မတ်တတ်ပြေးအရွယ် နဲ့ မူကြိုအရွယ်

ကလေးက ထမင်းခွံနေချိန်မှာ ထမင်းမစားဘူးဘဲလုပ်နေတယ်၊ သိပ်နေတာကိုတော်တော်နဲ့မအိပ်ဘူး။ အရမ်းမဆော့ပါနဲ့ဆိုတာကိုတောက်တောက်နဲ့လျှောက်ပြေး နေတယ်။ ကလေးကလည်းပြောရခက်လိုက်တာ စိတ်မရှည်တော့ဘူး။ ဘယ်လိုပြောပြောမရပါလားဆိုပြီးဖြစ်နေချိန်မှာ ဘာလုပ်တတ်ကြလဲမေမေဖေဖေတို့.........ကြောက်အောင်ခြောက်တယ်ဟုတ်......... ကလေးတွေကို လိုသလိုပုံစံကျစေဖို့ မိဘတွေထုတ်သုံးတတ်တဲ့ နည်းလမ်းတစ်ခု ကလေးက ပြောရဆိုရခက်တဲ့အချိန်မှာ မိဘအများစုထုတ်သုံးတတ်တဲ့ နည်းလမ်းတစ်ခုရှိတယ်လေ။ ဒါကတော့ ကလေးကိုကြောက်အောင်ခြောက်ပြီး ဖြစ်စေချင်တဲ့ပုံစံအတိုင်း လုပ်ခိုင်းတာ၊ နေခိုင်းတာပါ။ ဘာတွေနဲ့ အများဆုံး ခြောက်လှန့်တတ်ကြလဲ သိလား။ ငယ်စဉ်ကတည်းက ကိုယ်တွေကိုယ်တိုင်တောင် ခြောက်ခံခဲ့ရသေးတယ်လေ။ဒေဝေါကြီးရေ လာပါ။ ထမင်းမစားဘူးလုပ်နေတယ်၊ မအိပ်သေးဘူးလား ဒေဝေါကြီးကို ခေါ်လိုက်မှာနော်ဆိုတာမျိုးလေ။ ဒီတစ်ခုတည်းလားဆိုတော့ မဟုတ်သေးပါဘူး။ဂေါ်ဇီလာကြီးဆိုတာမျိုး ရုပ်ရှင်ထဲကကြောက်စရာသတ္တဝါကြီးတွေ၊ ပင့်ကူကြီး၊ အိမ်မြှောင်ကြီး၊ ကလေးဖမ်းတဲ့လူကြီးဆိုတာမျိုးတွေလေ။ ကိုယ်တိုင်တောင် အခြောက်ခံခဲ့ရဖူးတယ်ဟုတ်။ ဒီလို ခြောက်လှန့်လိုက်လို့ ကလေးကဖြစ်စေချင်တဲ့အတိုင်း ငြိမ်ငြိမ်လေးလိုက်လုပ်ပေးတာက စိတ်ကျေနပ်စရာဖြစ်ပေမယ့်ရေရှည်မှာ ကလေးအတွက် မကောင်းပါဘူး။ အကြောက်တရား ကြီးစိုးခံလိုက်ရပါတယ်နော်။ အကြောက်တရားနဲ့ ကြီးပြင်းစေမှုက ကလေးအရွယ်မှာတင်ပြီးဆုံးသွားမှာမဟုတ်ပါဘူး။ အသက်ကြီးတဲ့အထိ စိတ်ထဲမှာ တစ်ချိန်လုံးစွဲနေမယ်ဆိုတာကို […]

မိဘတိုင်းက ကိုယ့်သားသမီးကို အာဟာရဓါတ်ေတွပြည့်ဝအောင်ကျွေးမွေးစောင့်ရှောက်နိုင်ဖို့ အဓိကကြိုးစားကြမှာပါပဲ။ ခန္ဓါကိုယ်အတွက်မရှိမဖြစ်လိုအပ်တဲ့ အာဟာရဓါတ်တွေဆိုတာ အစားအစာတစ်မျိုးတည်းကမရနိုင်သလို အသား၊ငါးတွေအပြင် အသီးအရွက်၊ အသီးအနှံမျိုးစုံကို စားသုံးဖို့ လိုအပ်ပါတယ်။ ဒါပေမယ့် ကလေးဆိုတာ သူကြိုက်တာတွေချည်းရွေးစားမှာပဲ။ စားသင့်တာတွေ စားဖြစ်ပါ့မလား ပူရပြန်ရော။ အများစုကတော့ အချိုကြိုက်တယ်၊ သရေစာတွေကြိုက်တယ်၊ အသားငါးနဲ့လုပ်တဲ့စားစရာတွေစားရင်စားမယ်၊ အသီးအရွက်ကျတော့ ဖယ်စားတာများပါတယ်။ တချို့အသားမကြိုက်ဘဲ အသီးအရွက်ပဲစားတဲ့ကလေးတွေကတော့ခြွင်းချက်ပေါ့လေ။ အသီးအရွက်က ဘာကြောင့်အရေးကြီးတာလဲ ကလေးအာဟာရမှာ အသားနဲ့အသီးအရွက်ညီညွတ်မျှတဖို့လိုအပ်တာက လူတိုင်းသိပါတယ်။ အသီးအရွက်တွေမှာ ဗီတာမင်နဲ့သတ္တုဓါတ်အမျိုးစုံအပြင် အမျှင်ဓါတ်တွေ၊ ဓါတ်တိုးဆန့်ကျင်ပစ္စည်းတွေပါဝင်တာမို့ နေ့စဉ်အာဟာရမှာ မပါလို့မဖြစ်ပါဘူး။ မေမေတို့ဖြစ်စေချင်တဲ့ ဖွံ့ဖြိုးကြီးထွားမှုနဲ့ ဉာဏ်ရည်ထက်မြက်မှုတွေဆိုတာ အသွေးအရောင်စုံတဲ့ အာဟာရအစားအသောက်တွေဆီက အများဆုံးအရင်းခံလာတာ မမေ့ပါနဲ့နော်။ ဒါဆို ကလေးကို အသီးအရွက်စားဖြစ်အောင် ဘယ်လိုကျွေးမလဲဆိုတာပြဿနာပါ။ အတင်းအကျပ်ဖိအားပေးပြီးကျွေးတာတော့ လုံးဝမလုပ်သင့်ပါဘူး။ အစားစားဖို့ဖိအားကိုမပေးသင့်တာပါ။ အတင်းအကျပ်စားခိုင်းရင် ကလေးက အဲဒီအစားအစာကို ပိုလို့တောင်မုန်းသွားနိုင်ပါတယ်။ အစားအသောက်နဲ့ပတ်သက်ပြီး မကောင်းတဲ့ခံစားချက်ဖြစ်သွားစေတာက နည်းလမ်းကောင်းတစ်ခုမဟုတ်ပါဘူး။ အသီးအရွက်စားဖြစ်အောင် ဘယ်လိုဆွဲဆောင်မလဲ ကိုယ်က […]

Prebiotic ဆိုတာဘာလဲ မပြောခင် Probiotic အကြောင်းကို မေမေတို့အရင်သိမှဖြစ်ပါမယ်။ ဒါမှ သူတို့တွေက ကလေးကျန်းမာရေးအတွက် ဘယ်လိုအရေးပါလဲဆိုတာ နားလည်ကြမှာပေါ့။ လူ့ခန္ဓါကိုယ်ရဲ့အစာခြေစနစ်ထဲမှာ Probiotics လို့ခေါ်တဲ့ အကျိုးပြုဘက်တီးရီးယားလေးတွေက စစ်သည်တွေလိုမျိုး ရောဂါပိုးတွေကိုခုခံကာကွယ်ပေးကြပါတယ်။ အဲဒီ ဘက်တီးရီးယားလေးတွေ အလုံအလောက်ရှင်သန်နိုင်ဖို့ အားဖြည့်ပေးတဲ့အာဟာရကတော့ Prebiotic လို့ခေါ်ပါတယ်။ အာဟာရဆိုပေမယ့် Prebiotic ဆိုတာ စားချလိုက်တဲ့အခါ ချေဖျက်လို့မရတဲ့အမျှင်ဓါတ်တစ်မျိုးဖြစ်ပြီး အကျိုးပြုဘက်တီးရီးယားတွေကို အားဖြည့်ပေးတဲ့အတွက် အစာခြေစနစ်ကျန်းမာရေးအတွက်တကယ်ကိုကောင်းပါတယ်။ ကိုယ့်ကလေးတွေ ကျန်းမာဖို့ဆိုတာ အစာအာဟာရတွေပြည့်ဝအောင်ဖန်တီးပေးနိုင်ဖို့၊ အာဟာရဓါတ်တွေစုပ်ယူနိုင်စေဖို့၊ ခွန်အားတိုးဖွံ့ဖြိုးစေဖို့ မေမေတို့အဓိက ပူပန်ကြတာမဟုတ်လား။ ဒီလိုအရေးပါတဲ့အကျိုးပြုဘက်တီးရီးယားဓါတ်စာ Prebiotic ကို ဘယ်အစာအာဟာရတွေကရနိုင်မလဲ၊ ကိုယ့်ကလေးအစာအာဟာရမှာ ဘယ်လိုထည့်သွင်းမလဲဆိုတာ ဆက်ပြီးဖတ်ကြည့်နော်။ Prebiotic ရနိုင်မယ့် အစားအစာတွေက - ကြက်သွန်ဖြူ ကြက်သွန်ဖြူရဲ့အမျှင်ဓါတ် ၁၁ ရာခိုင်နှုန်းလောက်က inulin ဖြစ်ပြီး သဘာဝ Prebiotic ဖြစ်တဲ့ fructooligosaccharides […]

ကလေးကို ၂ နှစ်ကျော်တဲ့အထိနို့ဗူးတိုက်နေလား ..... ကလေးတွေက အရွယ်ရောက်လာတာနဲ့အမျှ အာဟာရလိုအပ်ချက်ကလည်း များလာပါတယ်။ ဒီအာဟာရလိုအပ်ချက်ကိုပြည့်မီအောင်ဖြည့်တင်းဖို့ မိခင်နို့အပြင် နို့ဗူးတိုက်တာကိုပါမေမေတို့ လုပ်ပေးလေ့ရှိကြပါတယ်။ ဒီကနေမှ ၆ လပြည့်ပြီဆိုရင် အစားစကျွေးပါပြီ။ ဒီအချိန်မှာလည်း အစာကို ကျင့်စမို့ နို့ဗူးလေးနဲ့ မေမေ့နို့တို့ကို လိုအပ်သလိုကူနေရဆဲပေါ့။ ဒီလိုကနေ အချိန်ကြာလာတော့ ကလေးကို သနားတာရော လိုအပ်တဲ့အာဟာရပြည့်စေချင်တဲ့စေတနာရောပေါင်းပြီး ကလေးကို အရွယ်တော်တော်ရောက်တဲ့အထိ နို့ဗူးကိုပါဖြည့်စွက်စာနဲ့ တွဲလို့တိုက်မိနေနိုင်ပါတယ်။ တကယ်တော့ ကလေးတစ်ယောက်ကို အသက် ၂ နှစ်အထိပဲ နို့ဗူးတိုက်သင့်တာပါ။ ဒီထက်ကျော်ပြီး နို့ဗူးတိုက်နေမယ်ဆိုရင် ကလေးက အာဟာရပြည့်ဖို့ထက် ကျန်းမာရေးအတွက် ထိခိုက်တာမျိုးဖြစ်လာနိုင်ပါတယ်။ ကလေးကို ၂ နှစ်ကျော်တဲ့အထိနို့ဗူးတိုက်နေလား ကလေးကို ၂ နှစ်ကျော်တဲ့အထိနို့ဗူးတိုက်နေလား ...... ကလေးကို အဆင်ပြေပါစေတော့ဆိုပြီး သူကြိုက်တဲ့အရာတစ်ခုဖြစ်တဲ့ နို့ဗူးတိုက်တာကို အသက်တော်တော်လေးရလာတဲ့အထိ ဆက်လုပ်ပေးမိနေမယ်ဆိုရင်ရေရှည်မှာ ကလေးအတွက် မကောင်းပါဘူး။ ကလေးလေးတွေက အသက် […]

ဒီဘက်ခေတ်ကြီးထဲမှာ အိမ်မှာပဲ အမြဲနေပြီး ကလေးတွေနဲ့ အချိန်ကုန်တဲ့ အိမ်ထောင်ရှင်မေမေတွေ နည်းလာပါပြီ။ ငွေရေးကြေးရေး အခြေအနေအရရော၊ ကိုယ့်ရဲ့ စိတ်ခံစားချက်နဲ့ ဘဝအပေါ် ခံယူချက်ကြောင့် အလုပ်တစ်ဖက်နဲ့ မိသားစုတာဝန်ကို မလစ်ဟင်းအောင် ကြိုးပမ်းကြတဲ့ မေမေတွေဟာ တော်တော်လေးကို စိတ်ရောလူပါ ပင်ပန်းရတဲ့ ကိစ္စပါပဲ။ မကြာမီမှာ ကလေးယူပြီး ပျော်ရွှင်စရာ မိသားစုဘဝလေး ထူထောင်ကြမယ့် မေမေတွေလည်း လုပ်နေတဲ့ အလုပ်ကို ထွက်ရမလား၊ အလုပ်ရော အိမ်မှုကိစ္စကိုပါ တွဲပြီး လုပ်ရမလား တွေဝေနေကြမှာပါ။ ဒီနေ့ဆောင်းပါးလေးမှာ အိမ်မှာပဲ အမြဲနေပြီး မိသားစုနဲ့ အတူအချိန်ကုန်ဆုံးဖို့ ပြင်ဆင်နေတဲ့ မေမေတွေအတွက် ကြုံလာနိုင်တဲ့ ပြောင်းလဲမှုတွေနဲ့ ဘဝကို ဘယ်လိုဟန်ချက်ညီအောင် ထိန်းလို့ ရမလဲဆိုတာနဲ့ ပတ်သက်ပြီး ပြောပြပေးချင်ပါတယ်။ အိမ်တွင်းပုန်း မေမေတွေအတွက် အားသာချက်တွေ ၁။ မိသားစုဝင်က တစ်ခုခုလိုအပ်တိုင်း ကိုယ်က […]

အရွယ်မရောက်ခင် Solid foodကျွေးမိလို့ အစာနင်သွားတယ်။ ကလေးက အစာနင်တာကြောင့်သေသွားတယ်ဆိုတာမျိုးတွေကြားပြီး ကလေးကို ထိခိုက်မှာစိုးတာကြောင့် ကလေးကိုတော်တော်နဲ့အစာမကျွေးမိဘဲဖြစ်နေတဲ့မိဘတွေများရှိနေလား။ ဒါဆိုရင်တော့ ကလေးက ၆ လပြည့်ပြီဆိုရင် အစာစကျွေးပါ၊လို့ပြောပါရစေနော်။ ကလေးတစ်ယောက်ကို အရွယ်မတိုင်ခင် အစာကျွေးတာက အန္တရာယ်ရှိသလို အရွယ်လွန်ပြီးမှာ အစာကျွေးတာကလည်း ထိခိုက်စေနိုင်ပါတယ်။ ကလေးကို အရွယ်တော်တော်ရောက်မှ အစာကျွေးမိတဲ့အခါ ဘာတွေဖြစ်လာမလဲ ကလေးတစ်ယောက်ကို အရွယ်တော်တော်လေးရောက်မှ အစားအစာတွေကို စတင်ကျွေးမယ်ဆိုရင် ကလေးအနေနဲ့ ခန္ဓါကိုယ်ကြီးထွားဖွံ့ဖြိုးဖို့လိုအပ်တဲ့ အဖိုးတန်ဗီတာမင် နဲ့ သတ္တုဓါတ်တွေကိုလက်လွတ်သွားနိုင်ပါတယ်။ ကြီးထွားဖွံ့ဖြိုးဖို့အရှိန်ယူနေချိန်မှာ လိုအပ်တဲ့ ဗီတာမင် နဲ့ သတ္တုဓါတ်တွေမပြည့်ဘူးဆိုတော့ ကလေးရဲ့ ကြီးထွားဖွံ့ဖြိုးမှုအပေါ်မှာ ထိခိုက်စေမှာအသေအချာပါ။ ခန္ဓါကိုယ်ရဲ့ ဆင့်ကဲဖြစ်စဉ်တွေနှေးသွားမှာပါ။ ကလေးကို အစောဆုံးအနေနဲ့ ၄ လခွဲနောက်အကျဆုံးက ၆ လမှာကျွေးရမှာပါ။ ဒီလိုမှမဟုတ်ဘဲ ကလေးကို ၈ လကျော်မှ အစားစကျွေးမယ်ဆိုရင်တော့ ကလေးရဲ့အာရုံခံနိုင်စွမ်းထိခိုက်စေနိုင်သလို စကားပြောဆိုနိုင်မှုစွမ်းရည်နဲ့လှုပ်ရှားနိုင်မှုစွမ်းရည်တွေကိုပါထိခိုက်စေနိုင်ပါတယ်။ အစားစားဖို့နဲ့စကားပြောဖို့အတွက်လိုအပ်တဲ့ […]

ကလေးတွေကို ကျန်းကျန်းမာမာနဲ့ ကြီးပြင်းလာစေချင်တာ မေမေတို့ရဲ့ စေတနာပါ။ ကြီးထွားဖွံ့ဖြိုးဆဲ အရွယ်ဖြစ်တာကြောင့် နေ့စဉ် အစာအာဟာရကို သေချာဂရုစိုက်ပြီး ပြင်ဆင်မှ ကလေးတွေလည်း ကြီးထွားဖွံ့ဖြိုးပြီး ဉာဏ်ရည်ထက်မြက်မှာပေါ့။ ကလေးတွေ အရိုးအဆစ်တွေ သန်မာဖို့၊ ကိုယ်ခန္ဓါ ကြီးထွားဖို့ ပရိုတင်းဓါတ်နဲ့ ကယ်လ်စီယမ်ဓါတ်တွေ၊ ရောဂါတွေကို ကာကွယ်ပေးနိုင်တဲ့ ကိုယ်ခံအားစနစ် မြှင့်တင်ပေးဖို့၊ ကိုယ်တွင်းအင်္ဂါ ကောင်းစွာ အလုပ်လုပ်နိုင်စေဖို့ ဗီတာမင်နဲ့ သတ္တုဓါတ်တွေ နေ့စဉ် မရှိမဖြစ် လိုအပ်ပါတယ်။ ဒီတော့ ကလေးကြီးထွားဖွံ့ဖြိုးဖို့အတွက် နေ့စဉ်လိုအပ်တဲ့ အာဟာရဓါတ်တွေက ဘာတွေများလဲ၊ ဘယ်ကနေရနိုင်မလဲဆိုတာကို ဆက်ဖတ်ကြည့်လိုက်ရအောင်။ ကလေးကြီးထွားမှုအတွက် မရှိမဖြစ်လိုအပ်တဲ့ အာဟာရဓါတ်တွေ ကလေးရဲ့ ကျန်းမာရေးနဲ့ ဉာဏ်ရည်ထက်မြက်စေဖို့ အလေးအနက်ထားတဲ့ မေမေတွေအနေနဲ့ အောက်မှာပြထားတဲ့ အာဟာရဓါတ်တွေကို နေ့စဉ် မဖြစ်မနေ ကျွေးပေးသင့်တယ်နော်။ ၁။ ပရိုတင်းဓါတ် ကလေး ကိုယ်ခန္ဓါကြီးထွားဖွံ့ဖြိုးစေဖို့၊ အရိုးအဆစ်တွေ သန်စွမ်းကြံ့ခိုင်စေဖို့၊ ကိုယ်ခန္ဓါက […]

ကျန်းမာရေးနဲ့ အစာအာဟာရဟာ အပြန်အလှန် ဆက်စပ်နေပါတယ်။ နေ့စဉ် အသက်ရှင်သန်ဖို့ အားအင်တွေ လိုအပ်ပါတယ်။ ကုန်ဆုံးသွားတဲ့ အားအင်တွေကို ပြန်လည်ဖြည့်တင်းပေးဖို့နဲ့ ကျွန်တော်တို့ရဲ့ ခန္ဓါကိုယ် ပုံမှန်အလုပ်လုပ်နိုင်ဖို့ အာဟာရဓါတ်တွေ လိုအပ်ပါတယ်။ ဒီအာဟာရဓါတ်တွေကို နေ့စဉ်စားသုံးနေတဲ့အစားအစာတွေကနေ အဓိက ရရှိပါတယ်။ လက်ရှိအချိန် ကမ္ဘာအနှံ့မှာ ကလေးတွေ အစာအာဟာရမမျှတမှုကြောင့် ကျန်းမာရေးပြဿနာတွေနဲ့ ရင်ဆိုင်နေရပါတယ်။ အထူးသဖြင့်တော့ ဖွံ့ဖြိုးမှုအပိုင်းမှာ ဖြစ်ပါတယ်။ ကလေးအရွယ်မှာ နေ့စဉ်လိုအပ်တဲ့ ဗီတာမင်နဲ့ သတ္တုဓါတ်တွေ၊ ကိုယ်ခန္ဓာအတွက် အာဟာရဓာတ်တွေ လုံလောက်စွာ ရရှိမှကြီးထွားဖွံ့ဖြိုးပြီး ကိုယ်ရောစိတ်ပါ ကျန်းကျန်းမာမာနဲ့ ကြီးပြင်းလာနိုင်မှာ ဖြစ်ပါတယ်။ ဒါကြောင့်မိဘတွေအနေနဲ့ ကိုယ့်ရဲ့ သားသမီးလေးတွေ ကျန်းမာပျော်ရွှင်စွာ ကြီးပြင်းလာစေဖို့အတွက် စုံလင်ပြီး အချိုးကျ ပြည့်စုံတဲ့ အာဟာရဓာတ်တွေကို နေ့စဉ်ဂရုတစိုက်ကျွေးမွေးဖို့လိုအပ်ပါတယ်။ အထူးသဖြင့် ကြီးထွားဖွံ့ဖြိုးနေတဲ့အရွယ်မှာ ပရိုတင်းဓာတ်က သူတို့လေးတွေအတွက် နေ့စဉ်လိုအပ်ပါတယ်။ ကလေးကြီးထွားမှုအတွက် […]

ကျန်းမာရေးနဲ့အာဟာရ သက်ရှိတိုင်းနဲ့ကင်းကွာလို့မရတဲ့ကိစ္စရပ်ပါ။ အရွယ် ၃ ပါးစလုံးကျန်းမာဖို့လိုသလို အာဟာရမှီဝဲဖို့ကိုလည်းမေ့ထားလို့မဖြစ်ပါဘူး။နေ့စဉ်လုံလောက်တဲ့ အာဟာရကိုရရှိမှ ခန္ဓာကိုယ်က ကျန်းမာမှာပါ။ ဖွံ့ဖြိုးဆဲအရွယ်ကလေးတွေက လူကြီးတွေထက် အာဟာရပိုမိုလိုအပ်နိုင်ပါတယ်။ ဒီနေရာမှာပြောစရာလေးတစ်ခုရှိလာပါပြီနော်။ ကလေးက အစားစားသားပဲ ဘာလို့များအာဟာရမပြည့်စရာလဲလို့ပေါ့။ စားတဲ့ အစားအစာတိုင်းက အာဟာရပြည့်မယ်လို့ တရားသေမှတ်ယူထားလို့မရပါဘူးနော်။ကျွေးလိုက်တဲ့အစားအစာတိုင်းက ကလေးအတွက် အာဟာရပြည့်ဝပြီး ကြီးထွားဖွံ့ဖြိုး ဉာဏ်ကောင်းဖို့အတွက် လိုအပ်တဲ့ ပရိုတင်းနဲ့ဗီတာမင်တွေပါဝင်နေတာသေချာဖို့ လိုပါမယ်။ အရည်အသွေးမြင့်ပရိုတင်း ပရိုတင်းဓာတ်ကို ရရှိနိုင်တဲ့ အစားအစာအရင်းအမြစ်တွေက အများကြီးပါ။ ဒါပေမယ့် အရည်အသွေးမြင့်ပရိုတင်းကိုရရှိနိုင်တဲ့ အရင်းအမြစ်ကတော့ ရှားပါတယ်။ ပရိုတင်းတိုင်းကို အရည်အသွေးမြင့်ပရိုတင်းလို့ သတ်မှတ်ဖို့က မဖြစ်နိုင်ပါဘူး။ အရည်အသွေးမြင့်ပရိုတင်းဖြစ်ဖို့ဆိုရင် ခန္ဓာကိုယ်အတွက်မရှိမဖြစ်လိုအပ်တဲ့ အမိုင်နိုအက်ဆစ်တွေပါဝင်ရမှာဖြစ်သလို ကျန်းမာဖို့လိုအပ်တဲ့ သက်စောင့်ဓာတ်တွေလည်း ပါဝင်ရပါဦးမယ်။ အစာကြေလွယ်ပြီး ခန္ဓာကိုယ်က အလျင်အမြန်စုပ်ယူနိုင်တဲ့ ဂုဏ်သတ္တိကလည်း ပိုင်ဆိုင်ဖို့လိုဦးမှာပါ။ အရည်အသွေးမြင့်ပရိုတင်းတစ်ခုဖြစ်၊မဖြစ်ကို တွက်ချက်နိုင်တဲ့ စံနှုန်းလေးတစ်ခုရှိပါတယ်နော်။ ဒါကတော့ PDCAAS ပါ။ […]

ကိုယ့်ဝမ်းနဲ့လွယ်ပြီးမွေးထားတဲ့ ရင်သွေးလေးကိုတောက်ပတဲ့အနာဂတ် မပိုင်ဆိုင်စေချင်တဲ့ မိဘမရှိပါဘူး။ သားသမီးတွေကို အကောင်းဆုံးဖြစ်လာဖို့ကိုပဲ မျှော်လင့်ပြီး အကောင်းဆုံးအရာတွေကိုပဲ ပေးချင်တာက မိဘတိုင်းရဲ့ စိတ်ကူးဆန္ဒပါ။ ကလေးတွေဟာ ငယ်ရွယ်စဉ်မှာ ဖယောင်းလေးတွေလိုပဲ ပုံသွင်းလို့ရပါတယ်။ ငယ်စဉ်မှာ အကောင်းဆုံးသော ဂရုစိုက်ပျိုးထောင်မှုတွေပြုလုပ်ပေးမယ်ဆိုရင် ကျန်းမာပျော်ရွှင်ဉာဏ်ကောင်းစွာနဲ့ အရွယ်ရောက်လာမှာပါ။ ကျန်းမာပြီး ပျော်ရွှင်တဲ့ကလေးတစ်ယောက်ဖြစ်အောင် ဘယ်လိုပြုစုပျိုးထောင်မလဲဆိုတဲ့ အကြံပြုချက် (၈)ချက်ရှိပါတယ်။ ကျန်းမာပျော်ရွှင်တဲ့ ကလေးတစ်ယောက်အဖြစ်ကြီးပြင်းစေဖို့ (၁) ချစ်ခင်မှုကို ခံစားရပါစေ -ကလေးကို မချစ်တဲ့ မိဘရယ်လို့မရှိလောက်ဘူးဆိုပေမယ့် ချစ်တာကိုဖော်ပြပေးဖို့မေ့မနေပါနဲ့။ အချို့မိဘတွေကချစ်တာကိုဖော်မပြဘဲ ရင်ထဲမှာ သိမ်းထားတတ်ကြပါတယ်။ ကလေးကိုမြင်သာအောင်ချစ်ပြဖို့ မမေ့ပါနဲ့။ ချစ်ခြင်းမေတ္တာဆိုတာ နွေးထွေးနူးညံ့တဲ့အရာတစ်ခုပါ။ အဲဒါကို ကလေးခံစားရပါစေ။ (၂) ကလေးနဲ့အတူတူ အချိန်ဖြုန်းပေးပါ။ ကစားပေးပါ -ကလေးက ကစားစရာအဖော်တွေရှိနေတယ်ဆိုပေမယ့်တောင်မှ မိဘတွေအနေနဲ့ပျော်ရွှင်စရာ ကစားနည်းလေးတွေကို ကလေးနဲ့ အတူတူကစားပေးလို့ရပါတယ်။ ဒါမှ ကလေးနဲ့မိဘကြားမှာ ချစ်ခြင်းမေတ္တာတိုးလာပြီး ကလေးရဲ့ ခန္ဓါကိုယ် […]