ကိုရိုနာဗိုင်းရပ်စ်

ကိုဗစ် နာမည်ကြားရတာတောင် စိတ်ညစ်လှပြီ။ ကိုဗစ်ကြောင့် အလုပ်တွေ ပျက်ရသလို တစ်နေ့တစ်နေ့ အိမ်ထဲနေရင်း ပျင်းရိလာပြီ။ အခြေခံ ကျန်းမာရေးစောင့်ရှောက်မှု ရဖို့တောင် ခက်ခဲတဲ့ကာလနော်။ ဒီကာလမှာ နေမကောင်း၊ ဖျားနာတာ မဖြစ်အောင် နေတယ်ဆိုပေမယ့်။ အိမ်ထောင်ရှင်တွေအတွက်ကျ ကျန်းမာရေး ဂရုစိုက်တာအပြင် သားဆက်ခြားဖို့ကလည်း မေ့ထားလို့ မဖြစ်တဲ့အရာပါ။ ကိုဗစ်ကာလမို့  တားဆေးသောက်နေတယ်၊ ဆေးကကုန်သွားပြီ ထပ်ဝယ်လို့မရဘူးဆိုတဲ့ ပြဿနာ၊ ထိုးဆေးက ရက်ပြည့်ပြီ ပြန်ထိုးဖို့ကျ ဆေးခန်းက မဖွင့်လို့ ဆိုတဲ့ ပြဿနာ၊ အရေးပေါ် သန္ဓေတားဆေးကျ အဆင်မပြေဘူးဆိုပြီး သားဆက်ခြားဖို့ အခက်အခဲတွ ကြုံနေမယ် ထင်ပါတယ်။ ကိုဗစ်ကာလမှာ မတော်တဆ ကိုယ်ဝန်ရသွားတာမျိုး မလိုချင်ဘူးဆိုရင် ဒီဆောင်းပါးလေးကို ဖတ်ကြည့်လိုက်နော်။ ကိုဗစ်ကာလ Stay at home မှာ အသုံးတည့်မယ့် အလွယ်ကူဆုံး သားဆက်ခြားနည်းအချို့ ကိုဗစ်ကြောင့် သားဆက်ခြားဖို့ […]

ကိုဗစ် ကူးစက်ခံလိုက် ရတယ်။ ဒါပေမယ့် ကိုဗစ်ကို အနိုင်တိုက်လို့ ပြန်လည် ကျန်းမာလာပြီဆိုရင် ဘယ်လို ဂရုစိုက် နေထိုင်ရမလဲ ဆိုတာကို ဒီ ဆောင်းပါးလေးကနေ ပြောပြပေးသွားပါမယ်။ ကိုဗစ် တစ်ကမ္ဘာလုံးကို ကိုင်လှုပ်နေတဲ့ ကပ်ရောဂါကြီးပေါ့။ မတော်တဆ ကူးစက်ခံရ​ပြီဆိုရင်လည်း လက္ခဏာ တစ်ခုခု တွေ့ပြီဆိုတာနဲ့ နီးစပ်ရာ Fever Clinic ကို သတင်းပို့ပြီး လိုအပ်တဲ့ ကုသမှုကို ခံယူပါ။ မြန်မြန်သိ မြန်မြန်ကုသနိုင်ရင် ကိုဗစ်က ပျောက်ကင်းနိုင်ခြေ များပါတယ်။ ကိုဗစ်ကုသမှုကို ခံယူပြီးနောက် အိမ်ပြန်ရောက်လာတဲ့အခါ ကိုဗစ်ရောဂါပိုးက ၁၁ ရက် ကနေ ၁၃ ရက်ဆိုရင် ခန္ဓာကိုယ် ပြင်ပကို မထွက်နိုင်တော့ဘူးဆိုတော့ ၁၁ ရက်ပြည့်ပြီ ကိုယ်ပူတာ၊ ချောင်းဆိုးတာတွေလိုမျိုး ကိုဗစ်ရဲ့ လက္ခဏာတွေလည်း မရှိဘူးဆိုရင် ကုသရေးစင်တာကနေ အိမ်ကို […]

ကမ္ဘာတစ်ဝှမ်းလုံးမှာ ကပ်ဘေးတစ်ခုအဖြစ် ဒုက္ခပေးနေတဲ့ COVID-19 ရောဂါဟာ ကူးစက်ပုံ မြန်ဆန်တာကြောင့် ဘယ်နည်းဘယ်ပုံကူးစက်နိုင်တယ်ဆိုတာကို သိပ္ပံပညာရှင်တွေက လေ့လာမှုတွေ အဆက်မပြတ်ပြုလုပ်နေကြပါတယ်။ လက်ရှိအချိန်မှာလည်း လေ့လာချက်တွေအရ COVID-19 ဗိုင်းရပ်စ်ပိုးတွေဟာ စမတ်ဖုန်းတွေပေါ်မှာ တစ်လနီးပါး ရှင်သန်နိုင်တယ်လို့ သိရှိလာရပါတယ်။ သြစတြေးလျ အမျိုးသားသိပ္ပံအကယ်ဒမီက သိပ္ပံပညာရှင်တွေရဲ့ ဓာတ်ခွဲခန်းစမ်းသပ်ချက်တွေအရ COVID-19 ရောဂါရဲ့ ဗိုင်းရပ်စ်ပိုးဖြစ်တဲ့ SARS-Cov-2 ဟာ လူတိုင်းရဲ့လက်ထဲမှာ အမြဲရှိနေတတ်တဲ့ စမတ်ဖုန်းတွေရဲ့ မျက်နှာပြင်မှာ ၂၈ ရက်အထိ ရှင်သန်နေနိုင်တယ်လို့ ထုတ်ပြန်ခဲ့ပါတယ်။ ရောဂါပိုးဟာ ပိုက်ဆံနဲ့ မာကျောတဲ့မျက်နှာပြင်တွေမာ အချိန်ကြာမြင့်စွာ ရှင်သန်နိုင်တယ်ဆိုတာကို အစောပိုင်းကတည်းက ရှာဖွေတွေ့ရှိခဲ့ပေမယ့် အချိန်ဘယ်လောက်ကြာကြာ ရှင်သန်နိုင်တယ်ဆိုတာကိုတော့ တိကျစွာသိရှိခဲ့ကြခြင်းမရှိပါဘူး။ ဒါပေမယ့် ကနဦးပိုင်းလေ့လာချက်တွေမှာတော့ SARS-Cov-2 ပိုးဟာ ဖုန်းမျက်နှာပြင်တွေ၊ မှန်တွေ၊ ပိုက်ဆံစက္ကူတွေနဲ့ မာကျောတဲ့မျက်နှာပြင်တွေမှာ ၃ ရက်ကနေ ၆ ရက်ဝန်းကျင်လောက်အထိပဲ […]

ကိုဗစ်ကာလ အိမ်မှာနေရတာ များတော့ ရှေ့ဆုံးက တိုးတက်လာမယ့်အရာတွေထဲမှာ ဗိုက်ခေါက်လေးလည်း ပါတယ်နော်။ မယုံရင် ထိုင်နေရင်း ရှေ့ကို ခါးလေး နည်းနည်းကိုင်းငုံ့ကြည့်လိုက်ပါဦး။ Stay Home အတွင်း အရင်ထက်တော့ စူထွက်လာတဲ့ ဗိုက်ကလေးကို တွေ့ရလိမ့်မပေါ့။ သိပ်များ ဝနေလို့လား မဟုတ်ရပါဘူး။ ဝတဲ့သူရော၊ ပိန်တဲ့သူရော ဗိုက်အဆီက ရှိလာနိုင်ပါတယ်။ စားစရာတွေ မှာစားမယ်၊ အိမ်မှာ မုန့်တွေ လုပ်စားမယ်၊ အပြင်မသွားရဘူး၊ လှုပ်ရှားမှုနည်းမယ် ဆိုတော့ Stay Home ကာလကြီးက ဗိုက်ကလေး ထွက်လာဖို့ ကွက်တိပဲပေါ့လေ။ ဒါကို ဘယ်လိုဖြေရှင်းကြမလဲ။ ယူတို့ အားကိုးကြတဲ့ GYM တွေလည်း သွားလို့မရတဲ့အချိန်လေ… ဗိုက်၊ ခါးပျောက်မှာ စိုးကြောက်စရာလား မစိုးရိမ်ပါနဲ့။ ဒီအချက်လေးတွေ ဂရုစိုက်ရင် ဗိုက်ချပ် ကျန်းမာပြီး ဗိုက်အဆီ ကြောင့်ဖြစ်မယ့် နောက်ဆက်တွဲ ကျန်းမာရေးအန္တရာယ်တွေကို ရှောင်နိုင်ပါလိမ့်မယ် […]

ကိုဗစ် ဒုတိယလှိုင်း ပြင်းထန်လိုက်တာ၊ သေဆုံးသူဦးရေ အရင်တစ်ခေါက်ကထက် ပိုများတယ်။ ပိုးတွေ့လူနာ ဦးရေရောပေါ့။ တစ်နေ့တစ်နေ့ လူနာစာရင်းထုတ်ပြန်ချက်ကို စောင့်ကြည့်လိုက်၊ ကြောက်လိုက်တာဆိုပြီး အိမ်ထဲနေလိုက်ရင်းနဲ့ ပျောက်ဆုံးမှန်းမသိ ပျောက်ဆုံးလာတဲ့ အရာရှိတယ်နော်။ ဒါကတော့ အားလုံးရဲ့ မွေးရာပါဆုလာဘ်တစ်ခုလို့ ဆိုရမယ့် ပျော်ရွှင်မှုပါ။ ကိုဗစ် ဒုတိယလှိုင်းကြောင့် အိမ်ထဲနေရတာ ကြာလာတဲ့အခါ အရင်ကလောက် မပျော်ရွှင်တော့တာ၊ စိတ်ထဲ ငြီးစီစီ ဖြစ်နေတာ၊ စိတ်တိုလွယ်တာတွေ ဖြစ်လာတယ်နော်။ နားကြပ်ကြိုး ဖြည်ရင်း စိတ်မရှည်တော့လို့ ဆောင့်ဆွဲလိုက်တာမျိုး၊ ခလုတ်တိုက်မိတဲ့ တံခါးဘောင်ကို ထပ်ကန်မိတာမျိုးတွေ လုပ်မိနေတယ်ဟုတ်။ ဒါကိုယ်တစ်ယောက်တည်း ဖြစ်နေတယ်လို့ မထင်လိုက်ပါနဲ့။ လူတိုင်းနီးပါး အခုကာလမှ ပျော်ရွှင်မှုတွေ ပျောက်ဆုံးပြီး စိတ်လိုလွယ်လာကြတာပါ။ ဒါတွေက ဘယ်ကနေ အရင်းခံလာတယ် ထင်လဲ။ ဒါကတော့ စိတ်ဖိစီးမှုကနေ အရင်းခံလာတာပါ။ စိတ်ဖိစီးမှုတွေကြောင့် ပျောက်ဆုံးလာတဲ့ ပျော်ရွှင်မှု ရောဂါဖြစ်တဲ့ လူဦးရေကို ကြည့်မယ်။ […]

ကိုဗစ်ကာလမှာ ညစောစောအိပ်တဲ့သူရှိရင် လက်ညှိုးထောင်။ သေချာတာကတော့ စာရေးသူတော့ မပါဘူးဗျို့။ ကဲ ဘဝတူလေးတွေနဲ့ နည်းနည်းလောက် ရင်ဖွင့်လောက်အောင်။ ကိုဗစ်ကာလမှာ အိပ်ရေးမဝဘူး မဟုတ်တောင် အိပ်ချိန်တွေတော့ ကမောက်ကမဖြစ်လာတယ်ဟုတ်။ လူကသာ မြန်မာနိုင်ငံမှာ အိပ်ချိန်တွေက ဥရောပ ဖြစ်နေပြီ။ ဒါဟာ ဘာကြောင့်များပါလိမ့်။ အိပ်မပျော်ရခြင်း အကြောင်းရင်းကို အဖြေရှာကြည့်တဲ့အခါ ညဘက်တွေ အိပ်မပျော်တာ ကိုဗစ်စကတည်းက ဆိုပါတော့။ ကိုယ်တစ်ယောက်တည်းလည်း မဟုတ်။ သူများတွေလည်း ဒီလိုပဲတဲ့။ ဘာကြောင့်များလဲလို့ အဖြေရှာကြည့်တဲ့အခါ မနက်အလုပ်မသွားရလို့။ အလုပ်မသွားရတော့ စောစောထစရာမလို။ စောစောမထရတော့ စောစောအိပ်စရာမလိုလို့ ထင်တာ။ အိမ်ကနေပဲ အလုပ်လုပ်တာ။ အိမ်ကနေ အလုပ်လုပ်တော့ မနက်အလုပ်သွားဖို့ ပြင်တဲ့အချိန်တွေ၊ ကားစီးရတဲ့အချိန်တွေက အိပ်ချိန်အဖြစ်ပြောင်းသွားတယ်လေ။ ဒါကြောင့် ညဘက် စောစော မအိပ်တော့တာ။  စိုးရိမ်ပူပန်စိတ်တွေ များနေတာ။ တစ်နေ့ လူနာစာရင်း၊ […]

ကိုဗစ်ကာလ မှာ ကိုဗစ်မဟုတ်တဲ့ တခြားပြဿနာတွေကလည်း အလားတူပဲ အရေးကြီးပါတယ်။ ကိုဗစ်မဟုတ်တဲ့ ကျန်းမာရေး ပြဿနာတွေ (ဆိးချို၊ သွေးတိုး)ကစလို့ ကလေးကာကွယ်ဆေးထိုးတာအလယ် သားဆက်ခြားနည်းလမ်း ပြဿနာ၊ ကိုယ်ဝန်ဆောင် ဗိုက်နာပြီး ကလေးမွေးချင်တာ ဒါတွေကလည်း သူ့ဟာနဲ့သူ အရေးကြီးတာချည်းပါပဲ။ ဒီထဲမှာ သားဆက်ခြားနည်းလမ်း ပြဿနာကို နည်းလမ်းပြောပြချင်ပါတယ်။ ကိုယ်ဝန်မလိုချင်ဘူးလို့ ဆုံးဖြတ်ထားရင် သားဆက်ခြားနည်းလမ်းတစ်ခုခုကို ပုံမှန်သုံးနေဖို့ လိုပါတယ်။ မလိုချင်ဘဲ ကိုယ်ဝန်ရသွားရင် နောက်ဆုံးအနေနဲ့ ဖျက်ချတဲ့ နည်းလမ်းကို ရွေးချယ်လာနိုင်လို့ မဖြစ်ခင် ကြိုကာကွယ်ထားတာ ကောင်းပါတယ်။ ဒီလို သားဆက်ခြားတဲ့နေရာမှာသူတို့ ဘာပြဿနာတွေ ကြုံရနိုင်လဲ ဆက်ကြည့်ရအောင်ပါ။ ကိုဗစ်ကာလနဲ့ သားဆက်ခြားပြဿနာအဖြာဖြာ တားဆေးကတ် ဟော်မုန်း တစ်မျိုးတည်းပါတာ ရှိမယ်။ နှစ်မျိုးပါတာရှိမယ်။ နှစ်မျိုးပါတာက အသုံးများပါတယ်။ ဆေးသောက်နေတဲ့သူတွေက နေ့တိုင်းပုံမှန်သောက်ရမယ်။ အချိန်မှန်သောက်ရမယ်ဆိုတာ သိပြီးသားပါ။ ကိုဗစ်ကာလမှာ နောက်နေ့ဘာဖြစ်မလဲ […]

အခု ကိုဗစ်ဒုတိယလှိုင်းမှာ အတွေ့ရအများဆုံးက အနံ့ပျောက်တာပါ။ နေ့စဉ် အနံ့ပျောက်လို့ ဆိုပြီး ဆက်သွယ်လာကြသူတွေ မနည်းပါဘူး။ ကိုဗစ်ကြောင့် အနံ့ပျောက်တဲ့ဦးရေဟာ ကိုဗစ် ခံစားရသူ အရေအတွက်ရဲ့ ၅၆ ရာခိုင်နှုန်းလောက်ကို ရှိနေပါတယ်။ ဒီလက္ခဏာ ခံစားရတာ မြန်မာတစ်နိုင်ငံတည်းမှာတင် များတာလားဆိုတော့ မဟုတ်ပါဘူး။ ကမ္ဘာ့နိုင်ငံတိုင်းလိုလိုမှာကိုဗစ်ကြောင့် အနံ့ပျောက်နေသူတွေ အများကြီးပါ။ အခြား ဘာလက္ခဏာမှ မခံစားရဘူး အနံ့ပဲမရတာဆိုသူတွေ အတော်လေး များလာကြပါတယ်။ ဒီတော့ ကိုဗစ်ကြောင့် အနံ့ပျောက်နေပြီလား။ ဘာတွေ ဆက်လုပ်ရမလဲဆိုတာကို ဆွေးနွေးကြည့်ရအောင်လား။ ကိုဗစ်​ကြောင့်ပဲ အနံ့ပျောက်တာလား။ ကိုဗစ်ကြောင့် မဟုတ်ဘဲ ဒီအချက်တွေကြောင့်လည်း အနံ့ပျောက်နိုင်ပါတယ်။ ဖျားတာ အသက်အရွယ်ကြီးလာတာ အသက်ရှူလမ်းကြောင်း အထက်ပိုင်းပြဿနာရှိတာ ဆေးလိပ်သောက်တာ ဦးခေါင်းထိခိုက်မိတာ ဟော်မုန်းပြဿနာ ရှိတာ သွားနဲ့ခံတွင်း ပြဿနာရှိတာ ဓာတုပစ္စည်းတွေနဲ့ ထိတွေ့မိတာ ဆေးဝါးတွေ ဦးခေါင်းနဲ့လည်ပင်းကင်ဆာကြောင့် ဓာတ်ရောင်ခြည် ကုသမှု ခံယူနေတာ […]