ကျန်းမာပျော်ရွှင်သော လိင်မှုဘဝလမ်းညွှန်

အိမေ်ထာင်တစ်ခုမှာ သားသမီးယူဖို့ မိသားစုစီမံကိန်းဆိုတာ ရှိသင့်ပါတယ်။ လက်မထပ်ခင်တည်းက သားသမီးယူဖို့ကိစ္စနဲ့ပတ်သက်ပြီး အချင်းချင်းပွင့်ပွင့်လင်းလင်း သဘောတူညီချက်ယူထားတာကောင်းပါတယ်။ ဘာကြောင့်လည်းဆိုတော့ မိဘတွေက အသက်အရွယ်ငယ်နေလို့၊ စီးပွားရှာနေရတုန်းမို့ စတဲ့ အကြောင်းကြောင်းတွေကြောင့် အသင့်မဖြစ်သေးခင်မှာ ကလေးယူလိုက်မိရင် နောက်ဆက်တွဲအခက်အခဲတွေဖြစ်လာစေနိုင်လို့ပါ။ ကျန်းမာရေးအရပြောရင်လည်း မိသားစုစီမံကိန်းရှိထားဖို့က မိခင်နဲ့ကလေးရဲ့ကျန်းမာရေးအတွက် အရေးကြီးနေပါတယ်။ လေ့လာမှုတွေအရ သားသမီးတစ်ဦးနဲ့တစ်ဦးကြားမှာ ငါးနှစ်ကျော်ခြားတာ သို့မဟုတ် နှစ်နှစ်မပြည့်ခင် နောက်တစ်ယောက်ထပ်ယူတာမျိုးက မိခင်နဲ့ကလေးတွေရဲ့ကျန်းမာရေးမှာ နောက်ဆက်တွဲပြဿနာတွေရှိစေနိုင်ပါတယ်တဲ့။ ဥပမာ - ကလေးကချူချာတာ၊ ကလေးရဲ့ဖွံ့ဖြိုးမှုအားနည်းတာနဲ့ မိခင်ရဲ့အာဟာရချို့တဲ့မှုစတဲ့ အချက်တွေပါဝင်ပါတယ်။ တကယ်တမ်းက ကလေးတစ်ယောက်နဲ့တစ်ယောက်ကြားမှာ အနည်းဆုံး ၂နှစ် ခြားသင့်ပါတယ်၊ ၅ နှစ်ထက်ပိုမခြားသင့်ပါဘူး။ ဒါမှ ကိုယ်ဝန်ဆိပ်တက်ခြင်း၊ ကိုယ်ဝန်မမြဲခြင်း၊ လမစေ့ဘဲမွေးဖွားခြင်း၊ ကလေးညှက်ခြင်းတို့လို မိခင်နဲ့ကလေးမှာ ဆိုးကျိုးသက်ရောက်မှုတွေ ကင်းစေမှာပါ။ ဒါ့ကြောင့် လင်ရယ် မယားရယ်ဖြစ်လာပြီဆိုရင် ဘဝခရီးလမ်းအတွက် ရည်မှန်းချက်တွေအတူရေးဆွဲကြမယ်၊ သားသမီးဘယ်နှယောက်ယူမလဲ၊ ဘယ်အချိန်မှာ ကလေးယူမလဲ၊ […]

အိမ်ထောင်သည်ဘဝကိုရောက်ရှိတဲ့အခါနေရေးထိုင်ရေး၊ စားရေးသောက်ရေးအပြင် စဉ်းစားဖို့ထပ်လိုမှာက အဆင်သင့်မဖြစ်သေးခင်ဘေဘီလေးရရှိသွားနိုင်တဲ့ အခြေအနေကို ကာကွယ်ဖို့ပါ။ ဒီလိုကာကွယ်တဲ့နေရာမှာ သားဆက်ခြားနည်းတွေက အမျိုးမျိုးရှိနေပါတယ်။ ဒီအထဲမှာမှ အလုပ်များတဲ့ အိမ်ထောင်ရှင်လေဒီလေးတွေအတွက် အဆင်ပြေစေမယ့် သားဆက်ခြားနည်းလေးတစ်ခုဖြစ်တဲ့ IUD နဲ့ပတ်သက်ပြီးပြောပြပေးချင်ပါတယ်။ ဒီတစ်ခေါက်တော့ IUD ထည့်ထားပြီးပြန်ထုတ်ဖို့ စဉ်းစားနေတဲ့လေဒီလေးတွေအတွက် သိထားဖို့လိုမှာလေးတွေကိုပြောပြပေးချင်ပါတယ်နော်။ IUD (သားအိမ်တွင်းထည့်ပစ္စည်းဆိုတာ ဘာလဲ) သားအိမ်တွင်းထည့်သားဆက်ခြားပစ္စည်းကြေးနီ IUD ဆိုတာက သားအိမ်ရဲ့ ၄ ပုံ ၁ပုံ အရွယ်အစားရှိတဲ့ ပလတ်စတစ်ချောင်းလေးရဲ့ ကိုယ်ထည်မှာကြေးနီရစ်ပတ်ထားတဲ့ သားဆက်ခြားပစ္စည်းလေးတစ်ခုပါ။ နှစ်ရှည်ခံတဲ့ သားဆက်ခြားနည်းတစ်မျိုးပေါ့။ အလုပ်များတဲ့ အိမ်ထောင်ရှင်လေဒီတွေ၊ဆေးသောက်ရမှာကိုမေ့နေတတ်တဲ့လေဒီလေးတွေအတွက် တကယ့်ကို အဆင်ပြေစေမယ့် သားဆက်ခြားနည်းလမ်းတစ်ခုပေါ့။ ဘယ်လိုအလုပ်လုပ်တာလဲ ကြေးနီပါဝင်တဲ့ သားအိမ်တွင်းထည့်ပစ္စည်းက သုက်ပိုးကို မမျိုးဥဆီမရောက်အောင်ခင် ရစ်ပတ်ထားတဲ့ ကြေးနီတွေကတားဆီးပေးခြင်းအားဖြင့် ကိုယ်ဝန်ကိုတားပေးပါတယ်။ IUD ရဲ့အားသာချက်တွေက ………….. သားအိမ်တွင်းထည့်ပစ္စည်းက တစ်ခါထည့်ပြီးရင် နှစ်ရှည်ခံတယ်ဆိုတော့ အလုပ်များတဲ့အမျိုးသမီးတွေ သန္ဓေတားဖို့အတွက် စိတ်ချလက်ချယုံကြည်လို့ရပါတယ်။ […]