ကလေးငယ်ပြုစုစောင့်ရှောက်နည်း

ဘေဘီလေးကိုမွေးဖွားလာချိန်မှာ အပိုတွေ မလိုချင်သလို လိုအပ်ချက်လည်းမရှိစေဘဲ စင်းလုံးချောမွေးလာစေချင်တာကမေမေတိုင်းရဲ့ အဖြစ်ချင်ဆုံးဆန္ဒပါ။ ဒါပေမယ့် ဆုတောင်းတိုင်းပြည့်ရမယ်လို့ တထစ်ချသတ်မှတ်ထားတာမျိုးမရှိဘူးလေ။ တစ်ခါတလေမှာ လိုအပ်ချက်ပါလာတာဖြစ်နိုင်သလို တစ်ခါတလေမှာ မလိုချင်ဘဲ အပိုလေးတွေပါလာတတ်ပါတယ်နော်။ ဒီတစ်ခေါက်တော့ဘေဘီလေးတို့မှာ အပိုပါလာတတ်တဲ့ အသားပိုလေးတွေအကြောင်းပြောရအောင်လား။ အသားပိုဆိုတာ အသားပိုဆိုတာကပျော့အိအိအသားလုံးလေးတွေပါ။ ကင်ဆာကျိတ်မဟုတ်သလို၊ အဖေုအကျိတ်တေါလည်းမဟုတ်ပါဘူး။ အာရုံခံဆဲလ်တွေ၊ အဆီဆဲလေးတွေ၊ အသားမျှင်လေးတွေပါဝင်နေတတ်ပါတယ်။ ခပ်ပြားပြားပုံစံကနေ အလုံးလေးတွေအထိ ပုံစံအမျိုးမျိုးနဲ့ရှိနိုင်ပါတယ်။ အချို့က အရွယ်အစားသေးသေးလေးပဲဖြစ်ပေမယ့် အချို့အသားပိုတွေကတော့ အရွယ်အစားကြီးလာတတ်ပါတယ်။ အချင်း ၂ မီလီမီတာကနေ ၁ စင်တီမီတာလောက်အထိကြီးနိုင်ပါတယ်။ များသောအားဖြင့်ကတော့ စိုးရိမ်စရာမရှိပါဘူး။ ဘယ်နေရာတွေမှာပေါက်တတ်လဲ အသားပိုက အရေပြားမျက်နှာပြင်နေရာမရွေးမှာပေါက်နိုင်ပေမယ့် များသောအားဖြင့်ကတော့ အသားင်းပွတိုက်မိတဲ့နေရာတွေမှာ အဖြစ်များပါတယ်။ ရင်ဘတ်အပေါ်ပိုင်း မျက်ခွံ ပေါင်ကြား လည်ပင်း ချိုင်းကြား တင်ပါးတို့မှာ အများဆုံးဖြစ်နိုင်ပါတယ်။ ဒီအချက်တွေကြောင့်ဘေဘီလေးမှာ အသားပိုဖြစ်နိုင်ပါတယ် ဘေဘီလေးတွေမှာ အသားပိုဖြစ်ရတဲ့အကြောင်းအရာတွေကတော်တော်လေးတော့များပါတယ်နော်။ ကလေးက အရမ်းဝနေတာ၊ အဝလွန်နေတာ မျိုးရိုးလိုက်တာ ဆီးချိုရှိတဲ့မိဘကမွေးဖွားလာတာ ကလေးက […]

ကလေးကြို့ထိုးနေပြီ။ ဘာလုပ်ရမလဲ၊ နို့တိုက်လိုက်လေဆိုတာက အမြဲလိုလိုကြားနေရတယ်နော်။နောက်တစ်ခုရှိသေးတယ် ကလေးရဲ့ အင်္ကျီမှာထွက်နေတဲ့ ချည်စလေးကိုမေမေ ဒါမှမဟုတ် ဖွားဖွားက ဝါးပြီး ကလေးနဖူးမှာကပ်လို့ ကြို့ခမဲပေးလိုက်တာလေ။ ဒါကတကယ်ပဲ သက်သာသွားတာလား။ ဒီတစ်ခေါက်တော့ဘေဘီလေး ကြို့ထိုးနေပြီဆိုရင် ဘာလုပ်လို့ လုပ်ပေးရမှန်းမသိဘူးဆိုတဲ့မေမေတို့အတွက် နည်းလမ်းကောင်းလေးတွေပြောပြပေးပါရစေနော်။ ဒါတွေကြောင့်ဘေဘီလေးကြို့ထိုးရတာပါ ဒီအချက်တွေကြောင့်ဘေဘီလေးကြို့ထိုးနိုင်ပါတယ်။ အစားစားရင်း ဒါမှမဟုတ် နို့ေသာက်ရင်းလေတွေမျိုချမိတာ တစ်ခုခုကို လန့်သွားတဲ့အခါမျိုး စိတ်ဖိစီးတဲ့အခါမျိုး အစားတွေအများကြီးစားမိတဲ့အခါမျိုး အစားစားတာကိုမြန်မြန်စားတာ ဒါမှမဟုတ် နို့ကို အငမ်းမရသောက်တာ လေတွေ အများကြီးမျိုချမိတာတွေကြောင့်ဘေဘီလေးက ကြို့ထိုးရတာပါနော်။ ကြို့ထိုးတဲ့ဘေဘီလေးကို ဘယ်လိုသက်သာအောင်လုပ်ပေးမလဲ ကလေးလေးတွေကြို့ထားရတယ်ဆိုတာက ရင်ဝမ်းခြားမြှေးကျုံ့သွားပြီး အသံကြိုးတွေကိုမြန်မြန်ဆန်ဆန်ပိတ်လိုက်တာကြောင့် ထွက်လာတဲ့ အသံပါ။ လူကြီးတွေထင်ထားတာက ကြို့ထိုးရင် ခံရခက်တာကြောင့်ဘေဘီလေးတွေဆိုလည်း ခံရခက်မယ်ပေါ့။ တကယ်တော့ ကလေးအများစုက ကြို့ထိုးတာကြောင့် အနှောင့်အယှက်တစ်စုံတရာမရှိပါဘူး။ အအိပ်မပျက်သလို အသက်ရှုတဲ့အပေါ်မှာ ထိခိုက်မှုတစ်စုံတရာတောင်မရှိပါဘူးနော်။ ဘေဘီလေးကြို့ထိုးနေပြီဆိုရင် သက်သာစေဖို့ ဒီလိုလေးတွေလုပ်ပေးလို့ရပါတယ်နော်။ ကျောလေးကိုဖြည်းဖြည်းချင်းပုတ်ပေးပါ ကလေးကို နို့တိုက်ပြီးရင်ပဲဖြစ်ဖြစ်၊ အစားတစ်ခုခုကျွေးပြီးရင်ဖြစ်ဖြစ် ခဏလောက်နေပြီးကျောလေးကို ခပ်ဖြည်းဖြည်းလေးပုတ်ပေးပါ။လေထုတ်ပေးတာေပါ့။ […]

ငိုကြွေးခြင်းဟာ စကားမပြောတတ်သေးတဲ့ ကလေးတစ်ယောက်အတွက်တော့ သူရဲ့ခံစားချက်တွေကို ထုတ်ဖော်ပြသခြင်း တစ်မျိုးပါ။ ဘာဖြစ်နေတယ်လို့ သဲသဲ ကွဲကွဲလည်း ကလေးကမပြောတတ်တော့ငို၊ ဘယ်လိုချော့ချော့ ကလေးအငိုမတိတ်တော့ ဘာဖြစ်လို့ ဘာဖြစ်မှန်းမသိတဲ့ မေမေတို့ကလည်း ခြေမကိုင်မိ လက်မကိုင်မိဖြစ်၊တတ်ကြပါတယ်။ ဘာတွေများဖြစ်နေလို့ ကလေးက ငိုရတာလဲ ။ ။ ကလေးကို အငိုမတိတ် စေသည့် အဖြစ်အများဆုံး အကြောင်းအရာများ ။ ။ ဗိုက်ဆာနေခြင်း ဒါကတော့ သိနိုင်ဖို့ အလွယ်ကူဆုံးပါ။ မွေးကင်းစ ကလေးတွေဆိုတော့ အိပ်မယ် ၊နိုးလာရင် ဗိုက်ဆာမယ်၊ ငိုမယ် ၊ နို့သောက်မယ်။ သူတို့အတွက် ဒါတွေလုပ်စရာပဲ ရှိတာဆိုတော့ ကိုယ်နို့တိုက်ထားတာ ကြာသွားလို့ ကလေးငိုနေပြီဆိုရင် သိသာပါတယ်။ ဒါသူ ဗိုက်ဆာလို့ ငိုတာပါ။ ငိုတိုင်း ဗိုက်ဆာတာ တစ်ခုတည်းကြောင့်လို့ စွပ်စွဲလို့မရပါဘူး။ အခြား အကြောင်းအရာတွေ […]

ဘေဘီလေးတွေရဲ့ အရေပြားက အထိခိုက်မခံနိုင်တာကတော့ သိထားပြီးသားဖြစ်မှာပါ။ အရေပြားမှာပြဿနာတွေဖြစ်တဲ့အခါမှာလည် လူကြီးတွေလိုမျိုးဆေးတွေလူးပေးဖို့ဆိုတာကမဖြစ်နိုင်ပါဘူး။ ကလေးကငယ်လေလေ ဘာလုပ်ပေးလို့လုပ်ပေးရမှန်းမသိလေလေပါပဲနော်။ ဒီတစ်ခေါက်တော့ဘေဘီလေးမှာ ပွေးပေါက်တာကြောင့် စိတ်ညစ်နေရတဲ့ မေမေတို့အတွက် သတင်းကောင်းလေးပါးချင်တာပါ။ ဘေဘီလေးတွေမှာ ဖြစ်တတ်တဲ့ ပွေး အကြောင်းနဲ့ ဘယ်လို သက်သာအောင် လုပ်ရမလဲ။ ဘယ်လို ကာကွယ်ရမလဲဆိုတာတွေကို ပြောပြပေးသွားပါမယ်။ ပွေး (Baby face Ringworm) ဆိုတာကဘာလဲ ကလေးငယ်လေးတွေမှာဖြစ်တတ်တဲ့ ပွေး ဆိုတာက မှိုပိုးကူးစက်မှုတစ်မျိုးဖြစ်ပါတယ်။ ခြေထောက်မှိုစွဲတာကိုဖြစ်စေတဲ့ မှိုပိုးကြောင့်ဖြစ်တာပါ။ အဆိုပါမှိုပိုးက အရေပြားပွန်းပဲ့ရာတွေကနေတဆင့် ခန္ဓာကိုယ်အတွင်းပိုင်းကိုရောက်ရှိသွားပြီး အရေပြားပေါ်မှာဖြစ်ပေါ်တာဖြစ်ပါတယ်။ ကလေးငယ်မှာ ကုတ်ရာခြစ်ရာသေးသေးလေးပဲရှိတယ်ဆိုရင်တောင်မှ အဆိုပါမှိုပိုးကူးစက်ခံရနိုင်ပါတယ်။ ပွေးဆိုတာက အရေပြားပေါ်မှာ ပန်းရောင် (သို့) အနီရောင် ခပ်ဝိုင်းဝိုင်းသဏ္ဍန်လေးဖြစ်ပေါ်တာမျိုးဖြစ်ပါတယ်။ ကလေးငယ်ရဲ့ ခန္ဓာကိုယ်အရေပြား (သို့) ဦးရေပြားတွေပေါ်မှာ အဖြစ်များပါတယ်။ ခြေလက်တွေနဲ့ မျက်နှာပေါ်မှာလည်းဖြစ်တတ်ပါတယ်။ မွေးကင်းစအရွယ်ကလေးငယ်တွေနဲ့ အသက် ၁၀ နှစ်အရွယ်လောက်အထိ ကလေးငယ်တွေမှာဖြစ်တတ်ပါတယ်။ ဘေဘီလေးတွေမှာ ဖြစ်တတ်တဲ့ […]

ဝမ်းမှန်ဖို့က အရွယ် ၃ ပါးစလုံးအတွက်အရေးပါတာပါနော်။ ဝမ်းမှန်တယ်ဆိုတဲ့နေရာမှာ ဝမ်းချုပ်တာလည်း မကောင်းသလို ဝမ်းလျှောတာ၊ ဝမ်းပျက်တာတွေဖြစ်တာမျိုးကလည်း မကောင်းပါဘူး။ ဒီတော့ ကျန်းမာရေးအတွက်အရေးပါတဲ့ ဝမ်းကောင်းစေဖို့ ဘေဘီလေးတွေမှာရော လူကြီးတွေမှာပါ ဂရုစိုက်ဖို့လိုမယ်ဆိုတာ ထွေထွေထူးထူးပြောနေဖို့တောင်လိုမယ်မထင်ပါဘူး။ ဒီတစ်ခေါက်တော့ Helloဆရာဝန်ရဲ့ ပရိသတ်ကြီးတွေအတွက် ဘေဘီလေးဝမ်းပျက်ဝမ်းလျှောတာနဲ့ပတ်သက်လို့ နည်းနည်းလောက်ပြောပြပေးချင်ပါတယ်။ ကလေးက ဝမ်းလျှောနေတာလား ကလေးတွေရဲ့ ဝမ်းက ပုံမှန်အားဖြင့်တော့ ပျော့တတ်သလို ဝမ်းကလည်းခဏခဏသွားနိုင်ပါတယ်။ ဘေဘီလေးတွေ ဝမ်းခဏခဏသွားတာက ကလေးကကျန်းမာလို့ နို့ဝလို့ဆိုတဲအဓိပ္ပာယ်ပါနော်။ ဒါပေမယ့် ကလေးက ပုံမှန်ဝမ်းသွားနေတာမျိုးမဟုတ်ဘဲ စားပြီးတိုင်း ဝမ်းသွားနေရင်တော့ ကလေးက ဝမ်းပျက်ဝမ်းလျှောဖြစ်နေပြီလို့ပြောပါရစေနာ်။ ကလေးက ပုံမှန်ဝမ်းသွားတာထက် အကြိမ်ရေပိုများများသွားနေမယ်၊ ဝမ်းကပုံမှန်ထက်ပိုပျော့နေမယ်၊ စားပြီးတိုင်းမှာဝမ်းသွားနေမယ်၊ စားပြီးတိုင်းဝမ်းသွားတာက တစ်ကြိမ်မကဖြစ်နေမယ်၊ ဝမ်းကအရည်တွေပဲသွားနေမယ်ဆိုရင်တော့ ကလေးက ဝမ်းလျှောနေပြီလို့ပြောပါရစေနော်။ ဒီအချက်တွေကြောင့် ဘေဘီလေး ဝမ်းလျှောရတာပါ ဝမ်းလျှောတာက ကလေးတွေမှာအကြာကြီးတော့မဖြစ်တတ်ပါဘူး။ များသောအားဖြင့်ကတော့ရောဂါပိုးက ရက်အနည်းငယ်ကြာရင် သူ့အလိုလိုသက်သာသွားတတ်ကြပါတယ်။ ဒါပေမယ့် […]

မိဘ ဖြစ်ရတာဟာ စိတ်လှုပ်ရှားစရာကောင်းပြီး တော်တော်လည်း တာဝန်ကြီးတဲ့ကိစ္စတစ်ခုပါ။ ကိုယ်နေမကောင်းဖြစ်ရင်တောင် တုန်လှုပ်မနေတတ်ပေမယ့် ကိုယ့်ကလေးက ပုံမှန် မဟုတ်ဘူးလို့ ထင်လိုက်တာနဲ့ တုန်လှုပ်သွားတတ်ကြတာ မိဘတိုင်းပါ။ သားဦးလေးမွေးထားရင်ပိုဆိုးတာပေ့ါ။ ကလေးကလည်းငယ်သေး ကိုယ်ကလည်းအတွေ့အကြုံမရှိသေးတော့ ကိုယ့်ကလေး တစ်ခုခုဖြစ်နေမှာ စိတ်ပူနေရတယ်လေ။ ဒီဆောင်းပါးလေးထဲမှာတော့ မေမေတို့ စိတ်ပူကြတဲ့ မွေးကင်းစ အရွယ်ကလေးတွေမှာ ဖြစ်တဲ့ ခြေဖျားလက်ဖျားအေးတဲ့ အကြောင်းတွေနဲ့ ဘယ်လို သက်သာအောင် လုပ်ပေးရမလဲဆိုတာကို ပြောပြပေးမှာပဲ ဖြစ်ပါတယ်။ မွေးကင်းစ ကလေးတွေမှာ ခြေဖျားလက်ဖျားအေးတာ ဘာကြောင့်ဖြစ်ရတာလဲ ။ ။ သွေးလည်ပတ်မှု - မွေးကင်းစ ကလေးတစ်ယောက်ရဲ့ သွေးလည်ပတ်မှု စနစ်ကြီးက တစ်ကိုယ်လုံးကို သွေးတွေ အလုံအလောက်ပေးပို့နိုင်ဖို့အတွက် ခုမှ လေ့လာနေရတုန်းဖြစ်တာကြောင့် အရေးကြီးတဲ့ နှလုံး၊အဆုတ်၊ ဦးနှောက်တို့ဆီ သွေးတွေ အလုံအလောက်ရောက်ပေမယ့် ခြေဖျားလက်ဖျားတွေဆီတော့ သွေးတွေ လုံလောက်အောင် […]

ဘေဘီလေးတွေက ၄ လခွဲ ၅ လလောက်မှာ အစာစားဖို့စိတ်အားထက်သန်ကြပါပြီနော်။ ဒီအချိန်မှာမေမေတို့က ကလေးကို ထမင်းပိတ်ပါးတိုက်ပြီးကျွေးတယ်။ လိုအပ်တဲ့အာဟာရဓာတ်တွေပြည့်စုံအောင် အသီးအရွက်လေးတွေကို ကြိတ်ခြေပြီးကျွေးကြပါတယ်။ ဒီလိုကနေကျွေးလာရင်းက ကလေးကတော်တော်လေးအရွယ်ရောက်လာပြီ။ ဒါပေမယ့် သွားလေးကတော့ တစ်ချောင်းစနှစ်ချောင်းစလောက်ပဲရှိသေးတယ်။ ဒီလိုအရွယ်ရောက်လာတဲ့အခါ ကလေးကို ထမင်းကျွေးရင်မေမေတို့ ဖွားဖွားတို့ လုပ်လေ့လုပ်ထရှိတဲ့ အလေ့အကျင့်တစ်ခုရှိနေပါတယ်။ ဒါကတော့ ကလေးကို ဝါးကျွေးတာပါ။ ကလေးက မဝါးနိုင်သေးဘူး ဝါးကျွေးလိုက်မယ်ဆိုတာလေ။ ကလေးလေးတွေ ငယ်စဉ်ကဝါးကျွေးတာနဲ့လွတ်ခဲ့တဲ့သူရယ်လို့ သိပ်မရှိလှပါဘူး။ ကလေးကို အစာဝါးကျွေးတာက ဘယ်လိုမျိုးသက်ရောက်မှုတွေရှိနေနိုင်လဲ ကလေးကို အစာဝါးကျွေးတာကကောင်းတာလည်းရှိသလို မကောင်းတဲ့အချက်တွေလည်းရှိနေနိုင်ပါတယ်။ ဘာတွေကောင်းလို့ ဘာတွေမကောင်းဘူးလဲ သိချင်ရင်ဆက်ကြည့်လိုက်ရအောင်နော်။ ကလေးကို ထမင်းဝါးကျွေးတာကကောင်းတယ်လို့ပြောရတဲ့အချက် ကလေးကို ထမင်းဝါးကျွေးတာက ကောင်းတယ်လို့ပြောရတဲ့ အကြောင်းအရင်းတွေရှိပါတယ်။ ကလေးကို ထမင်းဝါးကျွေးတာက အလေ့အထတစ်ခုလိုဖြစ်နေသလို ကျန်းမာတဲ့ စားသောက်မှုပုံစံလို့လည်း အများကလက်ခံထားကြပါတယ်။ ဘာလို့ဒီလိုပြောရတာလဲဆိုတော့ ကလေးကို မိခင်ကထမင်းဝါးကျွေးတဲ့အခါ မိခင်တံထွေးမှာပါတဲ့pathogens က ကလေးရဲ့ […]

ကလေးလေးတွေကို မွေးကာစမှာနုနယ်လွန်းတာကြောင့် အထိအခိုက်နည်းနိုင်သမျှနည်းအောင် စောင့်ရှောက်ပေးချင်တဲ့ ဆန္ဒက ဖေဖေမေမေတိုင်းဆီမှာရှိတာပါ။ မိဘမေတ္တာပေါ့။ ဒါပေမယ့် တစ်ခါတလေ ကိုယ်ကကောင်းစေချင်လို့ လုပ်ပေးပေမယ့် ဘေဘီလေးတွေအတွက် ကောင်းကျိုးမရဘဲ ထိခိုက်သွားတာမျိုးရှိနေတတ်ပါတယ်။ ဒီတစ်ခေါက်တော့ ဘေဘီလေးတွေကို မိဘတော်တော်များများ ချစ်တာကြောင့် လုပ်ပေးမိနေတဲ့ စေတနာအမှားလေးတစ်ခုအကြောင်း ပြောပြချင်ပါတယ်။ ဘာများလဲလို့များတွေးနေပြီလား။ လုပ်လေ့လုပ်ထရှိတဲ့ အပြုအမူတစ်ခုပါ။ ဒါကတော့ ဘေဘီလေးတွေကို အေးမှာ၊ လက်သည်းလေးတွေနဲ့ နုနယ်လှတဲ့ အရေပြားလေးတွေကို ကုတ်ခြစ်မိတာမျိုးဖြစ်မှာစိုးတဲ့စေတနာနဲ့ မေမေဖေဖေတို့ လုပ်ပေးမိနေတတ်တဲ့ လက်အိတ်စွပ်ပေးတဲ့ကိစ္စပါ။ မွေးစကလေးတွေအတွက်လက်ဆောင်ပေးတဲ့အခါမှာလည်း လက်အိတ်၊ ခေါင်းစွပ်၊ ခြေအိတ်နဲ့ အင်္ကျီပိစိကွေးလေးတွေက အများဆုံးနော်။ အချို့ မိဘတွေဆို ကိုယ်တိုင်တောင် ဝယ်ထားတတ်ကြပါသေးတယ်နော်။ ဘေဘီလေးတွေကိုချစ်ရင် ဒါလေးတော့သတိထားပေးပါ ။ ဘေဘီလေးရဲ့ လက်တွေကို လွတ်လွတ်လပ်လပ်နေခွင့်ပေးလိုက်ပါ ကလေးကမွေးစကတည်းက လက်သည်းလေးတွေပါလာတတ်ကြပါတယ်။ အိပ်နေရင်းဖြစ်ဖြစ် နို့စို့ရင်းဖြစ်ဖြစ်မတော်တဆ လက်သည်းလေးတွေနဲ့ မျက်နှာနဲ့ အရေပြားတွေကို ကုတ်ခြစ်မိနိုင်ပါတယ်။ […]

မိမိချစ်ရတဲ့ ဘေဘီလေး ဝမ်းမကောင်းလို့ ခေါင်းခဲနေရတဲ့ မေမေတွေများရှိလား။ နို့စို့ကလေး လေးတွေ တစ်ခုခုဆိုတိုင်း အရင်ဆုံး စိတ်ပူစိတ်ညစ်တတ်တာက မေမေတွေပါနော်။ အချို့ကိစ္စတွေက ဖြစ်လေ့ဖြစ်ထရှိတာမို့ စိတ်ပူစရာမလိုပေမယ့် ဖြစ်လေ့ဖြစ်ထမရှိတာတွေအတွက်ကတော့ စိတ်ပူဖို့လိုမှာပါ။ ကလေးလေးတွေက မွေးကာစအရွယ်မှာ ခဏခဏဝမ်းသွားနိုင်ပါတယ်။ ကလေးကို ဝမ်းချုပ်တယ်လို့ ပြောဖို့ဆိုရင် အရင်ဆုံးသိထားရမှာက ကလေးဟာ တစ်နေ့ကို ဘယ်နှကြိမ်လောက် ဝမ်းသွားတတ်လဲဆိုတဲ့အချက်ပါ။ ဒီအချက်ကလည်း ကလေးတစ်ယောက်နဲ့တစ်ယောက်မှာ မတူနိုင်ပါဘူး။ သူတို့လေးတွေရဲ့ စားသောက်နေထိုင်မှု ကွာခြားချက်အရ ဝမ်းသွားတာကလည်း ကွာခြားနိုင်ပါတယ်။ ဘယ်လိုအခြေအနေမျိုးဆို ဝမ်းချုပ်တယ်လို့ ပြောလို့ရလဲ ကလေးက တစ်နေ့တစ်ကြိမ် ဝမ်းသွားနေကျကနေ နှစ်ရက်တစ်ခါလောက်မှ ဝမ်းသွားတာ သုံးရက်တစ်ကြိမ်လောက် မဝမ်းသွားတော့တာ တစ်ပတ်တစ်ကြိမ်လောက်ပဲ ဝမ်းသွားတာ အရင်ကထက် ဝမ်းသွားတဲ့ ပမာဏနည်းသွားတာ ဝမ်းသွားတဲ့အခါ ကလေးက ငိုတာ၊ ဂျီကျတာ ကလေးက ဝမ်းသွားတဲ့အခါတိုင်း […]

ကလေးက ဂျီကျနေတယ်။ အသက်ရှူသံလည်း ပြင်းလို့၊ ဘာကျွေးကျွေးမစားဘူးပဲ လုပ်နေပြီလား။ ဒါဆိုရင်တော့ မိဘတွေအနေနဲ့ တွေးစရာတစ်ခုရှိတာက ဘေဘီလေးက နှာစေးနှာပိတ်များ ဖြစ်နေလားဆိုတာပါနော်။ အခုတစ်ခေါက်တော့ ဘေဘီလေးတွေမှာဖြစ်တဲ့ နှာစေးနှာပိတ် သက်သာအောင် လုပ်ပေးရမလဲဆိုတဲ့ အကြောင်းလေးတွေပါနော်။ နှာစေးတာ၊ နှာခေါင်းပိတ်တာက လူကြီးတွေမှာတောင် တော်တော်လေး နေရခက်ပါတယ်နော်။ ဘာမှတောင် မပြောနိုင်သေးတဲ့ ကလေးလေးတွေမှာဆို ဘယ်လောက်များ ခံရခက်လိုက်မလဲ။ ဘေဘီလေးတွေမှာဖြစ်တဲ့ နှာစေးနှာပိတ်ခြင်း နှာစေးနှာပိတ်တယ်ဆိုတာ နှာခေါင်းနဲ့ လေပြွန်ထဲမှာ အရည်တွေ (ချွဲတွေ) များပြားစုပုံနေတဲ့ အခြေအနေတစ်ရပ်ပါ။ ပြင်ပအရာတစ်ခုခု နှာခေါင်းတွင်း ဝင်ရောက်တဲ့အခါမှာလည်း ဒီလိုမျိုး တုံ့ပြန်နိုင်ပါတယ်။ ဓာတ်မတည့်တဲ့အရာတွေ၊ ဗိုင်းရပ်စ်တွေကို တုံ့ပြန်ဖို့လည်း နှာခေါင်းက ဒီနည်းလမ်းကိုပဲ အသုံးပြုတာပါ။ နှာခေါင်းပိတ်တဲ့အခါ ဘေဘီလေးတွေမှာ အသက်ရှူရခက်တာ၊ အသက်ရှူတဲ့အခါ တရွှီရွှီမြည်တာမျိုးတွေ ကြားရတာ နို့မစို့ဘဲ ငိုနေတာ ပုံမှန်ထက် […]