အကျင့်မရှိသေးသူများ အတွက်အစာအငတ်ခံခြင်း ဆိုင်ရာလမ်းညွှန်ချက်

လူတို့သည်ဘာသာရေးအရသော်လည်းကောင်း ၊ နေထိုင်ကောင်းမှုနှင့် မိမိခံယူချက်အရသော်လည်းကောင်း အစာမစားဘဲအငတ်နေခြင်းအကြောင်းရင်းများစွာရှိပါသည်။ သို့သော်လည်းလူနည်းစုသာမှန်ကန်သည့် နည်းလမ်းဖြင့်အစာအငတ်ခံခြင်းကိုသိနားလည်ကြသည်။ ဤဆောင်းပါးတွင် အစာမစားဘဲအငတ်နေခြင်းကိုအကျင့်မရှိသေးသူများအတွက် မှန်ကန်သောလမ်းညွှန်ချက်များပါဝင်ပါသည်။

ဘာကြောင့်အစားမစားဘဲနေသင့်သလဲ

အဓိကအကြောင်းရင်း (၂) ရပ်ရှိပါသည်။ ကျန်းမာရေးအရအစာမစားခြင်းနှင့် ကိုးကွယ်ယုံကြည်မှုနှင့်ဆိုင်သောအစားမစာခြင်းတို့ဖြစ်ပါသည်။

(၁) ကျန်းမာရေးအရအစားမစားဘဲနေခြင်း

ကိုယ်အလေးချိန်လျှော့ချရန်အစားမစားဘဲနေခြင်း၊

အချို့သောရောဂါရှာဖွေခြင်းများမပြုလုပ်မီ အစားမစားရဘဲနေခြင်း၊

အဆိပ်အတောက်များခန္ဓါကိုယ်မှ ဖယ်ထုတ်နိုင်ရန်အစားမစားဘဲနေခြင်း။

(၂) ကိုးကွယ်ယုံကြည်မှုနှင့်ဆိုင်သောအစားမစားဘဲနေခြင်း

လူတစ်ဦးချင်း၏ကိုးကွယ်ရာဘာသာအတိုင်းအလိုက် ထားရှိသောမူဝါဒအပေါ်မူတည်ပါသည်။

မည်သူတို့ကအစားမစားဘဲနေသင့်သနည်း

ကျန်းမာသောသူများသာအစားမစားဘဲနေသည့်အကျင့်ကိုကျင့်သုံးသင့်သည်။ ထိုသို့မပြုလုပ်မီသင်၏ဆရာဝန်နှင့်သေချာစွာဆွေးနွေးတိုင်ပင်ပါ။ အောက်ပါပုဂ္ဂိုလ်တို့သည် အစားမစားဘဲနေသည့်အကျင့်ပြုပါကသတိထားသင့်သည်။

အလွန်ပိန်သူများ ၊ အစားအလွန်စားခြင်း (သို့မဟုတ်) အစားအလွန်ရှောင်ခြင်းစသော စိတ်ပိုင်းဆိုင်ရာဝေဒနာရှိသူများ၊

သွေးအားနည်းရောဂါနှင့် ပင်ကိုယ်အားနည်းသူများ၊

အဖုအကျိတ်ရောဂါ ၊ အနာပေါက်ခြင်း ၊ သွေးရောဂါ နှင့် နှလုံးရောဂါရှိသူများ၊

ကျောက်ကပ် ၊ အသည်းနှင့် အဆုတ်ရောဂါရှိသူများ၊

ဆီးချိုရောဂါ နှင့် သွေးတွင်းသကြားဓါတ်မငြိမ်သက်သူများ၊

ကိုယ်ဝန်ဆောင်နှင့် နို့တိုက်မိခင်များ။

အစားမစားဘဲနေထိုင်ရန်နည်းလမ်း

သင့်ဆရာဝန်နှင့်အရင်တိုင်ပင်ပါ

အစားမစားဘဲနေခြင်းမပြုမီသင့်ဆရာဝန်နှင့်အရင်တိုင်ပင်ပါ။ သင်၏အစားအစာအသစ်သည် သင့်ကျန်းမာရေးအတွက်သင့်တော်၍ ခန္ဓါကိုယ်ကအန္တရာယ်မရှိဘဲသုံးစွဲနိုင်မည်ကိုအကြံပြုပေးလိမ့်မည်။

အစားနည်းနည်းနှင့်စတင်ပါ

အကျင့်မရှိသေးသူများသည် အစားစားမှုပုံစံအသစ်ကိုအကျင့်ဖြစ်ရန်အချိန်ယူရသည်။ တစ်နေ့လျှင် ၁ နာရီခန့်အစားမစားဘဲနေကြည့်ပါ။ အစားအစာကိုသေချာစွာရွေးချယ်ပါ။ သင်နှစ်သက်သည့်အစားအစာနှင့်စတင်ပါ။ အစားအစာအသစ်ကိုသင့်ခန္ဓါကိုယ်ကအသားကျသွားပြီဆိုလျှင် သင့်အနေဖြင့် အသီးအနှံနှင့် ဟင်းသီးဟင်းရွက်များကိုစားကြည့်ပါ။ အသား ၊ ငါးကိုရှောင်ပါ။ ထို့ပြင် အချိုတည်းသော ဝိုင် ၊ ကော်ဖီနှင့် ဆေးလိပ်တို့ကိုရှောင်နိုင်အောင်ကြိုးစားပါ။

ကော်ဖီနှင့် ဆေးလိပ် တို့ကိုမသောက်သုံးရသဖြင့် ခေါင်းကိုက်ခြင်းကဲ့သို့ဝေဒနာအမျိုးအစား ခံစားရနိုင်သော်လည်း စိတ်မပူပါနှင့်။ သင့်အစားအစာပုံစံကိုသာစွဲမြဲနေပါစေ။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။