ကျန်းမာစေသော အစားအသောက်ပုံစံ ဖန်တီးခြင်း

သင့်ရဲ့ဆီးချိုစားသောက်မှုပုံစံက သင့်ရဲ့သွေးတွင်းသကြားဓါတ်ကို ထိန်းချုပ်ဖို့ကူညီပေးမှာပါ။ အခုပြောပြသွားမှာက အစားအစာပြင်ဆင်ပုံကနေစပြီး အာဟာရပါဝင်မှုတွေ ကာဗိုဟိုက်ဒရိတ် ရေတွက်မှုတွေ အထိဖြစ်ပါတယ်။

ဆီးချိုစားသောက်မှုပုံစံကို ဆေးဖက်ဆိုင်ရာအာဟာရကုထုံး(MNT)လို့လည်း သိကြပါတယ်။ သူကသင်နဲ့ သင့်တော်တဲ့ အာဟာရပြည့်စုံတဲ့ အစားအစာမျိုးစုံကို သင့်တင့်မျှတတဲ့ပမာဏနဲ့အချိန်မှန်မှန်စားသောက်စေတာပါ။

အလွန်အကျွံကန့်သတ်ထားတဲ့ စားသောက်မှုပုံစံတွေ နဲ့ယှဉ်ရင်ဒီဆီးချိုစားသောက်မှုပုံစံကအာဟာရနဲ့ပြည့်စုံတဲ့အပြင်အဆီနဲ့ကယ်လိုရီလျော့နည်းပြီးသစ်သီး၊ဟင်းသီးဟင်းရွက်နဲ့အစေ့အဆံတွေအပေါ်အခြေခံထားပါတယ်။ တကယ်တော့ ဆီးချိုစားသောက်မှုပုံစံက လူတိုင်းအတွက်သင့်တော်ပါတယ်။

ရည်ရွယ်ချက်

တကယ်လို့ သင်ကဆီးချိုဖြစ်နေရင် ဒါမှမဟုတ်ဆီးချိုပဏာမအဆင့် ဖြစ်နေပြီဆိုရင် သင့်မိသားစုဆရာဝန်ကသင့်ကို သင့်တော်တဲ့ ဆေးဖက်ဆိုင်ရာအာဟာရကုထုံး(MNT) စားသောက်မှု ပုံစံပြောင်း လဲခြင်း ၊ ဆီးချိုအထူးကုဆီ လွှဲပေးခြင်းများကို ပြုလုပ်ပါလိမ့်မယ်။ ဒီစားသောက်မှုပုံစံကသင့်ရဲ့သွေးတွင်းသကြားဓါတ်ကိုထိန်းညှိနိုင်ပြီးသင့်ကိုယ်အလေးချိန်ကိုလည်းထိန်းထားနိုင်ပါတယ်။

သင်ကယ်လိုရီနဲ အဆီတွေပိုစားမိတဲ့အခါမှာ သင့် ရဲ့သွေးထဲက ကလူးကိုစ့် (glucose) သကြားဓါတ်က မြင့်တက်လာပါတယ်။ သွေးထဲက ကလူးကိုစ့် ပါဝင်မှုကို မစစ်ဘဲထားထားရင် သွေးတွင်းသကြားဓါတ်မြင့်တက်ခြင်း (hyperglycaemia) လို့ခေါ်တဲ့ အန ္တရာယ်များတဲ့အခြေအနေတစ်ခုဖြစ်လာနိုင်တဲ့အပြင် အာရုံကြော၊ ကျောက်ကပ်နဲ့ နှလုံးတို့ကိုလည်း ထိခိုက်လာစေနိုင်ပါတယ်။

သင့်တော်တဲ့ ကျန်းမာတဲ့ အစားအစာတွေကို ရွေးချယ်စားသောက်ခြင်းနဲ့ သင့်ရဲ့စားသောက်မှုအလေ့အကျင့်တွေကို မှတ်ထားခြင်းက သင့်ရဲ့ သွေးတွင်းသကြားဓါတ်ကို ထိန်းချုပ်နိုင်ပြီး ပုံမှန်အခြေအနေမှာရှိစေပါတယ်။

ဆီးချို အမျိုးအစား (၂) ရှိတဲ့လူအများစုမှာ ကိုယ်အလေးချိန်ကျခြင်းက သွေးတွင်းသကြားဓါတ်ကို ကိုထိန်းချုပ်ရတာ ပိုမိုလွယ်ကူစေတဲ့အပြင် တခြားကျန်းမာရေးကောင်းကျိုးတွေကိုလည်း ပေးပါတယ်။ တကယ်လို့ သင်ကိုယ်အလေးချိန်ကျဖို့ လိုအပ်တယ်ဆိုရင် စနစ်တကျပြင်ဆင်ထားတဲ့ (MNT) စားသောက်မှုပုံစံက သင့်လိုချင်တဲ့ ပန်းတိုင်ဆီ ခေါ်ဆောင်သွားပါလိမ့်မယ်။

အကြံပြုထောက်ခံတဲ့ အစားအသောက်များ

အောက်မှာဖော်ပြထားတဲ့အာဟာရပြည့်ဝတဲ့အစားအသောက်တွေနဲ့သင့်ရဲ့ကယ်လိုရီကို ရေတွက်ပါ။

ကျန်းမာစေတဲ့ကာဗိုပါိုက်ဒရိတ်(carbohydrate)များ

အစာချေတဲ့အခါမှာရိုးရှင်းတဲ့ကာဗိုပါိုက်ဒရိတ် (simplex carbohydrate) တွေဖြစ်တဲ့သကြားတွေဓါတ်နဲ့ရှုပ်ထွေးတဲ့ကာဗိုပါိုက်ဒရိတ်(complex carbohydrate) တွေဖြစ်တဲ့ ကစီဓါတ်တွေက သွေးထဲကို ကလူးကိုစ့်အဖြစ်ပြိုကွဲသွားပါတယ်။ ဒါကြောင့်ကျန်းမာစေတဲ့ကာဗိုပါိုက်ဒရိတ် တွေဖြစ်တဲ့ သစ်သီးများ၊ဟင်းသီးဟင်းရွက်များ၊အစေ့အဆံများ၊ပဲစေ့များနဲ့အဆီပါဝင်မှုနည်းတဲ့နို့ထွက်ထုတ်ကုန်များကို အဓိက စားသုံးသင့်ပါတယ်။

အမျှင်ပါဝင်မှုများသောအစားအစာများ

အမျှင်ပါဝင်တဲ့ အစားအစာဆိုတာက သင့်ကိုယ်က အစာမချေနိုင်၊မစုပ်ယူနိုင်တဲ့အပင်ရဲ့အစိတ်အပိုင်းအားလုံးကိုဆိုလိုတာပါ။ အမျှင်ဓါတ်ကနှလုံးရောဂါဖြစ်နိုင်ချေကို လျှော့ချပေးတဲ့အပြင်သင့်သွေးတွင်းသကြားဓါတ်ကိုလည်းထိန်းပေးပါတယ်။ အမျှင်ပါဝင်မှုများတဲ့အစားအစာတွေကအသီး၊ဟင်းသီးဟင်းရွက်၊အစေ့အဆ၊ံပဲမျိုးစ၊ုံဂျုံမှုန့်နဲ့တို့ဘဲဖြစ်ပါတယ်။

နှလုံးကျန်းမာစေတဲ့ငါး

နှလုံးကျန်းမာရေးအတွက် ကောင်းမွန်တဲ့ငါးတွေကိုတစ်ပတ်အနည်းဆုံး နှစ်ကြိမ်စားပါ။ ငါးတွေကအဆီပါဝင်မှုများတဲ့ အသားတွေထက် ပိုသင့်တော်ပါတယ်။ဥပမာငါး ကြေးဆီ ထုတ်ယူရသောငါး၊ တူနာငါး တွေဟာ တခြားအသားနဲ့ဥစားအသားတွေထက် အဆီနဲ့ကိုလက်စထရောပါဝင်မှုနည်းပါတယ်။ ဆယ်လ်မွန်၊ တူနာ၊ ဆာဒင်းငါးတို့ဟာနှလုံးကိုဆိုးကျိုးဖြစ်စေတဲ့ triglyceride လို့ခေါ်တဲ့ သွေးထဲကအဆီတွေကို လျှော့ချပေးတဲ့အိုမီဂါ (၃)ပါဝင်ပါတယ်။ ဒါပေမယ့်ငါးကြော်နဲ့မာကျူရီပါဝင်တဲ့ငါးများ ဥပမာဓါးရှည်နှုတ်သီးငါး၊ ငါးကွန်းရှပ်အကြီးစား တွေကိုတွေကိုတော့မစားပါနဲ့။

အကျိုးပေးသောအဆီများ

Monounsaturated အဆီနဲ့ polyunsaturated အဆီများဖြစ်တဲ့ မပြည့်ဝဆီ တွေပါဝင်တဲ့ ထောပတ်သီး၊ အယ်လ်မွန်စေ့၊သစ်စေ့၊သံလွင်သီးနဲ့ မြေပဲဆီတွေကသင့်ရဲ့ကိုလက်စထရောကိုလျော့စေပါတယ်။ ဒါပေမယ့်အဆီအားလုံးက ကယ်လိုရီမြင့်စေတဲ့အတွက် တော်သင့်ရုံသာစားပါ။