အခြေခံကျသည့် ကျန်းမာရေးဗဟုသုတများ

လူတော်တော်များများ နေ့စဉ်လုပ်ဆောင်နေရတဲ့ နိစ္စဓူဝ ကိစ္စတွေထဲမှာ ကျန်းမာရေးအတွက် မသင့်လျော်တဲ့ အမှားများစွာ ပါဝင်နေပါတယ်။ ဒီလို အမှားတွေကို ကိုယ်တိုင်က ပိုလှချင်လို့လုပ်ဆောင်လိုက်ပေမဲ့ နည်းစနစ်မမှန်တဲ့အခါမှာ ကိုယ့်ကျန်းမာရေးကို ထိခိုက်တာပဲ အဖတ်တင်ပါတယ်။ အခု ဒီဆောင်းပါးထဲမှာတော့ Hello ဆရာဝန် ပရိတ်သတ်တွေအတွက် အမျိုးသမီးတွေသာ မက အမျိုးသားတွေပါ လုပ်မိနေနိုင်တဲ့ အလှအပဆိုင်ရာ အလွဲလေးများကို ဖော်ပြပေးသွားမှာဖြစ်ပါတယ်။ ဒီအချက်လေးတွေကို လုပ်မိနေတယ်ဆိုရင် အကောင်းဆုံး သတိထားပြီးပြင်ဆင်လိုက်မယ်ဆိုရင် ကျန်းမာရေးနဲ့လည်း လျော်ညီတဲ့ အလှတရားကို ပိုင်ဆိုင်နိုင်လာကြမှာ ဖြစ်ပါတယ်။ ၁။ ဆံပင်ခြောက်သွေ့လျက်နဲ့ ရေကူးခြင်း။ ရေကူးကန်တွေမှာ ရေကို သန့်ရှင်းစေရန်အတွက်ထည့်ထားရတဲ့ ဓါတုပစ္စည်းတွေရှိပြီး ဒီဓါတု ပစ္စည်းဟာ အရောင်ဖျော့နေတဲ့ ဆံပင်ကို အစိမ်းရောင် အဖြစ်ပြောင်းလဲစေနိုင်ပါတယ်။ ဒီတော့ ရေကူးကန်တွေမှာ ရေကူးမယ်ဆိုရင် အမျိုးသမီးတွေ အနေနဲ့ ဆံပင်ခြောက်ခြောက်နဲ့ ရေမကူးသင့်ပါဘူး။ ဆံပင်ကို […]

ခရီးတော့သွားချင်ပါရဲ့။ ကားမူးလွန်းလို့ ခရီးသွားဖို့ကြောက်နေတယ်ဆိုရင် ဒီဆောင်းပါးကသင့်အတွက်ပါလို့ပြောပါရစေ။ ကားမူးတာကခံစားရခက်တဲ့ဝေဒနာတစ်ခုပါ။ ခရီးသွားရင်း ကားမူးနေရင် ပတ်ဝန်းကျင်အလှအပတွေကို ခံစားနိုင်ဖို့ အခွင့်အရေးကိုလက်လွှတ်ရပြီလေ။ ပျော်ရွှင်ရတဲ့ ခရီးစဉ်တစ်ခု ဖြစ်စေဖို့ ဒီဆောင်းပါးကတဆင့် အကူအညီပေးပါရစေ။ ကားမူးရင် ဘယ်လိုခံစားရလဲ ကားမူးတယ်ဆိုတာက ကားစီးမှမူးတာမဟုတ်ပါဘူး။ လေယာဉ်စီးရင်ဖြစ်ဖြစ်၊ရထားစီးရင်းဖြစ်ဖြစ် သင်္ဘောစီးရင်းဖြစ်ဖြစ် မူးဝေပြီး အော့အန်ချင်သလိုဖြစ်လာတဲ့ အခြေအနေကို ခေါ်တာပါ။ အတိအကျပြောရရင် တော့ခရီးသွားစဉ် မူးဝေအော့အန်ခြင်းပေါ့။ ဒီဝေဒနာ ခံစားရတဲ့အခါ ခန္ဓါကိုယ်မှာ ဘယ်လိုတွေဖြစ်လာနိုင်သလဲ။ မအီမလည်ကြီးဖြစ်လာမယ် ငြီးစီစီဖြစ်လာမယ် အော့အန်မယ် အသက်ရှုမြန်လာမယ် ချွေးတွေပြန်လာမယ် ဖြူဖပ်ဖြူရော်ဖြစ်လာမယ် ခေါင်းကိုက်မယ် ခန္ဓါကိုယ်ထဲမှာ နုံးချိချိဖြစ်လာမယ် ကားမူးတဲ့ခံစားချက်က ကားပေါ်ကနေဆင်းလိုက်ပြီးတဲ့ အထိတောင်ကျန်နေခဲ့တတ်ပါတယ်။ အနည်းဆုံးကတော့ ခေါင်းမကြည်ဘဲ ကျန်ခဲ့နိုင်ပါတယ်။ ကားမူးတဲ့ အစပျိုးလက္ခဏာတွေခံစားရတဲ့ ဘယ်လိုသက်သာအောင်လုပ်မလဲ ကားမူးတဲ့လက္ခဏာက တရိပ်ရိပ်တက်လာတဲ့ ခံစားမှုတစ်ခုပါ။ ချက်ချင်းကြီးဖြစ်လာတာမဟုတ်ပါဘူး။ ဒါကြောင့် ကားမူးတာကိုခံစားနေရပြီလို့သိနိုင်တဲ့ အစပျိုးလက္ခဏာတွေခံစားရပြီဆိုတာနဲ့ ဒီနည်းလေးတွေသုံးပြီး သက်သာအောင် အရင်လုပ်ကြည့်ပါ။ […]

ယောကျာ်းမယူသေးဘူးလား။ မိန်းမ မယူသေးဘူးလားလို့ မကြာခဏအမေးခံနေရလား။ ဒါမှမဟုတ် မင်္ဂလာဆောင်မှာဖြစ်ဖြစ် အလှူတွေဘာတွေပဲဖြစ်ဖြစ် အသိအကျွမ်းတွေနဲ့ဆုံမိတဲ့အခါ ဘယ်နေ့စားရမှာလဲလို့ ပြုံးစိစိမေးတာတွေကို စိတ်ကုန်နေပြီလား။ ဒီလူတွေကို တန်ပြန်ဖို့ အချိန်တန်ပြီလေ။ အပျိုကြီး လူပျိုကြီးဖြစ်ရတာ ကောင်းတဲ့အချက်တွေအများကြီးဆိုတာ သူတို့သိအောင် အချက်ကျကျ ပြောလိုက်ရအောင်။ ၁။ တာဝန်တွေမရှိဘဲ လွတ်လပ်ပေ့ါပါးတဲ့ဘဝ ဘယ်သူ့ကိုမှ စောင့်နေစရာမလိုဘဲ ဘယ်သူ့ဝန်ထုပ်ဝန်ပိုးကိုမှ ထမ်းနေစရာမလိုဘဲ ဘယ်သွားချင်လဲ ခုချက်ချင်းထသွားလို့ရတယ်။ ဘာလုပ်ချင်လဲ ခုချက်ချင်းထလုပ်လို့ရတယ်။ ဘယ်သူ့မျက်နှာမှကြည့်နေစရာမလိုဘူး။ ဘယ်သူ့ကိုမှ တိုက်တွန်းနေစရာမလိုဘူး။ ဘယ်လောက်လွတ်လပ်တဲ့ဘဝလဲ။ သူငယ်ချင်းတွေ၊ မိသားစုဝင်တွေနဲ့ လွတ်လွတ်လပ်လပ်အချိန်ဖြုန်းနိုင်တယ်။ ပြန်မလာသေးဘူးလားဆိုပြီး ဆူပူမာန်မဲမယ့်သူမရှိဘူး။ ဒီအချိန်ကလေးထိန်းရမှာမို့လို့ပါဆိုပြီး စောစောထပြန်လာစရာမလိုဘူး။ ၂။ တစ်ယောက်တည်းသမားတွေက လူမှုရေးပိုကောင်းတယ်။ ကလေးတစ်ဘက်နဲ့မို့၊ ကလေးနေမကောင်းလို့၊ မိန်းမနဲ့ အပြင်သွားရမှာမို့၊ ယောက်ျားအလုပ်ပွဲရှိလို့စသဖြင့် သူငယ်ချင်းတွေ၊ မိသားစုတွေရဲ့ သာရေးနာရေးပွဲတွေကို အများဆုံးပျက်ကွက်တတ်တာ ဘယ်သူတွေလို့ထင်ပါသလဲ။ တစ်ယောက်တည်းသမားတွေကတော့ ဒီဝန်တွေကင်းတယ်၊ ဒုက္ခတွေမရှိတဲ့အတွက် ဆရာကန်တော့ပွဲဆိုလည်းလာနိုင်တယ်၊ သူငယ်ချင်းမွေးနေ့လည်းလာနိုင်တယ်၊ အလှူဆိုလည်း […]

လက်ထပ်ထိမ်းမြားခြင်းရော၊ ကွာရှင်းပြတ်စဲခြင်းရောဟာ ကိုကိုမမ ဦးဦးဒေါ်ဒေါ်တို့ကို ဝိတ်အတက်အကျ ဖြစ်စေနိုင်တဲ့အကြောင်ရင်းတွေထဲက တစ်ခုအပါအဝင်ဖြစ်ပါတယ်။ စစ်တမ်းတွေအရတော့ လက်ထပ်ထိမ်းမြား ပြီးရင် ဝိတ်တက်လာလေ့ရှိတာက မိန်းကလေးတွေဖြစ်ပြီး ယောကျာ်းလေးတွေကတော့ ကွာရှင်းပြတ်စဲပြီးနောက်မှာ ဝိတ်တက်တာတွေ ပိုဖြစ်လေ့ရှိတယ်လို့ဆိုပါတယ်။ အသက်အရွယ်ငယ်တဲ့သူတွေမှာ ဒီအဖြစ်အပျက်မျိုး သိသိသာသာဖြစ်လေ့ဖြစ်ထမရှိပေမယ့် အသက် ၃၀ နဲ့ ၅၀ ကြား အမျိုးသားအမျိုးသမီးတွေမှာတော့ ရာခိုင်နှုန်းတော်တော်များများ ဖြစ်လေ့ရှိတယ်လို့လည်းဆိုပါတယ်။ Ohio State University က သုတေသနပြုလုပ်သူကျောင်းသား Dmitry Tumin ကနေပြီး အသက်အရွယ်ကြီးလာတာနဲ့အမျှ လက်ထပ်တာပဲဖြစ်ဖြစ်၊ ကွာရှင်းပြတ်စဲတာပဲဖြစ်ဖြစ် ဒီအဖြစ်အပျက်နှစ်ခုလုံးဟာ ဝိတ်အတက်အကျဖြစ်စေနိုင်တဲ့ အဓိကအကြောင်းအရင်းတွေထဲက တစ်ချက်ဖြစ်တယ်လို့ အဆိုတင်သွင်းပြသခဲ့တာဖြစ်ပြီး အဲဒီအဆိုနဲ့ပတ်သက်တဲ့ သုတေသနစစ်တမ်းတွေလည်း ပြုလုပ်ခဲ့ပါသေးတယ်။ သုတေသနနဲ့စစ်တမ်းတွေပြီးသွားချိန်မှာတော့ လက်ထပ်ခြင်းနဲ့ကွာရှင်းပြတ်စဲခြင်းဟာ ဝိတ် ပေါင်ချိန် ၂၀နီးပါးလောက် အတက်အကျအပြောင်းအလဲဖြစ်စေနိုင်တာကို တွေ့ရှိခဲ့ရပြီး အဲ့လိုဝိတ်အတက်အကျဖြစ်ခြင်းကလည်း နှလုံးရောဂါ ဖြစ်စေနိုင်တဲ့အထိ သက်ရောက်မှုရှိနိုင်တယ်ဆိုတာ တွေ့ရှိခဲ့ပါတယ်။ အမျိုးသမီးတွေအတွက်တော့ […]

လူရယ်လို့ဖြစ်လာရင် ဖျားတာ၊နာတာ၊ ထိတာခိုက်တာကတော့ရှိမှာပါ။ ဖျားတဲ့အခါနေ့စဉ်လုပ်ဆောင်နေကျ အလုပ်တွေမှာ ထိခိုက်မှုဖြစ်လာစေနိုင်ပါတယ်။ ဒီလိုထိခိုက်မှုတွေဖြစ်မလာစေဖို့အတွက် ဖျားနာတာမျိုးမဖြစ်အောင် ဂရုစိုက်တဲ့ကြားကပဲ ဖျားနာမှုဖြစ်လာခဲ့ရင် အဖျား မြန်မြန်ပျောက်ချင်ကြမယ်ထင်ပါတယ်။ ဒီလိုမျိုး ဖျားနာမှုတွေဖြစ်လာတဲ့ အခါမြန်မြန်ပျောက်အောင် လုပ်လို့ရတဲ့နည်းလမ်းလေးတွေရှိပါတယ်။ အဖျားမြန်မြန်သက်သာအောင် လုပ်ဆောင်လို့ရတဲ့ နည်းလမ်းလေးတွေက ဖျားနာမှုတွေဖြစ်တိုင်းဆေးခန်းသွားဖို့မလိုအပ်ပါဘူး။နေအိမ်မှာပဲ အဖျား ကျသွားအောင်လုပ်ဆောင်လို့ရတဲ့ နည်းလမ်းတွေရှိနေပါတယ်။ (၁) ရေနွေးနွေးလေးနဲ့ရေချိုးေပးပါ - ဖျားနေတဲ့အခါရေမချိုးရဘူးလို့ယူဆနေကြတာများပါတယ်။ ဒီအယူအဆက အပြည့်အဝတော့မမှန်ပါဘူး။ ဖျားတဲ့အခါ ကိုယ်အပူချိန်ကျသွားစေဖို့အတွက်ရေနွေးနွေးလေးနဲ့ စိမ်ပြီး ချိုးပေးပါ။ရေအပူချိန်ကျဆင်းမှုနဲ့အတူ ကိုယ်အပူချိန်ကလည်းဖြည်းဖြည်းချင်းကျဆင်းသွားပါလိမ့်မယ်။ (၂) တဘက်ကိုရေစွတ်ပြီးကပ်ပေးလို့ရပါတယ် - တဘက်စ အရွယ်တော်လေး ၂ ခုကိုယူပြီးရေအေးအေး ဒါမှမဟုတ်ရေခဲတုံးထည့်ထားတဲ့ရေထဲကို စိမ်လိုက်ပါ။ပြီးရင် တဘက်စကိုရေညှစ်ချပြီး နဖူးေပါ်နဲ့ လက်ကောက်ဝတ်၊ခြေချင်းဝတ်နဲ့ ဂုတ်ပေါ်တွေမှာ ကပ်ပေးပါ။ အအေးလျော့သွားတိုင်း လဲကပ်ပေးပါ။ အရမ်းမအေးအောင်တော့ သတိထားလုပ်ဆောင်ပေးပါ။ (၃)ရေများများသောက်ပါ -ရေများများသောက်တာက ခန္ဓါကိုယ်ကိုရေဓါတ်ဖြည့်တင်းပေးရာရောက်သလို အဖျားကိုလည်း သက်သာစေနိုင်ပါတယ်။ အဖျားတက်နေချိန်မှာရေများများသောက်ပေးမယ်ဆိုရင် အဖျားမြန်မြန်ကျစေမှာပါ။ အချိုရည်တွေကိုတော့ […]

အပြင်ကနေ အိမ်ပြန်ရောက်လို့ ဘယ်သူစောင့်စောင့်၊ မစောင့်စောင့် သူတို့ကတော့စောင့်တယ်နော်။ ဘာတွေပဲဖြစ်နေဖြစ်နေ ဝမ်းပန်းတသာနဲ့ကြိုတတ်တာက သူတို့လေးတွေပါပဲ။ ဘယ်အခြေအနေမှာဖြစ်ဖြစ် မလျှော့တဲ့အချစ်တွေနဲ့ ချစ်တတ်သူတွေပေါ့။ အပျင်းပြေရုံတင်မဟုတ် သူတို့ကြောင့်ပါ ခွန်အားတွေရသေးတယ်နော်။ အိမ်နားရောက်တာနဲ့ ကြိုဖို့ အသင့်ဖြစ်နေတဲ့ အသည်းကျော်လေးတွေ ပိုင်ဆိုင်ထားတာကလည်း ဘဝရဲ့ပျော်စရာတွေထဲကတစ်ခုပါ။ စိန်ခေါ်မှုများစွာနဲ့ ဘဝကိုအကောင်းဆုံးကျော်ဖြတ်နေရချိန်မှာ ပင်ပန်းမှုတွေကို အသေးအဖွဲပါလို့တွေးမိတဲ့အထိ အင်အားပေးတတ်သူလေးတွေက အခြားသူတွေမဟုတ်ပါဘူး။ဘေဘီဆွီတီရယ်လို့ ခေါ်မိလောက်တဲ့အထိ ချစ်စရာကောင်းတဲ့ အိမ်မွေးတိရစ္ဆာန်လေးတွေပါနော်။ သူတို့ရဲ့ တီတီတာတာချှွဲနွဲ့မှုတွေက ပင်ပန်းမှုတွေ စိတ်ဖိစီးမှုတွေကိုပြေပျောက်စေပါတယ်။ အိမ်မွေးတိရစ္ဆာန်လေးရှိနေတာက အခုလိုအကျိုးကျေးဇူးတွေရရှိစေနိုင်ပါတယ် အလုပ်ကနေအိမ်ပြန်ရချိန်မှာ ပင်ပန်းနွမ်းနယ်နေပေမယ့် လက်ထဲမှာပါလာတဲ့ အထုပ်ကို သယ်မလို့ဆိုပြီးပြေးလာကြိုတဲ့ခွေးလေးရဲ့နှုတ်ဆက်မှုက ဝမ်းသာကြည်နူးမှုကိုဖြစ်စေတယ်ဟုတ်။ ဒီခံစားမှုကပြောပြတာထက် လက်တွေ့ကြုံဖူးသူတွေက ပိုသိမှာပါ။ ဒီအချိန် စိတ်မှာရလိုက်တဲ့ ခံစားမှုက အရမ်းကိုကောင်းတာပါ။ ဒီပျော်ရွှင်မှုကနေ့တိုင်းရနေရင်တောင် ရိုးမသွားနိုင်ဘူးနော်။ ဒီလိုရိုးမသွားတဲ့ပျော်ရွှင်မှုလေးတွေက စိတ်ရောကိုယ်ပါကျန်းမာစေနိုင်ပါတယ် ဓါတ်မတည့်မှုကင်းဝေးစေတယ် အိမ်မွေးတိရစ္ဆာန်လေးတွေရှိနေသူတွေက အခြားသူတွေထက် ဓါတ်မတည့်မှုဖြစ်နိုင်ခြေပိုနည်းပါတယ်။ သူတို့ရဲ့ အမွှေးတွေနဲ့ထိတွေ့နေရတာကြောင့်တော်ရုံဓါတ်မတည့်မှုလောက်ကို အသာလေးကျော်သွားနိုင်ပြီပေါ့။ သွေးတိုးကျစေနိုင်တယ် တိရစ္ဆာန်လေးတွေနဲ့ ထိတွေ့မှုကသွေးတိုးကျစေဖို့ အထောက်အကူပြုပေးတယ်၊လို့လေ့လာမှုတွေအရသိရပါတယ်။ […]