သွား နှင့် ခံတွင်းကျန်းမာရေး

အဓိပ္ပါယ်ဖွင့်ဆိုချက်Amygdalitis (အာသီရောင်ခြင်း) ကဘာလဲ။ လည်ချောင်းအနောက်ပိုင်းမှာ တစ်ဖက်တစ်ချက်စီမှာရှိနေတဲ့ ဘဲဥပုံတစ်သျှူးလေးနှစ်ခုဖြစ်တဲ့ အာသီးရောင်ခြင်းဖြစ်တယ်။ Amygdalitis (အာသီရောင်ခြင်း) က ဘယ်လောက်အဖြစ်များသလဲ အလွန်ကိုအဖြစ်များပါတယ်။ အသက်အရွယ်မရွေးဖြစ်နိုင်တယ်။ ဖြစ်နိုင်ချေရှိတဲ့ အချက်တွေကိုရှောင်ခြင်းဖြင့် လျှော့ချနိုင်ပါတယ်။ ဆရာဝန်နဲ့သေချာဆွေးနွေးတိုင်ပင်ကြည့်နိုင်ပါတယ်။ လက္ခဏာများAmygdalitis (အာသီရောင်ခြင်း) ရဲ့လက္ခဏာတွေကဘာတွေလဲ တွေ့ရအများဆုံးလက္ခဏာတွေကတော့- အာသီးနီရဲရောင်ရမ်းခြင်း အာသီးပေါ်တွင်အဖြူရောင်၊ အဝါရောင် အကွက်များပေါ်ခြင်း လည်ချောင်းနာခြင်း မျိုရခက်ခြင်း ဖျားခြင်း လည်ပင်းတွင်အကျိတ်များ၊ အဖုများပေါ်ခြင်း ခံတွင်းအနံ့ဆိုးခြင်း အသံဝင်ခြင်း၊ ပျောက်ခြင်း၊ ပြောင်းခြင်း ဗိုက်အောင့်ခြင်း (များသောအားဖြင့် ကလေးများတွင်) လည်ပင်းတောင့်တင်းခြင်း ခေါင်းကိုက်ခြင်း ခံစားမှုတွေ၊ လက္ခဏာတွေကိုဖော်ပြတတ်သေးတဲ့ ကလေးငယ်လေးတွေမှာဆိုရင်တော့ မျိုရခက်ခြင်းကြောင့် သွားရည်များကျနေတတ်ပါတယ်၊ စားသောက်ဖို့ငြင်းဆန်တတ်ပြီး ပုံမှန်ဟုတ်ဂျီကျနေတတ်ပါတယ်။ နောက်ထပ်လက္ခဏာတွေလည်းရှိနိုင်သေးတာကြောင့် အသေးစိတ်သိလိုပါက ဆရာဝန်နဲ့မေးမြန်းတိုင်ပင်နိုင်ပါတယ် ဘယ်အချိန်မှာ ဆရာဝန်နဲ့ သွားရောက်တွေ့ဆုံသင့်သလဲ အောက်ပါလက္ခဏာများဖြစ်လာပါက ဆရာဝန်ပြသင့်ပါတယ်။ တစ်ရက် နှစ်ရက်အတွင်း လည်ချောင်းနာခြင်းမသက်သာပါက မျိုရခက်လျှင် အလွန်အမင်း ပင်ပန်းနွယ်နယ်နေပါက တကယ်လို့ကလေးငယ်လေးမှာ- အသက်ရှူခက်လျှင် မျိုရခက်လျှင် သွားရည်ကျနေလျှင် ဆရာဝန်ထံခေါ်သွားပါ။     အကြောင်းရင်းများAmygdalitis (အာသီရောင်ခြင်း) ကိုဘာတွေကဖြစ်စေသလဲ ဗိုင်းရပ်စ်ကြောင့်အဖြစ်များပြီး ဘတ်တီးရီးယားတွေကြောင့်လည်း ဖြစ်နိုင်ပါတယ်။ အဖြစ်များဆုံးဘတ်တီးရီးယားကတော့ Streptococcus pyogenes (group A streptococcus) ဖြစ်ပြီး တခြားဘတ်တီးရီးယားတွေကြောင့်လည်းဖြစ်နိုင်ပါသေးတယ်။ အာသီးတွေဟာ ဝင်လာတဲ့ ဘတ်တီးရီးယားနဲ့ ဗိုင်းရပ်စ်တွေကို ပထမဆုံးကာကွယ်တိုက်ခိုက်ပေးတဲ့ အရာတွေဖြစ်တယ်။ ဒါကြောင့် ရောဂါပိုးဝင်ခြင်း၊ ရောင်ရမ်းခြင်းတွေအဖြစ်များခြင်းဖြစ်တယ။် […]

အဓိပ္ပါယ်ဖွင့်ဆိုချက်Dental Caries (သွားပိုးစားခြင်း) ကဘာလဲ။ သွားမှာအခေါင်းပေါက်များဖြစ်ပေါ်ခြင်းပါ။ ဘတ်တီးရီးယားပိုးများကြောင့်ဖြစ်ပြီး သွားပိုးစားခြင်းဟာ ကမ္ဘာ့အဖြစ်အများဆုံး ကျန်းမာရေးအခြေအနေတွေထဲက တစ်ခုဖြစ်ပါတယ်။ မကုသပါက ပိုးပေါက်များပိုကြီးလာပြီး သွားအတွင်းလွှာများအထိ ထိခိုက်သွားနိုင်ပါတယ်။ သွားကိုက်ခြင်း၊ ပိုးဝင်ခြင်း၊ နှင့် နောက်ဆုံး သွားနှုတ်ရခြင်းထိ ဖြစ်နိုင်ပါတယ် ။ Dental Caries (သွားပိုးစားခြင်း) က ဘယ်လောက်အဖြစ်များသလဲ အလွန်တရာကိုအဖြစ်များပါတယ်။ ကလေးငယ်များ၊ ဆယ်ကျော်သက်များနဲ့ အသက်ကြီးသူများမှာ အဖြစ်များပြီး ဖြစ်နိုင်ချေရှိသောအချက်များကိုလျှော့ချခြင်းဖြင့် ထိန်းသိမ်းနိုင်ပါတယ်။ နောက်ထပ်အချက်အလက်များအတွက် ဆရာဝန်နှင့်ဆွေးနွေးနိုင်ပါတယ်။ လက္ခဏာများDental Caries (သွားပိုးစားခြင်း) ရဲ့လက္ခဏာတွေကဘာတွေလဲ သွားကိုက်ခြင်း သွားကျင်ခြင်း အချို၊ အပူ၊ အအေးစာများ စားလျှင် စူးရှစွာနာကျင်ခြင်း သွားတွင်အပေါက်များဖြစ်ခြင်း သွားမျက်နှာပြင်ပေါ်တွင် အညိုရောင်၊ အမည်းရောင်၊ အဖြူရောင်များထင်ခြင်း ဝါးလျှင်၊ ကိုက်လျှင်နာကျင်ခြင်း နောက်ထပ်လက္ခဏာတွေလည်းရှိနိုင်သေးတာကြောင့် အသေးစိတ်သိလိုပါက ဆရာဝန်နဲ့မေးမြန်းတိုင်ပင်နိုင်ပါတယ်။ ဘယ်အချိန်မှာ ဆရာဝန်နဲ့ သွားရောက်တွေ့ဆုံသင့်သလဲ တကယ်လို့- ဖျားမယ်၊ မခံနိုင်အောင်သွားနာမယ် ခံတွင်းအနံ့ထွက်လာမယ် ဆိုရင်တော့ ဆရာဝန်ပြသင့်ပါပြီ။ အကြောင်းရင်းများDental Caries (သွားပိုးစားခြင်း) ကိုဘာတွေကဖြစ်စေသလဲ ပါးစပ်တွင်းဘတ်တီးရီးယားပိုးဝင်ခြင်းနှင့် အစားအစာတွေ သကြားဓါတ်အလွန်အကျွံပါခြင်း စသည်ဖြင့် […]

အသီးဖျော်ရည်တွေက သင့်သွားတွေကို ပျက်စီးစေသလား ကျန်းမာရေးအထောက်အကူပြု သစ်သီးဖျော်ရည်တွေဟာ အခုနောက်ပိုင်း ဟော့ဖြစ်နေပြီး အသောက်များလာကြပါတယ်။ ဒီသစ်သီးဖျော်ရည်တွေကို နေ့စဉ်သောက်ခြင်းဟာ ကိုယ်အလေးချိန်ကျစေတယ်ဆိုပေမယ့် သွားနဲ့ခံတွင်းဆိုင်ရာ ပြဿနာတွေကိုလည်း ဖြစ်စေတယ်လို့ London Smiling သွားနဲ့ခံတွင်းအဖွဲ့အစည်းက သွားဆရာဝန် Dr Uchenna Okoye က ဆိုပါတယ်။ အဆိုပါ သစ်သီးဖျော်ရည်တွေဟာ သင့်ကို ပိန်သွယ်စေရုံသာမက ခန္ဓါကိုယ်ထဲမှာရှိတဲ့ အဆိပ်အတောက်တွေကို ဖယ်ရှားပေးနိုင်တဲ့အပြင် နှင်းခူလိုမျိုး အရေပြားရောဂါတွေကိုတောင် ကုသပေးနိုင်တယ်လို့ ဆိုပါတယ်။ ဒါ့အပြင် အဆိုပါ ကျန်းမာရေးအထောက်အကူပြု သစ်သီးဖျော်ရည်တွေဟာ သစ်သီးနဲ့ ဟင်းသီးဟင်းရွက်တွေ စားသုံးမှုကို တဖက်တလမ်းက များပြားစေတဲ့အတွက် ဗီတာမင်ဓါတ်ချို့တဲ့မှုကို လျှော့ချပေးနိုင်တဲ့အပြင် အမျှင်ဓါတ်ရရှိမှုကိုလည်း များပြားစေတာကြောင့် အစာကြေဝမ်းမှန်စေတယ်လို့လည်း ဖျော်ရည်ပရိသတ်တွေက ပြောပါတယ်။ သစ်သီးဖျော်ရည်တွေဟာ ချိုလွန်းသလို အက်ဆစ်ဓါတ်လည်း ကဲလွန်းတယ်။ သစ်သီးတွေမှာ ပါဝင်တဲ့ သကြားအချိုဓါတ်ဟာ သဘာဝအလျောက် ပါဝင်နေတာဖြစ်လို့ အဆိုပါ သကြားဓါတ်ကို […]

သွားတိုက်ဆေးအခွံမှာ ပါတဲ့ အရောင်တွေနဲ့ မှတ်သားထားတဲ့ လေးထောင့်ပုံသင်္ကေတလေးက အထဲမှာပါဝင်တဲ့ ပစ္စည်းတွေကို ဖော်ပြနေတာမဟုတ်ပါဘူး။ သွားတိုက်ဆေးဝယ်ရင်း အခွံအောက်ခြေက အရောင်ပါတဲ့ သင်္ကေတလေးကို သေချာကြည့်ရင် တွေ့နိုင်ပါတယ်။ ဒါက ဘာကိုရည်ညွှန်းလဲဆိုတာ သင်သိရင်တော့ အံသြသွားပါလိမ့်မယ်။ ဒီအရောင်ပါတဲ့ သင်္ကေတအမှတ်အသားလေးက အထဲမှာ ပါဝင်တဲ့အရာတွေကို ရည်ညွှန်းတယ်ဆိုပြီး လွဲမှားစွာ နားလည်နေကြပါတယ်။ ဒီဟာလေးက အထဲမှာပါတဲ့အရာတွေ ဥပမာ - ဓါတုပစ္စည်း ၊ သဘာဝပစ္စည်း ၊ ဆေးဘက်ဆိုင်ရာ စသည်ဖြင့်ဖော်ပြနေတယ်လို့ ထင်နေကြတာပါ။ ဒီအချက်အလက်တွေက တကယ်တမ်းတော့ သိပ်ရှင်းလင်းမှုမရှိဘဲ အသုံးမဝင်နိုင်ပါဘူး။ ဘာလို့လဲဆိုတော့ သဘာဝပစ္စည်းများသာ ပါသည်လို့ ပြထားပေမယ့် ဓါတုပစ္စည်းတွေလည်း ပါနေနိုင်ပါတယ်။ နောက်ပြီး ဆေးဘက်ဆိုင်ရာတွေ ပါဝင်တယ်ဆိုတာလည်း သိပ်ပြီး တိကျမှုမရှိပါဘူး။ ဟုတ်ပါတယ် ဒီအရောင်အမှတ်အသားလေးက အထဲမှာပါတဲ့အရာတွေကို ရည်ညွှန်းတာ မဟုတ်ပါဘူး။ ဒါလေးက […]

အဓိပ္ပါယ်ဖွင့်ဆိုချက်Wisdom Teeth (အံဆုံးသွား) ကဘာလဲ။ အပေါ်မေးရိုး၊ အောက်မေးရိုးရဲ့ အနောက်ဘက်မှာပေါက်နေတဲ့ မညီမညာဖြစ်နေတဲ့ တတိယမြောက်အံသွား အထက်အောက် ဘယ်ညာလေးချောင်း ဖြစ်ပါတယ်။ ဆယ်ကျော်သက်နှောင်းပိုင်း (သို့) နှစ်ဆယ်ကျော်စအရွယ်မှာမှ ပေါက်လာလေ့ရှိတဲ့ နောက်ဆုံးသွားအစုံပဲဖြစ်ပါတယ်။ အံဆုံးသွားတွေရဲ့အနေအထား မမှန်မှု အမျိုးမျိုးရှိပါတယ။် ဘေးဘက်ကို ၉၀ဒီဂရီစောင်းနေခြင်း၊ ဒုတိယမြောက်အံသွားနဲ့ ထောင့်ချိုးအနေအထား၊ အတွင်းဘက်ကိုထွက်နေခြင်း ၊ အပြင်ဘက်ကိုထွက်နေခြင်း စသည်ဖြင့်ဖြစ်နိုင်ပါတယ်။ ဒီလိုအနေအထားမမှန်မှုတွေကြောင့် သွားထပ်ခြင်း၊ ကပ်လျက်ရှိတဲ့သွားတွေနဲ့ အာရုံေ ကြာ (သို့) မေးရိုးတစ်ခုလုံးထိခိုက်မိခြင်းတွေ ဖြစ်နိုင်ပါတယ်။   Wisdom Teeth (အံဆုံးသွား) က ဘယ်လောက်အဖြစ်များသလဲ။ အတွေ့ရများပါတယ်။ အသက်၁၇ နဲ့ ၂၁နှစ်အတွင်းမှာ စပေါက်လေ့ရှိပါတယ်။ အံဆုံးသွားပေါက်ခြင်းကြောင့် ရလာနိုင်တဲ့ပြဿနာတွေကို ဖြစ်စေနိုင်တဲ့အကြောင်းရင်းတွေကို ရှောင်ရှားခြင်းဖြင့် ကာကွယ်နိုင်ပါတယ်။ အသေးစိတ်သိလိုတယ်ဆိုရင်တော့ ဆရာဝန်နဲ့သွားပြသင့်ပါတယ်။   လက္ခဏာများWisdom Teeth (အံဆုံးသွား) ရဲ့လက္ခဏာတွေကဘာတွေလဲ။ အတွေ့ရများတဲ့လက္ခဏာတွေကတော့ အံဆုံး သွားဖုံးကို ပေါက်မထွက်နိုင်ခြင်းကြောင့် မေးရိုးနာခြင်း၊ […]

ခံတွင်းအနံ့ဆိုးခြင်းဟာ ခံစားရသောသူတွေအတွက် သက်တောင့်သက်သာမဖြစ်စေတာထက်ပိုတဲ့အကြောင်းအရင်းတွေရှိနေပါသေးတယ်။ ဒီလို ခံတွင်းအနံ့ဆိုးခြင်းဟာပုန်းကွယ်နေတဲ့ရောဂါဝေဒနာတွေကို ဖော်ပြပေးနိုင်တဲ့ လက္ခဏာတစ်ခုလည်းဖြစ်ပါတယ်။ ဤဆောင်းပါးတွင် ခံတွင်းအနံ့ဆိုးခြင်းက သင့်ကျန်းမာရေးအခြေအနေကို ဘယ်လိုညွှန်ပြနိုင်သလဲဆိုတဲ့ အချက်အလက်တွေပြောပြပေးမှာဖြစ်ပါတယ်။   အသက်ရှူလမ်းကြောင်းဆိုင်ရာ ကူးစက်ရောဂါများ ဖြစ်လေ့ဖြစ်ထရှိတဲ့ အသက်ရှုလမ်းကြောင်းဆိုင်ရာ ကူးစက်ရောဂါများ (ဥပမာ- အအေးမိခြင်းနှင့် နှာပိတ်ခြင်း) ဟာ သင့်ခံတွင်းအနံ့ဆိုးစေတဲ့ (သို့) ပုံမှန်မဖြစ်စေတဲ့ အကြောင်းအရင်းတစ်ခုဖြစ်ပါတယ်။ အအေးမိ၊ နှာပိတ်နေစဉ်မှာ နှာခေါင်းထဲရှိ ဘက်တီးရီးယားပိုးမွှားများ ပါဝင်တဲ့ နှာရည်ဟာ လည်ချောင်းထဲကို အဆက်မပြတ်စီးဝင်နေတဲ့အတွက် ခံတွင်းအနံ့ဆိုးခြင်းကို ဖြစ်ပေါ်စေပါတယ်။   အာခြောက်ခြင်း အာခြောက်ခြင်းဟာ တံထွေးထုတ်ပေးသောအရည်အိတ်များ ပုံမှန်အလုပ်မလုပ်ဘဲ ခံတွင်းအနံ့ဆိုးခြင်းကို ဖြစ်စေတဲ့ အခြေအနေတစ်ရပ်ဖြစ်ပါတယ်။ သင့်ခံတွင်းအနံ့ကို အာရုံခံခြင်းဖြင့် သင့်အာခေါင်ခြောက်မခြောက် ဆိုတာကို စစ်ဆေးလို့ရပါတယ်။ အကယ်၍ ခံတွင်းအနံ့ဆိုးနေပြီဆိုရင်တော့ အာခြောက်ခြင်းရောဂါရှိနေနိုင်ကြောင်း သိရှိရပါတယ်။   ဆီးချိုသွေးချိုရောဂါ အံ့သြစရာကောင်းလောက်အောင် သင့်ခံတွင်းအနံ့မှတစ်ဆင့် သင့်မှာဆီးချိုသွေးချိုရောဂါ ရှိမရှိ သိရှိနိုင်ပါတယ်။ ခံတွင်းမှာ သစ်သီးကဲ့သို့ ရနံ့ရှိနေတယ်ဆိုရင် သင့်မှာ […]

ခံတွင်းသန့်ရှင်းမှုမရှိခြင်းဟာ ဆီးချိုသွေးချို၊ နှလုံးရောဂါ၊ကိုယ်ဝန်သည် နောက်ဆက်တွဲပြဿနာများ၊သွားပိုးစားခြင်း၊ သွားဖုံးဆိုင်ရာရောဂါများအစရှိသည်တို့နှင့် ဆက်စပ်နေတဲ့အတွက် သင့်သွားများကို အစဉ်အမြဲ ဂရုတစိုက်ထိန်းသိမ်းသင့်ပါတယ်။ ခံတွင်းသန့်ရှင်းမှုရှိတဲ့သူတွေဟာ မိမိကိုယ်ကိုယုံကြည်မှုပိုရှိပြီး ချိုမြသောအပြုံး၊ ဖြူဖွေးသောသွားများနှင့် သန့်ရှင်းလတ်ဆတ်သော ခံတွင်းရနံ့နှင့်အခြားသူများကို ထက်မြက်တဲ့အသွင်ကို ပြသနိုင်ကြပါတယ်။ ဒါပေမယ့် တစ်နေ့နှစ်ကြိမ်သွားတိုက်ရုံ တစ်နေ့တစ်ကြိမ် သွားသန့်ရှင်းရေးပြုလုပ်ရုံနှင့် သင့်သွားများကိုကျန်းမာကြံ့ခိုင်စေဖို့ လုံလောက်ပြီဟု သင်ထင်နေပါသလား။ ဤဆောင်းပါးတွင် ကျန်းမာကြံ့ခိုင်သောသွားများကို ပိုင်ဆိုင်နိုင်ရန် အတွက်လွယ်ကူရိုးရှင်းတဲ့နည်းလမ်း (၅) သွယ်ကိုဖော်ပြလိုက်ပါတယ်။ ၁။ သွားပွတ်တံကို သန့်ရှင်းစင်ကြယ်စွာထားပါ။ သွားပွတ်တံကို သန့်ရှင်းစင်ကြယ်အောင်ထားဖို့အတွက် မိမိနှင့်လိုက်ဖက်ညီပြီး သက်တောင့်သက်သာရှိမယ့် သွားပွတ်တံကိုရွေးချယ်တတ်ဖို့ အရေးကြီးပါတယ်။ သွားပွတ်တံဟာ ဘက်တီးရီးယားပိုးမွှားများနေဖို့နှင့် ပေါက်ပွားဖို့ သင့်တော်တဲ့နေရာဖြစ်တဲ့အတွက် လျစ်လျူရှုလို့မရပါ။ သွားတိုက်ပြီးတဲ့အချိန်တိုင်း သွားပွတ်တံကိုရေနှင့် သေချာစွာဆေးပြီးလေသလပ်ခံထားပါ။ သွားပွတ်တံမွေးများကို အပေါ်ထောင်ပြီး တည့်တည့်ထားခြင်းဖြင့် သင့်သွားပွတ်တံကိုတစ်နေ့တာလုံးခြောက်သွေ့စေတဲ့အတွက် အန္တရာယ်ပေးနိုင်တဲ့ ပိုးမွှားများကပ်ညှိမှာ မစိုးရိမ်ရတော့ပါ။ အမေရိကန် သွားဘက်ဆိုင်ရာအဖွဲ့အစည်းရဲ့ သုံးသပ်ချက်အရအရွယ်ရောက်ပြီးသူတိုင်းဟာသွားပွတ်တံကိုသုံးလ (သို့) လေးလတစ်ကြိမ် […]

မိမိတို့ရဲ့ ခံတွင်းကျန်းမာရေးကို ဂရုစိုက်ဖို့အတွက် သွားပွတ်တံကို နေ့စဉ်နှင့်အမျှ အသုံးပြုကြပါတယ်။ ဒါပေမယ့် သွားပွတ်တံမှာ သင်မသိသေးသော အကျည်းတန်ကြောက်မက်ဖွယ် ကောင်းတဲ့အချက်တွေရှိနေပါတယ်။   သန်းပေါင်းများစွာသော ဘက်တီးရီးယားပိုးမွှားများဟာ ခံတွင်းအတွင်းမှာရှိပါတယ်။ ကြောက်မက်ဖွယ်ကောင်းပေမယ့်ဘယ်အချိန်ကြည့်ကြည့် သင့်ခံတွင်းအတွင်းမှာမျိုးစိတ်ပေါင်း၁၀၀- ၂၀၀ထိရှိသောဘက်တီးရီးယားပိုးမွှားများရှိနေပါတယ်။ သန့်ရှင်းရေးမလုပ်ရသေးတဲ့သင့်ခံတွင်းဟာ ရေချိုးခန်းမျက်နှာပြင်လိုပဲညစ်ပတ်နေနိုင်ပါတယ်။ ဒါတင်မကသေးပါဘူး။ သင်သွားပွတ်တံမှာလည်းStaphylococci နှင့် E.coliဘက်တီးရီးယားများအပါအဝင်သန်းပေါင်းများစွာသောဘက်တီးရီးယားပိုးမွှားများတည်ရှိနေနိုင်ပါတယ်။   သွားပွတ်တံပလစ်စတစ်အဖုံးဟာ သင်ထင်ထားသလို အကျိုးသက်ရောက်မှုမရှိပါ။ သွားတိုက်ပြီးတိုင်းသင့်သွားပွတ်တံကို အဖုံးဖုံးပါသလား။ ဒီလိုလုပ်ရင်တော့မှားယွင်းတဲ့အလေ့အကျင့်ဖြစ် ပါတယ်။ သွားပွတ်တံအဖုံးအသုံးပြုခြင်းဟာ သင့်သွားပွတ်တံကို ဖုန်မှုန့်များ ကပ်ညှိခြင်းမှ ကာကွယ်နိုင်တယ်လို့ သင်ထင်ကောင်းထင်မြင်နိုင်ပါတယ်။ ဒါပေမယ့် ဒီလိုပြုလုပ်ခြင်းဟာ ဘက်တီးရီးယားပိုးမွှားပေါက်ဖွားခြင်းကို ပိုမိုအားပေးပါတယ်။ ဒီလိုပဲ သွားပွတ်တံများကို တစ်နေရာတည်းစုဝေးထားခြင်းဟာ ဘက်တီးရီးယားပိုးမွှားပျံ့နှံ့ခြင်းကို ပိုမိုအားပေးပါတယ်။   ရေအိမ်နှင့်နီးရာမှာ သင့်သွားပွတ်တံကို မထားပါနှင့်။ အများစုသောရေချိုးခန်းများဟာ ကျဉ်းပါတယ်။ ဒါကြောင့် သွားပွတ်တံထားတဲ့နေရာဟာ ရေအိမ် (သို့) မျက်နှာသစ်ဘေစင်နှင့် နီးနေတတ်ပါတယ်။ ရေအိမ်ကို ရေဆွဲချတဲ့အခါမှာ ရေအိမ်ထဲရှိ ဘက်တီးရီးယားပိုးမွှား များဟာ […]

သင့်သွားတွေ ဝါကျင့်ကျင့်ဖြစ်နေပါသလား၊ ကွမ်းဂျိုးတွေကပ်ပြီး မည်းတူးနေပါသလား။ သွားအရောင်ဝါတာ၊ ညစ်တာ၊ မည်းတာ၊ နီရဲတာတွေဟာ အသက်အရွယ်အိုမင်းမှုကြောင့် ဖြစ်လာနိုင်သလို တချို့အစားအသောက်တွေ၊ အချိုရည်တွေကြောင့် ဒါမှမဟုတ် အာလုပ်ကျင်းတဲ့အရည်တွေကြောင့်တောင် ဖြစ်ပေါ်လာနိုင်ပါတယ် (ကွမ်းစားတာကတော့ ထိပ်ဆုံးကပါတာပေါ့)။ အောက်မှာဖော်ပြထားတဲ့အချက်လေးတွေကို လိုက်နာကျင့်သုံးမယ်ဆိုရင် သင့်သွားတွေကို ပိုမိုဖြူစင်ဝင်းပစေမှာဖြစ်ပြီး သွားကိုအရောင်စွန်းထင်းစေတဲ့ အစားအသောက်တွေကိုပါ ရှောင်ကြဉ်လိုက်မယ်ဆိုရင်တော့ အတိုင်းထက်အလွန်ပဲပေါ့။ ကဲ ပြုံးအလှပိုင်ရှင်လေးဖြစ်ဖို့ လျှို့ဝှက်ချက်တွေကို ကြည့်လိုက်ရအောင်။ အိမ်မှာနေရင်းပဲ သွားတွေဖြူဖွေးအောင် လုပ်ကြမယ်။ အပေါ်ယံလောက် အစွန်းအထင်းရှိတာမျိုးကတော့ သင့်ဖာသာအိမ်မှာပဲ ဖယ်ရှားလို့ရပါတယ်။ သွားချေးချွတ်တဲ့ပစ္စည်းလေးတွေ၊ ကပ်ခွာပြားလေးတွေ၊ သွားတိုက်ဆေးတွေနဲ့အာလုပ်ကျင်းဆေးရည်တို့ဟာ သင့်သွားမှာရှိတဲ့ အစွန်းအထင်းတွေကို သက်သာစေပါလိမ့်မယ်။ ဟိုးအရင်ကတည်းက အသုံးပြုခဲ့ကြတဲ့ ရှေးဟောင်းနည်းလမ်းတွေလည်း ရှိပါသေးတယ်။ ဆေးဆိုင်တွေမှာ အလွယ်တကူဝယ်ယူရရှိနိုင်တဲ့ သွားဖြူဆေးတွေဟာ သင့်ရဲ့ဝါကျင့်ကျင့်သွားတွေကို ဖြူစင်ဝင်းပစေဖို့အတွက် ချွတ်ဆေးအပျော့စားလေးတွေကို အသုံးပြုထားတာဖြစ်ပြီး သွားတိုက်ဆေးတွေကတော့ သွားကိုပွတ်တိုက်ပြီး အစွန်းချွတ်ပေးနိုင်တဲ့ဓါတ်ပစ္စည်းတွေကို သုံးစွဲထားတာဖြစ်ပါတယ်။ အပေါ်ယံမကဘဲ အောက်အလွှာတွေထိပါ စွန်းထင်းနေတာမျိုးဆိုရင်တော့ […]

သွားမှာတပ်တဲ့စတီးကြိုးလို့ပြောလိုက်တာနဲ့စာကြမ်းပိုး လေးလုံးလေး ဝက်ခြံတွေဗရပွတွေရှိပြီး အများနဲ့ဘောင်မဝင်၊ အပေါင်းအသင်းမဆံ့တဲ့ အူကြောင်ကြောင်ကောင်လေး ဒါမှမဟုတ် ကောင်မလေးတစ်ယောက်ကို မျက်လုံးထဲပြေးမြင်ကြပါလိမ့်မယ်။ ဒါဟာ ဟိုးအရင်တုန်းကတော့ ဟုတ်ကောင်းဟုတ်ပါလိမ့်မယ်။ ဒီဖက်ခေတ်မှာတော့ အရွယ်ရောက်ပြီးသူတွေဟာလည်း ဒီသွားစတီးကြိုးတွေကို တပ်လာကြပြီ ဖြစ်ပါတယ်။ ဒါဟာ အလျင်အမြန်ကြီးထွားလာတဲ့ ခေတ်ရေစီးကြောင်း ဖြစ်ပါတယ်။ အရွယ်ရောက်ပြီးသူတွေလည်း သွားမှာစတီးကြိုးတပ်တဲ့အကြောင်းနဲ့ဒီလိုမျိုးတပ်သင့်မတပ်သင့်သိရှိစေနိုင်ဖို့အတွက် ဒီဆောင်းပါးလေးကို ဖတ်ကြည့်လိုက်ပါဦး။ အရွယ်ရောက်ပြီးသူတွေ ဘာလို့များ သွားမှာတပ်တဲ့ စတီးကြိုးကိုအသုံးပြုကြတာလဲ။ ကျွန်တော်တို့တွေ တဖြည်းဖြည်းနဲ့အသက်ကြီးလာသလို သွားတွေဟာလည်း အသက်ကြီးလာပါတယ်။ ဒီလိုအသက်ကြီးလာတာနဲ့အမျှ ထိခိုက်ဒါဏ်ရာရမှုတွေ၊ ရေခဲတုံးကိုက်တာလိုမျိုး မကောင်းတဲ့အလေ့အထတွေ၊ လျှာနဲ့ထိုးထိုးနေတတ်တာတွေ ဒါမှမဟုတ် သူ့အလိုလို ဖြစ်လာတာတွေ စတဲ့အကြောင်းရင်းတွေကြောင့် သွားတွေဟာ ကျိုးတာ၊ ပဲ့တာ၊ ရွဲ့တာ၊ ထပ်တာတွေ ဖြစ်ပေါ်လာတတ်ပါတယ်။ သွားထပ်တာမျိုးဖြစ်တဲ့အခါမှာ ပုံမှန်အတိုင်း နေသားတကျ ဖြစ်နေစေဖို့အတွက် စတီးကြိုးတွေကို အသုံးပြုဖို့လိုအပ်လာပါတယ်။ လူအများအပြားဟာ ငယ်စဉ်ကတည်းက သွားတွေတစ်ချောင်းပေါ် တစ်ချောင်း […]