အသည်းကင်ဆာ

အသည်းကင်ဆာရှိပါကရှောင်ရမည့် အစာများ ကမ္ဘာ့ကျန်းမာရေးအဖွဲ့၏ အဆိုအရအသည်းကင်ဆာသည် အမျိုးသားများတွင် ငါးခုမြောက် အဖြစ်အများဆုံးကင် ဆာဖြစ်သည်။ အသည်းကင်ဆာကဲ့သို့ ဆိုးရွားသောကျန်းမာရေး ပြဿနာများ ဖြစ်ပါကအသည်း ပြန်လည်ကောင်းမွန် စေမှုကိုကူညီရန် အာဟာရ ကြွယ်ဝသောကျန်းမာရေးနှင့် ညီညွတ်သောအစားအစာများစားရန် လိုအပ်သည်။ အသည်းကင်ဆာဖြစ်ပါကရှောင်ကြဉ်သင့်သောအစားအစာအချို့ကိုအောက်တွင် ဖော်ပြထားသည်။   ဆားလျော့သုံးခြင်းဖြင့် အသည်းကိုကူညီပါ အရသာရှိရန် ဆားထည့်ရသည် ဆိုသည်ကိုအချို့ စားဖိုမှူးများပြောခြင်းသို့မဟုတ် ချက်ပြုတ်မှု အညွှန်းတွင် ရေးထားခြင်းကိုသင် မြင်ဖူးကြားဖူးလိမ့်မည်။ ဆားကိုအရသာရှိရန် သုံးသည်။ ဆားသည် အခါးဓါတ်ကိုလျော့ချပေးသည်။ စိတ်မကောင်းစွာဖြင့်ပင် အသည်းကင်ဆာဖြစ်ပါကဆားအသုံးပြုခြင်းကို ဖြတ်တောက်ရလိမ့်မည်။ အသည်းကင်ဆာ၏ ရောဂါလက္ခဏာများသည် ဆားနှင့် ဆားများများပါသောအစားအစာများစားပါကပိုဆိုးလာနိုင်သည်။ ဆားသည် အသည်းရှိ ရောင်ရမ်းမှု လက္ခဏာများကို နှိုးဆော်ပြီးပိုဆိုးစေနိုင်ပါသေးသည်။ ဆားသည် အသည်းတွင် ရေစုပြုံခြင်းကို ဖြစ်စေပြီးဖောရောင်စေသည်။ ဆားသည် ခန္ဓါကိုယ်ကိုရေပိုစုပ်စေပြီးရေများထိန်းသိမ်းထားစေသည်။ အစားအစာတွင် ဆားသုံးခြင်းကိုရှောင်ရုံသာမကအခြားဆားရင်းမြစ်များကိုလည်း ကြည့်သင့်သည်။ ထုပ်ပိုးထားသောအသင့်စားထုတ်ကုန်များ၊ စွပ်ပြုတ်ဘူး၊ အအေးခံထားသောညစာများ နှင့် […]

ကျန်းမာရေးစောင့်ရှောက်သူများသည် အသည်းကင်ဆာဖြင့် အသက်ရှင်သူများကိုဘယ်လိုကူညီနိုင်သလဲ။ ကမ္ဘာ့ကျန်းမာရေးအဖွဲ့အစည်း၏ ၂၀၁၂ တွင်တင်ပြချက် အရအသည်းကင်ဆာသည် ခန့်မှန်းခြေအားဖြင့် သေဆုံးမှု ပေါင်း ၇၄၅၀၀၀ ကိုဖြစ်စေသည်။ အသည်းကင်ဆာကဲ့သို့ ဆိုးရွားသောရောဂါရှိသောချစ်ခင်ရသူတစ်ယောက်ကိုဂရုစိုက်စောင့်ရှောက်ခြင်းသည် အကျိုးလည်းရှိ စိတ်ဖိစီးမှုလည်းများစေသောအတွေ့အကြုံတစ်ခု ဖြစ်သည်။ လုပ်ငန်းစဉ် တစ်လျှောက်တွင် သင့်အားအကူအညီ ဖြစ်စေရန် အောက်ပါ လမ်းညွှန်ချက်များ၊ သတင်းအချက်အလက်များကိုအသုံးချပါ။   ကျွန်တော်သည် ဘယ်လိုအကူအညီပေးနိုင်သလဲ။ ကင်ဆာရောဂါရှိသူများသည် သူတို့၏ အားနည်းချက်ကိုဖော်ပြရန်၊ အကူအညီတောင်းရန် ရှက်တတ်ပါသည်။ “မင်းအရမ်းသတ္တိရှိတာပဲ’’ သို့မဟုတ် “မင်းအရမ်းသန်မာတာပဲ’’ ဟုပြောပေးခြင်းသည် သူတို့ စိတ်ဓါတ်ကျနေချိန်တွင် ပို၍ စိတ်ဓါတ်သန်မာစေသည်။   မိသားစုများသည် ကင်ဆာဖြစ်သူအားအချိန်တိုင်းသန်မာစေရန် လိုအပ်ကြောင်း၊မျှော်လင့်ကြောင်းပြောဆိုနိုင်သည်။ ထိုအခြေအနေမျိုးတွင် သင်သည် ကင်ဆာရှိသောသူငယ် ချင်းအတွက် အရေးကြီးသောအခန်းမှ ပါဝင်ပါသည်။ သင့်အားမိသားစုဝင်တစ်ယောက်ကဲ့သို့ စိတ်ပိုင်းဆိုင်ရာတွယ်တာမှု ရှိချင်မှရှိမည်။ သို့သော်သူတို့သည် သင့်အားကောင်းစွာသိပြီးသင့်အားရင်ဖွင့်နိုင်လောက်အောင် ယုံကြည်နိုင်ပါသည်။   ဖျားနာနေသူများနှင့် ဝေးအောင်နေလိုခြင်းမှာလူ့သဘာဝ ဖြစ်သည်။ ကင်ဆာသည် ကျွန်တော်တို့အားဖျားနာခြင်း၊ အားနည်းခြင်းသေဆုံးခြင်းစသည်တို့ […]

သင့်ကလေးဟာ အသည်းကင်ဆာ ကုသမှုကို ရင်ဆိုင်နေရတယ်ဆိုရင် အခြားကင်ဆာ ကုသမှုတွေလိုပဲ မလိုချင်တဲ့ ဆိုးကျိုးတွေကို ကြုံတွေ့ရနိုင်ပါတယ်။ သင့်ကလေးဟာ ခွဲစိတ်မှုတွေကြောင့် နာကျင်ခြင်း၊ ပျို့အန်ခြင်း၊ ပင်ပန်းခြင်း၊ သွေးအားနည်းခြင်း၊ ရောဂါပိုး ကူးစက်ခံရခြင်းတွေ ပိုမိုဖြစ်နိုင်ပါတယ်။ သင့်ကလေးကို ဒီဆိုးကျိုးတွေကို ရင်ဆိုင်ဖို့ ကူညီပေးနိုင်ပါတယ်။ အောက်ဖေါ်ပြပါ အချက်တွေကတော့ သင်ကူညီပေးဖို့အတွက် လုပ်နိုင်တဲ့ အချက်အချို့ပဲ ဖြစ်ပါတယ်။   နာကျင်မှု ကင်ဆာကုသမှုကနေ ဖြစ်လာတဲ့ နာကျင်ခြင်းဟာ ခွဲစိတ်ကုသမှု ကြောင့် (သို့) တခါတရံမှာ ကင်ဆာကြောင့် ဖြစ်နိုင်ပါတယ်။ နာကျင်မှုရဲ့ လက္ခဏာတွေဖြစ်တဲ့ မျက်နှာရှုံ့မဲ့ခြင်း၊ ညည်းတွားခြင်း၊ တင်းကျပ်ခြင်း အစရှိတာတွေကို သတိထားသင့်ပါတယ်။ သင့်ကလေးငယ်ကို ရေနွေးနဲ့ ရေချိုးပေးခြင်း (သို့) နာကျင်တဲ့နေရာတွေကို နွေးနေတဲ့ အဝတ်တွေကို အသုံးပြုခြင်းတွေပြီး ညင်သာစွာ နှိပ်ပေးခြင်း (သို့) ဖိပေးခြင်းဟာလည်း […]

ကင်ဆာနဲ့ ကင်ဆာကုသမှုဟာ ကိုယ်ခန္ဓါ ပြောင်းလဲမှုတွေကို ဖြစ်ပေါ်စေနိုင်ပြီး အပျိုဖေါ်၊ လူပျိုဖေါ်ဝင်ချိန်မှာ ဖြစ်ပေါ်လာမဲ့ ဖွံ့ဖြိုးမှုတွေအပေါ်ထားရှိထားတဲ့ မျှော်လင့်ချက်တွေကိုလည်း ဖျက်ဆီးပစ်နိုင်ပါတယ်။ ကင်ဆာကုသမှုပြီးချိန်မှာ ပြောင်းလဲမှုအချို့ဟာ ပျောက်သွားနိုင်သော်လည်း အချို့ကတော့ ပျောက်မသွားပါဘူး။ များသောအားဖြင့် ပျောက်မသွားနိုင်တဲ့ ပြောင်းလဲမှု (ဥပမာ အမာရွတ်ထင်ခြင်း) တွေဟာ အချိန်ကြာလာတာနဲ့ အမျှ သိသာထင်ရှားမှု နည်းပါးလာမှာ ဖြစ်ပါတယ်။ သင့်ကိုယ်ခန္ဓါ ပြောင်းလဲမှုတွေကို ထိန်းညှိဖို့နဲ့ စိတ်ညစ်နေရင် အကူအညီတောင်းခံနိုင်ဖို့ သင့်ကိုယ်သင် အချိန်ပေးဖို့ လိုအပ်ပါတယ်။ ကင်ဆာနဲ့ ကင်ဆာကုသမှုတွေဟာ သင်ခံစားနေရခြင်းတွေ၊ သင့်ပုံသဏ္ဍာန်တွေနဲ့ ပုံမှန်လုပ်နေကျ လုပ်ငန်းဆောင်တာတွေကို ပြောင်းလဲနိုင်ပါတယ်။ အချို့ကင်ဆာ ပြောင်းလဲမှုတွေဟာ ခဏတာ (သို့) တစ်သက်လုံးပြောင်းလဲမှုတွေ ဖြစ်စေနိုင်ပေမယ့် ကုသမှုတွေအကုန်လုံးတော့ မဟုတ်ပါဘူး။ သင်ကိုယ်ခန္ဓါ ပိုင်းဆိုင်ရာ ဆောင်ရွက်နိုင်မှုတွေ ဖြစ်တဲ့ အားအင်၊ ခံနိုင်အား အစရှိတာတွေ ပြောင်းလဲသွားတာကိုလည်း […]

ကင်ဆာကုသခြင်းဟာ မလိုလားအပ်တဲ့ ဆိုးကျိုးတွေကို ဖြစ်စေနိုင်ပါတယ်။ ကျန်းမာတဲ့ တစ်ရှူးတွေ ပျက်စီးသွားရင် ဆိုးကျိုးတွေ ဖြစ်လာခြင်း ဖြစ်ပါတယ်။ ဒါပေမယ့် စိတ်ပူစရာ မရှိပါဘူး။ သင့်ကလေးငယ်ရဲ့ ဆရာဝန်ဟာ ဆိုးကျိုး အနည်းဆုံးနဲ့ အကောင်းဆုံးကုသမှုကို ရွေးချယ်ဖို့ ကူညီပေးမှာ ဖြစ်ပါတယ်။ သင့်ကလေးကို ကူညီဖို့အတွက် သင့်ကလေးရယ်ရဲ့ စိတ်ပိုင်း၊ ရုပ်ပိုင်းဆိုင်ရာ တုန့်ပြန်မှုတွေကို နားလည်အောင် ဖေါ်ပြသွားမှာ ဖြစ်ပါတယ်။   ကလေးက ကင်ဆာရောဂါကို ဘယ်လို တုန့်ပြန်မှာလဲ။ တကယ်လို့ သင့်ကလေးဟာ မူကြိုအရွယ်သာ ရှိသေးရင်တော့ သူတို့ဟာ သူတို့မှာ ကင်ဆာရှိတယ်ဆိုတာကို နားလည်မှာ မဟုတ်ပါဘူး။ သူတို့အတွက်ကတော့ ဆေးရုံဆိုတာဟာ ကြောက်စရာ ကောင်းတဲ့ နေရာတစ်ခုသာ ဖြစ်ပါတယ်။ သူတို့ဟာ အပ်တွေကို ကြောက်ရွံ့ပြီး ကျန်းမာရေးဝန်ထမ်းတွေက သူတို့ကို မိဘတွေ နားက ခေါ်သွားမှာကိုလည်း […]

အသည်းရဲ့ အဓိကလုပ်ငန်းဆောင်တာ တစ်ခုကတော့ လူတွေ ပါးစပ်နဲ့သောက်လိုက်တဲ့ ဆေးတွေ၊ ဆေးဖက်ဝင်အပင် တွေနဲ့ ဖြည့်စွက်စာတွေကို ချေဖျက်ပေးခြင်းပဲ ဖြစ်ပါတယ်။ ဒါပေမယ့်အသည်းဟာ ရောဂါတစ်ခုခု (သို့) ကျန်းမာရေးအခြေအနေ တစ်ခုခုကြောင့် ပျက်စီးသွားမယ်ဆိုရင်တော့ ဆေး၊ ဆေးဖက်ဝင်အပင် ဖြည့်စွက်စာတွေကို သောက်ဖို့ ကန့်သတ်ချက်တွေ ရှိရမှာ ဖြစ်ပါတယ်။   Paracetamol (acetaminophen) အသည်းကို ထိခိုက်စေတဲ့ လူသိများတဲ့ ဆေးတစ်မျိုးကတော့ Tylenol လို့ခေါ်တဲ့ acetaminophen ပဲ ဖြစ်ပါတယ်။ ဒီဆေးကို ဆရာဝန်ညွှန်ကြားချက်မလိုပဲ အလွယ်တကူ ဝယ်နိုင်ပြီး တုပ်ကွေးနဲ့ ဖျားနာခြင်းတွေအတွက် အသုံးပြုကြပါတယ်။ ဒီဆေးကို ဆေးဆိုင်တွေနဲ့ နာကျင်မှု သက်သာစေတဲ့ ဆေးအရောင်းဆိုင်တွေမှာ တွေ့ရပါတယ်။ နာကျင်မှုသက်သာစေတဲ့ ဆေးအများစုကို “non-aspirin”လို့ခေါ်ပြီး သူတို့မှာ acetaminophen ကို အဓိက ပါဝင်ပစ္စည်းအဖြစ် ပါဝင်ပါတယ်။ Acetaminophen […]

အသည်းအစားထိုးကုသခြင်းဟာ ပျက်စီးနေတဲ့ အသည်းကို ထုတ်ယူပြီး ကောင်းမွန်တဲ့ အသည်းနဲ့ အစားထိုးခြင်းပဲဖြစ်ပါတယ်။ ဒီကုသနည်းကို အသည်းမှာ စတင်ဖြစ်ပေါ်တဲ့ ကင်ဆာတွေအတွက် အသုံးပြုပါတယ်။ ဒီဆောင်းပါးမှာတော့ အသည်းမှာစတင်ဖြစ်ပေါ်တဲ့ ကင်ဆာတွေအတွက် အသည်းအစားထိုးကုသခြင်းအကြောင်းကို ဖေါ်ပြသွားမှာ ဖြစ်ပါတယ်။ ဘယ်သူတွေမှာ အသည်းအစားထိုးခြင်း ပြုလုပ်နိုင်ပါသလဲ။ အသည်းအစားထိုးကုသခြင်းဟာ အသည်းမှာ စတင်ဖြစ်ပေါ်တဲ့ ကင်ဆာလူနာတွေမှာ ဖြစ်နိုင်ပါတယ်။ အောက်ပါအချက်တွေရှိမယ်ဆိုရင် အသည်းအစားထိုးဖို့အတွက် သင့်လျော်နိုင်ပါတယ်။ 5 cm ထက် မကျော်တဲ့ အကျိတ်တစ်လုံး ထောင့်ဖြတ် 5-7 cm ရှိတဲ့ အကျိတ်တစ်လုံးဟာ အနည်းဆုံး ၆ လအတွင်း ကြီးမလာခြင်း တစ်ခုချင်းစီ 3cm ထက် မကြီးတဲ့ အကျိတ်သေး ၅ လုံး အသည်းအစားထိုးကုသဖို့ သင့်အသည်းနဲ့ အနီးစပ်ဆုံးတူညီတဲ့ လှူဒါန်းသူရဲ့ အသည်းတစ်ခု လိုအပ်ပါတယ်။ စောင့်ကောင်းစောင့်ရပါလိမ့်မယ်။ တကယ်လို့ […]

အသည်းကင်ဆာဟာ အသည်းထဲမှာ ရှိတဲ့ ပုံမှန်မဟုတ်တဲ့ ဆဲလ်တွေဟာ သူတို့ရှိရမယ့်နေရာထက်ပိုပြီး လျင်မြန်စွာ ပွားခြင်းကြောင့် ဖြစ်လာခြင်းဖြစ်ပါတယ်။ လူအချို့က အသည်းကင်ဆာကို ကုသဖို့အတွက်နဲ့ နာကျင်မှု ဖြစ်ပေါ်စေတဲ့ ဖိအားကို သက်သာစေဖို့ ဓါတ်ရောင်ခြည်ကုသမှုကို ရွေးချယ်ကြပါတယ်။ ဓါတ်ရောင်ခြည်ကုသမှု ဆိုတာဘာလဲ။ ဓါတ်ရောင်ခြည်ကုသမှု ဟာ ပစ်မှတ်ထားတဲ့ စွမ်းအင်တွေ (ဥပမာ X-rays၊ ရေဒီယိုသတ္တိကြွပစ္စည်း) ကို အသုံးပြုပြီး ကင်ဆာဆဲလ်တွေကို သတ်ဖို့၊ အကျိတ်ကို ကျုံ့သွားစေဖို့နဲ့ ကင်ဆာနဲ့ဆက်စပ်နေတဲ့ လက္ခဏာတွေကို လျော့ကျစေဖို့ အသုံးပြုကြပါတယ်။ သူ့ကို အောက်ပါအချက်တွေမှာလည်း သုံးနိုင်ပါတယ်။ ကင်ဆာဆဲလ်တွေကို ဖျက်ဆီးဖို့ အဓိက ကုသမှု အဖြစ် ကင်ဆာဆဲလ် ဖြစ်ပေါ်ခြင်းကို တားမြစ်ဖို့အတွက် အခြားကုသမှုတွေနဲ့ ပေါင်းစပ်ကုသခြင်း အကျိတ်ကို ကျုံ့သွားစေဖို့ အခြားကုသမှုတစ်ခု မစတင်မီ ကျန်နေတဲ့ ကင်ဆာဆဲလ်တွေ ပွားလာခြင်းကို […]

အသည်းကင်ဆာဟာ အဖြစ်များတဲ့ ကင်ဆာရောဂါတစ်မျိုး ဖြစ်ပါတယ်။ အခုအချိန်အထိ အသည်းကင်ဆာကို ကာကွယ်ဖို့ ကုသဖို့ ထိရောက်တဲ့ နည်းအနည်းငယ်သာ ရှိပါသေးတယ်။ ဒါပေမယ့် အသည်းကင်ဆာကို ကာကွယ်ကုသဖို့ သုတေသန ပြုလုပ်ပြီး ရှာဖွေနေကြပါတယ်။ သိပ္ပံပညာရှင်တွေဟာ အသည်းကင်ဆာ ကို ပိုမိုကာကွယ်နိုင်ဖို့ ဖြစ်စေတဲ့ အချက်တွေကို မဆုံးနိုင်အောင် ရှာဖွေနေကြသလို ဆရာဝန်တွေကလည်း ကုသမှုကို တိုးတက်လာစေဖို့ ကြိုးစားနေကြပါတယ်။ အသည်းကင်ဆာ သုတေသနမှာ တိုးတက်မှုတွေ အများကြီး ရှိပါတယ်။ ကုသမှု အခုအချိန်မှာတော့ အသည်းကင်ဆာကို ကုသဖို့ နည်းလမ်းများစွာ ရှိပါတယ်။ အသည်းဖြတ်ထုတ်ခြင်း - ခွဲစိတ်ပြီး အသည်း တစ်စိတ်တစ်ပိုင်းကို ဖြတ်ထုတ်ခြင်း ဖြစ်ပါတယ်။ အသည်းအစားထိုးခြင်း Artery embolization - အကျိတ်ကို ထောက်ပံ့ပေးနေတဲ့ သွေးကြောတွေကို ပိတ်ဆို့ခြင်း Radiofrequency ablation […]

လေ့လာချက်များအရ အသည်းကင်ဆာဖြစ်သူ ၁၂၅ယောက်တိုင်းတွင် ထက်ဝက်နီးပါးသည် aဆးလိပ်သောက်ခြင်းနှင့် ဆက်စပ်လျက်ရှိကြောင်းတွေ့ရသည်။ ဆိုလိုသည်မှာ aဆးလိပ်သောက်ခြင်းသည် အသည်းကင်ဆာဖြစ်ပွားမှု အလားအလာကများစွာ မြင့်တက်စေသည်။ ဤအချက်ကို လက်ခံရန် လွယ်ကူသော်လည်း ဆေးလိပ်ဖြတ်ရန်မှာ မလွယ်လှပါ။ ထိုအတွက် စိတ်ပူရန်မလိုပါ။ အောက်ပါ အကြံပြုချက်များကိုလိုက်နာခြင်းဖြင့် ဆေးလိပ်ဖြတ်နိုင်ပါသည်။ အကြောင်းပြချက်ရှာပါ ရှေးဦးစွာဆေးလိပ်ဖြတ်ရန်ခိုင်လုံသော ကိုယ်ပိုင်အကြောင်းပြချက်တစ်ခု ချရေးပါ။ ဆေးလိပ်ဖြတ်ချင်သည့် အကြောင်းရင်းများကို စာရင်းတစ်ခုလုပ်ပြီး ဆေးလိပ်သောက်ချင်လာပါက ထိုစာရင်းကိုပြန်ဖတ်ပါ။ အဘယ့်ကြောင့် ဆေးလိပ်ဖြတ်ချင်သည်ကို ပြန်သတိရပါ။ မိသားစုကို ကာကွယ်ဖို့/ကိုယ်ချစ်ရတဲ့သူတွေ ဆေးလိပ်ငွေ့မရှုမိဖို့/ကိုယ့်ကလေးငယ်တွေ အတုယူမမှားမိစေဖို့/အဆုတ်ကင်ဆာနှင့် နှလုံးရောဂါဖြစ်ပွားမှုအလားအလာနည်းဖို့/ငယ်ရွယ်သန်မာဖို့ စသဖြင့်အကြောင်းပြချက်လေးတွေ ချရေးထားလိုက်ပါ။ ထိုလက်တွေ့ကျတဲ့ အကြောင်းပြချက်လေးတွေဟာ ဆေးလိပ်ပြတ်ဖို့ များစွာကူညီပေးနိုင်ပါလိမ့်မည်။ အရည်ပြောင်းသောက်ပါ အရက်သောက်ခြင်းဖြင့် ဆေးလိပ်ဖြတ်ရန်ပိုမိုခက်ခဲစေလိမ့်မည်။ Cokeကဲ့သို့ ဂတ်စ်ပါသော အချိုရည်များကလည်းေ ဆးလိပ်ဖြတ်ဖို့ခက်ခဲစေသည်။ လက်ဖက်ရည်နှင့် ကော်ဖီတို့ကလည်း ဆေးလိပ်အရသာကို ပိုကောင်းစေသည်။ ၎င်းတို့ကိုသောက်မည့်အစား ရေနှင့်သစ်သီးဖျော်ရည်များကို သောက်ခြင်းဖြင့် ကျန်းမာရေးကို […]