အရည်အသွေးမကောင်းတဲ့ နေလောင်ကာခရင်မ်တွေရဲ့ ဘေးထွက်ဆိုးကျိုး(၄) ခု

ယနေ့ခေတ် ခရမ်းလွန်အစွမ်းကြောင့် အသားအရေကို မထိခိုက်စေဖို့ နေလောင်ကာခရင်မ်ကို အားကိုးတကြီးနေ့တိုင်းမပါမဖြစ်သုံးလာကြပါတယ်။ မျက်နှာအတွက်လည်း လိမ်းဦးမှ၊ခြေလက်တွေအတွက်လည်း လိမ်းဦးမှ။ မိတ်ကပ်မလိမ်းရင်တော့ နေလောင်ကာခရင်မ်လေးတော့လိမ်းတတ်ကြပါတယ်။ ဒါပေမယ့်နေလောင်ကာခရင်မ်ဖြစ်တိုင်းပြီးရောလား။

ကိုယ်သုံးမယ့် နေလောင်ကာခရင်မ်ဟာ အသားအရေကိုမထိခိုက်စေတာသေချာပြီလား။ နေလောင်ကာခရင်မ်ရဲ့အရည်အသွေးနဲ့ ပါဝင်ပစ္စည်းတွေ၊ဘေးကင်းစိတ်ချရမှုတို့ကို ထည့်စဉ်းစားပြီးမှရွေးချယ်သင့်ပါတယ်နော်။

တံဆိပ်မျိုးစုံနဲ့ရောင်းချကြတဲ့အထဲ တချို့ထုတ်ကုန်တွေမှာoxybenzone ၊ triclosan၊ parabens နဲ့ phthalates တို့လိုဘေးဥပါဒ်ဖြစ်စေနိုင်တဲ့ဓါတ်ပစ္စည်းတွေ ပါဝင်တတ်ပါတယ်။ ဒါကိုရှောင်နိုင်ဖို့အရေးကြီးပါတယ်နော်။ ဒီဒြပ်ပေါင်းတွေကြောင့်ဟော်မုန်းလုပ်ဆောင်ချက်တွေကို ပျက်ယွင်းစေပြီး ဆဲလ်တွေကိုပျက်စီးစေတယ်၊ ကင်ဆာဖြစ်စေနိုင်တယ်။

ဒီလိုမကောင်းတဲ့ပါဝင်ပစ္စည်းတွေနဲ့ အရည်အသွေးညံ့တာတွေသုံးမိရင် ကိုယ့်မှာဘာတွေထိခိုက်စေနိုင်မလဲဆိုတာသိရင်ဈေးပေါတာ၊ အလွယ်ရတာတွေ သုံးဖြစ်တော့မှာမဟုတ်ပါဘူး။ ဆက်ပြီးဖတ်ကြည့်နော်။

လေ့လာမှုတွေအရoxybenzone ၊ triclosan၊ parabens နဲ့ phthalates တို့ကဟော်မုန်းတွေကို ကမောက်ကမဖြစ်စေတယ်လို့ဖော်ပြကြပါတယ်။ ဒါတွေမပါတဲ့ ထုတ်ကုန်တွေကိုရွေးချယ်သင့်တယ်နော်။

(၂) ဆဲလ်တွေကို ပျက်စီးစေတယ်

Oxybenzone ဟာခရမ်းလွန်ရောင်ခြည်ကို စုပ်ယူပေးလို့နေလောင်ကာခရင်မ်တွေမှာ အသုံးများတဲ့ ဓါတုပစ္စည်းပါ။ ဒါပေမယ့်ဟော်မုန်းလုပ်ဆောင်ချက်ပျက်ယွင်းမှုတွေနဲ့ ဆဲလ်ပျက်စီးမှုတွေဖြစ်စေနိုင်ပါတယ်။ ဒီဓါတ်က ဆဲလ်တွေရဲ့ကြီးထွားဖွံ့ဖြိုးမှုကို ဟန့်တားပြီး ဒီအန်င်အေဖြစ်ပေါ်မှုလုပ်ဆောင်ချက်တွေမှာ ဝင်ရောက်နှောင့်ယှက်နိုင်ပါတယ်။ မျိုးဗီဇသန္ဓေပြောင်းခြင်းကိုလည်းဖြစ်စေနိုင်ပါတယ်။လေ့လာမှုတွေအရOxybenzone ဟာ အမျိုးသမီးကြီးတွေမှာ သားအိမ်ရောဂါဖြစ်စေနိုင်တယ်လို့တွေ့ရှိထားပါတယ်။ ကိုယ်ဝန်ဆောင်ကာလအတွင်း oxybenzone ပမာဏများနေတဲ့အမျိုးသမီးတွေမှာဆိုရင်ပေါင်မပြည့်တဲ့သမီးမိန်းကလေးမွေးဖွားလာတတ်တယ်လို့ သိရပါတယ်။

(၃) ကင်ဆာဖြစ်စေနိုင်တယ်

ဒီဓါတုပစ္စည်းတွေကြောင့် ကင်ဆာဆဲလ်တွေကြီးထွားလာစေပြီး မျိုးဗီဇပြောင်းလဲမှုတွေကြောင့် ကင်ဆာဖြစ်လာစေနိုင်ပါတယ်။

(၄) ရင်သားကင်ဆာဖြစ်နိုင်ခြေပိုများတယ်

လေ့လာမှုတွေအရနေလောင်ကာခရင်မ်ရဲ့ဓါတုပစ္စည်းတွေမှာပါတဲ့benzophenones က ခန္ဓါကိုယ်ထဲမှာ အက်စထရိုဂျင်လွန်ကဲတဲ့အာနိသင်အတိုင်း တူညီတဲ့လုပ်ဆောင်ချက်ရှိတယ်လို့ သိရပါတယ်။ ဒါ့ကြောင့် ရင်သားကင်ဆာလိုရောဂါတွေဖြစ်လာနိုင်ခြေပိုများစေပါတယ်။

နေလောင်ကာခရင်မ် ဘယ်လိုရွေးချယ်မလဲ

အပေါ်မှာပြောခဲ့တဲ့ ပါဝင်ပစ္စည်းတွေမပါတဲ့နေလောင်ကာခရင်မ်ကိုရွေးချယ်ပါ။titanium နဲ့zinc သတ္တုဓါတ်တွေပါဝင်တဲ့ အမျိုးအစားကိုရွေးချယ်ပါ။ ဒီလိုခရင်မ်တွေက ဓါတုပစ္စည်းဆိုးတွေလို အသားအရေထဲ ထိုးဖောက်မဝင်ရောက်နိုင်တာကကောင်းကျိုးတစ်ခုပါ။

သဘာဝပစ္စည်းကိုအခြေခံပြီးထုတ်လုပ်တဲ့ ထုတ်ကုန်တွေလည်းရှိပါတယ်။ အကောင်းဆုံးက အရည်အသွေးနဲ့ဘေးကင်းမှုကို အာမခံတဲ့ အမှတ်တံဆိပ်ကိုရွေးချယ်ပါ။ အနည်းဆုံးSPF30လောက်ရှိတဲ့နေလောင်ကာခရင်မ်ကိုရွေးချယ်ပါ။