မတ်တတ်ပြေးအရွယ် နဲ့ မူကြိုအရွယ်

လောကမှာ ကိုယ်အချစ်ရဆုံးသော လူသားလေးတွေဖြစ်တဲ့ ကိုယ့်ရဲ့ရင်သွေးရတနာတွေကို အကောင်းဆုံးတွေပဲ ပေးချင်တာ၊ အကောင်းဆုံးပဲဖြစ်လာစေချင်တာ မိဘတိုင်းရဲ့မေတ္တာပါ။ ဒါပေမယ့် စားစေချင်လို့ ကျွေးနေတဲ့အရာတွေ၊ အာဟာရဖြစ်မယ်ထင်လို့ စီစဉ်ပေးတာတွေက ဘေးဖြစ်စေမယ်ဆိုရင် ရင်နာစရာပေါ့။ ဒါ့ကြောင့် ကိုယ့်ကလေးရဲ့ အစားအသောက်တွေထဲမှာ အဆိပ်အတောက်ဖြစ်စေမယ့်အရာတွေ ပါဝင်နေသလားဆိုတာ အရင်ဆုံးပြန်ဆန်းစစ်ကြရအောင်။ ဟော့ဒေါ့ အကင်ဆိုင်လေးတွေ ဟိုမှာ ဒီမှာ တွေ့ရတတ်တော့ ဝယ်စားရလွယ်ကူတဲ့ သရေစာတစ်မျိုးပါပဲ။ ဟော့ဒေါ့ချောင်းလေးတွေကို အချဉ်လေး၊ အမှုန့်လေးသုတ်ပြီး စားရတာ ပူပူနွေးနွေးလေးပေါ့။ ဒါပေမယ့် ပူနွေးပေမယ့် ရောဂါပိုးတွေမကင်းနိုင်တာ ဒီအစားအသောက်တွေပါပဲ။ ကောင်းကောင်းမဖွံ့ဖြိုးသေးတဲ့ ကလေးရဲ့အစာခြေစနစ်ထဲကို တာရှည်ခံပစ္စည်းတွေအပြည့်ပါတဲ့ ဒီအရာတွေဝင်ရောက်သွားမယ်ဆို တွေးကြည့်ပါ။ ဟော့ဒေါ့အပါအဝင် ဝက်အူချောင်း၊ကြက်အူချောင်းကင်၊ အသားပြားကင် တို့လို ယိုးဒယားကင်ဆိုတဲ့သရေစာတွေ ဟာ ပြုပြင်စီမံထားတဲ့ အစားအစာတွေချည်းပါပဲ။ ဒီအမျိုးအစားတွေက ကင်ဆာဖြစ်စေနိုင်တယ်လို့ ကျန်းမာရေးပညာရှင်တွေက သတိပေးထားပြီးသားဖြစ်ပါတယ်။ ဆိုးဆေး အရောင်လှလှ သရေစာမုန့်တွေ၊ အရည်အသွေးမကောင်းတဲ့ အချိုရည်ဘူးတွေမှာ ပါနေတဲ့ […]

သားသားမီးမီးတွေ ကျန်းကျန်းမာမာနဲ့ ဉာဏ်ကောင်းပျော်ရွှင်ပြီး ကြီးပြင်းလာစေဖို့ဆိုတာ မိဘတိုင်းရဲ့ ဆန္ဒပါ။ ဒီလိုကြီးထွားလာဖို့ဆိုတာလည်း ကိုယ်ချစ်တဲ့ သားသမီးတွေအတွက် မရှိမဖြစ်လိုအပ်တဲ့ အာဟာရဓာတ်တွေကို ငယ်စဉ်ကတည်းက သေချာကျွေးမွေးမှ ဖြစ်မှာနော်။ ကလေးဉာဏ်ကောင်းစေဖို့ အာဟာရဓာတ်က ဘာများလဲ။ ငါးကြီးဆီလို့လည်း ခေါ်တဲ့ အိုမီဂါ ၃ အဆီအနှစ် (Omega-3 fatty acid) ဟာ ကလေးတွေဉာဏ်ကောင်းစေဖို့ မရှိမဖြစ်လိုအပ်တဲ့ အကျိုးပြုအာဟာရဓာတ်ပါပဲ။ အိုမီဂါ ၃ အဆီအနှစ်ဟာ ဦးနှောက်ကို ကြီးထွားဖွံ့ဖြိုးစေတယ်။ နှလုံးကျန်းမာစေပြီး ကိုယ်ခံအားကိုလည်း ကောင်းစေလို့ အလွယ်တကူ ဖျားနာခြင်းမဖြစ်အောင် ကာကွယ်ပေးတယ်။ အိုမီဂါ ၃ အဆီအနှစ်ကို ကိုယ်ခန္ဓာက သဘာဝအတိုင်း မထုတ်ပေးနိုင်တဲ့အတွက် အစားအစာတွေ၊ ဖြည့်စွက်စာတွေ၊ ကြီးထွားဖွံ့ဖြိုးစေဖို့ အာဟာရပြည့်နို့မှုန့်ကနေ တစ်ဆင့်ပဲ ရရှိနိုင်ပါတယ်။ အိုမီဂါ ၃ အဆီအနှစ်ထဲမှာ ALA (Alpha-linolenic acid) • […]

အအေးသောက်မယ်၊ အချိုရည်သောက်မယ် တကဲကဲနဲ့ ပူဆာနေတတ်တဲ့ သားသားမီးမီးတွေကို ပိုင်ဆိုင်ထားတာလား။ ကလေးကျေနပ်ရင်ပြီးရော အချိုရည်လေးဝယ်တိုက်လိုက်တာပဲ ဆိုရင်တော့ မေမေတို့ မှားနေပါပြီနော်။ အချိုရည်သောက်တာများရင် ချောင်းဆိုးရင်ကျပ်အတွက်ပဲ ပြဿနာရှိတာမဟုတ်လို့ပါပဲ။ အချိုကဲတဲ့ အစားနဲ့ အသောက်တွေက ကလေးတွေကို ကိုယ်အလေးချိန်တက်စေနိုင်(အဝလွန်စေနိုင်)တယ်၊ နှလုံးရောဂါ၊ သွေးတွင်းသကြားဓာတ်မြင့်တက်ခြင်း၊ သွားပိုးစားခြင်းစတဲ့ ကျန်းမာရေးအန္တရာယ်တွေ အများကြီး ဖြစ်လာစေနိုင်ပါတယ်။ ကျန်းမာရေးပညာရှင်တွေရဲ့ အကြံပြုချက်အရ ကလေးတွေဟာ တစ်ပတ်ကို အချိုရည် ၈ အောင်စလောက်ပဲ သောက်သင့်တယ်လို့ ဆိုပါတယ်။ ဒါဟာ ပုံမှန်အချိုရည်သံဘူးတစ်ဘူးစာထက် ပိုနည်းတဲ့ပမာဏပါ။ ကလေးတွေ အချိုရည်သောက်တာများရင် - (၁) သွားပိုးစားမယ်၊ သွားတွေ ပျက်စီးလာမယ် (၂) အဝလွန်လာမယ် (၃) အခြားကလေးတွေနဲ့ယှဉ်ရင် အာဟာရချို့တဲ့လာမယ် (၄) ကိုယ်ခံအားနည်းပြီး ရောဂါတွေ ဝင်လွယ်လာမယ် (၅) အချိုကို စွဲလန်းလာတယ် (၆) မှတ်ဉာဏ်တွေကို ထိခိုက်စေတယ် (၇) ချောင်းဆိုး၊ ရင်ကြပ်စေတယ် ဒါ့ကြောင့် အချိုရည်လုံးဝမသောက်ရဘူးလို့ တားမြစ်လို့လည်းမဖြစ်ပြန်ပါဘူး။ ကလေးဆိုတာမျိုးက မလုပ်နဲ့ဆိုမှ […]

အရိပ်တကြည့်ကြည့်စောင့်ကြည့်ခဲ့ရတဲ့ ကလေးကို အကောင်းဆုံးကြီးပြင်းစေချင်တဲ့ဆန္ဒ မေမေဖေဖေတိုင်းမှာရှိမှာပါ။ ဒီဆန္ဒက ပြည့်မြောက်ရင်တော့ တပြုံးပြုံး တပျော်ပျော်ဆိုပေမယ့် မပြည့်မြောက်ခဲ့ရင်တော့ လိုအပ်ချက်ရှိနေတယ်လို့ ခံစားမိတယ်ဟုတ်။ ဒီစိတ်နဲ့ကိုယ့်ကိုကိုယ် တစ်ချိန်လုံးအပြစ်တင်နေတာမမျိုးမဖြစ်စေဖို့ ဒီဆောင်းပါးလေးက ကူညီပေးနိုင်မှာပါ။ ကလေး ရွယ်တူတွေထဲမှာ မညှက်စေဖို့ ကလေးကို အခြားကလေးတွေနည်းတူ ကျန်းမာဖွံ့ဖြိုးစေချင်ပေမယ့် ကလေးက အခြားကလေးတွေလောက် မကျန်းမာဘူး။ ညှက်နေတယ်ဆိုတာမျိုး မဖြစ်စေဖို့ဆိုရင် ဒီနည်းလမ်းလေးတွေက အသုံးတည့်မှာ အသေအချာပါ။ ဘာတွေလုပ်ပေးရမလဲဆိုတာကို တူတူကြည့်လိုက်ရအောင်နော်။ ပြည့်ဝတဲ့ အိပ်စက်ချိန်ထားပါ - အိပ်ချိန်ပြည့်ဝတာက ကလေးကို ရုပ်ပိုင်းဆိုင်ရာရော စိတ်ပိုင်းဆိုင်ရာပါကျန်းမာစေနိုင်ပါတယ်။ ဒါကြောင့် ကလေးအရွယ်ကနေစပြီး အရွယ်ရောက်လာတဲ့အထိ ကလေးကို တစ်ညတာမှာ အနည်းဆုံး အိပ်ချိန် ၈ နာရီရှိအောင်ထားပေးပါ။ အာဟာရပြည့်ဝအောင်ကျွေးပါ - ကလေးကို နေ့တိုင်း အစားအစာပြင်ဆင်ပေးတဲ့အခါ အာဟာရပြည့်ဝအောင်ဂရုစိုက်ပါ။ ထမင်း၊ အသား၊ ငါး၊ အသီးအရွက်တွေကို လုံလောက်ပြည့်ဝအောင် ပြင်ဆင်ပေးပါ။ ဒီလိုပြင်ဆင်ပေးတာက […]

သင့်ကလေးဟာ မွေးစမှာဦးနှောက်ဆဲလ်ပေါင်း တစ်ရာဘီလီယံပါပြီး ဒါဟာ နဂါးငွေ့တန်းက ကြယ်တွေအရေအတွက်လောက်ကိုများပါတယ်။ မွေးပြီး ပထမတစ်နှစ်အတွင်းမှာ ဘီလီယံကနေ ထရီလီယံလောက်ထိကို ဦးနှောက်ဆဲလ် ဆက်သွယ်ချက်တွေ ပွားများလာတတ်ပါတယ်။ ဒါပေမယ့် ချွင်းချက်တော့ရှိပါတယ်။ လူသားဦးနှောက်ရဲ့ အခြေခံမူက သုံးရင်သုံး မသုံးရင်ဆုံးရှုံးမယ် ၊ အင်္ဂလိပ်လိုဆိုရရင် use it or loose it ဖြစ်ပါတယ်။ ဆိုလိုတာက ငယ်စဉ်ကတည်းက ဦးနှောက်ဆဲလ်တွေပွားများချိတ်ဆက်ဖို့ လုံလောက်တဲ့လှုံ့ဆော်မှုတွေပေးရင်ပေး၊ မပေးရင် ကလေးတစ်ယောက်ဟာ ဥာဏ်ကောင်းဖို့ ကြီးလာမှ လုပ်ယူလို့မလွယ်တော့ဘူး ဆိုတာပါပဲ။ ကလေးတစ်ယောက်ကို ချစ်ခြင်းမေတ္တာအပြည့်အ၀အပြင် လိုအပ်တဲ့ ဘာသာစကားဆိုင်ရာအတွေ့အကြုံတွေကို သင့်တော်မှန်ကန်စွာပေးလိုက်တဲ့အခါ ကလေးရဲ့ ဦးနှောက်ဆဲလ်တွေဆက်သွယ်ချိတ်ဆက်မှုအားကောင်းလာပြီး ကျိူးကြောင်းဆင်ခြင်နိုင်မှု၊ စီမံခန့်ခွဲတတ်မှု၊ ပူးပေါင်းဆောင်ရွက်နိုင်စွမ်း၊ ဘာသာစကားတွေကိုနားလည်သင်ယူနိုင်စွမ်းတွေဟာ တကယ့်ပညာသင်ကြားရေးစနစ်မစတင်ခင်ကတည်းက အဆင်သင့်ပြင်ထားပြီးသားဖြစ်စေပါတယ်။  (၁) မမွေးခင် ဗိုက်ထဲမှာကတည်းကစတင်ပါ။ ကိုယ်၀န်ဆောင်စဉ်မှာ ကျန်းမာအောင်နေပါ။ ကျန်းမာစေတဲ့ နေထိုင်စားသောက်မှုပုံစံကို မွေးယူပါ။ တချို့သောဆေးဝါးအပါအ၀င် […]

မိဘဖြစ်ခြင်းရဲ့ နောက်ဆက်တွဲအနေနဲ့ မဖြစ်မနေ ရင်ဆိုင်ရမှာကတော့ ကိုယ့်ကလေးကို စည်းကမ်းတကျဘယ်လိုပြုစုပျိူးထောင်မလဲဆိုတာပါပဲ။မိဘတွေဟာ ရိုက်နှက်ဆိုဆုံးမခြင်းဆိုတဲ့အလေ့ကို ရာစုနှစ်ပေါင်းများစွာကြာအောင် ကျင့်သုံးခဲ့ကြပါတယ်။ ဒါပေမယ့် စနစ်တကျ ခိုင်ခိုင်မာမာလုပ်ထားတဲ့ သုတေသနပေါင်းမြောက်မြားစွာရဲ့ အဖြေကတော့ ရိုက်နှက်ခြင်းဟာ အရိုက်ခံရသူ ကလေးရဲ့ စိတ်ပိုင်းဆိုင်ရာရော ရုပ်ပိုင်းဆိုင်ရာကိုပါ ဆိုးဆိုးဝါးဝါးထိခိုက်စေပြီး ကောင်းကျိူးထက်ဆိုးကျိူးကသာ အဆမတန်ပိုများစေတယ်ဆိုတာပါပဲ။ မိဘတွေက ဘာကြောင့်ကလေးတွေကို ရိုက်တာလဲ အကြောင်းအရင်းအမျိူးမျိူးရှိနိုင်ပေမယ့် အဖြစ်အများဆုံးက မိဘတွေဟာ အတွေ့အကြုံနုနယ်သေးတဲ့ ကလေးကို ပြုပြင်ပေးဖို့ကြိုးစားပေးရင်း မောပန်းစိတ်ပျက်လာတဲ့အခါ နောက်ဆုံးအနေနဲ့ ရိုက်နှက်တဲ့နည်းပဲကျန်တော့တယ်လို့ ယူဆပြီး သူတို့ကလေးကို ပထမဆုံးအနေနဲ့ရိုက်မိပါတယ်။ ဒါပေမယ့် ဒီမှာတင်မရပ်ပါဘူး။ ဒါဟာ နောက်ပိုင်းမှာ မိဘတွေအတွက်အကျင့်ဖြစ်သွားပြီး ကလေးတစ်ခုခုအမှားလုပ်မိတာနဲ့ တခြားနည်းမသုံးတော့ပဲ ခွန်အားသုံးရိုက်နှက်ခြင်းကိုပဲ အလွယ်တကူလုပ်လာပါတော့တယ်။ တချို့သောမိဘတွေကတော့ သူတို့ရဲ့ဒေါသနဲ့ အကြောက်တရားကို ဖြေဖျောက်ဖို့အတွက် ရိုက်နှက်တတ်ကြပြီး ဒါဟာ နောက်ပိုင်းမှာပုံမှန်လုပ်နေကျအကျင့်တစ်ခုဖြစ်လာပါတော့တယ်။ ရိုက်နှက်ခြင်းရဲ့နောက်ဆက်တွဲတွေ ကလေးတစ်ယောက်ကိုရိုက်လိုက်တာဟာ ဘာကောင်းကျိူးမှရှိမလာဘဲ ဆိုးကျိုးသာကြုံရနိုင်တယ်ဆိုတာ အောက်ဖော်ပြပါ […]

ကိုယ်ရဲ့ရင်သွေးလေးကို ဉာဏ်ကောင်းပျော်ရွှင်တဲ့ကလေးတစ်ယောက်အဖြစ်ကြီးပြင်းလာစေချင်တဲ့ ဆန္ဒမိဘတိုင်းမှာရှိမှာပါ။ ဒီလိုဖြစ်စေဖို့က မိဘတွေအနေနဲ့ သေချာလေးပျိုးထောင်ပေးဖို့လည်း လိုပါမယ်။ ဒီတော့ ကလေးကို ဉာဏ်ကောင်းပျော် ရွှင်စေဖို့ ဘယ်အချက်လေးတွေကို လုပ်ဆောင်ပေးသင့်လဲဆိုတာကို ဒီဆောင်းပါးလေးထဲမှာ ပြောပြပေးပါရစေ။ ကလေးတစ်ယောက် ဉာဏ်ကောင်းပျော်ရွှင်စွာကြီးပြင်းစေဖို့ ကိုးလလွယ်လို့ ဆယ်လဖွားထားရတဲ့ ကိုယ့်ရင်သွေးလေးကို ဉာဏ်ကောင်းပျော်ရွှင်စွာကြီးပြင်းစေဖို့ဆိုရင် အစားအသောက်ကိုဂရုစိုက်ဖို့လိုသလို နေ့စဉ်လုပ်ဆောင်မှုလေးတွေကိုပါ သေချာလေးဂရုစိုက်ပေးဖို့လိုပါမယ်။ ဘာတွေလုပ်ဆောင်ပေးရမလဲ….. ကိုယ်လက်လှုပ်ရှားမှုလုပ်စေပါ - ကလေးကို ကိုယ်လက်လှုပ်ရှားမှုလုပ်စေတာက ကိုယ်ခံအားကောင်းစေနိုင်သလို အကောင်းဆုံးကြီးထွားဖွံ့ဖြိုးစေပြီး ဦးနှောက်နဲ့ ဉာဏ်ရည်ဖွံ့ဖြိုးတိုးတက်စေဖို့လည်း အကောင်းဆုံးထောက်ပံ့ပေးနိုင်မှာပါ။ ကလေးကို အလေးထားဆက်ဆံပေးပါ - ကလေးကို ငယ်စဉ်မှာကတည်းက အလေးထားဆက်ဆံပေးတာက ကိုယ့်ကိုယ်ကို ယုံကြည်ချက်ပြည့်ဝပြီး ဉာဏ်ရည်ဉာဏ်သွေးထက်မြက်တဲ့ ကလေးတစ်ယောက်အဖြစ်ကြီးပြင်းလာစေမှာပါ။ ကလေးကို ကိုယ်ပိုင်အချိန်လေးပေးပါ - လူကြီးတွေပဲ တစ်ယောက်တည်းတွေးနေဖို့ အချိန်လိုအပ်တာမဟုတ်ပါဘူး။ ဘေဘီလေးတွေမှာလည်း သူတို့ရဲ့ စိတ်ကူးအတွေးတွေကို ဖြန့်ကြတ်ဖို့နဲ့ စိတ်ဝင်စားရာတွေကို လုပ်ဆောင်နိုင်စေဖို့ ကိုယ်ပိုင်ချိန်လေးလိုအပ်ပါတယ်။ ဒါကြောင့် ကလေးက ဦးနှောက်ကို အလုပ်ပေးပြီး […]

ကလေးတွေအတွက် မနက်စာ၊ နေ့လယ်စာ၊ ညစာ ပြင်ဆင်ပေးတဲ့ အခါမှာ အခုဖော်ပြထားတဲ့ အစားအစာလေးတွေ ထည့်ပေးဖို့ လိုအပ်ပါတယ်။ ၁။ ဆော်လမွန် ငါး - ဆော်လမွန်ငါးမှာ Omega 3 fatty acid တွေဖြစ်တဲ့ ဦးနှောက်ဖွံ့ဖြိုးမှု နှင့် မှတ်ဉာဏ် စွမ်းအား အတွက် မရှိမဖြစ်လိုအပ်တဲ့ EPA နှင့် DHA ပါဝင်ပါတယ်။ ကလေးတွေ က ငါးဆိုရင် ဒီတိုင်း ကျွေးရင် မစားချင်ကြပါဘူး။ ဒါကြောင့် sandwich လို လုပ်ပြီး ကျွေးတာမျိုး လုပ်ပေးရင်တော့ ပိုကြိုက်ကြပါလိမ့်မယ်။ တချို့ ကလေးတွေက ဆော်လမွန် မကြိုက်ဘူးဆိုရင်တော့ တူနာငါးကျွေးလို့လည်းရပါတယ်။ ဒါပေမယ့် ဆီသွပ်ဘူးတွေ မှာပါတဲ့ တူနာကတော့ အသားချည်းပဲပါပြီး ငါးအဆီ မပါတဲ့အတွက် omega […]

တခြားကလေးတွေနဲ့ ယှဉ်လိုက်ရင် ကိုယ့်ရဲ့ကလေးက ဘာလို့ပိန်ပြီး အရပ်ပုပုလေးဖြစ်နေလဲဆိုတာ မေမေတို့ တွေးဖူးကြမှာပါ။ တကယ်တော့ ကလေးတစ်ယောက်က ကျန်းကျန်းမာမာ ပြည့်ပြည့်ဖြိုးဖြိုးနဲ့ ကြီးပြင်းလာဖို့ဆိုတဲ့နေရာမှာ နေ့စဉ်စားသုံးနေတဲ့ အစာအာဟာရသည် အလွန်အရေးကြီးတဲ့အရာတစ်ခုဖြစ်ပါတယ်။ ဗိုက်ဝရင်ပြီးရောဆိုပြီး ကလေးတွေကို သူတို့ကြိုက်တာတွေပဲ ကျွေးနေမိတဲ့အခါ ဗိုက်ကတော့ ပြည့်သွားပါရဲ့၊ လိုအပ်တဲ့အာဟာရဓါတ်တွေကို ကိုယ်ခန္ဓါက မရတော့တဲ့အခါ ကလေးက ပိန်ပြီးညှက်သွားတော့တာပေါ့။ ဒါတင်မကပါဘူး၊ အာဟာရဓါတ်တွေ ချို့တဲ့စွာနဲ့ ကြီးပြင်းလာတဲ့ကလေးတစ်ယောက်က ရုပ်ပိုင်းဆိုင်ရာမှာရော စိတ်ပိုင်းဆိုင်ရာမှာပါ ချို့ယွင်းမှုတွေ အများအပြားနဲ့ ရင်ဆိုင်ရနိုင်ပါတယ်။ ကလေးတစ်ယောက် ကောင်းကောင်းကြီးထွားနိုင်ဖို့ ဘယ်လိုအာဟာရဓါတ်တွေ လိုအပ်လဲ။ ကိုယ်ခန္ဓါကြီးထွားဖွံ့ဖြိုးစေဖို့နဲ့ အရပ်ရှည်ထွက်လာစေဖို့ ပရိုတင်းလို့ ခေါ်တဲ့ အသားဓါတ်၊ တစ်နေ့တာကုန်ဆုံးသွားတဲ့ စွမ်းအင်တွေကို ပြန်လည်ဖြည့်ပေးဖို့ ကာဗိုဟိုက်ဒြိတ်လို့ခေါ်တဲ့ ကစီဓါတ်၊ ဗီတာမင်နဲ့ သတ္တုဓါတ်တွေ၊ အရိုးနဲ့ သွားကို သန်စွမ်းစေတဲ့ ကယ်လ်စီယမ်ဓါတ်တွေ မဖြစ်မနေလိုအပ်ပါတယ်။ ဒီအာဟာရဓါတ်တွေကို […]

ကလေးအရွယ်ဆိုတာ မကြာခဏဆိုသလိုပဲ အစားမှားတာကြောင့် ဝမ်းပျက်ဝမ်းလျှောဖြစ်ဖို့ အရမ်းလွယ်ပါတယ်။ ဒီလိုဝမ်းလျှောတဲ့အချိန်ဆို မိဘတွေလည်း ဒုက္ခရောက်ရတယ်၊ ဆေးခန်းတွေလိုက်ပြရတယ်။ ကလေးတွေလည်း ဝမ်းခဏခဏသွားရ၊ ကျောင်းပျက်ရ၊ ဆေးသောက်ရ၊ အစားကလည်း ကောင်းကောင်းမစားနိုင်ဘဲ ခံတွင်းပျက်ရတာနဲ့ တကယ့်ကို ဒုက္ခတစ်မျိုးပါ။ ဒီတော့ မကြာခဏ ဝမ်းပျက်တတ်တဲ့ကလေးကို ဘာကျွေးရမလဲ ဆိုပြီး စဉ်းစားနေတာလား မေမေ ...... ဒီဆောင်းပါးမှာ မကြာခဏဝမ်းပျက်တတ်တဲ့ ကလေးတွေအတွက် ဘယ်လိုအစားအစာတွေကို အဓိကကျွေးသင့်လဲဆိုတာကို ပြောပြပေးမှာဖြစ်လို့ မိဘတွေလည်း သားသမီးကျန်းမာရေးအတွက် သေချာလိုက်မှတ်ထားစေချင်ပါတယ်နော်။ မကြာခဏ ဝမ်းပျက်တတ်တဲ့ကလေးကို ဘာကျွေးရမလဲ မကြာခဏ ဝမ်းပျက်တတ်တဲ့ကလေးကို ဘာကျွေးရမလဲ ဆိုတာ အတူတူ ကြည့်လိုက်ရအောင်နော်။ ၁။ အရည်များများတိုက်ပေးပါ။ ကလေးက ဝမ်းလျှောတတ်တာဆိုပြီး မိဘတွေတော်တော်များများ လုပ်တတ်တဲ့ အမှားက အမာစာတွေပဲ ကျွေးလိုက်တာပါ။ တကယ်တော့ ဝမ်းလျှောနေတဲ့အချိန်မှာ ကလေးက ဝမ်းအပျော့တွေ၊ အရည်ဝမ်းတွေ သွားလိုက်တာဖြစ်လို့ ဝေဒနာသက်သာသွားတဲ့အခါ […]