီး ထန်းသီးမုန့်လုပ်စားလို့ရတယ်။ အမြစ်ကလည်း စားလို့ရပါတယ်။ ထန်းပင်ကအိုသွားလို့ ခုတ်လှဲရပြီဆိုရင်လည်း ပင်စည်ကို ကြမ်းခင်းအဖြစ်သုံးလို့ရပါသေးတယ်။ ထန်းရည်နဲ့ ထန်းလျက်ကလည်း ထန်းပင်ကနေရတဲ့ အရာတွေပါပဲ။ ကဲ ဘယ်လောက်တောင်အသုံးဝင်လိုက်သလဲနော်။ ထန်းသီးဆိုတာက အမှန်တော့ အသီးရဲ့အဆံလေးပါ။ အညိုရောင်ထန်းသီးထဲမှာပါတဲ့ အဆံလေးတွေပေါ့။ ထန်းသီးတစ်လုံးမှာ ၃ ခုဒါမှမဟုတ် ၄ ခုထိပါတတ်ပါတယ်။ အသီးရဲ့ လုံးပတ်က ၄ […]

အစေ့အဆန်တွေမှာ ကိုယ်ခန္ဓါနဲ့ ကျန်းမာရေးအတွက် ကောင်းကျိုးများစွာ ဖြစ်စေတဲ့ ဗီတာမင်နဲ့ သတ္တုဓါတ်တွေအပြင် ဦးနှောက်ဉာဏ်ရည်ကို ထက်မြက်စေတဲ့ အဆီအနှစ်၊ အာဟာရတွေ များစွာပါဝင်ပါတယ်။ ဒါကြောင့် ကျန်းမာရေးကို လိုက်စားသူတွေရဲ့ နေ့စဉ်အစာအာဟာရမှာ အစေ့အဆန်ဟာ မဖြစ်မနေ ပါဝင်သင့်တဲ့ အစားအစာဖြစ်ပါတယ်။ ဒီနေ့မှာတော့ အစေ့အဆန်တွေထဲမှာမှ အရသာလည်း ရှိပြီး အာဟာရဓါတ်များစွာ ပေးစွမ်းနိုင်တဲ့ အော်လ်မွန်စေ့ကို ပုံမှန်စားပေးခြင်းဖြင့် ရနိုင်တဲ့ ကျန်းမာရေးကောင်းကျိုးတွေကို ပြောပြပေးချင်ပါတယ်။ ၁။ ဗီတာမင်နဲ့ သတ္တုဓါတ်များစွာ ပါဝင်ပါတယ်။ အော်လ်မွန်စေ့မှာ လူ့ခန္ဓါကိုယ်အတွက် နေ့စဉ်လိုအပ်တဲ့ အာဟာရဓါတ်တွေ ဖြစ်တဲ့ အမျှင်ဓါတ်၊ အသားဓါတ်၊ ဗီတာမင် B ၊ ဗီတာမင် E ၊ သံဓါတ်၊ ဇင့်ဓါတ်၊ ကယ်လ်စီယမ်ဓါတ်၊ မဂ္ဂနီဆီယမ်ဓါတ်၊ ဖော့စရပ်စ်၊ ကစီဓါတ်အနည်းငယ်အပြင် ကျန်းမာရေးအတွက် ကောင်းမွန်တဲ့ ဆီသန့်၊ ကယ်လိုရီဓါတ်တွေ […]

ရေခဲမုန့်တို့ အိုက်စ်ကရင်း တို့ဆိုတာ လူတိုင်း သည်းခြေကြိုက်ကြတဲ့ အစားအသောက်တစ်ခုပါ။ မကြိုက်တဲ့သူ အင်မတန်မှ ရှားလောက်အောင် နာမည်ကြီးလူကြိုက်များကြတဲ့ အချိုပွဲတစ်ခုပါ။ ဒီလူတိုင်း ကြိုက်ကြတဲ့ အိုက်စ်ကရင်းကို သင့်ကိုယ်ခန္ဓါ မကြိုက်ဘူးဆိုရင်တော့။ ဘာလို့လဲ ၊ ရေခဲမုန့်က သင့်ကိုယ်ခန္ဓါကို ဘယ်လိုတွေ ဒုက္ခပေးနိုင်လဲ ။ ။ ရေခဲမုန့်ရဲ့ ကျန်းမာရေးအပေါ် သက်ရောက်မှုတွေ ။ ။ ရေခဲမုန့်ကြောင့် သင် အဝလွန်ခြင်း ဖြစ်ပါတယ်။ ။ ရေခဲမုန့်တစ်ခွက်ဖြစ်လာဖို့ သကြားတွေ၊ နို့တွေအများကြီးနဲ့ ဖန်တီးထားရတာကြောင့် ရေခဲမုန့်တစ်ခွက်မှာ ကယ်လိုရီ ၁၀၀၀ တောင်ပါပါတယ်။ ဒီလို ခွက်သေးသေးလေးတစ်ခွက်ထဲမှာ ပါဝင်တဲ့ ကယ်လိုရီက များလွန်းတာကြောင့် ရေခဲမုန့်များများစားလေ ကယ်လိုရီတွေ ကိုယ်ခန္ဓါထဲများများဝင်လေ ပိုဝလာလေလေပါပဲ။ သကြားဓါတ်ပါဝင်မှု မြင့်ပါတယ်။ ။ ရေခဲမုန့်ရဲ့ အရသာကိုတည်းက ချိုချိုလေးဖြစ်တာကြောင့် သကြားတွေ အများကြီးပါမယ်ဆိုတာ ပြေးကြည့်စရာတောင် […]

နို့လို့ ပြောလိုက်တယ်ဆိုရင် လူတော်တော်များများ ပြေးမြင်ကြတာက နွားနို့ကိုပါ။ ဒါပေမယ့် သောက်လို့ရတာက နွားနို့တစ်ခုတည်း မဟုတ်ပါဘူး။ ဆိတ်နို့ ၊ ကျွဲနို့နဲ့ မြင်းနို့တို့ကလည်း သောက်လို့ရပါတယ်။ ဆိတ်နို့ဆိုရင် နွားနို့ထက် ပိုမွှေးသလို ပိုလည်းဆိမ့်ပါတယ်။ ဒီတစ်ခေါက်တော့ သောက်ရတာဆိမ့်ပြီး အရသာရှိလှတဲ့ ဆိတ်နို့အကြောင်းလေး နည်းနည်းလောက်ပြောပြပါရစေ။ ဆိတ်နို့ အကြောင်း တစ်စေ့တစောင်း ဆိတ်နို့ က အရသာရှိသလို ကျန်းမာရေးအကျိုးကျေးဇူးတွေလည်း တော်တော်လေးများပါတယ်။ ခန္ဓာကိုယ်အတွက်လိုအပ်တဲ့ ဗီတာမင်၊ သတ္တုဓာတ်နဲ့ အာဟာရဓာတ်တွေ စုံလင်စွာ ပါဝင်နေတဲ့အတွက် သောက်သုံးဖို့ သင့်တော်တဲ့ နို့တစ်မျိုးပါ။ ဆိတ်နို့မှာ ကာဗိုဟိုက်ဒရိတ်၊ ပရိုတင်း၊ သကြားဓာတ်၊ ဆိုဒီယမ်တို့ ပါဝင်နေသလို ကယ်လ်ဆီယမ်၊ မဂ္ဂနီဆီယမ်၊ ပိုတက်ဆီယမ်နဲ့ ဇင့်တို့လိုမျိုး သတ္တုဓာတ်တွေလည်း ကြွယ်ဝစွာပါဝင်ပါတယ်။ ဗီတာမင်တွေအနေနဲ့ကတော့ ဗီတာမင် A၊ ဗီတာမင် B […]

ကီဖာ (Kafir) ဆိုတာ နွားနို့ ဒါမှမဟုတ် ဆိတ်နို့ကနေ အချဉ်ဖောက်ထားတဲ့သောက်စရာတမျိုးပါ။ နို့ထဲကို ကီဖာစေ့လေးတွေထည့်ပြီးဖောက်ရတာဖြစ်ပါတယ်။ ကီဖာအကြောင်းကို သိတဲ့သူတွေသိကြပါတယ်။ အွန်လိုင်းမှာတောင် ကီဖာအကြောင်းဝေမျှကြ၊ ကီဖာတွေ မျှပေးကြတဲ့ ဂရုတွေရှိပါသေးတယ်။ စိမ်ထားပြီး ၂၄ နာရီအတွင်းမှာ ကီဖာစေ့ထဲက အဏုဇီဝပိုးလေးတွေ ပွားလာပြီး နို့ထဲကသကြားနဲ့ အချဉ်ပေါက်လာတယ်၊ ကီဖာဖြစ်သွားတယ်ပေါ့။ပြီးရင် ကီဖာစေ့ကိုအရည်ထဲကဆယ်ထုတ်ထားပြီးနောက်တစ်ကြိမ်ထပ်သုံးလို့ရပါတယ်။ ကီဖာဆိုတာ ကီဖာစေ့တွေစိမ်ထားတဲ့အရည်သာဖြစ်ပြီး ကီဖာစေ့တွေကိုတော့ ထပ်ထပ်ပွားဖို့ သုံးရတာဖြစ်ပါတယ်။ အရှေ့ဥရောပဘက်ကနေ စတင်အသုံးပြုလာတဲ့ ကီဖာ (Kefir)ဆိုတဲ့အမည်က keyif ဆိုတဲ့တူရကီဝေါဟာရကနေ ဆင်းသက်လာတာဖြစ်ပါတယ်။ စားပြီးရင်နေလို့ကောင်းတယ်ဆိုတဲ့အဓိပ္ပါယ်ပါ။ ကီဖာစေ့ရဲ့ lactic acid ဘက်တီးရီးယားက နို့ရဲ့lactose ကိုlactic acid အဖြစ်ပြောင်းလဲစေတာကြောင့် သူ့အရသာက ဒိန်ချဉ်လို အရသာလေးဖြစ်ပါတယ်။ ကီဖာက ဘာအတွက်ကောင်းတာလဲ အာဟာရဓါတ်တွေအများကြီးပါဝင်တယ် ကီဖာ ၁၇၅ မီလီတစ်ခွက်စာမှာ - ပရိုတင်း ကယ်လ်စီယမ် ဖော့စ်ဖရပ်စ် […]

အခုရက်ပိုင်း ကြော်ငြာတွေ မှာ probiotics အကြောင်းတွေ ပြောပြီးကြော်ငြာလာကြတော့ လူတော်တော်များများ ကတော့ probiotics က ကောင်းမှန်းတော့ သတိထားလာမိကြပါတယ်။ ဒါပေမယ့် ဘယ်လို ဘယ်ပုံ ကျန်းမာရေး အတွက် အကျိုးရှိနိုင်သလဲ ဆိုတာကို အသေးစိတ် ဖော်ပြပေးချင်ပါတယ်။ Probiotics ဆိုတာဘာလဲ တကယ်တော့ probioticsဆိုတာ အသက်ရှိသေးတဲ့ ဘက်တီးရီယားတွေပါပဲ။ ဘက်တီးရီးယားလို့ပြောတော့ ကျွန်တော်တို့ စိတ်ထဲ ဝင်လာတာကတော့ လူကို ဒုက္ခပေးစေတတ်တယ် ဆိုတာပါပဲ။ တကယ်တော့ ကျွန်တော်တို့ ခန္ဓာကိုယ်မှာ မမြင်ရတဲ့ ပိုးမွှား သန်းပေါင်း များစွာရှိနေပါတယ်။ အကုန်လုံးက ဒုက္ခမဖြစ်စေပါဘူး။ တချို့ က ဒုက္ခပေးတာ ရှိသလို၊ တချို့ကျပြန်တော့လည်း လူ့ ခန္ဓာကိုယ် ကို ကောင်းကျိုးပေးနိုင်ပါတယ်။ probioticsဆိုတာ ကောင်းကျိုးပေးတဲ့ bacteria နှင့် yeast […]