အခြေခံကျန်းမာရေး

ခွဲစိတ်ကုသမှုခံယူရတယ်ဆိုတာ အသေးစားပဲဖြစ်ဖြစ်၊ ကြီးမားတာပဲဖြစ်ဖြစ် လွယ်တဲ့ကိစ္စမဟုတ်ပါဘူး။ တစ်နာရီတစ်မနက်နဲ့ ချက်ချင်းနေကောင်းသွားမှာလည်းမဟုတ်တော့ အနားယူဖို့၊ အရင်ထက်ပိုဂရုစိုက်ဖို့လိုအပ်ပါတယ်။ ခန္ဓါကိုယ်ရဲ့ဘယ်အစိတ်အပိုင်းကိုပဲ ခွဲခွဲ၊ ခွဲစိတ်ပြီးကာစမှာ လူကနုနယ်နေတယ်ဆိုတော့ အရင်လို ပြန်အားဖြည့်ဖို့ အချိန်ခဏတော့ယူရပါလိမ့်မယ်။ အဲဒီအတွက် အသင့်တော်ဆုံးအစားအသောက်တွေကို ဦးစားပေး စားသုံးသင့်ပါတယ် - (၁) အမျှင်ဓါတ်များတဲ့ အစားအစာတွေ ခွဲစိတ်မှုခံယူပြီးနောက်မှာ နေ့စဉ်အာဟာရထဲ အမျှင်ဓါတ်ကြွယ်ဝတဲ့အစားအစာတွေပါဝင်ဖို့ အရေးကြီးပါတယ်။ အမျှင်ဓါတ်က အစာခြေစနစ်ကို အထောက်အပံ့ပေးတဲ့ဓါတ်ဖြစ်လို့ ခွဲစိတ်ထားသူတွေမှာဖြစ်လေ့ရှိတဲ့ ဝမ်းချုပ်ခြင်းကို ကာကွယ်ပေးပါတယ်။ နာလန်ထကာစမှာ ဝမ်းချုပ်တာက ပင်ပန်းနာကျင်မှုကိုပေးနိုင်တဲ့အပြင်ဆေးရုံပြန်ရောက်သွားစေနိုင်တဲ့ အကြောင်းရင်းတစ်ခုလည်းဖြစ်ပါတယ်။ အမျှင်ဓါတ်ကို ဘယ်ကရမလဲ ဂျုံကြမ်းပေါင်မုန့်(ပေါင်မုန့်ကြမ်း) အုတ်ဂျုံ၊ပြောင်းနှံတွေ အသီးအနှံတွေ ဟင်းသီးဟင်းရွက်တွေကို စားသုံးနိုင်ပါတယ်။ (၂) အဆီနည်းတဲ့ အသား ပရိုတင်းဓါတ်ကိုရနိုင်ဖို့ အဆီမပါတဲ့ ကြက်သား၊ ဝက်သားတွေကိုစားပေးပါ။ ငါးအပါအဝင် ပင်လယ်စာတွေမှာလည်း အဆီမပါတဲ့ ပရိုတင်းကို ရရှိနိုင်ပါတယ်။ အနီရောင်ရှိတဲ့အသားတွေကတော့ပြည့်ဝဆီတွေပါဝင်မှုများလို့ရယ်၊ ဝမ်းချုပ်စေနိုင်တာရယ်ကြောင့် အကြံမပြုချင်ပါဘူး။ တကယ်လို့အသားမစားဘူးဆိုရင်လည်း ပရိုတင်းကို တခြားအရင်းအမြစ်တွေကနေရနိုင်ပါတယ်။ […]

လူတိုင်းအတွက်အဖိုးမဖြတ်နိုင်တဲ့အရာတစ်ခုရှိပါတယ်။ ဒါကတော့ ကျန်းမာရေးပါ။ ကျန်းမာရေးကောင်းမှ လူမှုရေးရော စီးပွားရေးကိုပါကောင်းကောင်းလုပ်ဆောင်နိုင်မှာပါ။ အရင်ကကျန်းမာရေးကို ပြည်တွင်းမှာပဲ ကုသကြတာများပေမယ့် အခုနောက်ပိုင်းတော့ ပြည်ပမှာပါဆေးကုသမှုခံယူကြတာက အဆန်းတကြယ်မဟုတ်လှတော့ပါဘူး။ ဒါကြောင့် ရောဂါတစ်ခုခုခံစားနေရလို့ ပြည်ပမှာသွားရောက်ပြီး ဆေးကုသမှုခံယူဖို့ အစီအစဉ်ရှိတယ်ဆိုရင်တော့ ဒီဆောင်းပါးလေးကို အရင်ဖတ်ကြည့်လိုက်ပါနော်။ ပြည်ပမှာဆေးကုသမှုခံယူတော့မယ်ဆိုရင် ဆေးကုသမှုခံယူတော့မယ်ဆိုရင် အသေအချာ နားလည်ပြီး ရွေးချယ်နိုင်ဖို့က အဓိကကျပါတယ်။ အခုနောက်ပိုင်းကမြန်မာနိုင်ငံတွင်းကနေတင်ပြည်ပကဆေးရုံတွေမှာကုသမှုခံယူဖို့ဆွေးနွေးတိုင်ပင်လို့ရတဲ့ ကျန်းမာရေးဝန်ဆောင်မှုတွေက တစ်ခုမကရှိလာပါတယ်။ရွေးချယ်စရာများလာတာကကောင်းတဲ့အချက်တစ်ခုပါ။ ဒီလိုရွေးချယ်စရာအများကြီးထဲမှာမှသေချာလေးရွေးချယ်တတ်မှလည်း ကျန်းမာရေးအတွက် စိတ်ချယုံကြည်ရတဲ့စောင့်ရှောက်မှုကိုရရှိမှာဖြစ်ပါတယ်။ နိုင်ငံခြားထွက်ဆေးကုသမယ့်သူတွေအတွက် ကြုံတွေ့ရတတ်တဲ့ ပြဿနာများ။ ဆက်သွယ်ပြောဆိုမှုအခက်အခဲ။ ဘာသာစကားမတူတဲ့ပြဿနာကြောင့် ဆေးရုံတာဝန်ရှိသူတွေ၊ ကုသသူတွေနဲ့ လူနာအကြားမှာ ဆက်သွယ်ပြောဆိုမှုအခက်အခဲတွေနဲ့ နားလည်မှုလွဲမှားတာတွေဖြစ်ပေါ်နိုင်ပါတယ်။ မျှော်မှန်းထားတာထက် လျော့နည်းတဲ့ဝန်ဆောင်မှု။ ပုဂ္ဂလိကဆေးရုံတွေမှာ အပြိုင်အဆိုင်လူနာခေါ်ဖို့အတွက် စွဲဆောင်မှုကောင်းတဲ့ ဝန်ဆောင်မှုတွေပြောတတ်ကြပေမယ့် တကယ်တမ်းလက်တွေ့မှာ ထင်ထားခဲ့သလိုမဖြစ်ရတာမျိုးတွေ ကြုံတွေ့ရနိုင်ပါတယ်။ ငွေကြေးသယ်ဆောင်မှုပြဿနာ။ နိုင်ငံအချို့ရဲ့ ပြည်ဝင်ခွင့်ပေါ်လစီမှာ ငွေကြေးပမာဏအများကြီးသယ်ဆောင်လာလို့မရတာမျိုးရှိပါတယ်။ အဲဒီအခါ အထပ်ထပ်အခါခါ လွှဲရပို့ရတာတွေ၊ လွှဲလိုက်တဲ့ငွေကြေးကို ပြန်လည်လဲလှယ်ရတဲ့အခါ အချိန်ကုန် လူပင်ပန်းနဲ့ […]

နေ့ရက်တိုင်းမှာ ကျန်းမာပျော်ရွှင်နေစေဖို့ဆိုရင် ကျန်းမာရေးနဲ့ညီညွတ်တဲ့ အလေ့အကျင့်ကောင်းတွေကို ကိုယ်တိုင်မွေးမြူဖို့လိုအပ်ပါတယ်။ ဒီတော့ ကျန်းမာပျော်ရွှင်တဲ့ ဘဝနေထိုင်မှုပုံစံကိုပျိုးထောင်ဖို့ မဖြစ်မနေမွေးမြူသင့်တဲ့ အလေ့အကျင့်ကောင်းလေးတွေရှိပါတယ်။ ဒီအလေ့အကျင့်ကောင်းလေးတွေက ဘာလဲဆိုတာသိချင်ရင် ဒီဆောင်းပါးလေးထဲမှာဖတ်ကြည့်လိုက်ပါ။ ကျန်းမာရေးကို အထောက်အကူပြုတဲ့အလေ့အထလေးတွေမွေးမြူသင့်တဲ့ အကြောင်းအရင်း ကျန်းမာတဲ့ ဘဝနေထိုင်မှုပုံစံက လူတိုင်းအတွက်တော်တော်လေး အကျိုးရှိစေနိုင်ပါတယ်။ ဒီအလေ့အထက အရွယ်တိုင်းအတွက် အသုံးဝင်တာပါ။ ကျန်းမာရေးနဲ့ညီညွတ်တဲ့ အလေ့အထလေးတွေကိုမွေးမြူတာက စိတ်ရောကိုယ်ပါကျန်းမာစေပြီး နာတာရှည်ရောဂါတွေကနေပါ ကင်းဝေးစေမှာပါ။ ဒီလောက်ဆိုမှတော့ ကျန်းမာရေးနဲ့ညီညွတ်တဲ့ အလေ့အထကိုမွေးမြူသင့်လား၊ မမွေးမြူသင့်ဘူးလားဆိုတာကို Hello ဆရာဝန်ပရိသတ်ကြီးကိုယ်တိုင် ဆုံးဖြတ်လိုက်ပါ။ (၁) ကိုယ်လက်လှုပ်ရှားမှုနေ့စဉ်လုပ်ပါ လေ့ကျင့်ခန်းပုံမှန်လုပ်တာက ခန္ဓါကိုယ်ကို ရုပ်ပိုင်းဆိုင်ရာအရ ကျန်းမာသန်စွမ်းစေနိုင်ပါတယ်။ ကြွက်သားတွေကို သန်မာစေသလို ကိုယ်ခံအားကောင်းစေနိုင်ပြီး နာတာရှည်ရောဂါတွေကကနေ အထိရောက်ဆုံးကာကွယ်ပေးနိုင်ပါတယ်။ ဒါကြောင့်နေ့စဉ် နာရီဝက်လောက် ပုံမှန်လေ့ကျင့်ခန်းလုပ်ပေးပါ။လေ့ကျင့်ခန်းလုပ်တယ်ဆိုတဲ့နေရာမှာလည်းပြင်းပြင်းထန်ထန်လုပ်တာမျိုးမဟုတ်ဘဲ လမ်းလျှောက်တာလောက်၊ ခပ်ရွရွလေးပြေးတာလောက်၊ စက်ဘီးစီးတာလောက်၊ ယောဂကစားတာလောက်ဆိုရင်ကို အဆင်ပြေပါတယ်။ ဒီလိုမျိုးလေ့ကျင့်ခန်းလုပ်ဆောင်ပေးတာကြောင့် စိတ်လက်ပြေလျော့မယ် ခွန်အားြပည့်ဝစေမယ် ကျန်းမာတဲ့ကိုယ်အလေးချိန်ကိုရရှိစေမယ် အရိုးနဲ့ကြွက်သားတွေကို […]

တစ်နေ့တစ်နေ့လှုပ်ရှားသွားလာနေရတဲ့ ကျွန်တော်တို့ဟာ ခေါင်းကိုက်၊ ခါးနာ၊ ခြေလက်ကိုက်ခဲတဲ့ ပြဿနာတွေကို တစ်ချိန်မဟုတ် တစ်ချိန် ကြုံကို ကြုံရတတ်ပါတယ်။ တစ်ချို့သူ့ဘာသာ ပြန်ကောင်းသွားတာ ရှိသလို တစ်ချို့လည်း ဆေးသောက်လိုက်မှ တစ်ခုခု လုပ်လိုက်မှ သက်သာသွားတာတွေ ရှိပါတယ်။ ဒီဆောင်းပါးထဲမှာတော့ လူတိုင်းနီးပါး ကြုံတတ်တဲ့ အဖြစ်များတဲ့ ကိုက်ခဲခြင်းတွေကို သက်သာစေမယ့် နည်းတွေ အကြောင်း ပြောပြပေးမှာပါ။ ( ၁ ) ခြေလက်အရွတ်စုတ်ပြဲ ကိုက်ခဲခြင်း အားကစားသမားတွေ လှုပ်လှုပ်ရှုားရှားလုပ်ရတဲ့သူတွေအတွက် ခြေလက်ကိုက်ခဲ အရွတ်တွေ ဒဏ်ရာရတဲ့ပြဿနာဟာ မဆန်းဘူးလို့တောင် ပြောလို့ရပါတယ်။ ကိုက်ခဲတာကတစ်မျိုး၊ ရောင်ကလည်းရောင်နေသေး အညိုမဲကလည်းစွဲနေသေးတယ်ဆိုရင် ဒီတိုင် းထားလိုက်လို့ မဖြစ်တော့ဘူးလေ။ ဒါ့ကြောင့် ဒီလိုလေး လုပ်ကြည့်လို့ရပါတယ်။ ဒဏ်ဖြစ်ဖြစ်ချင်း အနားယူလိုက်ပါ၊ ဖြစ်တဲ့နေရာကို ရေခဲကပ်ပါ။ ဖိကပ်ပါ။ လှဲပြီး ခြေထောက်အောက် ခေါင်းအုံးထားပြီး […]

တစ်ချို့မိသားစုတွေရှိပါတယ်။ ဖေဖေ မေမေတို့က ကားမမူးတတ်ဘူး။ သားသားမီးမီးလေးတွေကျမှ ကားမူးတတ်နေတော့ ခရီးသွားဖို့ အဆင်မပြေ။ မသွားမဖြစ်လို့ ခေါ်သွားပြန်ရင်လည်း ကားပေါ်မှာ ကလေးတွေကမူးပြီးအန်၊ တစ်ချိန်လုံး ဂျီကျပြီး ငိုနဲ့ ကားပေါ်ပါလာတဲ့ သူတွေဝိုင်းနှာခေါင်းရှုံ့တာခံရမယ်အပြင် ခရီးစဉ် တစ်လျှောက်လုံး တစ်ချက်မှ နားရမှာကို မဟုတ်ဘူးနော်။ အရင်ဆုံးကားဘာ့ကြောင့် မူးရတာလဲဆိုတတာ သိဖို့ လိုအပ်ပါတယ်။ ကားမူ းတယ်ဆိုတာ ကိုယ်ခန္ဓါက လှုပ်ရှားမှုကို ဦးနှောက်ဆီ ပေးတဲ့အခါ မျက်လုံးကပေးပို့တဲ့အချက်ပြစနစ် နားအတွင်းကပေးပို့တဲ့အချက်ပြစနစ် တို့ မညီမျှလို့ဖြစ်ရတာဖြစ်ပါတယ်။ ဒီတော့ ဒီ စနစ်ကိုပြန်ထိန်းနိုင်မှာ ကားမူးတာ သက်သာမှာဖြစ်ပါတယ်။ ကဲဒီတော့ ကားမူးတတ်တဲ့ သားသားမီးမီးလေးတို့နဲ့ ခရီးသွားရတော့မယ်ဆို ဘာတွေပြင်ဆင်သွားဖို့ လိုအပ်မလဲ။   ကလေးအိပ်ရေးဝစေဖို့ ညတည်းက ကလေးကို စောစောအိပ်ခိုင်းပါ။ ခရီးသွားရတော့မယ်ဆို ကလေးတွေက ပိုပြီးစိတ်လှုပ်ရှားတတ်ကြတယ်မလား။ ကလေးဝတ်ဖို့ အဝတ်အစားရွေးချယ်တဲ့အခါမှာလည်း သက်သာချောင်ချိတဲ့ အဝတ်အစားတွေကို […]

သက်လတ်ပိုင်း သက်ကြီးပိုင်း မမ တီတီတို့ကြားထဲမှာ ခေတ်စားနေတဲ့ Botox ထိုးတယ်ဆိုတာ လျော့ရဲနေတဲ့အသားအရေ၊ ထင်းနေတဲ့ အရေးအကြောင်းတွေကို ပြန်ပြီးတင်းရင်းအောင်လုပ်ပေးတဲ့ procedure တစ်ခုပါ။ ခုမှသာ ခေတ်စားလာပေမယ့် တကယ်တော့ ရှေးခတ်တည်းက botoxဆိုတာ ရှိခဲ့ပါတယ်။ Botox ဆိုတာ Clostridium Botulinum လို့ခေါ်တဲ့ ဘက်တီးရီးယားက ထုတ်ထားတာဖြစ်ပြီး ကြွက်သားနာကျင်တင်းရင်းခြင်းကို ကုသတဲ့နေရာမှာ အရင်တုန်းက သုံးခဲ့ကြပါတယ်။ ခုနောက်ပိုင်းမှ အသစ်အသစ်သော ရှာဖွေတွေ့ရှိမှုတွေနဲ့အတူ Botox ကို အရေးအကြောင်းပျောက်ဖို့ အသားအရေလှဖို့တင်းရင်းဖို့အတွက် သုံးလာကြတာဖြစ်ပါတယ်။ ဒီတော့ ရှေးခေတ်တည်းက သုံးခဲ့တဲ့botox မှာ ဘယ်လို အကျိုးကျေးဇူးတွေမှာ ရှိသေးလဲ။ Botox ကို သုံးခြင်းကြောင့် ရလာနိုင်တဲ့ အကျိုးကျေးဇူးတွေကတော့ ( ၁ ) အရေးအကြောင်း တွေကို သက်သာစေပါတယ်၊ ဒါကတော့ လူတိုင်း သိပြီးသားပါ။ […]

မနက်ဖြန် သဘက်ခါလောက်ဆိုရင်ပဲ ကိုယ်က လေကြောင်းနဲ့ ပြည်တွင်း ဒါမှမဟုတ် ပြည်ပကို နာရီပေါင်းများစွာ စီးနင်းလိုက်ပါရတော့မယ်၊ ဒါကလည်း ကိုယ့်ရဲ့ ပထမဆုံးအကြိမ် လေကြောင်းခရီးစဉ်ဖြစ်မယ်ဆိုရင် အနည်းနဲ့ အများတော့ စိတ်လှုပ်ရှားနေမိမှာပါ။ အထူးသဖြင့် ကားမူးတတ်တဲ့ရောဂါရှိတဲ့သူတွေဆိုရင် ပိုဆိုးမှာပေါ့။ ဒီလိုမဖြစ်ရလေအောင် ကျန်းမာရေးရှုထောင့်ကနေ ဦးစားပေးပြီး ပြင်ဆင်ထားသင့်တဲ့ အရာတွေကို ဒီဆောင်းပါးမှာ ပြောပြပေးချင်ပါတယ်ခင်ဗျ။ ၁။ ကိုယ်သွားရမယ့် နိုင်ငံအကြောင်း လေ့လာပါ။ ကိုယ်က ပူနွေးစိုစွတ်တဲ့ နိုင်ငံကို သွားမှာလား၊ ဒါဆိုရင်တော့ အကျီၤချည်သား အပါးလေးတွေ၊ စွပ်ကျယ်၊ ချိုင်းပြတ်အကျီ၊ ဘောင်းဘီတိုတွေကို များများထည့်သွားသင့်ပါတယ်။ ဦးထုပ်ကတော့ ထည့်သွားလို့လည်း အဆင်ပြေပါတယ်။ အေးပြီး ခြောက်သွေ့တဲ့ နိုင်ငံဆိုရင်တော့ အနွေးထည်၊ မာဖလာ၊ ကုတ်၊ ဂျာကင်စတာတွေကို အဓိကထည့်သွားပါ။ ၂။ အချိန်ကို သေချာရွေးပါ။ ကိုယ်က အပျော်ခရီးသွားမှာဆိုရင်တော့ သွားမယ့်အချိန်ကို နွေ […]

လူတိုင်းလူတိုင်း ကိုယ်လုပ်နေကျ အလေအကျင့်လေးတွေရှိပါတယ်။ ကောင်းတာရော ဆိုးတာရောရှိပေမယ့် ကောင်းအောင်လို့ ကိုယ်လုပ်နေတဲ့ အလေ့အကျင့်တစ်ချို့ အလေ့အကျင့်တွေ လမ်းလွဲသွားတာမျိုးတွေလည်း ရှိတတ်ပါတယ်။ ဒီတော့ တစ်နေ့တာမှာ ဘယ်လိုအလွဲတွေကို မသိလိုက်ဘဲ လုပ်နေမိတတ်လဲ ။ ။ ( ၁ ) ကော်ဖီသောက်ပြီးပြီးချင်း သွားတိုက်တာ။ ဒါပေမယ့် ကော်ဖီ သောက်ရင်လည်း သွားအရောင်စွန်းဦးမယ် ၊အချိုစားများရင်လည်း သွားကြွေလွှာတွေ ပျက်စီးဦးမယ်ဆိုတော့ မစားဘဲနဲ့လည်း မနေနိုင် သွားလေးတွေလည်း လှချင်တယ်ဆိုတော့ စားပြီးတာနဲ့ တစ်ချို့သွားတန်းတိုက်တဲ့သူတွေရှိပါတယ်။ အဲဒီမှာ စလွဲတာပါပဲ။ ကော်ဖီတို့ အချိုမုန့်တွေမှာပါတဲ့ အက်ဆစ်ဓါတ်ကြောင့် အားနည်းနေတဲ့ ကြွေလွှာကို ပွတ်တိုက်မိတဲ့အခါ ကြွေလွှာပိုပျက်စီးသွားတာဖြစ်နိုင်ပါတယ်။ ဒါကြောင့် ရေနဲ့ပဲအရင်ပလုတ်ကျင်းထားပြီး နောက်တစ်နာရီလောက်နေမှ သွားတိုက်လို့ရပါတယ်။ ( ၂ ) ဝိုင်သောက်ချိန် ရေမသောက်တာ ဝိုင်နီ ရော ဝိုင်ဖြူရောနှစ်ခုလုံးက သွားကိုစွန်းထင်းစေတဲ့ အရာတွေဖြစ်ပြီး […]