သွေးအားနည်းရောဂါများ

သံဓါတ်ချို့တဲ့သွေးအားနည်းရောဂါ အကြောင်းတွေ ကြားဖူးကြမှာပါ။ ဒီလို သံဓါတ်အားနည်းတာ မကောင်းဘူးဆိုတဲ့ အကြောင်းလည်း အားလုံး သိပြီးဖြစ်မှာပါ။ နည်းတာ မကောင်းဘူးဆိုတော့ များနေရင် ကောင်းတာပေါ့ ဆိုတဲ့ အဓိပ္ပါယ်လား။ ဒီလိုလည်း မဟုတ်ပါဘူး။ သွေးတွင်းမှာ သံဓါတ်အားနည်းလည်း မကောင်းသလို သံဓါတ်အားများသွားရင် ကျန်းမာရေးအတွက် စိုးရိမ်ရပါတယ်။ သံဓါတ်အားနည်းတဲ့ အကြောင်းတွေ တော်တော်များများသိ ပြီးကြပြီဆိုတော့ ဒီဆောင်းပါးထဲမှာ သံဓါတ်များတဲ့ ရောဂါအကြောင်း ပြောပြပေးမှာပါ။ သံဓါတ်ဆိုတာဘာလဲ။ ။ သံဓါတ်ဆိုတာ ေသွးနီဥ haemoglobin ထဲမှာရှိတဲ့ သတ္တုဓါတ်တစ်မျိုးဖြစ်ပြီး အောက်ဆီဂျင်တွေ ပို့ဆောင်တဲ့နေရာမှာ တာဝန်ယူရတဲ့ ဓါတ်တစ်မျိုးပါ။ သံဓါတ်ကို များသောအားဖြင့် စားတဲ့အစားသောက်တွေရနေရရှိပါတယ်။ သံဓါတ်မှာ Heme Iron - အသားတွေကနေရတဲ့ သံဓါတ်အမျိုးအစားနဲ့ Non-heme Iron- အပင် နဲ့ အသားတွေကနေရတဲ့ သံဓါတ်အမျိုးအစားဆိုပြီး […]

အစားအသောက်တိုင်းကတော့ သူအာဟာရနဲ့သူ ရှိကြတဲ့သူချည်းပါပဲ။ အစာလည်းဆေး ဆေးလည်းအစာဆိုသလို တစ်ချို့ အစားအသောက်တွေက ဆေးဖြစ်ပေမယ့် တန်ဆေးလွန်ဘေးဆိုတဲ့ စကားကလည်းရှိသေးတော့ များများစားမိရင် ဘေးဖြစ်စေတဲ့ အစားအသောက်တွေကလည်း တစ်ပုံကြီးပါ။ ခုပြောပြမယ့် ဆောင်းပါးလေးကတော့ သံဓါတ်အားနည်းတဲ့သူတွေအတွက် ဆေးဖြစ်ပေမယ့် သံဓါတ်များတဲ့သူတွေ အတွက် ဘေးဖြစ်စေမယ့် သံဓါတ်များတဲ့ အစားအသောက်တွေ အကြောင်းပြောပြပေးမှာပါ ။ ။ ( ၁ ) Shell fish ( အခွံမာပင်လယ်စာ) ဒီ အခွံမာတဲ့ပင်လယ်စာတွေကိုတော့ မသိတဲ့သူရှိမယ်လို့ မထင်ပါဘူး။ စားရတာလည်း အရသာရှိသလို အာဟာရတွေလည်း အပြည့်ရှိတဲ့ အစားအသောက်တွေပါ။ အထူးသဖြင့် ဂုံးတို့ ၊ကမာတို့ ခရုတို့ဟာ သံဓါတ်များတဲ့ အစားအသောက်တွေပါ။ ဂုံး ၁၀၀ ဂရမ်မှာ သံဓါတ် ၂၈ မီလီဂရမ် ပါဝင်ပြီး ပါတဲ့ သံဓါတ်အမျိုးအစားကလည်း […]

မှန်ထဲကြည့်လိုက်တဲ့အခါ ကိုယ့်နှုတ်ခမ်းမှာ မှဲ့လည်းမဟုတ် ပေနေတာလည်းမဟုတ်တဲ့ အမည်းစက်တစ်ခု တွေ့လိုက်ရတဲ့အခါ ခေါင်းထဲ အတွေးများသွားမှာတော့ ကျိန်းသေပါတယ်။ စိုးရိမ်စရာတွေရှိလား။ ဘာ့ကြောင့်များဖြစ်တာလဲ ။ ။ အများအားဖြင့် ဒီလို နှုတ်ခမ်းမှာပေါ်တဲ့ အမည်းစက်လေးတွေက စိတ်ပူစရာတော့မရှိပါဘူး။ ဒါပေမယ့် သူ့ကို ဖြစ်စေတဲ့ အကြောင်းအရင်းတွေ အပေါ်မှာတော့ မူတည်တာပေါ့။ ဒါဆို နှုတ်ခမ်းမှာ အမည်းစက်တွေ ပေါ်တာ ဘာ့ကြောင့် ဖြစ်ရတာလဲ ။ ။ ဗီတာမင် B12 ချို့တဲ့ခြင်း - သွေးအားကောင်းစေဖို့အတွက်သာမက အသားရောင်ညီညာစေဖို့အတွက်လိုအပ်တဲ့ ဗီတာမင် B12 ချို့တဲ့သွားတဲ့အခါ နှုတ်ခမ်းမှာ အမည်းစက်လေးတွေ ဖြစ်လာမယ့်အပြင် အသားအရေလည်း ညိုတစ်ကွက် ဖြူတစ်ကွက်နဲ့ မညီညာဘဲဖြစ်နေတတ်ပါတယ်။ ရေဓာတ်ခမ်းခြောက်ခြင်း - ရေများများ မသောက်တဲ့အခါ နှုတ်ခမ်းခြောက်သွားတာမျိုး၊ နှုတ်ခမ်းကွဲတာမျိုးတွေ အားလုံးဖြစ်ဖူးကြမှာပါ။ ဖြစ်သွားတဲ့အနာလေးတွေ ပြန်ကျက်တဲ့အခါ အမာရွတ်ကျန်တာမျိုးတွေကနေလည်း နှုတ်ခမ်းမှာ အမည်းစက်တွေပေါ်လာတတ်ပါတယ်။ သံဓာတ်များခြင်း […]

အရိုးဖွဲ့စည်းမှု စနစ်ကြီးဆိုတာ ကိုယ်ခန္ဓါမှာ အမာဆုံးနဲ့ လူတစ်ယောက်ရဲ့ ကိုယ်ခန္ဓါအချိုးအစားကို ပုံဖော်ပေးနေတဲ့အရာတစ်ခုပါ။ လှုပ်ရှားသွားလာရလွယ်ကူအောင်၊ အလေးအပင်မနိုင်အောင် အတွက်ပဲ အရိုး တွေက အလုပ်လုပ်ပေးတာမဟုတ်ပါဘူး။ ဒီ အရိုးထဲမှာရှိတဲ့ရိုးတွင်းခြင်ဆီက ဒါတွေအပြင် သွေးထုတ်လုပ်ပေးတဲ့ လုပ်ငန်းအပြင် အခြား လုပ်ငန်းတာဝန်တွေကိုလည်း ယူရပါသေးတယ်။ ဒီတော့ ရိုးတွင်းခြင်ဆီရဲ့ လုပ်ငန်းတာဝန်တွေက ဘာများလဲ ။ ။ ရိုးတွင်းခြင်ဆီဆိုတာ ဘာလဲ။ ။ ရိုးတွင်းခြင်ဆီဆိုတာ အရိုးထဲမှာ တစ်ရှုးပွပွတွေနဲ့ဖွဲ့စည်းထားတဲ့ အရာဖြစ်ပါတယ်။ ရိုးတွင်းခြင်ဆီ ၂ မျိုးရှိပါတယ် Red Bone Marrow – သွေးဆဲလ်တွေထုတ်ပေးပြီး Yellow Bone Marrow - အဆီတွေ ကိုသိမ်းပေးပါတယ် ။ ဒါက အကြမ်းဖျင်းပဲရှိသေးတာပါ။ ဒီထက်ပိုပြီး အသေးစိပ်ကျတဲ့ ရိုးတွင်းခြင်ဆီရဲ့ လုပ်ငန်းတွေရှိပါတယ်။ ရိုးတွင်းခြင်ဆီရဲ့ လုပ်ငန်းတာဝန်များ ။ ။ Red […]

သွေးအားနည်းလို့ဆိုရင် အားဆေးတွေပဲအားကိုးကြတာများပါတယ်။ ဒါပေမယ့် အမြဲတမ်းတော့ အားဆေးက မကယ်တင်နိုင်ပါဘူးနော်။ ဖြည့်စွက်အားဆေးဆိုမှတော့ ဖြည့်စွက်ရမှာပေါ့။ ကျန်းမာရေးအတွက် အစာအာဟာရနဲ့တွဲကူမှဖြစ်မှာပါ။သွေးအားကောင်းစေမယ့်၊သံဓါတ်ကြွယ်ဝတဲ့အစားအစာတွေ ဆိုတာ ခက်ခက်ခဲခဲရှာဖို့မလိုပါဘူး။ ကိုယ်နေ့တိုင်းစားသုံးနေတဲ့အထဲမှာကို ပါဝင်နေတာဆိုတော့ နည်းနည်းပိုစားပေးရုံပေါ့။ မဟုတ်ဘူးလား။ အမဲသား အမဲသားရှောင်တဲ့သူဆိုရင်တော့အောက်မှာဆက်ပြောမယ့် အစားအစာတွေထဲကရွေးချယ်လို့ရပါတယ်။ အမဲသားက သံဓါတ်များများရရှိနိုင်မယ့် အရင်းအမြစ်တစ်ခုဖြစ်တဲ့အတွက် မကြာမကြာစားသုံးပေးသင့်ပါတယ်။ ကြက်သား အမဲသားမစားဘူးဆိုလည်း ကြက်သား၊ဘဲသားနဲ့ ကြက်ဆင်သားတွေကလည်း သံဓါတ်ကြွယ်ဝပါတယ်။ ဘဲသား ခပ်ရွယ်ရွယ်တစ်တုံးမှာ သံဓါတ် ၂.၃ မီလီဂရမ်ပါဝင်ပါတယ်။ ကြက်သားနဲ့ကြက်ဆင်သားမှာဆိုရင် ၁ မီလီဂရမ်ပေါ့။ အစိမ်းရောင်၊ အရောင့်ရင့်ရင့် အရွက်တွေ ကိုက်လန်၊ ဟင်းနုနွယ်၊ မုန်ညင်းစိမ်းစတဲ့ အစိမ်းရောင်အရွက်တွေက သံဓါတ်အားကောင်းစေနိုင်ပါတယ်။ကြော်စားစား၊ ဟင်းရည်ထဲခတ်စားစား၊ သုပ်စားစားကောင်းပါတယ်နော်။ ငါး ပရိုတင်းကြွယ်ဝပြီး အဆီနည်းတဲ့ သံဓါတ်အရင်းအမြစ်တစ်ခုဖြစ်ပါတယ်။း၊ မြစ်ချောင်းထဲကဖမ်းလာတဲ့သဘာဝငါးဖြစ်ဖြစ် မွေးမြူရေးငါးဖြစ်ဖြစ် အချိုးအဆတော့မတူပေမယ့် အာဟာရဓါတ်ပါဝင်မှုချင်းတော့ အတူတူပါပဲ။ တူနာငါး၊ ငါးသေတ္တာငါးနဲ့ မက်ခရယ်ငါးတို့ဆို ပိုကောင်းပါတယ်။ ပုဇွန်နဲ့ခရု အသားငါးတွေမစားချင်လို့ သံဓါတ်မရတော့ဘူး ထင်နေပါသလား။ ပင်လယ်စာတွေစားရင်းနဲ့လည်း သံဓါတ်ရရှိနိုင်ပါတယ်။ […]

အဓိပ္ပါယ်ဖွင့်ဆိုချက်Porotic hyperostosis ဆိုတာဘာလဲ။ Porotic hyperostosis က ဦးခေါင်းခွံကအရိုးတွေကို ထိတဲ့ရောဂါတစ်ခုဖြစ်ပါတယ်။ အရိုးတွေမှာ အပေါက်များနေတာ ပွနေတာကိုကြည့်ပြီး ဒီရောဂါကို သတ်မှတ်ပါတယ်။ ပွယောင်းတဲ့တစ်ရှူးတွေက ကြီးထွားမြန်တာမို့ ဖောင်းလားပြိး အရိုးမျက်နှာပြင်က တစ်ရှူးတွေပါးပါးပြီး အပေါက်တွေဖြစ်လာရပါတယ်။ ကြီးထွားလာတဲ့ ဦးခေါင်းခွံရိုး ဒါမှမဟုတ် တခြားအရိုးထဲမှာ ပွယောင်းနေတဲ့ချဉ်ဆီတွေကို မြင်နိုင်တယ်လို့ဆိုပါတယ်။   Porotic hyperostosis ဟာ ဘယ်လောက်ထိ အဖြစ်များသလဲ။ အချက်အလက်တွေကို ထပ်ပြီးသိလိုတယ်ဆိုရင် ဆရာဝန်နဲ့သာ တိုင်ပင်ဆွေးနွေးပေးပါ။ ရောဂါလက္ခဏာများPorotic hyperostosis ရဲ့ ရောဂါလက္ခဏာတွေက ဘာတွေလဲ။ Porotic hyperostosis ရဲ့ အဖြစ်အများဆုံးလက္ခဏာတွေကတော့ နားနေစဉ်ဖြစ်ဖြစ် လှုပ်ရှားနေစဉ်ဖြစ်ဖြစ် အားနည်းနေတာ၊ နှုံးနေတာ မကြာခဏခေါင်းကိုက်ခြင်း စဉ်းစားလို့မရ အာရုံစိုက်လို့မရဖြစ်ခြင်း စိတ်တိုလွယ်နေခြင်း အပေါ်မှာပြောထားတဲ့လက္ခဏာတွေထဲမှာ မပါသေးတဲ့တခြားလက္ခဏာတွေလည်း ရှိနေနိုင်ပါတယ်။ တစ်ကယ်လို့များ ကိုယ့်ဆီမှာ ရောဂါလက္ခဏာတစ်ခုခု ရှိနေနိုင်လားဆိုပြီး စိုးရိမ်နေရင်တော့ ဆရာဝန်နဲ့သာ တိုင်ပင်ဆွေးနွေးပေးပါ။ ဘယ်အချိန်မှာ ဆရာဝန်နဲ့ သွားရောက်ပြသသင့်ပါသလဲ။ သင့်ဆီမှာ အထက်ဖော်ပြပါ ရောဂါလက္ခဏာတွေထဲမှ […]

အားနည်းနေသလိုခြေကုန်လက်ပမ်းကျသလိုခံစားနေရပြီလား။ ဒါတွေကသွေးအားနည်းမှုရဲ့ လက္ခဏာတွေဖြစ်နေနိုင်တယ်နော်။ တစ်နေ့တာရဲ့လုပ်ငန်းဆောင်တာတွေကိုကောင်းကောင်းလုပ်ဆောင်နိုင်ဖို့ အားမရှိသလို ခံစားနေရပြီဆိုရင် ခန္ဓါကိုယ်ထဲမှာသွေးနီဥအားနည်းနေတာကြောင့်သွေးအားနည်းရောဂါခံစားနေရတာဖြစ်နိုင်ပါတယ်။ ကိုယ်တွင်းမှာသွေးနီဥအားနည်းလာတဲ့အခါ ခန္ဓါကိုယ် အစိတ်အပိုင်းတွေဆီကိုအောက်ဆီဂျင် ရောက်ရှိနိုင်မှုက ခက်ခဲလာပြီး ပင်ပန်းနွမ်းနယ်မှုကို ပိုမိုခံစားရနိုင်ပါတယ်။ သွေးနီဥဆဲလ်တွေဆိုတာက သွေးနီဥဆဲလ်တွေက လူတွေရဲ့သွေးတွေထဲမှာ အများဆုံးတွေ့ရနိုင်တဲ့သွေးဆဲလ်တွေပါ။ ခန္ဓါကိုယ်က တစ်နေ့တာမှာသွေးနီဥဆဲလ် သန်းပေါင်းများစွာကို ထုတ်လွှတ်ပါတယ်။သွေးနီဥဆဲလ်တွေကို ရိုးတွင်းခြင်ဆီတွေကနေ ထုတ်လုပ်ပေးတာဖြစ်ပြီး ခန္ဓါကိုယ်ထဲမှာ ရက်ပေါင်း ၁၂၀လောက်လှည့်လည် စီးဆင်းပါတယ်။ပြီးတဲ့နောက်မှာတော့ အသည်းဆီကိုရောက်ရှိသွားပြီးနောက်တစ်ကြိမ် အသစ်ဖြစ်ပေါ်မှုလုပ်ငန်းစဉ်ကို ဆက်လက်လုပ်ဆောင်ပါတယ်။ သွေးနီဥအားနည်းနေရင် ဘယ်လိုလက္ခဏာတွေ တွေ့ရနိုင်လဲ ခန္ဓါကိုယ်မှာသွေးနီဥအားနည်းနေတဲ့အခါ နှလုံးခုန်မြန်မယ် နှလုံးခုန်နှုန်း ပုံမှန်မဟုတ်ဘဲဖြစ်မယ် အရေပြားကဖျော့တော့နေမယ် သွားဖုံးတွေဖြူနေမယ် မကြာခဏဆိုသလို အရေပြားမှာ အညိုအမဲစွဲမယ် မကြာခဏခေါင်းကိုက်မယ် စတဲ့ ပင်ပန်းနေမယ် ကြွက်သားတွေ အားနည်းလာမယ် စတဲ့လက္ခဏာတွေခံစားရနိုင်ပါတယ်။ သွေးနီဥအားနည်းစေတဲ့ အကြောင်းအရင်းတွေက ဘာတွေလဲ........ ခန္ဓါကိုယ်မှာသွေးနီဥ အားနည်းစေတဲ့အချက်က တစ်ခုမကရှိနေနိုင်ပါတယ်။သွေးနီဥအားနည်း အများစုကသွေးအားနည်းရောဂါကို ခံစားနေကြရတာပါ။ သံဓါတ်ချို့တဲ့မှုကြောင့် ဗီတာမင် B12 ချို့တဲ့မှုကြောင့် […]

သွေးအားနည်းရောဂါဖြစ်စေတဲ့ အကြောင်းအရင်းပေါင်းများစွာရှိပါတယ်။ ဖော်လစ်အက်စစ်နဲ့ ဗီတာမင်B12 ချို့တဲ့ခြင်းတို့လဲ အပါအဝင်ပါပဲ။ သွေးအားနည်းရောဂါရဲ့ ဆိုလိုရင်းကတော့ သာမန်ထက် သွေးနီ်ဥအရည်အတွက် နည်းခြင်း။ ဒါမှမဟုတ် သွေးနီဥတစ်ခုချင်းစီမှာ ဟီမိုဂလိုဗင် နဂိုရှိသင့်တာထက်နည်းနေခြင်း။ ဖြစ်ပါတယ်။ ဘယ်ဆိုလိုရင်းပဲဖြစ်ဖြစ် သွေးထဲမှာ အောက်စီဂျင်နည်းသွားတာပါပဲ။ ထိုသို့ဖြစ်ခြင်းက ပင်ပန်းနွမ်းနယ်ခြင်း၊ စိတ်ရှုတ်ခြင်း၊ သတိလစ်ခြင်းနဲ့ အသက်ရှုမဝခြင်းလိုမျိုး လက္ခဏာတွေ ရရှိလာစေပါတယ်။ သွေးအားနည်းရောဂါရဲ့ အကြောင်းအရင်းပေါ်မူတည်ပြီး အခြားရောဂါလက္ခဏာတွေလည်း ရှိလာနိုင်ပါတယ်။ သံဓါတ်ချို့တဲ့ခြင်းကြောင့်ဖြစ်သော သွေးအားနည်းရောဂါဆိုတာဘာလဲ။ သံဓါတ်လုံလောက်စွာ ပါဝင်သော အစားအစာတွေကို မစားသုံးခြင်းကြောင့် ဖြစ်နိုင်ပါတယ်။ အစားအသောက်ချို့တဲ့သော်လည်း သံဓါတ်လုံလောက်တယ်ဆိုရုံမျှရရှိနေကြသော လူအချို့မှာ အခြားအချက်တွေပါရောထွေးလာရင် သွေးအားနည်းရောဂါရရှိလာမှာပါ။ ဥပမာတွေကတော့ ကလေးတွေ ကြီးကောင်ဝင်လာခြင်းနဲ့ မိန်းမတွေမှာကိုယ်ဝန်ဆောင်ခြင်း၊ ရာသီအများအပြားလာခြင်းတို့ပဲဖြစ်ပါတယ်။ သတ်သတ်လွတ်သမားအချို့ရဲ့ စားသောက်မှုပုံစံမှာလည်း သံဓါတ်လုံလောက်စွာ မပါဝင်တတ်ကြပါဘူး။ သံဓါတ်ရဲ့ အရေးကြီးမှုတွေက ဘာလဲ။ အဓိကလုပ်ငန်းဆောင်တာကတော့ ခန္ဓါကိုယ်အနှံ့အောက်စီဂျင်ပို့ဆောင်ပေးဖို့ပဲဖြစ်ပါတယ်။ အဆုတ်ကနေ ခန္ဓါကိုယ်တစ်လျောက်ကိုပို့ဆောင်ပေးတဲ့ ဟီမိုဂလိုဗင်ဒြပ်ပေါင်း၏ အစိတ်အပိုင်းတစ်ခုလည်းဖြစ်ပါတယ်။ အဓိကသံဓါတ်သိုလှောင်ပေးတဲ့နေရာတွေက အသည်းနဲ့ […]

သယ်လက်စီးမီးယားအမျိုးအစားတွေဟာ မိဘတွေထံမှ ရရှိသော သန္ဓေပြောင်းလဲမှုအရေအတွက်နဲ့ ဟီမိုဂလိုဘင်မော်လီကျူးရဲ့ ပြောင်းလဲသွားတဲ့အစိတ်အပိုင်းပေါ်မှာ မူတည်နေပါတယ်။ သန္ဓေပြောင်းလဲမှုများလေ သယ်လက်စီးမီးယားရောဂါပြင်းထန်လေပါပဲ။ ဟီမိုဂလိုဘင်မော်မော်လီကျူးကို အယ်ဖာနဲ့ဘီတာအစိတ်ပိုင်းတို့ဖြင့် ဖွဲစည်းထားပါတယ်။ ထိုအစိတ်အပိုင်းများကို သန္ဓေပြောင်းလဲမှုတွေက သက်ရောက်နိုင်ပါတယ်။   အယ်ဖာသယ်လက်စီးမီးယား အယ်ဖာဟီမိုဂလိုဘင်အတွဲလိုက်ဖြစ်ရန်အတွက် မျိုးရိုးဗီဇ၄ခုလိုအပ်ပါတယ်။ ၂ခုစီကို မိဘတစ်ဦးစီမှရရှိမှာပါ။ အောက်ပါတို့လိုမျိုးကိစ္စတွေ ရှိလာနိုင်ပါတယ်။ မျိုးရိုးဗီဇတစ်ခုတည်းမှာ သန္ဓေပြောင်းလဲမယ်ဆိုရင် ဘာလက္ခဏာမှပြမှာမဟုတ်ပါဘူး။ ဒါပေမယ့်လည်း ရောဂါသယ်ဆောင်သူဖြစ်သွားပြီး ကလေးတွေမှာ ထိုရောဂါပြန်ပေါ်လာနိုင်ပါတယ်။ မျိုးရိုးဗီဇ၂ခုမှာ သန္ဓေပြောင်းလဲမယ်ဆိုရင် ရောဂါလက္ခဏာအနည်းငယ် ခံစားရနိုင်ပါတယ်။ အဲလိုဖြစ်ပြိဆိုရင်တော့ အယ်ဖာသယ်လက်စီးမီးယားအပျော့စား ဒါမှမဟုတ် အယ်ဖာသယ်လက်စီးမီးယားပုံစံ ရှိနေပြီလို့ဆိုနိုင်ပါတယ်။ မျိုးရိုးဗီဇ၃ခုမှာ သန္ဓေပြောင်းလဲနေပြီဆိုရင် ရောဂါလက္ခဏာ အတော်အသင့်ကနေ ဆိုးရွားသည်အထိ ခံစားရနိုင်ပါတယ်။ နောက်နာမည်တစ်မျိုးကတော့ ဟီမိုဂလိုဘင်အိတ်ခ်ျရောဂါပါ။ မျိုးရိုးဗီဇ၄ခုလုံး သန္ဓေပြောင်းလဲသွားပြီဆိုရင် အယ်ဖာသယ်လက်စီးမီးယားအပြင်းစား ဒါမှမဟုတ် Hydrops Fetalis လို့ခေါ်နိုင်ပါတယ်။ ထိုရောဂါဟာ ကလေးကို ဗိုက်ထဲမှာတင် သေစေနိုင်သလို […]

ပါနစ်ရှက်သွေးအားနည်းရောဂါဆိုတာဘာလဲ။ ခန္ဓါကိုယ်က ဗီတာမင်B12 အလုံအလောက်မရှိတာကြောင့် ကျန်းမာတဲ့ သွေးနီဥတွေ မထုတ်နိုင်တော့သော ရောဂါဖြစ်ပါတယ်။ ဗီတာမင်B12 ကို အစားအစာအချို့မှာ တွေ့ရှိနိုင်ပါတယ်။ ခန္ဓါကိုယ်က ထိုဗီတာမင်ကို ကျန်းမာတဲ့ သွေးနီဥတွေ ထုတ်ဖို့နဲ့ အာရုံကြောပုံမှန်အလုပ်လုပ်နေစေဖို့ လိုအပ်ပါတယ်။ ပါနစ်ရှက်သွေးအားနည်းရောဂါရှိတဲ့သူတွေဟာ အစားအစာတွေကနေ ဗီတာမင်B12ကို လုံလောက်စွာ မစုပ်ယူနိုင်ကြပါဘူး။ ဘာကြောင့်လဲဆိုတော့ အစာအိမ်ကနေ ထုတ်လုပ်ပေးသော ပရိုတင်းတစ်မျိုးဖြစ်တဲ့ Intrinsic factor မရှိလို့ပဲဖြစ်ပါတယ်။ ထိုပရိုတင်းမရှိခြင်းကြောင့် ဗီတာမင်B12 ချို့တဲ့လာရပါတယ်။ အခြားကျန်းမာရေးအခြေအနေတွေနဲ့ အချက်တွေကလည်း ဗီတာမင်B12ချို့တဲ့စေပါတယ်။ ဥပမာတွေကတော့ ပိုးဝင်ခြင်း၊ ခွဲစိတ်မှု၊ ဆေးဝါးတွေနဲ့ အစာစားမှုပုံစံတွေပဲဖြစ်ပါတယ်။ ပါနစ်ရှက်သွေးအားနည်းရောဂါဆိုတာ Intrinsic factor မရှိသောကြောင့် ဗီတာမင်B12ချို့တဲ့ခြင်းကို ဆိုလိုတာပါ။ အခြားအကြောင်းအရင်တွေကြောင့် ဗီတာမင်B12ချို့တဲ့ခြင်းကိုလည်း ပါနစ်ရှက်သွေးအားနည်းရောဂါလို့ခေါ်နိုင်ပါတယ်။ ယခုဆောင်းပါးဟာ Intrinsic factor မရှိခြင်းနှင့် အခြားအကြောင်းအရင်းတွေကြောင့်ဖြစ်သော ပါနစ်ရှက်သွေးအားနည်းရောဂါအကြောင်းကို ဆွေးနွေးမှာပါ။ ယေဘုယျသုံးသပ်ချက် ထိုရောဂါဟာ သွေးအားနည်းရောဂါအမျိုးအစားတစ်ခုပါပဲ။ သွေးအားနည်းရောဂါဆိုတာဟာ […]