ကလေးငယ်ပထမနှစ်

စိတ်တွေပင်ပန်းနေလို့ တစ်ယောက်တည်းနေဖို့လိုအပ်တယ်ဆိုတဲ့ စကားက လူကြီးတွေနဲ့ပဲ သက်ဆိုင်တယ်လို့ ထင်စရာရှိပါတယ်နော်။ တကယ်တော့ မဟုတ်ပါဘူး။ဘေဘီလေးတွေကလည်း တစ်ယောက်တည်းနေဖို့လိုအပ်ပါတယ်နော်။ သူတို့လေးတွေက ကလေးမို့ ဘာမှတွေးစရာမရှိဘူး။ ငယ်လွန်းသေးတော့ တစ်ယောက်တည်းထားလို့ မဖြစ်ဘူး၊ အချိန်ပြည့်စောင့်ကြည့်နေမှဖြစ်မယ်ဆိုတဲ့ အတွေးတွေကို နည်းနည်းလောက်လျှော့ကြည့်လိုက်ရအောင်လား။ ဘေဘီလေးကို တစ်ယောက်တည်းနေဖို့ အချိန်ပေးသင့်ရတဲ့ အကြောင်းအရင်း ကလေးကိုချစ်လို့ ကလေးအိပ်နေချိန်ကလွဲလို့ ကျန်တဲ့ အချိန်တိုင်းမှာ ကလေးဘေးထိုင်လို့ဖြစ်ဖြစ် ကလေးကို ချီပွေ့ပြီးတော့ပဲဖြစ်ဖစ် ကလေးနဲ့တစ်ချိန်လုံးဆော့ချင်နေမယ်ဆိုတာကို နားလည်ပါတယ်။ အမြဲကစားပေးဖော်ရတဲ့မေမေဖေဖေတို့ကိုလည်း ကလေးက အသည်းစွဲချစ်မယ်ဆိုတာ အသေအချာပါပဲ။ ဒါပေမယ့် ကလေးကို တစ်နေ့တာလုံးမှာ ၁၀ မိနစ် ကနေ ၁၅ မိနစ်လောက်ထိ တစ်ယောက်တည်းနေဖို့အချိန်ပေးလိုက်ပါ။ ဘာကြောင့် ဒီလိုပြောရတာဲဆိုတော့ ကလေးကို တစ်ယောက်တည်းနေဖို့ အချိန်ပေးလိုက်တာက ကလေးကို စူးစမ်းခွင့်ရစေသလို ပတ်ဝန်းကျင်အနေအထားနဲ့ အခြားသောအရာတွေကိုလေ့လာသင်ယူခွင့်ရစေနိုင်ပါတယ်။နောက်တစ်ချက်ကတော့ ကလေးကို အမှီအခိုကင်းလို့ ကိုယ့်ကိုယ်ကို ယုံကြည်မှုတိုးစေမှာပါ။ စိတ်ကူးအတွေးဉာဏ်ရင့်သန်လို့ကောင်းမွန်တဲ့ […]

ပုံမှန်အားဖြင့် လေယာဉ်စီးဖို့အတွက် အသက် ကန့်သတ်ထားတာမျိုးတော့ မရှိပါဘူး။ လေယာဉ်လက်မှတ် ဝယ်တဲ့၊ စစ်တဲ့ နေရာမှာတော့ ကလေးရဲ့ အသက်ကို မေးတာမျိုးတွေ ရှိပေမဲ့ လေယာဉ်စီးလို့ ကလေးအတွက် အန္တရာယ်ဖြစ်စေတာမျိုးတွေ မရှိပါဘူး။ ဒါပေမဲ့ အသက် ၁၂ နှစ်အောက် ကလေးတွေကိုတော့ လူကြီးမိဘ၊ အုပ်ထိန်းသူ အနည်းဆုံးတစ်ယောက်လောက်ပါမှ လေယာဉ်ပေးစီးတာ ပိုကောင်းပါတယ်။ ငယ်လွန်းတဲ့ ကလေးတွေ လေယာဉ်မစီးခင် ဘာတွေ ပြင်ထားဖို့လိုမလဲ။ ၁။ လေယာဉ်အမြင့်ပေါ် ရောက်သွားတဲ့အခါ လေထုဖိအားကြောင့် ကလေးတွေ အထူးသဖြင့် အသက် ၅နှစ်အောက်နဲ့ မွေးကင်းစကလေးတွေအတွက် အသက်ရှူရခက်တာ၊ ခေါင်းမူးတာ၊ နာကျင်မှု ဝေဒနာခံစားရတာမျိုးတွေ ရှိနိုင်ပါတယ်။ ဒါကြောင့် လေယာဉ်မစီးခင်မှာ ကိုယ့်ကလေးရဲ့ ကျန်းမာရေးအခြေအနေကို သေချာ စစ်ဆေးပြီး ဆရာဝန်နဲ့ အရင်ဆုံးတိုင်ပင်သင့်ပါတယ်။ ၂။ ကလေးရဲ့ နေ့စဉ်သုံးပစ္စည်းတွေ၊ ကလေးအတွက် […]

နှလုံးခုန်သံကို စည်းချက်မှန်မှန်လေးကြားနေရတာက စိတ်ချမ်းသာစရာပါနော်။ အရွယ်ရောက်ပြီးသူတစ်ယောက်အနေနဲ့ တစ်မိနစ်မှာ နှလုံးခုန်နှုန်းက ၆၀ ကနေ ၁၀၀ အတွင်းရှိပါတယ်။ ကလေးတွေကလူကြီးတွေထက် နှလုံးခုန်နှုန်း ပိုမြန်တယ်ဆိုတာက ကြားရတာ အံ့သြစရာကောင်းပေမယ့် တကယ့်ကို အမှန်ပါ။ ကလေးလေးတွေက အသက်အရွယ်ကိုလိုက်ပြီး နှလုံးခုန်နှုန်းကွာခြားပါတယ်။ အသက်အရွယ်ရလာတာနဲ့အမျှ နှလုံးခုန်နှုန်းကဖြည်းဖြည်းချင်းကျဆင်းသွားမှာပါ။ ကလေးတစ်ယောက်မှာရှိသင့်တဲ့ နှလုံးခုန်နှုန်း ကလေးလေးတွေရဲ့ နှလုံးခုန်နှုန်းကို သိထားတာကမိဘတွေအတွက် မလိုအပ်ဘဲ စိတ်ပူတာမျိုးမဖြစ်စေဖို့ အထောက်အပံ့ပေးနိုင်ပါတယ်။ ဒီတစ်ခေါက်တော့မေမေဖေဖေတို့ အနေနဲ့ မလိုအပ်ဘဲ စိတ်ပူတာမျိုးမဖြစ်စေဖို့အတွက်ဘေဘီလေးတွေမှာရှိသင့်တဲ့ နှလုံးခုန်နှုန်းအကြောင်းပြောပြပေးချင်ပါတယ်နော်။ ဘေဘီလေးတွေရဲ့ နှလုံးခုန်နှုန်းက အရွယ်ရောက်ပြီးသူတွေထက်ပိုများပါတယ်။ ကလေးကပြေးလွှားဆော့နေမယ်၊ ငိုနေမယ်၊ လှုပ်ရှားမှုတစ်ခုခုလုပ်နေချိန်မှာ နှလုံးခုန်နှုန်းက သာမန်ထက်ပိုမြန်နိုင်ပါတယ်။ အိပ်စက်နေချိန်မှာတော့ နှလုံးခုန်နှုန်းက ကျနေနိုင်ပါတယ်။ ဒါတွေက ပုံမှန်ဖြစ်လေ့ဖြစ်ထရှိတာမို့ စိုးရိမ်စရာမလိုပါဘူး။ အသက်အရွယ်အလိုက်ရှိသင့်တဲ့ နှလုံးခုန်နှုန်း မွေးစကနေ ၃ လအထိ နားနေချိန်မှာရှိသင့်တဲ့ နှလုံးခုန်နှုန်း တစ်မိနစ်ကို ၁၄၃ ကြိမ် […]

ဘေဘီအတွက် အရာရာကိုစိုးရိမ်တတ်တာကမေမေဖေဖေတို့ရဲ့ မသင်ဘဲတတ်တဲ့ အလေ့အထတစ်ခုပေါ့။ ကလေးငိုရင်လည်းစိတ်ပူ။ အိပ်နေရင်လည်း ဘာလို့များ အကြာကြီးအိပ်နေတာလဲ ဆိုပြီးပူပြန်ရောဟုတ်။ ဒီတစ်ခေါက် မေမေဖေဖေတို့ စိတ်ပူမိနေတဲ့ အကြောင်းအရာလေးတစ်ခုဖြစ်တဲ့ ဘေဘီလေးတွေရဲ့ ဆီးသွားခြင်း နဲ့ပတ်သက်လို့ပြောပါရစေနော်။ ဘေဘီလေးတွေက ဆီးခဏဏသွားတတ်လား ပုံမှန်အားဖြင့်တော့ ကလေးက ဆီးခဏခဏ သွားတတ်ကြပါတယ်။ အကြောင်းကတော့ ကလေးတွေရဲ့ ဆီးအိမ်ကြွက်သားက အပြည့်အဝမဖွံ့ဖြိုးသေးတာကြောင့် ဆီးကိုမထိန်းတာကြောင့် ဆီးခဏခဏ သွားနိုင်ပါတယ်။ မိခင်နို့သောက်တဲ့ ကလေးတွေထက် နို့ဘူးသောက်တဲ့ကလေးတွေက ဆီးပိုသွားနိုင်ပါတယ်။မွေးစကလေးက နို့မဝရင်တော့ ဆီးသိပ်မသွားတာမျိုး ဖြစ်နိုင်ပါတယ်နော်။ ကလေးက မွေးစမှာ ဆီးမသွားတာမျိုးလည်း ဖြစ်နိုင်ပါတယ်။ မိခင်နို့ကို ပြည့်ပြည့်ဝဝရမှ ကလေးရဲ့စနစ်က ကောင်းကောင်းလည်ပတ်မှာမို့ ကလေးက မိခင်နို့ဝမှ ဆီးသွားမယ်ဆိုတာကို သိထားဖို့တော့လိုအပ်ပါမယ်။ ကလေးရဲ့ ဆီးအရောင်ကဘယ်လိုပြောင်းလာမလဲ မွေးပြီး ပထမနေ့မှာ ကလေးဆီးအရောင်က ပန်းရောင် ဒါမှမဟုတ် လိမ္မော်ရောင် ဖြစ်နိုင်ပါတယ်။ မွေးပြီး ဒုတိယနေ့မှာ […]

တံတွေးတွေထွက်အောင် အထိ တဗူးဗူးနဲ့ ဗူးမှုတ်တတ်တဲ့ ကလေးတွေ၊ နှုတ်ခမ်းကို လျှာနဲ့သပ်တတ်တဲ့ကလေးတွေက စကားစပြောတတ်ဖို့ ပိုလွယ်တယ်လို့ အင်္ဂလန်နိုင်ငံLancaster Universityရဲ့ သုတေသနကဖော်ပြခဲ့ပါတယ်။ နှုတ်ခမ်းလှုပ်ရှားမှုတွေနဲ့ ကလေးရဲ့ဘာသာစကားစွမ်းရည်တွေကြားမှာ ဆက်နွှယ်မှုကြီးမားတယ်လို့ သုတေသီတွေကပြောပါတယ်။ ကလေးတွေကို လျှာနဲ့နှုတ်ခမ်းသပ်တတ်အောင် သင်ပေးတာ၊ ဗူးမှုတ်ဖို့ သင်ပေးတာ၊ ကစားနည်းလုပ်ပေးတာကမှ စကားလုံးတွေ အသံထွက်တတ်လာအောင် သူတို့ရဲ့သင်ယူလေ့လာနိုင်စွမ်းကို ပိုကောင်းစေမယ်လို့ ဆိုပါတယ်။ သုတေသနမှာ အသက်တစ်နှစ်ခွဲအရွယ် ကလေးငယ် အယောက် ၁၂၀ကျော်ကိုလေ့လာခဲ့ပါတယ်။ ဒီအရွယ်မှာ ကလေးတွေက စကားလုံးအသစ်တွေသင်ယူမှုပိုမြန်တာဖြစ်ပါတယ်။ လေ့လာမှုရလဒ်တွေအရ နှုတ်ခမ်းလှုပ်ရှားမှုသိပ်မရှိတဲ့ ကလေးတွေဟာ ဘာသာစကားစွမ်းရည်မှာ အားနည်းကြတယ်လို့ သုတေသီ Dr Katie Alcock ကပြောပါတယ်။ ကလေးတွေကို နှုတ်ခမ်းလှုပ်ရှားမှုများများလုပ်ရတဲ့ ကစားနည်းတွေ ကစားပေးတဲ့၊ ချော့မြှူတဲ့မိဘတွေနဲ့ဆို ကလေးကစကားပိုတတ်ကြတယ်လို့ သုတေသနကထောက်ပြခဲ့ပါတယ်။ "ကလေးတွေက တစ်နှစ်ခွဲရောက်တဲ့အခါ ထက်ဝက်လောက်က စကားလုံး ၁၀၀ လောက် စပြောတတ်နေပြီး စာကြောင်းတွေပါ […]

ပုခက်ထဲကဘေဘီလေးတွေ လုပ်နေကျ အလုပ်တစ်ခုက အားတိုင်း ပါးစပ်က ဘူးမှုတ်နေတာပါပဲ။ တဘူးဘူးနဲ့ ထိုင်မှုတ်နေရင်း တံတွေးတွေထွက်၊ ပူဖောင်းလေးတွေတောင်ဖြစ်နေသေး။ ဒီနေရာမှာ ဘယ်ကအစပြုခဲ့မှန်းမသိတဲ့ အယူအဆတစ်ခုကဝင်လာပါတယ်။ "ဘူးမမှုတ်နဲ့ သမီးရယ်မေမေ့ကိုချစ်တယ်ဆို"ဆိုတဲ့ သီချင်းသံလိုပဲ... ကလေးက ဘူးမှုတ်ရင်မေမေ့ဆံပင်တွေကျွတ်လိမ့်မယ်၊ တစ်ခေါင်းလုံးပြောင်ရပါလိမ့်မယ်တဲ့။ ကလေးက ဘူးမှုတ်လေ မိဘဆံပင်ကျွတ်လေ ဆိုတာ ဘယ်သူကပြောလိုက်ပါလိမ့်။ ကလေးလေးတွေ ဘူးမှုတ်နေတာတွေ့ရင် အသံလေးကလည်းချစ်စရာ၊ စချင်စရာလေးလည်းဖြစ်နေတော့ တံတွေးလေးတွေသုတ်ပေးလိုက်ကြ၊ ဝိုင်းရယ်လိုက်ကြနဲ့၊မေမေတွေကလည်း ဆံပင်ကျွတ်မှာကြောက်လိုက်ကြနဲ့ပေါ့။ အမှန်က ကလေးမွေးပြီးရင်ဟော်မုန်းအပြောင်းအလဲကြောင့် ဆံပင်ကျွတ်ရတာ သဘာဝဖြစ်စဉ်တစ်ခုပါ။ ဒီတော့ ကလေးက မှုတ်မှုတ် မမှုတ်မှုတ် ကျွတ်တာကကျွတ်မှာပါပဲ။ ဒီလိုတိုက်ဆိုင်မှုနဲ့တော့ဘေဘီလေးတွေဘူးမှုတ်တာကို မတားဆီးသင့်ပါဘူးနော်။ ဘာလို့ မတားဆီးသင့်တာလဲ ဘူးမှုတ်တယ်ဆိုတာ ကလေးတစ်ယောက်ရဲ့ဖွံ့ဖြိုးမှုအဆင့်ဆင့်မှာ အကျိုးပြုပါဝင်တဲ့ အမူအကျင့်လေးတစ်ခုဖြစ်နေလို့ပါပဲ။ အသက် ၂ လလောက်ရှိတဲ့ကလေးတစ်ယောက်က ဘူးမှုတ်တယ်ဆိုတာ သူ့ရဲ့ပါးစပ်ကိုအသုံးချဖို့ စမ်းသပ်နေတဲ့သဘောပါပဲ။ သုတေသနတွေအရတော့ ကလေးတိုင်းဘူးမမှုတ်တတ်ပေမယ့် ဘူးမှုတ်တဲ့ကလေးတွေက စကားပိုတတ်မြန်တယ်လို့ […]

မွေးကင်းစကလေးတစ်ယောက်ရဲ့ သေးခံလဲပေးနေတဲ့အချိန် မိန်းမကိုယ်ကနေ သွေးဆင်းတာမျိုး မြင်လိုက်ရတဲ့အခါအထိတ်တလန့်ဖြစ်သွားတတ်ကြတာ မိခင်တိုင်းပါ။ မိန်းမကိုယ်ကနေ သွေးဆင်းတယ်ဆိုတာ အသက် ၁၃ နှစ် အပျိုဖော်ဝင်စ အချိန်မှပဲဖြစ်တတ်တာမျိုးဆိုတော့ နို့စို့အရွယ်ကိုယ့်ကလေးရဲ့ မိန်းမကိုယ်ကနေ သွေးဆင်းတာဟာ ပုံမှန်ဟုတ်ရဲ့လား။ ဘာရောဂါများဖြစ်လို့လဲ ။ ဘာကြောင့်ဖြစ်ရတာလဲ ။ ။ မွေးကင်းစကလေးရဲ့ မိန်းမကိုယ်ကနေ သွေးဆင်းတယ်ဆိုတာ ပုံမှန်ဟုတ်ရဲ့လား ။ ။ မွေးကင်းစကလေးရဲ့ မိန်းမကိုယ်ကနေ သွေးဆင်းတာကို မြင်လိုက်ရရင် အရမ်းကြီး ထိတ်လန့်မသွားပါနဲ့။ ဒါက ပုံမှန်ဖြစ်တတ်တဲ့ အရာတစ်ခုပါ။ မွေးပြီးခါစ ၂ ရက် ၃ ရက်လောက်မှာ ကလေးတွေရဲ့ မိန်းမကိုယ်ကနေ သွေးဆင်းလေ့ရှိပါတယ် ။ ဘာကြောင့်လဲဆိုတော့ မိခင် သားအိမ်အတွင်းမှာနေခဲ့စဉ်က ကလေးရဲ့ မျိုးပွားအဂါၤအပေါ်သက်ရောက်တဲ့ဟော်မုန်းတွေရဲ့ အရှိန် ကလေးဆီပါလာတာကြောင့် မိန်းမကိုယ်ကနေ သွေးဆင်းတာဖြစ်နိုင်ပါတယ်။ ဘယ်နှစ်ရက်လောက်ကြာတတ်လဲ ။ ။ ဒီလိုသွေးဆင်းတာမျိုးဟာ […]

မွေးကင်းစ ကလေးပိစိလေးတွေကို အရိပ်တကြည့်ကြည့် ကြည့်ပြီး စောင့်ရှောက်ကြရတာ မေမေတိုင်းပါ။ အထူးသဖြင့် ကလေးတွေ ငိုနေရင် ပိုပြီး စိုးရိမ်ရတာပေါ့။ စကားမပြောတတ်သေးတဲ့ ကလေးတွေ အတွက် ငိုတာကသာ သူတို့ရဲ့ စကားသံလေ။ နို့ဆာလို့၊ ဗိုက်အောင့်လို့၊ တစ်နေရာရာမှာ နာနေလို့ စသဖြင့် ကလေးပိစိ လေးတွေ ငိုကြတဲ့အထဲမှာမှ ဒီဆောင်းပါးထဲမှာ ဆီးသွားရင် ငိုတတ်တဲ့ကလေးတွေ အကြောင်းပြောပြပေးချင်ပါတယ်။ ကလေးက ဆီးသွားရင်းနဲ့ ဘာကြောင့် ငိုတာလဲ ။ ။ ပုံမှန် ဆို ဆီးသွားရတာ နာကျင်ခြင်းမရှိရပါဘူး။ ကလေးတော်တော်များများကလည်း ဆီးသွားရမှာ မကြောက်ကြပါဘူး။ ဒါပေမယ့် သင့်ကလေးက ဆီးသွားခါနီးတိုင်း ငို၊ ဆီးသွားနေရင်းနဲ့လည်း ငိုနေပြီးဆိုရင်တော့ သင့်ကလေး ဆီးလမ်းကြောင်းမှာ ပြဿနာ တစ်ခုခုတက်နေပါပြီ ။ ။ အဖြစ်အများဆုံးကတော့ ဆီးလမ်းကြောင်း ပိုးဝင်ခြင်းပါပဲ။ ဒီပြဿနာဟာ […]

ကလေး သေးခံ၊ အနှီး ကိုကြည့်ပြီး သင့်ကလေး ကျန်းမာရေး ကောင်းတယ် မကောင်းဘူးဆိုတာကို ခန့်မှန်းလို့ရတာ သင်သိပါသလား။ ။ ဝမ်းအရောင် ဝမ်း အပျော့ အမာ စတာတွေကို ကြည့်ပြီး ကလေးရဲ့ ကျန်းမာရေးကို ခန့်မှန်းလို့ရပါတယ်။ ဘယ်လိုလဲဆိုတာ ဆက်ကြည့်ရအောင်။ ။ ဝမ်းအရောင်များ။ ။ ဝမ်းအမည်းရောင် ။ ။ မွေးပြီးပြီးချင်း၂၄ နာရီအတွင်းကလေးစသွားတဲ့ ဝမ်းအရောင်က အမည်းရောင်ဖြစ်နေတတ်ပါတယ်။ ဒါက ပုံမှန်ဖြစ်နေကျပါ။ မွေးပြီးပြီးချင်း ၁ ပတ်အတွင်းမှာ အမည်းရောင်ဝမ်းတွေ အများကြီးသွားနိုင်ပါတယ်။ ၁ပတ်ထက်ကျော်လို့ ဝမ်းက အမည်းရောင်ပဲ ဆက်ဖြစ်နေဦးမယ်ဆိုရင်တော့ သင့်ကလေး ကျန်းမာရေးမှာ ပြဿနာ တစ်စုံတစ်ရာ ရှိနေပါပြီ။ ။ ဝမ်းအမည်းရောင်ကို မိခင်နို့တိုက်နေတဲ့ကလေးမှာရော ၊ နို့မှုန့်သောက်နေတဲ့ကလေးမှာရော တွေ့ရပါတယ်။ ဝမ်းက စေးကပ်နေတတ်ပြီး အချွဲတွေပါတဲ့ […]

လျှာခင်တွယ်ဆက်ခြင်း လျှာခင်တွယ်ဆက်ခြင်းဆိုတာကမွေးရာပါရောဂါတစ်ခုပါ။ လျှာလှုပ်ရှားရခက်တဲ့အခြေအနေတစ်မျိုးပါ။ လျှာနဲ့ခံတွင်းအောက်ခြေကို တွယ်ဆက်ထားတဲ့ တွယ်ဆက်တစ်ရှုးတွေ များလွန်းနေတာကြောင့် လျှာကလှုပ်ရှားရခက်နေတာပါ။ လျှာခင်တွယ်ဆက်နေတဲ့ ကလေးငယ်တွေဟာ နို့သောက်ရာမှာ အက်အခဲရှိနိုင်သလို အစားစားတဲ့အခါ၊ စကားပြောတဲ့အခါမျိုးနဲ့ မျိုချတဲ့အခါမျိုးမှာ အခက်အခဲတွေဖြစ်နိုင်ပါတယ်။ လျှာခင်တွယ်ဆက်ရခြင်းရဲ့ အကြောင်းအရင်းတွေက ဒီရောဂါလက္ခဏာတစ်ခုပါ။ အကြောင်းအရင်းကတော့ ဘာကြောင့်ရယ်လို့ တိတိကျကျမရှိပါဘူး။ ဒါပေမယ့် လျှာခင်တွယ်ဆက်မှုတော်တော်များများက မျိုးရိုးလိုက်တာကြောင့်ဖြစ်ရတာပါ။ ဘယ်သူတွေပိုဖြစ်နိုင်လဲ ဘယ်သူမဆိုဖြစ်နိုင်ပါတယ်။ယောက်ျားလေးတွေက မိန်းကလေးတွေထက် လျှာခင်တွယ်ဆက်နိုင်ခြေပိုများပါတယ်။ တစ်ခါတလေ မိသားစုတစ်စုထဲမှာ တစ်ယောက်မကဖြစ်နိုင်ပါတယ်နော်။ လက္ခဏာတွေကဘာတွေလဲ လျှာခင်တွယ်ဆက်နေတယ်ဆိုရင် အခုလိုလက္ခဏာတွေတွေ့ရနိုင်ပါတယ်။ လျှာကို အပေါ်သွားကို ထိလို့မရဘူး။ လျှာကိုဘေးဘက်တွေကို လှုပ်ရှားလို့မရဘူး။ အောက်သွားကိုကျော်ပြီး လျှာကို အပေါ်ကို ပင့်လို့မရဘူး။ လျှာထုတ်တဲ့အခါ လျှာအလယ်ပိုင်းက ချိုင့်ဝင်နေမယ်။ နို့စို့အရွယ်ကလေးတွေမှာဆိုရင် နို့စို့ရခက်နေမယ် အမြဲလိုလိုဆာလောင်နေမယ် လေနြာဖစ်မယ် ဂျီကျနေမယ် ကိုယ်အလေးချိန် သိပ်မတက်ဘဲဖြစ်နေမယ် ကိုယ်အလေးချိန်မတက်ဘူးဖြစ်နေမယ်။ နောက်ဆက်တွဲ ဘာပြဿနာတွေဖြစ်နိုင်လဲ လျှာခင်တွယ်ဆက်မှုက ကလေးရဲ့ နို့စို့တာ၊ အစားစားတာ၊ မျိုချတာနဲ့ စကားပြောတာတွေမှာပါ အနှောင့်အယှက်ဖြစ်နိုင်ပါတယ်။ နို့သောက်ရာမှာ အခက်အခဲရှိနိုင်တယ် […]