အာဟာရဆိုင်ရာ အချက်အလက်များ

တော်တော်များများက ပိုတက်ဆီယမ်ဓာတ်ရအောင် ငှက်ပျောသီးစားကြပါတယ်။ ကျောက်ကပ်၊နှလုံးတို့ကအစ ကြွက်သားတွေ၊အာရုံကြောတွေအထိ လူ့ခန္ဓာကိုယ်အစိတ်အပိုင်းအားလုံးနီးပါး ပိုတက်ဆီယမ်ကိုလိုအပ်တာကြောင့်ပါ။ ဒါပေမယ့် ငှက်ပျောသီးတစ်မျိုးတည်းကိုပဲ အားကိုးပြီး စားနေဖို့တော့မလိုပါဘူး။ ဒီဓာတ်ကို ရနိုင်တဲ့တခြားအရင်းအမြစ်တွေက အများကြီးရှိနေသေးလို့ပါ။ ပဲစိမ်း နှစ်ပြန်ကြော်တွေထဲမှာပါတတ်တဲ့ ပဲစိမ်းလေးတွေကို သိမှာပါ။ အဲဒီပဲတွေက ပိုတက်ဆီယမ်ကြွယ်ဝတဲ့အပြင် သံဓာတ်နဲ့ အမျှင်ဓာတ်ပါဝင်မှုများပါတယ်။ အချိုဓာတ်နဲ့ အဆီဓာတ်တော့ နည်းပါးပါတယ်။ အာလူး အရွယ်တော် အာလူးလေးတွေမှာ ဗီတာမင်B1၊ B3 နဲ့ B6 တို့လည်းကြွယ်ဝပါသေးတယ်။ အာလူးကြော်စားမယ့်အစား ကျန်းမာရေးနဲ့ညီအောင်လို့ မီးဖုတ်စားတာ၊ ပူတင်းလုပ်စားတာ လိုမျိုး နည်းလမ်းအမျိုးမျိုးကိုစဉ်းစားသင့်ပါတယ်။ ထောပတ်သီး ထောပတ်သီးကို ငှက်ပျောသီးလို တစ်လုံးလုံးစားစရာတောင်မလိုပါဘူး။တော်ရုံစားတာနဲ့တင် ပိုတက်ဆီယမ်အပြင် ဗီတာမင် A၊ C၊ E တို့ပါတော်တော်လေးရနိုင်ပါတယ်။ သူ့မှာပါတဲ့ အကျိုးပြုအဆီဓာတ်တွေကြောင့် ကိုလက်စထရောတောင်ကျနိုင်ပါသေးတယ်။ ဖရဲသီး ဘယ်အချိန်စားစား ရင်အေးစေတဲ့ ဖရဲသီးကရေဓာတ်ပြည့်ဝစေတဲ့အပြင် ရောင်ရမ်းမှုကိုလျော့ကျစေနိုင်တဲ့lycopene လို အာဟာရဓာတ်တွေအများကြီးပေးစွမ်းနိုင်ပါတယ်။ နေကြာစေ့ နေကြာစေ့က စားရတာအလုပ်ရှုပ်လို့ သိပ်မစားဖြစ်တဲ့သူတွေအတွက် အခုဆိုရင် အခွံခွာပြီးသားအစေ့သီးသန့်ဘူးတွေဈေးကွက်မှာရှိနေပါတယ်။နေကြာစေ့က […]

ကိုယ်နေ့တိုင်းသောက်နေတဲ့ နွားနို့ မှာ ကောင်းကျိုးတွေ အများကြီးရှိတယ်ဆိုတာကို သင်သိပါသလား။ ဗီတာမင်၊ သတ္တုဓာတ်နဲ့ ပရိုတင်းဓာတ်တွေ ကြွယ်ဝစွာပါတဲ့ ဒီနွားနို့ဟာ သောက်လို့ ကောင်းတဲ့ အပြင် သင့်ကျန်းမာရေး အတွက် အကျိုးပြုပေးတဲ့ အရာတွေ အများကြီးရှိပါတယ်။ ဘာတွေလဲဆိုတာ ဆက်ကြည့်ရအောင်။ ပြောလို့တောင် မကုန်နိုင်တဲ့ နွားနို့ ရဲ့ ကောင်းကျိုးတွေ သွားနှင့် အရိုးများကို သန်စွမ်း ကြံ့ခိုင်စေတယ်။  နွားနို့မှာ ကယ်လ်ဆီယမ်နဲ့ ဗီတာမင် D တွေ ပါတာကြောင့် အရိုးနဲ့ သွားသန်မာစေဖို့ သူ့ကို နေ့တိုင်းသောက်သင့်တယ်ဆိုတာ ပြောစရာလိုမယ်တောင် မထင်ပါဘူး။ ငယ်ငယ်လေးထဲက နွားနို့သောက်လာခဲ့တဲ့ ကလေးတစ်ယောက်ဟာ ဖွံဖြိုးမှု အပိုင်းမှာ အခြားသူတွေထက် မြန်ဆန်သလို နွားနို့က အသက်ကြီးရင်ဖြစ်တတ်တဲ့ အရိုးပါးရောဂါ၊ အရိုးပွ ရောဂါတွေကိုလည်း ကာကွယ်ပေးဦးမှာပါ။ နှလုံးကျန်းမာရေးကိုလည်း အားပေးတယ်။  နွားနို့ […]

မုန့်ဟင်းခါးစားရင် ငှက်ပျောအူတွေ အသည်းအသန်ဖယ်ခိုင်းတဲ့သူတွေရှိလား။ ကိုယ်တွေကတော့ ဟင်းရည်တောင်းရင် ငှက်ပျောအူဖတ်လေးထည့်ပေးပါလို့ကို ထည့်တောင်းတာ။ ငှက်ပျောပင်ဟာ အသီး၊အခွံ၊အရွက်၊ ပင်စည်အထိကို တစ်ပင်လုံးဆေးဘက်ဝင်နေတာ တကယ်အံ့သြဖို့ကောင်းပါတယ်။ ငှက်ပျောသီးက ဗီတာမင်နဲ့သတ္တုဓါတ်တွေပါဝင်တယ်၊ အခွံကလည်း အသားအရေအတွက် အသုံးဝင်တယ်၊ အရွက်ဆိုလည်း ဟိုရှေးတည်းကမြန်မာမုန့်လုပ်တဲေ့နရာမှာ အမြဲထည့်သုံးလေ့ရှိတာ အဆိပ်အတောက်ကင်းတဲ့ သူ့ရဲ့ကျန်းမာရေးအကျိုးကျေးဇူးကြောင့်ပါ။ အခုတော့ ပင်စည်ဖြစ်တဲ့ ငှက်ပျောအူရဲ့ဆေးဘက်ဝင်ပုံကိုပြောပြချင်လို့ ဖတ်ကြည့်လိုက်ပါဦး။ သူများနိုင်ငံမှာဆို ငှက်ပျောအူကို ကြိတ်ပြီးအရည်ကိုဖျော်ရည်တောင်လုပ်သောက်တာနော်။ အဆိပ်အတောက်ဖယ်ရှားနိုင်စွမ်း ငှက်ပျောအူဟာ ခန္ဓါကိုယ်ထဲက အဆိပ်အတောက်ဓါတ်ေတွကို ဖယ်ရှားရှင်းလင်းပေးနိုင်ပါတယ်။ ဆီးလည်းရွှင်စေသလို အမျှင်ဓါတ်လည်း ကြွယ်ဝပါတယ်။ ဆီးကျောက်ကို ကြေစေပြီး ဆီးလမ်းကြောင်းပိုးဝင်ခြင်းကို ကုသနိုင်စွမ်း ငှက်ပျောအူနဲ့ဖာလာစေ့ ပေါင်းစပ်လိုက်ရင် ဆီးအိမ်ကို ပြေလျော့စေပြီး ဆီးကျောက်တွေကို ကြေစေနိုင်ပါတယ်လို့ ဆိုကြပါတယ်။ ငှက်ပျောအူနဲ့ သံပရာသီး ပေါင်းစပ်ရင် ဆီးလမ်းကြောင်းပိုးဝင်ခြင်းကြောင့် ခံစားရတဲ့ဝေဒနာတွေကို သက်သာစေနိုင်ပါတယ်။ ဝိတ်ကျစေခြင်း အမျှင်ဓါတ်ကြွယ်ဝလွန်းတဲ့ ငှက်ပျောအူက ခန္ဓါကိုယ်ရဲ့ ဆဲလ်တွေထဲ သကြားဓါတ်နဲ့အဆီဓါတ်တွေ မစုပုံလာအောင် […]

ကမ်းခြေသွားရင် သံပခြုပ်တွေလာလာရောင်းတာတွေ့ဖူးမှာပေါ့။ ဓါးလေးနဲ့ခွဲ၊ အတွင်းကအနှစ်တွေကို ဖန်ခွက်အသေးလေးထဲခြစ်ထည့်ပြီး သံပရာရည်ညှစ်သောက်ကြတာပါ။ အရမ်းအားရှိတယ်လို့တော့ပြောတာပဲ။ ဘာကြောင့်အားရှိတယ်ပြောတာလဲ သူ့ရဲ့ကျန်းမာရေးအကျိုးကျေးဇူးတွေကို ကြည့်လိုက်ပါဦး။ အသား၊ငါးတွေလိုပဲ ပရိုတင်းကြွယ်ဝတယ် သံပခြုပ်တွေက ပရိုတင်းဓါတ်ြကွယ်ဝပါတယ်။ အသား၊ငါးနဲ့ပဲတွေလိုပဲ အသားဓါတ်ရမယ့်အရင်းအမြစ်တစ်ခုအဖြစ်စားသုံးလို့ရတယ်။ ဒါ့ကြောင့် သံပခြုပ်အနှစ်ဂျပန်ထမင်းလိပ်ကို တခြားနိုင်ငံတွေမှာ လူကြိုက်များကြပါတယ်။ သံပခြုပ်အနှစ်ဆူရှီတစ်တုံးမှာ ပရိုတင်း ၃.၂ ဂရမ်ပါဝင်တာပါ။ အုတ်ဂျုံနဲ့ ဂျုံကြမ်းတို့လို အမျှင်ဓါတ်ရစေနိုင်တယ် သံပခြုပ်ကိုစားရင် အုတ်ဂျုံနဲ့ ဂျုံကြမ်းတွေလိုပဲ အမျှင်ဓါတ်များများရနိုင်တာကြောင့် ဝမ်းချုပ်ခြင်းကို ကာကွယ်ပြီး အစာခြေလမ်းကြောင်းကို ကျန်းမာစေပါတယ်။ သူ့ကိုဆက်တိုက်စားပေးရင် အမျှင်ဓါတ်လိုအပ်မှုကို အတော်ဖြည့်ဆည်းနိုင်ပါလိမ့်မယ်။ ဗီတာမင် C ပါဝင်တယ် သံပခြုပ်မှာ ဗီတာမင် C ပါဝင်တာကြောင့် ခန္ဓါကိုယ်ကျန်းမာကြံ့ခိုင်မှုအတွက် အားဖြည့်ပေးနိုင်ပြီးရောဂါတွေကိုခုခံနိုင်စွမ်းကောင်းမွန်စေနိုင်ပါတယ်။ သရက်သီး၊ လိမ္မော်သီး၊ အစိမ်းရောင်အသီးအရွက်တွေနဲ့ အားဆေးတွေ မစားချင်ဘူးဆိုရင် သူ့ကိုစားလို့ရပါတယ်။ ခွန်အားတိုးစေတယ် သံပခြုပ်ကို ကျားခွန်အားတိုးစေတဲ့အာဟာရအဖြစ် ဂျပန်မှာလူသိများတဲ့အပြင် သံပခြုပ်ဆူရှီကိုလည်းလူကြိုက်များပါတယ်။ သံပခြုပ်ကသွေးလည်ပတ်မှုကိုကောင်းစေတယ်၊ လိင်စိတ်ဖြစ်ပေါ်မှုကိုအားပေးပါတယ်။ ဗီတာမင် A ပါဝင်တယ် ဗီတာမင် A […]

အကင်ဆိုင်တစ်ဆိုင်ရောက်ရင် မပါမဖြစ်တဲ့ အမျိုးအစားတစ်မျိုးက ကင်းမွန်ကင် ဖြစ်ပါတယ်။ ဆိုင်တွေမှာက ပြည်ကြီးငါးလို့ သုံးကြပေမယ့် တကယ်က ဒီကင်းမွန်တွေပါပဲ။ အကွင်းလေးတွေလှီးပြီးအကြွပ်ကြော်တာစားမလား၊ အစာသွပ်ပြီးကင်တာ စားမလား၊ အချဉ်ထောင်းပြီးသုပ်တာစားမလား၊ မဆလာနဲ့ချက်စားမလား လူကြိုက်များတဲ့မီနူးကလည်းစုံလှပါတယ်။ ရခိုင်ဟင်းချဉ်စပ်လေးနဲ့ ဆိုလည်း ခံတွင်းတွေ့မှတွေ့။ ပြောရင်း ဗိုက်တောင်ဆာလာတယ်။ အဲဒီလို လူကြိုက်များပြီး အစားအသောက်အတော်များများမှာပါဝင်လေ့ရှိတဲ့ ကင်းမွန်ကို ဘာလို့စားသင့်တာလဲဆိုတာ ဆက်ပြောချင်လို့။ လူတွေက ပင်လယ်စာဆို အာဟာရတန်ဖိုးကိုအထင်သေးတတ်ကြလွန်းလို့ပါ။ ကင်းမွန်တွေမှာ တခြားအသားငါးတွေလိုပဲ ပရိုတင်းဆိုတဲ့ အသားဓာတ်နဲ့ သတ္တုဓာတ်တွေ ကြွယ်ဝတဲ့အပြင် အဆီရော၊ ကယ်လိုရီရော နည်းပါတယ်။ သူ့ရဲ့ ကောင်းကျိုးလေး နည်းနည်းဆက်ပြောပါရစေ။ ဒါမှအကြောင်းပြပြီး စားလို့ကောင်းအောင်ပေါ့။ ကယ်လိုရီနည်းတယ်။ ဆီနဲ့ နှစ်ကြော်ထားတာ မဟုတ်တဲ့ ကင်းမွန် ၁၀၀ ဂရမ် (အကင်ဖြစ်ဖြစ်၊ အပြုတ်၊အချက်ဖြစ်ဖြစ်) တစ်ပွဲမှာ ၇၅ ကယ်လိုရီကနေ […]

မှို ဟာ ကျန်းမာရေးအတွက် အလွန်ကောင်းတဲ့ အစားအစာအဖြစ် လူသိများကြပါတယ်။ ဗီတာမင်နဲ့ သတ္တုဓာတ်တွေအပြင် အရွယ်တင်နုပျိုစေတဲ့ antioxidant တွေအများအပြား ပါဝင်တဲ့ မှိုဟာ အရေပြားအလှအပအတွက်လည်း အထူးကောင်းတဲ့ ဓာတ်စာ ဖြစ်ပါတယ်။ ဟင်းသီးဟင်းရွက်တွေ အများစုက မီးပြင်းပြင်းနဲ့ ချက်ပြုတ်လိုက်တဲ့အခါမှာ ပါဝင်တဲ့ အာဟာရဓာတ်တွေ ပျက်စီးသွားတတ်ပါတယ်။ မှိုကတော့ များသောအားဖြင့် ဆီနည်းနည်းနဲ့ ကြော်ချက်ပြီး စားတဲ့အတွက် အာဟာရဓာတ်တွေကို ပြည့်ဝစုံလင်စွာ ရရှိနိုင်ပါတယ်။ မှို ထဲမှာ အမျှင်ဓာတ်နဲ့ မပြည့်ဝဆီတွေ ပေါကြွယ်ဝပြီး ကယ်လိုရီပါဝင်မှု နည်းပါတယ်။ ဗီတာမင် B အုပ်စု၊ အသားအရေအတွက် ကောင်းကျိုးများစွာ ပေးနိုင်တဲ့ ဗီတာမင် D နဲ့ ပိုတက်စီယမ်ဓာတ်တွေ အများအပြား ပါဝင်ပါတယ်။ မှို စားပေးခြင်းဖြင့် အသားအရေအတွက် ဘာကောင်းကျိုးတွေ ရစေနိုင်လဲ။ ၁။ အသားအရေကို ရေဓာတ် […]

ကော်ဖီဆိုတာ လူတိုင်းကြိုက်နှစ်သက်စွာ ၊ စွဲလမ်းစွာသောက်ကြတဲ့ သောက်စရာတစ်ခုပါ။ တချို့တစ်နေ့ကို မှ ကော်ဖီ တစ်ခွက် မသောက်ရရင် တစ်ခုခုလိုနေသလိုမျိုး ကော်ဖီ စွဲနေကြတဲ့သူတွေရှိပါတယ်။ ကော်ဖီသောက်တာ ကျန်းမာရေးအတွက်ကောင်းတယ်၊ တစ်ချို့ကလည်း ကော်ဖီက ကျန်းမာရေးကိုထိခိုက်စေတယ်ဆိုပြီး အုပ်စု နှစ်ခြမ်းကွဲပြီး ငြင်းခုန်လာကြတာ ရာစုနှစ် တစ်ခုကိုချီနေပါပြီ။ ဒီအုပ်စုကြီးနှစ်ခုမှာ ဘယ်သူမှန်လဲ။ ဘယ်သူမှားလဲ။ ကော်ဖီရဲ့ ကောင်းကျိုး ဆိုးကျိုးတွေ ။ ။ ကော်ဖီကကောင်းတယ်၊ ကော်ဖီက မကောင်းဘူးဆိုတဲ့ နှစ်ခြမ်းကွဲနေတဲ့ အုပ်စုနှစ်ခုမှာ အရမ်းကြီးမှန်တဲ့သူလည်း မရှိသလို လုံးဝ မှားနေတဲ့သူတွေ လည်း မရှိပါဘူး။ ဘာကြောင့်လဲဆိုတော့ ကော်ဖီသောက်တာဟာ ကျန်းမာရေးကို အထောက်အကူပြုသလို ကျန်းမာရေးကို လည်း ထိခိုက်စေပါတယ်။ ကော်ဖီသောက်ခြင်းရဲ့ ကောင်းကျိုးများ ။ ။ ကော်ဖီမှာ ပါတဲ့ ကဖင်းဓာတ်က ဦးနှောက်မှာရှိတဲ့ မောပန်းစေတဲ့ […]

အိမ်မှာ အတို့အမြှုပ်အဖြစ်နဲ့ စားသုံးလေ့ရှိကြတဲ့ ဗြုံးမွေးပင်ဟာ အိန္ဒိယ၊ ဩစတြေးလျား၊ ဥရောပ၊ အာဖရိက၊ အာရှနဲ့ မြောက် အမေရိက၊ တောင်အမေရိကတို့မှာ ပေါက်ရောက်လေ့ရှိတဲ့အပင်ဖြစ်ပါတယ်။ ဗြုံးမွှေးကိုလွန်ခဲ့တဲ့ရာစုနှစ်တွေကတည်းကဆေးဖက်ဝင် အပင်အဖြစ်သုံးခဲ့ကြတာဖြစ်ပြီး မှတ်ဉာဏ်ကောင်းစေတဲ့ေဆးဖက်ဝင်အပင်အဖြစ် လူသိများပါတယ်။ (၁) မှတ်ဉာဏ်ကောင်းစေခြင်း ဗြုံးမွေးကိုမှတ်ဉာဏ်အတွက် အားပေးတဲ့ဆေးဖက်ဝင်အပင်အဖြစ် သိကြပါတယ်။ အသက် ၄၀ ကနေ ၆၅ နှစ်အတွင်းရှိသူ ၇၆ ဦးကို စမ်းသပ်ခဲ့တဲ့လေ့လာမှုတစ်ခုအရ ဗြုံးမွေးဟာလောလောလတ်လတ် သိရှိထားတဲ့အကြောင်း အရာတွေကို မေ့လျော့မှုနှုန်းကိုလျော့နည်းစေဖို့  အထောက်အကူပေးတယ်လို့ သိရပါတယ်။ (၂) စိတ်ဖိစီးမှုနဲ့ပူပန်စိတ်ကိုလျော့နည်းစေနိုင်ခြင်း ဗြုံးမွေးကပြင်းထန် တဲ့ကျန်း မာရေးပြဿနာတွေဖြစ်လာစေတတ်တဲ့ စိတ်ဖိစီးမှုနဲ့ စိုးရိမ် ပူပန်စိတ်တွေကိုလျော့ကျစေနိုင်တယ်လို့လည်း သိကြပါတယ်။ ဗြုံးမွေးက စိတ်ကိုတည်ငြိမ်အေးချမ်းစေပြီး အာရုံထွေပြားမှုတွေနဲ့ ဂနာမငြိမ်ဖြစ်မှုတွေကိုလျော့ပါးသက်သာစေနိုင်တယ်လို့ဆိုပါတယ်။ (၃) စိတ်ပိုင်းဆိုင်ရာပြဿနာတွေနဲ့ အစာချေဖျက်မှြုပဿနာတွေကို ကုသနိုင်ခြင်း ၎င်းက အယ်လ်ဇိုင်းမားရောဂါ၊ အာရုံမစူးစိုက်နိုင်တဲ့ရောဂါနဲ့ မှတ်ဉာဏ်နဲ့ပတ်သက်တဲ့ရောဂါတွေကို ကုသရာမှာ အထောက်အကူပေးပါတယ်။ ဗြုံးမွေးက ဦးနှောက်ထဲ […]

အာလူးဟာ လူကြိုက်များတဲ့ ဟင်းသီးဟင်းရွက်အုပ်စုထဲမှာ ပါဝင်ပြီး အိမ်တိုင်းမှာ ဆောင်ထားလေ့ရှိကြပါတယ်။ အရသာလည်း ရှိတယ်။ အာဟာရဓါတ်လည်း ပေါကြွယ်ဝတဲ့အပြင် ကျန်းမာရေးနဲ့လည်း ညီညွတ်စေတဲ့ အာလူးကို နေ့စဉ် စားသုံးပေးရင် ရနိုင်တဲ့ ကောင်းကျိုးတွေကို ပြောပြပေးမယ်နော်။ ၁။ ပေါကြွယ်ဝလွန်းတဲ့ အာဟာရဓါတ်တွေ အာလူးမှာ ပါဝင်ပါတယ်။ လူသားတိုင်း နေ့စဉ် ကျန်းမာရေးနဲ့ ညီညွတ်စေတဲ့ ဟင်းသီးဟင်းရွက်တွေ စားပေးဖို့ လိုအပ်ပါတယ်။ အာလူးမှာ လူ့ခန္ဓါကိုယ်အတွက် လိုအပ်တဲ့ အာဟာရဓါတ်တွေ ဖြစ်တဲ့ ဗီတာမင် B6 ၊ ဗီတာမင် C ၊ ပိုတက်စီယမ်ဓါတ်၊ မဂ္ဂနိစ်ဓါတ်၊ မဂ္ဂနီဆီယမ်ဓါတ်၊ ဖော့စဖရပ်စ်ဓါတ်၊ ဖောလစ်အက်ဆစ်၊ အမျှင်ဓါတ်၊ အသားဓါတ်နဲ့ ကစီဓါတ်တွေ အများအပြား ပါဝင်ပါတယ်။ အာလူးကို ကြော်ချက်ပြီး ဖြစ်စေ၊ မီးဖုတ်ပြီး ဖြစ်စေ စားလို့ အဆင်ပြေပါတယ်။ […]

အုန်းနို့ခေါက်ဆွဲတွေ အများကြီးမစားနဲ့သွေးတိုးလိမ့်မယ်။ အုန်းနို့ပါတယ်လား။သွေးတိုးတတ်လို့ မစားတော့ဘူးနော်၊ လို့ ပြောနေကြတယ်နော်။ တကယ်ကော အုန်းနို့က စားရင်သွေးတိုးတတ်လား။ အရာရာက တန်ဆေးလွန်ဘေးလို့ပဲ ပြောပါရစေ။ အစားအစာတိုင်းက အသင့်အတင့်စားရင် ခန္ဓါကိုယ်အတွက် အားဖြစ်စေသလို ကျန်းမာရေးကို ဆိုးကျိုးမပေးပါဘူး။ ကျန်းမာရေး အကျိုးကျေးဇူးတွေတောင် ရရှိနိုင်ပါသေးတယ်။ အုန်းနို့ အုန်းနို့က အုန်းသီးအရင့်ကို ကြိတ်ပြီး အရည်ညှစ်ထားတာပါ။ သဘာဝကရတဲ့ အာဟာရတစ်မျိုးပေါ့။မြန်မာနိုင်ငံ အပါအဝင် ထိုင်း နဲ့ အရှေ့တောင်အာရှနိုင်ငံတော်တော်များများမှာ ဟင်းပွဲတွေ။ အချိုပွဲတွေပြင်ဆင်တဲ့အခါ အုန်းနို့ကို အသုံးပြုကြပါတယ်။ ဟာဝိုင်အီ၊ အိန္ဒိယနဲ့ ကာရေဗီယန်နိုင်ငံတွေမှာလည်း အုန်းနို့ကို ကြိုက်နှစ်သက်စွာ စားသုံးနေကြပါတယ်။ အုန်းနို့က အဆီဓါတ်ပါဝင်နေပြီး ရင့်နေတဲ့ အုန်းသီးကနေထုတ်ယူထားတဲ့အဆီအနှစ်ပါ။ အုန်းခွံက အညိုရောင်သန်းသန်းလေလေ အုန်းသီးရင့်လေလေပါ။ ရင့်မှည့်နေတဲ့ အုန်းသီးကို ကြိတ်ထားတဲ့ အုန်းနို့က အဆီပါဝင်မှုများသလို အရသာလည်းရှိပါတယ်။ ဟင်းပွဲတွေရဲ့ အရသာကိုတိုးစေနိုင်တဲ့ အရာတစ်မျိုးပါ။ ဘယ်လိုအာဟာရဓါတ်တွေပါဝင်နေလဲ အုန်းနို့က ကယ်လ်လိုရီ […]