အခြေခံကျသည့် ကျန်းမာရေးဗဟုသုတများ

ကော်ဖီဖျော်ပြီးရင် ကျန်တဲ့အမှုန့်အနှစ်တွေကို ချက်ချင်းလွှင့်ပစ်တတ်ကြပါတယ်။ ဒါပေမယ့် သုံးပြီးသားကော်ဖီအနည်တွေက စွယ်စုံအသုံးဝင်တာကိုတော့ သိပ်မသိကြပါဘူး။ သုံးပြီးသားကော်ဖီအနှစ်တွေကို အိမ်အလုပ်တော်တော်များများမှာ စရိတ်မကုန်ဘဲအသုံးဝင်တဲ့နည်းလမ်းတွေနဲ့အသုံးချနိုင်ပါတယ်။ ကော်ဖီသောက်ပြီးရင် ကျန်တဲ့အနည်တွေကို အလှအပအတွက် အသုံးချလို့ရသလို ဆံပင်အတွက်လည်း အသုံးဝင်ပါတယ်။ ကော်ဖီကိုနေ့စဉ်သောက်ရင် အသက်ရှည်နိုင်တယ်၊ လေဖြတ်ခြင်းကိုကာကွယ်နိုင်တယ်၊ အမျိုးအစား ၂ ဆီးချိုရောဂါအန္တရာယ် ကာကွယ်နိုင်တယ်လို့တောင်လေ့လာမှုတွေထွက်ပေါ်ခဲ့ပါတယ်။ ဒါ့အပြင်သောက်ပြီးကျန်ရှိတဲ့အနည်တွေဟာလည်း ပြန်လည်အသုံးပြုခြင်း(recycle) သဘောနဲ့ စွယ်စုံအသုံးချလို့ရနိုင်ပါတယ်။ သုံးပြီးသားကော်ဖီအနှစ်တွေကို အသုံးချနိုင်မယ့်နည်းလမ်းကောင်းများ သုံးပြီးသားကော်ဖီအနှစ်တွေကို အသုံးချနိုင်မယ့်နည်းလမ်းကောင်းများ ကတော့ မြေသြဇာအဖြစ်သုံးမယ် azaleas ပန်း၊hydrangeas (ခြောက်လပန်း)၊rhododendrons(တောင်ဇလပ်ပန်း)၊camellias ပန်း၊ နှင်းဆီပန်း တို့လို အပင်တွေစိုက်တဲ့အခါကော်ဖီကို မြေသြဇာအဖြစ်ပြောင်းလဲအသုံးချနိုင်ပါတယ်။ ကော်ဖီအနည်တွေကို အက်စစ်ဓာတ်ပြယ်စေဖို့ မြက်ခြောက်၊ ကောက်ရိုး၊ အရွက်ကြွေတွေနဲ့ ရောပြီးမှ အပင်ပတ်လည်မှာဖြန့်ထားပါ။ ကော်ဖီအနည်တွေက မြေဆီလွှာကို နိုက်ထရိုဂျင်နဲ့ ပိုတက်စီယမ်ဓာတ်အပြင် အပင်တွေရှင်သန်ဖြစ်ထွန်းဖို့လိုအပ်တဲ့ မဂ္ဂနီဆီယမ်ကိုထောက်ပံ့ပေးနိုင်ပါတယ်။ ကော်ဖီမြေသြဇာက ဖော့စ်ဖရိတ်နဲ့ ကယ်လ်စီယမ်မပါတာကြောင့် အသီးအတွက် အားပေးနိုင်မှာတော့မဟုတ်ပါဘူး။ ပြီးပြည့်စုံတဲ့ ကော်ဖီမြေသြဇာကိုရရှိဖို့အတွက် […]

ပထဝီဓါတ်ယူပါ။မြေကြီးဓါတ်ယူပါလို့ပြောတာကိုကြားဖူးကြမှာဖြစ်ပါတယ်။ ဒီလိုမျိုးမြေကြီးဓါတ်ပြည့်ဝစေဖို့အတွက်လုပ်ဆောင်နိုင် မယ့်အရိုးစင်းဆုံးနည်းလမ်းကတော့ခြေဗလာနဲ့လမ်းလျှောက်တာပဲဖြစ်ပါတယ်။ခြေထောက်ကိုမြေကြီးနဲ့တိုက်ရိုက်ထိတွေ့ပြီးလျှောက်ပေးတာက ခန္ဓါကိုယ်ကို ကမ္ဘာမြေဆီကနေnegative electronsတွေကို စုပ်ယူနိုင်စေသလို ခန္ဓါကိုယ်ရဲ့နေ့စဉ်လှုပ်ရှားမှုတွေကို စည်းချက်ညီစေပြီး ကိုယ်တွင်းကbioelectrical ဝန်းကျင်ကိုလည်းဟန်ချက်ညီအောင်လုပ်ဆောင်ပေးပါတယ်။ တိုးတက်လာတဲ့ လူနေမှုဘဝပုံစံကြောင့် ကျွန်မတို့ဟာ မိခင်ကမ္ဘာမြေကြီးနဲ့ ထိတွေ့ခွင့်ကိုတော်တော်လေးကိုဆုံးရှုံးနေပြီဖြစ်ပါတယ်။ ဒါပေမယ့် အချိန်ပေးပြီး ကမ္ဘာမြေကြီးနဲ့တိုက်ရိုက်ထိတွေ့မှုကို ခံစားကြည့်လိုက်ပါ။ သင်ထင်မှတ်မထားတဲ့ အကျိုးကျေးဇူးတွေရရှိစေမှာအသေအချာပါပဲ။ ခြေချင်းဝတ်နဲ့ခြေဖဝါးတွေကို သန်မာစေခြင်း ခြေဗလာနဲ့ လမ်းလျှောက်တာကခြေထောက်ကို သဘာဝအတိုင်းလှုပ်ရှားနိုင်ခွင့်ရရှိစေတာကြောင့်ခြေချင်းဝတ်နဲ့ခြေဖဝါးတွေကို သန်မာစေပါတယ်။ ရှုးဖိနပ်တွေက ကြွက်သားတွေကိုချည့်နဲ့စေပြီးခြေဖဝါးတွေကို အားနည်းစေပါတယ်။ခြေချင်းဝတ်တွေနဲ့ခြေဖဝါးတွေက ကြွက်သားတွေကိုမြေကြီးနဲ့မှန်မှန်ထိတွေ့စေမယ်ဆိုရင်ခြေထောက်နဲ့ ဦးနှောက်ကြားက ချိတ်ဆက်မှုကို ပိုမိုကောင်းမွန်စေပါတယ်။ ခန္ဓါကိုယ်ကို ပိုမိုဟန်ချက်ညီလာစေပြီး ပိုမိုသန်မာလာစေသလို ထိခိုက်ဒဏ်ရာရမှုတွေကနေလည်းပိုမိုခံနိုင်ရည်ရှိစေပါတယ်။ နာကျင်မှု နဲ့ ရောင်ရမ်းမှုကိုလျော့ပါးစေနိုင်ခြင်း လေ့လာမှုတစ်ရပ်အတွင်း ၈ ပတ်ဆက်တိုက်မြေကြီးမှာခြေဗလာနဲ့ လမ်းလျှောက်စေခြင်းက နာကျင်မှုဗတွကိုလျော့ပါးသက်သာစေပြီး စိတ်ဖိစီးမှုကိုလျော့ကျစေနိုင်သလို အိပ်ပျော်စေပါတယ်။ စမ်းသပ်မှုကာလပြီးဆုံးတဲ့နောက်လေ့လာမှုမှာပါဝင်သူတွေမှာကော်တီဇော ပမာဏကျဆင်းနေတာကို သိပ္ပံပညာရှင်တွေကတွေ့ရှိခဲ့ပါတယ်။ခြေဗလာနဲ့ ပုံမှန်လမ်းလျှောက်သူတွေကခြေဗလာနဲ့ လမ်းမလျှောက်တဲ့သူတွေထက် ပိုမိုအိပ်ပျော်တာကိုတွေ့ရှိခဲ့ရပါတယ်။ ကိုယ်ခံအားစနစ်ကိုကောင်းမွန်စေနိုင်ခြင်း ခြေဗလာနဲ့ လမ်းလျှောက်တာကသွေးဖြူဥဆဲလ်အရေအတွက်ကိုကျဆင်းစေပြီးသွေးနီဥဆဲလ်အရေအတွက်ကို တိုးစေနိုင်တာကြောင့် ကိုယ်ခ့အားစနစ်ကိုကောင်းမွန်စေနိုင်ပါတယ်။ နှလုံးရောဂါဖြစ်နိုင်ခြေကိုလျော့ကျစေနိုင်ခြင်း ခြေဗလာနဲ့ လမ်းလျှောက်တာကသွေးနီဥဆဲလ်အရေအတွက်ကို တိုးစေနိုင်ပြီးသွေးနီဥဆဲလ်တွေရဲ့surface […]

အိမ်မွေးတိရစ္ဆာန်တွေက လူတွေရဲ့ဘဝမှာအရေးပါတဲ့နေရာက ပါဝင်နေပါတယ်။ လမ်းပြခွေးတွေ၊ရောဂါရှာဖွေရေးအတွက်လေ့ကျင့်ပေးထားတဲ့ ခွေးလေးတွေအပြင်ရောဂါကုသရေး၊ စကားပြောဆိုမှုကုထုံး၊ လူနာတွေရဲ့ခန္ဓါကိုယ် နာလန်ပြန်ထူရေးတွေမှာပါ တိရစ္ဆာန်တွေကို အသုံးပြုလာကြပါတယ်။ ပုံမှန်တော့ခွေးလေးတွေ၊ကြောင်လေးတွေမွေးလေ့ရှိကြပေမယ့် အခုဆို သွက်လက်တဲ့ ရက်ကွန်းဝံ(raccoon)တွေ၊ ပူးလေးတွေ၊ အလှမွေးငါး၊ ငှက်လေးတွေနဲ့ ကြွက်ဖြူလေးတွေအပြင် အလှမြွေတွေ၊ ပုတ်သင်ကြီးမျိုး နဲ့ အိမ်မွေးဝက်အသေးမျိုး (pet pigs)တွေပါမွေးလာကြပြီဖြစ်ပါတယ်။ အိမ်မွေးတိရစ္ဆာန်မွေးခြင်းရဲ့ ကောင်းကျိုးများ တစ်နေ့တာလုံးစိတ်ဖိစီးလာပြီး အိမ်ကိုပြန်လာရင် အမြီးတရမ်းရမ်းနဲ့ပြေးကြိုတဲ့ခွေးလေး သို့မဟုတ် တညောင်ညောင်နဲ့ကြောင်လေးတွေကိုတွေ့လိုက်ရရင် ရုတ်တရက် အမောပြေသွားတာ တိရစ္ဆာန်ချစ်သူတွေ သိနိုင်တဲ့ခံစားချက်ပါ။ တကယ်လည်း ဒီကောင်လေးတွေက သင့်ရဲ့ စိတ်ကျန်းမာရေး၊ ကိုယ်ကျန်းမာရေးအတွက် အကျိုးပြုပါတယ်လို့ သုတေသနတွေက သက်သေထူခဲ့ကြပါတယ်။ အိမ်မွေးတိရစ္ဆာန်တွေက သခင်ကို အကြွင်းမဲ့ချစ်ခင်ပြီး အမြဲနွေးနွေးထွေးထွေးလက်ခံကြိုဆိုတတ်ကြတယ်၊ သခင်လိုအပ်တဲ့အချိန်တိုင်းအမြဲတမ်းအသင့်ရှိနေတတ်တယ်လို့University of Minnesota ၊Boynton Health Service မှ တာဝန်ရှိသူGary A. Christenson ကပြောပါတယ်။ အိမ်မွေးတိရစ္ဆာန်လေးတွေကြောင့် […]

ရယ်မောသူတွေရရှိနိုင်တဲ့ ကျန်းမာရေးအကျိုးကျေးဇူးတွေထဲမှာ စိတ်ဖိစီးမှုကိုဖြစ်စေနိုင်တဲ့ဟော်မုန်းကိုလျော့ကျစေနိုင်ခြင်းနဲ့သွေးပေါင်ချိန်ကိုလျော့ကျစေနိုင်တဲ့အကျိုးကျေးဇူးတွေပါဝင်သလို ဆဲလ်တွေနဲ့ အင်္ဂါအစိတ်အပိုင်းတွေဆီကိုသွေးစီးဆင်းမှုနဲ့အောက်ဆီဂျင်ရောက်ရှိမှုကိုလည်း တိုးစေနိုင်ပါတယ်။ ရယ်မောခြင်းက ကြွက်သားအုပ်စုတော်တော်များများအတွက် သဘာဝလေ့ကျင့်ခန်းတစ်ရပ်လည်းဖြစ်ပါတယ်။ အဖျားရောဂါအချို့ကို ကာကွယ်ပေးနိုင်သလို ခန္ဓါကိုယ်အနှံ့မှာရှိတဲ့ရောဂါတွေကိုတိုက်ဖျက်ပေးနေတဲ့ ဆဲလ်တွေရဲ့ တုံ့ပြန်မှုကိုလည်း တိုးတက်စေနိုင်ပါတယ်။ ရယ်မောသူတွေက မှတ်ဉာဏ်စွမ်းရည်တိုးတက်သလို တီထွင်ဖန်တီးနိုင်မှုစွမ်းရည်ကိုလည်း တိုးတက်စေ နိုင်ပါတယ်။ ပိုပြီးရယ်မောနိုင်ဖို့ကြိုးစားပါ။ သုတေသီအချို့က ရယ်မောခြင်းက အကောင်းဆုံးသောဆေးဝါးတစ်ရပ်လို့ သတ်မှတ်ထားကြသလို ရယ်မောခြင်းက ခံစားချက်ကိုပိုမိုကောင်းမွန်စေပါတယ် လို့လက်ခံယုံကြည်ထားကြပါတယ်။ ရယ်လိုက်တဲ့အခါ စိတ်ပိုင်းဆိုင်ရာ အခြေအနေကပြောင်းလဲသွားပါတယ်။ မျက်နှာနဲ့ခန္ဓါကိုယ်က ကြွက်သားတွေကို ဆွဲဆန့်လိုက်သလိုဖြစ်သွားပြီးသွေးဖိအား နဲ့ သွေးခုန်နှုန်းကိုလည်းကောင်းမွန်စေပါတယ်။ အသက်ရှုနှုန်းပိုမြန်လာပြီး ကိုယ်တွင်း တစ်ရှုးတွေဆီကိုအောက်ဆီဂျင်တွေပိုမိုရောက်ရှိစေပါတယ်။ ရယ်မောခြင်းကနေ ဘယ်လိုကျန်းမာရေးအကျိုးကျေးဇူးတွေရရှိစေနိုင်မလဲ ရယ်မောခြင်းက လူသားအားလုံးအတွက်ဆေးတစ်လက်ပါ။ ရယ်မောခြင်းက စိတ်ဖိစီးမှုကိုဖြစ်စေတဲ့ဟော်မုန်းတွေကို ကျဆင်းစေပြီး၊ စိတ်ခံစားမှုကို ပိုမိုကောင်းမွန်စေသလို၊ ဖန်တီးနိုင်စွမ်းကိုလည်းမြင့်တက်စေတဲ့အပြင် အကျိုးကျေးဇူးတော်တော်များများကိုလည်းရရှိစေနိုင် ပါတယ်။ စိတ်ဖိစီးမှုဖြစ်စေတဲ့ဟော်မုန်းတွေကိုလျော့ကျစေခြင်း ရယ်မောခြင်းက ခန္ဓါကိုယ်ထဲမှာရှိတဲ့ စိတ်ဖိစီးမှုကိုဖြစ်စေတဲ့ဟော်မုန်းတွေကိုလျော့ကျစေနိုင်ပါတယ်။ စိတ်ဖိစီးမှုကိုဖြစ်စေတဲ့ဟော်မုန်းတွေထဲက ဓါတုပစ္စည်းတွေကို အချို့သောအခြေအနေမျိုးမှာ ခန္ဓါကိုယ်အတွက်လိုအပ်ပေမယ့် အသုံးပြုစရာမရှိဘဲ […]

ဒေါက်မြင့်ဖိနပ်တွေဆိုတာက အမျိုးသမီးတွေခေတ်မီဆန်းသစ်တဲ့အဆင်တန်ဆာတစ်ရပ်အဖြစ် လွန်ခဲ့တဲ့နှစ်ပေါင်းများစွာကတည်းကဖြစ်ပေါ်လာခဲ့တာဖြစ်ပါတယ်။ မာရီလင် မွန်ရိုး ကနေစလို့Carrie Bradshawခေတ်အထိကိုဒေါက်မြင့်ဖိနပ်တွေကို ဖက်ရှင်ကျတာကို နှစ်သက်တဲ့ အမျိုးသမီးတွေက ဝတ်ဆင်လာခဲ့တာ အခုချိန်ထိပဲဖြစ်ပါတယ်။ဒေါက်မြင့်ဖိနပ်တွေကို ဖက်ရှင်ကျဖို့အတွက်သာမက အဆင်တန်ဆာတစ်ရပ်အနေနဲ့ပါ ဝတ်ဆင်အသုံးပြုလာကြပါတယ်။   စီးတဲ့ ဖိနပ်ရဲ့အရည်အသွေးပေါ်မှာမူတည်ပြီးတော့ ခန္ဓါကိုယ်အပေါ် သက်ရောက်မှုပုံစံကွာခြားပါတယ်။ အမြဲလိုလို ၃ လက်မ (သို့) ၃ လက်မထက်နိမ့်တဲ့ဒေါက်ကို စီးနေတာက သိပ်ပြီးပြဿနာမရှိနိုင်ပေမယ့် အဆိုပါအမြင့်ထက် ပိုမြင့်တာကိုစီးမယ်ဆိုရင်တော့ လမ်းလျှောက်တဲ့အခါ ခန္ဓါကိုယ်အပေါ်သက်ရောက်မှုတွေရှိလာနိုင်ပါတယ်။ အရမ်းမြင့်တဲ့ဒေါက်မြင့်ဖိနပ်တွေ စီးတဲ့အခါဖြစ်ပေါ်ခံစားရနိုင်တဲ့ ကျန်းမာရေးအခြေအနေအချို့ကိုမျှဝေပေးလိုက်ပါတယ်။   ခါးနာခြင်း ခါးမှာဒဏ်မရှိဘဲ ဘာကြောင့်မျန်းမသိခါးနာနေပြီဆိုရင်တော့ သင့်ရဲ့ဒေါက်မြင့်ဖိနပ်ကြောင့်ဆိုတာသိလိုက်ပါ။ဒေါက်မြင့်ဖိနပ်စီးတဲ့အခါခြေဖဝါးပေးမှာ ဝန်ပိစေပြီး တင်ပါးဆုံရိုးက အရှေ့ဘက်ကိုရောက်စေပါတယ်။ အဆိုပါအနေအထားမျိုးမှာ ခန္ဓါကိုယ်ကို ဟန်ချက်ညီအောင် ခါးကပုံမှန်ထက်အားစိုက်ပြီး ထိန်းရသလိုဖြစ်တာကြောင့် ခါးနာတာမျိုးခံစားရနိုင်ပါတယ်။   ဒေါက်ပိုမြင့်လေလေ ခါးကပိုအားစိုက်ရလေလေဖြစ်တာကြောင့် အရမ်းမြင့်တဲ့ဒေါက်ဖိနပ်တွေက ခါးပိုနာစေပါတယ်။ အာရုံကြော နာကျင်ပျက်စီးစေနိုင်ခြင်း အာရုံကြောစနစ်က ခန္ဓါကိုယ်ရဲ့ အရမ်းကိုနူးညံ့တဲ့အစိတ်အပိုင်းတစ်ရပ်ဖြစ်ပါတယ်။ မိမိစီးတဲ့ ဖိနပ်တွေက အာရုံကြောအပေါ်မှာတော်တော်ကို အကျိုးသက်ရောက်မှုရှိပါတယ်။ အရမ်းမြင့်တဲ့ဒေါက်မြင့်ဖိနပ်တွေက […]

အအေးမိ တုပ်ကွေးရာသီရောက်ချိန်မှာ သင့်မိသားစုကို ရောဂါပိုးကင်းစင်အောင် ဂရုစိုက်ခြင်းဟာ လွန်စွာ အရေးကြီးပါတယ်။ တကယ်လို့ ရောဂါပိုးသယ်ဆောင်တဲ့ အကောင်တစ်ကောင်ဟာ မိသားစုဝင်တစ်ဦးဦးကို ကိုက်လိုက်ပြီဆိုရင် သင်တို့အားလုံးကို ကူးစက်နိုင်ပါတယ်။ တုပ်ကွေးဗိုင်းရပ်စ်ပိုးတွေသာမက အခြားရောဂါပိုးတွေနဲ့ ဓါတ်မတည့်စေတဲ့ ပစ္စည်းတွေလည်း အိမ်မှာရှိနိုင်ပါတယ်။ အချို့ရောဂါပိုးတွေဟာ မချက်ရသေးတဲ့ အသားတွေထဲမှာ ရှိနေနိုင်ပြီး အချို့ pertussis ဘက်တီးရီးယားကတော့ အထူးသဖြင့် ကလေးငယ်တွေနဲ့ လမ်းလျှောက်တတ်ကာစ ကလေးတွေကြားမှာ ပြင်းထန်တဲ့ ရောဂါပိုးတွေကို ဖြစ်စေနိုင်ပါတယ်။ ဒါ့ကြောင့် အောက်ဖေါ်ပြပါ အချက်ရှစ်ခုကို လိုက်နာဖို့က အရေးကြီးပြီး ဒီအချက်တွေက ရောဂါပိုးကင်းစင်ဖို့ ကူညီပေးကာ သင့်မိသားစုကို တစ်နှစ်ပတ်လုံးကျန်းမာနေစေမှာ ဖြစ်ပါတယ်။ မနက်စာစားပါ။ ကျန်းမာစေတဲ့ မနက်စာနဲ့ ကျန်းမာတဲ့ ကိုယ်အလေးချိန် ဆက်စပ်မှုဟာ ယုံကြည်ဖွယ်ဖြစ်ပါတယ်။ ဒီနှစ်အစောပိုင်းမှာ Israeli သိပ္ပံပညာရှင်တွေက ကိုယ်အလေးချိန် များတဲ့ (သို့) အဝလွန်တဲ့ အမျိုးသမီး […]

ရောဂါပိုးမွှား၊ ဘက်တီးရီးယားနဲ့ ဗိုင်းရပ်စ်တွေက ကျွန်တော်တို့ ပတ်ပတ်လည်မှာ ရှိနေကြတာပါ။ ဒီ အဏုဇီဝသက်ရှိတွေရဲ့ အဝေးမှာ နေဖို့က လုံးဝ မဖြစ်နိုင်ပါဘူး။ ဒါ့အပြင် သင့်အနေနဲ့ ဒါကို စိတ်ပူ၊ ထိတ်လန့်တာ မဖြစ်သင့်ပါဘူး။ ဘာလို့လဲဆိုတော့ တချို့က အန္တရာယ်မရှိပါဘူး၊ တချို့ဆိုရင် ဥပမာအနေနဲ့ အစာချေစနစ်မှာ ကောင်းကျိုးတောင် ပေးနိုင်ပါတယ်။ ဒီမှာ ပိုအရေးကြီးတာက ဖျားနာခြင်း၊ ဘက်တီးရီးယားကြောင့်ဖြစ်တဲ့ ရောဂါများ၊ ရောဂါပိုးမွှားတွေကြောင့် ဖြစ်တဲ့ တခြားကူးစက်မှုတွေရဲ့ ဖြစ်နိုင်ချေကို ဖယ်ရှားဖို့၊ လျှော့ချဖို့ပါ။ ဒါ့ကြောင့် အိမ်တွင်းကျန်းမာရေးက ပစ်ပယ်မထားသင့်ဘဲ စဉ်းစားဆင်ခြင်ရမယ့် အရာတစ်ခုပါ။   ရောဂါပိုးမွှွှားတွေ ဘယ်လို ပျံ့နှံ့လဲ။ မကောင်းတဲ့ ဘက်တီးရီးယားတွေနဲ့ တခြားရောဂါပိုးမွှားတွေဟာ အပြင်ကနေ သင့်အိမ်ထဲသို့ လူ၊ အိမ်မွေးတိရစ္ဆာန်မှတဆင့် သို့မဟုတ် စွန့်ပစ်ရမယ့် အစာရေစာတွေကနေ ရောက်ရှိနေတတ်ပါတယ်။ တခြားနေရာတွေကို ပျံ့နှံ့ဖို့က သင့်ကြောင့်သာ ဖြစ်နိုင်ပါတယ်။ […]