မတ်တတ်ပြေးအရွယ် နဲ့ မူကြိုအရွယ်

ကယ်လ်ဆီယမ်ကြွယ်ဝစွာ ပါဝင်မှုနဲ့ အမျိုးမျိုးသော အာဟာရမျိုးကွဲတွေဖြစ်တဲ့ ပရိုတိန်း၊ ကာဘိုဟိုက်ဒရိတ်၊ အဆီနဲ့ ဗီတာမင်တွေ ပါဝင်မှုအတွက် ကမ္ဘာပေါ်မှာ နို့ဟာအကောင်းဆုံးလို့ ဆိုရင်တောင် အငြင်းပွားဖွယ်ရာ မရှိပါဘူး။ ဒီလိုဆိုထားတယ်ဆိုရင် နို့ကို အများကြီးသောက်လိုက်မယ်ဆိုရင် ဘယ်လို အန္တရာယ်မျိုးတွေ ကြုံလာရနိုင်တာပါလိမ့်။ လမ်းလျှောက်တတ်ကာစ ကလေးတွေကို နို့ပိုတိုက်ချင်းအတွက် ဖြစ်လာနိုင်တဲ့ အန္တရာယ်များ ဒီမှာတော့ နို့ကို အလွန်အကျွံသောက်ခြင်းဟာ အလွန် နည်းပါးစွာ သောက်သုံးခြင်းလိုပဲ ဘာကြောင့်ဆိုးတာလဲဆိုတဲ့ အကြောင်းပြချက် (၄)မျိုးကို ဖော်ပြပေးထားပါတယ်။ - အဝလွန်ခြင်းနဲ့ အလေးချိန်များလွန်းခြင်း။ ကျောင်းမှာအရွယ်ရလာတဲ့ကလေးတွေကို သုံးနှစ်တာ လေ့လာချက်တွေအရ နေ့စဉ် နို့ ၃ခွက်နဲ့အထက်သောက်တဲ့ကလေးတွေဟာ နည်းနည်းပဲသောက်တဲ့ ကလေးတွေနဲ့ယှဉ်ရင် အများကြီးအလေးချိန်ပိုနေတာကို တွေ့ရမှာပါ။ ဒီလေ့လာမှုက နို့သောက်သုံးမှု များလာခြင်းဟာ (အဆီလျှော့သည်ဖြစ်စေ၊ အဆီပြည့်နို့ဖြစ်စေ) အလေးချိန်ထိန်းညှိဖို့နဲ့ မဆက်စပ်နေပေမယ့် ကလေးဘဝမှာ အဝလွန်ခြင်းတွေနဲ့တောင် ဆက်စပ်နေနိုင်တာကို […]

သင့်ကလေးသည် တဖြည်းဖြည်း ကြီးပြင်းလာပြီး သင် သည် ပုံမှန်အလုပ်များ သွားရောက်လုပ်ကိုင်ရသောအခါ မေးခွန်းတစ်ခု ရှိလာပါသည်။ သင်အိမ်မှာမရှိလျှင် သင့် ကလေးကို ဘယ်သူစောင့်ရှောက်ပေးမလဲ။ နောက်ပြီး သင့် ကလေးတွေအတွက် ဘယ်ဟာက အကောင်းဆုံးဖြစ်မလဲ။ ကလေးထိန်းလား ဒါမှမဟုတ် နေ့ပိုင်းစောင့်ရှောက်မှု စင်တာ လား။ ဤနှစ်ခု၏ ကောင်းကျိုးနှင့် ဆိုးကျိုးများကို သိခြင်း သည် ကူညီနိုင်သည်။ ကလေးထိန်း ကလေးထိန်းဆိုတာ ဘာလဲ။ ကလေးထိန်းသည် ကလေး၏ အစောပိုင်း ဖွံ့ဖြိုးမှုများ အကြောင်းကို သေချာလေ့ကျင့်သင်ကြားထားသည်။ မိဘ များနှင့် လိုအပ်ချက်အပေါ်မူတည်၍ အချိန်ပြည့် သို့မဟုတ် အချိန်ပိုင်း အလုပ်လုပ်သည်။ အချို့အချိန်များတွင် ကလေး ကို ထိန်းပေးရန် ငှားထားသော ကလေးကြည့်ပေးသူနှင့် ယှဉ်လျှင် ကလေးထိန်းသည် ပိုပြီး အလုပ်ကျွမ်းကျင်ပါသည်။ ကလေးထိန်းအမျိုးအစား နှစ်မျိုးရှိသည်။ အတူနေ နှင့် […]

ဘယ်မိဘမှ မိမိတို့ကလေးကို ဂရုစိုက်ဖို့ အိမ်မှာ တနေ့လုံး မနေနိုင်ကြပါဘူး။ ဒါကြောင့် နေ့ကလေးထိန်းကျောင်းများမှာ မိဘအများစုရဲ့ ရွေးချယ်စရာဖြစ်လာပါတယ်။ မူကြိုကျောင်းပို့သော ကလေးများဟာ မိဘတွေဆီက ချစ်ခြင်းမေတ္တာကို မရကြဘူးလို့ လူတချို့က စိတ်ပူကြပါတယ်။ ဒါပေမယ့် အများထင်သလို မဟုတ်ဘဲ ဒီကျောင်းတွေဟာ ကလေးငယ်တွေရဲ့ ဖွံ့ဖြိုးတိုးတက်ရေးအတွက် အကျိုးရှိတဲ့ ပတ်ဝန်းကျင်ဘဲ ဖြစ်ပါတယ်။ နေ့ကလေးထိန်းကျောင်းများရဲ့ အကျိုးကျေးဇူးများ စိတ်ပိုင်းဆိုင်ရာ ဖွံ့ဖြိုးမှု ကလေးများဟာ ကျောင်းကို စရောက်ခါစနေ့မှာ တုံ့ပြန်မှုမျိုးစုံ လုပ်ကြပါတယ်။ ကလေးတချို့ဟာ မိဘတွေနဲ့ ခွဲရတာကြောင့် ကန်ကျောက် အော်ဟစ်ငိုယို ကြပါတယ်။ တချို့ကတော့ ခံစားချက်ကို ညှိယူနိုင်ပြီး သူငယ်ချင်းအသစ်များကို ပေါင်းသင်းဖို့ ကြိုးစားကြပါတယ်။ ဘယ်လိုပဲဖြစ်စေ နေ့ကလေးထိန်း ကျောင်းများဟာ ကလေးတွေအနေနဲ့ ကျောင်းပျော်ပြီး အတန်းကြီးတွေ တက်ရတဲ့အခါ ကြောက်ရွံ့မှု ဖြစ်မနေအောင် စီမံထားကြပါတယ်။ အမူအကျင့်ပိုင်းဆိုင်ရာ ဖွံ့ဖြိုးခြင်း အရည်အသွေးမြင့် […]

ကလေးကသေးခံ(diaper)လေးဝတ်စရာမလိုတော့ဘဲ ရှူးရှူးတည်လို့ရတဲ့၊ နားလည်တဲ့အရွယ်ရောက်နေပြီဆိုရင် စနစ်တကျစည်းကမ်းစပေးလို့ရနေပါပြီ။ လမ်းလျှောက်တတ်ခါစအရွယ်၊ အသက် ၁၈ လကနေ ၂၄ လအတွင်း ဆို အိမ်သာသွားတတ်အောင် ခွက်နဲ့အကျင့်လုပ်ပေးရတော့မှာပါ။ ဒါပေမယ့် သိပ်လောစရာတော့မလိုပါဘူး။ ကလေးကိုစည်းကမ်းပေးတာ သိပ်စောလွန်းသွားရင် သင်ရပိုကြာနိုင်တဲ့အပြင် ကလေးလည်းပင်ပန်းပါတယ်။ ကလေးရဲ့ဖွံ့ဖြိုးကြီးထွားမှုက အသင့်ဖြစ်မဖြစ် အရင်ဆုံးကြည့်ရမှာပါ။ အပြုအမူပိုင်းလေးတွေ သင်လို့ရနေပြီဆိုရင်တော့ စလိုက်ပါတော့။ ခွက်လေးနဲ့ အင်အင်းပါတတ်အောင် အကျင့်လုပ်ပေးတာက ကလေးရဲ့တစ်ကိုယ်ရည်သန့်ရှင်းရေးအတွက်ရော၊ ကျန်းမာရေးအတွက်ပါကောင်းပါတယ်။ တချို့ကလေးတွေဆို အိမ်ထဲပတ်ပြေးဆော့ကစားရင်း အင်အင်းတွေ တစစီပြန့်ကျဲကုန်တာပဲ။ ဒီလိုမဖြစ်ရအောင် တဖြည်းဖြည်းချင်း ကျင့်ယူပေးရင် မိဘလည်းသက်သာတာကြောင့် အသုံးဝင်မယ့်အချက်လေးတွေအကြံပြုလိုက်ပါတယ်။ မှန်ကန်တဲ့အသက်အရွယ်မှာပဲ စသင်ပါ ကလေးအများစုက အသက် ၂ နှစ်နဲ့ ၃ နှစ်အတွင်းမှာ သင်လို့၊ စည်းကမ်းပေးလို့ရတာသေချာပါတယ်။ တချို့ကျတော့ ဉာဏ်ရည်ဖွံ့ဖြိုးမှုမြန်ဆန်တာကြောင့် လူကြီးတွေပြောသမျှ လုပ်သမျှ ငယ်ကတည်းက နားလည်နေတတ်ပါတယ်။ ဒါ့ကြောင့် မှန်ကန်တဲ့အသက်အရွယ်အပိုင်းအခြားဆိုတာက ကလေးရဲ့ဖွံ့ဖြိုးမှုကိုအဓိကမူတည်နေတာကြောင့် […]

ကလေးလေးတစ်ယောက်လူ့လောကထဲရောက်ကာစမှာ မိဘတွေရင်ခုန်ပျော်ရွှင်နေကြပေမယ့် တကယ်တမ်းမွေးဖွားပြီးနောက်ပိုင်းမှာ ပိုတာဝန်ကြီးလာပါတယ်။ လသားကလေးအတွက် အိမ်မှာပဲ အသေးစိတ်ဂရုစိုက်စောင့်ရှောက်ရတယ်ဆိုပေမယ့် ကလေးကနည်းနည်းအရွယ်ကြီးလာတာနဲ့ အရင်လိုအိမ်မှာပဲထားလို့မရတော့ပါဘူး။ တစ်နှစ်ဝန်းကျင် သိနားလည်တဲ့အရွယ်ရောက်တဲ့အခါ ကလေးကို မုန့်ဆိုင်ခေါ်သွားတာ၊ အပြင်ခေါ်သွားတာတွေ လုပ်လို့ရနေပါပြီ။ဖေဖေမေမေအပြင်သွားရင် သားတို့ မီးတို့လည်းလိုက်မယ်ပေါ့။ တစ်နှစ်အရွယ်ပဲဖြစ်ဖြစ် သုံးနှစ်ပဲဖြစ်ဖြစ်ပြဿနာက ကလေးဆိုတာ လိုချင်တာမရရင် ဂျီကျတတ်တဲ့အရွယ်လေးတွေမို့ လူကြားထဲရောက်ရင် မိဘတွေ အခက်ကြုံရတတ်ပါတယ်။ဈေးဝယ်တာ၊ အခမ်းအနားပွဲတက်တာ၊ အိမ်အလည်သွားတာ စတဲ့ သွားစရာကိစ္စရှိလာတိုင်း မခေါ်ဘဲထားခဲ့လို့လည်းမရ၊ခေါ်သွားရမှာလည်း တထိတ်ထိတ်နဲ့ဖေဖေမေမေတို့အဖြစ်က ချီတုံချတုံရယ်ပါ။ ကလေးနဲ့အတူ သွားလာရရင်တော့ ကလေးလည်းပျော် မိဘတွေလည်းပျော်ရပါတယ်။ ဒါပေမယ့်ဘေဘီတို့အပျော်က တာရှည်မခံပါဘူး၊ စိတ်မကြည်စရာတွေ့တာနဲ့၊ လိုချင်တာမရတာနဲ့ ပြန်မယ်တကဲကဲ ငိုတော့တာပါပဲ။ အဲဒီမှာပြဿနာစပါတယ်။ အိမ်မှာဆိုရင် ပြောဆိုတားမြစ်လို့ရတဲ့ကိစ္စတွေ၊လုပ်ရပ်တွေကိုတောင် လူရှေ့သူရှေ့မှာ စကားနားမထောင်တော့ပါဘူး။ တခါတလေ လူအများရှေ့မှာမို့ ဆူလို့မရ၊ချော့လို့မရအောင် လုပ်ချင်ရာလုပ်နေတဲ့အခါမျိုးဆို မိဘတွေအနေနဲ့ ဘယ်လိုထိန်းကြမလဲ။ စကားနားမထောင်တဲ့ ဒါမှမဟုတ် ငိုနေတဲ့ ကလေးကိုအကြမ်းနည်းသုံးလို့မရပါဘူး။ […]

မိမိရင်သွေးလေးတွေကို ထူးချွန်ထက်မြက်တဲ့ ကလေးငယ်လေးတွေအဖြစ် ကြီးပြင်းလာစေချင်တဲ့ဆန္ဒက မိဘတိုင်းမှာရှိကြမှာပါ။ ကလေးတစ်ယောက် ဉာဏ်ရည်ဉာဏ်သွေးကောင်းဖို့ဆိုတဲ့နေရာမှာ မျိုးဗီဇကတော်တော်လေးကို သက်ရောက်မှုရှိတယ်ဆိုပေမယ့် အာဟာရပြည့်ဝအောင်ကျွေးမွေးပေးတာ၊ အဆိပ်အတောက်ဖြစ်စေတဲ့အရာတွေနဲ့ မထိတွေ့မိအောင်ကာကွယ်ပေးတာ၊ ကလေးကို ကစားချိန်များများပေးတာ၊ မှတ်ဉာဏ်တိုးတက်စေမယ့်လှုပ်ရှားမှုတွေလုပ်ဆောင်ပေးတာကလည်း ကလေးဦးနှောက်ဖွံ့ဖြိုးမှုကိုတော်တော်လေးအထောက်အကူပြုနိုင်ပါတယ်။   ကလေးငယ်ရဲ့ ဦးနှောက်ကဘယ်လိုဖွံ့ဖြိုးတာလဲ ကလေးငယ်ဟာ အသက် ၄ နှစ်မပြည့်ခင်မှာကို ဦးနှောက်ကတော်တော့်ကို ဖွံ့ဖြိုးနေပြီဖြစ်ပါတယ်။ တကယ်တော့ ကလေးဟာ မူကြိုမတက်ခင်မှာတင် ကလေးဦးနှောက်က ၉၀ ရာခိုင်နှုန်းအထိဖွံ့ဖြိုးနေပြီဖြစ်ပါတယ်။ ဒီအချိန်က ကလေးငယ်ကိုတစ်ခုခုသင်ကြားပေးနိုင်ဖို့အကောင်းဆုံးအချိန်လို့လည်းဆိုရပါမယ်။ ဒါပေမယ့်ကလေးရဲ့ ဦးနှောက်ဖွံ့ဖြိုးမှုက အသက် ၄ နှစ်မှာရပ်တန့်သွားတာတော့မဟုတ်ပါဘူး။ ကလေးငယ်လေးတွေရဲ့ဦးနှောက်က ကလေးဘဝတစ်လျှောက်လုံးကနေ အရွယ်ရောက်တဲ့အချိန်အထိ အဆက်မပြတ်ဖွံ့ဖြိုးနေတာဖြစ်ပါတယ်။   ကလေးဦးနှောက်ကို ကျန်းကျန်းမာမာနဲ့ဖွံ့ဖြိုးတိုးတက်စေမယ့်နည်းလမ်းများ (၁) ကလေးနဲ့ မျက်လုံးချင်း ဆက်သွယ်ပေးပါ ကလေးနဲ့ အကြည့်ချင်းဆိုင်ပြီး မျက်လုံးချင်းဆက်သွယ်ပေးတာက ကလေးမျက်လုံးကြွက်သားတွေကိုဖွံ့ဖြိုးအောင် အထောက်အကူပြုပေးပါတယ်။ ဒါ့အပြင်ကလေးကို အနာဂတ်မှာ မျက်လုံးပြဿနာတွေခံစားရနိုင်ခြေကနေ ကင်းဝေးစေနိုင်ပြီး မျက်နှာတွေကို မှတ်မိစေအောင်လည်း အထောက်အပံ့ပေးပါတယ်။ မိဘနဲ့သားသမီးကြား ခံစားချက်တွေနွေးထွေးစေပါတယ်။ […]

ဦးနှောက်မှာ အာရုံကြောဆဲလ်အသစ်တွေဖြစ်ပေါ်လာနေမှုနဲ့အတူလူသားတွေရဲ့ ဦးနှောက်ဟာ ကလေးဘဝအရွယ်မှာကတည်းက အကြီးအကျယ်စတင်ဖွံ့ဖြိုးနေပါပြီ။ ဒီဖွံ့ဖြိုးမှုဖြစ်စဉ်က ကလေးဘဝ တလျှောက်လုံးဖြစ်ပေါ်နေတာဖြစ်ပြီး ကလေးဘဝမှ ာဖြစ်ပေါ်လာတဲ့ ဦးနှောက်ဖွံ့ဖြိုးမှုက အသက်ကြီးလာတဲ့အခါမှာ သက်ရောက်မှုအများကြီးဖြစ်စေပါတယ်။ ဒီတစ်ခေါက်တော့ ကလေးရဲ့ဦးနှောက် ဖွံ့ဖြိုးမှုကိုတိုးတက်စေနိုင်မယ့် လှုပ်ရှားမှုများ အကြောင်း ပြောပြပေးချင်ပါတယ်။ ကလေးရဲ့ဦးနှောက် ဖွံ့ဖြိုးမှုကိုတိုးတက်စေနိုင်မယ့် လှုပ်ရှားမှုများ ကလေးတွေကို သူတို့ငယ်စဉ်အရွယ်ကနေစလို့ ချစ်ခင်မှုတွေပေးမယ်၊ ဘာသာစကားတွေကြွယ်ဝစေမယ့် အတွေ့အကြုံတွေရရှိစေမယ်ဆိုရင် ကလေးငယ်ရဲ့ ဦးနှောက်ဖွံ့ဖြိုးမှုက ပိုမိုကောင်းမွန်မှာဖြစ်သလို ဘာသာစကားကြွယ်ဝမှု၊ ကျိုးကြောင်းဆင်ခြင်နိုင်စွမ်းနဲ့ အစီအစဉ်ချမှတ်နိုင်စွမ်းတွေရရှိစေနိုင်မှာဖြစ်ပါတယ်။ ကလေးတွေရဲ့ ဦးနှောက်ဖွံ့ဖြိုးမှုအတွက် အထောက်အကူပြုပေးနိုင်မယ့် လှုပ်ရှားမှုအချို့ကိုဖော်ပြပေးလိုက်ပါတယ်။ မမွေးဖွားခင်ကတည်းက ဂရုစိုက်ပါ။ ကိုယ်ဝန်ဆောင်ကာလကတည်းက ကျန်းမာအောင်နေပါ။ အာဟာရပြည့်ဝအောင်စားသုံးပါ။ ဆေးဝါးအချို့က ကလေးဦးနှောက်ကို ထိခိုက်စေတာမျိုးတွေရှိတတ်တာကြောင့် ဆေးဝါးသောက်သုံးတဲ့အခါ ဂရုစိုက်ရပါမယ်။ လေ့လာတွေ့ရှိချက်တွေအရ ကလေးအများစုကမိခင်ဝမ်းအတွင်းရှိနေစဉ် မိခင်တွေရဲ့ဆေးတွေသောက်သုံးမှုကြောင့် သင်ယူမှုအပိုင်းမှာထိခိုက်တာမျိုးတွေကို ခံစားကြရပါတယ်။ ကိုယ်ဝန်ဆောင်ကာလအတွင်းမှာဆေးလိပ်သောက်သုံးတာက ကလေးရဲ့ ဦးနှောက်ဖွံ့ဖြိုးမှုကိုထိခိုက်စေပြီး ကလေးငယ်ရဲ့ စာဖတ်နိုင်စွမ်းနဲ့လေ့လာသင်ယူနိုင်စွမ်းကို ထိခိုက်စေပါတယ်။ ကလေးကို စကားပြောရင် အဓိပ္ပါယ်ပြည့်ပြည့်စုံစုံပြောပါ။ ကလေးကို […]

ကျန်းမာပျော်ရွှင်တဲ့ ကလေးငယ်တစ်ယောက်အနေနဲ့ ကြီးပြင်းလာဖို့ဆိုရင် မိဘတွေအနေနဲ့ ကလေးငယ်ကို ကိုယ်ခံအားကောင်းမွန်စေမယ့် အာဟာရဓါတ်တွေ အပြည့်အဝရရှိအောင် ကျွေးမွေးစောင့်ရှောက်ဖို့က လိုအပ်ပါတယ်။ ကလေးငယ်လေးတွေမှာလည်း အစားအသောက်ရွေးတဲ့ ကလေးငယ်တွေရှိသလို သရေစာကိုမှကြိုက်နှစ်သက်တဲ့ ကလေးငယ်တွေလည်းရှိကြပါတယ်။ ကလေးငယ်တွေစားသုံးတဲ့ အစားအသောက်တွေထဲမှာ အာဟာရဓါတ်တွေပြည့်စုံပြီး ပမာဏလုံလုံလောက်လောက်ပါဝင်မှသာ ကလေးငယ်ရဲ့ ဦးနှောက်ကိုရော ခန္ဓါကိုယ်ကိုပါ ကျန်းကျန်းမာမာကြီးထွားဖွံ့ဖြိုးစေမှာဖြစ်ပါတယ်။ ကလေးငယ်ကို ကျွေးမွေးမယ့် အစားအသောက်တွေထဲမှာ အဆီနည်းတဲ့ ပရိုတင်းဓါတ်တွေ၊ အစေ့အဆန်တွေ၊ သစ်သီးတွေ၊ ဟင်းသီးဟင်းရွက်တွေနဲ့ ကျန်းမာရေးနဲ့ ညီညွတ်တဲ့အဆီအနည်းငယ်ပါဝင်နေတဲ့ အာဟာရမျှတတဲ့ အစားအသောက်ဖြစ်ဖို့ကအရေးကြီးပါတယ်။ ညီညွတ်မျှတတဲ့ အစားအသောက်တွေက ကလေးငယ်မှာ လိုအပ်တဲ့ အာဟာရဓါတ်တွေကို ဖြည့်တင်းပေးမှာဖြစ်ပါတယ်။ ကလေးငယ်တွေရဲ့ ကိုယ်ခံအားစနစ်ကိုကောင်းမွန်စေမယ့် အာဟာရဓါတ်တွေကို သိရှိနိုင်စေဖို့ မျှဝေပေးလိုက်ပါတယ်။ ပရိုတင်း ကြွက်သားတွေနဲ့ ကလေးငယ်တွေရဲ့ ခန္ဓါကိုယ်မှာရှိတဲ့ တစ်ရှုးတွေကိုဖြစ်ပေါ်စေနိုင်ပါတယ်။ ဒါ့အပြင်ကို ကိုယ်ခံအားစနစ်ကိုလည်း တိုးမြှင့်ပေးပါသေးတယ်။ အသက် ၂ နှစ် ကနေ ၈ […]

တစ်ခါတလေမဟုတ်ဘဲ အမြဲတမ်းလိုလို ညစာထမင်းဝိုင်းမှာ အစားအသောက်တွေစားဖို့ မိဘတွေနဲ့ကလေးတွေအကြား အားပြိုင်ရတဲ့အခါ ညစာ ထမင်းဝိုင်းလေးကပျော်စရာမကောင်းတော့ပါဘူး။ ထမင်းစားဝိုင်းမှာ ကလေးကို ပန်းဂေါ်ဖီစိမ်းလေးတစ်ကိုက်လောက်စားလိုက်ပါလို့ တောင်းပန်တာကနေစလို့ ထမင်းတစ်ပန်းကန်လုံးကုန်အောင်စားရမယ်ကြိမ်းမောင်းတာအထိ အနုနည်း အကြမ်းနည်းမျိုးစုံသုံးရင်း ညစာစားပြီးချိန်မှာကလေးကလည်းငို၊ လူကြီးလည်းပင်ပန်းတာမျိုးအထိ အခက်အခဲအမျိုးမျိုးနဲ့တွေ့ကြုံခံစားရနိုင်ပါတယ်။ ဒီလိုအနေအထားမျိုးက ကလေးကိုနောက်တစ်ကြိမ် ထမင်းမစားဝိုင်းကိုမလာချင်တာမျိုးအထိဖြစ်စေနိုင်ပါတယ်။ ကလေးကိုတုတ်ပြပြီး ထမင်းကျွေးတာမျိုးက ကလေးကိုစိတ်ဖိစီးတာမျိုးဖြစ်စေနိုင်ပါတယ်။ အစားအသောက်စားသုံးတာကပျော်ရွှင်စရာကောင်းတဲ့ တစ်နေ့တာလုပ်ငန်းတစ်ရပ်ဖြစ်သင့်တာပါ။ တစ်နေ့ကို သုံးကြိမ်လောက်စားသုံးနေရတဲ့ အစားအသောက်စားသုံးချိန်လေးက မိသားစုတွေအတွက်ပျော်ရွှင်စရာကောင်းတဲ့ အချိန်လေးပဲဖြစ်သင့်ပါတယ်။ စိတ်ဖိစီးမငကင်းတဲ့ ညစာဖြစ်ဖို့ဆိုရင် မိဘတွေအနေနဲ့ ကလေးကို သူနှစ်သက်တတ်တဲ့အစားအစာတွေပြင်ဆင်ပေးတာမျိုးလုပ်ဆောင်ပေးဖို့လိုအပ်သလို ကလေးတွေကို သူတို့မကြိုက်တဲ့အစားအစာတွေကို အတင်းအကျပ်စားစေတာမျိုးမလုပ်ဆောင်ဖို့ကအရေးကြီးလှပါတယ်။ ကလေးတွေကို ထမင်းစားချိန်တိုင်းမှာပျော်ရွှင်နေအောင်လုပ်ဆောင်ပေးမယ့် နည်းလမ်းအချို့ကို လမ်းညွှန်ပေးလိုက်ပါတယ်။ အစားအစာတွေကို အမည်ပေးပါ။ ပန်းဂေါ်ဖီစိမ်းကို ပန်းဂေါ်ဖီစိမ်းလို့ခေါ်မယ့် အစားရယ်ရတဲ့ နာမည်တစ်ခုခုပြောင်းပေးတာမျိုးလုပ်ပေးပါ။ အစားအသောက်တွေကို ကလေးတွေကြိုက်နှစ်သက်လောက်တဲ့ ရယ်စရာကောင်းတဲ့နာမည်လေးတွေပေးပေးတာက၊ အစားအစာတွေမှာပါတဲ့ စကားလုံးတွေနဲ့ဆက်စပ်ပြီး ပုံပြင်လေးတွေဖန်တီးပေးတာက ကလေးတွေကိုအစားစာချင်စိတ်ပိုမိုဖြစ်စေမယ့်အပြင် အစားစားတဲ့အချိန်တွေမှာပျော်ရွှင်မှုရရှိစေမှာဖြစ်ပါတယ်။ ထမင်းစားခန်းကို ပြင်ဆင်သူဖြစ်ခွင့်ပေးလိုက်ပါ။ ကလေးက စားဖိုမှူးတစ်ဦးဖြစ်ဖို့အရမ်းငယ်သေးတာကြောင့် […]

ကလေးတွေဟာကျောင်းသွားလိုက်သင်ယူလိုက် အိမ်ပြန်လာလိုက်ဆိုတဲ့အလုပ်တွေကို အလျင်အမြန် လုပ်ဆောင်နေသလိုမျိုးပ ဲသူတို့လေးတွေရဲ့ ဦးနှောက်ကလည်း လျင်လျင်မြန်မြန်ကြီးထွားဖွံ့ဖြိုးလာနေပြီး ပြောင်းလဲမှုတွေဖြစ်ပေါ်လာနေပါတယ်။ အောက်ဖော်ပြပါအစားအသောက်ဆယ်မျိုးက ကလေးတွေရဲ့ ဦးနှောက်ဖွံ့ဖြိုးမှုအတွက်စားသုံးပေးသင့်တဲ့ အစားအသောက်တွေဖြစ်ပါတယ်။ ကလေးတွေရဲ့ငယ်ရွယ်စဉ်အရွယ်မှာ စားသောက်မှုပုံစံက ကလေးတွေရဲ့ ဉာဏ်ရည်ဉာဏ်သွေးနဲ့ သိမြင်မှုစွမ်းရည်တွေတိုးတက်စေဖို့အတွက် အရမ်းကိုအရေးပါ ပါတယ်။ ကလေးရဲ့ ဦးနှောက်ဖွံ့ဖြိုးမှုအတွက် လိုအပ်တဲ့ အာဟာရဓါတ်တွေကတော့ အောက်မှာ ကြည့်လိုက်ရအောင်။ (၁) ဘယ်ရီသီးများ စတော်ဘယ်ရီ၊ချယ်ရီ၊ဘလူးဘယ်ရီနဲ့ဘလက်ဘယ်ရီသီးတွေမှာ အာဟာရဓါတ်တွေများစွာပါဝင်နေပြီး ကင်ဆာရောဂါကိုကာကွယ်ပေးနိုင်တဲ့ ဗီတာမင် စီ လိုမျိုးဓါတ်တိုးဆန့်ကျင်ပစ္စည်းတွေတိုးပွားအောင်လည်း လုပ်ဆောင်ပေးပါ တယ်။ လေ့လာမှုတွေအရ ဘလူးဘယ်ရီနဲ့စတော်ဘယ်ရီတွေက မှတ်ဉာဏ်စွမ်းရည်ကိုတိုးတက်ကောင်းမွန်စေပြီး အာဟာရဓါတ်တွေလည်းများစွာပါဝင်တဲ့အပြင် ဘယ်ရီသီးတွေရဲ့အစေ့တွေထဲမှာအိုမီဂါ- သရီးဖက်တီးအက်ဆစ် တွေလည်းကြွယ်ဝစွာပါဝင်နေပါတယ်။ (၂) ပဲအမျိုးမျိုး ပဲတွေမှာ ပရိုတင်းဓါတ်တွေ၊အမျှင်ဓါတ်၊ဗီတာမင်နဲ့သတ္တုဓါတ်များစွာပါဝင်တာကြောင့် ကိုယ်ခန္ဓါအတွက် စွမ်းအင်ရရှိစေနိုင်ပါတယ်။ ကလေးငယ်တွေရဲ့နေ့လည်စာထဲမှာပဲအမျိုးမျိုးကိုထည့်သွင်းစားသုံးပေးတာက နေ့လယ်ပိုင်းအချိန်မှာ ကလေးငယ်တွေရဲ့ စွမ်းရည်နဲ့တွေးတောနိုင်စွမ်းကို တိုးတက်ကောင်းမွန်စေနိုင်ပါတယ်။ ဗိုလ်စားပဲနဲ့ pinto ပဲတွေမှာ အခြားပဲတွေထက် အိုမီဂါ သရီးဖက်တီးအက်ဆစ်ဓါတ်ကြွယ်ဝစွာပါဝင်တယ်။ အိုမီဂါ-သရီးဖက်တီးအက်ဆစ်က ဦးနှောက်ဖွံ့ဖြိုးကြီးထွားမှုနဲ့ဦးနှောက်ရဲ့လုပ်ငန်းဆောင်တာတွေအတွက်အရေးပါ ပါတယ်။ (၃) […]