အခြေခံကျန်းမာရေး

ချွေးထွက်ခြင်းဆိုတာ ခန္ဓာကိုယ်က အပူချိန်ကို ပြန်ကျအောင် ထိန်းညှိပေးဖို့အတွက် ဖြစ်လာရတဲ့ ခန္ဓာကိုယ်ရဲ့ အရေးကြီးတဲ့ လုပ်ငန်းစဉ်တစ်ခုဖြစ်ပါတယ်။ ဒါ့ကြောင့် ရာသီဥတုပူတဲ့အခါ၊ ပူပူစပ်စပ်တွေစားတဲ့အခါ၊ လေ့ကျင့်ခန်းတွေလုပ်တဲ့အခါ၊ စိတ်လှုပ်ရှားတဲ့အခါ၊ ခန္ဓာကိုယ်အပူချိန်တွေ တက်လာတဲ့အချိန်တွေမှာ လူတိုင်းချွေးထွက်ကြပါတယ်။ ဒါပေမယ့် တချို့သူတွေကတော့ ပုံမှန်အခြားသူတွေထက် ချွေးထွက်ပိုလွယ်တာ၊ ပိုများတာမျိုးတွေ ရှိတတ်ကြပါတယ်။ ဒီဆောင်းပါးလေးမှာ အဲဒီလို ပိုပြီးချွေးထွက်လွယ်ရတာ ဘယ်လို အကြောင်းအရင်းတွေကြောင့် ဖြစ်နိုင်တယ်ဆိုတာလေးတွေကို မျှဝေပေးသွားချင်ပါတယ်။ လိုအပ်တာထက်ပိုပြီး ချွေးထွက်များစေနိုင်တဲ့ အကြောင်းအရင်းများ လိုအပ်တာထက်ပိုပြီးချွေးထွက်တာကို ဆေးပညာအခေါ်အဝေါ်အရ hyperhidrosis လို့ခေါ်ပါတယ်။ ၁။ အကြောင်းအရင်းမရှိဘဲ ချွေးထွက်လွယ်ခြင်း တချို့ကတော့ ဘာရောဂါအခံမှ မရှိဘဲ အခြားသူတွေထက်ပိုပြီး ချွေးထွက်လွယ်၊ ချွေးထွက်များတတ်ကြပါတယ်။ အဲဒီလို အကြောင်းအရင်းတစ်ခုခုမရှိဘဲ ချွေးထွက်လွယ်တဲ့သူတွေဟာ တစ်နေရာထဲတင်မက ခန္ဓာကိုယ်အစိတ်အပိုင်း အတော်များများမှာ ဖြစ်လေ့ရှိပါတယ်။ များသောအားဖြင့် ချိုင်း၊ မျက်နှာ၊ ပေါင်ခြံ၊ လက်ဖဝါး၊ ခြေဖဝါးနဲ့ […]

ခုတလော ဘာကြောင့်မှန်းမသိ ဇက်ကြောတွေ တက်နေတာ၊ မျက်ရိုးကိုက်နေတာတွေ ဖြစ်နေရင် ကိုယ့်ရဲ့ ဖုန်းသုံးချိန်ကို ပြန်ဆန်းစစ်ကြည့်ပါ။ ခုခေတ် လူသားတွေရဲ့ လက်ထဲမှာ ဘယ်သွားသွား ဖုန်းတစ်လုံးတော့ အမြဲပါနေတတ်ပါတယ်။ ဒါဟာ သင့်ရဲ့ အနီးကပ်ရန်သူပါပဲ။ ဖုန်းသုံးရင်းနဲ့ သတိမထားမိဘဲ ခေါင်းငုံ့ပြီး စာတွေရိုက်နေတာဟာ သင်ဇက်ကြောတက်ရခြင်းရဲ့ အကြောင်းရင်း ဖြစ်နိုင်ပါတယ်။ လူတွေက တစ်နေ့ကို ပျမ်းမျှခြင်း ၅နာရီလောက်တော့ ဖုန်းသုံးကြပါတယ်။ သုံးတဲ့နေရာမှာလည်း မသိလိုက်ဘဲ ခေါင်းကို ငုံ့ထားတတ်ပါတယ်။ ဒီတိုင်း ခေါင်းကို ၅နာရီငုံ့ဆိုရင် ဘယ်သူမှ ငုံ့မှာ မဟုတ်ပေမယ့် ဖုန်းသုံးရင်းနဲ့ဆိုရင်တော့ အချိန်တွေ ကုန်လို့ ကုန်မှန်းတောင်  သိလိုက်မှာ မဟုတ်ပါဘူး။ ၅နာရီမကလည်း ငုံ့နေမိတတ်ပါတယ်။ ဒါဟာ ခေတ်သစ်ဖုန်းရောဂါပါပဲ။ အရင်ကတော့ ဖုန်းသုံးတာ စာပို့ဖို့ အဓိက ဖြစ်ပြီး စာရိုက်ရင်း […]

ပျော်ရွှင်ခြင်းဆိုတာ လူ့ဘဝရဲ့ အဓိပ္ပာယ်လို့ ဂရိအတွေးအခေါ်ပညာရှင်ကြီး အရစ္စတိုတယ်က လွန်ခဲ့တဲ့ အနှစ် ၂၀၀၀ လောက်ကတည်းက ဆိုခဲ့ပါတယ်။ ဒီနေ့အထိ မှန်နေတုန်းပါပဲ။ ပျော်ရွှင်မှုဆိုတာ အပြုသဘောဆောင်တဲ့ စိတ်ခံစားချက်အားလုံးကို ခြုံငုံပြီး ခေါ်ဝေါ်လိုက်ခြင်း ဖြစ်ပါတယ်။ ရွှင်မြူးခြင်း၊ စိတ်ကျေနပ်ခြင်း၊ ကြည်နူးနှစ်သက်ခြင်း စတဲ့သဘောတရားတွေ ပါဝင်နေပါတယ်။ သုတေသနတွေအရ ပျော်ရွှင်ခြင်းဟာ စိတ်ခံစားမှုကို ကောင်းစေခြင်းသက်သက်မဟုတ်ဘဲ ကျန်းမာရေးအတွက်ပါ အကျိုးကျေးဇူးဖြစ်စေကြောင်း သိရှိလာရပါတယ်။ ယခုဆောင်းပါးမှာလည်း ပျော်ရွှင်ခြင်းနဲ့ ကျန်းမာရေးအကြားက ဆက်စပ်မှုတွေကို ဆွေးနွေးသွားမှာ ဖြစ်ပါတယ်။ ကျန်းမာရေးနှင့်ညီညွတ်သော နေထိုင်မှုပုံစံ စိတ်ပျော်ရွှင်ချိန်မှာ ကျန်းမာရေးနဲ့ညီညွတ်အောင် နေထိုင်စားသောက်ဖြစ်ပါတယ်။ သုတေသနတွေအရ ပျော်ရွှင်သူများဟာ အဆိုးမြင်သူများထက် သန့်ရှင်းလတ်ဆတ်တဲ့ အသီးအရွက်တွေကို ပိုမိုစားသုံးဖြစ်တယ်လို့ ဆိုပါတယ်။ သန့်ရှင်းလတ်ဆတ်တဲ့ အသီးအရွက်များဟာ ဆီးချို၊ နှလုံးရောဂါ၊ လေဖြတ်ခြင်း စတဲ့ကျန်းမာရေးပြဿနာတွေကို လျော့နည်းစေပါတယ်။ ၎င်းသုတေသနမှာပဲ ဖော်ပြထားတာကတော့ အကောင်းမြင်စိတ်ရှိသူများဟာ ရုပ်ပိုင်းဆိုင်ရာလည်း […]

တရားထိုင် တယ်ဆိုတာ လောကီရော လောကုတ္တရာပါ ကောင်းတဲ့အလုပ်ဆိုတာ အားလုံးသိထားကြပါတယ်။ ကျန်းမာရေးအကျိုးကျေးဇူးတွေလည်း အများကြီး ရှိတယ်ဆိုတာ ငြင်းစရာ မလိုပါဘူး။ ဒါပေမယ့် တရားထိုင်ရင်းနဲ့ ရုတ်တရက် အသက်အန္တရာယ် ထိခိုက်နိုင်တဲ့ အခြေအနေလည်း ရှိပါတယ်။ ဒါလေးကိုတော့ သတိထားစေလိုပါတယ်။ တရားထိုင် ရင်း အသက်အန္တရာယ်ဖြစ်နိုင်တဲ့ အခြေအနေဆိုတာ တရားစခန်းမှာပဲ ဖြစ်ဖြစ်၊ အိမ်မှာ ဖြစ်ဖြစ် တရားထိုင်တဲ့အခါ တစ်နာရီ ဖြစ်ဖြစ် နှစ်နာရီ ဖြစ်ဖြစ် ကိုယ်နိုင်သလောက် ဒီထက်လည်း ကြာကြာ တရားထိုင်တတ်ကြပါတယ်။ တရားထိုင်တဲ့ပုံစံကို ကြည့်မယ်ဆိုရင်လည်း တင်ပလ္လင်ခွေပြီး ထိုင်တာဖြစ်တဲ့အတွက် သွေးကြောတွေကို ဖိညှစ်ထားသလို ဖြစ်တတ်ပါတယ်။ ဒီလိုမျိုး နေ့စဉ် ရက်ဆက် ဖြစ်လာပြီဆိုရင် ခြေထောက်သွေးပြန်ကြောထဲက သွေးတွေ ခဲလာတတ်ပါတယ်။ ဒီအခြေအနေကို deep vein thrombosis လို့ ခေါ်ပါတယ်။ […]

နေ့တိုင်း မြင်တွေ့နေတဲ့ အရောင်တွေက လူတစ်ယောက်ရဲ့ စိတ်ခံစားမှု အပိုင်းမှာရော ရုပ်ပိုင်းဆိုင်ရာ ကျန်းမာရေးအပေါ်မှာပါ သက်ရောက်မှု ရှိနေနိုင်ပါတယ်။ အချို့သော အရောင်တွေက ခက်ခဲပင်ပန်းတဲ့ နေ့ရက်တွေမှာ စိတ်အပန်းပြေစေဖို အထောက်အကူ ပြုပေးနိုင်ပါတယ်။ ဒါကြောင့် လူတော်တော်များများက စိတ်ခံစားမှု အဆင်ပြေစေဖို့အတွက် နဲ့ စိတ်ခံစားမှု သက်တောင့်သက်သာ ဖြစ်စေဖို့အတွက် အပြာရောင်ကို အသုံးပြုကြတာ များပါတယ်။ ဒီတစ်ခေါက်တော့ ကျွမ်းကျင်ပညာရှင်တွေက အပြာရောင် နည်းတူ ကျန်းမာရေးအပေါ်မှာ ကောင်းကျိုးတွေ သက်ရောက်မှုရှိနေတယ်လို့ ပြောထားတဲ့ အစိမ်းရောင် အကြောင်းလေးကို ပြောပြပေးပါရစေ။ သဘာဝတရားကို ကိုယ်စားပြုတဲ့ အစိမ်းရောင်ကပေးတဲ့ ကျန်းမာရေး သဘာဝတရားကို ကိုယ်စားပြုတဲ့  အစိမ်းရောင်က အမြင်အာရုံ ကောင်းစေတယ် မျက်လုံးက အရောင်တွေကို အဓိပ္ပါယ် ဖွင့်ဆိုနိုင်ပါတယ်။ မျက်လုံးက သူ့အတွက် သက်တောင့်သက်သာ အဖြစ်ဆုံး အရောင်က အပြာရောင်ဖြစ်ပြီး အနေရအခက်စေဆုံးက […]

သင့်အနေနဲ့ ကျန်းမာရေးဆိုင်ရာ ဆောင်းပါးတွေ၊ စာစောင်တွေဖတ်ရှုရင် ဖရီးရယ်ဒီကယ်နဲ့ ဓာတ်တိုးဆန့်ကျင်ပစ္စည်းများ ဆိုတာကို ကြားဖူးနေကြဖြစ်ပါလိမ့်မယ်။ ဒါပေမယ့် အဆိုပါပစ္စည်းများ တစ်ခုနဲ့တစ်ခု ဘယ်လိုသက်ရောက်မုရှိသလဲဆိုတာကတော့ သိရှိသူနည်းပါးပါတယ်။ ယခုဆောင်းပါးမှာ ဖရီးရယ်ဒီကယ်နဲ့ ဓာတ်တိုးဆန့်ကျင်ပစ္စည်းများ တစ်ခုနဲ့တစ်ခု ဘယ်လိုဆက်စပ်မှုရှိသလဲ ဖော်ပြသွားမှာ ဖြစ်ပါတယ်။ ဖရီးရယ်ဒီကယ်ဆိုတာ ကိုယ်ခန္ဓာထဲက တည်ငြိမ်မှုမရှိတဲ့ မော်လီကျူးတွေဖြစ်ပါတယ်။ ဓာတုဗေဒစကားနဲ့ ပြောရရင် ပတ်လမ်းမှာ အီလက်ထရွန်အရေအတွက် မပြည့်တဲ့ အက်တမ်တွေဖြစ်ပြီး တခြားအက်တမ်ကိုဆွဲယူဖို့ ကြိုးစားနေပါတယ်။ အဆိုပါ ဖရီးရယ်ဒီကယ်များ များပြားလာရင် ကိုယ်ခန္ဓာကို ဒုက္ခပေးပြီး ရောဂါဘယထူပြောလာစေပါတယ်။ ဆီးချို၊ နှလုံးရောဂါ၊ ကင်ဆာ စတာတွေ ဖြစ်လာစေပါတယ်။ ကိုယ်ခန္ဓာဟာ ဖရီးရယ်ဒီကယ်တွေရဲ့ရန်ကို ကာကွယ်ဖို့ ဓာတ်တိုးဆန့်ကျင်ပစ္စည်းများကို အသုံးပြုပါတယ်။ ဓာတ်တိုးဆန့်ကျင်ပစ္စည်းများဟာ ဖရီးရယ်ဒီကယ်များက လိုအပ်တဲ့ အီလက်ထရွန်ကို ထောက်ပံ့ပေးခြင်းအားဖြင့် ဖရီးရယ်ဒီကယ်တွေကို ဓာတ်ပြယ်စေပါတယ်။ ဓာတ်တိုးဆန့်ကျင်ပစ္စည်းများကို အစားအစာတွေကနေ […]