အသည်းရောဂါများ

ဗိုင်းရပ်စ်ပိုးကြောင့်ဖြစ်သော အသည်းရောင်ရောဂါသည် အသည်း၏လုပ်ငန်းများကိုပျက်စီးစေသည့် ထင်ရှားသောရောဂါဖြစ်ပါသည်။ ဒီရောဂါသည် အသည်းကင်ဆာဖြစ်စေနိုင်သော အဓိကအကြောင်းရင်းများထဲက တစ်ခုလည်း ဖြစ်သည်။ သင်သည်ဆေးရုံ (သို့) နေ့ကလေးထိန်းကျောင်းတွင် အလုပ်လုပ်လျှင်(သို့) ခရီးသွားရင်းမသန့်သည့် အစာကို အမှတ်တမဲ့စားမိလျှင် ရောဂါရနိုင်ချေပိုများပါသည်။ ဗိုင်းရပ်စ်ပိုးများသည် အသည်းရောဂါအများစုကိုဖြစ်စေပါသည်။ ၎င်းပိုးများနှင့်တိုက်ရိုက်ဖြစ်စေ (သို့) သွေး၊ မစင်၊ မိန်းမကိုယ်မှထွက်သောအရည်၊ သုက်ပိုးစသည့် ခန္ဓါကိုယ်မှထွက်သောအရည်များမှတစ်ဆင့် ထိ၍ဖြစ်စေ ကူးစက်နိုင်ပါသည်။ ထို့အပြင် အရက်နှင့် ဆေးများအလွန်အကျွံသုံးစွဲခြင်း၊ ခုခံအားကျခြင်းကလည်း အသည်းရောင်ရောဂါဖြစ်စေသည်။ အသည်းရောင်ရောဂါဖြစ်နှုန်းများစေသည့် အပြုအမှုများ အသည်းရောင်ရောဂါဖြစ်နှုန်းများစေသည့် အပြုအမှုများမှာ • အကြောထဲသို့ဆေးသွင်းခြင်း။ ဆေးထိုးအပ်မျှသုံးခြင်းမှကူးစက်နိုင်သည်။ သွေးကြောမှဆေးသွင်းနေရသူတိုင်း ၃လတစ်ခါ အသည်းရောင်ရောဂါရှိ၊မရှိစစ်ဆေးသင့်ပါသည်။ • ခုခံအားကျဆင်းမှုကူးစက်ရောဂါရှိခြင်း။ အကယ်၍သင်သည် ရောဂါပိုးရှိသောဆေးထိုးအပ်မျှသုံးခြင်း၊ ပိုးရှိသောသွေးသွင်းမိခြင်း၊ အကာအကွယ်မဲ့လိင်ဆက်ဆံခြင်းတို့မတစ်ဆင့်ခုခံအားကျဆင်းမှုကူးစက်ရောဂါရှိနေပါကအသည်းရောင်ရောဂါဖြစ်နိုင်ချေပိုများပါသည်။ ခန္ဓါကိုယ်မှအရည်များနှင့်ထိတွေ့ခြင်းကအသည်းရောင်ရောဂါပိုးဖြစ်နိုင်ချေကိုသာ မြင့်စေသည်။ ခုခံအားကျဆင်းမှုရောဂါကိုတော့ပိုမဆိုးစေပါ။ • တက်တူးထိုးခြင်း၊ အပ်နှင့်ထိုးမိခြင်း။ တက်တူးထိုးမည်ဆိုလျှင်အပ်အသစ်ကိုမသုံးပါကအသည်းရောင်ရောဂါနှင့် သွေးမှတစ်ဆင့်ကူးစက်တတ်သောခုခံအားကျဆင်းမှုကူးစက်ရောဂါတို့ ပိုဖြစ်နိုင်ပါသည်။ • အကာအကွယ်မဲ့လိင်ဆက်ဆံခြင်း(စအိုနှင့်ပါးစပ်မှလဲကူးစက်နိုင်သည်)။ အသည်းရောင်ရောဂါ(အေ) နှင့် (အီး)သည်မသန့်သောအစာစားရာမှ […]

အသည်းရောင်(စီ)ပိုးသည် အသည်းဆဲလ်များကို ရောင်ရမ်းကာ ပျက်စီးစေပါသည်။ အသည်းရောင်(စီ)ပိုးရှိသည့်အပြင် အရက်ကိုအလွန်အကျွံသောက်ပါက အသည်းကို ဆိုးရွားစွာထိခိုက်စေပါသည်။   အရက်ကြောင့်အသည်းထိခိုက်မှုများ အသည်းသည် ခန္ဓါကိုယ်တွင် အရေးကြီးသောလုပ်ငန်းများကို လုပ်ဆောင်ပါသည်။ ၎င်းတို့မှာ အစာကိုချေဖျက်ခြင်း၊ သွေးထဲရှိအဆိပ်များကို စစ်ထုတ်ပေးခြင်း၊ ရောဂါပိုးများကို ကူ၍တိုက်ခြင်းတို့ ဖြစ်ပါသည်။ အရက်သောက်သည့်အခါတွင် အသည်းမှ အရက်မော်လီကျုးများကို ဖြိုခွဲကာ ခန္ဓါကိုယ်မှဖယ်ရှားပေးပါသည်။ သို့သော် အများအပြားသောက်လျှင် အရက်မှ အသည်းဆဲလ်များကို ဖျက်ဆီးသဖြင့် အသည်းအဆီဖုံးခြင်း၊ အသည်းရောင်ခြင်း၊ အသည်းခြောက်ခြင်းများဖြစ်စေသည်။ ရက်ပိုင်းအနည်းငယ်အတွင်းပင် အရက်အများအပြားသောက်ခြင်းသည် အသည်းတွင်အဆီများဖြစ်ကာ အသည်းအဆီဖုံးခြင်းကို ဖြစ်စေပါသည်။ အသည်းအဆီဖုံးခြင်းသည် ရောဂါလက္ခဏာပြလေ့မရှိသော်လည်း အရက်သောက်သောပမာဏသည် အန္တရာယ်ရှိသောအခြေအနေကိုရောက်နေပြီလို့သတိပေးသော လက္ခဏာတစ်ရပ်ဖြစ်သည်။ အသည်းအဆီဖုံးခြင်းနှင့် အသည်းရောင်ခြင်း အစောပိုင်းအဆင့်သည် အရက်သောက်တာရပ်လိုက်ပါက ပြန်လည်ကောင်းမွန်နိုင်သော်လည်း ပြင်းထန်စွာအသည်းရောင်ခြင်းနှင့် အသည်းခြောက်ခြင်းသည် အမြဲတမ်းဖြစ်ကာေ နာက်ဆက်တွဲဆိုးကျိုးများနှင့် သေဆုံးသည်အထြိဖစ်နိုင်သည်။   အရက်နှင့်အသည်းရောင်(စီ)ပိုးပေါင်းစပ်ခြင်းရလဒ် အရက် ၏ အသည်းပေါ်သက်ရောက်သောအာနိသင်နှင့် အသည်းရောင်(စီ)ပိုး၏ အာနိသင် ပေါင်းလိုက်လျှင် […]

အသည်းရောင်ရောဂါ(စီ)သည် အသည်းရောင်(စီ)ပိုးကြောင့်ဖြစ်သော ကူးစက်စေသောအသည်းရောဂါ ဖြစ်သည်။ ဤရောဂါသည် လူတစ်ဦးမှတစ်ဦးသို့ နည်းလမ်းမျိုးစုံဖြင့်ကူးစက်နိုင်သည်။ ဥပမာ-အကာအကွယ်မဲ့လိင်ဆက်ဆံခြင်း။ လေ့လာချက်များအရရောဂါပိုးသည် လိင်ဆက်ဆံသောအကြိမ်ရေ ၁၉၀၀၀၀တွင် ၁ကြိမ် ကူးစက်နိုင်သည်။ အသည်းရောင် (စီ) ပိုးနဲ့လိင်ဆက်ဆံခြင်း ဆက်နွယ်မှုများကို အောက်တွင် ဆက်လက်ဖော်ပြထားပါသည်။ အသည်းရောင်ရောဂါ(စီ) ဘယ်လိုကူးသလဲ အသည်းရောင်ရောဂါ(စီ)သည် နာတာရှည်ရောဂါမဖြစ်ခင်အထိ လက္ခဏာပြလေ့မရှိပါ။ လူအများစုသည် အသည်းပျက်စီးနေပြီဟု မသိမချင်း နှစ်ပေါင်းများစွာကြာတဲ့အထိ ရောဂါပိုးရှိကြောင်းမသိပါ။ ထို့ကြောင့် ပုံမှန်ရောဂါစစ်ဆေးမှုများပြုသင့်သည်။ ကူးစက်နိုင်သောနည်းလမ်းများမှာ- • Heroin ကဲ့သို့ မူးယစ်ဆေးအလွဲသုံးစားပြုသူများတွင် ပိုးမသတ်ထားသော အပ်များသုံးခြင်း • မိခင်မှကလေးသို့ မီးဖွားစဉ်ကူးခြင်း • ရောဂါရှိသူသုံးထားသော အပ်နှင့်ထိခိုက်မိခြင်း • ရောဂါရှိသူထံမှ သင်တုန်းဓါးနှင့် သွားတိုက်တံများယူသုံးခြင်း • ရှားပါးသော်လည်း လိင်မှတစ်ဆင့် ကူးစက်ခြင်း။ ခုခံအားကျဆင်းမှုကူးစက်ရောဂါရှိမရှိကို စမ်းသပ်နိုင်ပြီဖြစ်သည်။ လိင်နှင့် အသည်းရောင်ရောဂါ(စီ)တို့ဆက်စပ်မှု အောက်ပါတို့သည် လိင်မှတစ်ဆင့် အသည်းရောင်ရောဂါ(စီ)ရရှိနိုင်သူများဖြစ်သည်။ • လိင်ဆက်ဆံဖော်များခြင်း • အခြားလိင်မှတစ်ဆင့် ကူးစက်သောရောဂါရှိခြင်း • ခုခံအားကျဆင်းမှုရောဂါရှိသူများ • အကာအကွယ်မဲ့ လိင်ဆက်ဆံသူများ။ […]

အသည်းသည် ခန္ဓါကိုယ်ရှိ အကြီးဆုံးအင်္ဂါများထဲမှ တစ်ခုဖြစ်သည်။ ထို့အပြင် အစာချေခြင်း၊ အာဟာရဓါတ်များ သိမ်းဆည်းခြင်း၊ စွမ်းအင်အတွက် သကြားများသိုလှောင်ခြင်းတို့တွင် ကူညီပေးပါသည်။ အသည်းသည် ခန္ဓါကိုယ်မှ အန္တရာယ်ရှိသောဓါတုပစ္စည်းများကိုလည်း ဖယ်ရှားပေးပါသည်။ အသည်းရောင်ရောဂါ(စီ)သည် အသည်းကိုပျက်စီးစေသောရောဂါ ဖြစ်သည်။ သင့်တွင် ဤရောဂါရှိနေပါကေ ရာဂါပိုမဆိုးလာအောင် ၎င်း၏နောက်ဆက်တွဲဆိုးကျိုးများကို သိသင့်ပါသည်။ အသည်းရောင်ရောဂါ(စီ)သည် အသည်းခြောက်ရောဂါကိုဖြစ်စေသည်။ အသည်းရောင်ရောဂါ(စီ)၏ ပထမဆုံးဆိုးကျိုးမှာ အသည်းခြောက်ခြင်းဖြစ်သည်။ လူအတော်များများသည် အရက်ကအသည်းခြောက်ရောဂါဖြစ်စေသည့် အဓိကအကြောင်းအရင်းဟု ယူဆကြသည်။ သို့သော် အသည်းကို ပျက်စီးစေသည့်အရာမှန်သမျှသည် နှစ်ကြာသည်နှင့်အတူ အမာရွတ်တစ်ရှူးဖြစ်စေသည်။ အသည်းခြောက်ရန်အနှစ်၂၀မှ ၃၀အထိ ကြာမြင့်နိုင်ကာ မကုဘဲထားပါက အသည်းလုံးဝပျက်စီးသည်အထိ ဖြစ်နိုင်သည်။ အစောပိုင်းနှစ်များတွင် အသည်းခြောက်ရောဂါလူနာများတွင်ရောဂါလက္ခဏာပြသလေ့မရှိပေ။ သို့သော်အချိန်ကြာလာသည်နှင့်အမျှအောက်ပါတို့ဖြစ်လာနိုင်သည်။ • မောပန်ခြင်း • ကိုယ်အလေးချိန်ကျခြင်း • ပျို့ခြင်း၊ ဗိုက်အောင့်ခြင်း • အလွန်ယားယံခြင်း • မျက်လုံးနှင့်အရေပြားဝါလာခြင်းတို့ဖြစ်သည်။   အသည်းရောင်ရောဂါ(စီ)မှ အသည်းပျက်စီးခြင်း အသည်း လုံးဝပျက်စီးသွားသည့်အခါ အသည်းသည် အလုပ်ကောင်းကောင်း မလုပ်နိုင်တော့ပေ။ နှစ်ပေါင်းများစွာ (သို့) […]

အသည်းရောင်ရောဂါဆိုသည်မှာ အသည်းရောင်ဗိုင်းရပ်စ်ပိုးကြောင့်ဖြစ်သော ရောဂါဖြစ်သည်။ ကျွမ်းကျင်သူများက ၎င်းဗိုင်းရပ်စ်ပိုးများကို အေ၊ ဘီ၊ စီ၊ ဒီ၊ အီး ဟူ၍ ခွဲခြားထားပါသည်။ ထို့ကြောင့် ရောဂါပိုးတစ်မျိုးစီအတွက် ကုသမှု ကြီးမားစွာကွဲပြားသည့်အပြင် ရုတ်တရက် နှင့် နာတာရှည်ရောဂါအတွက်လည်း ကုသမှုများခြားနားပါသည်။ အသည်းရောင်ရောဂါရှိသည်ဟု သိရှိသည်နှင့် သင်၏ဘဝသည် ပြောင်းလဲနိုင်သည်။ အသည်းရောင်ရောဂါအတွက် သုံးသည့်ဆေးများမှာ ဈေးကြီးသည့်အပြင် ဘေးထွက်ဆိုးကျိုးများပါသည်။ ထို့ကြောင့်ကုသမှုယူခြင်း၊ မယူခြင်းမှာ အောက်ပါအချက်ပေါ်တွင် မူတည်ပါသည်။ • အသည်းမည်မျှပျက်စီးသလဲ • အခြားကျန်မာရေးအခြေအနေ • ရောဂါပိုးများခန္ဓါကိုယ်တွင်မည်မျှရှိသလဲ။ • မည်သည့်အသည်းရောင်ရောဂါအမျိုးအစားရှိသလဲ။ ချက်ချင်းရုတ်တရက် ဖြစ်သောအသည်းရောင်ရောဂါကုသမှု(acute hepatitis) ထိုရောဂါရှိသူအများစုသည် ၎င်းတို့၏အခြေအနေကို မသိသောကြောင့် ကုသမှုမခံယူကြပေ။ လူတစ်ဦးက ဤပိုးနှင့်ထိတွေ့ခဲ့လျှင် ဥပမာ-ကျန်းမာရေးဝန်ထမ်းမှ အပ်စူးခဲ့လျှင် စောစောဆေးကုသမှုခံယူရမည် ဖြစ်သည်။ ရောဂါရှိသည့်လူအများစုသည် ဆေးကုသမှုခံယူပါက ရောဂါလက္ခဏာများကို လျှော့ချပေးပါသည်။ ၎င်းကုသမှုများမှာ- • အနားယူခြင်း။ အသည်းရောင်လူနာများသည် ပင်ပန်းကာဖျားနေသောကြောင့် အနားယူရန်လိုအပ်သည်။ […]

ကိုယ်ဝန်ဆောင်သည် အသည်းရောင်ရောဂါရှိလျှင် သင့်၏ပထမဆုံးမေးခွန်းသည် ”ကျွန်မကလေးကိုဘာတွေထိခိုက်မလဲ”ဖြစ်သည်။ ဤမေးခွန်းအတွက် ရိုးရှင်းသောအဖြေမရှိသော်လည်း အောက်ပါအချက်အလက်များက သင့်ကိုနားလည်စေနိုင်မည်ဟု မျှော်လင့်သည်။ သင်သည် ရောဂါပိုးရှိနေသူဖြစ်ပြီး မကြာမီတွင် မွေးဖွားတော့မည့်သူဖြစ်သည်ဆိုလျှင် သင်နှင့်သင့်ကလေးအတွက် မေးခွန်းများရှိနိုင်သည်။ သင့်ကလေးကို အသည်းရောင်ရောဂါအတွက် စစ်ဆေးသင့်သလား။ သင့်ကလေးအသက်တစ်နှစ်ခွဲတွင် အသည်းရောင်ရောဂါအတွက် စစ်ဆေးနိုင်သည်။ တစ်ခါတစ်ရံ အသက်၂ လမှစ၍စောစီးစွာ စစ်ဆေးကြသည်။ သို့သော် ဤအသက်တွင် အဖြေသည် တစ်ရာ ရာခိုင်နှုန်း မမှန်နိုင်ပေ။ ထို့ကြောင့် ၁နှစ်ခွဲအရွယ်တွင် ပြန်၍စစ်ဖို့လိုသည်။ သင့်ကလေးတွင် ရောဂါရှိ၊ မရှိ အယုံကြည်ရဆုံးနည်းလမ်းမှာ အသက်၂နှစ်ပြည့်သည်နှင့် စစ်ဆေးရမည်ဖြစ်သည်။ အထူးကုများကလူကြီးများတွင် စစ်ဆေးသည့် နည်းလမ်းကို သုံးသည်။ သင့်ကလေးကို အသည်းရောင်ရောဂါမှမည်သို့ ကာကွယ်မည်နည်း။ သင့်တွင်အသည်းရောင်ရောဂါရှိပါက သင့်ကလေးဆီ ကူးစက်သွားနိုင်ချေသည် အယောက်၂၀တွင် ၁ယောက်နှုန်းရှိသည်။ သင့်တွင်ခုခံအားကျဆင်းမှုကူးစက်ရောဂါရှိ၍ ကုသမှုမခံယူခဲ့လျှင် ကူးစက်နိုင်ခြေပို၍များသည်။ ကံမကောင်းစွာဖြင့် အသည်းရောင်ရောဂါ(စီ)ကို သင့်ကလေးကိုမကူးစက်နိုင်ရန် ကာကွယ်မည့်နည်းလမ်းမရှိပါ။ အသည်းရောင်ရောဂါရှိပါက […]

အသည်းရောင်ရောဂါရှိသည့် မိသားစုဝင်သည် သူတို့ကိုယ်တိုင်သာမက မိသားစုဝင်တစ်ခုလုံးကိုပါ ကူးစက်နိုင်သည်။ ထို့ကြောင့် မိသားစုဝင်တို့ကို မည်သို့အားပေးရမည့်နည်းလမ်းကို မှန်ကန်စွာသိထားရမည်။ သို့မှာသာ မိသားစုဝင်အတွင်း နားလည်မှုရှိနိုင်မည်ဖြစ်သည်။ သူတို့ပြောစကားကိုနားထောင်ပေးပါ။ အသည်းရောင်ရောဂါဖြစ်နေသည့် မိသားစုဝင်တစ်ယောက်သည် သူတို့ခံစားသမျှကို နားလည်မည့်သူမရှိဟု ထင်နေတတ်သည်။ သူတို့ကိုအားပေးနိုင်မည့် အလွယ်ကူဆုံးနည်းလမ်းမှာ အနီးနားတွင်နေပေးခြင်းဖြစ်သည်။ သူတို့ကို အမြဲတမ်ဂရုစိုက်ပြီး နားထောင်လိုခြင်းကို ပြသရမည်။ ဤနည်းသည် သူတို့၏ ခက်ခဲသောနေ့ရက်ကိုကျော်ဖြတ်ရန် အားသစ်ရလိုက်ခြင်းဖြစ်သည်။ ဆေး၏ဆိုးကျိုးများကိုကူညီဖြေရှင်းပေးပါ။ အသည်းရောင်ရောဂါအတွက် ဆေးများတွင် ဆိုးကျိုးများစွာရှိပါသည်။ အတွေ့အများဆုံးမှာ နုံးခြင်း၊ စိတ်တိုလွယ်ခြင်း၊ စိတ်ကျခြင်း၊ ခေါင်းကိုက်ခြင်း၊ ဖျားခြင်း၊ ကိုယ်လက်ကိုက်ခဲခြင်းတို့ဖြစ်သည်။ ရုပ်ပိုင်းဆိုင်ရာမဟုတ်ဘဲ လူမှုရေးနှင့် စိတ်ပိုင်းဆိုင်ရာ ဆိုးကျိုးများကို ကူညီပေးရန် ပိုခက်ခဲပါသည်။ သို့သော် ထိုဆိုးကျိုးများမှာ ယာယီသာဖြစ်ကာ ကုသမှုပြီးသည်နှင့် ပျောက်သွားမည်ဖြစ်သည်။ အကယ်၍ သင့်မိသားစုဝင်တွင် ဆေးကုနေစဉ် ခံစားရသည်များကိုမပြောဘဲ ဖုံးကွယ်ထားခြင်းသည် ပြဿနာဖြစ်စေနိုင်သည်။ ခံစားချက်များကို ပွင့်ပွင့်လင်းလင်းပြောရန် […]

သင့်မိတ်ဆွေတွင် အသည်းရောင်ရောဂါရှိသည်ဟု သိပြီးနောက်တွင် သင်ဘာလုပ်ပေးနိုင်မည်ကို ရှာဖွေရမည်။ သင့်မိတ်ဆွေကို ကူညီချင်သော်လည်း မည်ကဲ့သို့ အားပေးရမည်ကို မသိပေ။ အောက်ပါ အကြံပေးချက်များကို ဖတ်ရှုလေ့လာပါ။ နေ့စဉ်ကိစ္စများတွင်ကူညီပါ။ အသည်းရောင်ရောဂါဖြစ်နေသည့် မိတ်ဆွေသည် အခြားသူများကို ဝန်ထုပ်ဖြစ်စေသည်ဟု တွေးလေ့ရှိသည်။ ထို့ကြောင့် သူတို့လိုအပ်နေလျှင်တောင်မှ အကူအညီတောင်းရန် ခက်ခဲပါသည်။ ထိုသို့ အကူအညီတောင်းရန်စောင့်နေမည့်အစား နေ့စဉ်သွားလာနေရသည့် ကုန်စုံဆိုင်သွားခြင်း၊ ကလေးထိန်းခြင်း၊ ကျောင်းမှ ကလေးသွားကြိုခြင်း၊ အဝတ်အစားလျှော်ဖွတ်ခြင်းတို့ကို ကူ၍လုပ်ပေးနိုင်သည်။ သင်လုပ်ပေးချင်သည်များကို စာရင်းပြုစုကာ သင့်မိတ်ဆွေကိုမေး၍ ကူညီနိုင်သည်။ စောင့်ရှောက်သူနှင့်မိသားစုဝင်များကိုအားပေးပါ။ သင့်မိတ်ဆွေအားေ စာင့်ရှောက်ပေးသူနှင့် အခြားမိသားစုဝင်များကို အားပေးခြင်းသည် လူနာကို အားပေးသကဲ့သို့ပင်ဖြစ်သည်။ သင့်မိတ်ဆွေ၏ မိသားစုဝင်များ ဘာတွေလုပ်နေလဲ၊ မိမိ ဘာတွေအကူအညီပေးနိုင်လဲ ဆိုသည်ကိုမေးမြန်းကာ ကိစ္စအသေးစားများကိုကူညီပေးပါ။ မိသားစုဝင်နှင့် စောင်ရှောက်ပေးသူတို့ အနားယူလျှင် သင်သည် အနားတွ င်နေပေးနိုင်သည်။ အကောင်းဆုံးလုပ်ဆောင်ပါ။ သင့်မိတ်ဆွေကို ကူညီရာတွင် အရာအာလုံး ကူညီရန်မလိုပါ။ […]

အသည်းရောင်ရောဂါ(ဘီ)သည် ကမ္ဘာတစ်ဝန်းလုံးတွင် ဖြစ်ပွားနေပြီး မိခင်မှကလေးသို့ ကူးစက်ခြင်းသည် အများဆုံးဖြစ်ပါသည်။ အကယ်၍ သင်သည်ကိုယ်ဝန်ရှိပြီး အသည်းရောင်ရောဂါဘီရှိနေလျှင် မမွေးရသေးသော ကလေးအတွက်ေ ရာဂါမှကာကွယ်ရန် ပြောပြပါမည်။ အသည်းရောင်ရောဂါဘီဆိုသည်မှာဘာလဲ အသည်းရောင်ရောဂါဘီပိုးကြောင့် အသည်းရောင်ခြင်းဖြစ်သည်။ ၎င်းပိုးသည် သင့်သွေးနှင့် ခန္ဓါကိုယ်အရည်များတွင် ရှိနေသော်လည်း အသည်းကို အထိခိုက်ဆုံးဖြစ်သည်။ ရောဂါကူးစက်သည်ဆိုခြင်းမှာ ဘီပိုးသည် သင်၏ခန္ဓါကိုယ်ထဲတွင် သင်၏ကျန်သက်တမ်းတစ်လျောက် နေထိုင်နိုင်၍ဖြစ်သည်။ အချို့လူများတွင် ရောဂါရှိသော်လည်း ရောဂါလက္ခဏာမပြသပေ။ တုပ်တွေးကဲ့သို့ လက္ခဏာပြသခြင်း၊ မျက်လုံးနှင့်အရေပြားများဝါလာခြင်းတို့ဖြစ်နိုင်သည်။ ရောဂါရှိမရှိသိနိုင်သော တစ်ခုတည်းသောနည်းမှာ သွေးစစ်ခြင်းဖြစ်သည်။ ကလေးများတွင်အသည်းရောင်ရောဂါဘီဘာလို့ဆိုးဝါးသလဲ အသည်းရောင်ရောဂါဘီသည် သင်၏ကိုယ်ဝန်အပေါ် အကျိုးသက်ရောက်မှုမရှိပါ။ သို့သော် ကလေးမွေးနေစဉ် သင့်ကလေးသည် ရောဂါပိုးကူးစက်နိုင်သည်။ ရိုးရိုးမွေး (သို့) ဗိုက်ခွဲမွေးသည့်အခါဖြစ်နိုင်သည်။ သင့်ကလေးရောဂါကူးစက်ခံရလျှင် အလွန်အန္တရာယ်ရှိသည်။ သင်၏ကလေးနာတာရှည်ရောဂါရရန် ၉၀ရာခိုင်နှုန်းဖြစ်နိုင်သည်။ လူကြီးများတွင် နာတာရှည်အသည်းရောင်ရောဂါရှိသည့် ၄ယောက်တွင်တစ်ယောက်က ဆိုးရွားသော ကျန်းမာရေးရှိနိုင်သည်။ အကယ်၍ သင့်ကလေးကို ဘီပိုးမှကာကွယ်မထားလျှင် အသည်းပျက်စီးခြင်း၊ အသည်းကင်ဆာတို့ကို […]

သင့်တွင် အသည်းရောင်ရောဂါ(ဘီ)ရှိသည်ဟု သိခဲ့လျှင် သင်၏အိမ်ထောင်ဖက်မှာ သင့်ကိုစောင့်ရှောက်သူ၊ အားပေးသူ၊ သင်မှီခိုရမည့်သူဖြစ်သည်။ အိမ်ထောင်ဖက်က အနားတွင် နီးကပ်စွာရှိခြင်း ကရောဂါကူးစက်နိုင်ခြေများသည်။ အောက်ပါနည်းလမ်းများနှင့် အိမ်ထောင်ဖက်ကို ရောဂါပိုးမကူးစက်အောင် ကာကွယ်နိုင်သည်။ အသည်းရောင်ရောဂါ(ဘီ)ဘယ်လိုပျံ့နှံ့သလဲ။ အသည်းရောင်ရောဂါ(ဘီ)ပိုးသည် သင်၏အိမ်ထောင်ဖက်သို့ သင်၏သွေး၊ သုတ်ပိုး၊ အခြားခန္ဓါကိုယ်အရည်များမှတစ်ဆင့် ကူးစက်နိုင်သည်။ အပ်၊ aဆးထိုးပြွန်များမျှသုံးခြင်း၊ သင်တုံးဓါး၊ သွားတိုက်တံမျှသုံးခြင်း၊ လိင်ဆက်ဆံခြင်းတို့မှ ရောဂါရနိုင်သည်။ ထို့အပြင် သင်၏သွေး၊ ပေါက်ပြဲဒဏ်ရာများကိုထိတွေ့ခြင်း၊ အပ်နှင့် အခြားထက်သောအရာများနှင့် ထိမိခြင်းမှလည်း ကူးစက်နိုင်သည်။ အိမ်ထောင်ဖက်ကိုဘယ်လိုကာကွယ်မလဲ။ သင်၏အိမ်ထောင်ဖက်ကိုသွေးစစ်ရန်သတိပေးပါ။ အိမ်ထောင်ဖက်သည် လိင်ဆက်ဆံခြင်းဖြင့် သင့်ဆီမှ ရောဂါပိုးကူးစက်ရန် များပါသည်။ သင်နေမကောင်းဖြစ်ပါက အကြောင်းကြားရန် လိုအပ်ပါသည်။ ရောဂါကာကွယ်ရန်အတွက် သင်၏အိမ်ထောင်ဖက်ကို ဆရာဝန်နှင့်တွေ့ဆုံ၍ သွေးစစ်ရန်သတိပေးရမည်။ သင်တို့နှစ်ယောက်လုံးသည် ရောဂါကာကွယ်နည်းများ လိုက်နာသော်လည်း ပုံမှန်သွေးစစ်ဆေးခြင်းသည် အရေးကြီးပါသည်။ သင့်အိမ်ထောင်ဖက်တွင် ရောဂါမရှိပါက ကာကွယ်ဆေးထိုးရန် ဆရာဝန်နှင့်တိုင်ပင်သင့်သည်။ ကာကွယ်ဆေးက […]