ကိုရိုနာဗိုင်းရပ်စ်

မတ်လ ၁၁ ရက်နေ့မှာ ကမ္ဘာ့ကျန်းမာရေးအဖွဲ့ကြီးCOVID-19 ကို PANDEMIC ကပ်ရောဂါ အဖြစ် ကြေညာလိုက်ပါပြီ။ တကယ်တော့ အေဒီနှစ်ကနေ ခု ၂၁ရာစုအထိ Pandemic လို့ သတ်မှတ်လို့ရတဲ့ ရောဂါများများစားစား မရှိသေးပါဘူး။ ဒီထဲမှာ COVID-19 ပါလာခဲ့ပါပြီ။ ဒါက ၂၁ရာစုရဲ့ တတိယမြောက် ကပ်ရောဂါပါ။ ကပ်ရောဂါလို့ ဘာကြောင့် သတ်မှတ်လဲ။ ရာစုနှစ်ရဲ့ ကပ်ရောဂါဆိုးတွေက ဘာတွေလဲ ဆိုတာ ဆက်ကြည့်ရအောင်။ Pandemic Pandemic ကပ်ရောဂါလို့ ခေါ်ဖို့ အတွက်ဆိုရင် လက်ရှိမှာ အဖြစ်များတဲ့ epidemic  ကူးစက်ရောဂါ တစ်ခုက နိုင်ငံပေါင်းများစွာ တိုက်ကြီးများစွာကို ကူးစက်ပြီး လူပေါင်းများစွာကို သေဆုံးစေရပါမယ်။ ဒါက အကြမ်းဖျင်း နားလည်အောင် ပြောပြတာပါ။ Epidemic ဆိုတာ ကတော့ ကူးစက်ရောဂါတစ်ခု ထင်တားတာထက် […]

နွေ ဘက်ကို ကူးလာတဲ့ ရာသီမှာ အပူဒဏ်က အတော်လေး သိသာလာပါတယ်။ ဒီလို ပူလာဖို့ကိုလည်း စောင့်မျှော်နေကြသူတွေ ရှိပါတယ်။ သူတို့ပြောကြတာက ကိုရိုနာ ဗိုင်းရပ်စ်လို့ ခေါ်ကြတဲ့ COVID- 19 ဟာ အပူဒဏ်ကို မခံနိုင်ပါဘူးတဲ့လေ။ COVID- 19 ဟာ ၂၀၁၉ ခုနှစ် ဒီဇင်ဘာလမှာ တရုတ်နိုင်ငံ ဝူဟန်မြို့ကနေ စတင်တွေ့ရှိခဲ့တဲ့ ဗိုင်းရပ်စ်အသစ် ဖြစ်သလို အခုချိန်မှာ တစ်ကမ္ဘာလုံးဆိုင်ရာ ကျန်းမာရေးပြဿနာအဆင့်ကို ရောက်နေပါပြီ။ အမှန်က ကမ္ဘာ့ကျန်းမာရေးအဖွဲ့ရဲ့အဆိုအရ COVID- 19 ဟာ အပူပိုင်းဒေသ အပါအဝင် နယ်မြေဧရိယာအားလုံးမှာ ဘယ်လိုရာသီဥတု ဖြစ်ပါစေ ကူးစက်ပြန့်ပွားနိုင်တဲ့ ပိုးဖြစ်ပါတယ်။ ဒါပေမယ့် - ဒီရောဂါကို မြန်မာနိုင်ငံမှာ မကူးစက်နိုင်ဘူး၊ ဒီကလူတွေက ကိုယ်ခံအား ရှိပြီးသား၊ ရာသီဥတုပူရင် ရောဂါပိုးက […]

တရုတ်နိုင်ငံကနေ စတင်ဖြစ်ပွားခဲ့တဲ့ COVID-19 လို့ခေါ်ဆိုတဲ့ ပြင်းထန် အဆုတ်ရောင်ရောဂါ ကူးစက်ပြန့်ပွားမှု အခြေအနေဟာ ပိုမိုဆိုးရွားလာနေတယ်လို့ WHO က ကြေညာခဲ့ပါတယ်။ ဒါကြောင့်လည်း Epidemic အခြေအနေကနေ Global Pandemic ကပ်ဘေးအခြေအနေလို့ ပြောင်းလဲ ကြေညာခဲ့တာဖြစ်ပါတယ်။ တချို့သောတိုင်းပြည်တွေမှာ ဘားတွေ၊ တက္ကသိုလ်တွေ၊ ကျောင်းတွေ၊ စားသောက်ဆိုင်တွေ၊ ရုံးတွေ၊ ဘဏ်တွေကို ပိတ်ထားတာမျိုးအထိရှိနေပါတယ်။ ကမ္ဘာကျော် စီးရီးအေ ဘောလုံးပြိုင်ပွဲကို ရပ်နားထားသလို၊ ပရီးမီးယားလိဂ်ပြိုင်ပွဲကိုလည်း ကွင်းပိတ်ကစားဖို့ စီစဉ်နေပါပြီ။ လက်ရှိမှာ ရောဂါပိုးကူးစက်ခံရသူ ၁၂၆၃၀၀ ကျော်အထိရှိနေပြီဖြစ်ပြီးတော့ သေဆုံးသူဦးရေဟာလည်း ၄၆၃၃ ဦးအထိ ရှိလာပြီဖြစ်ပါတယ်။ တစ်ဖက်မှာလည်း ရောဂါပိုးကူးစက်ခံထားရာကနေ ပြန်လည်သက်သာလာသူကလည်း ၆၈၂၈၅ ဦးအထိ တိုးတက်လာနေပါတယ်။ လက်ရှိမှာ သိပ္ပံပညာရှင်တွေနဲ့ ဆေးဝါးပညာရှင်တွေကတော့ ရောဂါကိုထိန်းချုပ်နိုင်ဖို့နဲ့ ကုသနိုင်ဖို့ကြိုးပမ်းနေကြဆဲဖြစ်ပေမယ့် အလုံးစုံအောင်မြင်မှုတော့ မရရှိကြသေးပါဘူး။ ဒါပေမယ့် တစ်ဖက်မှာလည်း […]

၂၀၁၉ ဒီဇင်ဘာကတည်းက တရုတ်နိုင်ငံကနေ စဖြစ်နေတဲ့ ကိုရိုနာဗိုင်းရပ်စ် ကူးစက်မှုဟာ သုံးလကြာအပြီးမှာလည်း အရှိန်လျော့သွားတဲ့ လက္ခဏာမပြဘဲ ဆက်ပြီး ကူးစက်ပျံ့နှံ့နေသေးတယ်။ အခုဆိုရင် ကမ္ဘာ့နိုင်ငံပေါင်း ၅၅နိုင်ငံမှာ ကိုရိုနာဗိုင်းရပ်စ် (COVID-19) ရောက်ရှိနေတယ်။ လူပေါင်း ရှစ်သောင်းကျော်ကူးစက်ခံထားရပြီး သေဆုံးသူ ၃၀၀၀ ကျော်ရှိနေပါပြီ။ ကမ္ဘာ့ကျန်းမာရေးအဖွဲ့အစည်း ကလည်း ဒီကူးစက်ပျံ့နှံ့မှုကို ကမ္ဘာတစ်ခုလုံးမှာ အမြင့်ဆုံးခြိမ်းခြောက်မှုအဖြစ် ပြောင်းလဲသတ်မှတ်ထားပါတယ်။ ဒီရောဂါဟာ ဘာလို့ကြောက်ဖို့ကောင်းနေတာလဲ။ ကိုရိုနာဗိုင်းရပ်စ်ပိုး ကူးစက်ခံရရင် ခန္ဓာကိုယ်မှာ ဘာတွေပြောင်းလဲ ဖြစ်ပေါ်လာမှာလဲ၊ ဘာတွေခံစားရမလဲဆိုတာကို ဒီဆောင်းပါးမှာ ပြောပြထားပါတယ်။ အဆုတ် အသက်ရှူလမ်းကြောင်းကနေ ကူးစက်တဲ့ရောဂါဆိုတော့ ပထမဆုံးထိခိုက်မယ့် အစိတ်အပိုင်းက အဆုတ်ပါ။ ရောဂါပိုးရှိတဲ့ သူတစ်ယောက်က ချောင်းဆိုး၊နှာချေလိုက်တာကနေ ဗိုင်းရပ်စ်တွေက သူ့ရဲ့ နှာရည်၊ တံတွေးတို့မှာပါသွားပြီး တခြားတစ်ယောက်ကို ကူးစက်နိုင်တယ်။ ပထမဆုံးစပြီး ဖြစ်မယ့် လက္ခဏာတွေကတော့ ရိုးရိုးတုပ်ကွေးမိတဲ့လက္ခဏာတွေဖြစ်တဲ့ ဖျားတာ၊ […]

ပြီးခဲ့တဲ့ ဇန်နဝါရီလ တရုတ်နိုင်ငံကနေ စတင်ဖြစ်ပွားလာခဲ့တဲ့ ဝူဟန်ကိုရိုနာ အဆုတ်ရောင်ရောဂါဟာ ယခုဆိုရင် ကမ္ဘာလုံးကပ်ဆိုက် အရေးပေါ် အခြေအနေအဖြစ် ရောက်ရှိနေပါပြီ။ ကူးစက်ခံရသူပေါင်း ၇၅၀၀၀ နဲ့ အထက်၊ သေဆုံးသူပေါင်း ၂၀၀၀ နဲ့အထက်ထိ ရှိတဲ့အထိ ရောဂါပိုးဟာ ပြင်းထန်သလို ကူးစက်ခံရနှုန်းဟာလည်း ထိန်းလို့မရအောင် လျင်မြန်တယ်လို့ ဆိုထားပါတယ်။ နှာချေ ချောင်းဆိုးလို့ ထွက်လာတဲ့ အမှုန်အမွှားတွေကနေတစ်ဆင့် လူအချင်းချင်းကို ကူးစက်နိုင်တဲ့  ဝူဟန်ကိုရိုနာဗိုင်းရပ်စ်အတွက် ကုသရန် ဖြေဆေးရှာတွေ့ဖို့ကိုလည်း တစ်ကမ္ဘာလုံးက ကျန်းမာရေးဆိုင်ရာ ပညာရှင်တွေအားလုံး ဝိုင်းဝန်းကြိုးပမ်းလျက်ရှိနေပါတယ်။ ဒီဆောင်းပါးမှာတော့ ကိုရိုနာဗိုင်းရပ်စ် ကူးစက်ခံရသူတစ်ယောက်ရဲ့ ခန္ဓာကိုယ်တွင်းမှာ ဘာတွေပြောင်းလဲထိခိုက်နေလဲဆိုတာကို ပြောပြပေးချင်ပါတယ်။ အဓိက အဆုတ်ကို ဒုက္ခပေးတယ်။ အအေးမိတုပ်ကွေး၊ အသက်ရှူလမ်းကြောင်းဆိုင်ရာ ကပ်ရောဂါတွေဖြစ်တဲ့ ဆားစ်ရောဂါ၊ မားစ်ရောဂါကဲ့သို့ အဆုတ်ရောင်ရောဂါအနွယ်ဝင်ဖြစ်တဲ့အတွက် အရင်ဆုံး ထိခိုက်စေတာက အဆုတ်ပါ။ အစပိုင်းမှာ အဖျားတက်မယ်၊ ချောင်းဆိုးမယ်၊ […]

ဝူဟန်မြို့ကနေစတင်ခဲ့တဲ COVID-19 အဖျားရောဂါဟာ လက်ရှိအချိန်မှာ တစ်ကမ္ဘာလုံးရင်ဆိုင်နေရတဲ့ ကျးန်မာရေးဆိုင်ရာ ပြဿနာဆိုးတစ်ခုဖြစ်လို့နေပါတယ်။ COVID-19 အဖျားရောဂါပိုးဟာ SARS နွယ်ဝင် ကိုရိုနာဗိုင်းရပ်စ်တစ်မျိုးဖြစ်ပြီးတော့ လင်းနို့တွေကနေ စတင်ပေါက်ပွားတယ်လို့ ယူဆခြင်းခံထားရပါတယ်။ လူဦးရေ ၁၁ သန်းကျော်နေထိုင်တဲ့ တရုတ်နိုင်ငံ ဝူဟန်မြို့ ပင်လယ်စာဈေးတစ်ခုကနေစတင်ခဲ့တဲ့ ဒီရောဂါဆိုးဟာ လက်ရှိမှာ ကမ္ဘာ့နိုင်ငံအများအပြားမှာ သေဆုံးမှုတွေ ပြင်းထန်ရောဂါကူးစက်မှုတွေ ဖြစ်ပွားနေစေတဲ့ လက်သည်တစ်ခုဖြစ်လို့နေပါတယ်။ COVID-19 ရောဂါပိုး ကူးစက်ခံရသူတွေဟာ တုပ်ကွေးနဲ့ ဆင်တူတဲ့ ရောဂါလက္ခဏာတွေ ကြုံတွေ့ရမှာဖြစ်ပြီးတော့ အသက်အရွယ်အကြီးရင့်သူတွေနဲ့ ကိုယ်ခံအားနည်းပါးသူတွေအတွက်တော့ အသက်အန္တရာယ်ရှိနိုင်တဲ့ ရောဂါတစ်မျိုးဖြစ်ပါတယ်။ အဖျားတက်တာ၊ နှာချေတာ၊ ချောင်းဆိုတာ၊ လည်ချောင်းနာတာနဲ့ ခေါင်းကိုက်တာတွေဖြစ်နိုင်ပါတယ်။ ရောဂါပိုးကူးစက်ပြီး ၁၄ ရက်အတွင်း ရောဂါလက္ခဏာတွေ ပြသလေ့ရှိပါတယ်။ ယခုအောက်မှာ ဆက်လက်ဖော်ပြမယ့် အချက်တွေကတော့ ဒီကူးစက်ရောဂါကြီးရဲ့ လက်ရှိအချိန်အထိ ဖြစ်ပျက်ခဲ့တဲ့ အခြေအနေတွေနဲ့ ဖြစ်စဉ် အတက်အကျတွေကို […]

ကိုရိုနာဗိုင်းရပ်စ် ဟာ တရုတ်နိုင်ငံဝူဟန်မြို့ကအစပြုကာ နိုင်ငံပေါင်း(၁၈)နိုင်ငံကျော်ကို ပျံ့နှံ့လျှက်ရှိပါတယ်။ လူရာပေါင်းများစွာဟာ COVID-19 ဗိုင်းရပ်စ် ကြောင့် ပြင်းထန် အဆုတ်ရောဂါကို ခံစား ရပြီးသေဆုံးခဲ့ကြပါတယ်။ ဒီလိုသေဆုံးမှုတွေဟာ တရုတ်ပြည်မှာ ဖြစ်ပွားခဲ့တာပါ။ ဒီလိုအခြေ အနေမျိုးမှာ လူထူထပ်တဲ့နေရာကို အတတ်နိုင်ဆုံးရှောင်ရှားသင့်ပါတယ်။ဒါပေမယ့် ဒီလို ကြောက်စရာ အခြေအနေမှာ မဖြစ်မနေ ခရီးသွား ရတော့မယ်ဆိုရင် ဗိုင်းရပ်စ်မကူးစက်အောင်ကြိုတင်ကာကွယ်ရမယ့်နည်းလမ်းတွေကို သိထားသင့်ပါတယ်။ (၁)      ခရီးလမ်းမှာ ဖျားနာသူတွေကို ဝေးဝေးကရှောင်ရှားပါ။ ပြင်းထန်အဆုတ်ရောင်လက္ခဏာတွေဟာ သာမန်အ‌အေးမိတဲ့ လက္ခဏာ ‌တွေနဲ့ခပ်ဆင်ဆင်တူပါတယ်။ ဒါကြောင့် သင်ဟာ လေယာဉ်ဖြစ်စေ၊ ကားရထားဖြစ်စေနဲ့ ခရီးသွားလာနေချိန်မှာ သင့်ရဲ့အနီးအနားက ခရီးသွားဖော်တစ်စုံတစ်ယောက်မှာ ဖျားနာခြင်း၊ ချောင်းဆိုးခြင်းနဲ့ လည်ချောင်းနာခြင်း၊ အသက်ရှူရခက်ခဲခြင်းစတဲ့လက္ခဏာတွေတွေ့ရင်တော့ ဝေးဝေးကနေရှောင်ရှားလိုက်ပါ။ (၂)      လက်ကိုမကြာခဏဆေးကြော ပေးပါ။ လက်ဆေးခြင်းဟာ အလွန်အရေးကြီးတဲ့အချက်တစ်ချက်ပါ။ သင့်ရဲ့မျက်လုံး၊ နှာခေါင်းနဲ့ ပါးစပ် တို့ကိုထိတွေ့ခြင်းမှ ရှောင်ရှားပေးပါ။ လက်မဆေးခင်မကိုင်ပါနဲ့။ […]

၂၀၂၀ ခုနှစ် ဖေဖော်ဝါရီလ ၁၀ ရက်နေ့ နောက်ဆုံးထုတ်ပြန်သတင်းများအရ ကိုရိုနာဗိုင်းရပ်စ်ပ် ပိုးကူးစက်ခံရသူဟာ တစ်ကမ္ဘာလုံးအတိုင်းအတာအရ ၄၀၇၁၀ ဦးအထိ ရှိနေပြီး သေဆုံးသူဟာ အနည်းဆုံး ၉၁၀ ဦးထိ ရှိနေပြီလို့ သိရပါတယ်။ ဒီသတင်းအရ ၂၀၀၃ ခုနှစ်မှာ ဖြစ်ပွားခဲ့တဲ့ ဆားစ်ရောဂါ (သေဆုံးသူဦးရေ ၇၇၄ ဦး) ကို ကျော်လွန်သွားပါပြီ။ ကမ္ဘာ့ကုလသမဂ္ဂ ကျန်းမာရေးအဖွဲ့အစည်းကလည်း ဝူဟန်ဗိုင်းရပ်စ်ကို အရေးပေါ် အခြေအနေအဖြစ်သတ်မှတ်ထားပြီး ရောဂါပိုးကို အလျင်အမြန်ထိန်းချုပ်နိုင်ဖို့ ယခု ရက်သတ္တပတ်ထဲမှာ တရုတ်နိုင်ငံဆီသို့ ကျန်းမာရေးအဖွဲ့စေလွှတ်မယ်လို့ သတင်းထုတ်ပြန်ထားပါတယ်။ ယခင်အပတ်က တရုတ်နိုင်ငံမှ ဂျပန်နိုင်ငံအတွင်းသို့ ဝင်လာတဲ့ အပျော်စီးသင်္ဘောပေါ်မှာ ကိုရိုနာပိုးရှိသူ လူနာတစ်ဦးတွေ့ရှိခဲ့ရပြီးနောက် သင်္ဘောပေါ်မှာ ရှိတဲ့ ခရီးသည်နဲ့ ဝန်ထမ်းအားလုံးကို ထိန်းသိမ်းထားခဲ့ပါတယ်။ ယခု သင်္ဘောပေါ်မှာပဲ ပိုးကူးစက်ခံရသူ နောက်ထပ် အယောက် […]

ကျန်းမာရေးမှမဟုတ်ပါဘူး။ ဘယ်လိုမျိုး ရေပန်းစားနေတဲ့ သတင်းမျိုးမဆို နောက်ကနေ သတင်းအမှားတွေ၊ ဂျင်းသတင်းတွေ ဖြန့်တဲ့သူတွေက အမြဲတမ်းရှိတတ်ပါတယ်။ ပုံမှန်ကိစ္စတွေမှာတော့ ပြဿနာမရှိပေမဲ့ ဒီလိုမျိုး ကမ္ဘာ့ကပ်ဆိုက် ရောဂါတွေနဲ့ပတ်သက်လာရင်တော့ တွေ့သမျှ ဂျင်းတိုင်းကို အယုံလွယ်ပြီး လျှောက်မလုပ်ဖို့ ထပ်ပြီးတိုက်တွန်းပါရစေ။ ဒီဆောင်းပါးမှာ အခုတလော လူမှုကွန်ယက်တွေမှာ ပျံ့နေတဲ့ COVID-19 ဗိုင်းရပ်စ်နဲ့ ပတ်သက်တဲ့ ဂျင်းသတင်း ၃ခုကို ပြောပြပေးသွားမှာဖြစ်ပါတယ်။ ဂျင်း (၁) = အိမ်မွေးတိရစ္ဆာန်တွေကို ဝူဟန်ဗိုင်းရပ်စ်ပိုး ကူးစက်နိုင်ပြီး သူတို့တွေကနေတစ်ဆင့် လူတွေကို ပြန်ကူးနိုင်တယ်။ ဒါကတော့ ကျွန်တော်တို့နိုင်ငံမှာ မဟုတ်ပေမဲ့ တရုတ်နိုင်ငံမှာ ဟိုတလောကမှ ဖြစ်သွားတဲ့ကိစ္စပါ။ ဝူဟန်ဗိုင်းရပ်စ်က တိရစ္ဆာန်တွေမှာ တွေ့ရတယ်ဆိုတဲ့ အချက်ကို အခြေခံပြီး အိမ်မွေးတိရစ္ဆာန်တွေမှာလည်း ဝူဟန်ပိုးကို တွေ့ရနိုင်တယ်၊ ဒီပိုးက သူတို့ကို ကူးစက်နိုင်ပြီး အဲ့ကနေ လူတွေကို ပြန်ကူးသွားနိုင်တယ်ဆိုတဲ့ […]

တစ်ချိန်က ကမ္ဘာအနှံ့မှာရှိတဲ့ ပြည်သူတွေ အထိတ်တလန့်ဖြစ်ခဲ့ရတဲ့ ဆားစ်ရောဂါ (SARS) ကို လူတော်တော်များများ မှတ်မိကြမယ်ထင်ပါတယ်။ ဆားစ်ရောဂါဟာလည်း အခုဖြစ်နေတဲ့ COVID-19 ဗိုင်းရပ်စ်လိုပဲ တရုတ်နိုင်ငံကနေပဲ စတင်လာခဲ့တာဖြစ်ပါတယ်။ ဆားစ်ရောဂါတုန်းက လပိုင်းအနည်းငယ်အတွင်း ဥရောပတိုက်၊ မြောက်အမေရိကတိုက်၊ တောင်အမေရိကတိုက်၊ အာရှတိုက်မှာ ရှိတဲ့ နိုင်ငံပေါင်း ၂၀ နဲ့အထက်ကို ပျံ့နှံ့သွားခဲ့ပြီး လူပေါင်း ၈၀၀၀ ကျော် ကူးစက်ခံရပြီး ၈၀၀ ကျော် အသက်သေဆုံးခဲ့ရပါတယ်။ ထိုစဉ်က ရောဂါပိုးတုံ့ပြန်မှုနဲ့ပတ်သက်ပြီး ဝေဖန်အပြစ်တင်ခံရတဲ့ တရုတ်အစိုးရအနေနဲ့ ဒီတစ်ခေါက် COVID-19 ကိုရိုနာဗိုင်းရပ်စ်ကိုတော့ လျင်မြန်စွာ ထိန်းချုပ်နိုင်ခဲ့တယ်လို့ ဆိုရမှာပါ။ COVID-19 ဗိုင်းရပ်စ်သည်လည်း ဆားစ်ရောဂါကဲ့သို့ အသက်ရှူလမ်းကြောင်းဆိုင်ရာ အဆုတ်ရောင်ရောဂါကို ဖြစ်စေပြီး ကိုယ်ပူခြင်း၊ ချောင်းဆိုးခြင်း၊ အသက်ရှူကျပ်ခြင်းအပြင် သေဆုံးသည်အထိ ပြင်းထန်နိုင်ပါတယ်။ လက်ရှိမှာလည်း ကမ္ဘာ့ကုလသမဂ္ဂ […]