ကလေးငယ်ပြုစုစောင့်ရှောက်နည်း

ဘေဘီလေးကို သန်ချမယ်ဆိုရင် ကလေးတစ်ယောက်ကြီးထွားဖွံ့ဖြိုးဖို့အတွက် အာဟာရပြည့်ဝအောင်ကျွေးရုံနဲ့မလုံလောက်ပါဘူး။ကောင်းမွန်စွာကြီးပြင်းလာစေဖို့ ဆိုရင်မေ့ထားလို့မဖြစ်တဲ့အချက်တစ်ခုရှိပါတယ်။ ဒါကတော့ သန်ချတာပါ။ အရွယ်သုံးပါးစလုံး သန်ချဖို့ကမေ့ထားလို့ မဖြစ်ပါဘူး။ ကလေးတစ်ယောက်ကောင်းစွာကြီးပြင်းလာစေဖို့ နဲ့ ကျန်းမာစေဖို့အတွက်ပြည့်စုံလုံလောက်တဲ့ အာဟာရရှိဖို့လိုအပ်သလို စားလိုက်တိုင်းအာဟာရဖြစ်စေဖို့အတွက်ကလည်း အချိန်မှန် သန်ချပေးဖို့လိုအပ်မှာပါ။ ဒီအချက်ကို ကလေးကြီးထွားဖွံ့ဖြိုးနေတဲ့အချိန်ဖြစ်တဲ့ ပထမ ၅ နှစ်အတွင်းမှာသေချာဂရုစိုက်ပေး ဖို့လိုအပ်မှာပါ။ ဒီဆောင်းပါးလေးမှာ ကလေးသန်ချတဲ့အကြောင်းနဲ့ ပတ်သက်ပြီးမေမေတို့စဉ်းစားရခက်နေတဲ့ပြဿနာလေးအကြောင်းကိုပြောပြပေးပါရစေ။ သန်ကောင်တွေဘယ်မှာနေကြလဲ သန်ကောင်တွေက လူသားတွေရဲ့ အစာခြေစနစ်ထဲမှာနေပြီး စားလိုက်တဲ့ အစာအာဟာရတွေကိုခေါင်းပုံဖြတ်နေကြတာပါ။ ကိုယ်ကစားရင်း သူကထွားရင်းပါ။ အရွယ်ရောက်ပြီးသူတွေမှာသိပ်မသိသာပေမယ့် ဖွံ့ဖြိုးဖို့အရှိန်ယူနေတဲ့ဘေဘီလေးတို့မှာတော့ ကြီးထွားဖွံ့ဖြိုးမှုကို ထိခိုက်စေနိုင်ပါတယ်။ အခန့်မသင့်ရင် အန္တရာယ်ရှိတဲ့အနေအထားတွေဖြစ်စေနိုင်ပါတယ်။ ဥအခြေအနေနဲ့ ကိုယ်တွင်းကိုဝင်ရောက်သွားပြီး ကိုယ်တွင်းထဲမှာပေါက်ဖွားရှင်သန်ကြတာပါ။ ဘယ်လိုနည်းနဲ့ သန်ကောင်တွေကူးစက်တာလဲ မြေကြီးတွေထဲမှာ သန်ကောင်ဥတွေရှိနေတတ်ပြီး ကလေးက စားရင်းကနေတဆင့် လက်တွေ၊ လက်သည်းတွေထဲမှာ ကပ်ပါလာရာက ခန္ဓါကိုယ်ထဲကို ကူးစက်နိုင်ပါတယ်။ ညစ်ပေတဲ့လက်တွေနဲ့ အစားစားတာ၊ သန့်ရှင်းမှုနည်းတဲ့ စားတွေစားမိတာ၊ မသန့်တဲ့ရေတွေသောက်မိတာကြောင့်လည်း သန်ကောင်တွေကူးစက်နိုင်ပါတယ်။ လူသားတွေနဲ့တိရစ္တာန်တွေရဲ့ […]

ကလေးတစ်ယောက်ရဲ့ကြီးထွားဖွံ့ဖြိုးမှုကို အနှောင့်အယှက်ပေးနေတဲ့ သန်ကောင်တွေ၊ တုတ်ကောင်တွေကို နှိမ်နှင်းပေးချင်ပေမယ့် သားသားမီးမီးကငယ်သေးလို့ ဆေးမတိုက်ရဲဘူးဖြစ်နေတယ်ဆိုရင် အခုပြောပြခဲ့တဲ့နည်းလေးတွေသုံးပြီး ကလေးတွေကို သန်ချပေးလို့ရပါတယ်။ ကလေးကို သဘာဝအတိုင်းသန်ချမယ် နနွင်း သဘာဝဆေးဖက်ဝင်အပင်တစ်မျိုးပါ။ မိးဖိုချောင်ထဲမှာလည်း အလွယ်တကူရနိုင်တယ်နော်။ ဒီမီးဖိုချောင်သုံး ပစ္စည်းလေးက အစာခြေစနစ်ထဲက သန်ကောင်တွေကိုချေဖျက်ပေးဖို့လည်း ထိထိရောက်ရောက် လုပ်ဆောင်ပေးပါတယ်။ ကလေးကိုနေ့တိုင်း နို့တစ်ခွက်စာထဲမှာ နနွင်းတစ်ဇွန်းထည့်ဖော်ျလို့ တိုက်ပေးပါ။ တစ်ပတ်လောက်ဆက်တိုက်တိုက်ပေးရင် သန်ကျလာပါလိမ့်မယ်။ နနွင်းက ဝမ်းချုပ်တတ်တာကြောင့်ရေများများတိုက်ပေးဖို့ မမေ့ပါနဲ့။ အုန်းဆီ အုန်းသီးနဲ့ အုန်းဆီမှာ ကပ်ပါးပိုးတွေကိုသေစေနိုင်တဲ့အာိသင်ရှိပါတယ်။ ဒါကြောင့်ဘေဘီလေးကို သန်ချဖို့အတွက် အုန်းဆီစစ်စစ်ကိုသုံးပေးလို့ရပါတယ်။ မနက်တိုင်း အုန်းဆီ လက်ဖက်ရည်ဇွန်း တစ်ဇွန်းစာတိုက်ကိုရေနွေးနဲ့တိုက်ပေးတာ ဒါမှမဟုတ် အုန်းသီးစားပေးတာမျိုးလုပ်ပေးပါ။ ဒီလိုလုပ်ပေးတာက ကလေးရဲ့ အစာခြေစနစ်ထဲမှာ အာဟာရတွေကို စုပ်ယူရှင်သန်နေတဲ့ သန်ကောင်တွေကို ထိထိရောက်ရောက်ဖယ်ရှားနိုင်မှာပါ။ အုန်းသီးစိမ်းကို စားပေးရင်လည်းရပါတယ်။ အုန်းသီးက သန်တင်ကျစေတာမဟုတ်ဘဲက ကလေးကို ကိုယ်ခံအားေကာင်းစေပြီး သန်တွေမဖြစ်ပေါ်အောင်လည်း ကာကွယ်ပေးနိုင်ပါတယ်။ ကြက်ဟင်းခါးသီး ကြက်ဟင်းခါးသီးကို ဝမ်းဗိုက်ပြဿနာတွေကင်းစေဖို့အတွက် အသုံးပြုပေးလို့ရပါတယ်။ […]

ခေါင်းအုံးမပါရင် မအိပ်တတ်ဘူးဆိုတာမေမေ၊ဖေဖေတို့မှာပဲဖြစ်တဲ့ခံစားမှုပါ။မေမေ့ဗိုက်ထဲက အသစ်စက်စက်ထွက်လာတဲ့ဘေဘီလေးမှာ ဒီခံစားချက်မရှိပါဘူး။ခေါင်းအုံးဆိုတာ ဘာမှန်းတောင်မသိသေးတဲ့ ကလေးတစ်ယောက်အဖို့ခေါင်းအုံး မအုံးရတာကပြဿနာမဟုတ်ပါဘူး။ ခေါင်းအုံး အုံးခိုင်းရင်သာ ပြဿနာဖြစ်မှာပါ။ မွေးကင်းစ ကလေးအရွယ် ခေါင်းအုံးအုံးဖို့လိုလား ဘေဘီလေးကမေမေ့ဗိုက်ထဲမှာခေါင်းအုံးဆိုတာကို မသိဘဲ ကိုးလလောက်နေလာခဲ့တာပါ။ ဒါကြောင့်ခေါင်းအုံး မပါဘဲအိပ်ရတာက သူတို့လေးတွေကိုထွေထွေထူးထူး ခံစားရစေတာမျိုးမရှိပါဘူး။ မိဘမို့ သားသမီးကိုပြည့်ပြည့်စုံစုံလေးဖြစ်စေချင်တာသိပေမယ့် လသားအရွယ်ကလေးတစ်ယောက်အဖို့ နူးညံ့တဲ့ အခင်းကတင် အဆင်ပြေနေပါပြီ။ ဒါကြောင့် လိုရင်းပြောပြရရင်တော့ဘေဘီလေးတို့အိပ်စက်မှုအတွက်ခေါင်းအုံးမလိုပါဘူး။ လသားအရွယ်ကလေးကို ဘာကြောင့်ခေါင်းအုံး မအုံးခိုင်းတာလဲ လသားအရွယ်ကလေးလေးတစ်ယောက်ကခေါင်းနဲ့ လည်ပင်းကို ဟန်ချက်ညီအောင် မထိန်းနိုင်သေးပါဘူး။ ဒီလိုအချိန်မှာ ကလေးရဲ့ အိပ်ရာမှာ လိုအပ်တဲ့အရာကလွဲလို့ခေါင်းအုံးအပါအဝင်မလိုအပ်တဲ့အရာတွေကို မထားတာက အကောင်းဆုံးပါ။ ကလေးက ကစားစရာကိုမသိသေးသလို၊ခေါင်းအုံး၊ဖက်လုံးစောင်ဆိုတာကိုလည်း နားမလည်သေးပါဘူး။ ဒါတွေက သူတို့လေးတွေအတွက် သဘောကျစရာမရှိသလို အခန့်မသင့်ရင်ဘေဘီလေးရဲ့ အသက်အန္တရာယ်ကိုတောင် ဒီပစ္စည်းတွေက ထိခိုက်စေနိုင်ပါတယ်။ ခေါင်းအုံးကြောင့်ဘေဘီလေးမှာ ဘာထိခိုက်မှုတွေဖြစ်နိုင်လဲ ခေါင်းအုံးက ကလေးငယ်ကို ဒီလိုအန္တရာယ်ဖြစ်စေနိုင်ပါတယ်။ ကလေးကိုမွန်းစေနိုင်တယ် အသက်ရှုကြပ်စေနိုင်တယ် လသားအရွယ်ကလေးငယ်ရုတ်တရက်သေဆုံးနိုင်ခြေများစေတယ် ဓါတ်မတည့်မှုတွေဖြစ်စေနိုင်တယ် ကလေးရဲ့ကျောရိုးကို […]

အိန်ဂျယ်လ်ပိစိလေးတွေရဲ့ ချစ်စရာအကောင်းဆုံးအချိန်က ဘယ်အချိန်လို့ထင်လဲမေမေဖေဖေတို့ရေ။ အိပ်နေတဲ့အချိန်ပေါ့။ အိန်ဂျယ်လ်ပိစိလေးတွေရဲ့ ချစ်စရာအကောင်းဆုံးက အိပ်ပျော်နေတုန်းမှာပါ။ ဒီလိုမျိုးချစ်စရာကောင်းတဲ့အချိန်လေးကဘေဘီလေးကို ထိခိုက်စေတာမျိုးလည်းရှိနိုင်ပါတယ်။ ဒီတော့ အိပ်စက်မှုကြောင့် အိန်ဂျယ်လ်ပိစိလေးတွေ မထိခိုက်စေဖို့ဘေးကင်းတဲ့အိပ်စက်ချိန်ကို ဖန်တီးပေးဖို့ တာဝန်အရှိဆုံးကမေမေဖေဖေတို့ပါ။ ဒီတော့ဘေဘီလေးကို ဘယ်လိုများ အန္တရာယ်ကင်းတဲ့ အိပ်စက်ချိန်ကို ဖန်တီးပေးရမလဲ စဉ်းစားရခက်နေတယ်ဆိုရင် ဒီဆောင်းပါးလေးကနေတဆင့် ကူညီပေးပါရစေ။ ဘေဘီလေးအတွက် အိပ်စက်ချိန် ဘာကြောင့်အရေးကြီးတာလဲ ဖွံ့ဖြိုးဖို့အရှိန်ယူနေတဲ့ဘေဘီလေးအဖို့ အိပ်စက်ချိန်ပြည့်ဝဖို့က တကယ်ကိုအရေးကြီးတာပါ။ဘေဘီလေး ခန္ဓါကိုယ်ကြီးထွားဖို့အတွက်ရော ဦးနှောက်နဲ့အာရုံကြောစနစ်တွေကြီးထွားဖို့အတွက်ပါပြည့်ဝတဲ့ အိပ်စက်မှုလိုအပ်ပါတယ်။ ကြီးထွားဖွံ့ဖြိုးနေတဲ့ ကလေးတစ်ယောက်အဖို့ အိပ်ချိန်တွေကအခုလို လိုအပ်မှာပါ။ မွေးကာစကနေ ၃ နှစ်အထိ ၁၄ နာရီ ကနေ ၁၇ နာရီ ၄ လ ကနေ ၁၂ လ အထိ ၁၂ နာရီ ကနေ ၁၆ နာရီ ၁ နှစ် […]

ကလေးတွေ ငိုတယ်ဆိုတာ မဆန်းပါဘူး။ စကားမပြောတတ်သေးတဲ့သူတို့လေးတွေအတွက် ငိုတယ်ဆိုတာက သူတို့ဆာလောင်နေတယ်ဆိုတာ၊ သူတို့လေးတွေရဲ့အဝတ်တွေစိုနေတယ်ဆိုတာနဲ့ သူတို့မအီမသြာဖစ်နေတယ်ဆိုတာတွေကိုဖော်ပြပေးနေတဲ့အချက်ပြမှုပဲဖြစ်ပါတယ်။ ဒါ့အပြင်ငိုကြွေးခြင်းက သူတို့အနေနဲ့ဝေဒနာတစ်ခုခုကို ခံစားနေရတယ်ဆိုတာကိုလည်းဖော်ပြခြင်းဖြစ်ပါတယ်။ ဒီထဲမှာ အဖြစ်အများဆုံးကတော့လေနာဝေဒနာပါ။ အရမ်းကြီးပြင်းထန်ဆိုးရွားတဲ့ရောဂါတစ်မျိုးမဟုတ်ပေမယ့် ညတိုင်းငိုယိုနေတဲ့ ကိုယ့်ရဲ့ ကလေးကို ကြည့်ရတာ ဘယ်မိဘအတွက်မှ စိတ်ချမ်းသာစရာမကောင်းပါဘူး။ ဒီဆောင်းပါးမှာတော့လေနာဝေဒနာအကြောင်းနဲ့ ဘာကြောင့်ဖြစ်တာလဲ၊ ဘယ်လိုကာကွယ်လို့မရလဲဆိုတာတွေကို ဖတ်ရှုနိုင်မှာဖြစ်ပါတယ်။ လေနာဖြစ်နေတယ်ဆိုတဲ့ လက္ခဏာများ ကလေးဆိုတာကတော့ ငိုမှာပါပဲ။မွေးကင်းစကလေးငိုတာကရောဂါကြောင့်မဟုတ်ပါဘူး။ ကလေးသဘာဝအတိုင်း ငိုတာပါ။မွေးကင်းစကလေးငယ်တွေဟာ တစ်နေ့ကို ၂ နာရီလောက်ကို ငိုတတ်ကြပါတယ်။ ဒီအချက်လေးတွေရှိနေရင် ကလေးမှာလေနာဖြစ်နေတာဖြစ်နိုင်ပါတယ်။ အကြောင်းအရင်းမရှိဘဲ ငိုနေတာ။ ဆာတာလည်းမဟုတ်၊သေးခံညစ်ပေနေတာမျိုးလည်းမဟုတ်ဘဲ ငိုနေရင် ညနေတိုင်းအချိန်မှန်ငိုနေတာကနေ့တိုင်းဖြစ်နေခဲ့ရင် တစ်နေ့ကို ၃နာရီလောက်ငိုတာက တစ်ပတ်ကို ၃ ရက် ဒါမှမဟုတ် ၃ ရက်ကျော်လောက်အထိငိုနေမယ်ဆိုရင် အသံက ပုံမှန်မဟုတ်ဘဲ အာခေါင်ခြစ်ပြီးအော်ငိုနေရင် ဘယ်လိုမှချော့လို့မရဘဲဖြစ်နေရင် အခြားလက္ခဏာများ လက်သီးကို ဆုပ်ရင်းငိုနေရင် သူရဲ့လက်ရောခြေထောက်ရောကို ဗိုက်ဆီကိုကွေးညွတ်ထားရင် ခပ်ကွေးကွေးပုံသဏ္ဍာန်နဲ့ […]

ဘေဘီလေးကိုသန့်ရှင်းရေးလုပ်ပေးမယ့် ကိစ္စက အသစ်စက်စက်မေမေ ဖေဖေတို့ကို စိုးရိမ်စိတ်ရှုပ်စေနိုင်တဲ့အရာတစ်ခုပါ။ အရွယ်ရောက်လာပြီဖြစ်တဲ့ ကလေးတစ်ယောက်ကို မျက်နှာသစ်ပေးရတာ၊ရေချိုးပေးရတာက အသေးအဖွဲကိစ္စဆိုပေမယ့် ထိခိုက်လွယ်တဲ့ နုနယ်လွန်းလှတဲ့ ကလေးတစ်ယောက်ကို မျက်နှာသစ်ပေးရတာက အခက်အခဲရှိနိုင်ပါတယ်။ ဒီပြဿနာကို အလွယ်တကူကျော်လွှားနိုင်ဖို့ ဒီဆောင်းပါးလေးကနေ အကူအညီပေးပါရစေ။ ညစ်ပေလွယ်နိုင်တဲ့ဘေဘီလေးရဲ့ မျက်နှာ မွေးကာစ ကလေးတစ်ယောက်အနေနဲ့ တစ်ပတ်ကို ၃ ကြိမ်လောက်ပဲရေချိုးဖို့လိုပေမယ့်နေ့တိုင်းတစ်နေ့ကို အနည်းဆုံး နှစ်ကြိမ်လောက်တော့ မျက်နှာ၊ လည်ပင်း နဲ့ခြေ၊လက်တွေကို သုတ်သင်သန့်စင်ပေးဖို့လိုပါမယ်။ ကလေးတစ်ယောက်ရဲ့ မျက်နှာက လူကြီးတစ်ယောက် ဒါမှမဟုတ် အရွယ်ရောက်ပြီးသူတစ်ယောက်ထက် ညစ်ပေနိုင်ခြေပိုများပါတယ်။ ကလေးက နို့စို့ရင်း နို့အန်တာမျိုးဖြစ်မယ်၊ နို့တွေစီးကျတာမျိုးဖြစ်မယ်ဆိုရင် ချက်ချင်း သန့်စင်ဖို့လိုပါမယ်။ ဒါမှ ကလေးက အရေပြားပြဿနာကင်းမှာပါ။ ကလေးအသားအရေကို ပုံမှန်သန့်စင်ပေးမှုက အရေပြားမှာ အဖုအပိမ့်တွေဖြစ်တာ ဓာတ်မတည့်မှုတွေဖြစ်တာကို အကောင်းဆုံး ကာကွယ်နိုင်မှာပါ။ မျက်နှာသစ်မယ် ဘေဘီလေးရေ လက်တစ်ပွေ့စာ ကလေးသေးသေးလေးကို မျက်နှာသစ်ပေးရတာကတော်တော်လေး လက်ဝင်တဲ့ကိစ္စပါ။ […]

ရင်သွေးလေးတစ်ယောက် ကျန်းကျန်းမာမာနဲ့ ကြီးထွားလာဖို့ ဂရုစိုက်ဖို့ဆိုတာ မေမေတို့အတွက် တကယ်ကို ကြီးလေးတဲ့ တာဝန်တစ်ခုပါ။ မွေးကင်းစကလေးဆိုတာ စကားလည်း မပြောတတ် ဘာဖြစ်နေတယ် ဘယ်လိုခံစားနေရတယ်ဆိုတဲ့အကြောင်း သေချာလည်း မပြတတ်ကြတော့ ကိုယ့်ကလေးကို အရိပ်တကြည့်ကြည့် နဲ့ ဂရုစိုက်နေရတာပေါ့။ ဒီထဲကမှ ခုပြောပြမယ့် ၆ ချက်ထဲက တစ်ချက်ချက် သင့်ကလေးဆီမှာ ရှိနေလို့ကတော့ ဆရာဝန်ဆီ တန်းပြေးတော့နော် ။ ။ ( ၁ ) ကလေး နှုတ်ခမ်းများပြာနေခြင်း ။ ။ ကလေးနှုတ်ခမ်း ဒါမှမဟုတ် ခံတွင်းထဲက ပါးစောင်တို့ လျှာတို့မှာ ရှိသ့င်တဲ့ ပန်းရောင်မရှိဘဲ အပြာရောင်သန်းနေပြီဆိုရင်တော့ ဒါ သင့်ကလေး အောက်ဆီဂျင် အလုံအလောက် မရဘူးဆိုတာ ပြောပြနေတဲ့ သဘောပါ။ ဆေးပညာအရဆို cyanosis ( အောက်ဆီဂျင်လုံလောက်စွာ […]

ပူပြင်းခြောက်သွေ့လှတဲ့နွေဥတုက သက်ရှိတိုင်းနဲ့သက်ဆိုင်နေတာပါနော်။ တစ်နေ့ထက်တစ်နေ့ပိုပုလာတဲ့ အပူချိန်ကြောင့် ကိုယ်တိုင်ထက်ဘေဘီလေးကို ပိုစိတ်ပူနေမိတဲ့မေမေဖေဖေတို့များရှိနေလား။ ဒါဆိုရင်တော့ နွေရာသီမှာ ဘေဘီလေး ကို ကျန်းမာနေအောင်ဘယ်လိုထားရမလဲဆိုတာကို ဒီဆောင်းပါးလေးကိုဖတ်ကြည့်ပါနော်။ ဘေဘီလေး နဲ့ နွေရာသီ နွေရာသီရဲ့ ပူပြင်းမှုဒဏ်က ဘေဘီပိစိလေးတွေ အတွက် တော်တော်လေး ပြင်းထန်မှာပါ။ ဒီတော့ ဘေဘီလေးကို ကျန်းမာပျော်ရွှင်တဲ့နွေရာသီကို တူတူဖန်တီးပေးရအောင်လား။ နွေရာသီမှာ ကလေးကို ရေချိုးပေးလို့ ရမလား နွေရာသီက ပူပြင်းတာကြောင့် ကိုယ်တိုင်လည်းရေချိုးသလို ကလေးကိုလည်း ရေချိုးပေးချင်မယ်ဆိုတာ အသေအချာပါ။ ဒီတော့ ရေချိုးပေးလို့ ရလားလို့ သိချင်နေမှာပေါ့။ ရေချိုးပေးလို့ ရပါတယ်။ ကလေးကို ရေနွေးနွေးလေးနဲ့ ချိုးပေးပါနော်။ တစ်နေ့ကို နှစ်ကြိမ်အထိ ချိုးပေးလို့ရပါတယ်။ အကြာကြီး မချိုးပေးမိဖို့တော့လိုပါမယ်နော်။ ရေတိုက်ပေးရမှာလား နွေပူတာက ကလေးရော လူကြီးကိုပါ ချွေးထွက်စေတာပါ။ ဒါကြောင့် ဘေဘီလေးကို ဆုံးရှုံးသွားတဲ့ ရေဓါတ် ကာမိအောင် ရေတိုက်ပေးပါ။သောက်ရေက ရေသန့် […]

ဘေဘီလေးကို ချီလိုက်သူတိုင်းကမွှေးနေတာပဲလို့ ချီးမွှမ်းခံရတာကို သဘောကျလို့ ကလေးကိုရေချိုးပြီးတိုင်း ပေါင်ဒါလူးပေးတယ်။ ရှူးရှူးပေါက်လို့ သန့်ရှင်းရေးလုပ်ပြီးတိုင်း အင်းအင်းပါလို့ သန့်ရှင်းရေးလုပ်ပေးပြီးတိုင်း ပေါင်ဒါရိုက်ပေးနေမိပြီလား။ မွှေးနေတာကောင်းပေမယ့် ပေါင်ဒါအရမ်းအများကြီး သုံးတာက ဘေဘီပိစိလေးအတွက် စိတ်ချရရဲ့လား။ ပေါင်ဒါဆိုတာ ပေါင်ဒါဆိုတာက သဘာဝကရတဲ့ အမွှေးနံ့သာပစ္စည်းတွေကို အသုံးပြုပြီးလုပ်ထားတဲ့ အမှုန်သေးသေးလေးတွေပါ။ ကလေးပေါင်ဒါမှုန့်လေးတွေက ဓာတုပစ္စည်းပါဝင်မှုမရှိတာကြောင့် ကလေးအသားအရေကို ထိခိုက်တာမျိုးဖြစ်မှာကိုတော့ စိုးရိမ်စရာမရှိပေမယ့်သေးငယ်တဲ့ အမှုန်လေးတွေက ကလေး အသက်ရှူစနစ်အတွက်တော့ အန္တရာယ်ရှိနိုင်ပါတယ်နော်။ ပေါင်ဒါမှုန့်ကြောင့်ဘေဘီလေးမှာ ဘာတွေများထိခိုက်သွားနိုင်လဲ လေထဲမှာ အလွယ်တကူ ပြန့်လွင့်လွယ်တဲ့ပေါင်ဒါမှုန့်လေးတွေက ကလေးကိုမွှေးစေတာမှန်ပေမယ့် အခုလိုမျိုး ထိခိုက်တာတွေတော့ဖြစ်စေနိုင်ပါတယ်။ အဆုတ်ထိခိုက်စေနိုင်တယ် ပေါင်ဒါလူးပေးချိန်မှာ ပေါင်ဒါမှုန့်လေးတွေက ကလေးရဲ့ နှာခေါင်းကနေတဆင့် အသက်ရှူလမ်းကြောင်းထဲကိုရောက်သွားပြီး ဖွံ့ဖြိုးဆဲ ကလေးအဆုတ်ထဲက နုနယ်လှတဲ့လေအိတ်လေးတွေကို ထိခိုက်စေနိုင်ပါတယ်။ အဆိုးဆုံးအခြေအနေနဲ့တော့ ကလေးကို အသက်ရှူရခက်စေပြီး အရမ်းပြင်းထန်ရင်သေဆု့းတဲ့ အထိဖြစ်စေနိုင်တာပါ။ အသက်ရှူလမ်းကြောင်းပြဿနာတွေ ခံစားရစေနိုင်တယ် ကလေးကို ပေါင်ဒါလူးပေးတာက ကလေးကိုပေါင်ဒါတွေကို ရှူရှိုက်မိနိုင်ခြေပိုများစေနိုင်ပါတယ်။ ဒီလိုရှူရှိုက်မိတာက အဆုတ်ကို ထိခိုက်စေတယ်ဆိုတာတော့ […]

အိမ်မှာ ဘေဘီလေးတစ်ယောက်ရောက်လာရင်ပျော်စရာတွေများသလို သူ့အတွက်စိုးရိမ်ပူပန်ရတာတွေကလည်း အများသား။ ငိုရင်လည်း ဘာလို့ ငိုတာလဲ၊ အိပ်နေရင်လည်း နေများမကောင်းဘူးလားဆိုပြီးတော့ပေါ့။ ဒီတစ်ခေါက်တော့ စိုးရိမ်တတ်တဲ့မေမေဖေဖေတွေ ဘေဘီလေးရဲ့ ကျန်းမာရေးကို ကိုယ်တိုင်စောင့်ရှောက်နိုင်ဖို့ နည်းလမ်းကောင်းလေးတွေပြောပြပေးမယ်နော်။ ကလေးရဲ့ ကျန်းမာရေးကို ဒီအချက်တွေနဲ့သိနိုင်ပါတယ် ကလေးရဲ့ ကျန်းမာရေးကိုသိနိုင်တဲ့ အချက်တွေကတော့ အများကြီးပါ။ ဒီအချက်တွေထဲမှာမှ အခုအချက်ကလေးတွေကို သိရုံနဲ့တင်ကလေးကနေကောင်းရဲ့လားဆိုတာကို သိနိုင်မှာပါ။ ခန္ဓာကိုယ်အပူချိန် နှလုံးခုန်နှုန်း အသက်ရှူနှုန်း (၁) ခန္ဓာကိုယ်အပူချိန်ကလေးက ပုံမှန်ကိုယ်အပူချိန်ထက်ပိုများနေပြီဆိုရင် အဖျားရှိနေတာပါ။ ဒါက ခန္ဓာကိုယ်က ကူးစက်ရောဂါပိုးတွေကို တိုက်ထုတ်နေတယ်ဆိုတဲ့ အဓိကလက္ခဏာတစ်ရပ်ပါ။ ကလေးတစ်ယောက်က ပုံမှန်အနေနဲ့ ပါးစပ်ကနေ အပူချိန်တိုင်းကြည့်ရင် ၉၈.၆ ဒီဂရီဖာရင်ဟိုက်ရှိရမှာဖြစ်ပြီး စအိုကနေတိုင်းကြည့်မယ်ဆိုရင် အပူချိန်က ၉၉.၆ ဒီဂရီဖာရင်ဟိုက်ရှိရမှာဖြစ်ပါတယ်။ ပါးစပ်ကနေတိုင်းတဲ့အပူချိန်က ၉၉.၅ ဒီဂရိဖာရင်ဟိုက်ထက်များနေမယ်။ စအိုကနေတိုင်းကြည့်တဲ့အခါ အပူချိန်က ၁၀၀.၄ ဒီဂရီဖာရင်ဟိုက်ဆိုရင်တော့ ကလေးကဖျားနေပါပြီ။ကလေးကိုအပူချိန် ဘယ်လိုတိုင်းမလဲကလေးကို စအိုကနေအပူချိန်တိုင်းမယ်ဆိုရင်တော့ […]