အခြေခံကျသည့် ကျန်းမာရေးဗဟုသုတများ

စနစ်တကျတပ်ဆင်ထားမယ်၊လေဝင်လေထွက်ကောင်းအောင်လုပ်ထားမယ်၊သေချာထိန်းသိမ်းပြင်ဆင်မှုရှိမယ်ဆိုရင် ဂက်စ်မီးဖိုသုံးရတာဘေးကင်းမှုကိုစိတ်မပူရပါဘူး။ ဒါပေမယ့် ပစ်စလက်ခတ်ထားမယ်၊ဖြစ်သလိုသုံးမယ်ဆိုရင်တော့ မတော်တဆမှုတွေစိုးရိမ်ရသလို တခြားကျန်းမာရေးပြဿနာတွေဖြစ်လာနိုင်ပါတယ်။ ဂက်စ်မီးဖိုကနေဖြစ်လာနိုင်တဲ့အဓိကအန္တရာယ်တွေကတော့ ကာဗွန်မိုနောက်ဆိုဒ်အဆိပ်သင့်ခြင်း၊ ဂက်စ်ယိုစိမ့်ခြင်းနဲ့ အဆိပ်ဓါတ်ထိတွေ့မိခြင်းတို့ပဲဖြစ်ပါတယ်။ ကာဗွန်မိုနောက်ဆိုဒ်အဆိပ်သင့်ခြင်း ကာဗွန်မိုနောက်ဆိုဒ်ဟာ အလုံပိတ်နေရာတစ်ခုအတွင်းမှာဆိုရင် လူတွေကိုသေစေနိုင်တဲ့အထိပြင်းထန်တဲ့ အရောင်မဲ့၊အနံ့မဲ့တဲ့ ဓါတ်ငွေ့တစ်မျိုးဖြစ်ပါတယ်။ ဒါ့ကြောင့် ဂက်စ်မီးဖိုအသုံးပြုချက်ပြုတ်နေတယ်ဆိုရင် မီးဖိုခန်းနဲ့အိမ်ခန်းတွေကို လေဝင်လေထွက်ကောင်းအောင်ဂရုစိုက်ပါ။ ကာဗွန်မိုနောက်ဆိုဒ်ဓါတ်ငွေ့နဲ့ဖော်မယ်လ်ဒီဟိုက်တွေ ထွက်ရှိတဲ့နှုန်းက ပုံမှန်အသုံးဆို သိပ်မများပေမယ့် နိုက်ထရိုဂျင်အောက်ဆိုဒ်ထုတ်လွှတ်မှုကပြင်ပလေထုအတွက် လက်ခံနိုင်တဲ့အတိုင်းအတာထက်ကျော်လွန်နေတယ်လို့ သဘာဝပတ်ဝန်းကျင်ကာကွယ်ရေးအဖွဲ့အစည်းကထုတ်ပြန်ထားပါတယ်။ ဒါ့ကြောင့် အလုံပိတ်အခန်းအတွင်းချက်ပြုတ်ရတာ ပုံမှန်ထက်ပိုများတဲ့ စားဖိုမှူးတွေမှာ ဒီအန္တရာယ်ပိုစိတ်ပူရတာပါ။ တခြားအဆိပ်ဓါတ်ငွေ့များ ဂက်စ်မီးဖိုကို တပ်ဆင်မှုစနစ်မကျရင်၊လေထွက်ပေါက်မရှိရင် နိုက်ထရိုဂျင်ဒိုင်အောက်ဆိုဒ်နဲ့ဖော်မယ်လ်ဒီဟိုက်တို့လို အဆိပ်ဓါတ်ငွေ့တွေကိုရှူရှိုက်ရပါလိမ့်မယ်။လေထွက်ပေါက်တပ်ဆင်ထားရင်တော့ အဆိပ်ဓါတ်ငွေ့ထိတွေ့မှုကိုလျော့နည်းစေပါလိမ့်မယ်။   ဂက်စ်ယိုစိမ့်မှု ဂက်စ်ပိုက်ပေါက်နေမယ်ဆို အိမ်ထဲမှာ ဓါတ်ငွေ့ယိုစိမ့်မှုကြောင့် မတော်တဆ မီးလောင်စေနိုင်ပါတယ်။ ချို့ယွင်းနေတဲ့နေရာ ရှိမရှိကို အမြဲစစ်ဆေး၊ပြင်ဆင်သင့်ပါတယ်။ အိမ်ထဲမှာ ဂက်စ်နံ့ရနေမယ်၊ ယိုစိမ့်နေပြီလို့သံသယရှိနေတယ်ဆို မီးဖိုနဲ့ ဂက်စ်အိုးကို တတ်ကျွမ်းသူခေါ်ပြီး စစ်ဆေးပါ။ မပေါ့ဆသင့်တဲ့ အိမ်သုံးပစ္စည်းထဲမှာ ဂက်စ်မီးဖိုတွေက ထိပ်ဆုံးကပါဝင်ပါတယ်။ အန္တရာယ်နည်းအောင်ဘယ်လိုလုပ်ရမလဲ ဂက်စ်မီးဖိုသုံးပြီး ချက်ပြုတ်နေတဲ့အခါ အိမ်ရှေ့ပိုင်းမှာ(မီးဖိုနဲ့အဝေးမှာ) ပန်ကာဖွင့်ထားပါ။ […]

ကိုယ်ခန္ဓါရဲ့ ၇၅ ရာခိုင်နှုန်းခန့်ကို ရေဓါတ်နဲ့ ဖွဲ့စည်းထားပါတယ်။ ဒါ့အပြင် ထမင်းအသက် ခုနှစ်ရက် ရေအသက် တစ်မနက်ဆိုတဲ့ ဆိုရိုးလည်း ရှိပါသေးတယ်။ ကျွန်တော်တိုရဲ့ ကျန်းမာရေးနဲ့ နေ့စဉ်လှုပ်ရှားသွားလာမှုတွေအတွက် ရေဟာ မရှိမဖြစ် အရေးကြီးပါတယ်။ ခန္ဓါကိုယ်ကနေ လိုအပ်တဲ့ရေဟာ ပါးစပ်ကနေပဲ အဓိကဝင်ရောက်ပါတယ်။ ရေဟာအသက်ရှင်ရပ်တည်ရေးအတွက် အရေးပါတယ်ဆိုပေမယ့် ညစ်ညမ်းမှုတဲ့ရေကတော့ ကိုယ်ခန္ဓါကို ထိခိုက်စေပါတယ်။ မိမိတို့နေထိုင်ရာဝန်းကျင်က ရေထုဟာ အကြောင်းအမျိုးမျိုးကြောင့် ညစ်ညမ်းနေရင် လူထုနဲ့ချီတဲ့ ကျန်းမာရေးပြဿနာများ ဖြစ်ပွားရပါတယ်။ ရေထုညစ်ညမ်းရခြင်းရဲ့ အကြောင်းအရင်းများ ကျွန်တော်တို့ ပတ်ဝန်းကျင်က ရေထုကို ညစ်ညမ်းစေတဲ့ အဓိကအကြောင်းအရာများကတော့ အောက်ပါအတိုင်း ဖြစ်ပါတယ်။ အိမ်ရာများ၊ စက်ရုံအလုပ်ရုံများမှ ရေဆိုးရေညစ်များကို မပြုပြင်ဘဲ မြစ်ချောင်းများထဲသို့ စွန့်ပစ်ခြင်း စက်ရုံများမှ ဓါတုပစ္စည်းများ စွန့်ထုတ်ခြင်း မြို့ပြများဖွံ့ဖြိုးလာရမှ ညစ်ညမ်းမှုမြင့်တက်လာခြင်း ရုပ်ကြွင်းလောင်စာများ မီးလောင်ရာမှ အက်ဆစ်မိုးများ ရွာချခြင်း ရေနံဓါတုပစ္စည်းများ ဖိတ်စင်ခြင်း […]

အိမ်ဆိုတာ လုံခြုံမှုအကာအကွယ်ပေးထားတဲ့ အရိပ်အမြုံတစ်ခုလို့ လက်ခံယုံကြည်ထားကြပါတယ်။ အိမ်ပြန်ရောက်ရင် စိတ်ထဲလုံခြုံမှုကိုခံစားရသလို စိတ်လက်ပေါ့ပါးသွားကြတာ သဘာဝပါပဲ။ ဒါပေမယ့် ကိုယ့်အိမ်ထဲမှာရှိသမျှအရာတွေအားလုံးက မိတ်ဆွေစစ်တွေမဟုတ်ကြပါဘူး။ အကူအညီရတာ၊အသုံးဝင်တာမှန်ပေမယ့် အချိန်မရွေး အန္တရာယ်ပေးနိုင်တဲ့ အိမ်တွင်းရန်သူတွေပါဝင်နေပါတယ်။ ပစ္စည်း အရွယ်အစားသေးငယ်ရင်တောင် သတိမမူမိရင် အသက်အန္တရာယ်အထိဖြစ်လာနိုင်တဲ့ အနေအထားတွေရှိနိုင်ပါတယ်။ အိမ်မှာရှိနေကျပစ္စည်းတွေက အမြဲတမ်းပုံမှန်ဆို ဘာမှမဖြစ်ပေမယ့် အခန့်မသင့်ရင်ဖြစ်လာနိုင်တဲ့အန္တရာယ်တွေကို သတိထားသင့်ပါတယ်။ ကိုယ့်မိသားစုမှာ အသက်ကြီးသူတွေနဲ့ ကလေးငယ်တွေရှိတယ်ဆို ပိုသတိထားရမှာပါ။ သတိဆိုတာ ပိုတယ်မရှိပါဘူး။ ဓါတ်ခဲပိစိလေးတွေ အီလက်ထရောနစ်ပစ္စည်းတွေမှာ ပါတဲ့ ဓါတ်ခဲသေးသေးလေးတွေ(ဥပမာ -နာရီဓါတ်ခဲအပြားလေးတွေ) ကို ကလေးငယ်တွေမျိုချမိနိုင်ပါတယ်။Nine-volt ဓါတ်ခဲတွေဟာလည်း ပါကင်ဖောက်ပြီးပြင်ပမှာ စက္ကူညှပ်တွေ၊ အိုးတိုက်စတီးမျှင်ထွေးတွေလို သံသတ္ထုတွေနဲ့ထိတွေ့မိရင် အပူရှိန်မြင့်ပြီး မီးထလောင်နိုင်ပါတယ်။ တီဗီ ဘယ်သူမဆိုဖြစ်နိုင်ပေမယ့် အထူးသဖြင့် ကလေးငယ်တွေအတွက် ပိုသတိထားသင့်ပါတယ်။ တီဗီတွေကိုအောက်ခြေမငြိမ်တဲ့ ပရိဘောဂတွေပေါ် တင်မထားပါနဲ့။ အခန့်မသင့်လို့ပြုတ်ကျခဲ့ရင် အန္တရာယ်ရှိတဲ့အပြင် လျပ်စစ်အန္တရာယ်လည်း စိုးရိမ်ရပါတယ်။ အံဆွဲတွေပါတဲ့ တီဗီစင်တွေကိုလည်း သတိထားကိုင်တွယ်ပါ။ ဂက်စ်မီးဖို ဂက်စ်မီးဖိုတွေက […]

တစ်နေ့မှာ ဘယ်နှကြိမ်လောက် မျက်နှာကို လက်နဲ့ထိတတ်လဲ။ မျက်နှာသစ်တဲ့အချိန် မိတ်ကပ်လိမ်းတဲ့အချိန်မဟုတ်ဘဲလေ။တော်တော်များများပဲမဟုတ်လား။ လက်ကအားနေတိုင်းဖြစ်ဖြစ်၊တစ်ခုခုတွေးနေရင်းဖြစ်ဖြစ် လက်ကရောက်မှန်းမသိ မျက်နှာပေါ်ရောက်ရောက်သွားတတ်တယ်ဟုတ်။ လက်ကနေရာတိုင်းကိုထိတွေ့နေတာပါ။ တံခါးလက်ကိုင်ဘုတွေကို ကိုင်ရတာလည်း ဒီလက်ပဲ။ ဖုန်းသုံးရင်လည်း ဒီလက်ပဲ။ ဖိနပ်စီးလည်း ဒီလက်ပဲ။ ဘာလုပ်လုပ်လက်ချောင်းတွေကို အများဆုံးအသုံးပြုရတာပါ။ အရာရာကိုထိတွေ့နေရတဲ့ လက်ချေင်းတွေမှာ ဘက်တီးရီးယားတွေက ထောင်နဲ့ချီပြီးရှိနေနိုင်ပါတယ်။ ဒီလိုမျိုးအရာရာမှာ အသုံးဝင်တဲ့ဒီလက်တွေက မျက်နှာအသားအရေအတွက်တော့ရန်သူပါပဲ။ မျက်နှာကို လက်နဲ့ထိရင် ဘာဖြစ်လာမလဲ မျက်နှာကို လက်နဲ့ထိတွေ့တဲ့အခါ ဘက်တီးရီးယားတွေကို မျက်နှာပေါ်တင်ပေးလိုက်သလိုဖြစ်ပြီး အရေပြားထိခိုက်တာတွေဖြစ်လာနိုင်ပါတယ်။ မျက်နှာကိုလက်နပြထိရုံတင်မဟုတ်ဘဲ ကုတ်မယ်။ ဖဲ့မယ်ဆိုရင်တော့အရေပြားကရောင်ရမ်းပိုးဝင်တာမျိုးတွေအထိတောင်ဖြစ်လာနိုင်ပါတယ်နော်။ မျက်နှာကို လက်နဲ့ခဏ ခဏထိတွေ့တဲ့အခါ - ရောဂါပိုးတွေပြန့်နိုင်တယ် လက်ချောင်းက ကီးဘုတ်တွေကိုထိတွေ့ထားသလို၊မောက်စ်၊ ပိုက်ဆံ၊ခြေထောက်၊ဖိနပ် နဲ့ အခြားသောအရာတွေကို ထိတွေ့မိနိုင်ပါတယ်။ ဒီအရာတွေမှာဘက်တီးရီးယားတွေရှိနေနိုင်ပြီး လက်ချောင်းတွေမှာ ကပ်ငြိလာနိုင်ပါတယ်။ လက်ချောင်းတွေနဲ့ မျက်နှာကိုထိတွေ့လိုက်တဲ့အခါ ဘက်တီးရီးယားတွေကို မျက်နှာပေါ်ကို အခမဲ့ပို့ဆောင်ပေးလိုက်သလိုဖြစ်သွားပြီး အရေပြားကို ထိခိုက်စေနိုင်ပါတယ်။ အရေပြားပြဿနာတွေကို ပိုဆိုးစေနိုင်တယ် ဝက်ခြံတွေကို […]

စိတ်လှုပ်ရှားတဲ့အခါ၊ စိတ်ပူပန်တဲ့အခါ၊ တစ်ခုခုတွေးနေတဲ့အခါမျိုးမှာ လူတွေက အမှုမဲ့အမှတ်မဲ့ လုပ်မိနေတဲ့ အပြုအမူလေးတွေရှိနေတတ်ပါတယ်။ ဒါကကိုယ်ပိုင်အမှတသညာတစ်ခုပေါ့။ စာဖတ်ပရိသတ်ကြီးရော ဘာလုပ်တတ်တာလဲ။ခေါင်းကုတ်နေတတ်တာလား။ မျက်နှာကို ပွတ်မိနေတတ်တာလား။လက်ချောင်းလေးတွေ၊ ခြေချောင်းလေးတွေလှုပ်နေတတ်တာလား။ ဒါမှမဟုတ် လက်သည်းကိုက်တတ်တာလား။ ကျန်တာတွေကပြဿနာမရှိပေမယ့် သင်က လက်သည်းကိုက်တတ်တဲ့သူဆိုရင်တော့ ဒီအကျင့်ကပြင်မှဖြစ်မှာပါ။ ကလေးမို့လက်သည်းကိုက်တာကမေမေဖေဖေတွေမှာ တာဝန်ရှိတာဆိုပေမယ့် အရွယ်ရောက်ပြီးသူတစ်ယောက်ဖြစ်ပြီ လက်သည်းကိုက်နေသေးရင်တော့ သတိထားပြီးပြင်ရပါတော့မယ်။ လက်သည်းကိုက်တာကို ရပ်တန့်သင့်တဲ့အကြောင်းအရင်းတွေ လက်သည်းကိုက်တာကပြဿနာကြီးကြီးမားမားမဟုတ်ဘူးလို့ ထင်စရာရှိပေမယ့် ခပ်ပေါ့ပေါ့သဘောထားရမှာတော့လည်း မဟုတ်ပါဘူး။ လက်သည်းကိုက်တဲ့အခါ - လက်သည်းတွေပျက်စီးလာနိုင်တယ် - လက်သည်းကိုက်တာက အချိန်ကြာလာတာနဲ့အမျှ လက်သည်းနဲ့ လက်သည်းတဝိုက်က တစ်ရှုးတွေထိခိုက်ပျက်စီးစေပြီး လက်သည်းရဲ့ဖြစ်ပေါ်မှုကို ထိခိုက်စေနိုင်ပါတယ်။ လက်သည်းတွေကိုလည်း ပုံမကျ ပန်းမကျဖြစ်စေနိုင်ပါတယ်။ အပြုံးလှလှလေးတွေပျောက်ဆုံးလာနိုင်တယ် - လက်သည်းကမာကြောတဲ့အရာပါ။ ဒီမာကြောတဲ့အရာကို ကိုက်နေတဲ့အခါ သွားတွေက ပျက်စီးလာနိုင်ပါတယ်။ရေရှည်မှာ လက်သည်းကိုက်တာကြောင့်မေးရိုးပြဿနာတွေတောင်ရှိလာနိုင်ပါတယ်။ အပြုံးလေးတွေလှပချင်ရင် လက်သည်းကိုက်တဲ့အကျင့်ကိုဖျောက်ပါ။ နာမကျန်းဖြစ်စေနိုင်တယ် - လက်တွေက ဘက်တီးရီးယားတွေရဲ့ အဓိကနားခိုရာနေရာပါ။ လက်သည်းလေးတွေအောက်မှာ […]