အစာအိမ်နှင့်အူလမ်းကြောင်း ကျန်းမာရေး

အဓိကကတော့ ကိုယ့်ရဲ့ တစ်နေ့တာ စားသောက်နေထိုင်မှုပုံစံ မမှန်ကန်တာကြောင့် အဖြစ်များပြီး အစာခြေစနစ်နဲ့ ဆက်စပ်နေတဲ့ ကိုယ်တွင်းအင်္ဂါတွေ ကောင်းစွာအလုပ်မလုပ်တာ၊ ချို့ယွင်းတာကြောင့်ဖြစ်ရတာပါ။ အစာမကြေတဲ့အခါ ကိုယ်ခန္ဓာက ဘယ်လိုလက္ခဏာတွေ ပြတတ်လဲ။ ဗိုက်ထဲမှာ အောင့်နေတာ မအီမသာဖြစ်ပြီး မလှုပ်ချင်လောက်အောင် နေရခက်တာ ဗိုက်က ဖောရောင်နေတာ ရင်ပူတာ ခေါင်းမူးတာ အော့အန်တာ ဘာမှမစားလိုက်ရသေးဘဲ ဗိုက်ပြည့်သွားတာ ရင်ခေါင်းအောင့်၊ ရင်ခေါင်းတောင့်တာ ဝမ်းဗိုက်နဲ့ အစာရေပြွန်တစ်ဝိုက်မှာ ပူစပ်ပူလောင်ဖြစ်နေတာ ဗိုက်ထဲမှာ လေတွေနဲ့ ပြည့်နေတယ်လို့ ခံစားရတာ လေချဉ်တက်တဲ့ လက္ခဏာတွေ ပြနိုင်ပါတယ်။ အစာမကြေတာ အရမ်းပြင်းထန်လွန်းတဲ့အခါ အရမ်းအန်တာ၊ အန်လိုက်တဲ့အစာတွေက ကော်ဖီရောင်တွေဖြစ်နေတာ၊ ဝမ်းက အမည်းရောင်ဖြစ်နေတာ၊ အစာမမျိုချနိုင်တာတွေပါ ဖြစ်နိုင်ပါတယ်။ အဓိက ဘာကြောင့် အစာမကြေဖြစ်ရတာလဲ။ များသောအားဖြင့် အစာကို အများကြီးစားလိုက်တာ၊ လောကြီးပြီးတော့ အစာကို တစ်လုပ်ပြီး တစ်လုပ်စားတာ၊ သေချာမဝါးတာကြောင့် […]

ဟိုဟာစားလည်း အစာမကြေ၊ ဒီဟာစားလည်းအစာမကြေဖြစ်နေတယ်ဆို စိတ်ညစ်စရာပေါ့နော်။ အစားတလိုင်းလေးတွေဆို ပိုခံစားရတာပေါ့။ အစာစားလိုက်၊ မအီမသာဖြစ်လိုက်၊ လေထိုးလေအောင့်ဖြစ်လိုက်နဲ့ ပတ်ချာလည်ကိုရိုက်နေရော။ အကောင်းဆုံးနည်းလမ်းကတော့ ကိုယ့်ဝေဒနာသက်သာတဲ့အထိ ရှောင်သင့်တာရှောင်နိုင်ဖို့ပဲ။ ဘယ်အစားအစာတွေက အစာမကြေဖြစ်စေနိုင်သလဲ၊ ဘယ်အပြုအမူ၊ ဘယ်အခြေအနေတွေက အစာမကြေခြင်းကိုပိုဆိုးစေနိုင်သလဲဆိုတာ သိထားဖို့တော့လိုမယ်နော်။ အလွယ်ဆုံးနည်းကတော့ စားကြည့်လို့ ဒီတခါဖြစ်ရင် နောက်တခါမစားနဲ့ပေါ့။ နောက်တာပါ။ တကယ်တော့ အစားအစာတစ်ခုကို ကိုယ်စားလိုက်လို့ အစာမကြေဖြစ်ထားဖူးတယ်ဆို မှတ်သာထားလိုက်ပါ။ နောက် ချင့်ချိန်လို့ရတာပေါ့။ ကဲ အစာမကြေဖြစ်တတ်သူတွေ ရှောင်ရမှာတွေပြောပြမယ် - တစ်ခါတည်း တနင့်တပိုးမစားနဲ့။ အလှူမှာကြိတ်တာ၊ အဝစားဘူဖေးမှာ အချိန်မပြည့်မချင်းနင်းကန်စားတာတွေနော်၊ သတိထားပါ။ အစာအိမ်ကို ဝန်မပိစေဖို့ ပမာဏနည်းနည်းချင်း အကြိမ်ရေခွဲစားတာကောင်းပါတယ်။ အမြန်မစားနဲ့။ သိပ်မဝါးဘဲ ကျားလိုက်သလို မျိုချတာက အစာမကြေဖြစ်စေတဲ့အပြင် ဗိုက်ဝမှန်းမသိ၊ မဝမှန်းမသိ တရစပ်စားမိတတ်တာကြောင့် ဝိတ်တောင်ပိုတက်စေလိမ့်မယ် နော်။ အက်စစ်ဓာတ်များတာတွေမစားနဲ့။ အရည်ရွှမ်းတဲ့ အချဉ်သီးတွေ၊ ခရမ်းချဉ်သီးတွေလို အက်စစ်ဓာတ်ပါဝင်မှုများတာတွေ သိပ်မစားနဲ့။ (လုံးဝရှောင်ခိုင်းတာမဟုတ်) ကဖင်းလျှော့ပါ။ ကော်ဖီ၊ လက်ဖက်ရည် […]

တအေ့အေ့နဲ့ လေတက်တယ်ဆိုတာ တနည်းနည်းနဲ့ ဗိုက်ထဲရောက်နေတဲ့လေတွေကို အစာရေမျိုကနေ ပြန်စွန့်ထုတ်နေတာပါ။ အစားအမြန်စားမိတာ၊ အစာစားရင်းစကားပြောတာ၊ ပီကေဝါးတာ၊ ဂက်စ်ပါတဲ့အချိုရည်တွေသောက်တာ၊ ဆေးလိပ်သောက်တာတွေကြောင့် လေတွေမျိုချမိစေနိုင်ပါတယ်။ အစာခြေရည်ပြန်ဆန်တက်ခြင်းနဲ့ရင်ပူနာ ဝေဒနာတွေကြောင့်လည်း လေတက်တဲ့လက္ခဏာဖြစ်တတ်ပါတယ်။ မကြာခဏ လေတက်သံတွေထွက်နေရတယ်ဆိုရင်တော့ Helicobacter pylori ဘက်တီးရီးယားကြောင့် ဒါမှမဟုတ် အစာအိမ်နံရံရောင်ရမ်းခြင်းကြောင့် ဖြစ်နိုင်ပါတယ်။ လေတက်ခြင်းကို သက်သာစေနိုင်တဲ့နည်းလမ်းတွေက -  ဖြည်းဖြည်းစားပါ၊ ဖြည်းဖြည်းသောက်ပါ  ဖြည်းဖြည်းစားသောက်မယ်ဆို လေတွေသိပ်မျိုမချမိစေဘူးပေါ့။ စိတ်လောနေရင်၊ စိတ်ဖိစီးနေရင် လေမျိုချမိတာပိုများစေနိုင်လို့ အစားစားချိန်မှာ စိတ်ကိုဖြေလျှော့ထားပါ။ ဂက်စ်ပါတဲ့အချိုရည်နဲ့ ဘီယာကို ရှောင်ပါ လေနဲ့ပတ်သက်တဲ့ဝေဒနာရှိတတ်သူဟာ ကာဗွန်ဒိုင်အောက်ဆိုက်တွေဖြစ်စေတဲ့ ဒီသောက်စရာတွေကိုရှောင်သင့်ပါတယ်။ ပီကေဝါးတာ၊ သကြားလုံးစုပ်လုံးစားတာ ရှောင်ပါ ဒါတွေစားတဲ့အခါ ပုံမှန်ထက်ပိုပြီး ခဏခဏမျိုချရတာများတာမို့ လေတွေပိုဝင်နိုင်စေတာပေါ့။ ဆေးလိပ်လျှော့သောက်ပါ  မသောက်ပါနဲ့လို့ တားလို့ရမှာမဟုတ်တော့ လျှော့သောက်ဖို့ပဲ ပြောရမှာပေါ့။ ဆေးလိပ်ကိုရှိုက်တဲ့အခါ လေကို နှာခေါင်းကရှူသွင်းရုံမကဘဲ ပါးစပ်ကပါ မျိုချမိပါလိမ့်မယ်။ လှုပ်ရှားပါ အစာစားပြီး ငြိမ်အိပ်မနေဘဲ ခဏလောက်တော့ ဖြည်းဖြည်းလမ်းလျှောက်လိုက်ပါ။ ရင်ပူနာကို ကုသပါ  အစာခြေရည်ပြန်ဆန်တက်ခြင်း၊ ရင်ပူနာ တို့ကို ဒီအတိုင်းမထားဘဲ […]

အစာအိမ်က အရေးကြီးတယ်ဆိုတာ လက်ခံကြတယ်ဟုတ်။ လူဆိုတာ မစားဘဲမှ မနေနိုင်တာ။ ဒီခန္ဓာကိုယ်က ဆက်လှုပ်ရှားနေနိုင်အောင် ပါးစပ်ကနေ လောင်စာဖြည့်သမျှ ဒီအစာအိမ်ထဲပဲရောက်တာကိုး။ ကိုယ်စားလိုက်တဲ့ အစားအစာတွေရဲ့ ကောင်းကျိုး၊ဆိုးကျိုးတွေကို အစာအိမ်က တိုက်ရိုက်လက်ခံရတာပါ။ အစာအိမ်ကို ဝေဒနာဖြစ်စေတာလည်း အစားအသောက်ကြောင့်ပါပဲ။ မသန့်ရှင်းတာတွေ၊ အပူအစပ်တွေ၊ မလတ်ဆတ်တာတွေ၊ ဘက်တီးရီးယားပါနေတာတွေ ကြောင့် အစာအိမ်ကို ထိခိုက်စေပါတယ်။ ဒါပေမယ့် အစာအိမ်နာကိုသက်သာစေနိုင်တဲ့ အစားအသောက်တွေလည်းရှိနေတယ်ဆိုတာက ဝမ်းသာစရာတစ်ခုပါပဲနော်။ အစာအိမ်အတွက်ဆို ဒီအစားအစာတွေ စားပေးပါ - (၁) ဒိန်ချဉ် ဒိန်ချဉ်၊ ပဲပြား၊ ကင်ချီ၊ စတဲ့ အစားအစာတွေမှာ probiotics လို့ခေါ်တဲ့ အကျိုးပြုဘက်တီးရီးယားတွေပါဝင်ပါတယ်။ အဲဒီ probiotics လေးတွေက H. pylori ရောဂါပိုးကို ခုခံတိုက်ထုတ်ပေးတယ် ဒါမှမဟုတ် ကုသမှုတွေ၊ ဆေးတွေကို အာနိသင်ပိုထိရောက်အောင် ကူညီပေးတယ်ဆိုတော့ အစာအိမ်နာကိုသက်သာစေတာပေါ့။   (၂) ပန်းသီး၊သစ်တော်သီး ပန်းသီး၊ သစ်တော်သီး၊ […]

ဟိုနားမှာ ဆိုင်သစ်ဖွင့်တယ်၊ ပရိုမိုးရှင်းတန်တယ်ဟေ့၊ ပင်လယ်စာတွေသိပ်လတ်တာပဲ ဆိုပြီးပြောတတ်ကြတဲ့ အဝစားဘူဖေး ချစ်သူတို့ရေ။ ယူတို့အစာအိမ်လေးတွေမထိခိုက်စေဘဲ အဝကြိတ်နိုင်မယ့် နည်းလေးမသိချင်ဘူးလား။ ဟော့ပေါ့ဘူဖေး၊ အကင်ဘူဖေးဆိုင်တွေနဲ့ ဟိုတယ်အဆင့်မြင့်ဘူဖေးတွေ လူကြိုက်များနေတဲ့အချိန် အဓိကကျတဲ့ အစာအိမ်ကျန်းမာရေးကိုတော့ မေ့ထားလို့မဖြစ်ဘူးနော်။ ဒီအစာအိမ်ကောင်းမှ အစားကောင်းကောင်းစားနိုင်မှာပေါ့။ ကဲ ကဲ… အစာမကြေဗိုက်အောင့်တာလည်းမဖြစ်အောင် ဘူဖေးလည်းတန်အောင် ဘယ်လိုဉာဏ်သုံးရမလဲ ဖတ်ကြည့်လိုက်ပါဦး - (၁) ဘူဖေးမစားခင် ဘာမှစားမထားဘဲ မသွားပါနဲ့ ဟိုရောက်ရင်မစားနိုင်ဘဲနေမယ်၊ ပြီးမှအပီအပြင်ကြိတ်မယ်လို့ မတွေးလိုက်ပါနဲ့။ အစောပိုင်းမှာ အဆာပြေတစ်ခုခုတော့ နည်းနည်းစားထားသင့်ပါတယ်။ မဟုတ်ရင် ရောက်ရောက်ချင်း ဆာဆာနဲ့အလောတကြီးစားမိပြီး အမျိုးစုံအောင်မစားနိုင်ခင် ဗိုက်ပြည့်သွားနိုင်တယ်၊ အစာမကြေဖြစ်လွယ်တယ်။ ဟိုရောက်မှကြိတ်မယ်လို့တွေးထားတယ်ဆိုရင်  အစာကောင်းကောင်းခြေနိုင်ဖို့က ရေဓာတ်လိုအပ်တာမို့ ရေလည်းနည်းနည်းသောက်ထားပါ။ (၂) ရောက်ရင် သေချာကြည့်ပါ ဘူဖေးအစားအစာတွေတွေ့ရင် ဘာတွေရှိလဲ၊ ဘာတွေပြင်ဆင်ထားလဲ အခြေအနေတစ်ချက်ပတ်ကြည့်ပါ။ စားကောင်းမယ်ထင်ရာတွေ တွေ့ရာဆွဲမထည့်ပါနဲ့ဦး။ တကယ်ကောင်းတဲ့စားစရာကိုတွေ့တဲ့အခါ ကိုယ်ကဗိုက်ပြည့်ပြီးနေပြီဆို နှမြောစရာကြီး။ တကယ်စားကောင်းမယ့်ဟာကိုမှ များများစားဖို့ကြံပါ။ (၃) […]

ဗိုက်အောင့်တာ၊ ဗိုက်ပွတာ၊ ဗိုက်ကယ်တာတွေကတော့ အဖြစ်များလွန်းတဲ့ အစာခြေစနစ်ပြဿနာတွေပါ။ အဖြစ်များကြပေမယ့် သူတို့နဲ့ပတ်သက်တဲ့ ဗဟုသုတမှာတော့ လူတိုင်းက အမှန်မသိကြပါဘူး။ (၁) ပီကေမျိုချမိရင် ကပ်နေတတ်တယ် ပီကေစားရင် မျိုချမိမယ်နော်၊ မျိုချမိရင် အူမှာကပ်သွားလိမ့်မယ်၊ သေတတ်တယ်လို့ ငယ်ငယ်တည်းက ကြားဖူးတယ်။ ကလေးကိုပီကေမကျွေးနဲ့တို့ဘာတို့ (အမှန်က အသက်ရှူလမ်းကြောင်းပိတ်ဆို့မှာစိုးတာဖြစ်ပါလိမ့်မယ်)။ ပီကေကို အစာခြေစနစ်က မချေဖျက်နိုင်တာမှန်ပါတယ်။ ဒါပေမယ့် သူက အစာခြေလမ်းကြောင်းမှာလည်း ကပ်မနေပါဘူး။ အန္တရာယ်မရှိနိုင်တဲ့အပြင် ရက်အနည်းငယ်အတွင်း တခြားအရာတွေလိုပဲ မစင်နဲ့အတူ စွန့်ထုတ်ခံရမှာသာဖြစ်ပါတယ်။ (၂) အစပ်တွေစားရင် အစာအိမ်နာဖြစ်လိမ့်မယ် အစပ်ကြိုက်တဲ့ ငရုတ်သီးချစ်သူတွေအတွက် သတင်းကောင်းပါနော်။ အပူအစပ်များများစားရင် အစာအိမ်အနာဖြစ်လိမ့်မယ်လို့ ထင်ကြတယ်။ ဒါပေမယ့် အစာအိမ်နံရံမှာအနာအများစုက Helicobacter pylori (H. pylori)  လို့ခေါ်တဲ့ ဘက်တီးရီးယားကြောင့် ဒါမှမဟုတ် အကိုက်အခဲပျောက်ဆေးတွေကြောင့်ဖြစ်ရတာပါ။ အပူအစပ်တွေက အစာအိမ်အနာဖြစ်ပြီးသား၊ ရောဂါရှိပြီးသားလူတချို့အတွက် ဝေဒနာပိုဆိုးစေနိုင်ပေမယ့် သူ့ကြောင့်ချည်းတော့ […]

လေလည်ခြင်းဟာ အစာအိမ်အူလမ်းကြောင်းရဲ့ သဘာဝလှုပ်ရှားမှုတစ်ခုဖြစ်ပြီး ကျန်းမာရေးကောင်းမွန်တဲ့ သင်္ကေတလို့ မှတ်ယူကြပါတယ်။ ကိုယ်ခန္ဓာထဲကလေဟာ အပြင်ကို မထွက်ရင် ဝမ်းဗိုက်ဟာ ပူဖောင်းကြီးလို ဖောင်းကားလာနိုင်ပါတယ်။ သုတေသနတစ်ခုအရ လူအများစုဟာ တစ်နေ့တာမှာ ၁၄ ကြိမ်ကနေ ၂၃ ကြိမ်အတွင်း လေလည်လေ့ရှိတယ်လို့ ဆိုပါတယ်။ လေလည်လိုက်တဲ့ လေအများစုဟာ မျိုချလိုက်မိတဲ့လေ ဖြစ်ပါတယ်။ တစ်နေ့တာ စားသောက်ရာကနေ အစာအိမ်အူလမ်းကြောင်းထဲ ရောက်သွားတဲ့လေတွေ ဖြစ်ပါတယ်။ ကျန်တဲ့လေများကတော့ အစာအိမ်အူလမ်းကြောင်းကနေ အစားအစာတွေကို ချေဖျက်ရာကနေ ထွက်လာတဲ့လေ ဖြစ်ပါတယ်။ လေလည်ခြင်းဟာ နေ့စဉ်ဘဝရဲ့ သာမန်အစိတ်အပိုင်းဆိုပေမယ့် တခါတရံမှာ လူမှုရေးအရ ကသိကအောင့်ဖြစ်ရပါတယ်။ အထူးသဖြင့် အနံ့ဆိုးနေချိန်မှာ ဖြစ်ပါတယ်။ လေလည်ခြင်းကို လုံးဝရပ်တန့်ထားဖို့ မဖြစ်နိုင်ပေမယ့် လေလည်တာကို လျော့ကျသက်သာစေမယ့် နည်းလမ်းတွေ ရှိပါတယ်။ ၁။ အစားအစာကို ကြေညက်စွာ ဝါးစားပါ လေအများစုဟာ မျိုချလိုက်မိတဲ့လေတွေ ဖြစ်ပါတယ်။ […]

အစာအိမ်ရောဂါရှိတာလား နွားနို့သောက် လေ။ နွားနို့က အစာအိမ်အတွက်ကောင်းတယ်တဲ့။ ဟိုးအရင်တည်းက ဒီလိုသိထားကြတာပဲ။ ဒါက တကယ်ရော မှန်ရဲ့လား။ အမှန်တော့ အစာအိမ်အက်စစ်ပြန်ဆန်တက်တဲ့ဝေဒနာကို သက်သာဖို့ နွားနို့သောက်ကြတာပါ။ ရင်ပူလာရင် အစာအိမ်အက်စစ်ထွက်တာလျော့သွားအောင် နွားနို့သောက် ျခင္းက ကူညီပေးနိုင်တယ်ပေါ့။ အဲဒီမှာ နွားနို့က အစာအိမ်အက်စစ်ထွက်တာကို ယာယီပဲလျော့စေနိုင်တာဖြစ်ပြီး တကယ်ကုသပေးနိုင်တာမဟုတ်ပါဘူး။ နွားနို့မှာပါတဲ့ ပရိုတင်းက အူသိမ်ဦးပိုင်းကြွက်သားတွေကိုအားကောင်းစေပြီး အစာအိမ်ရင်ပူခြင်း ကိုကာကွယ်ပေးနိုင်တယ်လို့ ဆိုကြပါတယ်။ ဒါပေမယ့် ရင်ပူဝေဒနာကို မကြာခဏခံစားနေကျ အစာအိမ်သမားတွေမှာ အဆီများတဲ့အစားအသောက်တွေကြောင့် အစာအိမ်အက်စစ်ပိုထွက်စေနိုင်လို့ သောက်မယ်ဆို အဆီထုတ်နွားနို့ကမှ နည်းနည်းအဆင်ပြေနိုင်ပါတယ်။ နွားနို့သောက် လိုက်ရင် ရင်ပူတာနဲ့ အစာအိမ်အက်စစ်ကြောင့်ဖြစ်တဲ့ အနာတို့ရဲ့လက္ခဏာတွေကို သက်သာစေနိုင်ပါတယ်။ သောက်တာများရင်တော့ အက်စစ်ပိုထွက်စေပြီး ပိုလို့တောင်ဆိုးစေနိုင်ပါတယ်။ ဒါ့ကြောင့် အစာအိမ်သမားတွေအနေနဲ့ အက်စစ်ထွက်ရှိမှုထိန်းနိုင်ဖို့ နွားနို့နဲ့နို့ထွက်ပစ္စည်းတွေကို တစ်နေ့ သုံးကြိမ်ထက် ပိုမစား၊သောက်ဖို့ ကျန်းမာရေးပညာရှင်တွေက သတိပေးထားပါတယ်။ နွားနို့သောက် မလား […]

ခရီးထွက်တယ်ဆိုတာ လူသားတွေအတွက် အသက်ရှည်ဆေးတစ်လက်ဆိုတာလည်း အမှန်ပါပဲ။ ဒါပေမယ့် ပင်ပန်းထားတဲ့စိတ်နဲ့ကိုယ်ခန္ဓါကိုယ်ကိုဖြေလျှော့ဖို့၊ အပန်းဖြေဖို့ သွားကြမယ့် ခရီးစဉ်မှာ အထစ်အငေါ့ဖြစ်စေနိင်မယ့် အဓိကပြဿနာက ကျန်းမာရေးဆိုတာ မမေ့ကြနဲ့နော်။ ခရီးသွားပြီဆိုမှတော့ အပြင်စာတွေပဲစားရတော့မှာလေ။ ဒေသထွက်အစားအစာတွေမြင်ရင်လည်း ဗိုက်ထဲထည့်သိမ်းကြဦးမှာမလား။ ဒီတော့ အစာအိမ်ပြဿနာ၊ လေနာပြဿနာ၊ အစာမကြေပြဿနာတွေ ဖြစ်နေရင် ဘယ်လိုပျော်နိုင်ကြမှာတဲ့လဲ။ ဒါ့ကြောင့် လမ်းခရီးတလျှောက် အစာမကြေ၊ လေထိုးလေအောင့်တွေ၊ မအီမသာပျို့အန်တာတွေ မဖြစ်ရအောင် ဒါလေးတွေသတိထားကြပါဦးဗျို့.. အစာအိမ်လေးကို ညှာတာပါ ခရီးမထွက်ခင်တည်းက အများကြီးစားမိရင် ကားမူးတာ၊ ကားပေါ်မှာ အန်တာဖြစ်နိုင်ခြေပိုများပါတယ်။ နောက်ပြီး ဒေသစာတွေအရသာထူးခြားလည်း တထိုင်တည်း အလွန်အကျွံမစားမိဖို့ သတိပေးချင်တယ်။ အကြိမ်ရေခွဲပြီး နောက်မှထပ်စားပါ။ အမျှင်ဓါတ်ပါတဲ့ အစားအစာတွေ ပိုစားပေးပါ အမျှင်ဓါတ်ဟာ အစာကြေလွယ်စေပြီး ဝမ်းချုပ်တာတွေကို ကာကွယ်ပေးတယ်။ နည်းနည်းစားရုံနဲ့ ပြည့်စေလို့ အလွန်အကျူး အစာမစားမိစေဖို့လည်း ထိန်းပြီးသားဖြစ်တယ်။ အစာမကြေဖြစ်စေနိုင်တဲ့အရာတွေ ဆင်ခြင်စားပါ အဆီများတဲ့ အကြော်အလှော်တွေ၊ အပူအစပ်တွေ၊ ချင့်ချိန်စားပါ။ […]

ခန္ဓါကိုယ်ကျန်းမာဖို့အတွက် အစာခြေစနစ်ရော အစာအိမ်ပါကျန်းမာဖို့လိုပါမယ်။ အစာအိမ်ရောဂါရှိနေတယ်။ ဒါပေမယ့် ကျန်းကျန်းမာမာနေချင်တယ်ဆိုရင် အစာအိမ်လေးရဲ့ ကျန်းမာရေးကိုမေ့ထားလို့မဖြစ်ပါဘူး။ ဒီတစ်ခေါက်တော့ အစာအိမ်ဝေဒနာရှိသူတွေအတွက် ကျန်းမာစွာနေထိုင်နည်းလေးကိုပြောပြပေးပါရစေနော်။ အစာအိမ်ရောဂါဘာကြောင့်ဖြစ်ရတာလဲ............. ဒီနေရာမှာ လူတော်တော်များများယူဆကြတာက အစာအိမ်ရောဂါဖြစ်ရတာက အစားမမှန်လို့လို့ ထင်တတ်ကြပါတယ်။ တကယ်ကတော့ ဒီတစ်ချက်တည်းကြောင့် မဟုတ်ပါဘူး။ အစားစားချိန်မမှန်တာကြောင့် အစာအိမ်ရောဂါဖြစ်နိုင်သလို အစားကိုလိုတာထက်ပိုစားတာ၊ အပူအစပ်တွေစားတာ၊ အက်ဆစ်ပါဝင်မှုလွန်ကဲတာတွေစားသုံးတာ၊ အယ်လ်ကိုဟောသောက်သုံးမှုတွေကြောင့်လည်း အစာအိမ်ထိခိုက်နိုင်ပါတယ်။သောက်သုံးရတဲ့ဆေးဝါးတွေကြောင့်လည်း အစာအိမ်ထိခိုက်နိုင်ပါတယ်။ အစာအိမ်ရောဂါရှိနေတယ် ဘာတွေစားရမလဲ......... အစာအိမ်ရောဂါရှိနေသူတစ်ယောက်အနေနဲ့ အစာအိမ်ကို ထိခိုကစေမယ့်အရာတွေကို မစားမိတာကတော့ အကောင်းဆုံးပါ။ ဒါကြောင့် အပူအစပ်တွေ၊ အဆီများတဲ့ အစားအစာတွေ အစာကြေခဲတဲ့ အစားအစာတွေကို မစားသုံးသင့်ပါဘူး။ ကဖင်း၊ အယ်လ်ကိုဟော နဲ့ဆေးလိပ်သောက်သုံးမှုတွေကိုလည်းရှောင်ကြဉ်ဖို့လိုပါမယ့်။ ဒါ့အပြင် အစာခြေအက်ဆစ်အထွက်များစေမယ့် အစားအစာတွေကိုလည်းရှောင်ဖို့လိုပါမယ်။ ဒီလိုပြောရတဲ့အကြောင်းအရင်းက အစာခြေအက်ဆစ်က လိုတာထက်ပိုများတဲ့အခါ အစာအိမ်နံရံတွေကို ထိခိုက်စေနိုင်တာကြောင့်ပါ။ ဒါ့အပြင်နေ့စဉ်စားသုံးမှုမှာ အမျှင်ဓါတ်ကြွယ်ဝစွာပါဝင်နေအောင် ဂရုစိုက်သင့်သလိုရေဓါတ်လုံလောက်အောင်သောက်သုံးဖို့လည်း မမေ့သင့်ပါဘူး။ ဂတ်စ်ပါဝင်မှုများတဲ့ အချိုရည်တွေကိုလည်း တတ်နိုင်သမျှရှောင်ဖို့လိုပါမယ်။ […]