ဆီးချိုရှိသူတွေ အပြေးလေ့ကျင့်နိုင်မယ့် နည်းလမ်းကောင်းများ

ဆီးချိုရှိသူတွေအတွက် လေ့ကျင့်ခန်းလုပ်တာ ကောင်းတယ်ဆိုတာ မငြင်းနိုင်ပါဘူးဆိုပေမယ့် အပြေးလေ့ကျင့်ကြမယ်ဆိုရင်တော့ သိထားရမှာတွေ ရှိပါတယ်။ ဆီးချိုက သွေးတွင်း သကြားဓါတ်ကို ထိခိုက်စေတဲ့ နာတာရှည်ရောဂါဖြစ်တာမို့ ပြေးနေတုန်း ပြဿနာပေါ်လာတတ်တာမျိုးပင်။ ဒါကြောင့်မို့ ကံဆိုးသူမဖြစ်စေရန်အတွက် သတိပြုရမယ့်ဟာလေးတွေ ရှိနေပါတယ်။

စွမ်းအင်ထုတ်ဖို့ ဂလူးကို့စ်လိုကြောင်း လူတိုင်းသိကြမှာပါ။ လေ့ကျင့်ခန်းလုပ်တဲ့အခါ စွမ်းအင်တွေအများကြီးလိုအပ်ပါတယ်။ ဆီးချိုရှိတယ်ဆိုတာ ယေဘုယျအားဖြင့်တော့ လေ့ကျင့်ခန်းလုပ်ဖို့ လိုအပ်တဲ့ ဂလူးကို့စ်ပမာဏ ရှိမနေတာကို ဆိုလိုတာပါ။ ဒီတော့ ပြေးတယ်ဆိုတာကလဲ နေရောင်အောက် ပန်းခြံထဲမှာ ပြေးတာဆိုတော့ ချွေးကလဲထွက်ဦးမယ်။ ဆီးချိုရှိသူတွေက ဒါကြောင့်ပဲ မောပန်းလွယ်ပြီး သကြားဓါတ်ထိုးကျတာမျိုး ဒါမှမဟုတ် သကြားဓါတ်စောင့်တက်တာမျိုး ဖြစ်နိုင်ပါတယ်။ ဘယ်လိုပဲဖြစ်ဖြစ် နှစ်ခုစလုံးအတွက် အသင့်ပြင်ဆင်ထားရပါမယ်။

အမျိုးအစား ၁ ဆီးချို

ဆီးချိုလူနာ ၁၀၀ မှာ ၅ ယောက်ကနေ ၁၀ ယောက်လောက်ထိက အင်ဆူလင် (သွေးတွင်းသကြားဓါတ်ထိန်း ဟော်မုန်း) မထုတ်နိုင်ပဲ သကြားကို စွမ်းအင်အဖြစ်မပြောင်းနိုင်တဲ့ အမျိုးအစား ၁ ဆီးချိုသမားတွေဖြစ်ပါတယ်။ ဒါကြောင့်မို့ အမျိုးအစား ၁ ဆီးချိုသမားတွေမှာ အင်ဆူလင်ချို့တဲ့နေတတ်တာကြောင့် စွမ်းအင်လဲ ကုန်ခမ်းနေတတ်ပါတယ်။

ပြောရရင် ထိုဆီးချိုသမားမျိုး အပြေးလေ့ကျင့်မယ်ဆိုရင်တော့ အင်ဆူလင်ပုံမှန်သုံးထားဖို့ လိုအပ်ပါလိမ့်မယ်။ ပြေးနေတဲ့အချိန်မှာ လိုအပ်မယ့် အင်ဆူလင်နဲ့ ကာဗိုဟိုက်ဒြိုက်ပမာဏကို သိနိုင်ဖို့ရန်အတွက် ပြေးတာနဲ့ သွေးတွင်းဂလူးကို့စ်လယ်ဗယ်ကို စောင့်ကြည့်ရပါမယ်။ ဒါကလည်း ပြေးတဲ့နှုန်းတဲ့ စားထားတဲ့အစာပေါ်ပါ မူတည်ပါသေးတယ်။ ယေဘုယျအားဖြင့် မိနစ် ၃၀ မှ ၆၀ အထိပြေးထားလျှင် ၁၅ -၃၀ ဂရမ် ရှိသင့်ပါတယ်။ ပြောထားသလို အစားအသောက်ကလဲ အရေးကြီးတယ်။

ကိုယ်နောက်ဆုံးစားခဲ့တာကို သတိပြုမိထားရင် ဘယ်အချိန်လောက်ကြာတဲ့အခါ ဆီးချိုလက္ခဏာတွေ ထဖြစ်မလဲ သိနိုင်တာပေါ့။ ပြေးနေတုန်း စွမ်းအင်ပြတ်သွားရင် အမြန်ပြန်ဖြည့်ဖို့ Energy gel, အားကစားသမားအတွက်အချိုရည် ဒါမှမဟုတ် တခြား စွမ်းအင်အပြည့်မြန်တဲ့အစာတွေ စားပေးလို့ရပါတယ်။ ခြုံပြောရရင် ပြေးနေတုန်း ကိုယ့်ရဲ့သကြားဓါတ်လယ်ဗယ်၊ ခံစားမှုနဲ့ လှုပ်ရှားပုံတွေကို စောင့်ကြည့်ပါ။ ဒါမှသာ လိုအပ်တာနဲ့ ချက်ချင်းစီမံနိုင်မှာပါ။

အမျိုးအစား ၂ ဆီးချို

အမျိုးအစား ၂ ဆီးချိုကို လူနာ ၉၀ ကနေ ၉၅%ထိ တွေ့ရတတ်ပါတယ်။ ဒါပေမယ့် သူတို့လဲ သတိထားဖို့ လိုတာပါပဲ။ အမျိုးအစား ၂ ဆီးချိုကျတော့ အင်ဆူလင်လုံလောက်အောင် ထုတ်မပေးနိုင်တာ ဒါမှမဟုတ် အင်ဆူလင်က အလုပ်ကောင်းကောင်းမလုပ်နိုင်တာမျိုးပေ့ါ။ ဒီတော့ သွေးထဲကသကြားတွေကို စွမ်းအင်အဖြစ်မသုံးနိုင်တော့ပဲ စုပုံသွားစေရော။ အမျိုးအစား ၂ ဆီးချိုသမားတွေကလဲ အစားအသောက်ထိန်းဖို့၊ တရားထိုင်ဖို့ တခါတစ်လေ အပြေးလေ့ကျင့်ဖို့ လိုအပ်ပါတယ်။

အစားစားပြီးတဲ့အချိန်ကို ရွေးပြေးမှသာ သကြားဓါတ်တည်တည်ငြိမ်ငြိမ်ရှိပြီး ပြေးလို့အဆင်ပြေနိုင်မှာပါ။ ပြေးတဲ့အခါ သကြားဓါတ်ထိုးမကျသွားစေဖို့ သုံးလို့ရတဲ့ဆေးတွေလဲ ရှိပါတယ်။ ဒါပေမယ့် ပြေးနေရင်း အားဖြည့်အချိုရည်တွေ မသောက်မိဖို့ ဂရုစိုက်ရပါမယ်။ မဟုတ်ရင် အများကြီးသောက်မိတာနဲ့ ဆီးချိုတက်လာနိုင်ပါတယ်။

အပြေးလေ့ကျင့်တာက ဆီးချိုသမားတွေအတွက် ကောင်းပါတယ်။ လူတိုင်းမှာ ကိုယ်ပိုင်စတိုင် diet တွေရှိသလို သောက်ရတဲ့ ဆေးအမျိုးအစားတွေကလဲ မတူညီပါဘူး။ ဒါကြောင့် ဆရာဝန်ညွှန်တာကိုသာ သုံးသင့်ပါတယ်။ ပြီးမှ ပြေးဖို့အတွက် အစီအစဉ်ဆွဲပြီး ကိုယ့်ခန္ဓါကိုယ်ကိုလဲ စောင့်ကြည့်ဖို့ လိုအပ်ပါတယ်။ သတိနဲ့သာလုပ်ကိုင်မယ်ဆိုရင် ပြေးတာက ရောဂါကိုကုသတဲ့နေရာမှာပါ အထောက်အကူရနိုင်ပါတယ်။

Hello health group သည် ကျန်းမာရေးဆိုင်ရာအကြံပေးခြင်း ၊ရောဂါရှာဖွေခြင်းနှင့် ကုသခြင်းတို့ကို မပြုလုပ်ပေးပါ။