ကလေးငယ်

ဘေဘီလေးတွေက မေမေတိုင်းအတွက်တော့ချစ်မဝတဲ့သူတွေပေါ့။ ဒီလိုချစ်မဝတဲ့ဘေဘီလေးတွေကို အစစအရာရာကျန်းမာနေစေချင်တဲ့ ဆန္ဒကလည်း မေမေတိုင်းမှာရှိနေမယ်ဆိုတာ ထွေထွေထူးထူးပြောနေဖို့တောင် မလိုပါဘူး။ အခုတစ်ခါပြောပြပေးမှာက ကိုယ့်ရဲ့ ရင်သွေးငယ်လေးတွေမှာ ဖြစ်တတ်တဲ့ အရေပြားပြဿနာတွေနဲ့ အဲဒီအရေပြားပြဿနာတွေများ ကြုံတွေ့ခဲ့ရမယ်ဆိုရင် ဘယ်လိုဖြေရှင်းကြမလဲဆိုတာကို ပြောပြပေးသွားမှာပါ။ ဘေဘီလေးတွေမှာဖြစ်နိုင်တဲ့ အရေပြားပြဿနာတွေက ဘာတွေများလဲ… နုနယ်လွန်းတဲ့ဘေဘီလေးတွေအနေနဲ့ အရေပြားကိုသေချာလေးဂရုစိုက်ဖို့လိုအပ်ပါမယ်။ အရေပြားကို သေချာဂရုမစိုက်ပေးမိတဲ့အခါ ထိခိုက်မိတာ - မေမေရဲ့လက်သည်း၊ အသုံးအဆောင်တွေနဲ့ ထိခိုက်မိနိုင်သလို ဘေဘီလေးကိုယ်တိုင် ကုတ်ခြစ်မိတာကြောင့် အသားမှာ ထိခိုက်တာမျိုးဖြစ်လာနိုင်ပါတယ်။ အသားအရေခြောက်သွေ့တာ - ရေချိုးတဲ့အခါ၊ အဝတ်လျှော်တဲ့အခါမှာ အသုံးပြုတဲ့ ဆပ်ပြာတွေမှာ ပါဝင်နေတဲ့ ဓာတုပစ္စည်းတွေကြောင့် အသားအရေခြောက်သွေ့နိုင်ပါတယ်။ ပိုးကောင်ကိုက်တာ - အခင်းတွေ၊ အဝတ်အစားအသုံးအဆောင်တွေမှာ ပိုးကောင်တွေကပ်နေရာကနေတဆင့် ဘေဘီလေး ကိုပိုးကောင်ကိုက်မိတာဖြစ်နိုင်ပါတယ်။ ပိုးကောင်ကိုက်တဲ့အခါ အရေပြားက နီရဲရောင်ရမ်းတာမျိုးဖြစ်နိုင်ပါတယ်။ နို့ပွေး - ပါးလေးတွေမှာ ဖြစ်တတ်တဲ့ အဖြူရောင်အကွက်လေးတွေပါ။ ပြဿနာကြီးကြီးမားမားမဟုတ်ဘူးလို့ ထင်ရပေမယ့် သေချာလေးဂရုစိုက်ပေးမှ နောက်ဆက်တွဲပြဿနာတွေ […]

အသားအရေလှပကျန်းမာဖို့ကလေဒီလေးတွေနဲ့ပဲ သက်ဆိုင်တယ်လို့ထင်လား။ မဟုတ်ပါဘူးနော်။ ဒီအချက်ကဘေဘီလေးတွေနဲ့ပါသက်ဆိုင်တာပါ။ တကယ်ကတော့ အရွယ်ပါးသုံးပါးစလုံးနဲ့သက်ဆိုင်တဲ့ ကိစ္စပါ။ အရေပြားကျန်းမာမှ ခန္ဓါကိုယ်ကလည်းကျန်းမာမှာပါ။ နူးညံ့တဲ့အရေပြားပိုင်ရှင်ဘေဘီလေးတွေကိုဆို ပိုပြီး ဂရုစိုက်ပေးဖို့လိုပါမယ်။ ဘေဘီလေးတွေမှာဖြစ်တတ်တဲ့အရေပြားပြဿနာတွေကဘာတွေလဲ....... နုနယ်လှတဲ့ဘေဘီလေးတွေရဲ့ အသားအရေက ထိခိုက်နိုင်ခြေတော်တော်လေးများပါတယ်။ဘေဘီလေးတွေမှာအဖြစ်များတဲ့အရေပြားပြဿနာတွေကတော့ အသားအရေခြောက်သွေ့ခြင်း နှင်းခူ (Atopic Dermatitis, Eczema စသဖြင့်) Diaper dermatitis ကုတ်ခြစ်ဒဏ်ရာ ပိုးကောင်ကိုက်တာ နို့ပွေး အင်ပျဉ် ဝဲ အရေပြားရောဂါဖြစ်စေတဲ့အရာတွေကဘာတွေဖြစ်မလဲ…… အရေပြားရောဂါရဲ့အစကအရေပြားခြောက်သွေ့တာပါ။ အရေပြားခြောက်သွေ့ခြင်းဟာ နှင်းခူတစ်မျိုးဖြစ်တဲ့ Atopic Dermatitis နဲ့ဆက်စပ်နေပါတယ် ဒါကြောင့်ဘေဘီလေးတွေကို အရေပြားခြောက်သွေ့မှုမဖြစ်အောင် သေချာလေးဂရုစိုက်ပေးဖို့လိုပါတယ်။ ဘေဘီလေးတွေမှာ အများဆုံးဖြစ်တဲ့ (Atopic Dermatitis ရောဂါနှင့် အရေပြားခြောက်သွေ့မှုရောဂါလက္ခဏာများ) အရေပြားခြောက်သွေ့မှုမှ စပြီးအရေပြားကိုနီမြန်းစေသလို ယားယံမှုကိုပါခံစားရစေနိုင်ပါတယ်။ ဒီ အရေပြားပြဿနာက အရွယ်မရွေးခံစားရနိုင်ပေမယ့်ဘေဘီလေးတွေမှာပိုအဖြစ်များကြပါတယ်။ ဒီအရေပြားပြဿနာကိုခံစားရသူတွေထဲက ၆၅ ရာခိုင်နှုန်းလောက်က အသက် ၁ နှစ်ကနေ ၂ နှစ်အရွယ်ရှိတဲ့ ကလေးတွေပါ။ ဒီအရေပြားပြဿနာက […]

ဘေဘီလေးက မတ်တတ်စမ်းပြီး မကြာခင်လမ်းလျှောက်တော့မယ်ထင်တယ်ဆိုရင် ဖေဖေမေမေတွေ စိတ်ထဲမှာတွေးနေမယ့်အကြောင်းက ဘာများဖြစ်မလဲ။ ငါ့သားလေးကိုတော့ဖြင့် ငါ့သမီးလေးကိုတော့ဖြင့် ဖိနပ်လှလှလေးဝယ်ပေးမယ်ဆိုတဲ့ စိတ်ကူးဖြစ်မှာပေါ့။ ဘေဘီလေး လမ်းမလျှောက်တတ်ခင်ကတည်းက ဖိနပ်တွေကို ကြိုကြည့်ထား ကြိုဝယ်ထားတဲ့ ဖေဖေမေမေတွေတောင်ရှိရင်ရှိနေမှာပါ။ ဒီတစ်ခေါက်တော့ လမ်းစလျှောက်မယ့် ဘေဘီလေးအတွက် အသင့်တော်ဆုံးဖြစ်မယ့် ဖိနပ်တစ်ရံကို ဘယ်လိုရွေးကြမလဲဆိုတာ ပြောပြပေးမယ်နော်။ ဘေဘီလေးကို ဘယ်အချိန်မှာ ဖိနပ်စဝတ်ပေးမလဲ...... ဖိနပ်ဆိုတဲ့အရာက လမ်းလျှောက်တတ်တဲ့အချိန်ရောက်မှလိုအပ်တာပါ။ ဘေဘီလေးကို ငယ်စဉ်မှာ ခြေအိတ်လောက်ပဲ စွတ်ပေးထားခဲ့ကြတာဖြစ်ပြီး လမ်းစလျှောက်မယ့်အချိန် မတ်တတ်စစမ်းချိန်မှ ဝတ်ပေးတာအသင့်တော်ဆုံးပါ။ ဘေဘီလေး အသက် ၁ နှစ်ခွဲလောက်ရောက်မှ ဖိနပ် စဆင်ပေးတာက အဆင်အပြေဆုံးဖြစ်မှာပါ။ ဒါပေမယ့် ဘေဘီလေးတစ်ယောက် နဲ့ တစ်ယောက်ရဲ့ ကြီးထွားဖွံ့ဖြိုးမှုပုံစံချင်းက မတူတော့ အတိအကျတော့ပြောဖို့ခက်ပါမယ်။ ဘေဘီလေး လမ်းစလျှောက်တတ်ချိန်မှာ ဖိနပ် စဆင်တာကတော့ အဆင်အပြေဆုံးဖြစ်မှာပါ။ ဘေဘီလေးအတွက် ဖိနပ်ရွေးချယ်မယ် လမ်းလျှောက်တတ်စ ကလေးတစ်ယောက်ကို ဖိနပ်ဝယ်ပေးရတာက […]

မေမေဖေဖေတို့ရဲ့ အကြီးမားဆုံးဆန္ဒတစ်ရပ်က သူတို့ရဲ့ အသက်တမျှချစ်ရတဲ့ ဘေဘီလေးကျန်းမာပျော်ရွှင်နေစေဖို့ပါ။ ကလေးတစ်ယောက်ကို ကျန်းမာအောင်စောင့်ရှောက်ဖို့ကလည်း လွယ်ကူတဲ့အလုပ်တစ်ခုတော့ မဟုတ်ပါဘူး။ အကြောင်းကတော့ နုနယ်လွန်းတဲ့ ဘေဘီလေးက ထိခိုက်နိုင်ခြေအရမ်းများလို့ပါ။ မေမေံဗိုက်ထဲမှ နေစဉ်တုန်းက သိပ်ပြဿနာမရှိပေမယ့် ပြင်ပရာသီဥတုနဲ့ ထိတွေ့တဲ့အချိန်မျာ ရာသီဥတုအခြေအနေကလည်း ဘေဘီလေးအပေါ်မှာ တော်တော်လေးသက်ရောက်မှုရှိပါတယ်။ ဒီတစ်ခေါက်တော့ ဆောင်းအေးအေးမှာ ချစ်ရတဲ့ ဘေဘီလေးကျန်းမာနေစေဖို့ မေမေတို့ဘက်က ဘာတွေဂရုစိုက်ပေးရမလဲဆိုတာတွေကို ပြောပြပေးမယ်နော်။ ဆောင်းအေးအေးမှာ ချစ်ရတဲ့ ဘေဘီလေး ကျန်းမာနေစေဖို့ ဘေဘီလေးဖျားနာ နေရင် မေမေဖေဖေတို့အရမ်းစိတ်ညစ်နေမယ်ဆိုတာပြောနေစရာတောင်မလိုပါဘူး။ ဒီတော့ ဆောင်းအအေးဒဏ်ကြောင့် ဘေဘီလေး မဖျားစေဖို့ဆိုရင် ဒီအချက်လေးတွေကို ဂရုစိုက်ဖို့လိုအပ်ပါမယ်။ ကာကွယ်ဆေးထိုးပါ - ကာကွယ်ခြင်းက ကုသခြင်းထက်ပိုထိရောက်ပါတယ်။ ဒါကြောင့် ဘေဘီလေးကို ၆ လပြည့်ပြီးပြီဆိုတာနဲ့ တုပ်ကွေးကာကွယ်ဆေးထိုးနှံပေးပါ။ ဆေးလိပ်ငွေ့မထိတွေ့မိပါစေနဲ့ - ဖွံ့ဖြိုးစ ကလေးတစ်ယောက်ကို ဆေးလိပ်ငွေ့ထိတွေ့စေမှုက တော်တော်လေး ပြင်းထန်တဲ့ ကျန်းမာရေးပြဿနာတွေကိုဖြစ်လာစေနိုင်ပါတယ်။ ဒါကြောင့် […]

ဘေဘီလေးတွေက နုနယ်လွန်းတဲ့အရွယ်ဆိုတာကို ပြောပြနေစရာမလိုအောင် လူတိုင်း သိထားပြီးဖြစ်မှာပါ။ နုနယ်တဲ့ဘေဘီလေးတွေက အထိအခိုက်ခံနိုင်စွမ်းကလည်း တော်တော်လေးနည်းကြပါတယ်။ ဒါကြောင့် ဘေဘီလေးကို ကျန်းမာပျော်ရွှင်စွာကြီးပြင်းစေချင်တယ်ဆိုရင် ကိုယ်ဝန်ဆောင်ထားချိန်မှာကတည်းက သတိထားရမယ့် အချက်လေးရှိပါတယ်။ ဒါကတော့ တဆင့်ခံဆေးလိပ်ငွေ့နဲ့ ထိတွေ့မှုမရှိအောင်နေတာပါပဲ။ တစ်ဆင့်ခံဆေးလိပ်ငွေ့ ဆိုတာဘာလဲ..... စီးကရက်ကို မီးညှိထားတာကြောင့်ထွက်လာတဲ့ အငွေ့နဲ့ ဆေးလိပ်သောက်သူက ရှုထုတ်လိုက်တဲ့ အငွေ့တွေပေါင်းစပ်ပြီး တဆင့်ခံဆေးလိပ်ငွေ့ဖြစ်လာရပါတယ်။ တဆင့်ခံဆေးလိပ်ငွေ့မှာ ဓါတုပစ္စည်းအမျိုးပေါင်း ၇၀၀၀ ကျော်ပါဝင်နေပြီး ဒီဓါတုပစ္စည်းတွေထဲက ရာပေါင်းများစွာက အဆိပ်အတောက်ဖြစ်စေနိုင်ပြီး အမျိုးပေါင်း ၇၀ လောက်က ကင်ဆာ ဖြစ်စေနိုင်ပါတယ်။ ဒီအငွေ့တွေဟာ လေထုထဲမှာ ၄ နာရီလောက်ထိရှိနေနိုင်ပြီး စက္ကန့်တိုင်း မိနစ်တိုင်းမှာ ကျန်းမာရေးကို ဒုက္ခပေးနေပါတယ်။ ကလေးတွေက အရွယ်ရောက်ပြီးသူတွေထက် တဆင့်ခံဆေးလိပ်ငွေ့ဒဏ်ကို ပိုခံစားရတယ်ဆိုတာ သိရဲ့လား......... ကလေးတွေက အရွယ်ရောက်ပြီးသူတွေထက်တဆင့်ခံဆေးလိပ်ငွေ့ဒဏ်ကို ပိုခံစားကြရပါတယ်။ အကြောင်းကတော့ ကလေးတွေက အရွယ်ရောက်ပြီးသူတွေထက် အသက်ရှုနှုန်း ပိုမြန်တာကြောင့် […]

နို့တိုက်နေရတဲ့ မေမေတစ်ယောက်အနေနဲ့ အခြားသူတွေထက် အနေအထိုင်အစားအသောက်ဂရုစိုက်ဖို့လိုမယ်ဆိုတာ ထွေထွေထူးထူးပြောနေစရာမလိုအောင်ပါ။ ဒီတစ်ခေါက်တော့ နို့တိုက်မေမေတို့အနေနဲ့ ဘေဘီလေးရော မေမေကိုယ်တိုင်ပါ ကျန်းမာစေဖို့အတွက် မဖြစ်မနေ သတိထားသင့်တဲ့ အကြောင်းလေးတွေကို ပြောပြပေးပါရစေနော်။ နို့တိုက်မေမေတစ်ယောက် မဖြစ်မနေလိုက်နာသင့်တဲ့ ရွှေရောင်စည်းမျဉ်းတွေ မိခင်တစ်ယောက်ဖြစ်လာရင် စွန့်လွှတ်အနစ်နာခံရတာက အများကြီးပါ။ ကိုယ်ဝန်ဆောင်ချိန်ကနေစလို့ ဘေဘီလေး ၂ နှစ်လောက်အထိက မေမေတစ်ယောက်အဖို့ စားချင်တိုင်းမစားရတဲ့ ကာလပါပဲ။ ဒီကာလမှာ မေမေရဲ့ စားသောက်မှုပုံစံမှားယွင်းမှုက ကိုယ်တိုင်မှာရော ဘေဘီလေးမှာပါထိခိုက်နိုင်လို့ပါ။ ဒါကြောင့် နို့တိုက်နေရချိန်မှာ မေမေရော ဘေဘီလေးပါကျန်းမာဖို့ဆိုရင်တော့ ရွှေရောင်စည်းမျဉ်း (၁) - အာဟာရပြည့်ဝအောင်စားသုံးပါ ကိုယ်ဝန်ဆောင်ကာလထက် အစားအစာတွေကို ပိုဆင်ခြင်ရတာ နို့တိုက်မေမေအဖြစ် ဘေဘီလေးကိုပျိုးထောင်ရချိန်ပါ။ ဒီအချိန်မှာ ဘေဘီလေးကျန်းမာဖို့အတွက် တာဝန်အရှိဆုံးသူက မေမေဖြစ်နေတာကြောင့်ပါ။ ဒါကြောင့် ဘေဘီလေးကို စပြီးနို့ချိုတိုက်ရချိန်မှာ တစ်နေ့ကို စားနေကြထက် ကယ်လိုရီ ၅၀၀ လောက် ပိုစားသုံးပေးဖို့လိုပါမယ်။ ဒါကြောင့် တစ်နေ့တာမှာ […]

ထူးချွန်ထက်မြက်သူတစ်ယောက်အဖြစ်နဲ့ အရွယ်ရောက်လာဖို့ဆိုရင်ဘေဘီလေးကို ငယ်စဉ်ကတည်းက IQရော EQ ပါကောင်းအောင် ပျိုးထောင်ပေးဖို့ပါ။ ဒီလိုပြောလို့ ဒါတွေကိုပျိုးထောင်လို့ရလို့လားဆိုတော့ ရာနှုန်းပြည့်မဟုတ်ရင်တောင် ထက်ဝက်ကျော်လောက်အထိတော့ ပျိုးထောင်ပေးလို့ရပါတယ်။ ကလေးတစ်ယောက်ကို ငယ်စဉ်ကတည်းက စပြီးသေချာလေးပျိုးထောင်ပေးမှုက ကလေးအနာဂတ်အတွက်အကောင်းဆုံးထောက်ပံ့ပေးနိုင်မှာပါ။ ဒီတစ်ခေါက်တော့ဘေဘီလေးကို ပေါင်းသင်းဆက်ဆံရေးကောင်းသူတစ်ဦးအဖြစ် ကြီးပြင်းလာစေဖို့ ဘယ်လိုပျိုးထောင်ပေးရမလဲဆိုတာကိုပြောပြပေးပါရစေနော်။ ပေါင်းသင်းဆက်ဆံရေးကောင်းသူတစ်ယောက်ဖြစ်လာစေဖို့ ဘေဘီလေးကိုပေါင်းသင်းဆက်ဆံရေးကောင်းသူတစ်ဦးဖြစ်လာစေဖို့ဆိုရင် ဒီအချက်လေးတွေကို ငယ်စဉ်ကတည်းက ပျိုးထောင်ပေးထားဖို့လိုပါမယ်။ အမှီအခိုကင်းပါစေ ကလေးကို ငယ်စဉ်ကတည်းက သူ့ကိုယ်သူအားကိုးတတ်အောင်လေ့ကျင့်ပေးထားပါ။ ကလေးတစ်ယောက်အတွက် မသင့်တော်တဲ့ အနေအထားတွေကလွဲလို့ အချို့သောအခြေအနေတွေကို ကလေးကိုယ်တိုင်ဖြေရှင်းနိုင်စေဖို့လေ့ကျင့်ပေးထားပါ။ ကလေးကို လိုလေသေးမရှိလိုက်မလုပ်ပေးဘဲဘေးကနေ လိုအပ်တာလေးတွေကိုပြုပြင်ပေးရုံလောက်ပဲလုပ်ပေးပါ။ အမှီအခိုကင်းမှု ဆက်ဆံရေးကောင်းစေဖို့ အထောက်အပံ့ဖြစ်စေပါတယ်။ ကိုယ့်ကိုယ်ကိုယုံကြည်မှုရှိအောင်ပျိုးထောင်ပါ ကလေးကို ငယ်စဉ်ကတည်းက သူ့ကိုယ်သူ ယုံကြည်မှုရှိသူလေးတစ်ယောက်ဖြစ်အောင် ပျိုးထောင်ပေးပါ။ လှုပ်ရှားမှုတိုင်း ဆုံးဖြတ်ချက်တိုင်းကို သူ့စိတ်နဲ့သူလှုပ်ရှားတတ်စေဖို့လေ့ကျင့်ပေးထားပါ။ ဒါမှ ကလေးက အရွယ်ရောက်လာလေလေ ကိုယ့်ကိုကိုယ် ယုံကြည်မှုတိုးလာလေလေဖြစ်လာမှာပါ။ ကိုယ်ချင်းစာတတ်အောင်လေ့ကျင့်ပေးပါ ကလေးတွေ အထူးသဖြင့် တစ်ယောက်တည်းမွေးထားတဲ့ ကလေးတွေဟာ ငယ်စဉ်ကတည်းကမျှဝေပေးရမယ့်မောင်နှမ မရှိတာကြောင့် အခြားသူတွေအပေါ်မှာ ကိုယ်ချင်းစာပေးတတ်တဲ့စိတ် […]

ကြားဖူးကြတာရှိမှာပါ။ ကလေးမွေးပြီး နို့တိုက်လို့ရင် တားဆေးတွေ သောက်စရာမလိုဘူး။ ကိုယ်ဝန်တားပြီးသားဖြစ်တယ်ဆိုတဲ့ စကားလေးတွေ။ ဒါအမှန်ပဲလား။ နို့တိုက်ခြင်းက ဘာ့ကြောင့်ကိုယ်ဝန်ကိုတားပေးတာလဲ။ ရာသီစက်ဝန်းနဲ့ သန္ဓေအောင်နိုင်စွမ်းအပေါ် သက်ရောက်မှုရှိလို့လား။ ရာသီစက်ဝန်းအပေါ် ဘယ်လိုသက်ရောက်မှုရှိလို့လဲ ။ နို့တိုက်ခြင်းက ရာသီစက်ဝန်းကို နောက်ကျစေနိုင်တဲ့အာနိသင်ရှိပါတယ်။ ကလေးမွေးပြီးနို့တိုက်တဲ့အခါ ရာသီစက်ဝန်း ၉လအထိတောင် နောက်ကျတတ်ပါတယ်။ တစ်ချို့ဆို ကလေး တစ်နှစ်ပြည့်ပြီးတဲ့အထိတောင် ရာသီပြန်မလာတတ်တာမျိုးရှိသလို တချို့ကကျတော့လည်း ရာသီ မမှန်တာမျိုးတွေ ရှိတတ်ပါတ်ယ။ ဘာ့ကြောင့်လဲ ။ နို့တိုက်ခြင်းက ရာသီစက်ဝန်းကို ဘာကြောင့်နောက်ကျစေတာလဲ။ ဒါတွေအားလုံးရဲ့ တရားခံဆိုရင်တော့ ဟော်မုန်းအပြောင်းအလဲတွေကို အပြစ်တင်ရမှာပါပဲ။ မီးဖွားပြီးနောက်ပိုင်း ပြောင်းလဲလာတဲ့ ဟော်မုန်းနဲ့ နို့တိုက်ခြင်း ကိုယ်ဝန်ဆောင်တည်းက ပြောင်းလဲခဲ့တဲ့ ဟော်မုန်း တွေဟာ မီးဖွားပြီးနောက်ပိုင်း နို့တိုက်တဲ့အချိန်အထိပါ ဆက်ရှိနေမှာ ဖြစ်ပါတယ်။ အထူးသဖြင့် နို့များများထွက်အောင် လှုံ့ဆော်ပေးတဲ့ Prolactin ဟော်မုန်းက ရာသီစက်ဝန်း အပြောင်အလဲကို အဓိက ဖြစ်စေတယ်လို့ […]

မွေးကင်းစကလေး တစ်ယောက်ကို ပြုစုစောင့်ရှောက်ရတာ တကယ်ကို မလွယ်ကူပါဘူး။ အရိပ်တကြည့်ကြည့်နဲ့ ပြုစုစောင့်ရှောက်ရပြီး စကားမပြောတတ်သေးတဲ့ သူတို့အတွက် အမူအရာတွေက အသက်ပါပဲ။ ဒီထဲမှာ ကလေးငိုတဲ့ပုံ၊ ဝမ်းသွားဆီးသွားတဲ့ပုံတွေက အရေးကြီးတာပေါ့။ ဒါပေမယ့် ကိုယ့်ဘေဘီလေးက ဝမ်းပျက် နေတာလား ပုံမှန်ပဲလား ဆိုတာ မသဲကွဲတဲ့မေမေတို့ရှိပါတယ်။ ဒါ့ကြောင့် ဒီဆောင်းပါးထဲမှာ မွေးကင်းစကလေးတစ်ယောက်က ဘယ်လိုပုံစံမျိုးဝမ်းသွားလဲဆိုတာကို ပြောပြပေးမှာ ဖြစ်ပါတယ်။ မွေးကင်းစကလေးတစ်ယောက်က ဝမ်းဘယ်နှစ်ခါလောက် ပုံမှန်သွားတတ်လဲ။ မွေးကင်းစကလေးတွေအတွက် အနှီးတွေ ခဏခဏလျှော်ရ သေးခံ တွေ ခဏခဏလဲပေးရတာကို လူတိုင်းသိကြမှာပါ။ မွေးပြီးပြီးချင်းဆို ကလေးတစ်ယောက်က တစ်နေ့ကို ဝမ်း ၂ ကြိမ်လောက်ပဲ သွားတတ်ပေးမယ့် မွေးပြီး ၁ပတ်သားလောက်ဖြစ်လာတဲ့အခါမှာတော့ တစ်နေ့ကို ၅ ကြိမ်ကနေ ၁၀ ကြိမ်လောက် ဝမ်းသွားပါလိမ့်မယ်။ နို့တိုက်ပြီးတိုင်း ဝမ်းသွားတာမျိုးတွေလည်း ရှိတတ်ပါတယ်။ နောက်ပိုင်း […]

၁ နှစ်သား ၂ နှစ်သား ကလေးတွေမှာ ဝမ်းပျက် နေတယ်ဆိုရင်တော့ သိသာပါတယ်။ သူတို့က တစ်နေ့ကိုမှ တစ်ခေါက်လောက်ပဲ ဝမ်းသွားကြတာမလား။ ဒါပေမယ့် မွေးကင်းစကလေးတွေ ဝမ်းပျက်ချင်ပြီဆိုရင်တော့ ပြောရခက်ပါတယ်။ သူတို့က တစ်နေ့ကို အကြိမ်ရေ တော်တော်များများ ဝမ်းသွားကြတာမလား။ ဘယ်လိုခံစားနေရလဲဆိုတာ မပြောနိုင်သေးတာက တစ်ကြောင်း၊ ဝမ်းပျက်နေတာလား ပုံမှန်ပဲ သွားတာလား မသေချာကတစ်ကြောင်းနဲ့ မွေးကင်းစကလေးတွေ ဝမ်းလျှောနေတာကို အမှုမဲ့ အမှတ်မဲ့ ဖြစ်သွားတတ်ကြသလို ပုံမှန် သွားနေကျဝမ်းကို ဝမ်းလျှောတယ်ဆိုပြီး အစိုးရိမ်လွန်သွားတာမျိုးလည်း ဖြစ်တတ်ကြပါတယ်။ ဒါ့ကြောင့် ခုပြောပြမယ့် ဆောင်းပါးလေးကို မေမေတိုင်း ဖတ်ကြည့်ထားဖို့ လိုပါတယ်။ ပုံမှန် မွေးကင်းစကလေးတစ်ယောက်က တစ်နေ့ကို ဝမ်းဘယ်နှစ်ကြိမ်သွားသလဲ။ မွေးကင်းစ ကလေးတစ်ယောက် ပုံမှန်သွားတဲ့ ဝမ်းက တစ်နေ့ကို ၅ ကြိမ်ကနေ ၈ ကြိမ်လောက်တော့ရှိပါတယ်။ […]