မတ်တတ်ပြေးအရွယ် နဲ့ မူကြိုအရွယ်

သရေစာမုန့်တွေ၊ အစားအသောက်တွေဟာ ကလေးတွေနဲ့မကင်းနိုင်တဲ့အရာဆိုတာမေမေတို့ငြင်းလို့မရပါဘူး။ အပြင်ကဝယ်ကျွေးတာနဲ့ ကိုယ်တိုင်လုပ်ကျွေးတဲ့ သရေစာပဲ မတူတာရှိမယ်။ ထမင်းကျွေးချိန်မှာ ရှိနေတဲ့ သူတို့လေးတွေရဲ့မျက်နှာအမူအရာတွေက သရေစာမုန့်တွေစားခါနီးသောက်ခါနီးပျော်နေပုံနဲ့ သိပ်ကိုကွာခြားနေတယ်မဟုတ်လား။ ကလေးဆိုတာ ငိုနေရင်၊ စိတ်ကောက်နေရင်တောင် သူကြိုက်တဲ့သရေစာမုန့်လေးကျွေးလိုက်ရင်ပြုံးသွားတာမျိုး။ အဲဒီမှာပြဿနာရှိလာတော့တာပါပဲ။ ကလေးကြိုက်တဲ့အစားအသောက်တွေဆိုတာ အားလုံးကဘေးမကင်းနိုင်လို့ပါပဲ။ ဈေးကွက်က သရေစာအစားအသောက်တွေဆိုတာလည်း ကလေးတွေကြိုက်လောက်မယ့် အရောင်၊ အနံ့၊ ဒီဇိုင်း၊ ထုပ်ပိုးမှုပုံစံ၊ အရသာဖြစ်အောင် ဖန်တီးကြတာမို့ ကျန်းမာရေးအတွက် စိတ်ချရဖို့မသေချာသလို အာဟာရလည်း မပြည့်ဝပါဘူး။ နောက်ဆက်တွဲအနေနဲ့ အဝလွန်တာလို သရေစာစွဲနေတာလိုမျိုးတွေလည်း ဖြစ်နိုင်ပါသေးတယ်။ မိဘတွေကကျတော့ သရေစာကျွေးတဲ့အခါမှာ ကလေးတွေစိတ်ကျေနပ်အောင်ကျွေးလိုက်တာတွေရှိသလို အဆာပြေဖို့၊ အာဟာရပိုပြည့်စေဖို့ ရည်ရွယ်တာလည်းပါပါတယ်။ ဒီတော့ ကလေးကြိုက်တာတွေချည်း အလိုလိုက်တာမဟုတ်ဘဲ စားသင့်တဲ့ အာဟာရပြည့်သရေစာတွေကို ရွေးချယ်ပြီး ကလေးကြိုက်အောင်လုပ်ပေးဖို့ကမေမေတို့တာဝန်ဖြစ်ပါတယ်။ ကလေးတွေအများဆုံး စားသုံးလေ့ရှိတဲ့ သရေစာတွေထဲမှာ အကျိုးပြုတာရော၊ မပြုတာရော ဒွန်တွဲနေတာတွေပါဝင်ပါတယ်။ တစ်ခါတလေ ကလေးတွေအာဟာရပြည့်ဝမှု၊ […]

အိမ့်ဆည်းလည်းလေးတွေကို ဒေါင်ဒေါင်မြည်တဲ့ကျန်းမာရေးနဲ့ ဖွံ့ဖြိုးလာဖို့က ဖဖေမေမေတွေရဲ့အတွေးမှာ အမြဲစိုးမိုးနေတဲ့အရာပါ။ ကိုယ့်အတွက်ကအသာထား သူတို့လေးတွေအတွက်အာဟာရဖြစ်မယ်ဆို ဘယ်ကဖြစ်ဖြစ်လေ့လာမေးမြန်းဖို့၊ ရှာဖွေဖို့၊ စီမံချက်ပြုတ်ကျွေးဖို့ မေမေတို့က အဆင်သင့်ပါပဲ။ ကျန်းမာတဲ့၊ဉာဏ်ကောင်းတဲ့၊ ထွားတဲ့ကလေးတွေမြင်ရင် ဘာတွေကျွေးလဲ၊ ဘာအားဆေးတိုက်လဲလို့ အဲဒီကလေးရဲ့မေမေကိုမေးလိုက်ရမှ။ ကလေးတစ်ယောက်ရဲ့ကျန်းမာဖွံ့ဖြိုးမှုအဆင့်ဆင့်မှာ အဓိကအားဖြည့်ပေးနိုင်တာက မရှိမဖြစ်လိုအပ်တဲ့အာဟာရဓါတ်တွေဆိုတာ လူတိုင်းနီးပါးသိထားကြပြီးဖြစ်မှာပါ။ ဗီတာမင်နဲ့သတ္တုဓါတ်တွေလည်း မပါမဖြစ်ပြည့်ဝနေဖို့လိုသလို ပရိုတင်းလို့ခေါ်တဲ့ အသားဓါတ်ကလည်း အရမ်းအရေးကြီးတယ်ဆိုတာမမေ့ဖို့လိုပါတယ်။ သူများကလေးတွေကို ဘာအားဆေးတိုက်လဲမေးလိုက်၊ တိုက်ကျွေးကြည့်လိုက် လုပ်နေမယ့်အစား ကလေးအတွက်လိုအပ်မယ့် အာဟာရဓါတ်တွေကို အစားအစာမှာမပါမဖြစ် ညီညွတ်မျှတအောင် စီမံထည့်သွင်းပေးပါ၊ လိုအပ်နိုင်မယ့်အာဟာရကို ဘေးကင်းစိတ်ချရတဲ့ ဖြည့်စွက်အာဟာရတွေကနေ ရယူရပါမယ်။   ပရိုတင်း ဘာလို့ အရေးကြီးတာလဲ ပရိုတင်းဓါတ်က ခန္ဓါကိုယ်မှာရှိတဲ့ တစ်ရှူးတွေရဲ့ဖြစ်တည်မှု၊ ထိန်းသိမ်းမှု၊ အစားထိုးဖြစ်ပေါ်မှုတွေအတွက်အကျိုးပြုပါတယ်။ ကြွက်သားတွေ၊ ကိုယ်တွင်းအင်္ဂါတွေနဲ့ ကိုယ်ခံအားစနစ်တို့မှာလည်း အများစုကို ပရိုတင်းနဲ့ဖွဲ့စည်းလုပ်ဆောင်တာပါ။ ပရိုတင်းပါတဲ့ အစားအသောက်တစ်ခုခုစားလိုက်တဲ့အခါ ပရိုတင်းမော်လီကျူးလေးတွေကို သီးခြားတာဝန်တွေအတွက် ခန္ဓါကိုယ်က အသုံးချပါတယ်။ […]

ကလေးဆိုတာ စားချိန်တန် စား၊ ကစားချိန်တန် ကစား၊ စာလုပ်ချိန်တန် စာလုပ်ရမယ့် ကြီးထွားဖွံ့ဖြိုးဆဲ အရွယ်ကောင်းဖြစ်ပါတယ်။ ဒီလိုအရွယ်မှာ နေ့စဉ်လိုအပ်တဲ့ ဗီတာမင်နဲ့ သတ္တုဓါတ်တွေ လုံလောက်စွာ မရတဲ့အခါ ကြီးထွားဖွံ့ဖြိုးမှု နှေးပြီး ရောဂါတွေ အလွယ်တကူဖြစ်လာနိုင်တာ သဘာဝပါပဲ။ ကလေးတွေအတွက် လိုအပ်တဲ့ ဗီတာမင်နဲ့ အာဟာရဓါတ်တွေကို အဓိက အစားအသောက်ကနေ ရရှိပါတယ်။ ဖွံ့ဖြိုးဆဲနိုင်ငံတွေမှာ ကလေးတွေဟာ နေ့စဉ် လုံလောက်တဲ့ အာဟာရဓါတ်တွေ မရရှိကြပါဘူး။ အဆီ၊ အငန်၊ အချို စားသုံးမှုများပြီး အဝလွန်ကြတယ်။ အာဟာရဓါတ်တွေ ချို့တဲ့နေတဲ့ ကလေးတွေမှာ တခြားကလေးတွေနဲ့ ယှဉ်လိုက်ရင် ကိုယ်ခန္ဓါအရွယ်အစား သေးငယ်နေတယ်။ နောက်ဆက်တွဲ ကျန်းမာရေးပြဿနာတွေ ဖြစ်ဖို့ အလားအလာ ပိုများလာပါတယ်။ ကလေးအာဟာရမှာ ဘာတွေ ပါဝင်ရမလဲ။ ကလေးအရွယ်မှာ ကျန်းမာကြံ့ခိုင်ပြီး ရောဂါဘယ ကင်းဝေးစေဖို့ တစ်နေ့တာလိုအပ်တဲ့ […]

နွေရာသီရဲ့ အပူဒဏ်ဟာ ကလေးတွေ မပြောနဲ့ လူကြီးတွေတောင် လှိမ့်ပိမ့်ပြီး ခံနေရလောက်အောင် ရာသီဥတုရဲ့ အပူဒဏ် ပြင်းထန်ပါတယ်။ ဒီလို အချိန်ဆို သက်ကြီးရွယ်အိုတွေရော နုနယ်လှတဲ့ကလေးတွေကိုရော အရိပ်တကြည့်ကြည့် ဂရုစိုက်ပေးဖို့လိုအပ်ပါတယ်။ ဒီ အပူဒဏ်ကြောင့် ဖြစ်လာတဲ့ ချွေးထွက်များပြီး ပင်ပန်းနွမ်းနယ်တာ၊ ခေါင်းကိုက်တာတွေကို တိုက်ထုတ်ဖို့အတွက် အသီးတွေ လောက် ကောင်းတာတွေ မရှိတော့ပါဘူး။ ဒီတော့ နွေရာသီမှာ ဘယ်လို အသီးတွေကို ကလေးတွေကို ကျွေးသင့်သလဲ။ နွေရဲ့ အပူချိန်ကို အံတုဖို့ ဒီ အသီးတွေ သင့်ကလေးကို ကျွေးသင့်ပါတယ်။  သံပုရာသီး  ရာသီ ပေါင်းစုံမှာ ကြိုက်တဲ့အချိန်ဝယ်လို့ ရတဲ့ ဒီသံပုရာသီးဟာ ဗီတာမင် C အကြွယ်ဝဆုံး အသီးတစ်ခုဖြစ်တဲ့အပြင် သူ့ရဲ့ မွှေးပျံ့လှတဲ့ အနံ့ကြောင့် ခေါင်းကို ကြည်လင်ပြီး စိတ်ကို လန်းဆန်းစေမယ်ဆိုတာ […]

မိဘတစ်ယောက်အနေနဲ့ အကြီးလေးဆုံးတာဝန်က သားသမီးကို အကောင်းဆုံးပျိုးထောင်မှုပါ။ ဒီတစ်ခေါက်တော့ သားသမီးကို အကောင်းဆုံးပျိုးထောင်ဖို့အတွက် မိဘတွေအနေနဲ့ အသုံးတည့်မယ့် အချက်လေးတွေကိုမေမေဖေဖေတို့နဲ့မျှဝေပေးပါရစေနော်။ အရင်ဆုံးပြောပြချင်တဲ့ သတင်းကောင်းတစ်ခုကတော့ ကလေးတစ်ယောက်ကောင်းမွန်ကျန်းမာစွာနဲ့ ကြီးပြင်းလာစေဖို့အတွက် ငယ်စဉ်ကတည်းက အာဟာရမျှတအောင်ကျွေးမွေးတဲ့ပုံစံကို ပျိုးထောင်ပေးလို့ရတယ်ဆိုတာပါ။ ကလေးတွေရဲ့ စားသောက်မှုနဲ့ပတ်သက်လို့မိဘတွေကသေချာသိထားမှ ကလေးကိုကျန်းမာပျော်ရွှင်အောင်လုပ်ဆောင်ပေးနိုင်မှာပါ။ ဒီတော့ ကလေးတွေရဲ့ အစားအသောက်နဲ့ ပတ်သက်လို့ သိထားသင့်တာလေးတွေကို အတူတူကြည့်လိုက်ရအောင်နော်။ ကလေးတွေရဲ့ အစားအသောက်နဲ့ပတ်သက်လို့ မိဘတွေအနေနဲ့ ဘာတွေသိထားဖို့လိုမလဲ ကလေးကိုဘာတွေကျွေးမလဲ ဆိုတာကို ဆုံးဖြတ်ပါ ကလေးက အစားအစာတွေအကြောင်းကိုမသိသေးပါဘူး၊ ဒီတော့ရွေးချယ်ပေးဖို့က မိဘတွေမှာ တာဝန်အပြည့်ရှိနေပါတယ်။ ကလေးကို ဘယ်လိုအစားအစာတွေကျွေးမယ်၊ ဘယ်အချိန်မှာကျွေးမယ်ဆိုတာကို ဆုံးဖြတ်ဖို့ အဓိကတာဝန်ရှိသူတွေကမေမေဖေဖေတို့ပါ။ ကလေးကိုကောင်းမွန်စွာကြီးပြင်းလာစေဖို့အတွက် အာဟာရပြည့်ဝတဲ့အစားအစာတွေကို အချိန်ကိုက်ကျွေးမွေးပေးဖို့ သတိထားရပါမယ်။ အိမ်ရဲ့ ရေခဲသေတ္တာနဲ့ ကြောင်အိမ်လိုမျိုး ပစ္စည်းတွေထည့်တဲ့နေရာမှာ ထည့်ထားပေးလိုက်ပါ။ သတိထားရမယ့်တစ်ချက်က အစားအစာ ၁၀ မျိုးမှာ ၁၀ မျိုးလုံးကို ကိုယ့်အကြိုက်ပဲဝယ်တာမျိုးမလုပ်ပါနဲ့။ […]

အားဖြည့်အချိုရည်ဆိုတဲ့ နာမည်ကိုက ဝယ်သောက်ချင်စရာဖြစ်နေတာ။သောက်လိုက်ရင် အားပြည့်လန်းဆန်းမယ်ဆိုတော့ လူကြီးလူငယ်နှစ်သက်လောက်ပါတယ်။ ဒါပေမယ့် လူကြီးတွေမှာတောင် အားဖြည့်အချိုရည်ကိုအရမ်းအားမထားဖို့၊ စွဲမသောက်ဖို့ ကျန်းမာရေးအဖွဲ့အစည်းတွေက အကြံပြုထားတယ်ဆိုတော့ နုနယ်တဲ့ကလေးတွေအတွက်ဆို လုံးဝမရွေးချယ်သင့်တဲ့သောက်စရာတွေပါ။ အချိုရည်ဆို လာထား အမြဲလက်ကမ်းနေတတ်တဲ့ ကလေးတွေကို စိတ်ကျေနပ်အောင်၊ငြိမ်ရင်ပြီးရော မလိုက်လျောသင့်ပါဘူး။ အားဖြည့်အချိုရည်တွေလို ကဖင်းဓါတ်များတဲ့သောက်စရာတွေက ကလေးတွေအတွက်ဘေးကင်းမှုမရှိနိုင်ပါဘူးနော်။ အိမ်နား ကျောင်းနားက မုန့်ဆိုင်တွေမှာ အလွယ်တကူဝယ်လို့ရတဲ့ အားဖြည့်အချိုရည်တွေဟာဈေးနှုန်းအစားအစား၊ တံဆိပ်အမျိုးမျိုးနဲ့ ဆွဲဆောင်လျက်ရှိပါတယ်။ ဆယ်ကျော်သက်တွေမှာတောင် များများသောက်ဖို့မသင့်တော်တဲ့ ဒီအချိုရည်တွေကို ၅ နှစ်အောက်ကလေးတွေအတွက် လုံးဝကိုမတိုက်ကျွေးသင့်တာပါ။ ဘာတွေဖြစ်စေနိုင်လို့လဲ အားဖြည့်အချိုရည်အများစုက အချိုနဲ့ ကဖင်းပမာဏ တပုံတပင်ပါဝင်တာဖြစ်ပြီး တစ်ဘူးမှာ တစ်ခါတလေကော်ဖီတစ်ခွက်စာကနေ သုံးခွက်စာလောက် ကဖင်းဓါတ်တွေပါနိုင်သေးတယ်။ အချိုများခြင်းကြောင့်လည်း ကလေးတွေသွားပျက်စီးစေတာနဲ့ အဝလွန်တာတွေဖြစ်စေနိုင်သေးတယ်။ပေးလာမယ့် အာဟာရဓါတ်ကမရှိသလောက်ဖြစ်ပြီး ဆိုးကျိုးကပိုများပါတယ်။နောက်ထပ်ပိုဆိုးတာက ကဖင်းဓါတ်များရင် ဦးနှောက်ဖွံ့ဖြိုးကာစ ကလေးတွေမှာ အာရုံစူးစိုက်နိုင်စွမ်းနဲ့လေ့လာမှတ်သားနိုင်စွမ်းကို ထိခိုက်စေနိုင်ပါတယ်။ ကဖင်းသောက်သုံးမှုလွန်ကဲရင် - ကတုန်ကယင်ဖြစ်တာ၊ အာရုံကြောတွေမငြိမ်တာ ဗိုက်အောင့်တာ ခေါင်းကိုက်တာ […]

ကလေးဘဝကတည်း အရိုးသန်မာအောင် အကောင်းဆုံး အုတ်မြစ်ချပေးနိုင်မှာ အရွယ်ရလာတဲ့အခါတော်ကာကျမှပါ။ အရိုးတွေရဲ့ ဖွံ့ဖြိုးမှုကို အများဆုံးတည်ဆောက်ခဲ့တဲ့ကာလအပိုင်းအခြားဟာ ငယ်စဉ်အရွယ်ကနေစလို့ ဆယ်ကျော်သက်အရွယ်အတွင်းမှာပါ။ အသက် ၂၀လောက်ရောက်လာတဲ့အခါ အရိုးဖွံ့ဖြိုးမှုကပြီးစီးသလောက်ကိုရှိသွားပါပြီ။ အရွယ်ရောက်ပြီးသူတွေမှာဖြစ်တဲ့ အရိုးဖွံ့ဖြိုးမှုဆိုတာက ကျိုးပဲ့ပျက်စီးသွားတဲ့နေရာမှာ အစားပြန်ဖြည့်တဲ့ အဆင့်သာဖြစ်ပြီး ဖွံ့ဖြိုးမှုနှုန်းကတော်တော်လေးနှေးပါတယ်။ အရိုးက ဒီလောက်အထိအရေးပါတာပါ အရွယ်ရလာလေ အရိုးတွေရဲ့ ကြံ့ခိုင်သန်စွမ်းမှုကလည်း ကျဆင်းလာလေပါ။ ကလေးအရွယ်မှာက အရိုးတွေဖွံ့ဖြိုးနိုင်တဲ့ အခွင့်အရေးအများဆုံးကာလပါ။ ငယ်စဉ်ကတည်းက အရိုးကောင်းစွာဖွံ့ဖြိုးပါမှ အသက်အရွယ်ရလာတဲ့အခါ အရိုးပွတာ၊ အရိုးကျိုးလွယ်တာမျိုးအန္တရာယ်ကနေကာကွယ်နိုင်မှာပါ။ ဒါကြောင့် ကိုယ့်ချစ်ရတဲ့ ရင်နှစ်သည်းချာတွေကို အသက်အရွယ်ကြီးရင့်လာတဲ့အခါ အရိုးဆိုင်ရာပြဿနာတွေမခံစားရစေဖို့အတွက် ငယ်စဉ်ကတည်းသေချာလေးဂရုစိုက်ပေးပါနော်။ အရိုးတွေကျန်မာကြံ့ခိုင်မှာ အသက်အရွယ်ကြီးရင့်လာတဲ့အထိ ကိုယ့်အားကိုယ်ကိုးပြီး အကောင်းဆုံးလှုပ်ရှားသွားလာနိုင်မှာပါ။ ကိုယ့်ခြေထောက်ပေါ်ကိုယ်ရပ်ပြီး သူများအကူအညီမပါဘဲ လှုပ်ရှားရမှုက အဖိုးမဖြတ်နိုင်လောက်အောင်ကိုတန်ဖိုးရှိတာပါ။ စိတ်သွားတိုင်းကိုယ်ပါဖို့ဆိုတာ အရိုးတွေ သန်စွမ်းကြံ့ခိုင်ဖို့ မဖြစ်မနေလိုအပ်ပါတယ်။ အရိုးကျန်းမာသန်စွမ်းစေဖို့ လုပ်ဆောင်ပေးရမယ့် နည်းလမ်းများ အရိုးအတွက်အဓိကလိုအပ်တဲ့ ဒီအချက်လေး ၃ ခုကို ဂရုတစိုက်လုပ်ပေးရုံနဲ့ ကလေးကကျန်းမာသန်စွမ်းတဲ့အရိုးတွေနဲ့ […]

ညစဉ် အိပ်ချိန်ပြည့်ဝမှုဆိုတာ အသက်အရွယ်မရွေး လွန်စွာအရေးကြီးပါတယ်။ ကျွန်တော်တို့တွေ နေ့စဉ် လုပ်ငန်းခွင်၊ ကျောင်းစာတွေအပြင် တခြားသော ကျန်းမာရေးဆိုင်ရာ ပြဿနာအခက်အခဲတွေကြောင့် အိပ်ချိန်မမှန်ကြပါဘူး။ အိပ်ချိန်မမှန်တာကို သိပ်ပြဿနာမရှိဘူးလို့ လူတွေ ထင်ကြပေမယ့် တကယ်ကတော့ လုံးဝဆန့်ကျင်ဘက်ပါပဲ။ အိပ်ချိန်ပြည့်ဝတဲ့သူတစ်ယောက်ဟာ နေ့စဉ်ကုန်ဆုံးသွားတဲ့ အားအင်တွေ ပြန်လည်ဖြည့်တင်းပေးနိုင်ပြီး လူကို တက်ကြွလန်းဆန်းနေစေတယ်။ စိတ် နဲ့ ခန္ဓာကိုလည်း ကျန်းမာစေတယ်။ နေ့စဉ် လုပ်နေရတဲ့ အလုပ်အကိုင်တွေမှာ ပိုပြီး အာရုံစူးစိုက်လာနိုင်စေပါတယ်။ ကြီးထွားဖွံ့ဖြိုးနေဆဲ အရွယ်ဖြစ်တဲ့ ကလေးတွေအတွက် နေ့စဉ်အိပ်ချိန်ပြည့်ဝဖို့ ပိုပြီးတောင် လိုအပ်ပါသေးတယ်။ လူကြီးအရွယ်မှာ တစ်နေ့ အနည်းဆုံး အိပ်ချိန် ၇နာရီ ရှိနေရမှာ ဖြစ်ပြီး ကလေးတွေဆိုရင် ဒီထက် အိပ်ချိန်ပိုများတာ အကောင်းဆုံးပါပဲ။ ကိုယ့်ကလေးက အိမ်စာတွေ ပိနေလို့၊ စာတွေ ကျက်နေရလို့ ညဘက်အိပ်ချိန်တွေပါ ထိခိုက်လာတာ […]

ကိုယ့်ကလေးကို ဉာဏ်ရည်ထက်မြက်တဲ့ ကလေးအဖြစ် ကြီးပြင်းစေချင်တဲ့ ဆန္ဒမိဘတိုင်းမှာရှိပါတယ်။ ကလေးကို မှန်းသလောက်ဖြစ်မလာမှာကို အရမ်းစိုးရိမ်ကြတယ်ဟုတ်။နောက်တစ်ခုက ကလေးကမျိုးရိုးလိုက်ပြီး ဉာဏ်မကောင်းမှာကို စိုးရိမ်ကြတာပါ။ ဒီတစ်ခေါက်တော့ ကလေးရဲ့ ဉာဏ်ရည်ဉာဏ်သွေးက အရင်ကသိထားသလိုမျိုး မျိုးရိုးအပေါ်မှာမူတည်တာမဟုတ်ဘဲ ပျိုးထောင်ပေးလို့ရတယ်ဆိုတဲ့အကြောင်းလေးပြောပြချင်တာပါ။ တောက်လျှောက်သိလာခဲ့တာက ကလေးတစ်ယောက်ရဲ့ ဉာဏ်ရည်ဉာဏ်သွေးက မိဘမျိုးရိုးနဲ့ ဆိုင်တယ်ဆိုတာပါ။ တကယ်တော့ ကလေးရဲ့ ဉာဏ်ရည်ဉာဏ်သွေးအပေါ်မှာ သက်ရောက်နေတဲ့ အချက်တွေရှိပါသေးတယ်။ ဒါတွေကတော့ ကလေးကို အာဟာရပြည့်ဝအောင်ကျွေးပေးဖို့၊ အဆိပ်အတောက်တွေနဲ့ မထိတွေ့မိအောင်ကာကွယ်ပေးဖို့၊ ဆော့ကစားချိန်များများပေးဖို့ လေ့ကျင့်ခန်းလုပ်ခိုင်းတာမျိုးတွေလုပ်ပေးဖို့ပါ။ ကလေးရဲ့ ဦးနှောက်က ဘယ်လိုဖွံ့ဖြိုးတာလဲ ကလေးက အသက် ၄ နှစ်မတိုင်ခင်မှာ အလျင်အမြန်ဖွံ့ဖြိုးနေတာပါ။မွေးစကနေ ၄ လအတွင်းက ဦးနှောက်ဖွံ့ဖြိုးမှု အမြန်ဆုံးအချိန်ပေါ့။ အဆိအကျပြောပြရမယ်ဆိုရင် ကလေးက အသက် ၄ နှစ်မှာ ဦးနှောက်ဖွံ့ဖြိုးမှုက ၉၀ ရာခိုင်နှုန်းအထိပြီးစီးပါပြီ။ ဒီကာလမှာ ကလေးကို သင်ကြားပေးဖို့အကောင်းဆုံးပါ။မွေးစကနေ အသက် […]

မိဘရယ်လို့ ဖြစ်လာပြီဆိုရင် ကိုယ့်ကလေး ကျန်းကျန်းမာမာ ကြီးပြင်းလာနိုင်ဖို့အတွက် အစစ အရာရာ ဂရုစိုက်ပေးဖို့ လိုလာပါတယ်။ ကိုယ့်ကလေးကို ဉာဏ်ကောင်းစေချင်တယ်။ ကျန်းမာပြီး သန်စွမ်းစေချင်တယ်။ အရပ်ရှည်ြပီး ခန္ဓါကိုယ်ကြီးထွားဖွံ့ဖြိုးစေချင်တယ်။ ဒါတွေကတော့ ပြောစရာတောင် မလိုတဲ့ မိဘတွေရဲ့ စေတနာမေတ္တာတွေပါပဲ။ ကလေးကြီးထွားမှုလို့ ဆိုရာမှာ အစာအာဟာရနဲ့ နေထိုင်စားသောက်မှုပုံစံဟာ အလွန်အရေးပါတဲ့ အခန်းကဏ္ဍကနေ ပါဝင်နေပါတယ်။ ဘယ်လောက်စားစား မဝလာဘူး။ ကိုယ်အလေးချိန် မတက်လာဘူး။ တခြားကလေးတွေနဲ့ ယှဉ်လိုက်ရင် ကိုယ့်ကလေးက ပုသေးပြီး လူကောင်ညှက်နေလား။ ဒါဆိုရင် အရင်ဆုံး စဉ်းစားရမှာက ကိုယ့်ကလေး နေ့စဉ် စားနေတဲ့ အစာအာဟာရတွေပါပဲ။ ကိုယ့်ရဲ့ကလေးကို နေ့စဉ်ကျွေးသင့်တဲ့ အစာအာဟာရတွေက ဘာတွေလဲ။ ကိုယ်ခန္ဓါ ကြီးထွားဖွံ့ဖြိုးမှုအတွက် ပရိုတင်းလို့ ခေါ်တဲ့ အသားဓါတ်၊ အစာကြေစေတဲ့ အမျှင်ဓါတ်၊ အားအင်တွေကို ဖြစ်စေတဲ့ ကစီဓါတ်၊ ဗီတာမင်နဲ့ […]