အမျိုးသမီး ကျန်းမာရေး

ရင်သားရောဂါပိုးဝင်ခြင်း၊ တနည်း ရင်သားရောင်ရမ်းခြင်းဟာ သွေးဆုံးပြီးချိန်မှာတွေ့ရတတ်တဲ့ရောဂါတစ်ခုဖြစ်ပြီး တခါတရံမှာ နို့တိုက်နေတဲ့မိခင်တွေမှာပါတွေ့ရတတ်ပါတယ်။ နို့မတိုက်ရတဲ့အမျိုးသမီးတွေမှာလည်းဖြစ်နိုင်ပါတယ်။ ရင်သားတစ်သျူးထဲရောဂါပိုးဝင်ခြင်း၊ ရောင်ခြင်းကြောင့်ဖြစ်ပြီး နို့သီးခေါင်းအက်ကွဲခြင်း၊ နာကျင်ခြင်း၊ ရင်သားတွင် အဖုအကျိတ်များပေါ်ခြင်း၊ နီရဲခြင်း၊ ပူနေခြင်းတို့သတိထားမိနိုင်ပါတယ်။ ပြင်းထန်သောအခြေအနေတွေမှာဆိုရင် လိုအပ်တာထက်ပိုစောစော ကလေးကိုနို့ဖြတ်ရတတ်ပါတယ်။ ဒါကြောင့် ထိုဖြစ်လေ့ဖြစ်ထရှိတဲ့အခြေအနေအကြောင်းသိပြီး ဘယ်လိုဖြေရှင်းရမလဲသိရဖို့ ကြည့်လိုရအောင်။ အကြောင်းအရင်းများ Staphylococcus aureus လို့ခေါ်တဲ့ သာမန်အရေပြားမှာတွေ့ရတတ်တဲ့ ဘတ်တီးရီးယားတစ်မျိုးကြောင့် ရင်သားရောင်ရမ်းတတ်တယ်။ ထိုဘတ်တီးရီးယားက ထိခိုက်ခြင်းကြောင့်အရေပြားအက်ကွဲခြင်း မှတဆင့် ရင်သားအရေပြား သို့ နို့သီးခေါင်းထဲဝင်လာတတ်ပါတယ်။ ထို့နောက်မှာတော့ အဆီတစ်သျူးတွေထဲမှာနေကာ နာကျင်ခြင်း၊ ရောင်ရမ်းခြင်း၊ အရေပြားအက်ကွဲခြင်းတို့ဖြစ်လာစေပါတယ်။ တဖြေးဖြေး ရောင်ရမ်းခြင်းကြီးလာကာ နို့ရည်ပြွန်တွေပါ ပိတ်သွားပါတယ်။ နို့တိုက်မိခင်တွေမှာထိုအခြေအနေတွေခံစားရတတ်တယ်။ များသောအားဖြင့်မိခင်တွေကနို့ရည်တွေမထုတ်တဲ့အခါ နို့ရည်ပြွန်များခဲလာပြီး ရင်သားရောဂါပိုးဝင်ခြင်း ဖြစ်နိုင်ပါတယ်။ ဒါပေမယ့် တခြားတစ်ဖက်မှာတော့ နို့တိုက်မိခင်မဟုတ်ဘဲ ရင်သားရောင်ရမ်းပါက ရင်သားကင်ဆာလက္ခဏာဖြစ်တယ်။   ခံစားရနိုင်သောလက္ခဏာများ အောက်ပါပုံမှန်မဟုတ်သောအချက်များတွေ့ပါက ရင်သားရောင်ရမ်းခြင်းဟုထင်ရနိုင်ပါတယ်။ ပုံမှန်မဟုတ်ရောင်ရမ်းခြင်း တုပ်ကွေးမိခြင်းကဲ့သို့လက္ခဏာများ ရင်သားနာကျင်ခြင်း၊ […]

Breast Fibroadenoma ဆိုတာ ဘာလဲ Breast Fibroadenoma ဆိုတာ ငယ်ရွယ်တဲ့အမျိုးသမီးတွေမှာ အဖြစ်များပြီး ကင်ဆာမဟုတ်တဲ့ ရင်သားအကျိတ်တစ်မျိုးကို ခေါ်တာဖြစ်ပါတယ်။ အများအားဖြင့် ဒီအကျိတ်မျိုးဟာ လူကို ဒုက္ခမပေးတဲ့အပြင် ကုသမှုခံယူစရာမလိုဘဲ အလိုလို ပျောက်သွားတတ်ပါတယ်။ ကင်ဆာမဟုတ်တဲ့အတွက် အခြားအင်္ဂါအစိတ်အပိုင်းတွေဆီ ပျံ့နှံ့သွားမှာကိုလည်း စိတ်ပူစရာမလိုပါဘူး။ Fibroadenoma ရင်သားအကျိတ်တွေဟာ အရွယ်အစားသေးငယ်တဲ့ ခပ်မာမာအလုံးသဏ္ဍာန် ရှိနေတတ်ပြီး စမ်းသပ်ကြည့်ရင်လည်း သင့်ကို နာကျင်စေမှာ မဟုတ်ပါဘူး။ Fibroadenoma ရင်သားအကျိတ် နှစ်မျိုးရှိပါတယ်။ ရိုးရိုး Fibroadenoma - ၎င်းတို့ကို အဏုမှန်ပြောင်းအောက်မှာ ခွဲခြမ်းစိတ်ဖြာစစ်ဆေးကြည့်ရင် ညီညီညာညာ တွေ့မြင်နိုင်မှာဖြစ်ပြီး ရင်သားကင်ဆာအဖြစ် ပြောင်းလဲသွားနိုင်ချေ မရှိပါဘူး ရှုပ်ထွေးသည့် Fibroadenoma - ဒီအမျိုးအစား ရင်သားအကျိတ်တွေမှာတော့ သာမန်မျက်စိနဲ့မြင်နိုင်တဲ့ အရည်တွေ၊ အနည်ကျထားတဲ့ ကယ်လ်ဆီယမ်တွေ ပြည့်နေတဲ့ အကြီးစားအရည်အိတ်တွေ ပါဝင်ပါတယ်။   ဘာကြောင့် Fibroadenoma […]

ရင်သားအရည်အိတ်တည်ခြင်းဆိုတာ ဘာလဲ Fibrocystic breast changes ခေါ် ရင်သားအရည်အိတ်တည်ခြင်းဟာ အမျိုးသမီးတွေမှာ အလွန်အဖြစ်များတဲ့ ပြဿနာတစ်ခု ဖြစ်ပါတယ်။ ဒီပြဿနာကြောင့် သင့်ရင်သားမှာ အလုံးအကျိတ်ပေါ်ခြင်း၊ ထိမိကိုင်မိတဲ့အခါ နာကျင်ခြင်း၊ ရံဖန်ရံခါ ရောင်ရမ်းခြင်းတို့ ဖြစ်ပေါ်နိုင်ပါတယ်။ တကယ်တော့ ရင်သားအရည်အိတ်တည်ခြင်းလို့ ဆိုရာမှာ အောက်ပါအခြေအနေ ၂မျိုး ပါဝင်ပါတယ်။ ရင်သားတစ်ရှူးများ အမာရွတ်ကဲ့သို့ မာသွားခြင်း ကင်ဆာမဟုတ်သည့် အရည်အိတ်များကြောင့် ရင်သားတစ်ရှူးများတင်းပြီး နာကျင်ခြင်း   ရင်သားအရည်အိတ်တည်ခြင်းရှိမရှိ ဘယ်လိုသိနိုင်မလဲ ရင်သားအရည်အိတ်တည်ခြင်းက သင့်ရင်သားကို ပုံသဏ္ဍာန်ပြောင်းသွားစေနိုင်ပါတယ်။ ဒါပေမယ့် ပြောင်းလဲမှုတွေဟာ ရင်သားနှစ်ဘက်စလုံးမှာ အတူတူဖြစ်နေတာကို တွေ့ရမှာဖြစ်ပါတယ်။ သင့်နို့သီးခေါင်းက အညိုရောင် သို့မဟုတ် အစိမ်းရောင်အရည်တွေ စိမ့်ထွက်လာနိုင်သလို ဓမ္မတာလာချိန်မှာလည်း ရင်သားအကျိတ်တွေရဲ့ အရွယ်အစား ပြောင်းသွားနိုင်ပါတယ်။ ဓမ္မတာမလာမီ အချိန်မှာတော့ နာကျင်မှု ပိုဆိုးလာနိုင်ပြီး သင့်ကို နေရထိုင်ရခက်စေနိုင်ပါတယ်။   ရင်သားအရည်အိတ်တည်စေတဲ့ အကြောင်းအရင်းတွေက […]

အမျိုးသမီးတွေဟာ မိန်းမကိုယ်ကထွက်တဲ့ အနံ့ဆိုးတွေနဲ့ ဓမ္မတာလာပြီး ရာသီသွေးအကြွင်းအကျန်တွေကို ဖယ်ရှားဖို့၊ လိင်ကတဆင့်ကူးစက်တတ်တဲ့ ရောဂါတွေကို ကာကွယ်ဖို့၊ ကိုယ်ဝန်မရအောင် တားဆီးဖို့ မိန်းမကိုယ်သန့်စင်ဆေးရည် အမျိုးမျိုးကို အသုံးပြုကြတာဖြစ်ပါတယ်။ ဒါပေမယ့် ကျွမ်းကျင်သူဆရာဝန်တွေရဲ့ အဆိုအရ မိန်းမကိုယ်သန့်စင်ဆေးရည် အသုံးပြုခြင်းဟာ စောစောကပြောခဲ့တဲ့ ရည်ရွယ်ချက်တွေကို ဖြည့်ဆည်းဖို့ ထိရောက်တဲ့နည်းလမ်း မဟုတ်တဲ့အပြင် ရောဂါပိုးကူးစက်နိုင်ချေ၊ ကိုယ်ဝန်ဆောင်စဉ် နောက်ဆက်တွဲဆိုးကျိုးတွေနဲ့ အခြားကျန်းမာရေးပြဿနာများ ဖြစ်ပွားနိုင်ချေကို မြင့်စေတယ်လို့ သိရှိရပါတယ်။   မိန်းမကိုယ်ဆေးကြောသန့်စင်ခြင်း (Vaginal Douching) ဆိုတာ ဘာလဲ Douche ဆိုတဲ့ ဝေါဟာရဟာ ပြင်သစ်စကားလုံးဖြစ်ပြီး “ဆေးကြောသည်” သို့မဟုတ် “စိုစွတ်စေသည်” လို့ အဓိပ္ပါယ်ရပါတယ်။ Douching ဆိုတာကတော့ ရေ ဒါမှမဟုတ် အခြားအရည်တစ်မျိုးမျိုးကို အသုံးပြုပြီး မိန်းမကိုယ်အတွင်းထဲအထိ ဆေးကြောသန့်စင်ခြင်းကို ဆိုလိုပါတယ်။ ပိုးသတ်ဆေးနဲ့ မွှေးရနံ့ပါတဲ့ မိန်းမကိုယ်သန့်စင်ဆေးရည်တွေကို […]

အမျိုးသမီးအတော်များများဟာ ရာသီမလာခင်နဲ့ ရာသီလာနေစဉ်အတောအတွင်း ဝမ်းဗိုက်အောက်ပိုင်း ဆီးစပ်တဝိုက် နာကျင်ကိုက်ခဲမှုဝေဒနာကို ခံစားရတတ်ပါတယ်။ များသောအားဖြင့်တော့ ဒါဟာ စိုးရိမ်စရာကောင်းတဲ့လက္ခဏာ မဟုတ်ပါဘူး။ သားအိမ်ကြွက်သားများကို ကျုံ့စေနိုင်တဲ့ ပရိုစတာဂလန်ဒင် (Prostagladins)အမည်ရှိ ဟော်မုန်းတစ်မျိုးကြောင့် ဒီဝေဒနာကို ခံစားရတာဖြစ်ပြီး ၎င်းဟာ သားအိမ်ကြွက်သားတွေကို ကျုံ့စေခြင်းအားဖြင့် မိန်းမကိုယ်မှတဆင့် ရာသီသွေးဆင်းနိုင်အောင် ကူညီပေးမှာ ဖြစ်ပါတယ်။ ဘယ်သူတွေမှာ ရာသီလာစဉ် နာကျင်ကိုက်ခဲမှုဝေဒနာ ခံစားရနိုင်ချေ ပိုများသလဲ ရာသီလာစဉ် နာကျင်ကိုက်ခဲမှုဝေဒနာ ခံစားရနိုင်ချေ ပိုများသူတွေကတော့ အသက် ၃၀အောက် အမျိုးသမီးများ အပျိုဖော်ဝင်စောသူများ၊ အသက် ၁၁နှစ်ထက်စော၍ အပျိုဖော်ဝင်သူများ ရာသီသွေးဆင်းများသူ၊ ရာသီသွေးဆင်းမှု ပုံမမှန်သူများ မီးမဖွားဖူးသူများ မိသားစုတွင်း အလားတူပြဿနာ ရှိသူများ ဆေးလိပ်သောက်သူများ ရာသီလာစဉ် နာကျင်ကိုက်ခဲမှုဝေဒနာဟာ မျိုးရိုးလည်းလိုက်တတ်ပါတယ်။ သင့်မိသားစုဆွေမျိုး အမျိုးသမီးတွေထဲမှာ ဒီဝေဒနာခံစားရသူတွေရှိမယ်ဆိုရင် သင့်ဆီကို မျိုးရိုးလိုက်နိုင်ပါတယ်။ သင့်အနေနဲ့ […]

ပခုံးဖော်ဝတ်စုံ ရိုးရိုးလေးတစ်စုံ ဝတ်ထားသူတစ်ယောက်ဟာ လေးလက်မအမြင့် ဒေါက်ဖိနပ်စီးလိုက်ရုံနဲ့ နဂိုထက် ဆယ်ဆလောက် ဆွဲဆောင်မှုရှိသွားတယ်ဆိုတာ ဘယ်သူကမှ ငြင်းဆန်လိမ့်မယ် မထင်ပါဘူး။ ဒေါက်မြင့်ဖိနပ်စီးခြင်းဟာ အမျိုးသမီးတွေကြား အငြင်းအပွားရဆုံး အကြောင်းအရာတစ်ခုဖြစ်ပါတယ်။ ဒေါက်မြင့်ဖိနပ်စီးလေ့ရှိသူ အမျိုးသမီးတွေကိုယ်တိုင်က ဒီဖိနပ်တွေစီးထားစဉ်မှာ အလွန်နာကျင်ရပေမယ့် ဒီနာကျင်မှုကို ကျေကျေနပ်နပ်လက်ခံနိုင်တယ်လို့ ဆိုကြပါတယ်။ ဒီတော့ ဒေါက်မြင့်ဖိနပ်စီးခြင်းအားဖြင့် ဖြစ်လာနိုင်တဲ့ ဆိုးကျိုး ၅ခုကို ဒီဆောင်းပါးမှာ ပြောပြပေးသွားမှာဖြစ်ပါတယ်။   ကျောရိုးမကြီး ကျွန်ုပ်တို့ရဲ့ ခန္ဓါကိုယ်က ကျောရိုးမကြီးမှာ လမ်းလျှောက်တဲ့အခါ၊ ပြေးတဲ့အခါ ဖြစ်လာတဲ့တုန်ခါမှုတွေကို ထိန်းပေးမယ့် အကွေး ၄နေရာရှိပါတယ်။ ဒေါက်မြင့်ဖိနပ်စီးလိုက်တဲ့အခါ ခန္ဓါကိုယ်ဟာ ပုံမှန်ထက် ရှေ့ကိုယိုင်သွားပြီး နောက်ကျောကို ပိုပြီးကိုင်းသွားစေပါတယ်။ ဒီကိုယ်နေဟန်ထားကြောင့် ခါးအောက်ပိုင်းကျောရိုးမှာရှိတဲ့ အင်္ဂလိပ်အက္ခရာ S ပုံသဏ္ဍာန်အကွေးပေါ် တင်းအားအများကြီး သက်ရောက်စေပါတယ်။ ဒါကြောင့် တနေကုန်ဒေါက်မြင့်ဖိနပ်စီးသူ အမျိုးသမီး အတော်များများဟာ ခါးနာ၊ […]

အရွယ်ရောက်ပြီးသူတွေမှာ သဘာဝတရားရဲ့ လိုအပ်ချက်အရ အတူနေဖို့ (လိင်ဆက်ဆံဖို့) ခန္ဓါကိုယ်ဖွဲ့စည်းမှုနဲ့ ဟော်မုန်းတွေရဲ့ အချိုးအစားကို စီစဉ်ထားရှိပါတယ်။ ဒါပေမယ့် လူတွေက တစ်ယောက်နဲ့ တစ်ယောက် အကြောင်းရင်းခံချင်းက တူကြတာ မဟုတ်ဘူးလေ။ ဒီတော့ အတူမနေနိုင်တဲ့ အနေအထားမှာ ရှိနေသူတွေအနေနဲ့က အခက်အခဲ ရှိတာပေါ့။ ပြဿနာကတော့ အတူမနေတာ ကြာလာတဲ့အခါ ယောက်ျားရော မိန်းမမှာပါ ဆိုးကျိုးတွေရှိလာပါတယ်။ ဒီဆောင်းပါးမှာတော့ အတူမနေတာကြာတဲ့အခါ အမျိုးသမီးတွေမှာ ဘယ်လိုဆိုးကျိုးတွေရှိလာနိုင်လဲဆိုတာကို ပြောပြပေးသွားမှာပါ။ အတူမနေတာကြာတဲ့အခါ အမျိုးသမီးတွေမှာ ဘယ်လိုဆိုးကျိုးတွေရှိလာနိုင်လဲ။ အတူမနေတာကြာတဲ့အခါ အမျိုးသမီးတွေမှာ ဘယ်လိုဆိုးကျိုးတွေရှိလာနိုင်လဲ။ ဆိုတော့ ၁။ စိတ်ဖိစီးမှုများလာမယ်။ အတူနေတာက စိတ်ဖိစီးမှုကိုလျော့ကျစေတဲ့နည်းလမ်းတွေထဲက အကောင်းဆုံးတစ်ခုပါ။ သွေးလည်ပတ်မှု ကောင်းမွန်သွားတာနဲ့ အတူနေတဲ့အခါ ထွက်ပေါ်လာတဲ့ ဟော်မုန်းတွေက စိတ်ဖိစီးမှု လျော့ကျသွားစေဖို့ အကြီးအကျယ် အထောက်အကူပြုပြီး နုပျိုကျန်းမာ စေပါတယ်။ အတူမနေတာ ကြာရင်တော့ စိတ်ဖိစီးမှု လျော့ကျစေတဲ့ […]

မိန်းကလေးတွေတိုင်း တစ်လတစ်ကြိမ် မဖြစ်မနေ ကြုံတွေ့ရတဲ့ ကိစ္စကတော့ ရာသီလာခြင်းပါပဲ။ တချို့ မိန်းကလေးတွေကတော့ ရာသီလာချိန်ဟာ ရက်အတိအကျဖြစ်ပေမယ့် တချို့မှာတော့နောက်ကျတာတွေစောတာတွေဖြစ်တတ်ပါတယ်။ ဒီလိုဆိုရင် အနည်းနဲ့အများတော့ စိတ်ညစ်ရတာပါပဲ။ မမျိုးဥကြွေပြီးနောက်နေ့ဟာ ရာသီလာရက်ပါပဲ။ ရာသီလာချိန် မမှန်တဲ့အခါမှာ စိတ်အပြောင်းအလဲမြန်တာတွေ၊ ဗိုက်အောင့်တာတွေနဲ့ခြေလက်မသယ်ချင်တာတွေဖြစ်နိုင်ပါတယ်။ ဒါကြောင့် ရာသီပုံမှန်လာဖို့အတွက်ဆေးသောက်တာတွေ အပြင် အစားအစာတွေနဲ့လည်းပြုလုပ်လို့ ရပါတယ်။ ဘယ်လိုအစားအစာတွေက ကူညီပေးနိုင်မလဲဆိုတာ ဖတ်ကြည့်ပါဦး။ သားမျိုးဥအိမ်ထဲမှာ ရှိတဲ့သွေးကြောလေးတွေဟာ အရမ်းကိုသေးငယ်လွန်းပါတယ်။ သူတို့လေးတွေဟာ ပျက်စီးလွယ်ပါတယ်။ကောင်းမွန်တဲ့သွေးလည်ပတ်မှု မရှိခြင်း၊ အဝလွန်ခြင်းနဲ့ ကိုလက်စထရော ပမာဏ များခြင်းတွေဟာ သားဥအိမ်မှာ ရှိတဲ့သွေးကြောတွေကို ပိတ်ဆို့ထားခြင်းတွေဖြစ်နိုင်ပြီးသွေးစီးဆင်းမှုနဲ့ဟော်မုန်းတွေကိုပြောင်းလဲစေပါတယ်။ ဒီအခါမှာ ရာသီလာတာဟာ ပုံမှန်မဟုတ်တော့ပါဘူး။ ဒါတွေကိုပြေလည်အောင်ဖြေရှင်းပေးနိုင်မယ့် အစားအစာကတော့ အိုမီဂါ ၃ အက်ဆစ်ပါ။ သူက ရာသီသွေး ပုံမှန်ဖြစ်အောင် ကူညီပေးနိုင်ပါတယ်။ တူနာငါး၊ ဆယ်လ်မွန်ငါးတွေအပြင် တခြားငါးတွေကနေလည်း […]

ဆီးခုံမွေးတွေကို ဘယ်လိုပုံစံမျိုးထားတာက အကောင်းဆုံးဖြစ်မလဲဆိုတာ စဉ်းစားရကြပ်နေပါသလား။ ဒါဆိုရင်တော့ ဒီဆောင်းပါးကို ဆက်ဖတ်ကြည့်လိုက်ပါ။ ကျွန်တော်တို့ အမျိုးသားတွေရော၊ အမျိုးသမီးတွေရော သက်ဆိုင်ရာ လိင်အင်္ဂါ နားတစ်ဝိုက်မှာ အမွေးအမျှင်တွေ စပေါက်လာတာနဲ့ ဒီအမွေးတွေဟာ ရိတ်ဖို့ အတွက်ပဲ၊ နှုတ်ဖို့ အတွက်ပဲ ဖြစ်တယ်လို့ တွေးတတ်ကြပါတယ်။ တကယ်တော့ ဒီလို တွေးတာတွေကလည်း သဘာဝတော့ကျပါတယ်။ ကျွန်တော်တို့ မြင်တွေ့နေရတဲ့ ကြော်ငြာအများစုကလည်း ဆီးခုံမွေးတွေကို ရိတ်ဖို့၊ ညှပ်ဖို့ ကြော်ငြာနေကြတာမို့ပါ။ ဒါပေမဲ့ ဒီဆောင်းပါးလေးထဲမှာ ဘာကြောင့် အမျိုးသမီးတွေ အတွက်ပဲ ဖော်ပြရတာလဲဆိုတော့ အမျိုးသမီးတွေဟာ အမျိုးသားတွေထက် ဆီးခုံမွေးများကို ပိုပြီး ဂရုစိုက်တတ်ကြတဲ့ အတွက်ဖြစ်ပါတယ်။ စစ်တမ်းများအရတော့ အမျိုးသမီး ၈၄ ရာခိုင်နှုန်းခန့်ဟာ ဆီးခုံမွေးသန့်ရှင်းရေးကို လုပ်ဆောင်တတ်ကြပြီး အမျိုးသားတွေကတော့ ၆၄ ရာခိုင်နှုန်းခန့်သာ သန့်ရှင်းလေ့ရှိကြတယ်လို့ ဆိုပါတယ်။ ဆီးခုံမွေးတွေကို ဘယ်လို […]

အစားမတော်တစ်လုတ်၊အသွားမတော်တစ်လှမ်းဆိုသလိုပဲလူငယ်တွေသဘာဝပျော်ကြပါးကြရင်းအကဲမတော်တစ်သက်ဖြစ်ကြရတာတွေ၊ဒုက္ခဖြစ်တာတွေရှိကြပါတယ်။ခေတ်မီပွင့်လင်းလာတဲ့ကနေ့ခေတ်ရဲ့လူငယ်တွေကြားမှာဆိုရှယ်ကျကျပေါင်းသင်းဆက်ဆံရေးတွေ၊အသောက်အစားဖက်လာတာတွေအပြင်အပျော်အပါးကြောင့်မတော်တဆအမှားအယွင်းတွေရှိလာတတ်ပါတယ်။အရာရာပွင့်လင်းလာတဲ့လူငယ်တချို့ကပျော်ပွဲရွှင်ပွဲတွေ၊ပွဲအခမ်းအနားတွေမှာပျော်ကြပါးကြရင်းမထင်မှတ်တဲ့ပြဿနာတွေကြုံတွေ့ရတတ်ပါတယ်။အဲဒီပြဿနာတွေမဖြစ်လာအောင်ဖြေရှင်းနိုင်တဲ့အလွယ်ကူဆုံးနည်းလမ်းရှိပါတယ်။ အရေးပေါ်သေန္ဓတားဆေးပါ အရေးပေါ်သန္ဓေတားဆေး(morning after pills)ဆိုတာအကာအကွယ်မဲ့လိင်ဆက်ဆံပြီးတဲ့အခါဒါမှမဟုတ်ပုံမှန်သားဆက်ခြားနည်းလမ်းတစ်ခုခုကိုမေ့လျော့ပျက်ကွက်မိတဲ့အခါမျိုးတွေမှာအရေးပေါ်သုံးကြတဲ့သောက်ဆေးဖြစ်ပါတယ်။သန္ဓေတားနည်းတစ်ခုမှမသုံးထားဘဲလိင်ဆက်ဆံပြီးတဲ့အခါ၃ရက်(၇၂နာရီ)အတွင်းသောက်သုံးရင်အာနိသင်အကောင်းဆုံးဖြစ်ပေမယ့် ၅ရက် (နာရီ၁၂၀)အတွင်းသောက်သုံးရင်လည်းကိုယ်ဝန်မရအောင်တားဆီးပေးနိုင်စွမ်းရှိပါသေးတယ်။ဒါပေမဲ့အမြန်ဆုံးသောက်သုံးလေအာနိသင်အထိရောက်ဆုံးဖြစ်လေဆိုတာသတိရထားဖို့လိုပါတယ်။ ဒီဆေးကတစ်ကြိမ်သောက်ရုံနဲ့ဒီလိုကာကွယ်ပေးနိုင်တယ်ဆိုတော့မပျက်မကွက်နေ့တိုင်းအချိန်မှန်သောက်ဖို့လိုတဲ့ပုံမှန်သားဆက်ခြားသောက်ဆေးလို၊ဘယ်နှလခံထိုးဆေးဆိုပြီးမပျက်မကွက်ထိုးရတဲ့ ၃လ/၆လခံထိုးဆေးတွေလိုအလုပ်မရှုပ်တဲ့အတွက်အသုံးများလာကြပါတယ်။အဲဒီထဲမှာအိမ်ထောင်ရှင်တွေအပြင်အရွယ်ရောက်ပြီးတဲ့လူငယ်တွေလည်းပါဝင်နေပါတယ်။သုံးရလွယ်ပြီးထိရောက်မှုရှိတာကြောင့်အသုံးများလာရာကနေပုံမှန်သားဆက်ခြားသောက်ဆေးတွေအစားအလွယ်သုံးစွဲလာတာတွေလည်းရှိပါတယ်။ဒါပေမယ့်သတိထားသင့်တာကအရေးပေါ်သန္ဓေတားဆေးဆိုတာအမြဲတမ်းသောက်သုံးဖို့အတွက်အဆင်မပြေလှပါဘူး။ အရေးပေါ်သန္ဓေတားဆေးဆိုတာအရေးပေါ်အခြေအနေတွေအတွက်သာရည်ရွယ်ထုတ်လုပ်ထားတာဖြစ်လို့ပုံမှန်အသုံးပြုသွားလို့ရမယ့်သန္ဓေတားဆေးလိုနေ့တိုင်းသောက်နေလို့မရပါဘူး။အခုနောက်ပိုင်းမှာလူငယ်တချို့ကလွတ်လွတ်လပ်လပ်အပျော်လွန်ခဲ့ကြပြီးမှဒီဆေးတွေကိုအလွယ်တကူဝယ်ပြီးသုံးစွဲနေကြတာတွေ့လာရပါတယ်။တစ်ပတ်အတွင်းမှာပဲအကြိမ်ပေါင်းများစွာသောက်သုံးမယ်ဆိုရင်မသင့်တော်လို့အကြိမ်ရေများမယ်ဆိုရင်တော့ ပုံမှန်သားဆက်ခြားသောက်ဆေးတွေကိုသုံးသင့်ပါတယ်။ အရေးပေါ်သန္ဓေတားဆေးတွေကဘေးအန္တရြာယ်ဖစ်စေလို့တော့မဟုတ်ပါဘူး။ဒီနည်းကရေရှည်သုံးလို့ကောင်းတဲ့နည်းလမ်းမဟုတ်တာတစ်ခုပါပဲ။ထပ်ကာထပ်ကာသုံးစွဲနေတာမျိုးဆိုရင်ဘေးထွက်ဆိုးကျိုးတွေကယာယီပဲ၊ အန္တရာယ်မရှိဘူးဆိုပေမယ့်ဓမ္မတာမမှန်ခြင်း၊မအီမသာဖြစ်ခြင်း၊ပျို့အန်ခြင်း၊ရင်သားတင်းပြီးနာကျင်ခြင်း၊ဗိုက်အောင့်ခြင်း၊ခေါင်းမူးခေါင်းကိုက်ခြင်း၊ နွမ်းလျခြင်းတို့ ဖြစ်နိုင်တဲ့အတွက်သိပ်တော့သက်သာမှာမဟုတ်ပါဘူး။ ဒါ့အပြင်ကိုယ်ဝန်ရသွားနိုင်ခြေကလည်းတခြားသောသန္ဓေတားနည်းလမ်းတွေထက်မြင့်မားပါတယ်။ ဘာလို့အသုံးများလာသလဲ။ဘာကောင်းကျိုးတွေရှိလဲ။ အရေးပေါ်သန္ဓေတားဆေးတွေက- တစ်ကြိမ်တည်းသောက်လိုက်ရုံပဲ၊ ဝယ်ရလွယ်၊သုံးရလွယ်တယ်၊ ဆရာဝန်ညွှန်ကြားချက်မလိုဘူး၊ လိင်ဆက်ဆံပြီး၅ရက်အတွင်းသုံးလို့ရတယ်၊ ကွန်ဒုံးပေါက်ပြဲတာ၊သောက်ဆေးရက်ကျော်သွားတာ၊ထိုးဆေးရက်ကျော်သွားတာမျိုးမှာအရေးပေါ်သုံးလို့ရတယ်၊ စရိတ်သက်သာပြီးထိရောက်မှုရှိတယ်၊ ဘေးအန္တရာယ်မရှိသလောက်ကင်းတယ်ဆိုတဲ့အချက်တွေကြောင့်လူငယ်တွေအကြားအသုံးများလာတာဖြစ်ပါတယ်။မမျှော်လင့်ဘဲကိုယ်ဝန်ရတဲ့အဖြစ်မျိုးတွေကိုအချိန်မီကာကွယ်နိုင်ဖို့ကအရေးပေါ်သန္ဓေတားဆေးရဲ့အားသာချက်ပါ။ ဘယ်အချိန်မှာအသုံးဝင်ဆုံးလဲဆိုတော့ကွန်ဒုံးသုံးဖို့မေ့သွားတဲ့အခါမျိုးအကာအကွယ်မဲ့လိင်ဆက်ဆံပြီးချိန်မှာကိုယ်ဝန်မရသွားအောင်အရေးပေါ်ကာကွယ်ပေးနိုင်ပါတယ်။တစ်ခုထပ်သတိထားသင့်တာကတချို့တွေဟာကွန်ဒုံးမသုံးပေမယ့်အပြင်မှာထုတ်တဲ့နည်းလမ်းကိုသုံးရင်ကိုယ်ဝန်မရနိုင်ဘူးဆိုပြီးကျင့်သုံးနေတာတွေလည်းရှိပါတယ်။တကယ်ကအပြင်မှာထုတ်ခဲ့တယ်ဆိုရင်တောင်မှကိုယ်ဝန်ရသွားနိုင်ခြေရှိပါသေးတယ်။ဒီအတွက်အဲဒီလိုအချိန်တွေမှာလည်းဒီဆေးကိုသောက်သုံးနိုင်ပါတယ်။ ဒီဆေးသာမကယ်ရင်မတော်တဆကိုယ်ဝန်ကြောင့်ဘဝအတွက်အဆင်သင့်မဖြစ်မီလက်ထပ်လိုက်ရတာ၊အသက်ငယ်ငယ်နဲ့အိမ်ထောင်သည်ဖြစ်သွားရတာ၊မလိုလားတဲ့ကိုယ်ဝန်ကိုဖျက်ချရင်းမိန်းကလေးတွေအသက်အန္တရာယ်ဖြစ်ရတာ၊ကိုယ်ဝန်ကြောင့်ဂုဏ်သိက္ခါကျဆင်းရတာစတဲ့ဆိုးရွားတဲ့နောက်ဆက်တွဲပြဿနာတွေကိုရင်ဆိုင်ရနိုင်ပါတယ်။အခုတော့အရေးပေါ်အခြေအနေဖြစ်လာတဲ့အခါကူညီပေးမယ့် အရေးပေါ်သန္ဓေတားဆေးကဈေးကွက်မှာရရှိနေပါပြီ။အလွယ်တကူလည်းဝယ်လို့ရနိုင်ပြီမို့လို့စိတ်ချလက်ချရှိနိုင်ပါပြီ။ တစ်ခုပဲသိထားသင့်တာကဆေးသောက်ပြီးအန်ထွက်ရင်တော့ထပ်သောက်ရပါမယ်။ကိုယ်ကပျို့တတ်တယ်ဆိုရင်အအန်ပျောက်ဆေးနဲ့လည်းတွဲသောက်လို့ရပါတယ်။