အစာအိမ်နှင့်အူလမ်းကြောင်း ကျန်းမာရေး

လေလည် ခြင်း ဆိုတာ ကျွန်ုပ်တို့ရဲ့ ခန္ဓာကိုယ်ထဲမှာ Gas တွေများလာတဲ့အခါ အပြင်ကို စွန့်ထုတ်ဖို့အတွက် ဖြစ်လာရတဲ့ သဘာဝလုပ်ငန်းလေးတစ်ခုပဲဖြစ်ပါတယ်။ တချို့က လေလည်တာကို ရှက်စရာ ကိစ္စတစ်ခုအနေနဲ့ စဉ်းစားကြပါတယ်။ လူတွေအရှေ့မှာ လေလည်တဲ့အခါ အသံထွက်လာမှာ၊ အနံ့ဆိုးနေမှာ စိုးရိမ်တဲ့ စိတ်တွေနဲ့ တစ်ခါတစ်လေမှာ အတင်းအောင့်ထားတတ်ကြပါတယ်။ ဒီဆောင်းပါးလေးမှာတော့ လေဘာကြောင့် လည်ရတယ်၊ အောင့်ထားရင် ဘာတွေ ဖြစ်နိုင်တယ်၊ လေလည်တဲ့ အကြိမ်နည်းသွားအောင် ဘယ်လို နည်းလမ်းတွေ သုံးနိုင်တယ်ဆိုတာတွေ နဲ့ ပတ်သတ်ပြီး သိသင့်တဲ့ အချက်လေးတွေကို ကျန်းမာရေး ရှုထောင့်ကနေ ပြောပြပေးသွားမှာဖြစ်ပါတယ်။ ဘာကြောင့် လေလည် ရသလဲ။ ကျွန်ုပ်တို့ စားလိုက်တဲ့အစာတွေကို ခြေဖျက်တဲ့ အခါ gas တွေထွက်လာပါတယ်။ ဒါ့အပြင် စားသောက်ရင်း လေတွေ မျိုချမိတာ၊ carbonated drinks […]

အစာအိမ်အောင့်ခြင်းဟာ ခံစားရခက်တဲ့ ဝေဒနာဖြစ်ပါတယ်။ အထူးသဖြင့် အစာအိမ်မှာ အနာဖြစ်ရင် ပိုဆိုးပါတယ်။ အစာအိမ်အနာဆိုတာ အစာအိမ်အတွင်းပိုင်းနံရံမှာ အနာဖြစ်ခြင်းကို ဆိုလိုပါတယ်။ အစာအိမ်ရောဂါဖြစ်ရင် အစားအသောက်ကို သတိပြုစားသုံးရန်လိုပါတယ်။ အထူးသဖြင့် အစာအိမ်အနာဖြစ်ဖူးသူများဟာ ထပ်မံမဖြစ်ပွားအောင် ဂရုစိုက်ရပါတယ်။ ဘာတွေက အစာအိမ်အနာ ဖြစ်နိုင်ခြေများစေသလဲ အစာအိမ်အနာဖြစ်စေတဲ့ အရာတွေထဲမှာ H pylori လို့ခေါ်တဲ့ ဘက်တီးရီးယားဟာ အဓိကကျပါတယ်။ အကိုက်အခဲပျောက်ဆေးတွေကို ရေရှည်စွဲသုံးရင်လည်း ဖြစ်နိုင်ပါတယ်။ အစာအိမ်အနာဖြစ်သူတွေ ဘာကို စားသင့်သလဲ အစာအိမ်အနာအတွက် ကုသရာမှာ ဆရာဝန်ညွှန်ကြားချက်အတိုင်း ပဋိဇီဝဆေးသောက်ခြင်း၊ အစာအိမ်ဆေးများ သောက်သုံးခြင်းအပြင် H Pylori ဘက်တီးရီးယားကို နှိမ်နင်းရာမှာ အထောက်အကူပြုတဲ့ အောက်ပါအစားအစာများ စားသုံးနိုင်ပါတယ်။ အဆိုပါ အစားအစာများကတော့ - ပန်းဂေါ်ဖီ - ဂေါ်ဖီထုတ် - ပန်းသီး - ဘလူးဘယ်ရီ - ရက်စ်ဘယ်ရီ - စတော်ဘယ်ရီ - မုန်လာဥနီ - ပန်းပွင့်စိမ်း - ကိုက်လန် - ဟင်းနုနွယ် - […]

စားနေသောက်နေလျက်နဲ့ အမြဲလိုလိုဗိုက်ဆာနေရတဲ့ အကြောင်းတွေကိုပြောပြပေးချင်ပါတယ်။ ဗိုက်ဆာတယ်ဆိုတာ ခန္ဓာကိုယ်က အစားအစာလိုအပ်နေပြီလို့ အချက်ပြတဲ့သဘောပါပဲ။ ဗိုက်ဆာလာတာကို မစားဘဲ နေလိုက်ရင် ဗိုက်နာမယ်၊ ဗိုက်အောင့်မယ်၊ ခေါင်းကိုက်မယ်၊ နုံးချိချိဖြစ်လာမယ်၊ အာရုံကောင်းကောင်း မစူးစိုက်နိုင်ဖြစ်စေပါတယ်။ ဒါ့ကြောင့် ဗိုက်ဆာတာကို လျစ်လျူမရှုသင့်ပါဘူး။ ဒါပေမဲ့ ဗိုက်ဆာလို့အပြင် ခဏခဏ စားချင်သောက်ချင်စိတ် ဖြစ်ရတဲ့ တခြားအကြောင်းအရင်းတွေ ရှိပါသေးတယ်။ ဒါတွေကတော့ ကျန်းမာရေးကြောင့်လား ခဏခဏဗိုက်ဆာတယ်ဆိုတာ ဆီးချိုရောဂါရဲ့ လက္ခဏာတွေထဲက တစ်ချက်ဖြစ်ပါတယ်။ ပုံမှန်ဆိုစားလိုက်တဲ့ အစားအစာတွေကို ခန္ဓာကိုယ်ထဲမှာ သကြားအဖြစ် ပြောင်းလဲသုံးစွဲပစ်ပါတယ်။ ဆီးချိုရောဂါရှိနေရင်တော့ ကိုယ်တွင်းဆဲလ်တွေက သကြားဓာတ်တွေ ရယူမသုံးစွဲနိုင်တော့တဲ့အတွက် ခဏခဏစားသောက်ဖို့ အားပေးသလိုဖြစ်နေပါတယ်။ Hyperthyroidism လို့ခေါ်တဲ့ သိုင်းရွိုက်ဟော်မုန်း ပုံမှန်ထက်များတဲ့ အခြေအနေမှာလည်း ခဏခဏဗိုက်ဆာ တတ်ပါတယ်။ ပိုလျှံနေတဲ့သိုင်းရွိုက်ဟော်မုန်းတွေက စားချင်စိတ်ကို ပိုအားကောင်းစေလို့ပါ။ လူတိုင်းမဟုတ်ပေမဲ့ တချို့တွေက စိတ်ဓာတ်ကျတဲ့အချိန် (ဒါမှမဟုတ်) အရမ်းစိတ်လှုပ်ရှားတဲ့အချိန်တွေ မှာဗိုက်ဆာတတ်ကြပါတယ်။ စားသောက်တာက […]

အခုတလော ဘာစားစား လည်ပင်းမှာ တစ်ဆို့တစ်ဆို့နဲ့ ကောင်းကောင်းမျိုမရဖြစ်နေပြီလား။ အစာမျိုရင် အရင်ကလို ရှောရှောရှူရှူ မဟုတ်ဘဲ အားနဲ့ မျိုချနေရပြီလား။ ရေသောက်တာတောင် လည်ပင်းမှာ ကပ်တပ်တပ်ကြီး ဖြစ်နေပြီလား။ ဒါဆိုရင် ဒီဆောင်းပါးကို ဆက်ဖတ်လိုက်ပါ။ အစားမြန်မြန်စားရင်ပဲ ဖြစ်ဖြစ်၊ သေချာ မဝါးဘဲ မျိုချရင် ဖြစ်ဖြစ် အစာနင်တတ်တာ သဘာဝပါ။ ဒါပေမယ့် သဘာဝ မဟုတ်တဲ့ တချို့သော ကျန်းမာရေး ပြဿနာလေးတွေမှာလည်း အစာနင်တတ်ပါသေးတယ်။ စစချင်းဆို နင်တယ်လို့တောင် မထင်ဘူး။ စားလိုက်ရင် အစာက အောက်မကျဘဲ ရင်ခေါင်းမှာ ခပ်တောင့်တောင့်၊ ခပ်အောင့်အောင့်လေး ခံစားရပါတယ်။ တချို့ဆို နင်ရုံမက သီးပါ သီးတော့တာ။ နင်တာကလည်း အစာစားလည်း နင်၊ ရေသောက်လည်း နင် ဖြစ်လာပြီဆိုရင်တော့ ဂရုစိုက်ရမယ့် အနေအထား ရောက်လာပါပြီ။ ဘာလို့ […]

လူအတော်များများဟာ တစ်ချိန်မှာတော့ ဝမ်းချုပ်တဲ့ပြဿနာကို ကြုံဖူးကြပါလိမ့်မယ်။ ဝမ်းချုပ်ခြင်းဟာ ကြီးမားတဲ့ရောဂါတော့ မဟုတ်ပေမယ့် နေရထိုင်ရခက်စေပါတယ်။ တော်သေးတာက နေထိုင်မှုပုံစံ၊ စားသောက်မှုပုံစံ ပြောင်းလဲပေးခြင်းအားဖြင့် ဝမ်းချုပ်ခြင်းကို သက်သာစေနိုင်ပါတယ်။ များသောအားဖြင့် ဆေးဝါးများသုံးစရာမလိုဘဲ သဘာဝနည်းလမ်းများနဲ့ အဆင်ပြေအောင် ကုစားနိုင်ပါတယ်။ အစာအိမ်အူလမ်းကြောင်းအလုပ်လုပ်ပုံ၊ ဝမ်းသွားပုံဟာ တစ်ယောက်နဲ့တစ်ယောက်တော့ မတူပါဘူး။ ယေဘုယျအားဖြင့် အနည်းဆုံး တပတ်မှာ သုံးကြိမ်ကနေ အများဆုံး တစ်ရက်မှာ သုံးကြိမ်ထိ သွားခြင်းကို ကျန်းမာရေးနဲ့ ညီညွတ်တဲ့ အတိုင်းအတာလို့ သတ်မှတ်ထားပါတယ်။ ဝမ်းသွားခြင်းဟာ နေ့စဉ် စားသောက်မှုပုံစံ ဒါမှမဟုတ် နေထိုင်ကောင်းခြင်း/မကောင်းခြင်းပေါ်လည်း မူတည်ပါသေးတယ်။ ဝမ်းချုပ်တဲ့အခါ ဝမ်းနုတ်ဆေးများသုံးစွဲနိုင်ပေမယ့် သဘာဝကုထုံးများကျင့်သုံးခြင်းအားဖြင့်လည်း သင့်အူလမ်းကြောင်းကို လှုပ်ရှားမှု ပြန်လည်ကောင်းမွန်စေမှာ ဖြစ်ပါတယ်။ ယခုဆက်လက်ဖော်ပြမှာကတော့ ဝမ်းချုပ်ခြင်းကို သက်သာစေမယ့် သဘာဝနည်းလမ်းများဘဲ ဖြစ်ပါတယ်။ လေ့ကျင့်ခန်းပြုလုပ်ခြင်း ကိုယ်လက်လှုပ်ရှား လေ့ကျင့်ခန်းပြုလုပ်ခြင်းဟာ အစာအိမ်အူလမ်းကြောင်းက ကြွက်သားတွေကို လှုံ့ဆော်ပေးရာ […]

အစာအိမ်အောင့်ခြင်း၊ လေထခြင်း၊ အစာမကြေရင်ပူခြင်း၊ ပျို့အန်ခြင်း၊ ဝမ်းချုပ်ခြင်း စတဲ့ အစာအိမ်အူလမ်းကြောင်းပြဿနာများကို လူတိုင်းလိုလို ကြုံဖူးကြပါလိမ့်မယ်။ များသောအားဖြင့် ခဏတာမျှသာ ခံစားကြုံကြိုက်ရတာများပါတယ်။ ဒါပေမယ့် ဒီဝေဒနာတွေကို ရက်ရှည်လများ ကြုံတွေ့လာရမယ်ဆိုရင်တော့ နေ့စဉ်ဘဝကိုပါ ထိခိုက်လာပါလိမ့်မယ်။ ယခုဖော်ပြမယ့်နည်းလမ်းတွေကတော့ အစာကြေစေပြီး အစာအိမ်အူလမ်းကြောင်းကို သက်သာရာရစေမယ့် နည်းလမ်းတွေပဲ ဖြစ်ပါတယ်။ ၁။ လတ်ဆတ်ပြီး ပြုပြင်မှုနည်းသော အစားအစာများကိုစားပါ စားကောင်းအောင် ပြုပြင်ထားတဲ့ ကာဘိုဟိုက်ဒရိတ်တွေ၊ ပြည့်ဝဆီတွေ၊ ဆိုးဆေးတွေဟာ အစာအိမ်လမ်းကြောင်းကို ဒုက္ခပေးတတ်ပါတယ်။ အဆင့်ဆင့်ပြုပြင်ထားတဲ့ စားသောက်ဖွယ်ရာတွေမှာ တွေ့ရများတဲ့ ပုံပြောင်းဆီဟာလည်း အူလမ်းကြောင်းကို ရောင်ရမ်းစေတတ်တဲ့ အာနိသင် ရှိပါတယ်။ ဒါ့အပြင် စားကောင်းအောင်ပြုပြင်ထားတဲ့ ဖျော်ရည်တွေ၊ ရေခဲမုန့်တွေမှာပါတဲ့ ဆေးသကြားတွေဟာ အူလမ်းကြောင်းက အကျိုးပြုဘက်တီးရီးယားတွေကို ဒုက္ခပေးပြီး အစာအိမ်အူလမ်းကြောင်းပြဿနာတွေကို ဖြစ်ပေါ်စေနိုင်ပါတယ်။ ဒါကြောင့် အဆင့်ဆင့်ပြုပြင်ထားတဲ့ အစားအစာတွေကို တတ်နိုင်သမျှ ရှောင်ကြဉ်ပြီး လတ်ဆတ်စွာနဲ့ […]

ခန္ဓာကိုယ်အစိတ်အပိုင်းတွေ ကောင်းကောင်းအလုပ်မလုပ်နိုင်ရင် လက္ခဏာအမျိုးမျိုးပြသပြီး အချက်ပေးတတ် ပါတယ်။ ဒီတစ်ခေါက်မှာတော့ အစာအိမ်နဲ့အူလမ်းကြောင်းစနစ်မှာ ပြဿနာရှိနေကြောင်း ပြသတဲ့လက္ခဏာတွေ ကိုပြောပြပေးချင်ပါတယ်။ ဝမ်းထဲသွေးပါခြင်း - အိမ်သာတက်ပြီး စအိုကိုရေနဲ့ဆေးတဲ့အခါမှာဖြစ်ဖြစ် တစ်ရှုးနဲ့သုတ်လိုက်တဲ့အခါမှာဖြစ်ဖြစ် သွေးစလေးတွေပါနေမယ်ဆို သတိထားပါ။ စအိုဝလမ်းကြောင်းမှာ လိပ်ခေါင်းရှိနေတာ၊ ဒါမှမဟုတ် အနာတစ်ခုခုဖြစ်နေကြောင့် သွေးပါတာဖြစ်ဖို့ များပါတယ်။ ဒါပေမဲ့ အူမကြီးကင်ဆာ၊ အူမကြီးအကျိတ်နဲ့ အူလမ်းကြောင်း ရောင်ရမ်းမှုတွေဖြစ်ရင်လည်း သွေးဝမ်းသွားတတ်ပါတယ်။ ဒါ့ကြောင့် ဝမ်းထဲသွေးပါလာခဲ့ရင် တစ်ပတ်လောက်စောင့်ကြည့်ပါ။ သွေးပမာဏများလာမယ် ဒါမှမဟုတ် တစ်ပတ်ကျော်တဲ့အထိ မပျောက်သွားရင် ဆရာဝန်နဲ့ ပြသကြည့်ပါ။ ဗိုက်ညာဖက်အောက်နားကနာကျင်ခြင်း - ဗိုက်ညာဖက်အောက်နား ရုတ်တရက်နာကျင်မှုက အူအတက်ရောင် လက္ခဏာတွေထဲမှာ အဖြစ်အများဆုံးပါ။ နာကျင်မှုက ချက်ပတ်လည်တစ်ဝိုက် မှာစတင်ပြီး ဗိုက်ညာဖက်ကို ရွေ့သွားတတ်ပါတယ်။ အူအတက်ရောင်ခြင်းကို အချိန်မှီမကုသရင် အူအတက်ပေါက်ပြီး အသက်ဆုံးရှုံးနိုင်တာမို့ မပေါ့ဆသင့်တဲ့ လက္ခဏာတစ်ခုပါ။ ရင်ခေါင်းတောင့်ခြင်း - […]

လူတော်တော်များများ ချက်တစ်ဝိုက်က နာကျင်တာ၊ အောင့်တာကို တော်တော်များများ ခံစားဖူးကြမှာပါ။ တစ်ခါတစ်လေမှာ ဒီလို ချက်တစ်ဝိုက် အောင့်တာ၊ နာတာက ပြင်းထန်တဲ့ ကျန်းမာရေး ပြဿနာတွေရဲ့ လက္ခဏာတွေ ဖြစ်နေနိုင်ပါတယ်။ ဒီလို ချက်တစ်ဝိုက်က အောင့်တဲ့အခါ အကောင်းဆုံး နည်းလမ်းက ဆရာဝန်ကို သေချာပြောပြပြီး ဆွေးနွေးတာပါ။ ဒါမှ စိုးရိမ်ရတဲ့ အနေအထားလား၊ မဖြစ်မနေ ကုသမှုခံယူဖို့ လိုတဲ့ အနေအထားလား ဆိုတာကို သေချာ သိရှိနိုင်မှာ ဖြစ်ပါတယ်။ ဒါတွေကြောင့် ချက်တစ်ဝိုက်မှာ နာကျင်တာဖြစ်နိုင်ပါတယ် ချက်တစ်ဝိုက်မှာ နာကျင်ရတဲ့ အကြောင်းအရာက တစ်ချက်မက ရှိနေနိုင်ပါတယ်။ ဒါတွေကတော့ ကိုယ်ဝန် ရှိနေတာ -  အမျိုးသမီးတွေ အနေနဲ့ ချက်တစ်ဝိုက်မှာ နာကျင်နေမယ်။ အိမ်ထောင်လည်း ရှိနေမယ်ဆိုရင် ကိုယ်ဝန်ရှိနေတာ ဖြစ်နိုင်ပါတယ်။ အချို့သော ကျန်းမာရေးပြဿနာတွေ - အစာမကြေတာကစလို့ အူအတက်ရောင်တာ၊ […]

အူအတက်ရောင်ခြင်းကို လူအတော်များများ ကြားဖူးကြပါလိမ့်မယ်။ အမျိုးသား ၉ ရာခိုင်နှုန်း နဲ့ အမျိုးသမီး ၇ ရာခိုင်နှုန်းခန့်ဟာ အူအတက်‌ရောင်ခြင်းကို ဘဝမှာ တစ်ခါတော့ ခံစားဖူးကြတယ်လို့ဆိုပါတယ်။ အူအတက်ရောင်ရာကနေ အလွန်ဆိုးဝါးတဲ့အခါ အူအတက်ပေါက်သွားနိုင်ပြီး အသက်ဆုံးရှုံးတဲ့အထိ ဖြစ်သွားနိုင်ပါတယ်။ အဲ့လိုအဆင့်ရောက်ဖို့အတွက် လက္ခဏာတွေ ပြပြီး ၂၄ နာရီခန့် အချိန်ကြာမြင့်နိုင်တဲ့အတွက် လက္ခဏာတွေကို သိရှိပြီး ၂၄ နာရီအတွင်း ဆေးရုံကို အရောက်သွားဖို့ အလွန်အရေးကြီးပါတယ်။ ၁. ဝမ်းဗိုက်အောက်ပိုင်း နာခြင်း၊ အောင့်ခြင်း အူအတက်ရောင်ခြင်းရဲ့ အဓိက လက္ခဏာဖြစ်ပါတယ်။ အူအတက်ရှိရာ ဝမ်းဗိုက်ရဲ့ ညာဘက် အောက်ပိုင်းမှာ နာခြင်း အောင့်ခြင်း တို့ ခံစားရပါလိမ့်မယ်။ ဒါပေမယ့် စစချင်းအနေနဲ့ ချက်ပတ်ပတ်လည်မှာ နာခြင်း၊ အောင့်ခြင်းတို့ စတင်ဖြစ်ပေါ်ပြီးမှ ဗိုက်ရဲ့ ညာဘက်အောက်ပိုင်းကို ရွေ့သွားတာမျိုးလည်း ဖြစ်တတ်ပါတယ်။ […]