အခြေခံကျသည့် ကျန်းမာရေးဗဟုသုတများ

သင့်ဆံပင်အရောင်ကို မယ်လနင်လို့ခေါ်တဲ့ ရောင်ခြယ်ပစ္စည်းတစ်မျိုးက ဖန်တီးပေးတာဖြစ်ပြီး ဒီပစ္စည်းကို ဆံပင်အမြစ်ပိုင်းမှာရှိတဲ့ မယ်လနိုဆိုက်ခေါ် ဆဲလ်လေးတွေက ထုတ်လုပ်တာဖြစ်ပါတယ်။ လူတစ်ယောက်ရဲ့ ဆံပင်အရောင်ဟာ အဲဒီလူရဲ့ကိုယ်ရည်ကိုယ်သွေးနဲ့ ပတ်သက်ပြီး တစ်ခုခုပြောပြနိုင်လိမ့်မယ်လို့ လက်ခံယုံကြည်သူတွေ အများကြီးရှိပါတယ်။   အနီရောင်ဆံပင် ခရိုမိုဆုမ်းအမှတ် ၁၆မှာ သန္ဓေပြောင်းမျိုးဗီဇတစ်ခု ရှိနေတဲ့ အနီရောင်ဆံကေသာပိုင်ရှင်တွေဟာ အခြားသူတွေအမြင်မှာ အမြဲလိုလို စွဲမက်ဖွယ်ကောင်းနေတာကို တွေ့ရမှာပဲဖြစ်ပါတယ်။ ဥရောပတိုက်သားတွေဟာ အနီရောင်ဆံကေသာကို တန်ဖိုးထားမြတ်နိုးကြသလို စကော့တလန်နဲ့ အင်္ဂလန်နိုင်ငံ လူဦးရေရဲ့ ၁၀ရာခိုင်နှုန်းခန့်ဟာ ဆံပင်အနီရောင်ရှိသူတွေ ဖြစ်ပါတယ်။ ပါကစ္စတန်နိုင်ငံနဲ့ အာရှဒေသ အချို့နေရာတွေမှာလည်း ရှားရှားပါးပါးဆိုသလို အနီရောင်ကေသာပိုင်ရှင်တွေ တွေ့ရတတ်ပါတယ်။ ဒါပေမယ့် ယူကေနိုင်ငံမှာတော့ ဆံပင်အနီကို တန်ဖိုးထားစရာအဖြစ် မသတ်မှတ်ကြပါဘူး။ ဘာကြောင့်လည်းဆိုတော့ အနီရောင်ဆံပင်ကို ရမယ်ရှာပြီး အနိုင်ကျင့်ခံရ၊ စနောက်ခံရတာမျိုးတွေ ကြုံကြရလို့ ဖြစ်ပါတယ်။ ဂျာမနီနိုင်ငံမှာလည်း ထိုနည်းလည်းကောင်းပါပဲ။ နှစ်ကာလတော်တော်ကြာတဲ့အထိ အနီရောင်ဆံပင်ကို မကောင်းဆိုးဝါးရဲ့ […]

လွဲမှားနေသော ကျန်းမာရေးအယူအဆများ အယူတိမ်းရင် နတ်စိမ်းဖြစ်တယ်လို့ စာချိုးလေးကြားဖူးပါတယ်။ တခြားကိစ္စတွေမှာ မပြောတတ်ပေမယ့် ကျန်းမာရေးကိစ္စတွေနဲ့ ပတ်သက်လာရင်တော့ အယူအဆလွဲမှားခြင်းဟာ အနှေးနဲ့အမြန် နတ်စိမ်းဘဝကို ပို့ဆောင်ပေးနိုင်တဲ့ အရေးကြီးပြဿနာတွေ ဖြစ်ပါတယ်။ ဒီခေတ်မှာ အင်တာနက် ပိုမိုတွင်ကျယ်လာတာနဲ့အမျှ (ခေတ်စကားနဲ့ ပြောရရင် တရာဖိုး သုံးပုဒ်တန်တွေက) အွန်လိုင်းပေါ်မှာ ဗွက်ပေါက်သလို ပေါက်လာပြီး တချို့သော အရေးအသားတွေဟာ ပညာရှင်ရှုထောင့်က ကြည့်ရင် လွဲချော်နေတာမို့ စာဖတ်သူတွေ အမှတ်မမှား၊အယူအဆမလွဲရလေအောင် စုဆောင်းမျှဝေပေးလိုက်ပါတယ်။   ၁။ တနေ့ကို ရေရှစ်ခွက်တိတိသောက်ပါ။ တနေ့တနေ့ ရေဘယ်လောက်သောက်တယ်ရယ်လို့တော့ တာလီချိုးပြီး မှတ်ထားစရာမလိုပါဘူး။ ရေဆာတဲ့အချိန်တိုင်း၊သင့်ခန္ဓါကိုယ်က တောင့်တတဲ့အချိန်တိုင်း မပျက်မကွက်သောက်ပေးရုံနဲ့ ရေဓါတ်ကို လုံလုံလောက်လောက် ဖြည့်ဆည်းပေးနိုင်ပါတယ်။ စွပ်ပြုတ်ရည်တွေ၊ဟင်းသီးဟင်းရွက်တွေနဲ့ အရည်ရွှမ်းတဲ့ သစ်သီးတွေဟာလည်း ရေဓါတ်ပေးစွမ်းနိုင်ပါသေးတယ်။ ဒါပေမယ့် သင့်ဆီးရောင်က ဝါကျင့်ကျင့်ဖြစ်နေတယ်၊ဆီးသွားနည်းတယ်၊ချွေးအထွက်များတဲ့ အလုပ်တွေကို လုပ်နေရတယ်၊ပူအိုက်တဲ့ ရာသီဥတုမှာနေထိုင်တယ်ဆိုရင်တော့ ရေများများပိုသောက်ပေးဖို့ လိုပါလိမ့်မယ်။ […]

အကြောဆေး သွင်းကြဦးမလား ရပ်ကွက်ထဲက၊ရွာထဲက၊လမ်းထဲက ဆေးခန်းတွေမှာ ခေတ်စားတဲ့ အသုံးအနှုန်းတခု ရှိပါတယ်။ ကျွန်တော့်ကို/ကျွန်မကို အကြောဆေးလေးသွင်းပေးပါ၊ပုလင်းချိတ်ပေးပါ၊ဆေးရောင်စုံလေး လွှတ်ပေးပါတဲ့။ ဒါတွေဟာ လူနာပဲဖြစ်ဖြစ်၊ဆရာဝန်ပဲဖြစ်ဖြစ် ရင်းနှီးပြီးသား စကားတွေပါ။ တချို့ဆိုရင် အကြောဆေးလေးများ တလတခါလောက်မှ မ'လွှတ်'လိုက်ရရင် (မသွင်းလိုက်ရရင်) နေမထိထိုင်မသာဖြစ်ပြီး လက်က ကပ်သလိုလို၊ဇက်ကြောက တက်သလိုလို ဖြစ်လာတတ်တယ်လို့လည်း ဆိုပါသေးတယ်။ ဒီအကြောဆေးဆိုတာ ဘာလဲ၊ဘာတွေ ကောင်းကျိုးဆိုးပြစ်ရှိသလဲ၊ဘာလို့ ထိုးကြတာလဲ၊တကယ်ရော ထိုးဖို့ လိုအပ်ရဲ့လား အစရှိတဲ့ မေးခွန်းတွေရဲ့အဖြေကို ဒီဆောင်းပါးလေးမှာ လေ့လာကြည့်ကြပါစို့။   အကြောဆေးဆိုတာ ဘာလဲ။ ဆေးခန်းတွေမှာ ဆေးထိုးတဲ့အခါ အသားဆေးနဲ့ အကြောဆေးဆိုပြီး ယေဘုယျအားဖြင့် နှစ်မျိုးရှိပါတယ်(ယေဘုယျလို့ ထည့်ပြောရတာဟာ အကြောလည်းမဟုတ်၊အသားလည်းမဟုတ်တဲ့ နေရာတွေကို ထိုးရတဲ့ ဆေးတွေရှိနေသေးလို့ပါပဲ။ ဒါပေမယ့် ဆေးပညာရှင်မဟုတ်တဲ့ သာမန်ပြည်သူအတွက်တော့ နှစ်မျိုးပဲသိရင် ရပါပြီ)။ လက်မောင်း (ဥပမာ သုံးလခံဆေး)၊ပေါင် (ဥပမာ ကလေးတွေမှာ […]

နေ့စဉ်ကြုံတွေ့နေရတဲ့ပြဿနာကို ဖြေရှင်းဖို့ နည်းလမ်းကောင်း တစ်ခု ပြောပြပေးချင်ပါတယ်။ ရာသီဥတုက မိုးတွင်းစပြီဆိုတော့ ခြင်တွေ ပိုများပြီး ခြင်ကိုက်ခံလာရတာပေါ့။ ခြင်ကိုက်တဲ့အခါ အရေပြားမှာ ယားယံမှုတွေဖြစ်မယ်၊ အဖုအပိမ့်တွေ ထမယ်။ ဒါတွေတင်လားဆိုတော့ မဟုတ်သေးပါဘူး။ ခြင်တွေ ဆီကနေဇီကာ၊ ငှက်ဖျား နဲ့ သွေးလွန်တုပ်ကွေးလိုမျိုး ရောဂါတွေ ကူးစက်ခံရနိုင်ပါသေးတယ်။ နှစ်စဉ် ခြင်ကနေတဆင့် ကူးစက်တဲ့ရောဂါတွေကြောင့် ကမ္ဘာ့လူဦးရေ သန်း ၇၀၀ကျော် နီးပါး ဝေဒနာ တွေခံစားနေကြရပါတယ်။ ခြင်အန္တရာယ်က ကာကွယ်ဖို့ အကောင်းဆုံး နည်းလမ်း တစ်ခု ရှိပါတယ်။ ဒီပြဿနာကိုဖြေရှင်းဖို့အတွက် အလွယ်ကူဆုံးနဲ့ အမြန်ဆုံးဖြစ်မယ့် နည်းလမ်းက ခြင်ဆေး သုံးရမှာပေါ့။ ခြင်ဆေးသုံးပေါ့ ဆိုပေမယ့် ဘယ်လို ခြင်ဆေးမျိုးက ပိုပြီး ထိရောက်မှု ရှိမလဲဆိုတာကတော့ စဉ်းစားရခက်တယ်နော်။ ခြင်ဆေးကို ဘယ်လိုများ ရွေးရမလဲ […]

နေရာတိုင်းမှာရှောင်လို့မရတာခြင်ဆိုရင် လက်ခံကြလား စာဖတ်ပရိသတ်တို့။ တီဗွီကြည့်ရင်းဖြစ်ဖြစ်၊ဂိမ်းဆော့ရင်းဖြစ်ဖြစ်၊စာရေးစာဖတ်လုပ်နေရင်းဖြစ်ဖြစ် တစ်ခုခုကိုစိတ်ဝင်စားသွားတဲ့အချိန်မျိုးမှာ သတိလွတ်သွားတာနဲ့ ခြင်တွေကတော့ သူတို့တာဝန်ကျေအောင်ကိုက်ပြီးသားပဲနော်။ တစ်ခါတလေများခြင်ကိုက်မခံရဘဲနေရရင်ကောင်းမယ်လို့ စဉ်းစားမိဖူးလား။ ဒီဆောင်းပါးလေးထဲကအတိုင်းခြင်တွေကို ကာကွယ်လိုက်ပါ။ ခြင်အန္တရာယ်ကနေ ကင်းဝေးစေဖို့ ခြင်အန္တရာယ်ကင်းကင်းနဲ့နေထိုင်ချင်သူတွေအနေနဲ့ ဒီအချက်လေးတွေကိုဖတ်ကြည့်ပါ။ (၁) ခြင်ကိုက်မခံရစေဖို့ ဂရုစိုက်ပါ -ခြင်ကိုက်မခံရဖို့ဆိုတဲ့နေရာမှာလည်း ကိုယ့်ဘက်ကဂရုစိုက်ကာကွယ်တတ်ဖို့လိုပါတယ်။ ဒါကြောင့်ခြင်ပေါတဲ့အချိန်တွေဖြစ်တဲ့ ညနေခင်းနဲ့ညဘက်အချိန်တွေမှာ အိမ်အပြင်ဘက်မှာနေတာမျိုးမလုပ်ပါနဲ့။လေအေးပေးစက်ရှိပါကနေအိမ်တံခါးတွေကို လုံအောင်ပိတ်ထားပြီးလေအေးပေးစက်ဖွင့်ထားပေးပါ။ (၂)ရေဝပ်နိုင်တဲ့နေရာတွေကို ဖယ်ရှားရှင်းလင်းပါ -နေအိမ်အနီးဝန်းကျင်မှာရှိနေတဲ့ရေဝပ်နိုင်တဲ့နေရာတွေကိုမြေဖို့တာ၊ တာယာဟောင်းတွေ၊ အိုးခြမ်းပဲ့တွေနဲ့အသုံးမပြုဘဲစွန့်ပစ်ထားတဲ့ အိုးတွေထဲမှာရေတွေရှိနေရင်သွန်ပစ်ပြီးမှောက်ထားလိုက်ပါ။ ဒီလိုလုပ်ပေးတာကခြင်တွေမပေါက်ဖွားနိုင်အောင် ကာကွယ်ရာရောက်ပါတယ်။ (၃) တံခါးတွေ၊ပြတင်းပေါက်တွေမှာခြင်လုံဇကာတပ်ဆင်ပါ နောက်ထပ်ခြင်တွေကိုကာကွယ်နိုင်မယ့်နည်းလမ်းတစ်ခုပါ။နေအိမ်မှာရှိတဲ့ တံခါးတွေနဲ့ ပြတင်းပေါက်တွေမှာခြင်လုံဇကာတပ်ဆင်ထားတာကလည်းနေအိမ်တွင်းကိုခြင်တွေအလွယ်တကူမဝင်ရောက်နိုင်အောင်တားဆီးပေးရာရောက်ပါတယ်။လေဝင်လေထွက်ကို ထိခိုက်စေတာမျိုးမရှိဘဲခြင်အန္တရာယ်ကို ကာကွယ်ပေးနိုင်မှာပါ။ခြင်ထောင်ထောင်ပြီးခြင်ထောင်ထဲမှာနေပေးလို့လည်းရပါတယ်။ (၄)ခြင်ဆေးအသုံးပြုပါ ခြင်အန္တရာယ်ကာကွယ်ဖို့အတွက် အရင်ကတည်းက အသုံးပြုခဲ့တဲ့နည်းလမ်းတစ်ရပ်ပါ။ ငယ်ငယ်တုန်းကခြင်မကိုက်အောင်ခြင်ဆေးထွန်းပြီးနေခဲ့ကြဖူးမှာပါ။ခြင်ဆေးကလည်း မိသားစုနဲ့ကိုယ်တိုင်အတွက်ခြင်အန္တရာယ်ကနေ ကာကွယ်ဖို့မေ့ထားလို့မရတဲ့နည်းလမ်းပါ။ ခြင်နိုင်ဆေးအသုံးပြုပြီး ပတ်ဝန်းကျင်မှာရှိနေတဲ့ခြင်တွေနဲ့အင်းဆက် တွေကို နှိမ်နှင်းလိုက်ပါ။ (၅) လျှပ်စစ်ပန်ကာအသုံးပြုပေးပါ ခြင်တွေအဝေးပြေးအောင်လုပ်ဆောင်နိုင်မယ့်နောက်ထပ်နည်းလမ်းတစ်ခုက ပန်ကာဖွင့်တာပါ။ မိသားစုဝင်တွေရှိနေတဲ့နေရာ နဲ့ တီဗွီကြည့်တဲ့နေရာတွေမှာ ပန်ကာဖွင့်ထားပေးပါ။ မိမိနေထိုင်ရာ ပတ်ဝန်းကျင်မှာ အမြဲလိုလို ပန်ကာဖွင့်ထားပေးပြီးခြင်အန္တရာယ်ကနေ ကာကွယ်ပေးပါ။ (၆) လုံခြုံစွာဝတ်ဆင်ပေးပါ အင်္ကျီလက်ရှည်နဲ့ဘောင်းဘီရှည်တွေ […]