ကလေးငယ်ပထမနှစ်

မကြာခင်မှာ အသစ်စက်စက်မေမေဖြစ်တော့မယ့် Hello ဆရာဝန်ပရိသတ်ကြီးတွေများရှိနေလား။ ကိုယ်တိုင်အတွက်ပဲဖြစ်ဖြစ် ကိုယ့်ရဲ့ အစ်မ ဒါမှမဟုတ် သူငယ်ချင်းတွေအတွက်ပဲဖြစ်ဖြစ် ဒီဆောင်းပါးလေးက ဖတ်ထားသင့်ပါတယ်နော်။ ဘာလို့ ဒီဆောင်းပါးကို ဖတ်သင့်တယ်၊လို့ပြောရလဲဆိုတာ အကြောင်းအရင်းရှိပါတယ်။ဘေဘီလေးတစ်ယောက် ကိုယ့်ဘဝထဲရောက်လာပြီဆိုရင် သူတို့အဆင်ပြေပါ့မလားဆိုက တစ်နေ့တာရဲ့ ၂၄ နာရီမှာ ၁၆ နာရီမကကို တွေးမိနေမှာပါ။ သိချင်မိတဲ့မေးခွန်းပေါင်းကလည်းသောင်းခြောက်ထောင်ပေါ့။ ဒီလိုသိချင်လောက်မယ့်မေးခွန်းတွေကို ဒီဆောင်းပါးလေးထဲမှာပြောပြပေးမှာဖြစ်လို့ပါနော်။ ကဲ .... သားဦးမေမေတို့သိချင်နေမယ့် အရာများ ရဲ့ အဖြေကို ကြည့်လိုက်ရအောင်လား ........ သားဦးမေမေတို့သိချင်နေမယ့် အရာများ အသစ်စက်စက်မေမေတို့ သိချင်လောက်မယ့် မေးခွန်းလေးတွေရဲ့ အဖြေက (၁) ကလေးလေးကမွေးလာလာချင်းနို့စို့တတ်ပါ့မလား။ ကလေးလေး တော်တော်များများက မွေးလာလာချင်းမှာ ဗိုက်ဆာနေတတ်ကြပြီး ကလေးကမိခင်နို့ကို သောက်ဖို့အဆင်သင့် ဖြစ်နေတတ်ကြပါတယ်။ မိခင်နို့နဲ့ သူတို့ပါးစပ်လေးကို ထိတွေ့ပေးလိုက်တာနဲ့ သဘာဝပေးထားတဲ့ အသိအရ နို့စစို့တော့တာပါပဲ။ နို့ကို ဘေဘီလေးက ချက်ချင်းမစို့ဖြစ်ရင်တောင်မှ မွေးပြီးချိန်ကနေ […]

မိဘရယ်လို့ဖြစ်လာရင် သားသမီးတွေကို အရိပ်တကြည့်ကြည့်နဲ့ ကြည့်တာပါ။ စားတာကနေစလို့ ဝမ်းသွားတာ အိပ်တာအဆုံး အကုန်လုံးကိုသေချာစောင့်ကြည့်နေမိတယ်နော်။ မိဘဆိုတဲ့တာဝန်က တော်တော်လေးကြီးလေးလွန်းပါတယ်။ ဒီနေရာမှာ မိဘတော်တော်များများကြုံတွေ့ရနိုင်တာက ဘယ်သူ့ရဲ့ ကလေးကတော့ဖြင့် တစ်ပတ်နေမှ တစ်ကြိမ်လောက်ဝမ်းသွားတယ်၊ ကိုယ့်ရဲ့ဘေဘီလေးကတော့ နို့စို့လိုက်ပြီးတိုင်း ဝမ်းသွားနေတယ်။ ဘာဖြစ်တာလဲ။ စိုးရိမ်စရာများရှိနေလားဆိုတဲ့အချက်ပါ။ တကယ်တော့ ကလေးက မကြာခဏ ဝမ်းသွားတာ ရက်တော်တော်ကြာမှဝမ်းသွားတယ်ဆိုတာတွေက ကလေးမှာ ကျန်းမာရေးပြဿနာတစ်ခုခုရှိနေတာ မဟုတ်ပါဘူး။ ဘာကြောင့်ဒီလိုပြောတာလဲဆိုတာကိုအောက်မှာ ရှင်းပြပေးထားတယ်နော်။ မွေးကင်းစကလေးလေးတွေ ဝမ်းခဏခဏသွားတာပုံမှန်ပဲလား ကလေးလေးတွေဟာ မွေးစကနေ ၆ လမရောက်ခင် မကြာခဏဆိုသလိုဝမ်းသွားနိုင်ပါတယ်။ ဒါပေမယ့် ဒါကစိုးရိမ်ရမယ့် အနေအထားတော့မဟုတ်ပါဘူး။ ကလေးကဝမ်းခဏခဏသွားနေတာက ခန္ဓာကိုယ်ရဲ့ပြောင်းလဲမှုဖြစဉ်တွေကြောင့်ပါ။ ကလေးက ဝမ်းသွားတာအပြင် အော့အန်နေမယ်။ နို့မစို့ဘဲဖြစ်နေမယ်ဆိုရင်တော့ ဆရာဝန်နဲ့ပြသဖို့ လိုအပ်မှာပါနော်။ မိခင်နို့ကိုပဲ အားကိုးနေရတဲ့အရွယ်မှာ ကလေးက ခဏခဏဆိုသလို ဝမ်းသွားနိုင်ပါတယ်။ ဒီလိုဖြစ်ရတာက မိခင်နို့မှာimmunoglobins ပါဝင်နေတာကြောင့် ကလေးက […]

မွေးစကတော့ အူဝဲ၊အူဝဲလို့ပဲအော်တတ်တဲ့ ကလေးလေးတွေက တဖြည်းဖြည်းနဲ့အသံအမျိုးမျိုးလုပ်တတ်လာတာ သတိထားမိကြမှာပါ။ ဘာသာစကားတွေ သင်ယူဖို့ စလေ့လာနေပြီလေ။ သူကြားရတဲ့အသံတွေနဲ့မြင်ရတဲ့အရာတွေကိုတွဲမှတ်တတ်လာပြီ၊ သူ့စိတ်ခံစားချက်တွေကိုဖော်ပြဖို့ အသံတွေကိုခွဲခြားထွက်တတ်လာပြီ။ ဒီအချိန်မှာ စကားပြောတတ်လာဖို့ ကလေးရဲ့ဘာသာစကားဖွံ့ဖြိုးမှုအတွက် မိဘတွေက ပံ့ပိုးကူညီပေးဖို့လိုပါတယ်။ ငယ်စဉ်အရွယ်မှာ စာဖတ်ပြတဲ့မိဘတွေ၊ စကားများများပြောပေးခဲ့တဲ့ မိဘတွေရဲ့သားသမီးတွေကဝေါဟာရပိုကြွယ်ပြီး ဘာသာစကားတတ်ကျွမ်းမှုမှာ တခြားကလေးတွေထက်သာတယ်လို့လေ့လာမှုတွေကတွေ့ရှိကြပါတယ်။ ကလေးကိုဘယ်လိုကူညီမလဲ (၁) စကားများတဲ့မေမေအဖြစ်နေပါ ဘာတွေပဲဖြစ်ဖြစ် တစ်နေ့တာအလုပ်တွေအကြောင်းပဲဖြစ်ဖြစ် ကလေးနားမှာနေရင်းစကားပြောနေပါ။ ကလေးကိုပြန်ပြောပြတာမျိုးက ကိုယ်လည်းအဖော်ရ၊ သူလည်းလေ့လာဖို့ပိုအဆင်ပြေတာပေါ့။ ဥပမာ - သမီးလေးရေ၊ လူလူချိုးမယ်(ရေချိုးမယ်)။ လူလူချိုးပြီးရင် ခါးခါးလူးမယ်၊ အပြင်သွားကြမယ်နော် ဆိုတာမျိုး။ သူ့ဘေးမှာ စကားပြောနိုင်လေကောင်းလေပါပဲ။ အတုမယူသင့်တဲ့ စကားတွေတော့ ကလေးရှေ့မှာ မပြောနဲ့ပေါ့နော်။ (၂) ဖတ်ပြပါ ကလေးကိုပုံပြင်ပြောပြတဲ့ဓလေ့၊ ပုံပြင်ဖတ်ပြတဲ့ဓလေ့က ဟိုးအရင်တည်းက ရှိခဲ့ပါတယ်။ ညအိပ်ခါနီးအချိန်မှာ စာဖတ်ပြတာက ကလေးကိုစာဖတ်တဲ့အလေ့အကျင့်လေး သင်ပေးသလိုဖြစ်စေပါလိမ့်မယ်။ အရွယ်ကြီးလာတာနဲ့အမျှ ပုံပြစာအုပ်တွေကိုယ်တိုင်ဖတ်စေတာ၊ စာအုပ်တွေပေးဖတ်တာ လုပ်လို့ရပါတယ်။ သူ့အတွက် စာအုပ်လေးတွေနဲ့စာအုပ်စင်လုပ်ပေးတာက […]

ချွေးထွက်တယ်ဆိုတာ ခန္ဓါကိုယ် သို့မဟုတ် ပတ်ဝန်းကျင်မှာ အပူချိန်ပိုလာတဲ့အခါ ခန္ဓါကိုယ်အပူချိန်ကိုလျှော့ချထိန်းညှိပေးဖို့ချွေးဂလင်းတွေရဲ့လုပ်ဆောင်ချက်တစ်ခုပါ။ လူတိုင်းချွေးထွက်တတ်ပါတယ်။ ဒါပေမယ့် ကလေးငယ်လေးတွေမှာ အမြဲလိုလိုချွေးထွက်တတ်တော့မေမေတချို့က စိတ်ပူကြပါတယ်။ ဒီသေးသေးလေးက ဘာလို့ဒီလောက်ချွေးထွက်ရတာလဲပေါ့။ခေါင်းမှာလည်းချွေးသီးချွေးပေါက်တွေနဲ့ဆိုတော့ ဘာလို့ဒီလိုမျိုး အမြဲလိုလိုဖြစ်နေရလဲဆိုတာ သိချင်ကြတယ်မဟုတ်လား။ ကလေးတွေမှာခေါင်းချွေးထွက်ရတဲ့အကြောင်းရင်းအမျိုးမျိုးရှိနိုင်ပါတယ်။ ကလေးတွေမှာ ခန္ဓါကိုယ်ရဲ့တခြားအစိတ်အပိုင်းတွေနဲ့ယှဉ်ရင် ဦးခေါင်းမှာချွေးဂလင်းလုပ်ဆောင်ချက်ပိုများတာကြောင့်ချွေးပိုထွက်တာဖြစ်နိုင်ပါတယ်။ လူကြီးတွေနဲ့ယှဉ်ရင် ကလေးရဲ့ခန္ဓါကိုယ်အပူချိန်ထိန်းညှိရေးစနစ်က ပတ်ဝန်းကျင်နဲ့လိုက်လျောညီထွေဖြစ်ဖို့နှေးတာကြောင့်လည်းဖြစ်နိုင်တယ်။ အထူးသဖြင့်ပြင်ပက အပူချိန်များနေတဲ့အချိန် ခန္ဓါကိုယ်ကနေ တုံ့ပြန်မှုအနေနဲ့ချွေးထွက်တာဖြစ်ပါတယ်။ ကလေးတွေက အပူဒဏ်ကို မခံနိုင်ကြပါဘူး။ ဒါ့ကြောင့် အဝတ်အစားရွေးချယ်တဲ့နေရာမှာလေဝင်လေထွက်ကောင်းပြီး အသားအေးတာလေးတွေကို ဦးစားပေးဖို့ပြောကြတာပါ။ ဘာလို့ ခေါင်းချွေးပိုထွက်ကြတာလဲ ကလေးရဲ့ခေါင်းမှာ အတန်အသင့်ပမာဏလောက်ချွေးထွက်တာက သဘာဝပါပဲ။ ဒီအကြောင်းရင်းတွေကြောင့်ပေါ့။ အပေါ်မှာပြောခဲ့သလိုတခြားအစိတ်အပိုင်းတွေနဲ့ယှဉ်ရင် ကလေးရဲ့ဦးခေါင်းမှာချွေးဂလင်းလုပ်ဆောင်ချက်ပိုများတာကြောင့်ပါ။ ဒါ့ကြောင့် ကလေးမှာပူတယ်လို့ခံစားရရင်၊အထူးသဖြင့် နို့စို့ချိန်တွေမှာ ကျန်တဲ့နေရာတွေထက်ခေါင်းမှာပဲချွေးပိုထွက်လာတာဖြစ်ပါတယ်။ ကလေးဦးခေါင်းရဲ့အပူချိန်က ခန္ဓါကိုယ်ရဲ့ကျန်တဲ့အပိုင်းတွေထက် ပိုမြင့်နေလို့ပါ။ ကျန်းမာရေးပြဿနာတစ်ခုခုများ ရှိနေတာလား သားဦးမွေးထားတဲ့ မိဘတွေဆို ပိုတောင်စိုးရိမ်တတ်ကြသေးတယ်။ ဘာရောဂါကြောင့်များဖြစ်နေတာများလဲဆိုပြီး အတွေးပေါင်းများစွာနဲ့ ရင်ပူရပါတယ်။ ပုံမှန်အားဖြင့်တော့ ကလေးတွေမှာဖြစ်တတ်တဲ့သဘာဝမို့ သိပ်စိုးရိမ်စရာမရှိပါဘူး။ […]

ကိုယ့်ရဲ့ ရင်သွေးလေးပထမဆုံးခြေလှမ်းလေးကိုမြင်ရဖို့တော်တော်လေးမျှော်လင့်မိတယ်ဟုတ်။ ကလေးတစ်ယောက်လမ်းစလျှောက်တာက သူတို့လေးတွေဖွံ့ဖြိုးမှုရဲ့ အရေးပါဆုံးမှတ်တိုင်တွေထဲကတစ်ခုပေါ့။ ဒီအချိန်မှာ ကလေးလေးလမ်းလျှောက်တာကို ကြည့်မဝဖြစ်နေကြသလိုဖုန်းတွေနဲ့ မှတ်တမ်းတင်တာကိုယ်တစ်ယောက်တည်းမဟုတ်ပါဘူး။ ဦးဦး၊တီတီတွေရောပေါ့။ ကလေးဆီကနေ မျက်စိမခွာနိုင်တဲ့အခိုက်အတန့်လေးပဲနော်။ ပီတိတွေကလည်း အပြည့်ပဲ။ ကဲ ဒီအခိုက်အတန့်လေးအတွက် ကြိုတင်ပြင်ဆင်လို့ရအောင် ဒီဆောင်းပါးလေးကနေ ကူညီပေးပါရစေ။ ကလေးက ဘယ်အရွယ်မှာ လမ်းစလျှောက်တာလဲ ကလေးကမွေးစမှာ သူ့ခန္ဓာကိုယ်အလေးချိန်ကို ထမ်းပိုးနိုင်လောက်တဲ့အထိ မဖွံ့ဖြိုးသေးပါဘူး။ တဖြည်းဖြည်းနဲ့မှ အချိန်ယူပြီး ဖွံ့ဖြိုးလာတာပါ။ ကလေးလေးတွေက များသောအားဖြင့် အသက် ၁ နှစ် ဝန်းကျင်လောက်မှာ လမ်းစလျှောက်တတ်ကြပါတယ်။ တစ်ယောက်နဲ့တစ်ယောက်တော့ မတူဘူးပေါ့။ အချို့ကလေးတွေက ၁ နှစ်နည်းနည်းကျော်လောက်မှ လမ်းစလျှောက်ကြတာပါ။ ကလေးတွေကမွေးပြီး ၃ လကနေ၆လအတွင်းမှာ ခန္ဓာကိုယ်အပေါ်ပိုင်းကြွက်သားတွေ ဖွံ့ဖြိုးသန်စွမ်းလာကြပါတယ်။ ၅ လကနေ ၇ လမှာခြေထောက်တွေမှာ တဖြည်းဖြည်းချင်း အားရှိလာပါပြီ။ ၆ လ ကနေ ၉ […]

ကလေးတွေရဲ့ အနံ့ခံအာရုံဟာ ကြီးထွားဖွံ့ဖြိုးမှုအတွက် အရေးပါတဲ့ အခန်းကဏ္ဍမှာ ပါဝင်နေပါတယ်။ အနံ့ခံတာနဲ့ အရသာခံတဲ့ အာရုံ ၂မျိုးက ဆက်နွယ်နေတဲ့အတွက် ကလေးက ဘယ်အစားအစာတွေကို စားချင်စိတ် ဖြစ်ပေါ်စေမလဲဆိုတဲ့ ကိစ္စမှာပါ သက်ရောက်မှု ရှိစေပါတယ်။ ဒါ့အပြင် အနံ့ခံအာရုံဟာ ကိုယ့်ကလေးရဲ့ စိတ်ကို တက်ကြွလန်းဆန်းစေတယ်၊ ကိုယ့်ရဲ့ မိသားစုနဲ့လည်း ရင်းနှီးပြီး သံယောဇဉ်တွယ်စေဖို့ အထောက်အကူပေးပါတယ်။ ကိုယ်ဝန်ဆောင်စဉ် သန္ဓေသားက အနံ့ကို စခွဲတတ်နေပြီဆိုတာ ဟုတ်လား။ မှန်ပါတယ်။ ကိုယ်ဝန်ဆောင်စဉ် ပထမ ၃လအတွင်းမှာ ကလေးရဲ့ နှာခေါင်းဟာ စတင်ဖြစ်ပေါ်လာပါတယ်။ ရက်သတ္တပတ် အနည်းငယ်ကြာတဲ့အခါမှာ နှာခေါင်းပေါက် ၂ပေါက် ထွက်လာမယ်။ ကိုယ်ဝန် ၁၀ ပတ်မြောက်မှာ ကလေးတွေရဲ့ အနံ့ခံအာရုံဟာ စတင်ဖွံ့ဖြိုးနေပါပြီ။ ကိုယ်ဝန်ဆောင်နေစဉ်မှာ မိခင်နို့ရည်နဲ့ အနံ့ချင်းဆင်တူပြီး အဝါဖျော့ရောင်ရှိတဲ့ ရေမြွှာရည် (amniotic fluid) […]

ကလေးဆိုတာကလည်း မွေးဖွားပြီးအပြင်ရောက်လာတာနဲ့ ငယ်တဲ့ အရွယ်မှာပဲ အမြဲတမ်း တန့်မနေပါဘူး။ သူ့အသက် အပိုင်းအခြားအလိုက် ဖွံဖြိုးလာမယ်။ ပတ်ဝန်းကျင်ကို စူးစမ်းမယ်။ လေ့လာသင်ယူမယ်။ ကြီးထွားဖွံ့ဖြိုးမှု စံနှုန်းတွေက ကလေးတိုင်းမှာ ပုံသေဖြစ်မနေတဲ့အတွက် ကလေးတစ်ယောက်နဲ့ တစ်ယောက်ရဲ့ ဖွံဖြိုးမှုတွေက မတူကြပါဘူး။ တချို့ဆို ငယ်ငယ်လေးထဲက စကားတွေ အရမ်းတတ်နေတာ ဖြစ်နိုင်သလို စကားပြောနောက်ကျနေတဲ့ ကလေးတွေလည်း ရှိနိုင်ပါတယ်။ ဒါကြောင့် သူများကလေးက အကုန်တတ်နေပြီး ကိုယ့်ကလေး ဘာမှ မလုပ်နိုင်သေးဘူးဆိုရင် ကိုယ့်ကလေးက ဖွံ့ဖြိုးမှုများနောက်ကျနေတာလားလို့ စိုးရိမ်နေကြတဲ့ မိဘတွေ အတွက် ဒီဆောင်းပါးကို ရည်ရွယ်ပါတယ်။ ဒီဆောင်းပါးလေးထဲမှာ ကလေးတစ်ယောက် မွေးစကနေ အသက် ၃ နှစ်အထိ သူ့အသက်လိုက် ဖွံ့ဖြိုးမှုတွေက ဘာတွေလဲ။ မိဘတွေက ဘာတွေ ပံ့ပိုးပြီး ဘယ်လိုသင်ပေးရမလဲဆိုတာ အဓိကထားပြောပေးမှာပါ။ ကလေးတစ်ယောက် အသက်အလိုက်ဖွံ့ဖြိုးမှု […]

အဓိပ္ပါယ်ဖွင့်ဆိုချက်ငယ်ထိပ်ချိုင့်ခြင်းဆိုတာဘာလဲ။ ကလေးတွေဟာ Fontanelles များစွာဖြင့် မွေးဖွားလာပါတယ်။ ယင်းတို့ကို ငယ်ထိပ်လို့အခေါ်များကြပါတယ်။ မွေးလမ်းကြောင်းကို ဦးခေါင်းဖြတ်တဲ့အချိန်မှာ ကျုံ့နိုင်ဆန့်နိုင်စေဖို့ ထိုငယ်ထိပ်တို့က အရေးပါပါတယ်။ ထိုစွမ်းရည်ကပဲ ကလေး၁နှစ်သားလောက်မှာ ဦးနှောက်နဲ့ ဦးခေါင်းခွံတို့ကို ကြီးထွားစေပါတယ်။ မွေးကင်းစကလေးငယ်တွေမှာ ငယ်ထိပ်တို့ကို ဦးခေါင်းထပ်ပိုင်း၊ နောက်ပိုင်းနဲ့ ဘေးဘက်ပိုင်းတို့မှာ တွေ့ရှိနိုင်ပါတယ်။ ကလေးဦးခေါင်းခွံပေါ်မှာရှိတဲ့ ငယ်ထိပ်အရည်အတွက် သူတို့ရဲ့ အသက်အရွယ်ပေါ်မှာ မူတည်နေပါတယ်။ ဦးခေါင်းနောက်ဘက်ရှိ ငယ်ထပ်က ၁လသား၊၂လသားလောက်မှာ ပျောက်ကွယ်သွားပါတယ်။ ထိုအရာကို သင်ခံစားနိုင်မှာမဟုတ်သလို၊ မြင်နိုင်မှာလည်း မဟုတ်ပါဘူး။ ခေါင်းထပ်ဘက်ရှိ ငယ်ထိပ်ကတော့ အသက်၇လနဲ့ ၁၉လကြားလောက်ထိ မပိတ်ဘဲရှိနေတတ်ပါတယ်။ ကလေးရဲ့ငယ်ထိပ်ဟာ အတော်အသင့်တင်းပြီး ကွေးသွားကာ အတွင်းသို့အနည်းငယ်ချိုင့်နေရပါမယ်။ အတွင်းကို အရမ်းချိုင့်နေတဲ့ ငယ်ထပ်ကို Sunken Fontanel လို့ခေါ်ပါတယ်။ အရေးပေါ်ဆေးကုသမှု ခံယူရန်လိုအပ်သော်လည်း များသောအားဖြင့် ကုသရ လွယ်ကူပါတယ်။ ငယ်ထိပ်ချိုင့်ခြင်းဟာ ဘယ်လောက်ထိ အဖြစ်များသလဲ။ ဒီရောဂါဟာ […]

တစ်နှစ်အောက်ကလေး ရုတ်တရက်သေဆုံးရခြင်းဆိုတာဘာလဲ တစ်နှစ်အောက်ကလေးရုတ်ရက်သေဆုံးရခြင်းဆိုတာကျန်းမာနေပုံရတဲ့ တစ်နှစ်အောက်ကလေးတစ်ယောက် အကြောင်းရင်းမဖော်ပြနိုင်ဘဲသေဆုံးခြင်း ဖြစ်ပါတယ်။ အများအားဖြင့်ကလေးငယ်တွေဟာပုခက်၊ အိပ်ရာအတွင်းအိပ်ပျော်နေစဉ် သေဆုံးတတ်ကြသည့်အတွက် ပုခက်တွင်းသေဆုံးမှုဟုလဲခေါ်ကြပါသည်။ ကလေးငယ်ရုတ်တရက်သေဆုံးခြင်းကိုတိကျသောအကြောင်းရင်းတစ်ခုထဲဖြင့် မဆုံးဖြတ်နိုင်သော်လည်းကလေးငယ်၏ အသက်ရှုခြင်းနှင့်အိပ်စက်ခြင်းကိုထိန်းချုပ်သောဦးနှောက် အစိတ်အပိုင်းတစ်ခုမူမမှန်ဖြစ်ခြင်းကြောင့် ဖြစ်နိုင်သည်ဟုသုတေသနပညာရှင် များကတွေ့ရှိခဲ့ကြသည်။ တစ်နှစ်အောက်ကလေးရုတ်တရက်သေဆုံးစေနိုင်သည့် အကြောင်းရင်းများ ရုပ်ပိုင်းချို့ယွင်းချက်များ ဦးနှောက်မူမမှန်ဖြစ်ခြင်း : ကလေးငယ်၏ အသက်ရှုခြင်းနှင့်အိပ်စက်ခြင်းကိုထိန်းချုပ်သောဦးနှောက်အစိတ်အပိုင်းကောင်းစွာမဖွံ့ဖြိုးခြင်းကြောင့် ကလေးငယ်ရုတ်တရက်သေဆုံးမှု ပိုမိုဖြစ်ပွားနိုင်ပါသည်။ သည်အချက်ကိုဆရာများနှင့် မိဘများပါ မကာကွယ်နိုင်ပါ။ ကလေးမွေးစဉ် အလေးချိန်မပြည့်ခြင်း : လမစေ့ပဲမွေးဖွားခြင်းနှင့် အမွှာမွေးဖွားကလေးဖြစ်ခြင်းတို့သည်တစ်နှစ်အောက်ကလေးရုတ်တရက်သေဆုံးစေနိုင်သည့်အဓိကအကြောင်းရင်းများဖြစ်ပါသည်။ ပေါင်မစေ့သောကလေးများသည် ဦးနှောက်မူမမှန်မှုများကြောင့် အသက်ရှုခြင်းနှင့်နှလုံးခုန်ခြင်းတို့ကိုထိန်းချုပ်ရာတွင်ခက်ခဲတတ်ပါသည်။ ထို့ကြောင့်ကလေးငယ်ရုတ်တရက်သေဆုံးမှု ပိုအဖြစ်များပါသည်။ အသက်ရှူလမ်းကြောင်းရောဂါပိုးဝင်ခြင်း : ရုတ်တရက်သေဆုံးသောကလေးအများစုသည် မသေဆုံးခင် အအေးမိခြင်းနှင့် အသက်ရှုလမ်းကြောင်းပိုးဝင်ခြင်းတို့ခံစားခဲ့ရကြောင်းတွေ့ရှိရသည်။ အသက်ရှုလမ်းကြောင်းရောဂါပိုးဝင်ခြင်းသည် ကလေးငယ်၏အသက်ရှုခြင်းကိုပုံမမှန်ဖြစ်စေခြင်းကြောင့် ရုတ်တရက် အသက်ဆုံးရှုံးမှု ပိုဖြစ်စေနိုင်သည်။ အိပ်စက်မှု မူမှန်ဖြစ်ခြင်း မှောက်အိပ်တတ်တဲ့ကလေးတွေနဲ့ ဘေးတစောင်းအိပ်တဲ့ကလေးတွေကပက်လက်အိပ်တဲ့ကလေးတွေထက် အသက်ရှုရပိုခက်ခဲနိုင်ပါသည်။ အိပ်ရာပျော့လွန်းခြင်း : မျက်နှာကိုမှောက်အိပ်ခြင်းနှင့် စောင်ခေါင်းမြီးခြုံအိပ်ခြင်းတို့သည်လဲကလေးငယ်ရဲ့ အသက်ရှုလမ်းကြောင်းကိုပိတ်စေပြီးအသက်မရှုနိုင်ဖြစ်စေတဲ့အတွက် အလွန် အန္တရာယ်များပါတယ် မိဘများနှင့် အတူသိပ်ခြင်း : မိဘများနှင့် အိပ်ရာတစ်ခုထဲအတူအိပ်ခြင်းသည်လဲပျော့ပြောင်းတဲ့အရာများသောကြောင့် အသက်ရှုလမ်းကြောင်းကိုအနှောင့်အယှက်ဖြစ်စေနိုင်ပါတယ် ဘယ်လိုကလေးတွေမှာအဖြစ်များသလဲ ဥပမာ · […]

Teething ဆိုတာ ကလေးတွေရဲ့ ပထမဦးဆုံးသွား ( ငယ်သွား ) ထွက်ပေါ်လာတာကို ဖော်ပြတဲ့ အသုံးအနှုန်းပါ။ အသက် ၆လလောက် ရောက်တဲ့အခါမှာ သင့်ကလေးဟာ သူ့ရဲ့ ပထမဆုံးသွား စပေါက်လာတတ်ပါတယ်။ ဒါပေမယ့် teething မှာ စောတာ နောက်ကျတာတွေလဲ ရှိတတ်ပါတယ်။ သင့်ကလေး အသက် ၃နှစ်အရွယ်ရောက်ရင် သူ့မှာ ငယ်သွား အချောင်း ၂၀လောက် ပိုင်ဆိုင်ထားပြီး ဖြစ်ပါလိမ့်မယ်။ ဒီလို သင့်ကလေး ငယ်သွားစပေါက်တဲ့အချိန်မှာ ဘာတွေ ဂရုစိုက်ပေးရမလဲဆိုတာ ကြည့်လိုက်ရအောင်နော်။ Teething timeline ( ငယ်သွားပေါက်မယ့် အချိန်စာရင်း ) ငယ်သွားတွေက အစုံလိုက် ပေါက်လေ့ရှိပါတယ်။ အလယ်က ၂ချောင်းက အရင်ပေါက်မယ်။ ပြီးရင် သူ့အပေါ်က ၂ချောင်းက နောက်တစ်လအကြာလောက်မှာ ထွက်ပေါ်လာပါလိမ့်မယ်။ ဒါပေမယ့် တချို့ကလေးငယ်တွေမှာ […]