သားဆက်ခြားခြင်း

အရေးပေါ်တားဆေးကို အကာအကွယ်မဲ့ လိင်ဆက်ဆံမှုပြုပြီးတဲ့နောက် ဒါမှမဟုတ် ပုံမှန်သုံးနေကျ သန္ဓေတားနည်းက တစ်ခုခု ချို့ယွင်းသွားလို့ (ဥပမာ ကွန်ဒုံးပေါက်သွားတာမျိုး) ဒါမှမဟုတ် တစ်နေ့တစ်လုံးသောက်နေကျ သောက်ဆေးသောက်ဖို့ မေ့သွားတဲ့အခါမျိုးမှာ သုံးလို့ ရပါတယ်။ အရေးပေါ်သန္ဓေတားနည်းအနေနဲ့ သောက်ဆေးနဲ့ အရေးပေါ်သားအိမ်အတွင်းထည့်နည်းဆိုပြီး နှစ်မျိုးရှိပေမယ့် အသုံးများတာက သောက်ဆေးဖြစ်တဲ့အတွက် သောက်ဆေးအကြောင်းကိုပဲ ပိုဆွေးနွေးလိုပါတယ်။ အရေးပေါ်တားဆေးနဲ့ ပတ်သက်လို့ သိသင့်သမျှ အကြောင်းအရာလေးတွေကို ပြောပြပေးသွားပါမယ်။ အရေးပေါ်တားဆေးနဲ့ ပတ်သက်လို့သိသင့်သမျှ အရေးပေါ်တားဆေးနဲ့ ပတ်သက်လို့ သိသင့်သမျှ အကြောင်းအရာလေးတွေကို လေ့လာလိုက်ရအောင်နော်။ အရေးပေါ်တားဆေးကို အကာအကွယ်မဲ့လိင်ဆက်ဆံပြီး နောက် သုံးရက် (တချို့ဆေးတွေက ငါးရက် ) အတွင်း သောက်လို့ ရပါတယ်။ ဒါပေမယ့် လိင်ဆက်ဆံမှု ပြီးပြီးချင်း စောစောသောက်လေ ပိုသန္ဓေတားနိုင်လေဖြစ်ပြီး ပိုစိတ်ချရပါတယ်။ နောက်ကျလေ သန္ဓေတားနိုင်စွမ်း ပိုနည်းပါးလေဖြစ်ပါတယ်။ ဘေးထွက်ဆိုးကျိုးအနေနဲ့ ခေါင်းကိုက်ခြင်း  ဗိုက်အောင့်ခြင်း မအီမသာဖြစ်ခြင်း  ပျို့အန်ခြင်းတွေ […]

အိမ်ထောင်ပြုပြီးခါစ အမျိုးသမီးတိုင်း ခေါင်းစားကြတဲ့ကိစ္စတစ်ခုရှိပါတယ်။ ကိုယ်ဝန်တန်းယူမှာလား၊ ကြားထဲမှာ ကိုယ်ဝန်မရအောင်သားဆက်ခြားရမလား ဆိုတဲ့ ကိစ္စကြီးပါ။ အိမ်ထောင်ကျသွားလို့ ကိုယ်ဝန်ရတာ သဘာဝဖြစ်စဉ်ဖြစ်တဲ့အတွက် ကိုယ်ဝန်တန်းယူတာနဲ့ ပက်သက်လို့ အထွေအထူးပြောစရာတော့ မရှိပါဘူး။ ဒါပေမယ့် သဘာဝဖြစ်စဉ်ကို ဆန့်ကျင်တဲ့ ကိုယ်ဝန်ကိုတားဖို့ အတွက်ကတော့ အနည်းငယ် ခေါင်းစားပါလိမ့်မယ် ။ ကိုယ်နဲ့ ဘယ်သားဆက်ခြားနည်းကသင့်တော်တာလဲ။ ကိုယ်သုံးမယ့်သားဆက်ခြားနည်းတွေမှာ ဘယ်လိုဘေးထွက်ဆိုးကျိုးတွေရှိလဲ။ စတာတွေပေါ့။ သားဆက်ခြားနည်းတွေထဲမှာ အထိရောက်ဆုံးနဲ့ ဘေးထွက်ဆိုးကျိုးလည်း နည်းတဲ့ သားဆက်ခြားနည်းရှိလား။ ။ ရှိပါတယ်။ ကိုယ်ဝန်ကိုလည်း အမှန်တကယ်ထိထိရောက်ရောက်တားပေးပြီး ဘေးထွက်ဆိုးကျိုးလည်း နည်းတဲ့ သန္ဓေတားနည်းရှိပါတယ်။ ခုဆောင်းပါးလေးထဲမှာအကောင်းဆုံး သန္ဓေတားနည်းတွေထဲက တစ်ခုဖြစ်တဲ့ လက်မောင်းတွင်းထည့်သန္ဓေတားပစ္စည်းအကြောင်းကို ပြောပြပေးသွားမှာပါ ။ သူက ကိုယ်ဝန်ကို ဘယ်လိုတားပေးလဲ ။ တစ်ခြား သန္ဓေတားနည်းတွေထက် ဘာကြောင့်ပိုကောင်းရလဲဆိုတာတွေကိုလည်း ပြောပြပေးမယ်နော်။ လက်မောင်းတွင်းထည့် သန္ဓေတားပစ္စည်းဆိုတာ ဘာလဲ။ ။ လက်မောင်းတွင်းထည့်သန္ဓေတား […]

တိုးတက်လာတဲ့ခေတ်နဲ့အညီ အမျိုးသမီးတွေလည်း အမျိုးသားတွေနည်းတူ အိမ်ထောင်မှုတာဝန်တွေကို နိုင်တဲ့ဘက်ကနေ လုပ်ဆောင်နေကြရပါတယ်။ ဒီလိုမျိုးအလုပ်များတဲ့ အိမ်ထောင်ရှင်မတွေအတွက် အဆင်သင့်မဖြစ်သေးချိန်မှာ ကလေးရရှိသွားတာမျိုးမဖြစ်စေဖို့ သန္ဓေတားနည်းတွေက အမျိုးမျိုးရှိပါတယ်။ ဒီထဲမှာမှ အခုတစ်ခေါက်တော့ Hello ဆရာဝန်ရဲ့ အမျိုးသမီးပရိသတ်ကြီးအတွက် သန္ဓေတားသောက်ဆေးနဲ့ပတ်သက်လို့ သိသင့်တာလေးတွေပြောပြပေးပါမယ်နော်။ သန္ဓေတားသောက်ဆေးက ဘာတွေလုပ်ပေးလဲ သန္ဓေတားနည်းကဆေးထိုးရတာနဲ့ သားအိမ်တွင်းထည့်ပစ္စည်း (IUD)၊ လက်မောင်းတွင်းထည့်ပစ္စည်း (implant) တို့ကို မနှစ်သက်တဲ့အမျိုးသမီးတွေ အဖို့တော့သောက်ဆေးရှိပါတယ်နော်။နေ့တိုင်းပုံမှန်သောက်ရတာဖြစ်ပြီး ကိုယ်ဝန်မရရှိအောင် ကာကွယ်ပေးနိုင်ပါတယ်။ သန္ဓေတားဆေးထဲမှာပါတဲ့ဟော်မုန်းက သားဥတွေကို သားဥအိမ်ထဲကနေထွက်မသွားအောင်တားဆီးပေးပါတယ်။ သားဥအိမ်ထဲကနေ မျိုးဥတွေကို ထွက်မသွားစေဘူးဆိုမှတော့ မျိုးအောင်နိုင်ခြေက မရှိတော့ဘူးလေ။ ဒီတော့ မထင်မှတ်ဘဲ ကိုယ်ဝန်ရရှိတာမျိုးမရှိတော့ဘူးပေါ့။ သန္ဓေတားဆေးသောက်တဲ့အခါ သတိထားရမယ့်အချက်တွေက နေ့တိုင်း အချိန်မှန်သောက်ပေးတာက ဆေးအာနိသင်ကို ပိုထိရောက်စေပါတယ်။ ဆေးက နေ့တိုင်းသောက်ပေးမယ်ဆိုရင် ထိရောက်မှုကအမြင့်ဆုံးမှာရှိနေမှာဖြစ်ပြီး တစ်ရက်လောက် အချိန်နောက်ကျပြီးမှာသောက်မိမယ်ဆိုရင်တော့ ဆေးရဲ့ ထိရောက်မှုက ၉၉ ရာခိုင်နှုန်းကနေ ၉၁ […]

လူကိုမြင်တာနဲ့ ဘယ်တော့အိမ်ထောင်ပြုမှာလဲ၊ အိမ်ထောင်ကျသွားရင်လည်း ဘယ်တော့ကလေးယူမှာလဲ မေးရင်းနှုတ်ဆက်တတ်ကြတာ မြန်မာ့ပတ်ဝန်းကျင်ရဲ့ဓလေ့တစ်ခုလိုဖြစ်နေပါတယ်။ ချစ်သူရည်းစားထားရင်းအချိန်ကြာလာလို့ မယူသေးရင် ပတ်ဝန်းကျင်အမြင်ကမကောင်းဘူး၊ အိမ်ထောင်ကျပြီး နှစ်လေးစွန်းလာလို့ ကလေးမယူသေးရင်ပဲကလေးမရနိုင်တဲ့ချို့ယွင်းချက်ရှိသူလိုလို၊ စရိတ်မတတ်နိုင်သလိုလိုပတ်ဝန်းကျင်ရဲ့ထင်ကြေးတွေကိုစိုးထိတ်နေကြသူတွေရှိပါတယ်။ အဲဒီလိုပတ်ဝန်းကျင်ရဲ့သက်ရောက်မှုတွေအပြင် မိသားစုရဲ့ဖိအားတွေကိုပါရင်ဆိုင်လာရတဲ့ အမျိုးသမီးတွေဟာကိုယ်ရည်မှန်းထားတဲ့အနေအထားအထိမပြင်ဆင်ရသေးခင် အိမ်ထောင်ပြုလိုက်ရတာ၊ ကလေးယူလိုက်ရတာတွေဖြစ်လာတာပေါ့။ ရလဒ်ကျ ဘာဖြစ်လာလဲဆိုတော့ တစ်ပါးသူတွေရဲ့လွှမ်းမိုးမှုနဲ့ရှေ့ဆက်ရင်းဘဝမှာတိုးတက်အောင်မြင်ဖို့၊ သာယာပျော်ရွှင်တဲ့ဘဝကိုပိုင်ဆိုင်နိုင်ဖို့၊ စနစ်တကျထက်မြက်တဲ့သားသမီးတွေကိုပျိုးထောင်နိုင်ဖို့လမ်းကမှုန်ဝါးလာနိုင်ပါတယ်။ အဆင်သင့်မဖြစ်သေးဘဲလက်ခံလိုက်ရတဲ့ ဘဝရဲ့ပင်ပန်းမှုတွေကြားရုန်းကန်လှုပ်ရှားရင်းပေါ့။ ဥပမာတစ်ဦးနဲ့တစ်ဦးနားလည်မှု၊သံယောဇဉ်မခိုင်မာသေးခင်ပြုလိုက်ရတဲ့ အိမ်ထောင်ရဲ့အဆင်မပြေမှုတွေ၊ အသက်ငယ်ငယ်နဲ့ကလေးယူလိုက်ပြီးနောက် မိခင်တာဝန်ကျေပွန်နိုင်အောင် အသိပညာမပြည့်စုံတဲ့အခက်အခဲတွေလိုမျိုး။ အမှန်တော့ အမျိုးသမီးတစ်ယောက်ဟာဘယ်နေရာမှာပဲနေနေ၊ ဝင်ငွေဘယ်လောက်ပဲရှိနေပါစေ၊ ဘာလူမျိုးပဲဖြစ်ဖြစ် သူ့ရဲ့ခန္ဓာကိုယ်နဲ့ကျန်းမာရေးနဲ့ပတ်သက်ပြီးဘာမဆိုကိုယ်တိုင်ဆုံးဖြတ်ခွင့်ရှိပါတယ်။ ဒါဟာလိင်ကိစ္စနဲ့မျိုးဆက်ပွားကျန်းမာရေးဆိုင်ရာအခွင့်အရေး(SRH Rights) လို့ခေါ်တဲ့ အမျိုးသမီးတွေရဲ့အခြေခံကျတဲ့လူ့အခွင့်အရေးပါ။ လိင်မှုကိစ္စနဲ့သားဆက်ခြားကျန်းမာရေးဆိုင်ရာအခွင့်အရေးတွေကိုသိရှိနားလည်ထားတဲ့အမျိုးသမီးငယ်တွေဟာအိမ်ထောင်ရေးကိစ္စနဲ့ သားသမီးယူရေးကိစ္စတွေမှာကိုယ်တိုင်ဆုံးဖြတ်နိုင်ပြီးပညာရေးဆုံးခန်းတိုင်အောင်ရှေ့ဆက်မလား၊ အလုပ်ဆက်လုပ်မလားစသည်ဖြင့် ကိုယ့်ဘဝအတွက်လုပ်ပိုင်ခွင့်တွေကိုအသုံးချနိုင်လာပါလိမ့်မယ်။ အိမ်ထောင်ရှင်မတစ်ယောက်ဖြစ်လာပြီဆိုတာနဲ့ပဲအရာရာစိတ်ကိုလျှော့ပြီးကိုယ့်ဆုံးဖြတ်ပိုင်ခွင့်ကိုလက်မလွှတ်လိုက်ပါနဲ့။ အိမ်ထောင်ပြု၊သားမွေးဆိုတဲ့အတိုင်းမိန်းကလေးတွေရဲ့ဘဝပေးတာဝန်လို့ သတ်မှတ်ပြီးခင်ပွန်းသို့မဟုတ် မိသားစုရဲ့တိုက်တွန်းမှုအရသားသမီးယူလိုက်ကြတာများပါတယ်။ သားဆက်ခြားနည်းလမ်းတစ်ခုခုကျင့်သုံးခြင်းကမတော်တဆကိုယ်ဝန်ရခြင်း၊ ကိုယ်ဝန်ဖျက်ချခြင်းတွေကို ဖြစ်နိုင်ခြေလျော့နည်းစေမယ့် အဖြေဖြစ်ပါတယ်။ သားဆက်ခြားနည်းတွေရဲ့ ဘေးကင်းမှုနဲ့ပတ်သက်ပြီးအမှားတွေသိထားတာ၊ ဗဟုသုတနည်းပါးတာတွေကအမျိုးသမီးတွေရဲ့ဆုံးဖြတ်ပိုင်ခွင့်မှာအနှောင့်အယှက်တွေဖြစ်စေတဲ့အချက်တွေထဲပါဝင်ပါတယ်။ အဲ့ဒီအခါ သားဆက်ခြားခြင်းအတွက်ကတစ်ဦးတည်း၊တစ်ဖက်တည်းသဘောမဟုတ်ဘဲခင်ပွန်းနဲ့ဇနီးကြားညှိနှိုင်းမှုတွေလိုအပ်သလိုအမျိုးသမီးဘက်ကလည်းကိုယ်ပိုင်ဆုံးဖြတ်ခွင့်ရှိရပါမယ်။ သားဆက်ခြားနည်းရွေးချယ်တဲ့အခါ လက်ရှိကိုယ့်အနေအထားနဲ့ သင့်တော်မယ့် နည်းလမ်းကိုစဉ်းစားရွေးချယ်ရမှာပါ။ ဥပမာ -အလုပ်တစ်ဖက်နဲ့အမျိုးသမီးတွေဆိုသားအိမ်တွင်းထည့်ပစ္စည်း IUD […]

ခိုင်မာတဲ့ ဆက်ဆံရေးတစ်ရပ်တည်ဆောက်တဲ့နေရာမှာ နားလည်မှုရှိဖို့နဲ့ ပွင့်လင်းမှုရှိဖို့ကတော်တော်လေးအရေးကြီးပါတယ်။ပေါင်းသင်းဆက်ဆံရေးမှာရော အိမ်ထောင်ရေးမှာပါ ဒီအချက်တွေကအရေးပါတာပါ။ ကျွန်မတို့မြန်မာအမျိုးသမီးတော်တော်များများက ငယ်စဉ်ပျိုးထောင်ကတည်းက စည်းကမ်းတင်းကျပ်လွန်းစွာကြီးပြင်းခဲ့ရတာကြောင့် ကိစ္စတော်တော်များများကို ဖွင့်ထုတ်မတိုင်ပင်ရဲကြတာများပါတယ်။ အထူးသဖြင့် အိမ်ထောင်မှုရေးရာနဲ့ လိင်မှုကိစ္စတွေကိုပေါ့။ အိမ်ထောင်တစ်ခုကို ထူထောင်တဲ့အခါမြန်မာအမျိုးသမီးအများစုက လင်ယောက်ျားကို အိမ်ထောင်ဦးစီးဆိုပြီးလေးစားကြတာက မမှားပေမယ့် ကိစ္စတိုင်းကိုတော့ တစ်ဦးတည်းသဘောနဲ့ လိုက်လုပ်နေစရာမလိုပါဘူး။ လူတိုင်းမှာ အခွင့်အရေးကိုယ်စီရှိတာမို့ အချို့ကိစ္စတွေမှာ သူဖြစ်ချင်တာ ကိုယ်ဖြစ်ချင်တာကို ပွင့်ပွင့်လင်းလင်းတိုင်ပင်ပြီး ညှိနှိုင်းကြည့်ဖို့ပြောပါရစေ။ ဘယ်အချိန်မှာ ကလေးယူမယ်၊ ကလေးဘယ်နှယောက်ယူမယ်ဆိုတာနဲ့ ဘယ်လိုသားဆက်ခြားနည်းက အဆင်ပြေဆုံးဖြစ်မလဲဆိုတာတွေကို နှစ်ဦးသားပွင့်ပွင့်လင်းလင်းဆွေးနွေးမှုကနေတဆင့် အကောင်းဆုံးအဖြေထုတ်နိုင်ပါတယ်။ မိမိလက်တွဲဖော်နဲ့ သားဆက်ခြားနည်းအကြောင်းတိုင်ပင်တဲ့အခါ သားဆက်ခြားနည်းက အရေးကြီးတာကြောင့် မိမိရဲ့လက်တွဲဖော်နဲ့တိုင်ပင်ဖို့ကို အားနာတာရှက်ရွံ့တာတွေမလုပ်ပါနဲ့။ သားဆက်ခြားနည်းကိုသေသေချာချာရွေးချယ်တာက နှစ်ယောက်စလုံးအတွက် အကျိုးရှိစေမှာ အသေအချာပါပဲ။ လက်တွဲဖော်နဲ့ သားဆက်ခြားနည်းပြောရတာက အခက်အခဲရှိနိုင်ပေမယ့် မပြောလို့မဖြစ်တဲ့ အရေးကြီးတဲ့ကိစ္စပါ။ ကျွန်မတို့မြန်မာအမျိုးသမီးအများစုက သားဆက်ခြားနည်းရွေးချယ်တဲ့အခါ အိမ်ထောင်ဘက်နဲ့ မဆွေးနွေးမိဘဲ မိခင် ဒါမှမဟုတ် အမလိုမျိုးဆွေမျိုးရင်းချာတွေနဲ့ […]

လူရယ်လို့ဖြစ်လာရင် လုပ်စရာအလုပ်တွေကတော်တော်လေးတော့များသား။နေ့စဉ်လုပ်နေကျအလုပ်တွေနဲ့ ရှုပ်နေတာနဲ့တင် သားဆက်ခြားမယ့်ကိစ္စကိုတွေးဖို့ဆိုတာအချိန်မရှိနိုင်အောင်ပါ။ အိမ်မှုကိစ္စတွေကို လုပ်နေရတာနဲ့တောင်တော်တော်အလုပ်များနေရတဲ့အထဲ အိမ်ထောင်ဝင်ငွေအတွက်ပါ မိမိတတ်သိထားတဲ့ ပညာနဲ့တစ်ဖက်တစ်လမ်းက ဝင်ငွေရှာဖွေနေတဲ့လေဒီတွေအတွက်ကတော့နေ့စဉ်အားတဲ့အချိန်ရယ်လို့သိပ်တောင်မရှိဘူးဆိုတာ ကိုယ်ချင်းစာနိုင်ပါတယ်။ အခုတစ်ခေါက်တော့ဒီလိုအလုပ်များတဲ့အမျိုးသမီးတွေအတွက် အသင့်တော်ဆုံးဖြစ်မယ့် သားဆက်ခြားနည်းလေးအကြောင်းပြောပြချင်ပါတယ်။ အမျိုးသမီးေတာ်တော်များများက သားဆက်ခြားနည်းရွေးချယ်စရာများပေမယ့် သားဆက်ခြားနည်းတစ်မျိုးထဲကိုပဲ စွဲစွဲမြဲမြဲသုံးလေ့ရှိကြပါတယ်။ အခုဆိုရင် သားဆက်ခြားနည်းတွေက အများသားပါ။ အသင့်တော်ဆုံးဖြစ်မယ့် သားဆက်ခြားနည်းကို တတ်သိနားလည်တဲ့သူတွေနဲ့ တိုင်ပင်ပြီး အလွယ်တကူအသုံးပြုလို့ရနေပါပြီ။ အလွယ်ဆုံးပြောပြရမယ်ဆိုရင် သားဆက်ခြားနည်းကို အဓိကအားဖြင့် ကာလတိုသားဆက်ခြားနည်းနဲ့ ကာလရှည်သားဆက်ခြားနည်းဆိုပြီး ခွဲခြားလို့ရပါတယ်။ သားဆက်ခြားနည်းရွေးချယ်မယ် သားဆက်ခြားနည်းရွေးတဲ့အခါ ကိုယ့်ရဲ့မိသားစုေနထိုင်မှုပုံစံပေါ်မှာ အခြေခံပြီးရွေးချယ်တာကအကောင်းဆုံးပါ။ အလုပ်များတဲ့ အမျိုးသမီးတွေအနေနဲ့ တစ်နေ့တစ်လုံးပုံမှန်သောက်ရတဲ့ သန္ဓေတားသောက်ဆေး (OCPs) ၊ ၃ လခံထိုးဆေး၊ ၆ လခံထိုးဆေးတွေလိုမျိုး သန္ဓေတားနည်းတွေကရေရှည်မှာ အဆင်မပြေလောက်ပါဘူး။နောက်တစ်ချက်က လိင်ဆက်ဆံတဲ့အခါတိုင်းမှာ ကွန်ဒုံးသုံးတာ၊ အမျိုးသမီးကွန်ဒုံးနဲ့ သားအိမ်ထဲထည့်တဲ့ ကွင်းလိုမျိုးအရာတွေကို အမြဲအသုံးပြုမိနိုင်ဖို့ဆိုတာကလည်း မလွယ်ပြန်ပါဘူး။ ဒီတော့ ဘယ်လိုသန္ဓေတားနည်းကို သုံးမလဲလို့မေးစရာလေးတွေရှိလာနိုင်ပါတယ်။ ဒီပြဿနာတွေနဲ့ကင်းဝေးချင်တဲ့ […]

မျိုးဆက်ပွားကျန်းမာရေးတဲ့ လိင်ပညာပေးတဲ့ နာမည်ကြားတာနဲ့ စိတ်ထဲတစ်မျိုးတစ်မည်ဖြစ်ချင်သလိုလို။ ဆယ်ကျော်သက် ကိုယ်ဝန်ဆောင်မှုတွေ၊ သက်ငယ်မုဒိမ်းတွေ၊လက်တည့်စမ်းရင်းကနေ HIV ပိုးကူးသွားတာတွေ စတဲ့ပြဿနာတွေ တစ်စထက်တစ်စ ပိုမိုများပြားလာတာနဲ့အမျှ မျိုးဆက်ပွားကျန်းမာရေးရဲ့ အခန်းကဏ္ဍက ပိုပိုပြီး အရေးကြီးလာပါပြီ။ ရှေးရိုးဆန်သူတွေရဲ့ အမြင်မှာတော့ မျိုးဆက်ပွားကျန်းမာရေး၊ လိင်ပညာပေးဆိုတာ ကလေးတွေကို အရွယ်မတိုင်ခင် ဖိုမကိစ္စတွေ သိသွားအောင်၊စိတ်ဝင်စားလာအောင် သွေးဆောင်ဖြားယောင်းခြင်းတစ်မျိုးလို့ ယူဆကြတဲ့အတွက် ဒါကို ကန့်ကွက်ကြ၊မနှစ်မြို့ကြပါဘူး။ ကျောင်းတွေမှာ သင်ရိုးတစ်ခုအဖြစ် ထည့်သွင်းခြင်းကိုလည်း သဘောမတွေ့ကြပါဘူး။ တကယ်က လိင်မှုကိစ္စဆိုတာ အရွယ်ရောက်သူမှန်သမျှ ရှောင်လွှဲလို့ မရနိုင်တဲ့ကိစ္စဖြစ်တာမို့ သူတို့စိတ်နဲ့သူတို့ လက်တည့်စမ်းကြ၊အတွေ့အကြုံရှာကြတဲ့အခါ မျိုးဆက်ပွားကျန်းမာရေးအကြောင်း နားလည်သဘောပေါက်ထားတဲ့ ဆယ်ကျော်သက်တွေဟာ အများကြီးတပန်းသာတာကို တွေ့မြင်ရပါလိမ့်မယ်။ ဒါကြောင့် အခြေခံပညာကျောင်းတွေမှာ မျိုးဆက်ပွားကျန်းမာရေးပညာပေးကို ကျယ်ကျယ်ပြန့်ပြန့် ပြုလုပ်ပေးသင့်ပါတယ်။ ဒီဆောင်းပါးလေးမှာတော့ မျိုးဆက်ပွားကျန်းမာရေးပညာပေးခြင်းရဲ့ ကောင်းကျိုးဆိုးပြစ်နှစ်ထွေကို တင်ပြဆွေးနွေးပေးသွားပါမယ်။ ကောင်းကျိုးများ မျိုးဆက်ပွားကျန်းမာရေးကို အခြေခံပညာကျောင်းတွေမှာ သင်ကြားပေးခြင်းအားဖြင့် မိမိတို့ရဲ့ ဘဝနေထိုင်မှုအပေါ်မှာ 'လိင်မှုကိစ္စ'က […]

ခေတ်စနစ်တွေတိုးတက်လာမှုနဲ့အတူဆေးပညာနယ်ပယ်မှာလည်း တိုးတက်မှုတွေအတော်လေးများလာနေပါတယ်။ ဒီလိုတိုးတက်လာတဲ့ဆေးပညာတွေထဲမှာ ကုသမှုနည်းလမ်းတွေပါဝင်နေသလို ကာကွယ်တဲ့နည်းလမ်းတွေလည်းပါဝင်လို့နေပါတယ်။ တိုးတက်လာမှုထဲမှာ အိမ်ထောင်သည်အမျိုးသမီးတွေအတွက် အဓိကကျတဲ့ ကျန်းမာရေးစောင့်ရှောက်မှုတစ်ရပ်လို့ဆိုရမယ့် သားဆက်ခြားနည်းတွေပါ ပါဝင်နေပါတယ်။ သန္ဓေတားသောက်ဆေး အကြောင်းတစေ့တစောင်း သန္ဓေတားသောက်ဆေး (OCP) က ကိုယ်ဝန်မရရှိအောင်ကာကွယ်ပေးတဲ့ဆေးဝါးတစ်မျိုးပါ။ သန္ဓေတားသောက်ဆေးတွေမှာ အက်စထရိုဂျင်ဟော်မုန်းပါဝင်တဲ့ သန္ဓေတားသောက်ဆေးရှိသလို ၊ အက်စထရိုဂျင်ရော ပရိုဂျက်စတင်ပါပါဝင်နေတဲ့ သန္ဓေတားသောက်ဆေးလည်းရှိပါတယ်။ သန္ဓေတားသောက်ဆေးတွေကိုသေသေချာချာသောက်သုံးမယ်ဆိုရင် မမျှော်လင့်ဘဲကိုယ်ဝန်ရရှိတာမျိုးမဖြစ်အောင်ကာကွယ်ပေးနိုင်ပါတယ်။ သန္ဓေတားသောက်ဆေးကို ၁၉၆၀ ခုနှစ်က အမေရိကန်ပြည်ထောင်စုမှာ ပထမဆုံးအတည်ပြုပေးခဲ့တာဖြစ်ပြီး သန္ဓေတားသောက်ဆေးက လူကြိုက်အများဆုံး သားဆက်ခြားနည်းတစ်ခုဖြစ်လာခဲ့ပါတယ်။ အခုလက်ရှိ ကမ္ဘာတစ်လွှားက အမျိုးသမီး သန်း ၁၀၀ကျော်က သန္ဓေတားသောက်ဆေးကို အသုံးပြုနေကြပါတယ်။ ၂၀၁၂ ခုနှစ်ကကောက်ယူခဲ့တဲ့ စာရင်းတွေအရ အမေရိကန်ပြည်ထောင်စုက အမျိုးသမီး ၁၆ ရာခိုင်နှုန်းက သန္ဓေတားသောက်ဆေးကိုသောက်သုံးနေကြပြီး အသက် ၁၆ နှစ် ကနေ ၄၉ နှစ်ကြားအရွယ်ရှိတဲ့ ယူကေအမျိုးသမီး ၃ ပုံ […]

ခုလတ်တလောအနေနဲ့ ကလေးလည်းမလိုချင်သေး၊ ဒါပေမယ့် ကွန်ဒုံးလည်းမသုံးချင်၊ ခန္ဓာကိုယ်အတွင်း ပစ္စည်းထည့်သွင်းခြင်း၊ ခွဲစိတ်ခြင်းများလည်း မလုပ်ဆောင်ချင် ဖြစ်နေပါသလား။ ထိုအချိန်မျိုးမှာ တားဆေးထိုးဆေးသုံးဖို့ စဉ်းစားကြည့်နိုင်ပါတယ်။ ဒါပေမယ့် ထိုနည်းကိုမသုံးခင်မှာ အောက်ပါအခြေခံအချက်အလက်လေးတွေကိုတော့ သေချာဖတ်ထားသင့်ပါတယ်။ တားဆေးထိုးဆေးဆိုတာဘာလဲ ဒတ်ပို လို့အလွယ်ခေါ်နေကြတဲ့ တားဆေးထိုးဆေးဟာ progestogen လို့ခေါ်တဲ့ ဟော်မုန်းတစ်မျိုးပါသော Medroxyprogesterone ထိုးဆေးဖြစ်တယ်။ တားဆေးနှစ်မျိုးရှိပါတယ်- Depo-Provera နဲ့ Depo-Ralovera တို့ဖြစ်တယ်။ တားဆေးထိုးဆေးတွေက ဘယ်လိုအလုပ်လုပ်တာလဲ သင့်ခန္ဓာကိုယ်ထဲကို ဆေးထိုးလိုက်ခြင်းက လက်မောင်းတွင်းထည့် သန္ဓေတားပစ္စည်းအသုံးပြုထားခြင်းလိုပဲ ပုံစံတူအလုပ်လုပ်ပါတယ်။ ထိုးဆေးကို ဆရာဝန်မှ ကိုယ်ဝန်မရှိကြောင်းအတည်ပြုပြီးပါက အချိန်မရွေးထိုးလို့ရတယ်၊ ၁၂ ပတ်မှ ၁၄ ပတ်လောက်ထိခံပါတယ်။ အောက်ပါတို့ကိုလုပ်ဆောင်ခြင်းဖြင့် အာနိသင်ရှိတယ်- • လစဉ်သားဥကြွေခြင်းကို တားဆီးခြင်း • သားအိမ်အဝမှ အကျိအချွဲများကို ထူစေခြင်းဖြင့် သုက်ပိုးများ သားအိမ်တွင်းဝင်ကာ သားဥနဲ့တွေ့ဆုံခြင်းကို တားဆီးပါတယ်။ • သားအိမ်နံရံများကိုပါးခြင်းဖြင့် မျိုးအောင်သွားသော သားဥများတွယ်ကပ်နိုင်ခြင်းကို တားဆီးပါတယ်။ ရာသီသွေးစချိန် […]

အရေးပေါ်ကိုယ်ဝန်တားဆေးများဟာ အတူနေချိန်မှာ အကာအကွယ်သုံးဖို့ မေ့နေခဲ့ခြင်း၊ မှန်ကန်စွာ မသုံးမိခြင်း၊ ကွန်ဒုံးပေါက်ပြဲခြင်း စတာတွေနဲ့ ကြုံရတဲ့အခါ ကိုယ်ဝန်ကို အရေးပေါ်ကာကွယ်ဖို့ နည်းလမ်းတစ်မျိုးပဲ ဖြစ်ပါတယ်။ အရေးပေါ် ကိုယ်ဝန်တားခြင်း ယေဘုယျအားဖြင့် အတူနေပြီး ၃ရက်အတွင်း အရေးပေါ်ကိုယ်ဝန်တားဆေးသောက်ရင် ကိုယ်ဝန်ရနိုင်ခြေ လျော့နည်းစေပါတယ်။ ၂၄နာရီအတွင်း သောက်မယ်ဆိုရင်တော့ ကိုယ်ဝန်ရနိုင်ခြေက ၁%၊ ၂%လောက်ပဲ ရှိတာမို့ စိတ်အချရဆုံး ဖြစ်ပါတယ်။ ဒါကြောင့်မို့လို့ ဒီဆေးတွေကို ကိစ္စပြီးလို့ မနက်မှာသောက်တဲ့ဆေး (morning after pill)လို့ ညွှန်းကြပါတယ်။ ၄-၅ရက်လောက်နေမှ သောက်ရင် သိပ်မထူးပါဘူး။ ဘယ်လိုအာနိသင်ရှိသလဲ အရေးပေါ်ဆေးများဟာ ဟော်မုန်းများကတဆင့် ကိုယ်ဝန်ကို တားဆီးပေးပါတယ်။ အထူးသဖြင့် အောက်ပါ သက်ရောက်မှုများကို ဖြစ်ပေါ်စေပါတယ်။ - မျိုးဥကြွေခြင်းကို တားဆီးခြင်း - သုက်ပိုးကို သန္ဓေမအောင်စေရန် တားဆီးပေးခြင်း - သန္ဓေအောင်ပြီးမျိုးဥကို သားအိမ်တွင် တွယ်ကပ်မှု မရှိစေခြင်း။ ကိုယ်ဝန်ရသွားပြီးချိန် သောက်ရင်တော့ […]