ကျန်းမာစွာ စားသောက်ခြင်း

အစားလျှော့တဲ့အခါ လိုက်နာစရာ မလိုတဲ့ စည်းကမ်းတွေ ကိုယ်အလေးချိန် လျှော့ချချင်တဲ့သူတိုင်းဟာ အစားအသောက်ဆင်ခြင်ဖို့ ပြင်ဆင်တတ်ကြပါတယ်။ တချို့သော အဓိပ္ပါယ်မရှိတဲ့ စည်းကမ်းတွေကို သင့်အနေနဲ့ ကြားဖူးလိမ့်မယ်။ လိုက်လုပ်ကောင်းလည်း လုပ်ဖူးပါလိမ့်မယ်။ အစားအသောက်ထိန်းခြင်းနဲ့ ပတ်သက်ပြီး သင်အများဆုံးကြားဖူးထားတဲ့ နည်းအချို့ဟာ တကယ်တမ်းမှာ သင့်ကိုယ်အလေးချိန်ကို လျှော့ချဖို့ ကူညီမပေးနိုင်ကြပါဘူး။ ဒီနည်း(၈)ခုကတော့ သင့်အနေနဲ့ လိုက်မလုပ်လည်း ရတဲ့ နည်းတွေ ဖြစ်ပါတယ်။ ၁။ ညဘက်မှာ အစာစားခြင်းက သင့်ကို ဝစေတယ်။ တကယ်တော့ အဆီတက်တယ်ဆိုတာဟာ ၂၄နာရီအချိန်အတွင်းမှာ သင်ဘယ်လောက်စားသောက်နေသလဲ ဆိုတာနဲ့ အဓိကဆိုင်ပါတယ်။ သင်ဘာတွေ စားတယ်၊ ဘယ်လောက်ပမာဏစားတယ်၊ သင်ဘယ်လောက် လှုပ်ရှားမှုရှိတယ် ဆိုတာတွေက သင်ဘယ်အချိန်စားတယ် ဆိုတာထက် ပိုအရေးကြီးပါတယ်။ ၂။ ပုံမှန်အချိန်သတ်မှတ်ပြီး တစ်နေ့ကို ၅ကြိမ်စားပါ အကောင်းဆုံးကတော့ နာရီက သင့်ကို အစားစားချိန်ရောက်ပြီလို့ ပြောတာထက် ဗိုက်ဆာတဲ့အချိန် စားလိုက်တာပါပဲ။ တစ်ယောက်နဲ့တစ်ယောက်ရဲ့ […]

လူတစ်ဦးအတွက် တစ်နေ့ သို့မဟုတ် တစ်ပတ်အတွက် ကြက်ဥမည်မျှ များများ အန္တရာယ် မရှိဘဲစား နိုင်သနည်း ဆိုသည်ကို ဆေးပညာရှင် တစ်ဦးအနေဖြင့် မကြာခဏအမေးခံရဖူးသည်။ ကိုလက်စထရောဟုခေါ်သော အဆီဓါတ်သည် နှလုံးရောဂါကိုဖြစ်စေသည်ဟုယုံကြည်ကြသည့်အတွက် ကိုလက်စထရော ကြွယ်ဝသော ကြက်ဥများကိုစားသုံးခြင်းသည် ကျွန်ုပ် ကျန်းမာရေးအတွက် မကောင်းနိုင်ဟု မှားယွင်းယူဆမိကြသည်။ ကျွန်ုပ်တို့နေ့စဉ်စားသော အစားအစာများတွင် ကြက်ဥသည် ကြက်သားကဲ့သို့ပင်ကောင်းမွန်သည် ကိုတွေ့ရသည်။ ကြက်ဥတွင် ကိုလက်စထရောပါဝင်ခြင်းသည်အဓိက မကျလှဘဲ အထဲတွင် ပါဝင်သောအိုမီဂါ အက်စစ် အချိုးအစားက ပို၍အရေးပါသည်။ ပုံမှန်အားဖြင့် ကြက်ဥတွင် အိုမီဂါ အက်စစ် နံပါတ်၃ ကတစ်ဆ၊အိုမီဂါအက်စစ် နံပတ်၆က ၄ဆအထိပါဝင်နိုင်သည်။ သို့သော် မွေးမြူရေးကြက်ဥများတွင် အိုမီဂါအက်စစ် နံပါတ်၆သည် ၁၆ ဆမှ ၃၀ ဆအထိများပြားစွာပါဝင်တတ်သည်။ ထို အိုမီဂါအက်စစ် နံပါတ်၆သည် ခန္ဓါကိုယ်တွင် ရောင်ရမ်းခြင်းကိုဖြစ်စေတတ်ပြီး […]

ညစာကိုအပြင်စားသောက်ဆိုင်များတွင်စားခြင်းသည် ပျော်ရွှင်ဖွယ်ကောင်းသကဲ့သို့အပေါင်းအသင်းများနှင့်လည်း တွေ့ဆုံနိုင်သည့်အပြင်သင်ကိုယ်တိုင်က ဂရုစိုက်ပါက ကျန်းမာရေးနှင့် ညီညွတ်မျှတ၍ ကိုယ်အလေးချိန်ကျအောင်ရွေးချယ်စားသောက်နိုင်ပါသည်။ ကျွန်ုပ်အနေဖြင့်ညစာကို သေချာစွာပြင်ဆင်စားဖြစ်သည့်အတွက် မကြာခဏအပြင်ထွက်မစားဖြစ်ပါ။ ကျန်းမာ၍ကိုယ်ခန္ဓါကျစ်လျစ်ရန်အစားအစာကို ကိုယ်တိုင်ပြင်ဆင်သင့်သည်ဟုကျွန်ုပ်ကယုံကြည်ပါသည်။ သို့သော်လည်း Saigon ကဲ့သို့မြို့ကြီးများတွင်များပြားသောစားသောက်ဆိုင်များတည်ရှိသည့်အတွက်လူမှုရေးအရသော်လည်းကောင်းသူတို့၏အစားအသောက်များကို စားသောက်မှသာသင့်တော်ပေလိမ့်မည်။ ထို့ကြောင့်ညစာကိုအပြင်ထွက်စားဖြစ်သည့်အခါကျန်းမာရေးနှင့်လည်းညီအောင်၊ အရသာရှိ၍ ကယ်လိုရီများစွာလည်းမစားမိအောင် အောက်ပါအချက် (၈) ချက်ကိုလိုက်နာသင့်ပါသည်။ (၁) ဆီပြင်းပြင်းနှင့်ကြော်ထားသော အစားအစာမပါသည့်ဟင်းလျာများကိုရွေးချယ်ပါ ဆီနှင့်ထပ်ခါထပ်ခါကြော်ထားသော အစားအစာများသည ် ပြည့်ဝဆီပါဝင်မှုနှင့်ကယ်လိုရီများပြားသည့် အတွက်ကျန်းမာရေးအတွက်မသင့်တော်ပါ။ ပြည့်ဝဆီများကို ဆီနှင့်ကြော်ရာမှထွက်လာသောအဆီဓါတ်များသည်လူကိုဒုက္ခများစွာပေးတတ်ပါသည်။ ထို့ပြင် ဆီပြင်းပြင်းနှင့်ကြော်ထားသောအစားအစာများတွင်အာဟာရဓါတ်များလည်းကုန်ခမ်းသွားသဖြင့် နာတာရှည်ကျန်းမာရေးပြဿနာများဖြစ်နိုင်ပါသည်။ (၂) ဆီကြော်များကိုမေ့ထားလိုက်ပါ ဆီကြော်အစားအစာများနေရာတွင်လတ်ဆတ်သော ဟင်းသီးဟင်းရွက်ဟင်းလျာတစ်ခုကို စားသုံးပေးပါ။ အထူးသဖြင့်အစိမ်းရောင်ခြယ်ဟင်းသီးဟင်းရွက်များသည်စွမ်းအင်မြင့်တက်စေနိုင်သည့်အပြင်ခန္ဓါကိုယ်မှအဆိပ်အတောက်များကိုဖယ်ရှားပေးသည်။ ထို့ကြောင့်အစားအစာတစ်ခုစားတော့မည်ဆိုလျှင်ဟင်းသီးဟင်းရွက်က အဓိကအခရာပါသင့်ပါသည်။ (၃) အချိုမှုန့်နှင့်အဆီများသော ဟင်းရည်များကိုရှောင်ပါ အာရှတိုက်သားများအနေဖြင့်အချိုမှုန့်နှင့်သကြားဓါတ်၊ အဆီဓါတ်ကဲ့သောအစားအစာများကိုရှောင်ရန်ခက်ခဲပေလိမ့်မည်။ ထိုဟင်းလျာများသည် ရောင်ရမ်းခြင်းကိုဖြစ်စေသည့်အပြင်ဦးနှောက်၏လုပ်ငန်းဆောင်တာများကို ကျဆင်းစေနိုင်သည့်အတွက်မရွေးချယ်သင့်ပါ။ (၄) အချိုဓါတ်ကဲသော အချဉ်ရည် အစား လိမ္မော် (သို့မဟုတ်) သံပရာရည်ကိုသုံးပါ အချိုဓါတ်ကဲလွန်းသော တို့စားစရာအချဉ်ရည်များ အစား လိမ္မော် (သို့မဟုတ်) သံပရာရည် သင်ကြိုက်နှစ်သက်သလို အသုံးပြုနိုင်ပါသည်။ (၅) သရေစာများရှောင်ပါ သရေစာများတွင်အဆီဓါတ်နှင့် […]

ဟင်းသီးဟင်းရွက်များကိုစားသုံးပေးသင့်ကြောင်း ကျွန်ုပ်တို့အားလုံးမကြာခဏကြားဖူးကြသည်။ အစာအာဟာရ၏အစွမ်းသည် အံ့အားသင့်စရာကောင်းပြီးထိုအစားအစာများထဲတွင် ဟင်းသီးဟင်းရွက်များကထိပ်ဆုံးမှပါဝင်နေသည်။ သို့သော် ကျွန်ုပ်တို့နေ့စဉ်စားသမျှထဲတွင် ဟင်းသီးဟင်းရွက်များမှာအဓိကပါဝင်ခွင့်မရကြပါ။ လူအများစုကရိုးရှင်းလွယ်ကူသောဟင်းသီးဟင်းရွက်များအမယ်စုံအောင် စားပေးဖို့ရန် ပျက်ကွက်ကြသည်။ ကျန်းမားရေးအတွက် အဆီချခြင်းနှင့် အမျှင်ဓါတ်များသောဟင်းသီးဟင်းရွက်များစားဖို့အရေးဦးစားပေးလုပ်သင့်ပါသည်။ ဟင်းသီးဟင်းရွက်များက ကျွန်ုပ်တို့အတွက် ဘာတွေလုပ်ပေးသလဲ? ဟင်းသီးဟင်းရွက်တို့၏အရောင်မျိုးမျိုးသည် အထဲတွင်ပါဝင်သော ဓါတ်တိုးဆန့်ကျင်ပစ္စည်းအမျိုးမျိုးတို့ကြောင့်ဖြစ်သည်။ ဓါတ်တိုးဆန့်ကျင်ပစ္စည်းအားလုံးနီးပါးသည် အပင်များတွင်အဓိကတွေ့ရတတ်သည်။ အသား၊ ငါးတို့တွင် ပါဝင်မှုနည်းပါးသည်။ အကြောင်းရင်မှာသတ္တဝါတို့သည်လည်းအပင်ကိုစားသုံးသူများဖြစ်ပြီး ကျွန်ုပ်တို့ကဲ့သို့ပင် ခန္ဓါကိုယ်၌ ဓါတုစွမ်းအင်အဖြစ်သိုလှောင်ထားသည်။ အပင်များကထုတ်လုပ်သော ဓါတ်တိုးဆန့်ကျင်ပစ္စည်းများသည် ခန္ဓါကိုယ်၏ဆဲလ်များကိုဖျက်ဆီးတတ်သောဓါတ်တိုးပစ္စည်းများကိုချေဖျက်နိုင်သည်။ ဤနည်းဖြင့်ကျန်းမာသော ခန္ဓါကိုယ်ဆဲလ်များကိုကာကွယ်ပေးသည်။ ထို့ကြောင့်လူသားတို့တွင်ဓါတ်တိုးပစ္စည်းများကိုကာကွယ်နိုင်သောအရံအတား သဘာဝအရမပါဝင်သည်ကိုတွေ့ရသည်။ ဟင်းသီးဟင်းရွက်သီးသန့်စားသူများ (သက်သက်လွတ်စားသူများ) သတိပြုရန် ဟင်းသီးဟင်းရွက်များသာပါဝင်သော အစားအစာတွင် သင့်တော်သောအချိုးအစားနှင့် စားနိုင်ပါကလုံလောက်သောအာဟာရကိုရရှိနေမည်ဖြစ်သည်။ အသားကိုရှောင်ကြဉ်စားသုံးသောကြောင့်အသားမှရသောအသားဓါတ် (ပရိုတိန်း)၊ ဇင့်ဓါတ်နှင့် သံဓါတ်တို့ကိုဟင်းသီးဟင်းရွက်မှ စားသုံးပေးရမည်ဖြစ်သည်။ နို့နှင့် နို့ထွက်ပစ္စည်းများကိုရှောင်ကြဉ်ပါကလည်း နို့မှရရှိသောကယ်လ်ဆီယမ်နှင့် ဗီတာမင် ဒီဓါတ်ကိုရရှိရန် အခြားမည်သည့်အစားအစာမှ ရနိုင်သည်ကိုစဉ်းစားရန်လိုအပ်သည်။ အသား၊ ငါးမှရရှိသောအစားအစာအားလုံးကိုရှောင်ကြဉ်မည်ဆိုပါကဗီတာမင် […]

အရေပြားကျန်းမာရေးအတွက် ဘယ်လိုဗီတာမင်တွေ လိုအပ်ပါသလဲ။ အရေပြားကျန်းမာရေးဆိုတာ ခန္ဓါကိုယ်ထဲ ဝင်ရောက်သွားတဲ့ အာဟာရဓါတ်တွေနဲ့ သက်ဆိုင်ပါတယ်။ သဘာဝနည်းမဟုတ်ဘဲ ပြုပြင်ထားတဲ့ အစားအသောက်တွေကိုချည်း စားမယ်ဆိုရင် သင့်အရေပြားဟာ အဆီပြန်ခြင်း၊ အရောင်မညီခြင်းတို့ ဖြစ်တတ်ပါတယ်။ ဗီတာမင် ပြည့်ဝစွာ စားသောက်မယ်ဆိုရင်တော့ ပိုပြိး ကျန်းမာတဲ့ ပုံပန်းသွင်ပြင်ကို ရရှိမှာပါ။ ဒါဆို ဘယ်လိုဗီတာမင်မျိုးတွေ လိုအပ်သလဲ။ သူတို့က ဘယ်လိုအလုပ်လုပ်သလဲ ကြည့်ရအောင်။ ၁။ ဗီတာမင် အေ အရေပြားပေါ်က တစ်ရှူးတွေ ထိန်းသိမ်းခြင်း၊ ပြန်လည်သန်စွမ်းခြင်းတို့အတွက် ဗီတာမင် အေက အရေးကြီးပါတယ်။ ဗီတာမင် အေ အားနည်းရင်း အရေပြားက မွဲခြောက်ခြောက်ဖြစ်နေတတ်ပါတယ်။ အာလူး၊ မုန်လာဥနဲ့ အစိမ်းရင့်ရောင် အရွက်တွေမှာ ဗီတာမင် အေ လုံလုံလောက်လောက် ပါဝင်ပါတယ်။ အရေပြားအပေါ်မှာလိမ်းတဲ့ လိုးရှင်းတွေမှာဆိုလည်း ဗီတာမင် အေ ပါဝင်ပြီး ဝက်ခြံနဲ့ အရေးအကြောင်းတွေကို […]

အသင့်စားခေါက်ဆွဲကို ကျန်းမာရေးနှင့် ညီညွတ်အောင် ပြုလုပ်နည်းများ အသက်အရွယ်မရွေး ကလေးကနေ လူကြီးအထိ အသင့်စားလို့ရတဲ့ အစားအသောက်တွေကို ကြိုက်နှစ်သက်ကြပါတယ်။ ဈေးလည်းသက်သာတာမို့ အထူးသဖြင့် ကောလိပ်ကျောင်းသားတွေ သိပ်သဘောကျကြပါတယ်။ အလုပ်အရမ်းများလွန်းသူတွေဆိုလည်း ဒီလိုအဆင်သင့်စားလို့ရတဲ့ အစားအသောက်တွေကို ပိုစားဖြစ်တတ်ကြပါတယ်။ ဒါပေမယ့် အာဟာရတန်ဖိုးအရ ကြည့်ရင်တော့ ဒီအစားအသောက်တွေဟာ အာဟာရမပြည့်စဘဲ အဆီ၊ ဆိုဒီယမ်၊ ကြာကြာအထားခံစေတဲ့ ပစ္စည်းတွေနဲ့ သဘာဝမဟုတ်တဲ့ အရောင်ဆိုးမှုတွေ များများပါဝင်နေပါတယ်။ အချိုမှုန့်ရဲ့ အရသာကလည်း စားသုံးသူတွေကို စွဲငြိစေပါတယ်။ ဒါပေမယ့် အဲဒီအသင့်စားခေါက်ဆွဲတွေကို ကျန်းမာရေးနဲ့ မညီညွတ်တဲ့ အစာအဖြစ် သတ်မှတ်ထားကြပါတယ်။ ဒါကြောင့် ခဏခဏစားဖို့ မသင့်တော်ပါဘူး။ ခဏခဏစားမယ်ဆိုရင် ဇီဝကမ္မဖြစ်စဉ်နဲ့ ပတ်သက်တဲ့ ရောဂါတွေ ဖြစ်နိုင်ပြီး သွေးတိုး၊ ဆီးချိုနဲ့ နှလုံးရောဂါတွေကိုလည်း ဖြစ်စေပါတယ်။ ဒီခေါက်ဆွဲတွေကို ကြိုက်လည်းကြိုက်တယ်၊ ကျန်းမာရေးနဲ့ သင့်တော်အောင်လည်း စားချင်တယ်ဆိုရင်တော့ ဒီအချက်တွေကို […]

သံပုရာရည် သောက်ခြင်းက သင့်ကိုနုပျိုစေပါတယ်။ သင့်မျက်နှာပေါ်က အရေးအကြောင်းတွေ၊ ဝက်ခြံတွေ၊ ချွေးပေါက်ကျယ်နေတာတွေကို သက်သာဖို့အတွက် သင်မနက်တိုင်း ဘာသောက်လေ့ရှိသလဲ စဉ်းစားကြည့်ပါ။ လက်ဖက်ရည်ပူပူ၊ ကော်ဖီ၊ ဒါမှမဟုတ်လည်း ရေတစ်ခွက်သောက်တဲ့လူ ရှိနိုင်ပါတယ်။ ဒါပေမယ့် သံပုရာရည်သောက်ဖို့တော့ စဉ်းစားသင့်ပါတယ်။ ဖန်ခွက်ထဲမှာ ရေနွေးပူပူလေးနဲ့ သံပုရာသီးတစ်ခြမ်း ထည့်သောက်မယ်ဆိုရင် ကောင်းကျိုးက နှစ်ဆတောင် ရနိုင်ပါသေးတယ်။ ဒါကြောင့် မနက်တိုင်း သံပုရာရည်သောက်ပြီး အသစ်ပြန်လည်မွေးဖွားလိုက်ပါ။ သံပုရာရည်က သင့်ကျန်းမာရေး၊ အထူးသဖြင့် သင့်အရေပြားကို လှပစေပါတယ်။ ဈေးလည်းမကြီးဘဲနဲ့ အိုမင်းရင့်ရော်မှုကို တားဆီးပေးနိုင်တဲ့ သဘာဝနည်းတစ်ခု ဖြစ်ပါတယ်။ သံပုရာရည် က တင်းတိပ်နဲ့ ဝက်ခြံကို သက်သာစေတယ် တခြားသော မယုံနိုင်စရာကောင်းတဲ့ အကျိုးကျေးဇူးတွေလည်း ရှိပါသေးတယ်။ တင်းတိပ်နဲ့ ဝက်ခြံတွေကို သက်သာစေတာမို့ အရေပြားဆရာဝန်တွေကလည်း ညွှန်းတတ်ကြပါတယ်။ ဒါကြောင့် အလှကုန်ပစ္စည်းအများစုမှာ သံပုရာပါနေတာပါ။ အဲဒီအပြင် သံပုရာသီးမှာပါတဲ့ […]

နေ့ရယ်ညရယ်လို့ခွဲခြားပြီး သိလာနိုင်တာ နေရဲ့ကျေးဇူးပါပဲ။ နေကပေးတဲ့ အရေးအကြောင်းတွေအတွက်လည်း လေးလေးနက်နက်ကို ကျေးဇူးတင်ရမလိုပါပဲလေ။ အသားအရည်တွေဟာ နေ့စဉ်နေရောင်ခြည်နဲ့ထိတွေ့နေရတဲ့အခါမှာ ပြင်းထန်စွာထိခိုက်ပျက်စီးသွားနိုင်ပါတယ်။ ခုချိန်မှာတော့ သင်မြင်ရဦးမှာမဟုတ်ပေမယ့် အချိန်တွေကုန်လွန်သွားပြီး တစ်နေ့မှာ သင့်မှာအရေးအကြောင်းတွေ၊ အမဲစက်တွေနဲ့ မျက်နှာတစ်ပြင်လုံးက အသားအရည်တွေလျော့တွဲနေတာကို သင်တွေ့ရမှာပါ။ ဒါပေမယ့် ဒါတွေကြောင့်ပဲ သဘာဝတရားကြီးက နေရောင်ခြည်ကြောင့် အသားအရည်ပျက်စီးတာကို ပြန်လည်တိုက်ခိုက်ပေးနိုင်မယ့် နည်းလမ်းတွေ လက်ဆောင်ပေးထားတယ်ဆိုတာ သိကြရတာပေါ့။ အသားအရည်ကိုကြည်လင်စေမယ့် အစားအစာ ၇ မျိုးကို အောက်မှာဖော်ပြထားပါတယ်။ ပူဒီနာ လန်းဆန်းစေတယ်မဟုတ်လား။ ယနေ့ခေတ်ရဲ့ သဘာဝစားသောက်ကုန်ထုတ်လုပ်ရေးတွေမှာ ပူဒီနာကို အသုံးများကြပါတယ်။ ပူဒီနာရွက် အနည်းငယ်ပါဝင်တဲ့ ပန်းသီးလက်ဖက်ရည်တစ်ခွက်ဟာ မငြင်းဆန်ရက်စရာပါပဲ။ ပူဒီနာကို သူ့ရဲ့ကုစားပေးနိုင်စွမ်းနဲ့ အေးမြစေတဲ့အစွမ်းတွေကြောင့် လူသိများတာအပြင် သူက သင့်ကိုငြိမ်းချမ်းအေးဆေးမှုကို ခံစားရစေနိုင်တယ်လေ။ ဒါက စိတ်ဖိစီးမှုတွေကို လျှော့ချပေးတဲ့အစားအစာပါပဲ။ ကျွန်တော်တို့အားလုံးဟာလည်း စိတ်ဖိစီးမှုတွေက ဘာတွေပေးနိုင်သလဲ သိနေကြတာမဟုတ်လား။ ဝက်ခြံတွေလေ။ ကန်စွန်းဥ (အာလူး) ရေဓါတ်ပြည့်နေချင်တယ်ဆိုရင် အထူးသဖြင့်သင့်အသားအရည်ကိုရေဓါတ်ဖြည့်ပေးချင်တယ်ဆိုရင် […]

ဝက်ခြံအမာရွတ်တွေကို ထိရောက်စွာ ဖယ်ရှားပေးနိုင်မယ့် အစားအစာ၅မျိုး မျက်နှာမှာရှိတဲ့ ဝက်ခြံအမာရွတ်တွေကို ထိထိရောက်ရောက်ဖယ်ရှားပေးနိုင်မယ့် အစားအစာ၅မျိုးရှိပါတယ်။ ဒီအစားအစာ ၅မျိုးကို ပုံမှန် စားပေးခြင်းအားဖြင့် သင့်ရဲ့လှပပြီး ပြစ်မျိုးမှဲ့မထင်တဲ့မျက်နှာလေးကို ပြန်လည် ပိုင်ဆိုင်စေနိုင်မှာပါ။ အဆိုပါအစားအစာ၅မျိုးကတော့ သံပုရာရည် သံပုရာရည်ဆိုတာ သဘာဝတရားက လက်ဆောင်ပေးထားတဲ့ အစွန်းချွတ်ပစ္စည်းတစ်မျိုးပါ။ ဒါကြောင့်မို့သံပုရာရည်ကို သင့်မျက်နှာပေါ်မှာရှိတဲ့ အမဲစက်တွေနဲ့ ဝက်ခြံအမာရွတ်တွေကို ဖယ်ရှားရာမှာ အသုံးပြုနိုင်ပါတယ်။ အသုံးပြုပုံကလည်း ရိုးရှင်းလွယ်ကူပါတယ်။ သံပုရာရည်ကို နေ့စဉ်မနက်တစ်ခါ ၊နေ့ခင်းတစ်ခါ ပုံမှန်သောက်ခြင်းအားဖြင့် သင့်ခန္ဓါကိုယ်ထဲမှာရှိတဲ့ အဆိပ်အတောက်တွေကို ဖယ်ရှားရှင်းလင်းပေးနိုင်တဲ့အတွက် သင့်အသားအရေဟာ ဝင်းလက်တောက်ပလာမှာမလွဲပါဘူး။ အမဲစက်တွေနဲ့ ဝက်ခြံအမာရွတ်တွေကိုလည်း တဖြည်းဖြည်းချင်း ပျောက်ကွယ်သွားစေပါတယ်။ ဗာဒံသီး ဗာဒံသီးဟာ အသားအရေပျက်စီးမှုကို ပြုပြင်ပေးနိုင်ပြီး အသားအရေကို တင်းတင်းရင်းရင်းရှိစေတာမို့ ထူးခြား အကျိုး များတဲ့ အသီးတမျိုးပဲ ဖြစ်ပါတယ်။ ဒါ့ကြောင့် ဗာဒံသီးဟာ အရေးအကြောင်းတွေ နည်းသွားအောင်၊ အသားရေနုပျိုလှပ ကျန်းမာနေအောင် […]

စတော်ဘယ်ရီဖျော်ရည်က သောက်ရတာအရသာရှိသလို လန်းဆန်းစေနိုင်ပါတယ်။ အကြောင်းကတော့ စတော်ဘယ်ရီသီးမှာ အာဟာရဓာတ်တွေပြည့်ဝစွာပါဝင်နေသလို ဓာတ်တိုးဆန့်ကျင်ပစ္စည်းတွေလည်း ကြွယ်ဝစွာပါဝင်နေပါတယ်။ ဒီလိုအရသာရှိတဲ့ စတော်ဘယ်ရီဖျော်ရည်က ကျန်းမာရေးအတွက် အခုလို အထောက်အပံ့ပေးပါတယ်။ စတော်ဘယ်ရီဖျော်ရည် ဆိုတာ စတော်ဘယ်ရီဖျော်ရည် ဆိုတာက စတော်ဘယ်ရီသီးလေးတွေကို ဖျော်ထားတဲ့ ဖျော်ရည်ကို ပြောတာပါ။ အသွင်အပြင်လေး လှသလို နီနီရဲရဲလေးနဲ့ ချိုတဲ့ စတော်ဘယ်ရီသီးလေးတွေကို ကြိတ်ခြေပြီး သကြားနဲ့ သောက်တာမျိုး ရှိသလို နို့စိမ်း၊ နို့ဆီ၊ နွားနို့တို့နဲ့ ရောပြီး ဖျော်ထားတဲ့ ဖျော်ရည်ကို ဆိုလိုတာပါ။ စတော်ဘယ်ရီဖျော်ရည်မှာ ဘယ်လို အာဟာရတွေ ပါဝင်နေလဲ စတော်ဘယ်ရီဖျော်ရည်တစ်ခွက်မှာ ဗီတာမင် C၊ ပိုတက်ဆီယမ်၊ ဖောလစ်အက်ဆစ်၊ မဂ္ဂနိ့စ်၊ ကော့ပါး၊ ဇင့်၊ ဗီတာမင် E၊ ကယ်လ်ဆီယမ်၊ ဗီတာမင် ဘီ နဲ့ သဘာဝအချိုဓာတ်တွေပါဝင်နေပါတယ်။ ဒါတွေအပြင် ခန္ဓာကိုယ်အတွက်လိုအပ်တဲ့ ဗီတာမင် […]