ပျော်ရွှင်စရာကောင်းတဲ့ ဆက်ဆံရေး

ကဲ ခုဆို နွေရာသီ ရောက်ပြီ။ ကျောင်း ပိတ်ရက်တွေ၊ ရုံး ပိတ်ရက်တွေ၊ နှစ်သစ်ကူးအားလပ်ရက်တွေ တန်းစီပြီးလာပါတော့မယ်။ ပုံမှန်ကာလတွေမှာဆို ဒီအချိန်ဟာ ခရီးအများဆုံး သွားကြတဲ့ရာသီတွေထဲက တစ်ခုပေါ့။ ခုချိန်မှာ COVID-19 ကြောင့် ခရီးသွားလာဖို့ တချို့တွေက စိုးရိမ်နေကြပေမယ့် ပြည်တွင်းကို ဒီရောဂါဆိုး မရောက်သေးတာနဲ့ ရန်ကုန်လိုမြို့ပေါ်ဒေသတွေမှာ နေတာက ရောဂါကူးစက်နိုင်ချေပိုများတယ်လို့ ယုံကြည်နေကြသူတွေလည်း ရှိတတ်ပါတယ်။ သူတို့တွေကတော့ ခုလို ကာလမျိုးမှာ နယ်တွေမှာ စတေးရှောင်ပြီး အပန်းဖြေခရီးလေးတွေ ထွက်ဖို့ ပိုစဉ်းစားနေကြပါတယ်တဲ့။ တစ်ယောက်နဲ့ တစ်ယောက်တော့ တွေးပုံ မြင်ပုံခြင်း ဘယ်တူပါ့မလဲလေနော်။ ကောင်းပြီ။ ခရီးသွားမယ်လို့ တွေးထားတယ်ဆိုပါတော့။ ဘယ်လိုသွားကြမလဲ? ဘယ်သူတွေနဲ့သွားကြမလဲ? ဒီဆောင်းပါးမှာတော့ ကိုယ်ချစ်ခင်မြတ်နိုးရတဲ့ တစ်စုံတစ်ယောက်နဲ့ ခရီးသွားတာဟာ ဘယ်လောက်တောင် ကောင်းမွန်တဲ့ ကိစ္စလဲဆိုတာကို ပြောပြပေးသွားမှာပါ။ တချို့ကတော့ တွေးတတ်ကြပါတယ်။ ချစ်ရသူနဲ့ […]

ချစ်ရတဲ့ ကိုကိုတွေဆီက မမတို့ လိုချင်တဲ့ ဆန္ဒများ ယောကျ်ားတစ်ယောက် နဲ့ မိန်းမတစ်ယောက် ဘဝတစ်ခုတည်ဆောက်ကြပြီ၊ လက်တွဲကြပြီဆိုတဲ့ အခါမှာ တစ်ယောက်နဲ့ တစ်ယောက် အပြန်အလှန်နားလည်မှုတည်ဆောက်နိုင်ဖို့က အရေးကြီးပါတယ်။ တစ်ယောက်စိတ်ကို တစ်ယောက်နားလည်ပြီး အပြန်အလှန်လေးစားမှု ဖေးမမှုရှိမှာ ရေရှည်ခိုင်မြဲတဲ့ ချစ်ခရီးလမ်းတစ်ခုကို တည်ဆောက်နိုင်မှာမဟုတ်လား။ ဒါကြောင့်လည်း အမျိုးသားတွေ သူတို့ချစ်တဲ့အမျိုးသမီးတွေဆီကနေ ဘယ်လို အရာတွေ အလိုရှိသလဲဆိုတာကို ရေးခဲ့ဖူးပါတယ်။ ဒီတစ်ခါမှာတော့ အမျိုးသမီးတွေဘက်က ဆန္ဒနဲ့ ခံစားချက်ကို ရေးပါဦးမယ်။ ယေဘုယျအားဖြင့်တော့ အမျိုးသားတွေရဲ့ စိတ်ဆန္ဒနဲ့ အမျိုးသမီးတွေရဲ့ လိုအင်ဟာ ကွာခြားမှုမရှိဘူးလို့ ယူဆချင်စရာပါ။ ဒါပေမယ့် မတူညီတဲ့ လိင်ဖြစ်တည်မှုကြောင့် ကွဲပြားတဲ့ စိတ်ခံစားချက်မျိုးရှိတာကို နားလည်ထားဖို့ လိုအပ်ပါတယ်။ ဒါကြောင့် အသေးစိတ်လေ့လာတဲ့အခါမှာ ကွဲပြားမှုလေးတွေ ရှိလာတာကို မြင်ရမှာဖြစ်ပြီး ဒီအချက်တွေကို ဖြည့်ဆည်းပေးနိုင်မယ်ဆိုရင် စိတ်ကျေနပ်ပျော်ရွှင်ဖွယ်ရာ ချစ်သူဘဝကို တည်ဆောက်နိုင်ဖို့ […]

အောက်စီတိုစင် ဆိုတာဘာလဲ ချစ်သူရည်းစား စုံတွဲတွေမှာ ကြည်နူးရတဲ့အခိုက်အတန့်တွေရှိကြပါတယ်။ အဲ့ဒီလိုအခိုက်အတန့်တွေမှာခန္ဓာကိုယ်ကထွက်လာတဲ့ဟော်မုန်းတစ်မျိုးပါ။Relationshipတစ်ခုကိုလည်းခိုင်မြဲစေနိုင်တဲ့ကြိုးတစ်ချောင်းလို့ပြောရင်လည်းမမှားပါဘူး။ အချစ်ဟော်မုန်းဟာ ယုံကြည်မှုတွေ၊ခံစားမျှဝေနိုင်စွမ်းတွေ ကောင်းမွန်တဲ့အမှတ်တရလေးတွေအပြင် သစ္စာတရားကိုပါဖန်တီးပေးနိုင်ပါတယ်။ အောက်စီတိုစင် ကိုတိတိကျကျပြောရမယ်ဆိုရင် မျိုးပွားခြင်းမှာအလွန်အရေးကြီးတဲ့အခန်းကဏ္ဍကပါဝင်တဲ့ဟော်မုန်းပါ။ ဒါ့အပြင်အောက်စီတိုစင်ဟော်မုန်းကြောင့်အမျိုးသမီးတွေဟာကလေးမွေးဖွားတဲ့အချိန်မှာလွယ်လွယ်ကူကူမွေးဖွားနိုင်ပါတယ်။အမျိုးသားတွေရဲ့သုက်ကောင်ရွှေ့လျားမှုကိုကူညီပေးပါတယ်။ အောက်စီတိုစင် ကသဘာဝအတိုင်းထွက်သလား ဦးနှောက်မှာရှိတဲ့ ဟိုက်ပိုသဲလမတ်စ်(Hypothalamus) ဆိုတဲ့အစိတ်အပိုင်းကနေထုတ်လုပ်ပြီးတော့ ပစ်ကျူထရီ (Pituitary) ဂလင်းကနေစစ်ထုတ်ပေးပါတယ်။ဒါကြောင့်ခန္ဓာကိုယ်ကနေသဘာဝအတိုင်းထွက်နိုင်တဲ့ဟော်မုန်းပါ။ အောက်စီတိုစင်ဟော်မုန်းကြောင့်စိတ်ဖိစီးမှုဖြစ်စေနိုင်လား မဖြစ်စေနိုင်ပါဘူး။ စိတ်ဖိစီးမှုကိုလျှော့တောင်လျှော့ချပေးနိုင်ပါတယ်။ ဥပမာပြောရမယ်ဆိုရင် ရန်ဖြစ်နေတဲ့စုံတွဲတစ်တွဲဟာ အချစ်ဟော်မုန်းကြောင့်မြန်မြန်ပြန်ပြေလည်သွားနိုင်ပါတယ်။ အောက်စီတိုစင်ဟော်မုန်းဟာမိခင်တစ်ယောက်အပေါ်ကိုဘယ်လိုသက်ရောက်နိုင်လဲ မိခင်တစ်ယောက်ကိုအလွန်အကျိုးပြုပါတယ်။ ကလေမွေးဖွားတဲ့အချိန်မှာဆိုရင် အောက်စီတိုစင်ဟာသားအိမ်ညှစ်အားကောင်းအောင်အကူအညီပေးပါတယ်။တခြားတခြားလိုအပ်တဲ့ဟော်မုန်းတွေထွက်လာအောင်အားပေးတယ်။မွေးပြီးမိခင်တွေကိုတော့ သားအိမ်ပုံမှန် အရွယ်အစားရောက်အောင်ကူညီပေးပါတယ်။ ကလေးနို့တိုက်ချိန်မှာဆိုရင်တော့ ကလေးအတွက်လုံလောက်တဲ့နို့ရည်ပမာဏရရှိဖို့ အောက်စီတိုစင်ကအပြည့်အဝတာဝန်ယူပေးမှာပါ။ သုတေသနပညာရှင်တွေရဲ့လေ့လာတွေ့ရှိချက်တွေအရအောက်စီတိုစင်ဟော်မုန်းများများထွက်တဲ့မိခင်တွေဟာကလေးတွေကိုပိုဂရုစိုက်တတ်ကြပါတယ်။သူတို့ရဲ့ ကလေးလေးကိုအရိပ်တကြည့်ကြည့်နဲ့ဂရုစိုက်တတ်ကြတယ်။ ကြင်ကြင်နာနာနဲ့ထိတွေ့တာမျိုး၊ရေချိုးပေးတာမျိုး၊တီတီတာတာစကားပြောပေးတာမျိုး၊သီချင်းဆိုသိပ်တာမျိုး အစရှိတဲ့ ချစ်စဖွယ်အမူအရာလေးတွေပြုလုပ်ပေးတတ်ကြပါတယ်။ ဒါကြောင့်အောက်စီတိုစင်ဟာမိခင်နဲ့ကလေးရဲ့ချစ်ခြင်းမေတ္တာကိုပိုမိုခိုင်မြဲစေပါတယ်။မိခင်အရင်းမှမဟုတ်ပါဘူး။မွေးစားမိခင်တွေ ကလေးထိန်းတွေမှာဆိုရင်လဲ အောက်စီတိုစင်ထွက်ပါတယ်။ ဖခင်တစ်ယောက်အပေါ်သက်ရောက်မှုကရောဘယ်လိုရှိမလဲ မိခင်တွေလိုပါပဲ ။ အောက်စီတိုစင် များများထွက်တဲ့ဖခင်တွေဟာကလေးတွေအပေါ်မှာပိုစိတ်ရှည်ပြီး ပိုပြီးနွေးနွေးထွေးထွေး ဆက်ဆံတတ်ကြပါတယ်။ အောက်စီတိုစင် ဟော်မုန်းကြောင့်ဘာလို့သစ္စာပိုရှိနိုင်တာလဲ အောက်စီတိုစင် ရဲ့လှုံ့ဆော်မှုကြောင့်အမျိုးသားတွေဟာကိုယ့်ရဲ့ ချစ်သူကလွဲပြီးတခြားအမျိုးသမီးတွေကိုစိတ်ဝင်စားမှုလျော့ကျသွားပါတယ်။အမျိုးသမီးတွေလည်းအလားတူပါပဲ။အချစ်ဟော်မုန်းကြောင့်သစ္စာတရားပိုမိုခိုင်မာလာမှာပါ။ အောက်စီတိုစင်ကိုဆေးဝါးအနေနဲ့အသုံးပြုနိုင်လား ကလေးမွေးတဲ့အချိန်သားအိမ်ညှစ်အားကောင်းအောင်ထိုးဆေးအနေနဲ့သုံးနိုင်ပါတယ်။ကလေးမေွးပြီး သို့မဟုတ် ကိုယ်ဝန်ပျက်ကျြပီး သေွးသွန်ခြင်းကို ကြိုတင်ကာကွယ်တဲ့အနေနဲ့လည်းသုံးကြပါတယ်။ကလေးမွေးအပြီး မိခင်တွေမှာကြုံတွေ့ရတတ်တဲ့စိတ်ဓာတ်ကျခြင်းကိုကာကွယ်နိုင်တယ်လို့သုတေသနတစ်ခုမှာဖော်ပြထားပါတယ်။၂၀၁၇ ခုနှစ်ကလေ့လာချက်တစ်ခုမှာဆိုရင်တော့ အောက်စီတိုစင်ဟော်မုန်းဟာအော်တစ်ဇင် (Autism) ကလေးတေွကိုကုသရာမှာအထောက်အကူဖြစ်စေတယ်လို့ဆိုထားပါတယ်။အရက်နဲ့မူးယစ်ဆေးဝါးသုံးစွဲမှုကြောင့်ဖြစ်တဲ့ရောဂါတွေကိုကုသရာမှာအကူအညီဖြစ်နိုင်မယ်လို့မေှျာ်လင့်ထားကြပါသေးတယ်။ဒါပေမယ့်သုတေသနပြုလေ့လာနေတုန်းရှိပါသေးတယ်။ ဘာလို့အောက်စီတိုစင်ဟော်မုန်းကို အချစ်ဟော်မုန်းလို့ခေါ်တာလဲ ချစ်ခင်နှစ်သက်သဘောကျမှုတစ်စုံတစ်ခုကိုခံစားရတဲ့အခါထွက်လာတဲ့ ဟော်မုန်းမို့ပါ။သင့်ချစ်သူကိုပွေ့ဖက်တဲ့အခါမှာသာမက ခွေးလေး ကြောင်လေးတွေကိုပွေ့ဖက်တဲ့ အခါမျိုးမှာတောင် အချစ်ဟော်မုန်းထွက်ပါတယ်။ ဒီတော့ သင့်ချစ်သူနဲ့အချိန်များများကုန်ဆုံးလေ အောက်စီတိုစင်ထွက်လေလေဖြစ်ပြီးတော့၊ အောက်စီတိုစင်ထွက်လေလေ […]

သူများရဲ့ Wedding ပွဲလေးတွေ ကြည့်ပြီးအားကျနေပြီလား။ ငါ့ပွဲကျရင် ဘယ်လိုခမ်းနားရမယ်၊ ရိုရမယ်၊ လှရမယ်နဲ့ စိတ်ကူးလေးတွေယဉ်ဖူးလား။ အမြဲတမ်းသာယာပြီး ရိုမန့်တစ် ဆန်တာက ဒရမ်မာကားတွေထဲမှာပဲ ရှိပါတယ်နော်။ RS ဘဝကို အဆုံးသတ်ဖို့ လက်တွေ့ကျကျစဉ်းစားကြည့်ရအောင်။ မင်္ဂလာပွဲလှတာ၊ ခမ်းနားတာ၊ ရိုမန့်တစ် တာထက် အရေးကြီးတဲ့ အချက်တွေအများကြီးရှိနေတာ မေ့မထားသင့်ပါဘူး။ လက်ထပ်ဖို့ စဉ်းစားနေပြီဆိုရင် အရေးကြီးဆုံးက လက်တွဲကြမယ့်သူနှစ်ယောက်က အဓိကပါပဲ။ အကြီးအကျယ်လက်ထပ်ပွဲ ကျင်းပပြီး ဟိုးလေးတကျော်လမ်းခွဲကြတာလည်း မြင်တွေ့ဖူးကြမယ်ထင်ပါတယ်။ နှစ်ယောက်ကြားက ကြိုးကို ခိုင်မာမှုရှိအောင် တည်ဆောက်ပြီးမှသာ ချည်နှောင်ကြဖို့ သတိပေးလိုက်ချင်ပါတယ်။ ဒီအချက်တွေကို အရင်စဉ်းစားကြည့်ပါ - (၁) သေချာပြီလား ရင့်ကျက်တဲ့အရွယ်ရောက်နေပြီဖြစ်လို့ လက်ထပ်ဖို့စဉ်းစားနေပြီဆိုရင် ကိုယ့်စိတ်ကိုအရင်သိအောင် လုပ်ပါ။ ဒီလူနဲ့ တစ်သက်လုံးအတူအသက်ကြီးသွားဖို့ သေချာပြီလား၊ အဆိုးအကောင်းတွေ အတူခံယူဖို့ အဆင်သင့်ဖြစ်ပြီလား။ (၂) ယုံကြည်ရပြီလား နှစ်ယောက်ကြားကဆက်ဆံရေးမှာ စိတ်ရင်းနဲ့ရိုးသားကြရဲ့လား၊ ကိုယ့်မှာရှိတဲ့ချို့ယွင်းချက်တွေကို အပြန်အလှန်ပွင့်လင်းကြရဲ့လား။ […]

ချစ်သူဆီကနေ အမျိုးသားတွေ အလိုရှိတဲ့ ရိုးရှင်းတဲ့ ဆန္ဒ ၁၀ ခု ယောင်္ကျားတစ်ယောက်ဟာ ကိုယ်ချစ်မြတ်နိုးရတဲ့ မိန်းမတစ်ယောက်ဆီကနေ ဘယ်လိုအရာမျိုးတွေ လိုချင်မလဲ။ ချစ်သူရည်းစား၊ လက်တွဲဖော်၊ အိမ်ထောင်ဖက် အမျိုးသမီးအားလုံးက ဒီအချက်ကို သိချင်နေကြမယ်ထင်ပါတယ်။ လိင်လား၊ အားပေးမှုလား၊ ငွေကြေးလား၊ ဂရုစိုက်မှုလား၊ ကြင်နာယုယမှုလား၊ လိုအပ်ချက်တွေကို ဖြည့်ဆည်းပေးစေချင်တာလား။ ယောင်္ကျားတွေ ဘာလိုချင်နေကြတာလဲ … တစ်ချို့အမျိုးသမီးတွေကထင်တတ်ကြတယ်။ ယောင်္ကျားတွေဟာ လိင်ကိစ္စ၊ ငွေကြေး၊ ဂရုစိုက်မှုစတာတွေ လိုချင်ကြမယ်လို့ပေါ့။ ခုပြောပြမယ့် အချက်တွေနဲ့ နှိုင်းယှဉ်ကြည့်ပါ။ တစ်စိတ်တစ်ပိုင်းပဲမှန်တယ်ဆိုတာကို မြင်ရပါလိမ့်မယ်။ သူတို့ အလိုရှိတဲ့အရာတစ်ချို့ဟာ မိန်းကလေးတွေအတွက် အံ့အားသင့်စရာတောင် ကောင်းနေပါလိမ့်ဦးမယ်။ ဒါပေမယ့် သူတို့လည်း လူသားတွေဖြစ်တယ်ဆိုပြီး ဖြည့်တွေးပေးလိုက်ပါနော်။ ချစ်သူဆီကနေ အမျိုးသားတွေ အလိုရှိတဲ့ ရိုးရှင်းတဲ့ ဆန္ဒ ၁၀ ခု ကဲ အမျိုးသားတွေဟာ သူတို့ချစ်ခင်ရတဲ့ အမျိုးသမီးတွေဆီက […]

လမ်းခွဲတယ်ဆိုတာ ဘယ်တုန်းကမှ ပျော်ရွှင်စရာကိစ္စတစ်ခုမဟုတ်ခဲ့ပါဘူး။ အမျိုးသားပဲဖြစ်ဖြစ် အမျိုးသမီးပဲဖြစ်ဖြစ် လမ်းခွဲချိန်မှာ ကြေကွဲဝမ်းနည်းမှုတွေ၊ နာကျင်ခံစားရမှုတွေကို ရင်ဆိုင်ကြရစမြဲပါပဲ။ မျက်ရည်တွေ၊ ဒေါသအမျက်တွေ၊ လွမ်းဆွတ် တမ်းတမှုတွေ၊ စိတ်ရှုပ်ထွေးစရာညတွေ၊ စိတ်လိုက်မာန်ပါ အလွန်အကျူးစားသောက်မှုတွေဟာ Relationship တစ်ခု အဆုံးသတ်သွားချိန်မှာ ကြုံရတတ်တာမျိုးတွေပါ။ ဒီလိုအချိန်မျိုးမှာ အမျိုးသားဘက်ကဖြစ်စေ အမျိုးသမီးဘက်ကဖြစ်စေ ဘယ်သူပိုခံစားရသလဲဆိုတဲ့ အတွေးမျိုးဝင်လာလေ့ရှိပါတယ်။ ပတ်ဝန်းကျင်ကလည်း ဒီလိုမေးခွန်းမျိုးကို သိပ်စိတ်ဝင်စားတတ်ကြပါတယ်။ လူနှစ်ယောက်ရဲ့ ချစ်ဇာတ်လမ်းတစ်ခု အဆုံးသတ်သွားချိန်မှာ ဘယ်သူပိုခံစားရလဲဆိုတဲ့ မေးခွန်းဟာ အရေးပါလို့လား။ ဒါပေမယ့်လည်း ကာယကံရှင်တွေကိုယ်တိုင်သာမက အနီးဝန်းကျင်ကလူတိုင်းက ဒီမေးခွန်းအပေါ် စိတ်ဝင်စားနေကြဆဲပါ။ လုံးဝ လမ်းခွဲပြတ်စဲလိုက်ကြတာလား? ဒါမှမဟုတ်သူငယ်ချင်းတွေအဖြစ် ဆက်ရှိနေကြဦးမှာလားဆိုတာမျိုးကလည်း လူတိုင်း သိချင်ကြတဲ့ မေးခွန်းမျိုးတွေလိုပါပဲ။ တကယ်တော့ ဆက်ဆံရေးတစ်ခု ပြတ်တောက်သွားတဲ့အခါမျိုးမှာ နှစ်ဦးစလုံး ပြင်းပြင်းထန်ထန် ခံစားရတတ်ပါတယ်။ ဘယ်သူက စတင်လမ်းခွဲသည်ဖြစ်စေပေါ့။ ဒါပေမယ့် ထူးခြားတာကတော့ အမျိုးသားတွေနဲ့ အမျိုးသမီးတွေအကြား […]

လူတိုင်းကဖော်ရွေရင်းနှီးသူတွေပဲတော့မဟုတ်ပါဘူး။ လူအမျိုးမျိုးစိတ်အထွေထွေဆိုသလိုမျိုးပေါ့။ လူတွေမှာဖော်ရွေတတ်သူတွေရှိသလို လူတွေနဲ့ သိပ်ရင်းရင်းနှီးနှီးမနေကြသူတွေလည်းရှိပါတယ်။ ဒီတစ်ခေါက်တော့ လူတွေနဲ့ ရင်းနှီးဖော်ရွေစွာ ဆက်ဆံတတ်သူလေးတွေပဲရရှိနိုင်မယ့် အကျိုးကျေးဇူးလေးတွေအကြောင်းပြောပြပေးချင်ပါတယ်။ လူတိုင်းကို ဖော်ရွေရင်းနှီးစွာ ဆက်ဆံတတ်ခြင်းကနေရရှိမယ့် အကျိုးကျေးဇူးတွေက ဘာတွေဖြစ်မလဲ.......... လူတိုင်းကိုဖော်ရွေရင်းနှီးစွာဆက်ဆံတတ်မှုကလည်းကောင်းမွန်တဲ့ ကိုယ်ရည်ကိုယ်သွေးတစ်ခုပါ။ ဒီလိုပြောရတဲ့အကြောင်းက လူတိုင်းမှာ လူတွေကို ဖော်ရွေရင်းနှီးစွာဆက်ဆံတတ်တဲ့အရည်အသွေးမရှိပါဘူး။ အလွယ်တကူပြောရရင်တော့ ပေါင်းသင်းဆက်ဆံရေးကောင်းသူတွေပေါ့။ ဒီလိုမျိုးဖော်ရွေရင်းနှီးစွာ ဆက်ဆံတတ်မှုကြောင့် လူမှုဆက်ဆံရေးမှာ အလေ့အထကောင်းကိုပျိုးထောင်နိုင်လိမ့်မယ် တစ်ခါတစ်လေ စိတ်အနှောင့်အယှက်ဖြစ်စရာ ကြုံတဲ့အခါမျိုးဆိုရင် လူတိုင်းက ရိုင်းစိုင်းလိုက်တာ၊ ဆက်ဆံရခက်လိုက်တာလို့ ခံစားမိနိုင်ပါတယ်။ ဒါပေမယ့် လူတိုင်းကတော့ အဆိုးမြင်သမားကြီးပဲမဟုတ်ပါဘူး။ သူတို့မှာလည်း သူတို့ကြုံတွေ့ခဲ့ရတဲ့ အခက်အခဲတွေရှိနေတာကြောင့်ဖြစ်နိုင်ပါတယ်။ ဒီကွင်းဆက်ကို အဆုံးသတ်ဖို့ဆိုရင် ကိုယ့်ဘက်ကဖော်ရွေရင်းနှီးစွာနဲ့ ဆက်ဆံလိုက်ပါ။ ဒီလိုဆက်ဆံမှုကြောင့် သူဘက်ကဆက်ဆံရေးကလည်းကောင်းလာပါလိမ့်မယ်။ ဒီတော့ ကိုယ်တိုင်မှာရော သူများမှာပါကောင်းမွန်စွာဆက်ဆံတတ်တဲ့ လူမှုဆက်ဆံရေး အလေ့အထတစ်ရပ်ကို ပျိုးထောင်ပေးပြီးသားဖြစ်သွားပါလိမ့်မယ်။ နေ့ရက်တိုင်းမှာပျော်ရွှင်ရမယ် ဖော်ရွေရင်းနှီးစွာ ဆက်ဆံတတ်တဲ့အလေ့အထက အခြားသူတွေကိုတင်ပျော်ရွှင်မှုပေးနိုင်တာမဟုတ်ဘဲ ကိုယ်တိုင်မှာလည်းပျော်ရွှင်မှုကို ခံစားရစေနိုင်ပါတယ်။ အပြန်အလှန်ဂရုစိုက်ပေးမှုရှိနေတဲ့ […]

ခုလို ပိတ်ရက်တွေများ၊ ရာသီဥတုတွေအေးနေတဲ့ချိန်ဆို အတွဲရှိတဲ့သူတွေက နင်တို့မှာ ချမ်းရင် ဖက်ထားစရာလူရှိလား၊ ပွဲဈေးတွေ၊ ပျော်ပွဲရွှင်ပွဲတွေကို လက်ချိတ်ပြီး ကြည်ကြည်နူးနူးလျှောက်လည် ရမယ့်သူရှိလားဆိုပြီး ခနဲ့တဲ့တဲ့ စကားသံတွေကို ဆင်ဂယ်လ် ဖြစ်နေတဲ့သူတွေ သည်းခံနေကြရပြီလား။ ကဲ ဒါဆိုရင်တော့ ဒီဆောင်ပါးလေးမှာတော့ အချစ်ရှိတာ၊ အတွဲရှိတာကောင်းတယ်ဆိုတဲ့သူတွေကို ပြန်လည်ချေပဖို့အတွက် ကျန်းမာရေး ကောင်းကျိုးလေးတွေကို ဖော်ပြလိုက်ပါတယ်။ ၁။ ကူညီအားပေးမယ့်သူ တစ်ပုံတစ်ပင်ရှိမယ်။ ရည်းစားရှိတဲ့သူတွေကိုဆိုရင် “သြော် သူ့ကို အားပေးမယ့်ရည်းစားရှိတာပဲ” ဆိုပြီး ထင်ကြပေမယ့် ဆင်ဂယ်လ်တွေအနေနဲ့ဆိုရင်တော့ တစ်ခုခုဖြစ်လာရင် ကိုယ့်ကို ကူညီမယ့်သူ အားပေးမယ့်သူ အများကြီးဖြစ်နေမှာအသေအချာပါပဲ။ ကိုယ်တိုင်ကလည်း သူငယ်ချင်းတွေ၊ မိသားစုတွေကို ပိုပြီး အချိန်ပေး ဂရုစိုက်ဖြစ်ပါတယ်။ ၂။ ငွေကြောင့် စိတ်ဖိစီးမှုနည်းမယ်။ ပြတ်တုန်း လတ်တုန်း နှစ်ဆယ်သုံးတွေဟာ ရည်းစားရှိတဲ့အချိန်မှာ ၁၅ ရက်နေ့လောက်တည်းက ပြတ်လတ်နေတာကို တွေ့ရပါလိမ့်မယ်။ အတွဲရှိနေရင် အပြင်သွား၊ မုန့်စား၊ […]

ကိုယ့်ရဲ့မျိုးဆက်သစ် သားသမီးတွေကို အဆင့်အတန်းမြင့်မြင့်ထားပေးနိုင်ဖို့နဲ့ မိသားစုသာယာပျော်ရွှင်နိုင်ဖို့ လူတိုင်းဆန္ဒရှိကြပါတယ်။ ဒါနဲ့ပဲ ဖေဖေမေမေက အလုပ်တွေဖိလုပ်၊ ကလေးတွေကို ကလေးထိန်းနဲ့ထား၊ ဒါမှမဟုတ် အဖိုးအဖွားတွေလက်မှာအပ်ထားတာမျိုးတွေ အများကြီးပါ။ မိဘကတော့ ဘဝအတွက်အချိန်မလပ် ကြိုးစားနေပေမယ့် သားသားမီးမီးတို့ ဒီအရွယ်မှာ လိုအပ်တာက ငွေနဲ့တင်မလုံလောက်ပါဘူး။ အလုပ်ကြိုးစားတာလည်း လုပ်ပါ၊ အဲဒီအထဲကမှ အချိန်ကို ရအောင်ဖဲ့ပြီး မိသားစုအတွက် အချိန်ပေးနိုင်မယ့် နည်းလမ်းလေးတွေ သိရမယ်ဆို ပိုအဆင်မပြေဘူးလား။ အထူးသဖြင့် အားလပ်ရက်လေးတွေမှာ အချိန်သိပ်မရရင်တောင် ဒီထဲက တစ်ချက်လောက်ဖြစ်ဖြစ်လုပ်ကြည့်ပါ။ ခရီးထွက်တာကလွဲလို့ အချိန်သိပ်မပေးရသလို ခက်ခဲတဲ့အရာတွေလည်း မဟုတ်တာမို့ ဖေဖေမေမေတို့ ကြိုးစားကြည့်ဖို့ တိုက်တွန်းလိုက်ပါတယ်။ (၁) အစီအစဉ်ဆွဲပါ ရေခဲသေတ္တာနားမှာ ဒါမှမဟုတ် မိသားစုဝင်အကုန်လုံးမြင်နိုင်တဲ့တစ်နေရာရာမှာ ပြက္ခဒိန်ကပ်ထားပေးပြီး နောက်တစ်ပတ်အတွက် ဘာအစီအစဉ်ရှိသလဲ ကြည့်ပါ။ ဗျာများနေရတဲ့ရက်တွေနဲ့ အလုပ်သိပ်မများတဲ့ ရက်တွေကို အချိန်ညှိပြီး သိပ်အရေးမကြီးတဲ့ကိစ္စတွေကို နောက်ရွှေ့သင့်ရွှေ့ပါ။ […]

ခုမှချစ်စခင်စအတွဲလေးတွေ ရုပ်ရှင်ကြည့်ဖို့ ဇာတ်ကားရွေးကြမယ်ဆိုပါစို့။ တစ်ယောက်အကြိုက်တစ်ယောက်ကလည်း မသိသေးတော့ ပေါ့ပေါ့ပါးပါး အချစ်ကားလေးတွေ၊ ဟာသကားလေးတွေရွေးလိုက်မယ်လို့တွေးနေရင်တော့ အဲဒီအတွေးကိုဖျောက်လိုက်ပါတော့။ လက်တလောမှ စဒိတ်တဲ့အတွဲတွေပဲဖြစ်ဖြစ်၊ နှစ်ရှည်လများတွဲလာပြီးတဲ့အတွဲလေးတွေပဲဖြစ်ဖြစ် ဘာကြောင့် သရဲကားကိုမှ ရွေးပြီးကြည့်သင့်တယ်ဆိုတာကို ဖော်ပြပေးထားပါတယ်နော်။ ၁။ တစ်ယောက်နဲ့ တစ်ယောက် နီးစပ်ဖို့ အခွင့်အရေးတွေရှိလာမယ်။ ဒါကတော့ စဒိတ်စ အတွဲလေးတွေအတွက်ပေါ့။ ယောကျာ်းလေးကလည်း မိန်းကလေးဘက်ကဘာထင်မလဲဆိုပြီး လက်ကလေးတောင်မကိုင်ရဲဖြစ်နေ၊ မိန်းကလေးကလည်း ရင်တွေခုန်ပြီး ရှက်နေတဲ့အချိန်မှာ သရဲက ဝုန်းဆိုထွက်လာရင် ကိုယ့်ဘာကိုယ်တောင် မသိလိုက်ဘဲ ဖက်လိုက်မိတာ၊ မှီလိုက်မိတာလေးတွေဖြစ်သွားနိုင်ပါတယ်။ ၂။ စိတ်ဖိစီးတာတွေလျော့စေတယ်။ သရဲကားတွေကပေးတဲ့ ပြင်းထန်တဲ့ကြောက်လန့်စိတ်တွေဖြစ်လာတဲ့ခါ ထွက်လာတဲ့ အဒရီနယ်လင်း (Adrenaline) ဟော်မုန်းဟာ စိတ်ဖိစီးမှုကိုလျှော့ချပေးပါတယ်။ ကြောက်လို့ စိတ်လွတ်လက်လွတ်အော်လိုက်တာတို့ဘာတို့ကလည်း စိတ်ဖိစီးတာတွေကိုပျောက်စေပါတယ်။ ၃။ တစ်ယောက် အပေါ် တစ်ယောက်အကြင်နာတွေပိုလာမယ်။ ကြောက်လန့်စိတ်ဖြစ်တဲ့အခါ ဦးနှောက်က ဒိုပါမင်း (dopamine) ဆိုတဲ့ ဟော်မုန်းလဲထွက်ပါတယ်။ ဒိုပါမင်းဟော်မုန်းကို သာယာမှုဖြစ်စေတဲ့ ဟော်မုန်းလို့ပြောကြပါတယ်။ […]