ကျောက်ကပ်ရောဂါများ

Hello ဆရာဝန် ပရိတ်သတ်ကြီး မင်္ဂလာပါ ဒီတစ်ခေါက် ဆောင်းပါးမှာတော့ သင့်ရဲ့ကျောက်ကပ်ကို ဘယ်လိုကျန်းမာအောင်နေရမလဲဆိုတာ ဆွေးနွေးပေးသွားမှာပါ ။ ဒီရက်ပိုင်းအတွင်းမှာပဲ ဆရာဝန်လောင်းလျာတစ်ယောက် ကျောက်ကပ်ရောဂါဖြစ်တာကို Facebook မှာ တွေ့လိုက်ရမှာပါ ။ ရုတ်တရက်ကြီး ထဖြစ်တတ်တာမျိုးလည်း ရှိတဲ့အတွက် ကျောက်ကပ်ကို ကြိုတင်ကာကွယ်ဖို့ အရေးကြီးပါတယ် ။ အရင်ဆုံး ကျောက်ကပ်ရဲ့ လုပ်ငန်းကို ရှင်းပြမှာပါ ။ ခန္ဓာကိုယ်‌မှာ နေ့စဉ်လှုပ်ရှားစားသောက်နေသမျှမှာ မလိုအပ်တဲ့ မကောင်းတဲ့ဓါတ်တွေ ပါပါတယ် ။  ကျောက်ကပ်က သွေးထဲကနေ ခန္ဓာကိုယ်အတွက် ကောင်းတာတွေကို စစ်ယူ၊ မကောင်းတာတွေကို ဖယ်ရှားစေပြီး ဆီးထဲကနေတစ်ဆင့် အပြင်ကို စွန့်ထုတ်ပေးပါတယ် ။  ဒါ့အပြင် သွေးတိုးရောဂါ ထိန်းချုပ်ခြင်း ၊ သွေးနီဥများ ပြုလုပ်ခြင်း ၊ အရိုးများ သန်မာဖို့အတွက် လိုအပ်တဲ့ Vitamin […]

ရုတ်တရက်ကျောက်ကပ်ပျက်စီး တယ်ဆိုတာ ကျောက်ကပ်က ရုတ်တရက် သူ့အလုပ်ကို မလုပ်နိုင်တော့တာပါ။ နည်းနည်းပျက်စီးတာလဲဖြစ်နိုင်သလို လုံးဝအလုပ်မလုပ်နိုင်တာလဲ ဖြစ်ပါတယ်။ ရုတ်တရက်ကျောက်ကပ်ပျက်စီး တာက ကျောက်ကပ်ကိုယ်တိုင်မကောင်းတာကြောင့်ဖြစ်နိုင်သလို တခြားအကြောင်းအရင်းတစ်ခုကြောင့် ကျောက်ကပ်မှာ နောက်ဆက်တွဲလာထိတာလည်း ဖြစ်နိုင်ပါတယ်။ ဒါက အသက်ကြီးပြီးရောဂါအခံတစ်ခုခုရှိတဲ့သူတွေ၊ နဂိုတည်းက ကျောက်ကပ်မကောင်းတဲ့သူတွေမှာပိုဖြစ်တတ်ပါတယ်။ ရုတ်တရက်ကျောက်ကပ်ပျက်စီးတာက မြန်မြန်သိ မြန်မြန််ကုနိုင်ရင် ပိုကောင်းပါတယ်။ မကုနိုင်ရင် ကိုယ်ထဲမှာ ဓာတ်ဆားတွေ၊ အညစ်အကြေးတွေပုံလာပြီး တခြားအင်္ဂါအစိတ်အပိုင်းတွေကိုပါ ထိခိုက်လာမှာပါ။ ကျောက်ကပ်လုံးဝအလုပ်မလုပ်တော့ရင်တော့ ကျောက်ကပ်ဆေးရမှာပါ။ မဟုတ်ရင် အသက်အန္တရာယ်ရှိပါတယ်။ ဘာလို့ ရုတ်တရက်ကျောက်ကပ်ပျက်စီး ရတာလဲ အဓိကအကြောင်းရင်း၃ခုကတော့ ကျောက်ကပ်ကို သွေးကောင်းကောင်းမလျှောက်တာ ကျောက်ကပ်ကို တိုက်ရိုက်ထိခိုက်တာ ဆီးပို့ပြွန်ပိတ်ပြီး ဆီးတွေအပြင်ကိုမထွက်နိုင်ဘဲ ကျောက်ကပ်မှာပြန်ပုံနေတာတွေပဲဖြစ်ပါတယ်။ ကျောက်ကပ်ကို သွေးကောင်းကောင်းမလျှောက်စေတဲ့အကြောင်းတွေကတော့ သွေး ဒါမှမဟုတ် အရည်ဓာတ်ဆုံးရှုံးတာ သွေးကျဆေးတွေအလွန်အကျွံသောက်တာ နှလုံးရပ်တာ နှလုံးရောဂါရှိတာ ပိုးဝင်တာ အသည်းပျက်စီးတာ အကိုက်အခဲပျောက်ဆေးတွေ၊ တခြားကျောက်ကပ်ထိတဲ့ဆေးတွေသောက်တာ […]

ကျောက်ကပ်က ပုံမှန်အတိုင်းအလုပ်မလုပ်တော့လို့ ကျောက်ကပ်ဆေးနေရတယ်။ ကျောက်ကပ်ဆေးနေရတာကြောင့် အခြားရောဂါပိုး​တွေ ဝင်ရောက်တာမျိုးမဖြစ်စေဖို့ အာဟာရပြည့်ဝအောင်စားဖို့ကလည်း မဖြစ်မနေဂရုစိုက်ဖို့လိုမှာပါ။ ဒီတစ်ခေါက်တော့ ကျောက်ကပ်ဆေးနေရသူတွေအတွက် ကျန်းမာရေးနဲ့ညီညွတ်အောင် ဘယ်လိုစားသောက်ရမလဲဆိုတာကို ပြောပြပေးချင်ပါတယ်။ ကျောက်ကပ်ဆေးနေရသူတွေအတွက် ကျန်းမာရေးနဲ့ညီ​ညွတ်တဲ့ စားသောက်မှုပုံစံ ကျောက်ကပ်ဆေးနေရသူ တစ်ယောက်အနေနဲ့ အာဟာရပြည့်ဝနေမှ လိုအပ်တဲ့ကုသမှုတွေကို ခံယူနေမှာပါ။ ဒါကြောင့် ကျောက်ကပ်ဆေးနေရသူတစ်ယောက်အနေနဲ့ အာဟာရပြည့်ဝပြီး ကျန်းမာစေဖို့ဆိုရင် စားတဲ့အစားအစာတိုင်းမှာ ပရိုတင်းပြည့်ဝလုံလောက်စွာပါဝင်ဖေို့ဂရုစိုက်ပေးပါ။ ပရိုတင်းပြည့်ဝစေဖို့အတွက် ငါး၊ ကြက်သား၊ ဝက်သား (အဆီမပါ)၊ ဥအမျိုးမျိုုးတို့ကို စားပေးလို့ရပါတယ်။ ပိုတက်ဆီယမ် နဲ့ phosphorus လျှော့စားပါ။ ဒါတွေက ကျောက်ကပ်ကိုထိခိုက်စေနိုင်ပါတယ်။ မြေပဲထောပတ်၊ အခွံမာသီးတွေ၊ အစေ့အဆန်တွေ၊ အသီးခြောက်တွေ နဲ့ ပဲနီလေးတို့ မစားပါနဲ့။ ဒီအစားအစာတွေက ပရိုတင်းကြွယ်ဝတာ မှန်ပေမယ့် ပိုတက်ဆီယမ် နဲ့ phosphorous ပါဝင်မှုလည်းများပါတယ်။ ဆားလျှော့စားပါ။ အငန်ကဲတာတွေရှောင်ပါ။ ဒီလိုလုပ်ပေးတာက […]

ဆီးချိုရဲ့နောက်ဆက်တွဲကြောင့်ဖြစ်ဖြစ်၊ သွေးတိုးကြောင့်ဖြစ်ဖြစ် ကျောက်ကပ် ထိခိုက်ပျက်စီးနေတယ်။ ဒီလို ကျောက်ကပ် ပျက်စီးနေတာကြောင့် အနေအထိုင် အစားအသောက်ဂရုစိုက်ဖို့လိုလာတယ်။ အစားတလုတ်ကြောင့် ကျောက်ကပ်ကို မထိခိုက်စေချင်ဘူး။ ဒါပေမယ့် ဘာတွေရှောင်စားရမှန်းမသိဘူးဆိုတဲ့ သူလေးတွေရှိရင် ဒီဆောင်းပါးလေး ဖတ်ကြည့်နော်။ ကျောက်ကပ် ဘာတွေများလုပ်ပေးလဲ...... နံရိုးတွေရဲ့အောက်ဘက်နားမှာရှိတဲ့ လက်သီးဆုပ်အရွယ် ကိုယ်တွင်းအင်္ဂါ အစိတ်အပိုင်းပါ။ ကျောရိုးရဲ့ တစ်ဖက်တစ်ချက်ဆီမှာရှိကြပါတယ်။ကျောက်ကပ်က ခန္ဓာကိုယ်ရဲ့ အလုပ်အများဆုံး အစိတ်အပိုင်းတစ်ခုဆိုလည်း မမှားပါဘူး။ ကျောက်ကပ်ရဲ့ အဓိကတာဝန်က ခန္ဓာကိုယ်တွင်းက အညစ်အကြေးတွေကိုစစ်ထုတ်ပေးတာပါ။သွေးတွင်းက အညစ်အကြေးတွေကိုလည်း သန့်စင်ပေးပါတယ်။ စစ်ထုတ်လိုက်တဲ့ အညစ်အကြေးတွေကို ဆီးအိမ်ထဲမှာ သိမ်းထားပြီး ဆီးအဖြစ်နဲ့ ခန္ဓာကိုယ်ပြင်ပကို စွန့်ထုတ်ပေးပါတယ်။ ဒါတွေအပြင်ကျောက်ကပ်က ကိုယ်တွင်း pH ပမာဏကို ထိန်းညှိပေးပြီး ပိုတက်ဆီယမ်ပမာဏကိုလည်း ထိန်းညှိပေးပါတယ်။ ဟော်မုန်းတွေကို ထုတ်လုပ်ပေးပြီး သွေးပေါင်ချိန်ကို ထိန်းညှိပေးသလို သွေးနီဥဆဲလ်တွေထုတ်လုပ်မှုကိုလည်း ထိန်းညှိပေးပါတယ်။ အရိုးတွေသန်မာစေပြီး ကြွက်သားတွေ အကောင်းဆုံးလုပ်ဆောင်မှုတွေရရှိစေဖို့အတွက်လည်း ကယ်လ်ဆီယမ်ကို […]

နေမကောင်းလို့ဆေးကုသမှုခံယူတယ်ဆိုတဲ့အချက်က ဒီလောက်နဲ့တင်ပြီးမသွားပါဘူး။ ကုသမှုခံယူပြီးတဲ့အခါ အပြည့်အဝကျန်းမာလာစေဖို့အတွက် လိုအပ်တဲ့ အာဟာရပြည့်ဝစေဖို့နဲ့ ကျန်းမာစွာနေထိုင်တတ်ဖို့ကလည်း မဖြစ်မနေဂရုစိုက်ဖို့လိုမယ့်အချက်ပါ။ ဒီတစ်ခေါက်တော့ ဆီးချိုရဲ့နောက်ဆက်တွဲကြောင့်ဖြစ်ဖြစ် ဒါမှမဟုတ် အခြားအကြောင်းတစ်ခုခုကြောင့်ဖြစ်ဖြစ်ကျောက်ကပ်မကောင်းတော့လို့ကျောက်ကပ်အစားထိုးကုသမှုခံယူရသူတွေအတွက် ကျန်းမာစွာနေထိုင်နည်းလေးကိုပြောပြပေးပါရစေ။ ကေျာက်ကပ်က ခန္ဓါကိုယ်အတွက်ဘာတွေလုပ်ပေးလဲ..... ကျောက်ကပ်က နံရိုးတွေရဲ့အောက်ဘက်နားမှာရှိတဲ့ လက်သီးဆုပ်အရွယ် ကိုယ်တွင်း အင်္ဂါ အစိတ်အပိုင်းပါ။ကျောရိုးရဲ့ တစ်ဖက်တစ်ချက်ဆီမှာရှိကြပါတယ်။ကျောက်ကပ်က ခန္ဓါကိုယ်ရဲ့ အလုပ်အများဆုံး အစိတ်အပိုင်းတစ်ခုဆိုလည်း မမှားပါဘူး။ ကျောက်ကပ်ရဲ့ အဓိကတာဝန်က ခန္ဓါကိုယ်တွင်းက အညစ်အကြေးတွေကိုစစ်ထုတ်ပေးတာပါ။သွေးတွင်းက အညစ်အကြေးတွေကိုလည်း သန့်စင်ပေးပါတယ်။ စစ်ထုတ်လိုက်တဲ့ အညစ်အကြေးတွေကို ဆီးအိမ်ထဲမှာ သိမ်းထားပြီး ဆီးအဖြစ်နဲ့ ခန္ဓါကိုယ်ပြင်ပကို စွန့်ထုတ်ပေးပါတယ်။ ဒါတွေအပြင်ကျောက်ကပ်က ကိုယ်တါင်း pH ပမာဏကို ထိန်းညှိပေးပြီး ပိုတက်ဆီယမ်ပမာဏကိုလည်း ထိန်းညှိပေးပါတယ်။ ဟော်မုန်းတွေကို ထုတ်လုပ်ပေးပြီးသွေးပေါင်ချိန်ကို ထိန်းညှိပေးသလိုသွေးနီဥဆဲလ်တွေထုတ်လုပ်မှုကိုလည်း ထိန်းညှိပေးပါတယ်။ အရိုးတွေသန်မာစေပြီး ကြွက်သားတွေ အကောင်းဆုံးလုပ်ဆောင်မှုတွေရရှိစေဖို့အတွက်လည်း ကယ်လ်ဆီယမ်ကို စုပ်ယူနိုင်စေဖို့ ဗီတာမင် Dဖြစ်ပေါ်အောင် လှုံ့ဆော်ပေးပါတယ်။ […]

ခါးအောက်ပိုင်းနာနေတာကြာပြီ။ ဟာ ဒါဆို ကျောက်ကပ်ြဖစ်နိုင်တယ်ဆိုတဲ့ စကားလေးတွေ ကြားဖူးကြမှာပါ။ ဒါက မှားနေတာတော့မဟုတ်ပါဘူး။ ကျောက်ကပ်ပြဿနာရဲ့ လက္ခဏာတွေထဲမှာ ခါးနာတာပါတတ်ပေမယ့် အခြား ကျောက်ကပ်မဟုတ်ဘ ဲခါးကိုယ်တိုင်ဒဏ်ရာရနေလို့ ခါးနာတာတွေလည်း ရှိပါသေးတယ် ။ ဒီတော့ ကျောက်ကပ်ကြောင့်ဖြစ်တဲ့ ခါးနာတာနဲ့ ရိုးရိုးခါးနာတာကို ဘယ်လိုခွဲကြမလဲ။ ။ မှားလည်း မှားချင်စရာပါပဲ။ ကျောက်ကပ် နှစ်လုံးကလည်းခါးအောက်ပိုင်းပတ်လည်မှာပဲ ရှိနေတာမလား။ ဒီတော့ နှစ်ခုလုံးက ရောချင်စရာပဲပေါ့ ။ ဒါပေမယ့် ခုပြောပြမယ့် နည်းလေးတွေနဲ့ ခွဲလို့ရပါတယ်။ ဘာ့ကြောင့်ဖြစ်ရတာလဲ ။ ကျောက်ကပ်မှာ ေကျာက်တည်တာတွေ ။ ကျောက်ကပ်ပိုးဝင်တာတွေကြောင့် ကျောက်ကပ်အောင့်တဲ့ ပြဿနာတွေ ဖြစ်နိုင်ပါတယ်။ ခါးနာတာကျတော့ ခါးပတ်လည်မှာရှိတဲ့ အရိုး ။ ကြွက်သား နဲ့ အကြောတစ်ခုခု ဒဏ်ရာရသွားတာကြောင့် ခါးနာခြင်းဖြစ်ရတာပါ။ နာကျင်မှုပုံစံ ကျောက်ကပ်ထဲ ကျောက်တည်ရင် စူးကနဲ့နာတာမျိုးခံစားရပြီး ကျောက်ကပ် […]

အသီးအနှံံ တွေ ဆိုတာ အာဟာရလည်းရှိတယ် အမျှင်ဓါတ်လည်းကြွယ်ဝတယ် ဓါတ်တိုးဆန့်ကျင့်တဲ့အာနိသင်တွေလည်းအပြည့်ပါတယ်ဆိုတော့ ကျန်းမာရေးအတွက်ကောင်းတယ်ဆိုတာ အလုံးသိကြမှာပါ။ ဒီလို ကျန်းမာရေးအတွက်ကောင်းတယ်ဆိုတဲ့ အသီးတွေထဲက တစ်ချို့က ကျောက်ကပ်အတွက်ပိုကောင်းတယ်ဆိုတာ သိကြပါသလား။ အထူးသဖြင့် ကျောက်ကပ်မှာ ေကျာက်တည် နေတဲ့သူတွေ နာတာရှည်ကျောက်ကပ်ရောဂါရှိတဲ့သူတွေအနေနဲ့ ခုပြောပြမယ့်အသီးတွေကို စားရင် ပိုအကျိုးရှိမှာပါ။ ကျန်းမာတဲ့ ကျောက်ကပ်တစ်စုံကို ပိုင်ဆိုင်ချင်တယ်ဆိုရင် အမျှင်ဓါတ်များပြီး ရောင်ရမ်းခြင်းတွေကို လျော့ကျစေတဲ့ အာနိသင်များတဲ့ အသီးတွေကို ရွေးစားပါ။ ပန်းသီး - ေသွးတွင်းကိုလက်စရောကို လျော့ကျစေပြီး ကိုယ်တွင်းကလီစာတွေကို ကျန်းမာစေမှာပါ စပျစ်သီးအနီမှာ ပါဝင်တဲ့ ရောင်ခြယ်ပစ္စည်း resveratrol လေးဟာ ရောင်ရမ်းခြင်းကို လျော့ကျစေတဲ့အာနိသင့်ရှိပြီး ကျောက်ကပ်မှာရှိတဲ့ သွေးကြောလေးတွေကို ပျော့ပျောင်းစေပါတယ်။ Cranberries - ဆီးရဲ့ အက်ဆစ်ဓါတ်ပြင်းအောင်သူက ကူညီပေးတာကြောင့် ဆီးလမ်းကြောင်း တော်ရုံ ပိုးဝင်ဖို့ […]

ကျောက်ကပ်ဆိုတာ ကိုယ်တွင်းမှာ ရှိတဲ့ ပိုနေတဲ့ ရေတွေကို စွန့်ထုတ်ရတယ်၊ သောက်လိုက်တဲ့ ဆေးတွေကိုစစ်ထုတ်ရတယ်၊ ဓါတ်ဆားဓါတ်တွေ မျှတအောင် လုပ်ပေးရတဲ့ အရေးကြီးတဲ့အရာတစ်ခုဆိုတော့ ကျောက်ကပ်ကျန်းမာနေဖို့ အရေးကြီးတာပေါ့။ ဒါပေမယ့်လည်း ကိုယ်ရဲ့ စားသောက်နေထိုင်မှု တစ်ချို့၊ ရောဂါတစ်ချို့နဲ့ ဆေးတွေကြောင့် ကျောက်ကပ်လုံးဝပျက်စီးသွားတဲ့အခါ ကျောက်ကပ်လဲမလား ကျောက်ကပ် ဆေးမလားစတဲ့ ကုသမှု ၂ မျိုးထဲက တစ်ခုခုကို ရွေးမှရပါတော့မယ်။ ကျောက်ကပ်ပျက်စီးသွားရင် သက်တမ်းစေ့နေဖို့က မလွယ်တော့ဘူးလေ။ ဒီတော့ ကျောက်ကပ်အစားထို းရင်ကောင်းမလား။ ကျောက်ကပ်ဆေးရင်ကောင်းမလား။ ဘာရွေးကြမလဲ။ ကျောက်ကပ်ကလည်းပျက်စီးနေပြီ။ နောက်ဆုံးအဆင့်ကို ရောက်နေပြီဆိုရင် ေကျာက်ကပ်ဆေးမလား။ အစားထိုးမလား တစ်ခုခုတော့ ရွေးမှ ရတော့မှာပါ။ အဲဒီအခါကျ ဘာလုပ်ရမှန်းမသိဖြစ်နေတဲ့ သူတွေအတွက် ခုဆောင်းပါးလေးက ရည်ရွယ်ပါတယ်။ ကျောက်ကပ်ဆေးတာနဲ့ ကျောက်ကပ်အစားထိုးတာ ဘာဟာကို ရွေးကြမလဲ။ ကျောက်ကပ်ဆေးခြင်း ။ ကျောက်ကပ်ဆေးတယ်ဆိုတာ ကျောက်ကပ်ရဲ့ လုပ်ငန်းဆောင်တာဖြစ်တဲ့ စွန့်ထုတ်ခြင်း […]

အိမ်မှာတော့ ဘယ်သူကတော့ ကျောက်ကပ်မကောင်းလို့ ကျောက်ကပ်ဆေးနေရပြီ၊ ရပ်ကွက်ထဲမှာတော့ ဘယ်သူက ဆေးရုံကို ပုံမှန်သွားပြီး ကျောက်ကပ်ဆေးနေတယ်ဆိုတဲ့ အကြောင်း ကြားဖူးနားဝဖြစ်နေကြမှာပါ။ ဒီတော့ kidney haemodialysis ဆိုတဲ့ ကျောက်ကပ်ဆေးခြင်း ကုသမှုကို အပြည့်အစုံသာမသိပေမယ့် ကြားဖူးနေကြဖြစ်မှာတော့ အသေအချာပါ။ Dialysis ကျောက်ကပ်ဆေးခြင်းနဲ့ ပက်သက်ပြီး သိထားသင့်တာလေးများ။ ။ ဘာ့ကြောင့် ကျောက်ကပ်ဆေးကြရတာလဲ ။ ကိုယ်ခန္ဓါရဲ့ စွန့်ထုတ်ခြင်းလုပ်ငန်းတွေကို ဆောင်ရွက်ပေးတဲ့ ခေါင်ချုပ်ကြီးဟာ လက်တစ်ဆုပ်စာ အရွယ်လောက်ပဲ ရှိတဲ့ ကျောအောက်နောက်ဘက်နားက ကျောက်ကပ် နှစ်လုံးပါ။ ဒီကျောက်ကပ်တွေ ကောင်းကောင်းအလုပ်မနိုင်တော့ဘဲ ပျက်စီးတာ နောက်ဆုံး အဆင့်( ၈၅ ကနေ ၉၀ ရာခိုင်နှုန်းလောက်ပျက်စီး ) ထိရောက်သွားပြီဆိုရင်တော့ ကျောက်ကပ်အစားထိုးလဲချင်လဲ မလဲချင်ရင် ေကျာက်ကပ်ဆေးတဲ့ ကုသမှု ခံကို ခံယူရပါတော့တယ်။ ကျောက်ကပ်ပျက်စီးသွားတာက ပြန်ကောင်းတတ်လား။ လောလောလတ်လတ် ကျောက်ကပ်ပျက်စီးထားတဲ့ အခြေအနေ […]

ကိုယ်ချစ်ရတဲ့ သူတစ်ယောက်ယောက်ရဲ့ ေကျာက်ကပ် မကောင်းတော့ဘူး။ အလုပ်မလုပ်တော့ဘူး ပျက်စီးနေပြီ စတဲ့ သတင်းဆိုး ကြားလိုက်ရတဲ့အချိန် စိတ်မကောင်းဖြစ်ကြမယ့် သူချည်းပါပဲ။ တကယ်လို့ အဲလို ကျောက်ကပ်ပျက်စီးနေတဲ့သူက ကိုယ့်မိဘတွေဖြစ်နေမယ်ဆိုရင် ပိုဆိုးတာပေါ့။ ဒါပေမယ့် အဆိုးချည်းပဲ တော့မဟုတ်ပါဘူး။ မိဘတွေဖြစ်နေတော့ သားသမီးဖြစ်တဲ့ကိုယ်တွေက ကျောက်ကပ်လှူနိုင်ဖို့ အခွင့်အရေးရှိသေးတာပေါ့။ ဒါကလည်း မိဘကျေးဇူးကို ဆပ်ခြင်းတစ်မျိုးပဲလေ။ ဒီတော့ အခြား အလှူရှင်တွေကို မရှာချင်ဘူး။ လူရင်းဖြစ်တဲ့ ကိုယ်ကပဲ ကျောက်ကပ်လှူမယ်လို့ ဆုံးဖြတ်ထားပြီးပြီဆိုရင် ပြင်ဆင်စရာရှိတာတွေ ဆင်ခြင်သင့်တာတွေက အရေးကြီးလာပါပြီ။ လှူမယ်ဆိုပြီး ကျောက်ကပ်ထုတ်ပေးလိုက်ရုံနဲ့ မပြီးသေးဘူးလေ။ ခွဲစိတ်မှုတစ်ခု လုပ်ရမှာဆိုတော့ ခုပြောမယ့် အချက်လေးတွေ သိထားဖို့လိုလာပြီပေါ့ ။ ကျောက်ကပ်လှူမယ်လို့ စဉ်းစားထားရင် ဒါလေးတွေ သိထားဖို့လိုပါတယ်။ အလှူရှင်တွေအတွက် အဓိကကတော့ ကျောက်ကပ်ရောဂါတစ်ခါမှ မဖြစ်ဖူးတဲ့သူမျိုး ဖြစ်ရပါမယ်။ နောက်ပြီး အချိန်ကြာလတာနဲ့ […]