အခြေခံကျန်းမာရေး

လူတွေ လေလည်ရင် ဘာကြောင့်နံတာလဲ။ ဆီးတွေအရမ်းများလာရင် ဆီးအိမ်ကပေါက်ကွဲတတ်လား။ နှာခေါင်းထဲက နှာချေးဘာလို့ ထွက်တာလဲ။ ဒီထဲမှာ ဘာတဲ့ မေးခွန်းတွေကို ကြည့်မယ်ဆိုရင် ပေါက်ပေါက်ရှာရှာမေးခွန်းတွေဆိုပြီး တွေးမိကြမှာပါ။ နေ့စဉ်ဖြစ်နေတဲ့ လုပ်နေတဲ့ အကြောင်းအရာတွေပေမဲ့ ဒီလိုအရာတွေ ဘာကြောင့် ဖြစ်နေလဲ၊ ဒါတွေမရှိရင် ဘာကြောင့် ဖြစ်လာနိုင်လဲ ဆိုတဲ့မေးခွန်းတွေကို ကိုယ့်ဘာကိုယ် မေးဖူးကြလား၊ ခန္ဓာကိုယ်မှာ သူ့ဘာသူဖြစ်နေတဲ့ ဖြစ်စဉ်တွေပဲဆိုပြီး အမှုမဲ့ အမှတ်မဲ့ပဲလား။ ဒီအခန်းဆက် ကဏ္ဍလေးမှာ ထူးဆန်းတဲ့ ကိုယ်ခန္ဓာအစိတ်အပိုင်းတွေ၊ လုပ်ဆောင်မှုတွေ၊ လူတွေရဲ့ အလေ့အကျင့်တွေအကြောင်း ကိုပြည့်ပြည့်စုံစုံ တင်ဆက်သွားမှာ ဖြစ်ပါတယ်။ အပေါ်က မေးခွန်းတွေကို ဆက်ရမယ်ဆိုရင် မေးခွန်း ၁ -  လေလည်ရင် ဘာကြောင့်နံတာလဲ။ လေလည်တယ်၊ အီးပေါက်တယ်ဆိုတာ လူတိုင်းလုပ်တဲ့အလုပ်ပါ။ အနံ့ထွက်လာရင်တော့ ရှက်စရာကောင်းတာပေါ့လေ။ ဒီနံတာကရော ဘာကြောင့်လဲလို့ မတွေးမိကြဘူးလား။ လူတွေထမင်းစား၊ ရေသောက်တဲ့အခါ လေတွေကိုပါမျိုချမိကြပါတယ်။ အဲဒီလို မျိုချမိတဲ့လေတွေကို ပြန်ထုတ်တဲ့နည်းလမ်းဟာ […]

သင်ဟာ ပထမဆုံး အရက်သောက်ဖူးတဲ့သူဆိုပါတော့။ ဘားတစ်ခုကိုသွားတယ်။ သူငယ်ချင်းတွေက သင့်အတွက် တစ်ခွက်ငှဲ့ပေးတယ်။ ပေးတဲ့အတိုင်းသောက်ချလိုက်တယ်။ လည်ချောင်းထဲတော့ ခါးခါးပူပူကြီးဆင်းသွားတယ်။ အရသာမကောင်းတဲ့အတွက် နောက်တစ်ခေါက် သောက်ဖို့ တွန့်သွားတယ်။ ခဏနေကျတော့ တစ်ကိုယ်လုံး ပူရှိန်းရှိန်းနဲ့နေလို့ကောင်းလာတယ်။ နောက်တစ်ခွက်ထပ်သောက်ပြီးတဲ့ချိန်မှာ စကားတွေပိုပြောလို့ကောင်းလာတယ်။ ပျော်လာတယ်။ ဒီလိုနဲ့ နောက်တစ်ခွက်၊ နောက်တစ်ခွက်ဆိုပြီး ဒယိမ်းဒယိုင်ဖြစ်လာတယ်၊ စကားတွေကလည်း မပီတော့ဘူး၊ အိမ်ဘယ်လိုရောက်သွားလည်း မမှတ်မိဘူးတွေဖြစ်လာတယ်။ ဒါဟာ ပထမဆုံး အရက်သောက်တဲ့သူတွေတင်မဟုတ်ဘဲ အရက်သောက်တဲ့သူတိုင်း ကိုယ်သောက်နေကျ ပမာဏအရ တစ်ဆင့်ပြီး တစ်ဆင့် အမူအရာပြောင်းလဲမှုတွေပါ။ လူတိုင်းကို ဒီလိုဖြစ်မယ်ဆိုပြီး ပုံသေသတ်မှတ်လို့တော့မရပါဘူး။ အရက်သောက်ရတာကြိုက်တဲ့သူတွေရော အရက်ခုမှစသောက်မယ့်သူတွေရော ကိုယ့်ခန္ဓာကိုယ်ဟာ အရက်ကို ဘယ်လိုတုန့်ပြန်လဲဆိုတာကို စိတ်ဝင်စားရင် ဆောင်းပါးလေးကို ဆက်ဖတ်ကြည့်ကြပါဦး။ အရက်မူးရင် ခန္ဓာကိုယ်မှာ ဘာတွေဖြစ်တာလဲ။ အရက်၊ ဘီယာ၊ ဝိုင်၊ ဆေးလိပ် စသဖြင့် အမျိုးမျိုးသော လူကို […]

လက်တွေကပြောပြနေတဲ့ သင့်ကျန်းမာရေး ရောဂါတစ်ခုခုခံစားနေရလားဆိုတာကို ဆေးစစ်ကြည့်တာ၊ ခံစားနေရတဲ့ လက္ခဏာတွေကို ဆန်းစစ်ကြည့်တာကနေ သိနိုင်တယ်ဆိုတာက အထွေအထူးပြောပြနေစရာမလိုပါဘူး။ ဒီတစ်ခေါက်တော့ သင့်လက်ကလေးတွေကိုကြည့်ပြီး ရောဂါမှန်းပြမယ်ဆိုရင် ဘယ်လိုလဲ။ ကိုယ့်မှာ ဘယ်လိုရောဂါတွေဖြစ်နေလဲဆိုတာကို တူတူစစ်ဆေးကြည့်မလား Hello ဆရာဝန်ပရိသတ်ကြီးရေ....... လက်ကိုကြည့်ပြီး ရောဂါခန့်မှန်းရအောင်လား............ လက်ချောင်းလေးတွေရဲ့ အလျား၊ လက်ရဲ့ဆုပ်ကိုင်နိုင်အား၊ လက်ဗွေကနေစလို့ လက်သည်းလေးတွေအထိ အားလုံးက ခန္ဓာကိုယ်ထဲမှာ ခံစားရနိုင်ခြေရှိနေတဲ့ ရောဂါတွေကို ဖော်ပြပေးနေပါတယ်။ လက်ချောင်းအနိမ့်အမြင့်လေးတွေက ဖော်ပြနေတဲ့ကျန်းမာရေး လက်ချောင်းလေးတွေရဲ့အလျားက သင့်မှာ အဆစ်ရောင်နာရောဂါခံစားရနိုင်ခြေရှိနေလားဆိုတာကိုဖော်ပြပေးနေပါတယ်။ လေဒီတွေအနေနဲ့လက်ချောင်းလေးတွေကိုကြည့်လိုက်လို့ လက်သူကြွယ်က လက်ညှိုးထက်ပိုရှည်နေမယ်ဆိုရင် သင့်မှာ အဆစ်ရောင်နာဖြစ်နိုင်ခြေက ပုံမှန်ထက် ၂ ဆလောက်ပိုများနေပါပြီ။ ဒါကဘာကို ထပ်ပြီးဖော်ပြပေးနေသလဲဆိုတော့ ကိုယ်တွင်းမှာ အက်စထရိုဂျင်ဟော်မုန်းနည်းနေတယ်ဆိုတာကိုပါ။ လက်သူကြွယ်နဲ့ လက်ချောင်းက တစ်တန်းတည်းဖြစ်နေမယ်ဆိုရင်တော့ ကျန်းမာကြံ့ခိုင်သူတစ်ဦးဖြစ်ပြီး  သက်လုံလည်းကောင်းပါတယ်။ အမျိုးသားတွေမှာတော့ လ်ကသူကြွယ်က လက်ညှိုးထက် ပိုမြင့်နေမယ်ဆိုရင် မျိုးအောင်နိုင်စွမ်းမြင့်ပြီး အိမ်ထောင်မှုသုခပြည့်စုံနိုင်ကြသူတွေပေါ့။ ဒါပေမယ့် မကောင်းတာတစ်ခုက ဆီးကျိတ်ကင်ဆာဖြစ်နိုင်ခြေ […]

ကဲ ခေါင်းစဉ်မြင်ပြီး စိတ်ဝင်စားသွားကြပြီမလား။ ဒါသာ အမှန်ဆိုရင် အရက်ဆိုတာကြီးကို အပြင်ကနေ ပိုက်ဆံကုန်ခံပြီး ဝယ်သောက်စရာမလိုတော့ဘူးလေ၊ ကိုယ့် ခန္ဓာကိုယ်ထဲကနေ အလိုလိုထွက်နေတာ၊ ဘယ်လောက်ကောင်းလိုက်မလဲပေါ့။ တကယ်တော့ ဒီလိုမျိုး အခြေအနေဟာ တကယ်ဖြစ်နိုင်ပါတယ်၊ ရောဂါတစ်ခုအနေနဲ့ပေါ့။ ခန္ဓာကိုယ်တွင်း အလိုအလျောက် အရက်ချက်ရောဂါ အင်္ဂလိပ်လို Auto Brewery Syndrome လို့ခေါ်ပါတယ်။ Auto ရဲ့ အဓိပ္ပါယ်ကတော့ အလိုအလျောက်ပါ။ Brewery ကတော့ အရက်ချက်တယ်၊ ဘီယာချက်တယ်စသဖြင့် အဓိပ္ပါယ်ရပါတယ်။ ရောဂါစတင်ရှာဖွေတွေ့ရှိချိန်ကနေ စပြီးတော့ ဒီရောဂါရှိတဲ့သူ အနည်းငယ်သာရှိခဲ့ပြီး အရမ်းရှားပါးတဲ့ရောဂါဖြစ်ပေမဲ့ အမှန်တကယ်ရှိတဲ့ရောဂါဖြစ်ကြောင့်တော့ အတည်ပြုပြီးကြပါပြီ။ မိန်းမတစ်ယောက် မူးပြီးကားမောင်းလို့ ကားတိုက်မှုဖြစ်တယ်၊ ဒါပေမဲ့ သွေးထဲမှာရှိတဲ့ အယ်ကိုဟောပမာဏကို စစ်ဆေးလိုက်တဲ့ချိန်မှာ တကယ်အရက်သောက်ထားတာ မဟုတ်ဘဲ ဒီရောဂါကြောင့်ဖြစ်တယ်ဆိုပြီး အနောက်တိုင်း သတင်းတွေမှာလည်း ဟိုးလေးတကျော်ဖြစ်ခဲ့ပါသေးတယ်။ ဒီရောဂါဘယ်လိုဖြစ်တာလဲ။ ခန္ဓာကိုယ်ထဲမှာ ဘယ်လိုအရက်ချက်တွေချက်နေတာလဲဆိုရင် ပုံမှန် အရက်တွေ၊ ဘီယာတွေချက်သလိုပဲလို့ […]

ချင်း(ဂျင်း)ထည့်ခြင်း ဆိုတာ ဗန်းစကားမှာတော့ မဟုတ်မမှန်တာကို လိမ်ညာအသုံးချတာမျိုး အဓိပ္ပာယ်သုံးကြပေမယ့် ဒီချင်းကတော့ အစားအသောက်ထဲ ထည့်တဲ့ချင်း ပါနော်။ ချင်းကို ဟင်းခတ်အမွှေးအကြိုင်အနေနဲ့အသုံးများကြပြီး အိန္ဒိယမှာ စတင်သုံးစွဲခဲ့တာဖြစ်ပါတယ်။ အခုတော့ အိန္ဒိယတင်မက တရုတ်၊မြန်မာ၊ထိုင်း အပါအဝင် အာရှနိုင်ငံတွေရဲ့ ဟင်းလျာတွေမှာ အတော်များများထည့်ချက် စားသုံးလေ့ရှိပါတယ်။ သူ့ရဲ့အစာကြေလွယ်စေတဲ့အာနိသင်နဲ့အသားကိုနူးအိစေတဲ့အစွမ်းကြောင့် အသားဟင်းတွေချက်တဲ့အခါ ချင်း သို့မဟုတ် ချင်းအဆီကိုလည်း သုံးပြီး အသားနှပ်ကြပါတယ်။ ချင်းရဲ့ကျန်းမာရေးအကျိုးကျေးဇူးအများစုဟာ ပူရှရှနဲ့အနံ့ပြင်းစေတဲ့ Gingerol ခေါ် ဒြပ်ပေါင်းတစ်မျိုးပါဝင်မှု ကြောင့်ပဲဖြစ်ပါတယ်။ ချင်း(ဂျင်း)ထည့်ခြင်း ရဲ့ ကျန်းမာရေးအကျိုးကျေးဇူးများ ချင်း(ဂျင်း) အဆီက အခုလို ကျန်းမာရေး အကျိုးကျေးဇူးတွေ ရရှိစေနိုင်ပါတယ်။ ၁။ ဝမ်းတွင်းပြဿနာတွေကို သက်သာစေတယ် ချင်းနဲ့ ချင်းအဆီကို လေထိုးလေအောင့်၊ဗိုက်အောင့််ခြင်းများအတွက် သုံးတတ်ကြပါတယ်။ အစာမကြေခြင်း၊ ဗိုက်အောင့်ခြင်း၊ လေထိုးလေအောင့်၊ဝမ်းလျှောခြင်း၊လေပွခြင်း၊စတဲ့ အစာအိမ်နဲ့အူလမ်းကြောင်းပြဿနာတွေ အတွက် ဆေးတစ်လက်ဖြစ်ပါတယ်။ ချင်းလက်ဖက်ရည်ကိုလည်း သည်ရောဂါတွေအတွက်သုံးလေ့ရှိတဲ့အပြင် ချင်းအဆီက အစာစားချင်စိတ်ဖြစ်လာအောင်အားပေးတဲ့အတွက် ကိုယ်အလေးချိန်တိုးလိုသူတွေ၊ခံတွင်းပျက်နေ […]