အန္တရာယ်ကင်းစွာ လိင်ဆက်ဆံခြင်း/လိင်မှကူးစက်သောရောဂါများမှ ကာကွယ်ခြင်း

ပုံမှန်အားဖြင့် ကိစ္စတခုခုကို ဆောင်ရွက်ရတဲ့အခါ နှောင့်နှေးကြန့်ကြာတာကို လူတွေမကြိုက်ကြပေမယ့် ကြာလေပိုကြိုက်လေဆိုတဲ့ ကိစ္စတခုလည်း ရှိနေပါသေးတယ်။ ဒါကတော့ အားလုံး သိကြတဲ့အတိုင်း ချစ်မှုရေးရာ လိင်ကိစ္စပဲ ဖြစ်ပါတယ်။ ဒီကိစ္စဟာ အစားအသောက်၊အနေအထိုင်၊လေ့ကျင့်မှု စတာတွေ အများကြီးနဲ့ သက်ဆိုင်ပေမယ့် အလွယ်ကူဆုံး နည်းလမ်းဖြစ်တဲ့ 'ကြာဆေး'တွေ သုံးစွဲခြင်းကို လူအများစုက ရွေးချယ်လိုက်ကြပါတော့တယ်။ ယေဘုယျအားဖြင့် ဒီလိုဆေးတွေဟာ ဆရာဝန်ဆေးစာပါမှ ဝယ်ယူခွင့်ရှိတဲ့ ဆေးတွေဖြစ်ပေမယ့် ကျွန်တော်တို့နိုင်ငံမှာတော့ ကြိုက်တဲ့လမ်းဘေးဆေးဆိုင်မှာ အလွယ်တကူ ပျော်ပျော်ကြီး ဝယ်လို့ရပါတယ်။ ဒီလိုဝယ်ယူနိုင်ခြင်းကြောင့် နောက်ဆက်တွဲဆိုးကျိုးတွေ များစွာ ဖြစ်ပေါ်လာရပါတယ်။ ဘယ်လိုမျိုး ဆိုးကျိုးတွေ ပေါ်ပေါက်လာသလဲဆိုတာကို ကြည့်လိုက်ကြရအောင်။ စိတ်ထင်တိုင်း မသောက်သင့်တဲ့ 'ကြာဆေး'တွေ 'ကြာဆေး'တွေ ကို စိတ်ထင်တိုင်း မသောက်ပါနဲ့လို့ ပြောရတာက 'ကြာဆေး'တွေ ဘယ်လို အလုပ်လုပ်သလဲ ဒီဆေးတွေရဲ့ ဆိုးကျိုးအကြောင်း မပြောခင် သူတို့တွေ ဘယ်လို အလုပ်လုပ်သလဲဆိုတာကို […]

သိပ်မကြာသေးခင်က နာမည်ကြီးခဲ့တဲ့ လိင်ပိုင်းဆိုင်ရာ စော်ကားမှုတခုမှာ မုဒိမ်းမှုဖြစ်ကြောင်း (ကာမစပ်ယှက်မှုရှိခဲ့ကြောင်း) အတော်လေး သိသာထင်ရှားတဲ့ အချက်တွေ ရှိနေလျက်နဲ့ မှုခင်းဆရာဝန်က တရားခွင်မှာ ထွက်ဆိုတဲ့အခါ အမျိုးသမီးရဲ့ မိန်းမကိုယ်အတွင်းမှာ သုတ်ရည်မတွေ့ရှိကြောင်း အစစ်ခံခဲ့တာနဲ့ ပတ်သက်ပြီး လူမှုကွန်ယက်ပေါ်မှာ ပြစ်တင်ဝေဖန်ကြ၊(ထုံးစံအတိုင်း)ဆဲကြဆိုကြနဲ့ အတော်လေး သောသောညံခဲ့ပါတယ်။ ဒါဟာ သာမန်ပြည်သူတွေအနေနဲ့ ဥပဒေကို တိတိပပ မသိနားမလည်ခြင်းနဲ့ မှုခင်းဆရာဝန်ရဲ့ လုပ်ပိုင်ခွင့်နဲ့ တာဝန်ကို မသိရှိတာကြောင့် ဖြစ်ပါတယ်။ ဒီဆောင်းပါးမှာတော့ ဥပဒေပိုင်းနဲ့ ပတ်သက်ပြီး သုံးသပ်မှာ မဟုတ်ဘဲ မှုခင်းဆရာဝန်နဲ့ ပတ်သက်တဲ့ အပိုင်းတွေကိုပဲ ဆေးပညာရှုထောင့်က မျှဝေဆွေးနွေးသွားမှာ ဖြစ်ပါတယ်။   မှုခင်းဆရာဝန်ဆိုတာ ဘာလဲ။ သူ့ရဲ့ တာဝန်ကရော ဘာတွေလဲ   မှုခင်းဆရာဝန်အကြောင်း မပြောခင် ဆေးတက္ကသိုလ် နောက်ဆုံးနှစ်အပိုင်း က မှာ သင်ရတဲ့ မှုခင်းရေးရာဆေးပညာ (Forensic […]

HD တွေ ထွက်ကုန်ပြီလား ........ HD ဆိုတဲ့ စာလုံးဟာ လူမှုကွန်ယက်နဲ့ မရင်းနှီးသူ ဒါမှမဟုတ် တခြားနိုင်ငံသားတွေအတွက် High-definition (ဝါ) ကြည်လင်ပြတ်သားပြီး အရည်အသွေးကောင်းမွန်တဲ့ ရုပ်သံဖိုင်တခုဆိုတဲ့ အဓိပ္ပာယ်ဆောင်မှာ ဖြစ်ပေမယ့် လူမှုကွန်ယက်နဲ့ အကျွမ်းတဝင်ရှိတဲ့ မြန်မာနိုင်ငံသားတွေအတွက်တော့ ဒီစာလုံးဟာ အဓိပ္ပာယ်တမျိုး သက်ရောက်ပါတယ်။ အားလုံးပဲ သိတော်မူကြတဲ့အတိုင်း HD ဆိုတာဟာ စုံတွဲတတွဲ လိင်ဆက်ဆံနေကြတာကို (အဆိုပါ စုံတွဲထဲက တယောက်ယောက် သို့မဟုတ် အခြားသူတယောက်ယောက်က) ခိုးရိုက်ထားတဲ့ ရုပ်သံဖိုင် သို့မဟုတ် မိမိတို့စုံတွဲကိုယ်တိုင် အလိုတူအလိုပါ ရိုက်ထားပြီးမှ အကြောင်းအမျိုးမျိုးကြောင့် လူသိရှင်ကြား ပျံ့နှံ့သွားတဲ့ ခပ်ပြာပြာ ရုပ်သံဖိုင်တွေကို ဆိုလိုတာပါ။ အင်တာနက်နဲ့ ဖုန်းဟာ လက်တကမ်းဆိုတာထက် ပိုနီးစပ်လာတဲ့ အခြေအနေမှာ သင့်ရဲ့ အနက်ရှိုင်းဆုံး လျှို့ဝှက်ချက်တွေဟာ တမဟုတ်ချင်းမှာပဲ […]

အိပ်နေစဉ်မှာ လိင်ဆက်ဆံခြင်း (Sleep Sex) ဆိုတာဘာလဲ အိပ်နေစဉ်မှာ လမ်းလျှောက်ခြင်း၊ အိပ်နေစဉ်မှာ စကားပြောခြင်းနဲ့ အိပ်ပျော်နေစဉ် ကားမောင်းခြင်းတွေဆိုတာ အဖြစ်များတဲ့ အိပ်စက်ခြင်းဆိုင်ရာ ပြဿနာတွေပါ။ သင့်အနေနဲ့ ဒီလို ဝေဒနာတွေကို ကြားဖူးကောင်းကြားဖူးလိမ့်မယ်။ ဒါမှမဟုတ် ကြုံဖူးကောင်း ကြုံဖူးပါလိမ့်မယ်။ ဒါဖြင့်ရင် အိပ်စက်ခြင်းဆိုင်ရာ ပြဿနာတွေ ဆိုတာ ဘာကိုခေါ်တာလဲ။ အိပ်စက်ဆိုင်ရာ ပြဿနာတွေဆိုတာ ပုံမှန်ကောင်းကောင်းမွန်မွန် အိပ်ပျော်နေတဲ့ အချိန်မှာ ကောင်းကောင်း မအိပ်စက်နိုင်တဲ့ ဝေဒနာ တွေကိုခေါ်တာ ဖြစ်ပါတယ်။ ပုံမှန်အားဖြင့် ကျန်းမာရေး ပြဿနာတွေကြောင့် ဖြစ်တတ်သလို စိတ်ဖိစီးမှု များတဲ့အခါမှာလည်း ဖြစ်နိုင်ပါတယ်။ လူအများစုဟာ ဒီလို အိပ်စက်ခြင်းဆိုင်ရာ ပြဿနာတွေကို စိတ်ဖိစီးတဲ့အခါ၊ အလုပ်တွေ အရမ်းများတဲ့အခါ၊ တစ်ခြားသော ပြင်ပ အကြောင်းရင်းများနဲ့ ကြုံတွေ့ရတဲ့အခါမှာ တစ်ခါတစ်ရံ ခံစားရလေ့ရှိပါတယ်။ […]

လိင်ပိုင်းဆိုင်ရာ နှောင့်ယှက်ထိပါးခြင်း မိန်းကလေးတစ်ယောက် လက်ဖက်ရည်ဆိုင်ရှေ့က ဖြတ်သွားတယ် ဒါမှမဟုတ် ယောက်ျားလေးအုပ်စုထိုင်နေတဲ့ နေရာရှေ့က ဖြတ်သွားတယ်။ ဒါဆိုရင် 'ဟေ့ အသည်းလေး ဘယ်သွားမလို့လဲ'၊'ရွှတ် ရွှတ်' ဆိုတဲ့ အဆင့်ကနေ 'ဆော်ကြီးက မိုက်လိုက်တာကွာ၊xxxxx လိုက်ရရင်တော့ ရှယ်ပဲ' အစရှိတဲ့ ညစ်ညစ်ညမ်းညမ်း စကားလုံးတွေအထိ တိုးတိုးတစ်နည်း၊ကျယ်ကျယ်တစ်ဖုံ ပြောကြတာကို မြင်ဖူးတွေ့ဖူးကြမှာပါ။ ဘတ်စ်ကားစီးတယ်ဆိုရင်လည်း မိန်းကလေးရဲ့ ကျော၊တင်ပါး စတာတွေကို အမျိုးသားရဲ့ မတော်ရာနဲ့ လိုက်ထိနေတာစသဖြင့် ရှိတတ်ကြပါတယ်။ ပြီးခဲ့တဲ့ရက်ပိုင်းအတွင်းမှာပဲ အဝေးပြေးကားပေါ်မှာ ထိုင်နေတဲ့ အမျိုးသမီးရဲ့ တင်ပါးကို အနောက်ကနေ ခြေထောက်နဲ့ မထိခလုတ်၊ထိခလုတ် ထိုးနေတာကြောင့် ပြဿနာဖြစ်တာကို ကြားလိုက်ကြဦးမှာပါ။ ဒါတွေဟာ အနိုင်ကျင့်တယ်ဆိုတဲ့ အတိုင်းအတာ မကတော့ပါဘူး။'လိင်ပိုင်းဆိုင်ရာ နှောင့်ယှက်ထိပါးခြင်း'ဆိုတဲ့ အဆင့်ကို ရောက်သွားပါပြီ။ လိင်ပိုင်းဆိုင်ရာ နှောင့်ယှက်ထိပါးခြင်းဟာ ကျား၊ မကြီးငယ်မရွေး ကလေးလူကြီးမဟူ တွေ့ကြုံရနိုင်ပေမယ့် […]

ကြားဖူးနေကြ မေးခွန်းဟောင်းတစ်ခုကတော့ ထိုးသွင်းမှုမရှိဘဲ အတူနေခြင်းဟာ ကိုယ်ဝန်ရနိုင်ခြေရှိလား ဆိုတာပါပဲ။ အဖြေကတော့ yes ပါပဲ။ ဒါပေမယ့် ဖြစ်နိုင်ခြေတော့ နည်းပါတယ်။ ကိုယ်ဝန်ကိုရှောင်လွှဲဖို့ အကောင်းဆုံး နည်းလမ်းကတော့ အတူနေချိန်မှာ အကာအကွယ် သုံးဖို့ပါပဲ။ ကိုယ်ဝန်ရဖို့ဆိုရင် မျိုးဥဟာ သုက်ပိုးနဲ့တွေ့ပြီး သန္ဓေအောင်ဖို့ လိုပါတယ်။ ပုံမှန်အားဖြင့် သုက်ရည်ဟာ မိန်းမကိုယ်ထဲကို ဝင်ရောက်သွားချိန်မှာ သန္ဓေအောင်နိုင်ပါတယ်။ အမျိုးသား သုက်ရည်မှာ သုက်ပိုးပေါင်း သန်းနဲ့ချီ ပါဝင်ပြီး သန္ဓေအောင်ဖို့ အတွက်တော့ သုက်ပိုးတစ်ကောင်ပဲ လိုအပ်ပါတယ်။ ထိုးသွင်းမှုမရှိဘဲ အတူနေခြင်းဟာ ကိုယ်ဝန်ရနိုင်ခြေရှိလား ထိုးသွင်းမှုမရှိဘဲ အတူနေခြင်းကနေ ကိုယ်ဝန်ရနိုင် မရနိုင်နဲ့ ပတ်သက်ပြီး ယုံတမ်းစကား အချို့ရှိပါတယ်။ တစ်ခုပြီးတစ်ခု လေ့လာကြည့်ရအောင်။ ယုံတမ်းစကား ၁။ သုက်ရည်အပြီးမထွက်ခင်လာတဲ့ အရည်ကြည်များကနေ ကိုယ်ဝန်ရနိုင်တယ်။ သုက်ရည် ပန်းမထွက်ခင်မှာ ယောက်ျားတန်ဆာကနေ pre-cum လို့ခေါ်တဲ့ အရည်ကြည်လေးများ […]

မနက်အိပ်ရာထတဲ့အခါ သင့်အတွင်းခံဘောင်းဘီ ဒါမှမဟုတ် ညဝတ်ဘောင်းဘီထဲ စိုထိုင်းထိုင်း စေးကပ်ကပ်ဖြစ်နေတာမျိုး ကြုံဖူးပါသလား။ အစပိုင်းမှာ သင့်ကိုယ်သင် အိပ်ရာထဲ ဆီးပေါက်ချမိတယ်လို့ ထင်ကောင်းထင်နိုင်ပေမယ့် သင်ဟာ လူပျိုဖော်ဝင်တဲ့အရွယ် ဒါမှမဟုတ် လူပျိုဖော်ဝင်ပြီးစအရွယ် ဖြစ်နေမယ်ဆိုရင်တော့ ဒါဟာ အိပ်နေရင်းသုတ်လွှတ်တာကို ဖော်ပြတဲ့ လက္ခဏာ ဖြစ်နေနိုင်ပါတယ်။ အိပ်နေရင်းသုတ်လွှတ်ခြင်းကို ဆရာဝန်တွေက “ညဘက်သုတ်လွှတ်ခြင်း” (nocturnal emission) လို့ ခေါ်ပါတယ်။ Nocturnal ဆိုတာ “ည” ကို ဆိုလိုတာဖြစ်ပြီး Emission ကတော့ “ထုတ်လွှတ်ခြင်း” လို့ အဓိပ္ပါယ်ရပါတယ်။ ဒီဆောင်းပါးမှာတော့ အိပ်နေစဉ်သုတ်လွှတ်ခြင်းနဲ့ ပတ်သက်တဲ့ သိကောင်းစရာအချက်အလက်တွေနဲ့ အမေးများတဲ့မေးခွန်းတွေရဲ့ အဖြေတွေကို ဖော်ပြသွားမှာ ဖြစ်ပါတယ်။ အိပ်နေစဉ်သုတ်လွှတ်ခြင်းဆိုတာ ဘာကိုခေါ်သလဲ အိပ်နေစဉ်သုတ်လွှတ်ခြင်းဆိုတာ သင်အိပ်ပျော်နေစဉ် အချိန်အတွင်း လိင်တံကတဆင့် သုတ်ရည်ထုတ်လွှတ်ခြင်းကို ခေါ်ပါတယ်။ များသောအားဖြင့် လိင်ကိစ္စနဲ့ဆက်နွယ်တဲ့ အိပ်မက်မက်တဲ့အခါ သုတ်လွှတ်လေ့ရှိပြီး […]

အမျိုးသမီးဝါဒ ပေါ်ထွန်းလာခြင်းနဲ့အတူ ပရောပရည်လုပ်ခြင်းနဲ့ လိင်ပိုင်းဆိုင်ရာ ထိပါးကရိပါးပြုလုပ်ခြင်းရဲ့ မတူကွဲပြားမှုကို လူအများက အာရုံစိုက်လာကြပါတယ်။ လူတွေဘယ်လိုပဲ ထပ်တလဲလဲပြောဆိုနေကြပါစေ ဒီအကြောင်းအရာနှစ်ခုဟာ ရှင်းရှင်းလင်းလင်း ကွဲပြားခြားနားတာကို သိမြင်နိုင်ပါတယ်။ ရုပ်ရည်ချောမောပြေပြစ်ခြင်းမရှိသူ အမျိုးသား အမျိုးသမီး အများစုက လိင်ပိုင်းဆိုင်ရာ ထိပါးကရိပါးပြုလုပ်ခြင်းကို ပရောပရည်လုပ်ခြင်း ခေါင်းစဉ်အောက် ထည့်သွင်းတတ်ကြပေမယ့် ဘယ်ဟာက လိင်ပိုင်းဆိုင်ရာ ထိပါးကရိပါးလုပ်ခြင်းဖြစ်ပြီး ဘယ်ဟာက ပရောပရည်လုပ်ခြင်းဖြစ်သလဲဆိုတာကိုတော့ သင်ကိုယ်တိုင်သာ ဆုံးဖြတ်ရမှာ ဖြစ်ပါတယ်။   ဘယ်အရာတွေကို လိင်ပိုင်းဆိုင်ရာ ထိပါးကရိပါးပြုလုပ်ခြင်းအဖြစ် သတ်မှတ်မလဲ အချို့သော ရုပ်ပုံ၊ ဟာသ၊ စကားအသုံးအနှုန်းနဲ့ ထိတွေ့မှုတွေကို “မလျော်ကန်မသင့်တင့်ဘူး” လို့ သတ်မှတ်နိုင်ပါတယ်။ တစ်စုံတစ်ယောက်ရဲ့ အပြုအမူနဲ့ တုံ့ပြန်မှုတွေဟာ သင့်ကို ကသိကအောက်ဖြစ်စေတယ် စိတ်အနှောင့်အယှက်ဖြစ်စေတယ်ဆိုရင် ဒါဟာ လိင်ပိုင်းဆိုင်ရာ ထိပါးကရိပါးပြုလုပ်ခြင်း ဒါမှမဟုတ် နိုင့်ထက်စီးနင်းပြုလုပ်ခြင်း ဖြစ်နေနိုင်တဲ့အတွက် သင်ယုံကြည်ရတဲ့ အရွယ်ရောက်ပြီးသူ တစ်ယောက်ယောက်ကို […]

လိင်စွဲလမ်းမှုပြဿနာ ရှိသူတွေဟာ သူတို့မထိန်းချုပ်နိုင်တဲ့ ကာမဆန္ဒနှိုးဆွမှုတွေကို ခံစားကြရတာ ဖြစ်ပါတယ်။ လိင်စွဲလမ်းမှုပြဿနာ ရှိသူတွေဟာ လိင်ကိစ္စကို ပြင်းပြင်းထန်ထန် စိတ်ဝင်စားသူတွေသာဖြစ်တယ်ဆိုတဲ့ အပေါ်ယံယူဆချက်ဟာ တကယ်တော့ တိကျမှုမရှိပါဘူး။ ဒီပြဿနာရဲ့ အဖြစ်အများဆုံး လက္ခဏာတွေကတော့ မိမိကိုယ်ကိုယ် မထိန်းချုပ်နိုင်ခြင်း မလိုလားအပ်သည့် လိင်ဆိုင်ရာအပြုအမူများကို မပြုလုပ်မိအောင် ကြိုတင်ကာကွယ်သော်လည်း မအောင်မြင်ခြင်း အနုတ်သဘောဆောင်သည့် နောက်ဆက်တွဲဆိုးကျိုးများ ခံစားရခြင်း၊ စိုးရိမ်ပူပင်ခြင်း၊ စိတ်ကျခြင်း၊ ဥပဒေရေးရာ ပြဿနာများနှင့် ရင်ဆိုင်ရခြင်း လိင်စွဲလမ်းမှုနဲ့ ပတ်သက်ပြီး သိသင့်သိထိုက်တဲ့ အကြောင်းအရာအချက်အလက် များစွာရှိပါတယ်။ စိတ်ကြွစိတ်ကျရောဂါရှိသူအများစုဟာ စိတ်ကြွနေတဲ့အခြေအနေမှာ အန္တရာယ်ရှိတဲ့ လိင်ဆက်ဆံမှုတွေ ပြုလုပ်မိတတ်ပါတယ်။ Borderline Personality Disorder အမည်ရှိ ပင်ကိုယ်ဗီဇဆိုင်ရာ စိတ်ရောဂါရှိသူတွေဟာ ယေဘုယျအားဖြင့် မိမိကိုယ်ကိုယ်ထိခိုက်အောင် ပြုမူတတ်ကြပြီး အန္တရာယ်ရှိတဲ့ လိင်ဆက်ဆံမှုတွေကိုလည်း ပြုလုပ်တတ်ကြပါတယ်။ မိမိတို့ရဲ့ ကျား၊မ လိင်စိတ်နဲ့ပတ်သက်ပြီး […]

ပွင့်သောပန်းတိုင်း မညှိုးရအောင် အိမ်ထောင်ရှင်အမျိုးသားတဦးအတွက် လိင်မှုရေးရာ စွမ်းဆောင်ရည်ဆိုတာဟာလည်း အရေးအကြီးဆုံး မဟုတ်ရင်တောင် အရေးအကြီးဆုံးတွေထဲက တခုအဖြစ်တော့ သေချာပေါက် ပါဝင်နေပါတယ်။ အိမ်ထောင်ဦးစီး ယောက်ျားတွေအနေနဲ့ လူမှုရေး၊စီးပွားရေး အစရှိတဲ့ စိတ်ဖိစီးမှုဒါဏ်တွေကိုလည်း ခံရလေ့ရှိသေးတာမို့ အိမ်ထောင်ရေးသုခအပြည့်အဝရဖို့ဆိုရင် ကျန်းမာရေးနဲ့ညီညွတ်တဲ့ အလေ့အထကောင်းလေးတွေ၊အမူအကျင့်ကောင်းလေးတွေ၊ဆောင်ရန်ရှောင်ရန်လေးတွေကို သိထားဖို့ လိုအပ်ပါတယ်။ ဒါကြောင့် ဒီဆောင်းပါးလေးက သင့်ရဲ့ ပန်းဥယျာဉ်ကမ္ဘာကြီးထဲက ပန်းလေးတွေ မားမားမတ်မတ်နဲ့ လန်းဆန်းနေစေဖို့ တထောင့်တနေရာကနေ ကူညီပေးနိုင်မှာပါ။   ၁။ ကိုယ်အလေးချိန်ထိန်းပါ။ တခါတလေကျပြန်တော့ နည်းနည်းဝလာတာနဲ့ကို သင့်ရဲ့ အိပ်ယာတွင်း စွမ်းဆောင်ရည်ကို လျော့ကျစေနိုင်ပါတယ်။ အကယ်၍ သင်ဟာ အဝလွန်နေသူတဦးဖြစ်ခဲ့မယ်ဆိုရင်တော့ ကိုလက်စထရောပမာဏများပြားခြင်းဟာ ပန်းသေပန်းညှိုးပြဿနာဆီကို ဦးတည်လာနိုင်ပါတယ်။ ခါးဆိုဒ် ၄၀ ထက်ကျော်သူတွေဟာ လိင်ဆက်ဆံရာမှာ လိုသလောက် ခရီးမပေါက်တတ်ဘူးလို့ လေ့လာချက်အချို့က ညွှန်းဆိုနေတဲ့အတွက် သင့်ကိုယ်အလေးချိန်ကို ဂရုတစိုက် ထိန်းသိမ်းသင့်ပါတယ်။   ၂။ သွေးပေါင်ချိန်မှန်မှန်တိုင်းပါ။ သွေးပေါင်ချိန်တက်တဲ့အခါ သင့်ခန္ဓါကိုယ်တွင်းမှာရှိတဲ့ […]