အခြေခံကျန်းမာရေး

တရားဝင်ကိုယ်ဝန်ဖျက်ချခြင်းဆိုတာဘာလဲ။ ကိုယ်ဝန်ကို စောစီးစွာဖျက်ချခြင်းကို ဆိုလိုပါတယ်။ တရားဝင်ကိုယ်ဝန်ဖျက်ချခွင့်ရှိတဲ့နိုင်ငံတွေမှာ အမျိုးသမီးတိုင်းဟာ ကိုယ်ဝန်၂၄ ပတ်မတိုင်ခင်မှာ ဖျက်ချခွင့်ရှိပါတယ်။ ၂၄ပတ်နောက်ပိုင်းမှာ ဖျက်ချတာမျိုးက ရှားတယ်ဆိုပေမယ့် ဒီလိုလုပ်ဖို့လိုအပ်လာပြီဆိုရင် (သင့်ရဲ့လက်ရှိကျန်းမာရေးအခြေအနေ၊ နောက်ပိုင်းမှာကြုံတွေ့လာရမယ့် ရုပ်ပိုင်းဆိုင်ရာ၊ စိတ်ပိုင်းဆိုင်ရာ၊ လူမှုရေးဆိုင်ရာ အခက်အခဲ ပြဿနာတွေအပေါ် အခြေခံပြီး) ဆရာဝန်နှစ်ဦးရဲ့ ထောက်ခံချက်နဲ့ဖျက်ချနိုင်ပါတယ်။ (မှတ်ချက်။ မြန်မာနိုင်ငံတွင် တရားဝင် ကိုယ်ဝန်ဖျက်ချခွင့် မရှိပါ။) ဘယ်လိုနည်းလမ်းတွေနဲ့ ဖျက်ချနိုင်သလဲ။ ကိုယ်ဝန်နုစဉ်မှာ ဆေးသောက်တဲ့ နည်းလမ်း (ကိုယ်ဝန် ၉ပတ်အထိ) ဒါဟာ သဘာဝအလျောက်ကိုယ်ဝန်ပျက်ကျတဲ့ ပုံစံကိုတုပထားတာ ဖြစ်ပါတယ်။ ဒီနည်းလမ်းကို ကိုယ်ဝန် ၉ပတ် ဒါမှမဟုတ် ဒီထက်စောစော အသုံးပြုနိုင်ရင် အကောင်းဆုံး ဖြစ်ပါတယ်။ mifepristone ဆေးပြားတစ်ပြားကို ဦးစွာ သောက်ရပါမယ်။ ဒီဆေးဟာ ကိုယ်ဝန်ရှိရင် သင့်ခန္ဓါကိုယ်ထဲမှာ ထွက်လာတဲ့ ဟော်မုန်းတွေရဲ့ပမာဏကို နည်းပါးလျော့ကျစေပါတယ်။ နှစ်ရက်ကြာတဲ့အခါ prostaglandin ဆေးပြားလေးပြားကို ထပ်သောက်ရပါမယ်။ […]

သိုင်းရွိုက်ဂလင်းဆိုတာ ဘာလဲ။ သင့်လည်ပင်းမှာရှိပြီး ခန္ဓါကိုယ်ရဲ့ဇီဝကမ္မ ဖြစ်စဉ်တွေကို ထိန်းညှိပေးတဲ့ သိုင်းရွိုက်ဟော်မုန်းကို ထုတ်ပေးနိုင်သောဂလင်းကို သိုင်းရွိုက်ဂလင်းလို့ ခေါ်ပါတယ်။ ဒီဂလင်း ကြီးလာတာကို လည်ပင်းကြီးတယ်လို့ခေါ်ပါတယ်။ သိုင်းရွိုက်ဂလင်း ဖြတ်ထုတ်ခြင်းဟာ ဘယ်လိုအကျိုးကျေးဇူးတွေ ရှိသလဲ။ သိုင်းရွိုက်ဂလင်းဖယ်ထုတ်ခြင်းအားဖြင့် လည်ပင်းကြီးခြင်းကြောင့် အရုပ်ဆိုးနေတဲ့ အသွင်အပြင်ကိုပြောင်းလဲတိုးတက်စေပြီး ရောဂါနောက်ဆက်တွဲ ပြဿနာတွေဖြစ်တဲ့ အသက်ရှုရခက်ခြင်း၊ မျိုချရခက်ခြင်းအစရှိတာတွေကိုလည်း ကာကွယ်၊ ပျောက်ကင်းစေနိုင်ပါတယ်။ သိုင်းရွိုက်ဂလင်းကို ဖြတ်ထုတ်လိုက်တာ ဘာအန္တရာယ်တွေများရှိနိုင်သလဲ။ အဖုအလုံးအများကြီးပေါ်လာပြီး ဂလင်းရဲ့လုပ်ငန်းဆောင်တာတွေ ပုံမှန်အတိုင်းသာပြုလုပ်တဲ့ (euthyroidmultinodular goiters) လည်ပင်းကြီးရောဂါအများစုအတွက် ခွဲစိတ်ခြင်း ဒါမှမဟုတ် ဆေးသောက်ခြင်းတွေ ပြုလုပ်ဖို့မလိုပါဘူး။ အဖုအလုံးတစ်ခုချင်းစီရဲ့အရွယ်အစားကို မျက်ခြေမပြတ်သိရှိနေစေဖို့အတွက် သိုင်းရွိုက်ဂလင်းကို အာထရာဆောင်း မကြာခဏရိုက်ရပါမယ်။ အဖုအရွယ်အစား အလွန်ကြီးမားရင်တော့ လေပြွန်ကိုဖိပြီး ပိတ်ဆို့တာမျိုးရှိမရှိ သိနိုင်ဖို့နဲ့ သိုင်းရွိုက်ဂလင်းရဲ့ အရွယ်အစားကိုသိရှိနိုင်ဖို့အတွက် သံလိုက်ဓါတ်မှန် ဒါမှမဟုတ် ကွန်ပျူတာဓါတ်မှန် ရိုက်ရပါမယ်။ အဖုအလုံးတွေ အများကြီးရှိပြီး ဟော်မုန်းတွေပုံမှန်ထက် အများကြီးပိုထုတ်ကာ ရောဂါအရမ်းကြွနေတဲ့ […]

ချက်ကနေ အူကျွံတယ်ဆိုတာဘာလဲ။ ချက်အနောက်ဖက် ကပ်ရပ်မှာရှိတဲ့ ဝမ်းဗိုက်ကြွက်သားအလွှာတွေ အားနည်းတာကြောင့် ချက်ကနေအူကျွံတာ ဖြစ်လာနိုင်ပါတယ်။ မိခင်ဗိုက်ထဲရှိနေစဉ်ကာလမှာ ကလေးအားလုံးရဲ့ ချက်ထဲကနေအူတွေအပြင်ကိုကျွံထွက်နေပါတယ်။ ဒါဟာသဘာဝပါ။ မိခင်ဗိုက်ထဲကနေအပြင်ကိုထွက်မလာခင်မှာ အူကျွံတဲ့အပေါက်ပိတ်သွားရမှာဖြစ်ပေမယ့် နေ့စေ့လစေ့အချိန်ရောက်တဲ့အထိ ကလေးငါးယောက်မှာ တစ်ယောက်လောက်ဟာ ဆက်ပြီးအူကျွံနေနိုင်ပါတယ်။ တကယ်လို့သင့်ကလေးမှာအူကျွံနေတယ်ဆိုရင် ဝမ်းဗိုက်မှာဖောင်းနေတာကို မြင်ရမှာ ဖြစ်ပါတယ်(အထူးသဖြင့်ငိုနေတဲ့အချိန်မျိုးမှာပေါ့)။ ကျွံထွက်နေတဲ့အူတွေ ဒါမှမဟုတ် တခြားအရာတွေဟာ ဗိုက်ထဲမှာ ပိတ်မိနေပြီးညှစ်ခံထားရသလို ဖြစ်ကာ သွေးကောင်းကောင်းမရနိုင်တော့တဲ့အခြေအနေဖြစ်လာနိုင်တာမို့အူကျွံတာဟာအန္တရာယ်ရှိပါတယ်။ ဒီလိုအန္တရာယ်ရှိတဲ့အခြေအနေမျိုးဟာ ကလေးဘဝမှာ ဖြစ်ပေါ်လေ့မရှိပေမယ့် အရွယ်ရောက်တဲ့အခါမှာတော့ ဖြစ်လာနိုင်ပါတယ်။ ဘာလို့ခွဲစိတ်သင့်တာလဲ။ သင့်ကလေးမှာ အူကျွံနေတာမျိုးမရှိသင့်ပါဘူး။ ခွဲစိတ်မှုခံယူလိုက်မယ်ဆိုရင် သင့်ကလေးအနေနဲ့အရွယ်ရောက်လာတဲ့အခါ အူကျခြင်းရဲ့ဆိုးရွားလှတဲ့နောက်ဆက်တွဲ ပြဿနာတွေကိုခံစားရတော့မှာမဟုတ်ပါဘူး။ ဒီခွဲစိတ်မှုရဲ့နောက်ဆက်တွဲ ပြဿနာတွေကဘာတွေရှိနိုင်မလဲ။ အူကျွံတဲ့အပေါက်ဟာ ကလေးအသက်တစ်နှစ်မပြည့်ခင်မှာ အများအားဖြင့်ပိတ်သွားလေ့ရှိပါတယ်။ တကယ်လို့အသက်သုံးနှစ်ပြည့်ချိန်ထိ မပိတ်သေးဘူးဆိုရင်တော့ ခွဲစိတ်ဖို့လိုလာပါပြီ။ ခွဲပြီးရင်လည်း အူကျွံတာဟာ ပြန်ဖြစ်လာနိုင်ပါတယ်။ ခွဲစိတ်မှုကြောင့် ဖြစ်လာနိုင်တဲ့နောက်ဆက်တွဲ ပြဿနာတွေ၊ အန္တရာယ်တွေအကြောင်းကို ခွဲစိတ်ကုသမှုမခံယူခင်မှာ သင့်အနေနဲ့ကောင်းကောင်းနားလည်သဘောပေါက်ထားဖို့လိုအပ်ပါတယ်။ တကယ်လို့သင့်အနေနဲ့မရှင်းလင်းတာ၊ မေးချင်တာတွေရှိတယ်ဆိုရင် သင့်ဆရာဝန် […]

အစာအိမ်နဲ့အူလမ်းကြောင်းမှန်ပြောင်းကြည့်တယ်ဆိုတာဘာလဲ။ ပျော့ပြောင်းတဲ့မှန်ပြောင်းပိုက်လေးကိုသုံးပြီး အစာရေမြို၊ အစာအိမ်နဲ့အူသိမ်အရှေ့ပိုင်းတို့ရဲ့အတွင်းပိုင်းကိုကြည့်ရှုစစ်ဆေးတာကို ဆိုလိုပါတယ်။ အစာအိမ်မှန်ပြောင်းကြည့်တာလို့လည်း အလွယ်ခေါ်တတ်ကြပါသေးတယ်။ အစာအိမ်မှန်ပြောင်းကြည့်ဖို့ဘယ်အချိန်မှာ လိုအပ်သလဲ။ အစာရေမြိုပြွန်၊ အစာအိမ်နဲ့အူသိမ်အစပိုင်း အပါအဝင် အစာခြေလမ်းကြောင်းအပေါ်ပိုင်းမှာ ဖြစ်ပွားတတ်တဲ့ ပြဿနာ၊ ရောဂါတွေကို ရှာဖွေဖော်ထုတ်နိုင်ဖို့နဲ့တစ်ခါတစ်ရံမှာ ကုသပေးနိုင်ဖို့အတွက်ပါ မှန်ပြောင်းကြည့်လေ့ရှိပါတယ်။ သင့်ဆရာဝန်အနေနဲ့အောက်ပါအခြေအနေတွေမှာ အစာအိမ်မှန်ပြောင်းကြည့်ဖို့ညွှန်ကြားပါလိမ့်မယ်။ • ရောဂါလက္ခဏာတွေကို ရှာဖွေဖော်ထုတ်ရန်။ ပျို့အန်ခြင်း၊ ဗိုက်နာ/အောင့်ခြင်း၊ အစာ/ရေ မြိုရခက်ခြင်း၊ အူလမ်းကြောင်းသွေးယိုစီးခြင်းအစရှိတဲ့ အစာချေလမ်းကြောင်းဆိုင်ရာ ရောဂါလက္ခဏာတွေရဲ့ မူလဇစ်မြစ်အကြောင်းရင်းကိုသိရှိနိုင်ဖို့အတွက် မှန်ပြောင်းကြည့်ခြင်းက ကူညီပေးပါလိမ့်မယ်။ • ရောဂါစမ်းသပ်စစ်ဆေးရန်။ သွေးအားနည်းခြင်း၊ သွေးယိုစီးခြင်း၊ ရောင်ရမ်းခြင်း၊ ဝမ်းလျှောခြင်း၊ အစာအိမ်အူလမ်းကြောင်းကင်ဆာဖြစ်ခြင်း အစရှိတဲ့ ရောဂါအခြေအနေတွေကို စစ်ဆေးစမ်းသပ်ဖို့အသားစနမူနာယူတဲ့ နေရာမှာလည်းမှန်ပြောင်းကို အသုံးပြုနိုင်ပါတယ်။ • ကုသပေးဖို့။ သွေးယိုစီးနေတဲ့ သွေးကြောကိုမီးရှို့လောင်ကျွမ်းစေပြီးသွေးတိတ်စေခြင်း၊ ကျဉ်းနေတဲ့ အစာရေမြိုလမ်းကြောင်းကို ချဲ့ပေးခြင်း၊ အသားပိုဖယ်ရှားခြင်းအပြင်က ပစ္စည်းတစ်ခုခုမြိုချမိတာကို ဖယ်ရှားပစ်ခြင်းအစရှိတဲ့ အစာအိမ်အူလမ်းကြောင်း ပြဿနာတွေကို ကုသပေးဖို့အတွက်မှန်ပြောင်းထဲကတဆင့် အမျိုးမျိုးသောကိရိယာတွေကို ထည့်သွင်းကုသပေးနိုင်ပါတယ်။ အစာအိမ်မှန်ပြောင်းကြည့်တာဘာအန္တရာယ်တွေရှိသလဲ။ မှန်ပြောင်းကြည့်ရင်း အစာရေမြို […]

အဓိပ္ပါယ်ဖွင့်ဆိုချက်ဆီးလမ်းကြောင်းချဲ့တယ်ဆိုတာဘာလဲ။ ဆီးလမ်းကြောင်း (ဆီးအိမ်ကဆီးတွေကိုလိင်တံထိပ်ထိပို့ပေးတဲ့လမ်းကြောင်း)ကျဉ်းတာကိုကုသဖို့အတွက်ဒီခွဲစိတ်မှုကို ပြုလုပ်ပါတယ်။ ဆီးလမ်းကြောင်းရောင်ရမ်း၊ပိုးဝင်တာဒါမှမဟုတ်ထိခိုက်ဒဏ်ရာရတာတွေကြောင့်အမာရွတ်တစ်သျှူးဖြစ်ပေါ်ပြီးဆီးလမ်းကြောင်းကျဉ်းလာရပါတယ်။ နောက်ဆက်တွဲအနေနဲ့ဆီးခဏခဏသွားခြင်း၊ဆီးမအောင့်ထားနိုင်ခြင်း၊ဆီးသွားတဲ့အရှိန်နည်းခြင်း၊ဆီးလုံးသေးခြင်းနဲ့ဆီးသွားတာအားမရတဲ့ခံစားမှုမျိုးဖြစ်ခြင်းစသည်တို့ကိုခံစားရစေပါတယ်။ ဘာကြောင့်ဆီးလမ်းကြောင်းချဲ့ဖို့လိုတာလဲ။ အမာရွတ်တစ်သျှူးတွေကြောင့်ဆီးလမ်းကြောင်းကျဉ်းလာတဲ့လူနာတွေမှာဆီးကောင်းကောင်းသွားနိုင်ဖို့အတွက်ဒီခွဲစိတ်မှုကို ပြုလုပ်ရပါတယ်။ သင့်အနေနဲ့ဆီးအလွယ်တကူသွားနိုင်ဖို့၊ဆီးမကျန်စေဖို့နဲ့ညဖက်ဆီးခဏခဏထမသွားရစေဖို့ဒီခွဲစိတ်မှုကကူညီပေးမှာ ဖြစ်တဲ့အပြင်ပိုးဝင်တာမျိုးကိုလည်းနည်းပါးသွားစေမှာပါ။ အန္တရာယ်ဆီးလမ်းကြောင်းချဲ့တဲ့ ခွဲစိတ်မှုက ဘာအန္တရာယ်တွေရှိသလဲ။ ဆီးလမ်းကြောင်းမချဲ့ခင်မှာ အောက်ဖော်ပြပါနည်းလမ်းတွေနဲ့အရင်ကုသထားနိုင်ပါသေးတယ်။ • ဆီးပိုက်ထည့်ခြင်း။ သင့်ဆီးအိမ်ထဲကို ဆီးပိုက်တိုက်ရိုက်ထည့်ထားမယ်ဆိုရင် ဆီးသွားရတာအဆင်ပြေစေမှာပါ။ လမ်းကြောင်းတိုတိုလေးပဲ ကျဉ်းတယ်ဆိုရင်တော့ ဆီးပိုက်ကို မိမိဖာသာထည့်နိုင်ပါတယ်။ • ဆီးပိုက်အမြဲထည့်ထားခြင်း။ လမ်းကြောင်းအရမ်းကျဉ်းနေရင် ဒါမှမဟုတ် ခွဲစိတ်မှုမလုပ်ချင်ဘူးဆိုရင် ဆီးလမ်းကြောင်းပွင့်နေစေဖို့အတွက် stent လို့ခေါ်တဲ့ ပြွန်လေးထည့်ထားတာ ဒါမှမဟုတ် ဆီးပိုက်အမြဲထည့်ထားတာမျိုးကို ပြုလုပ်နိုင်ပါတယ်။ ဒါပေမယ့် ဒီလိုလုပ်ထားတာတွေဟာ (ဆီးအိမ်ကို ထိခိုက်တာ၊ဆွနေသလို ဖြစ်တာ၊ နေရထိုင်ရအဆင်မပြေတာ၊ ဆီးလမ်းကြောင်းပိုးဝင်တာအစရှိတဲ့) ဆိုးကျိုးများစွာကို ဖြစ်ပေါ်စေပါတယ်။ တခြားကုသမှုတွေနဲ့အဆင်မပြေတော့မှသာ stent ပြွန်ထည့်တာကို ပြုလုပ်လေ့ရှိပြီး အင်မတန်အသုံးပြုခဲပါတယ်။ • ဘောလုံးထည့်ပြီး လမ်းကြောင်းချဲ့ခြင်း။ ဆီးလမ်းကြောင်းကိုချဲ့ဖို့အတွက် ဘောလုံးကိုလည်း အသုံးပြုနိုင်ပါတယ်။ ဆီးလမ်းကြောင်း အတော်ကျဉ်းပြီး တခြားပြဿနာတွေလည်းရှိနေသေးတဲ့ လူနာတွေဆိုရင်တော့ ပလတ်စတစ်ဆာဂျရီနည်းကို အသုံးပြုပြီး ခွဲစိတ်ကုသမှုအကြီးစား […]

အဓိပ္ပါယ်ဖွင့်ဆိုချက်မိန်းမကိုယ်မှတဆင့် သားအိမ်ထုတ်ခြင်းဆိုတာဘာလဲ။ သင့်ရဲ့သားအိမ်နဲ့သားအိမ်ခေါင်းတို့ကို ဖယ်ထုတ်တဲ့ခွဲစိတ်မှုကို ဆိုလိုတာဖြစ်ပါတယ်။ ဒီခွဲစိတ်မှုကနေ မမျိုးဥအိမ်ကိုပါ ဖယ်ထုတ်နိုင်ပေမယ့် အများအားဖြင့်တော့ ဖယ်ထုတ်လေ့မရှိဘဲ ဒီအတိုင်းပဲထားခဲ့လေ့ရှိပါတယ်။ သားအိမ်ကျွံခြင်း၊ ဓမ္မတာသွေးဆင်းများခြင်း၊ ဓမ္မတာလာစဉ် နာကျင်ကိုက်ခဲခြင်းနဲ့သားအိမ်အလုံးတည်ခြင်းအစရှိတဲ့အခြေအနေတွေကြောင့် သားအိမ်ထုတ်ပစ်ရတတ်ပါတယ်။ ဘာလို့ဒီခွဲစိတ်မှုကို ပြုလုပ်သင့်တာလဲ။ သားအိမ်ထုတ်လိုက်မယ်ဆိုရင် သင့်ရောဂါလက္ခဏာတွေ သက်သာပျောက်ကင်းသွားပါလိမ့်မယ်။ ဓမ္မတာလာတာမျိုးရှိမှာမဟုတ်တော့ပါဘူး။ ကုသမှုဒီခွဲစိတ်မှုအစားပြုလုပ်နိုင်တဲ့ ကုသမှု နဲ့ ခွဲစိတ်မှု အန္တရယ်တွေက ဘာတွေလဲ တင်ပါးဆုံအောက်ပိုင်းကြွက်သားတွေ သန်စွမ်းလာစေဖို့လေ့ကျင့်ခန်းလုပ်ပေးမယ်ဆိုရင် သားအိမ်ကျွံကျတဲ့ လက္ခဏာတွေကို သက်သာလာစေမှာပါ။ ဆေးသောက်ခြင်း၊ သားအိမ်တွင်းထည့်ပစ္စည်းအသုံးပြုခြင်း ဒါမှမဟုတ် သားအိမ်ရဲ့အပေါ်ယံအလွှာကိုပဲ ဖယ်ရှားပစ်ခြင်းစတဲ့ ကုသမှုတွေလုပ်ပေးခြင်းအားဖြင့်လည်း ဓမ္မတာသွေးအဆင်းများတာကို သက်သာစေနိုင်ပါတယ်။ သားအိမ်အလုံးရဲ့ အရွယ်အစားနဲ့တည်နေရာတို့အပေါ် မူတည်ပြီး ရောဂါလက္ခဏာတွေကို လျော့ပါးသက်သာလာစေဖို့အတွက် သောက်ဆေးတွေသောက်နိုင်ပါတယ်။ သားအိမ်အလုံးကိုပဲ ဖယ်ရှားတာမျိုး ဒါမှမဟုတ် အလုံးကိုသွေးထောက်ပံ့ပေးနေတဲ့ သားအိမ်သွေးကြောကိုပိတ်ဆို့ပစ်တာမျိုးတွေလည်း လုပ်နိုင်ပါတယ်။ ခွဲစိတ်မှုကြောင့် ဖြစ်လာနိုင်တဲ့နောက်ဆက်တွဲ ပြဿနာတွေ၊ အန္တရာယ်တွေအကြောင်းကို ခွဲစိတ်ကုသမှုမခံယူခင်မှာ သင့်အနေနဲ့ကောင်းကောင်းနားလည်သဘောပေါက်ထားဖို့လိုအပ်ပါတယ်။ တကယ်လို့သင့်အနေနဲ့မရှင်းလင်းတာ၊ မေးချင်တာတွေရှိတယ်ဆိုရင် […]

အဓိပ္ပါယ်ဖွင့်ဆိုချက်သွေးကြောထုံးတွေဆိုတာ ဘာလဲ။ သွေးကြောထုံးဆိုတာ သင့်ခြေထောက်မှာရှိတဲ့ ဖောင်းကားပြီးတွန့်လိမ်နေတဲ့ သွေးပြန်ကြောအဖောင်းလေးတွေကို ဆိုလိုပါတယ်။ ဒီလိုဖြစ်တာဟာ မျိုးရိုးလိုက်လေ့ရှိပြီး ကိုယ်ဝန်ဆောင်တဲ့အချိန်တွေနဲ့မတ်တပ်ကြာကြာရပ်ရတဲ့အလုပ်လုပ်ကိုင်သူတွေမှာ ပိုဆိုးလေ့ရှိပါတယ်။ ခြေထောက်က သွေးတွေကို နှလုံးဆီပြန်ပို့ပေးတာကိုကူညီပေးနိုင်ဖို့အတွက်ခြေထောက်က သွေးကြောတွေမှာ တဖက်တည်းကိုပဲပွင့်တဲ့အဆို့ရှင်လေးတွေများစွာပါရှိပါတယ်။ ဒီအဆို့ရှင်လေးတွေ ကောင်းကောင်းအလုပ်မလုပ်နိုင်တော့တဲ့အခါ သွေးတွေဟာ နှလုံးဆီကိုဖြောင့်ဖြောင့်တန်းတန်းမတက်နိုင်တော့ဘဲ အောက်ကိုပြန်စီးလာကာ ခြေထောက်သွေးကြောတွေမှာ စုပုံပြီးဖောင်းကားလာပါတော့တယ်။ သွေးကြောထုံးတွေကို ဘာလို့ခွဲစိတ်သင့်သလဲ။ ရောဂါလက္ခဏာတွေကို သက်သာပျောက်ကင်းစေတဲ့အပြင် နောက်ဆက်တွဲ ပြဿနာတွေကိုလည်း ကာကွယ်ပေးနိုင်တဲ့အတွက် ခွဲစိတ်မှုကို ပြုလုပ်သင့်ပါတယ်။ ခွဲစိတ်မှုသွေးကြောထုံးခွဲစိတ်မှုကို ဘယ်လိုပြုလုပ်မှာလဲ။ မေ့ဆေးသုံးကာ ခွဲစိတ်လေ့ရှိပြီး မိနစ်နှစ်ဆယ်ခန့်ကနေ သုံးနာရီခန့်အထိ အခြေအနေပေါ်မူတည်ပြီး ကြာမြင့်နိုင်ပါတယ်။ သင့်ပေါင်ခြံ ဒါမှမဟုတ် ဒူးခေါက်ခွက်နေရာလောက်ကိုခွဲမှာ ဖြစ်ပြီး ခြေထောက်မှာရှိတဲ့ အပေါ်ယံသွေးကြောတွေနဲ့အတွင်းဖက်ကသွေးကြောတွေကို ဆက်မနေအောင် ခွဲထုတ်မှာဖြစ်ပါတယ်။ ဖောင်းနေတဲ့သွေးကြောတလျှောက်ကို လှီးပြီး ဖြတ်ထုတ်တာမျိုးလည်း လုပ်ကောင်းလုပ်နိုင်ပါသေးတယ်။ အထူးစီမံထားတဲ့ ကိရိယာလေးတွေကို အသုံးပြုပြီး ဖောင်းနေတဲ့အဓိကသွေးကြောကို အရေပြားအောက်က ဆွဲထုတ်တာမျိုးလည်း လုပ်လေ့ရှိကြပါသေးတယ်။ အန္တရာယ် သွေးကြောထုံးခွဲစိတ်မှုကနေ […]

အဓိပ္ပါယ်ဖွင့်ဆိုချက်Human Chorionic Gonadotropin (hCG ဟော်မုန်း) ကဘာလဲ။ Human Chorionic Gonadotropin စစ်ဆေးနည်း ကို သွေး (သို့) ဆီးအတွင်းမှာရှိတဲ့ ဟော်မုန်း hCG ကို စစ်ဆေးဖို့ အသုံးပြုကြပါတယ်။ hCG ကို ကိုယ်ဝန်ဆောင်နေစဉ် အချင်းကနေ ထုတ်လုပ်ပေးပါတယ်။ hCG စစ်ဆေးခြင်းတွေကို အမျိုးသမီး ကိုယ်ဝန်ရှိမရှိ သိရှိဖို့နဲ့ မွေးရာပါ ချို့ယွင်းချက်တွေ စစ်ဆေးခြင်းရဲ့ အစိတ်အပိုင်းတစ်ခုအဖြစ် အသုံးပြုနိုင်ပါတယ်။ hCG ကို အချို့ အကျိတ်တွေကလည်း ပြုလုပ်ပါတယ်။ အထူးသဖြင့် သားဥ (သို့) သုက်ပိုး တွေကနေ ဖြစ်လာတဲ့ အကျိတ်တွေကနေ ထုတ်လုပ်ပါတယ်။ hCG ပမာဏတွေကို သားအိမ်အတွင်း ပုံမှန်မဟုတ်တဲ့ တစ်ရှူးကြီးထွားခြင်းတွေ၊ စပျစ်သီးသန္ဓေ နဲ့ သားအိမ်အတွင်း ကင်ဆာဖြစ်ခြင်း (choriocarcinoma) […]

အဓိပ္ပါယ်ဖွင့်ဆိုချက်Karyotype Test (ခရိုမိုဆုန်းစစ်ဆေးခြင်း) ကဘာလဲ။ Karyotype test ဟာ ကိုယ်ခန္ဓါဆဲလ်တွေ အတွင်းမှာရှိတဲ့ ခရိုမိုဆုန်း တွေရဲ့ အရွယ်အစား၊ ပုံသဏ္ဍာန်နဲ့ အရေအတွက်ကို ရှာဖွေ စစ်ဆေးတဲ့ နည်းတစ်မျိုးဖြစ်ပါတယ်။ ခရိုမိုဆုန်းအရေအတွက် ပိုနေခြင်း၊ လိုနေခြင်း၊ ပုံမှန်မဟုတ်ခြင်းတွေဟာ လူတစ်ယောက်ရဲ့ ဖွံ့ဖြိုးကြီးထွားမှု၊ ကိုယ်ခန္ဓါလုပ်ငန်းဆောင်တာတွေမှာ ပြဿနာတွေ ဖြစ်စေနိုင်ပါတယ်။ Karyotype Test (ခရိုမိုဆုန်းစစ်ဆေးခြင်း)တွေကို ဘာကြောင့် လုပ်ကြတာလဲ။ ဒီစစ်ဆေးမှုကို • ကလေးပျက်ကျပြီးတဲ့ စုံတွဲတွေမှာ • ကလေးငယ် (သို့) မွေးကင်းစကလေးတွေမှာ ပုံမှန်မဟုတ်တဲ့ ရုပ်သွင် (သို့) ဖွံ့ဖြိုးမှု ကောင်းကောင်းမရှိဘူးဆိုရင် ပြုလုပ်ကြပါတယ်။ သွေးကင်ဆာ (CML) ရှိတဲ့ လူတွေရဲ့ ၈၅ ရာခိုင်နှုန်း လောက်မှာ တွေ့ရတတ်တဲ့ Philadelphia ခရိုမိုဆုန်း ကို သိရှိစေဖို့ ရိုးတွင်းခြင်ဆီ (သို့) သွေးစစ်ဆေးမှု ကို […]

အဓိပ္ပါယ်ဖွင့်ဆိုချက်Lactic acid dehydrogenase test ဆိုတာဘာလဲ။ Lactic acid dehydrogenase (LDH) ဟာ စွမ်းအင်ထုတ်လုပ်မှုကို ကူညီပေးတဲ့ အင်ဇိုင်းတစ်မျိုးဖြစ်ပါတယ်။ သူဟာ ကိုယ်ခန္ဓါရဲ့ တစ်ရှူးအတော်များများမှာ ပါရှိပြီး ဆဲလ် ပျက်စီးမှုတွေဖြစ်ရင် မြင့်တက်လာတတ်ပါတယ်။ LDH ပမာဏတွေကို သွေးပြန်ကြောအတွင်းက ထုတ်ထားတဲ့ သွေးတွေမှာ တိုင်းတာနိုင်ပါတယ်။ Lactic acid dehydrogenase test တွေကို ဘာကြောင့် လုပ်ကြတာလဲ။ LDH ကို များသောအားဖြင့် တစ်ရှူးပျက်စီးမှုကို တိုင်းတာဖို့အတွက် အသုံးပြုကြပါတယ်။ LDH ပရိုတင်းကို တစ်ရှူးတွေများစွာမှာ တွေ့ရပါတယ်။ အထူးသဖြင့် နှလုံး၊အသည်း၊ ကျောက်ကပ်၊ ကြွက်သား၊ ဦးနှောက်နဲ့ အဆုတ်တွေမှာ တွေ့ရပါတယ်။ ဒီစစ်ဆေးမှု ပြုလုပ်တဲ့ အခြားအခြေအနေတွေကတော့ • သွေးအားနည်းခြင်း • ကင်ဆာ (သွေးကင်ဆာ)၊ ပြန်ရည်ကျိတ်ကင်ဆာ ပြင်ဆင်မှုLactic acid […]