ဒုတိယ သုံးလပတ်

19 ပတ် မြောက်မှာ ကလေးလေး ဘယ်လိုဖွံ့ဖြိုးလာမှာလဲ သားသားမီးမီးလေးက ဘယ်လိုကြီးလာတာပါလိမ့် 19 ပတ် အရွယ် ကလေးလေးက ခရမ်းချဉ်သီးအပျော့အရွယ် ၂၄၀ ဂရမ်၊ ၁၅ စင်တီမီတာလောက်ရှိပါပြီ။ အခုဆို ကလေးလေးကို အဖြူရောင် ဖယောင်းလွှာအပျော့လို အရေပြားတစ်လွှာနဲ့ အကာအကွယ်ပေးထာပါတယ်။ ဒီဖယောင်းလွှာက ကိုယ်ဝန်ကာလကုန်ဆုံးမှ ပျောက်မှာပါ။ မွေးစကလေးတွေမှာ ဖယောင်းလွှာ ပါလာတတ်ပါတယ်။ ဒီအပတ်မှာ အညိုရောင်အဆီလွှာက ကလေးကိုယ်မှာပေါ်လာပြီး မွေးပြီးတဲ့အချိန်ကျရင် ကလေးလေးကို နွေးထွေးစေပါလိမ့်မယ်။ နောက်ဆုံး ၃ လပတ်ဆို အဆီတွေက ကလေးလေးကို အကာအကွယ်ပေးဖို့ ပိုပြီးဖွံ့ဖြိုးလာမှာပါ။ ခန္ဓာကိုယ်နဲ့ အနေအထိုင်အပြောင်းအလဲလေးများ ခန္ဓာကိုယ်မှာရော ဘာတွေဆက်ပြောင်းလဲဦးမှာပါလိမ့် ကလေးလေး လှုပ်ရှားတာကို ဒီအချိန်လောက်ဆို စသိပါပြီ။ ပထမဆုံးလှုပ်ရင် ခဏလေးနဲ့ ဖြည်းဖြည်းလေးဆိုတော့ လေပွတာနဲ့ မှားနိုင်ပါတယ်။ နောက်ပိုင်း ကန်တာ၊ လက်သီးနဲ့ထိုးမိတာ၊ ကြို့ထိုးတာတွေကို ထပ်သိလာမှာပါ။ ကလေးတစ်ယောက်နဲ့ တစ်ယောက် လှုပ်ရှားပုံမတူပါဘူး။ […]

18 ပတ် မြောက်မှာ ကလေးလေး ဘယ်လိုဖွံ့ဖြိုးလာမှာလဲ သားသားမီးမီးလေးက ဘယ်လိုကြီးလာတာပါလိမ့် 18 ပတ် ဆို ကလေးက ငရုပ်ပွအရွယ် ၂၀၀ ဂရမ်၊ ၁၄ စင်တီမီတာလောက်ရှိပါပြီ။ ကလေးလေးက နည်းနည်းစလှုပ်လာပါပြီ။ ကလေးလေးလှိမ့်တာ၊ လည်နေတာ၊ ကန်တာကို မေမေတို့ သိလာပြီနော်။ ကလေးသမ်းတာကအစ ကြို့ထိုးတာအထိကို မေမေတို့ သိနေပါပြီ။ သားသားမီးမီးကတော့ မြန်မြန်ဆန်ဆန်ကြီးထွားနေတဲ့ အကြောင်းကို မေမေတို့ကို သတင်းပေးနေပြီနော်။ နားရွက်လေးကလည်း ဖွံ့ဖြိုးပြီးသားဆိုတော့ မေမေတို့ အသံကို ကောင်းကောင်းကြားနိုင်ပါတယ်နော်။ ကလေးကို စကားစပြောဖို့ အချိန်ကောင်းပါပဲ။ ကလေးလေးက မေမေတို့အသံ၊ နှလုံးခုန်သံ၊ အချင်းကိုဖြတ်ပြီး သွေးစီးသံကိုကြားရတဲ့အခါ စိတ်သက်သာရာရမှာပါ၊၊ ကလေးလေးရဲ့မျက်လုံးလေးတွေက အရင်ကလို ဘေးကို စွေမနေတော့ဘဲ အရှေ့တည့်တည့်ကို ကြည့်နိုင်တဲ့အထိကို ကောင်းကောင်းဖွံ့ဖြိုးလာပါပြီ။ ဒီအချိန်မှာ ဗိုက်အရှေ့ကနေပြီး ဓာတ်မီးနဲ့ထိုးရင် ကလေးလေးက သိနိုင်ပါတယ်။ ခန္ဓာကိုယ်နဲ့ အနေအထိုင်အပြောင်းအလဲလေးများ ခန္ဓာကိုယ်မှာရော ဘာတွေဆက်ပြောင်းလဲဦးမှာပါလိမ့် ကျောနာတာ […]

17 ပတ် မြောက်မှာ ကလေးလေး ဘယ်လိုဖွံ့ဖြိုးလာမှာလဲ သားသားမီးမီးလေးက ဘယ်လိုကြီးလာတာပါလိမ့် 17 ပတ် ကလေးလေးက ကြီးထွားနှုန်းမြန်လာတာနဲ့အမျှ အခုဆို သလဲသီးအရွယ်  ၁၂ စင်တီမီတာကျော်ကျော်လောက် ရှိနေပါပြီ။ ကလေးလေးက အခုဆို အဆီလေးတွေလည်း စပေါ်လာပါပြီ။ သူလေးရဲ့အဆီတွေက ဆက်တိုက်ပိုတိုးလာမှာဖြစ်သလို မွေးတဲ့အခါကျ တစ်ကိုယ်လုံး အလေးချိန်ရဲ့ ၃ ပုံ ၂ ပုံ လောက်ရှိလာမှာပါ။ ကလေးကို နွေးနွေးထွေးထွေးရှိစေဖို့ အဆီတွေက အရေးကြီးပါတယ်။ နှလုံးလေးက ခုန်တာပိုမြန်လာပြီးတော့ တစ်မိနစ်ကို ၁၄၀-၁၅၀ ကြိမ်လောက်ရှိနေပါပြီ။ မေမေတွေရဲ့ ၂ဆလောက် ရှိတယ်နော်။ ဒါက ကလေးလေးကြီးထွားတာ အားကောင်းလာပြီး အာဟာရတွေ အောက်ဆီဂျင်တွေ ပိုလိုလာတယ်လို့ ဆိုလိုတာပါ။ ဒီတော့ အချင်းက ကလေးလေးကို လိုအပ်တာတွေ ထောက်ပံ့ပေးဖို့ မြန်မြန်လေးဖွံ့ဖြိုးလာပါတယ်။ ခန္ဓာကိုယ်နဲ့ အနေအထိုင်အပြောင်းအလဲလေးများ ခန္ဓာကိုယ်မှာရော ဘာတွေဆက်ပြောင်းလဲဦးမှာပါလိမ့် မေမေတို့ရဲ့ ရင်သားက […]

16 ပတ် မြောက်မှာ ကလေးလေး ဘယ်လိုဖွံ့ဖြိုးလာမှာလဲ သားသားမီးမီးလေးက ဘယ်လိုကြီးလာတာပါလိမ့် 16 ပတ် မြောက်မှာ ထောပတ်သီးအရွယ် ၁၀၀ ဂရမ် ၁၁.၄၃ စင်တီမီတာ လောက်ရှိလာပါမယ်။ ကျောရိုးနဲ့အနောက်က ကြွက်သားသေးသေးလေးတွေက ပိုသန်မာလာပြီး ခေါင်းကိုမတ်နေအောင် ထိန်းပေးထားမှာပါ။ မျက်နှာက ကြွက်သားတွေလည်း အားတွေရှိလာပြီး မျက်လုံးလှုပ်ရှားဖို့၊ မျက်မှောင်ကျုံ့ဖို့၊ ပြုံးဖို့အတွက် လုပ်ပေးမှာပါ။ ကလေးလေးက ခေါင်းလေးမတ်ပြီး စိုက်ကြည့်တာ၊ မျက်မှောင်ကျုံ့တာတွေနဲ့ စိတ်ခံစားကိုဖော်ပြလို့ရပါပြီ။ ဒါတွေက မေမေ့ဗိုက်ထဲမှာ ဖြစ်နေတာပါ၊၊ သားအိမ်ကို ဖောက်ပြီးမြင်နိုင်ရင် ကလေးလေးရဲ့ အသားရေကြည်လင်နေတာတွေရမှာပါ။ အရေပြားပါးပါးလေးအောက်က သွေးကြောလေးတွေပါ မြင်ရမှာပါ။ ကလေးလေးက အရေးကြီးတဲ့အင်္ဂါအစိတ်အပိုင်းတွေကို ဖွံ့ဖြိုးဖို့လုပ်နေရလို့ အဆီတွေ မဖြစ်နိုင်သေးပါဘူး။ ကလေးလေးရဲ့နားက အပြီးအစီးဖွံ့ဖြိုးပြီးသွားတဲ့အတွက် ဝမ်းသာနေလောက်ရောပေါ့ မေမေတို့ရေ။ ဒီတော့ မေမေတို့အပြင်က စကားပြောတဲ့အခါ ကလေးလေးက ကြားနေမှာပါ။ ဒါက ကလေးနဲ့ဆက်သွယ်ဖို့ အခွင့်ကောင်းပါ။ […]

15 ပတ် မြောက်မှာ ကလေးလေး ဘယ်လိုဖွံ့ဖြိုးလာမှာလဲ သားသားမီးမီးလေးက ဘယ်လိုကြီးလာတာပါလိမ့် အခု 15 ပတ် မြောက်ကို ရောက်လာတဲ့အခါမှာ ကလေးလေးက ပန်းသီးအရွယ် ၇၅ ဂရမ်၊ ၁၀ စင်တီမီတာလောက် ရှိလာပါပြီ။ ကလေးလေးက ဆက်ပြီးဖွံ့ဖြိုးလာတာကြောင့် ခြေလက်လေးတွေ စလှုပ်လို့တောင် ရနေပါပြီ။ မကြာခင်မှာ ဗိုက်ထဲက လှုပ်ရှားမှုတွေကို ခံစားမိလာမှာပါ။ကလေးလေးက အသက်ရှူဖို့၊ မျိုချဖို့၊ စုပ်ယူဖို့ကို သင်ယူနေပါပြီ။ မွေးလာတဲ့အခါ အသက်ရှင်နေနိုင်ဖို့ ဒါတွေကို သူလေး နေ့တိုင်းလေ့ကျင့်နေလေရဲ့။ ဒီအပတ်မှာ အာထရာဆောင်းရိုက်ကြည့်ရင် ကျားမခွဲလို့ ရချင်ရနေလောက်ပြီနော်။ ခန္ဓာကိုယ်နဲ့ အနေအထိုင်အပြောင်းအလဲလေးများ ခန္ဓာကိုယ်မှာရော ဘာတွေဆက်ပြောင်းလဲဦးမှာပါလိမ့် သွားဖုံးက ပိုပြီးထိလွယ်ရှလွယ် ဖြစ်လာတာကို သတိထားမိကြရဲ့လား။ သွားဖုံးက သွားတိုက်တံ၊ သွားပွတ်ကြိုးတွေနဲ့ တိုက်တိုင်း နီပြီးရောင်လာတာ၊ သွေးထွက်လွယ်တာမျိုး ဖြစ်လာနိုင်ပါ တယ်။ ကိုယ်ဝန်ဆောင်ကာလ သွားဖုံးရောင်ခြင်းလို့ သွားဆရာဝန်တွေ ခေါ်ပါတယ်။ အဖြစ်များပြီး […]

14 ပတ် မြောက်မှာ ကလေးလေး ဘယ်လိုဖွံ့ဖြိုးလာမှာလဲ သားသားမီးမီးလေးက ဘယ်လိုကြီးလာတာပါလိမ့် 14 ပတ် ရှိပြီဆိုတော့ ဒုတိယသုံးလမှ ကြိုဆိုလိုက်ပါတယ်။ ဒီအချိန်ကတော့ ကလေးလေးဖွံ့ဖြိုးမှုမှာ အရေးကြီးတဲ့ မိုင်တိုင်တစ်ခုပါ။ သံပယိုသီး အလုံးလောက် ရှိလာပြီးတော့ ၄၅ ဂရမ် ၈.၆ စင်တီမီတာနီးနီး ရှိလာပါပြီ။ ဒီအပတ်မှာ ဆံပင်လေးတွေပေါက်လာပါပြီ။ ခေါင်းမှာတင်မဟုတ်ဘဲ မျက်ခုံးကအစ တစ်ကိုယ်လုံးမှာပေါက်လာမှာပါ။ ကလေးရဲ့ကိုယ်ကိုလွှမ်းခြုံထားတဲ့ အမွေးအမျှင်နုနုလေးတွေက ကလေးလေးကို နွေးနွေးထွေးထွေးရှိစေပါတယ်။ ကလေးကိုယ်မှာ အဆီတွေစပေါ်လာရင် အမွေးတွေပျောက်ပြီး အမွေးတွေအစား အဆီတွေက နွေးထွေးအောင်လုပ်ပေးမှာပါ။ အဲဒါအပြင် အသည်းသေးသေးလေးကနေ သည်းခြေရည်စထုတ်နေပါပြီ၊၊ ကလေးလေးရဲ့ ခြေလက်တွေကလည်း စပြီးလှုပ်ရှားနိုင်နေပါပြီ၊၊ ခန္ဓာကိုယ်နဲ့ အနေအထိုင်အပြောင်းအလဲလေးများ ခန္ဓာကိုယ်မှာရော ဘာတွေဆက်ပြောင်းလဲဦးမှာပါလိမ့် စိတ်ခံစားချက်တွေ အပြောင်းအလဲ ဖြစ်လာတာကို သတိထားမိကြလား။ ပျို့တာ၊ မောတာတွေ မရှိတော့တာကိုပြောတာပါ။ ဒီသုံးလပတ်မှာ အားပိုရှိသလို ပိုပြီးစိတ်ချမ်းသာစေပါတယ်။ လက္ခဏာအဟောင်းတွေပျောက်သွားတယ်ဆိုပေမယ့် အသစ်တွေရောက်လာပါတော့မယ်။ အဲဒါကတော့ […]

13 ပတ် မြောက်မှာ ကလေးလေး ဘယ်လိုဖွံ့ဖြိုးလာမှာလဲ သားသားမီးမီးလေးက ဘယ်လိုကြီးလာတာပါလိမ့် အခုဆိုရင်တော့ 13 ပတ် တောင် ရှိနေပြီနော်။ သန္ဓေသားလေးကဆိုရင်လည်း ခေါင်းအစ ခြေအဆုံး ၇ စင်တီမီတာလောက် ရှိနေပါပြီ။ ဒီအပတ်မှာ သန္ဓေသားလေးက အပြောင်းအလဲတွေ များလာပါပြီ။ ချက်ကြိုးက ကလေးရဲ့ အစာအိမ်ဆီ ရွေ့လာပါတယ်။ ဒီချက်ကြိုးကပဲ အချင်းကို သွားတွယ်ပြီး ကလေးအတွက် လိုအပ်သမျှကို အထောက်အပံ့ပေးပါတယ်။ အချင်းက အခုချိန်မှာ ၃၀ ဂရမ်လောက်ရှိပေမယ့် ၉၀၀ ဂရမ်လောက်ဖြစ်တဲ့အထိ ဆက်ကြီးလာမှာပါနော်။ အသံအိတ်လေးလည်း စပေါ်လာပြီ။ အခုချိန်မှာ ဘာသံမှမကြားနိုင်သေးပေမယ့် မွေးလာတာနဲ့ အသံလေးကြားရတော့မှာပါနော်။ ပါးစပ်ထဲကို လက်ထည့်လို့လည်း ရနေပြီနော်။ ခန္ဓာကိုယ်နဲ့ အနေအထိုင်အပြောင်းအလဲလေးများ ခန္ဓာကိုယ်မှာရော ဘာတွေဆက်ပြောင်းလဲဦးမှာပါလိမ့် ကိုယ်ဝန်ရှိကြောင်းပြတဲ့ လက္ခဏာတွေက အခုဆိုရင် တဖြည်းဖြည်းပျောက်လာပါပြီ။ အားတွေ တဖြည်းဖြည်းပြန်ပြည့်လာပြီး အရင်တုန်းကလို ပုံမှန်ပြန်ဖြစ်လာမှာပါ။ မူးပြီး […]

သင့်ဗိုက်ထဲမှာရှိစဉ် ကလေးတွေဟာ ပါးစပ်ကရော နှာခေါင်းကပါ အသက်မရှူကြပါဘူး။ ပထမဆုံးအကြိမ်အသက်ရှူခြင်းကို မွေးဖွားပြီးမှသာပြုလုပ်ကြတယ်။ သင့်ဗိုက်ထဲမှာရှိစဉ်က ကလေးဟာ ရေမြွှာရည်ပတ်လည်ဝိုင်းပြီး ကြီးပြင်းလာခဲ့တာပါ။ ကျွန်ုပ်တို့ အသက်ရှူနေချိန် ကားလိုက်၊ပြန်ကျုံ့လိုက်ဖြစ်နေတတ်တဲ့ ကျွန်ုပ်တို့ရဲ့အဆုတ်လိုမဟုတ်ဘဲ ဗိုက်ထဲကသန္ဓေသားလေးရဲ့ အဆုတ်ဟာ ကောင်းစွာမဖွံ့ဖြိုးသေးဘဲ ရေမြွှာရည်တွေနဲ့ပြည့်နေပြီး၊ ပြန့်ကားနိုင်ခြင်းလည်းမရှိသေးပါဘူး။ ထိုသန္ဓေသားလေးတွေက အောက်စီဂျင်ရယူခြင်း အပါအဝင် အသက်ရှူခြင်းရဲ့ကောင်းကျိုးတွေကို မိခင်အကူအညီနဲ့ရရှိကြပါတယ်။   ပုံမှန်အသက်ရှူခြင်းအကြောင်း သွေးစီးကြောင်းကဆက်သွယ်ပေးထားတဲ့ သင့်အဆုတ်နဲ့ သွေးလှည့်အဖွဲ့အစည်းက ခန္တာကိုယ်အတွက်လိုအပ်တဲ့ အောက်စီဂျင်နဲ့ အာဟာရတွေကို သယ်ပေးပြီး မလိုအပ်တဲ့အညစ်အကြေးတွေကို စွန့်ပစ်ပေးပါတယ်။ ပုံမှန်ဝင်သက်ထွက်သက်ဟာ အဆုတ်ကတဆင့် အောက်ဆီဂျင်ပါတဲ့လေတွေကို သွေးကြောနံရံတွေကိုဖြတ်ပြီး သွေးတွေဆီရောက်အောင်ပို့ပေးပါတယ်။ သွေးထဲကကာဗွန်ဒိုင်အောက်ဆိုဒ်တွေဖယ်ခြင်း၊ ခန္တာကိုယ်သို့အာဟာရများပို့ဆောင်ခြင်းကိုလည်း ထိုကဲ့သို့သောစနစ်ကပဲလုပ်ဆောင်ပါတယ်။ ဗိုက်ထဲမှာရှိနေစဉ်မှာ သင့်ကလေးရဲ့ သွေးလှည့်အဖွဲ့အစည်းက ဖွံ့ဖြိုးဆဲဖြစ်တာကြောင့် ပုံမှန်အဆုတ်ကလုပ်ဆောင်တဲ့ အလုပ်တွေကို မိခင်နဲ့ကလေးကိုတွယ်ဆက်ပေးထားတဲ့ အချင်းနဲ့ချက်ကြိုးကသာ လုပ်ဆောင်ရပါတယ်။   ကိုယ်စားအသက်ရှူပေးသူ ဗိုက်ထဲကကလေးငယ်လေးတွေဟာ မိခင်နဲ့ အချင်းနဲ့ချက်ကြိုးနေတဆင့် အောက်စီဂျင်၊ ကာဗွန်ဒိုင်အောက်ဆိုဒ် အပေးအယူ အလဲအလှယ်လုပ်ကြတယ်။ […]

လင်မယားစုံတွဲအများစုအတွက်တော့သင့်ကလေးယောကျာ်းလေးမွေးမလားမိန်းကလေးမွေးမလားကြိုတင်သိမြင်ခြင်းဖြစ်နိုင်ခြေသည်အကြွေစေ့တစ်စေ့ကိုခေါင်းပန်းလှန်ခြင်းနှင့်အတူတူပင်ဖြစ်ပါသည်။ သို့သော်လည်းဓါတ်ခွဲခန်းများတွင်ရှိသောယုံကြည်စိတ်ချစရာကောင်းပြီးအဆင့်မြင့်သောနည်းလမ်းတွေကြောင့်သင်သည် သင့်အိမ်တွင်ကြိုးစားကြည့်နိုင်သော ဈေးသက်သာပြီးစိတ်ချရသော နည်းလမ်းအချို့ရှိပါသည်။ ရာခိုင်နှုန်းအပြည့်တော့ယုံ၍မရပါဘူး။ ရှေးထုံးတမ်း အစဉ်အလာများအရတော့ သင်သည်ယောကျာ်းလေးလိုချင်လျှင်အသားပိုစားရမည်ဆိုသောနည်းလမ်းကိုစမ်းသပ်ကြည့်နိုင်ပါသည်။ ရှေးလူကြီးများ၏အကြံပေးချက်များ မိမိလိုချင်သောယောကျာ်းလေးမိန်းကလေးလိင်အင်္ဂါအတွက်နည်းလမ်းများသည်နှစ်ပေါင်းများစွာကတည်းကပြောပြခဲ့ကြပါသည်။ ခေတ်အဆက်ဆက်နေရာဒေသနိုင်ငံအလိုက်နည်းလမ်းများကတော့မျိုးစုံပင်ဖြစ်ပါသည်။ ဂျာမန်အိပ်ယာဝင်ပုံပြင်တွေကတော့သင်သည်မိန်းကလေးလိုချင်သည်ဆိုလျှင်သင့်အိပ်ယာအောက်တွင်သစ်သားဇွန်းတစ်ချောင်းထားအိပ်လို့ပြောထားပါသည်။ ထို့အပြင်အမျိုးသားတစ်ဦးသည်အမျိုးသမီးတစ်ဦးနှင့်လိင်မဆက်ဆံမီမိနစ်သုံးဆယ်အလိုတွင်ကော်ဖီသောက်ခြင်းသည်ယောကျာ်းလေးရနိုင်သည်ဟုလည်းအဆိုရှိပါသည်။ ထိုကဲ့သို့နည်းလမ်းများသည်ရာခိုင်နှုန်းပြည့်အာမခံထားခြင်းမဟုတ်သော်လည်းအကုန်အကျသက်သာပြီးလွယ်ကူသောနည်းလမ်းများဖြစ်သည့်အတွက်သင်စမ်းသပ်ကြည့်နိုင်ပါသည်။ လိင်ဆက်ဆံခြင်းအချိန်အတိအကျသတ်မှတ်ခြင်းသည်သင့်ကလေးယောကျာ်းလေးလားမိန်းကလေးလားဆုံးဖြတ်နိုင်ပါသလား။ ရှက်တယ်လ်နည်းလမ်း(Shettles method)နှင့်ဝှီးလန်းနည်းလမ်း(Whelans method)ဟူ၍ နှစ်မျိုးရှိပါသည်။ ထိုနည်းလမ်းများသည် တီထွင်ခဲ့သူများ၏ အမည်များကို အစွဲပြုပြီး ခေါ်ဝေါ်ခြင်းဖြစ်ပါသည်။ သင်သည်လိင်ဆက်ဆံခြင်းဆိုင်ရာ စက်ဝန်းကို နားလည်သည်ဆိုပါက ထိုနည်းလမ်းများကို စမ်းသပ်ကြည့်နိုင်ပါသည်။ နည်းလမ်းတစ်ခုစီတွင်ငါးဆယ်-ငါးဆယ်ရာခိုင်နှုန်းအောင်မြင်နိုင်ခြေရှိပါသည်။ ရှက်တယ်လ်စ်နည်းလမ်း(Shettles method) ဤနည်းလမ်းအရသင်ဟာမိန်းကလေးလိုချင်သည်ဆိုပါကသားဥကြွေခြင်းမတိုင်မီနှစ်ရက်သုံးရက်လောက်အလိုတွင်လိင်ဆက်ဆံမှုပြုလုပ်သင့်သည်ဟုဆိုပါသည်။ ဝှီးလန်းစ်နည်းလမ်း(Whelans methods) ဤနည်းလမ်းကတော့အထက်တွင်ဖော်ပြထားသောရှက်တယ်လ်စ်နည်းလမ်းနှင့်ဆန့်ကျင်ဘက်ဖြစ်ပါသည်။ဤနည်းလမ်းပြောထားသည်ကတော့သင်သည်ယောကျာ်းလေးလိုချင်သည်ဆိုပါကသင်၏အခြေခံကိုယ်အပူချိန်မတက်မီသို့မဟုတ်သားဥကြွေချိန်အချိန်ရောက်ကာနီးလေးရက်မှခြောက်ရက်ခန့်တွင်လိင်ဆက်ဆံမှုပြုလုပ်သင့်သည်ဟုဆိုပါသည်။ အကယ်၍သင်သည်မိန်းကလေးလိုချင်သည်ဆိုပါကသားဥကြွေချိန်မတိုင်မီနှစ်ရက်သို့မဟုတ်သုံးရက်အတွင်းလိင်ဆက်ဆံမှုပြုလုပ်သင့်သည်ဟုဆိုပါသည်။ အဆင့်မြင့်နည်းလမ်းများ နည်းလမ်းသုံးခုရှိပါသည်။ ၁။ သုတ်ပိုးကိုလှည့်ခြင်း သုတ်ပိုးကိုလှည့်ခြင်းသည်အခြားနည်းလမ်းများနှင့်ယှဉ်လျှင်ယုံကြည်၍မရဆုံးသောနည်းလမ်းတစ်ခုဖြစ်သည်။ ထိုနည်းလမ်းတွင်သုတ်ပိုးကိုစေးကပ်သောအယ်ဗျူမင်ဟုခေါ်သောပရိုတင်းကိုဖြတ်လျက်ကူးသွားစေပါသည်။ သွေးထဲတွင်ဖြစ်ပါသည်။ ဝိုင်းခရိုမိုဇုန်း(အမျိုးသားခရိုမိုဇုန်းကိုသယ်ဆောင်သွားသောသုတ်ပိုး)သည်အမျိုးသမီးခရိုမိုဇုန်းအိတ်စ်ခရိုမိုဇုန်းကိုသယ်သွားသောသုတ်ပိုးထက်ပိုပြီးမြန်ဆန်သောကြောင့်သုတ်ပိုးကိုသူတို့၏အမြန်နှုန်းကိုအခြေခံလျက်အမျိုးအစားခွဲနိုင်သည်။ ၂။ သားဥမတွယ်မီမျိုးဗီဇဆိုင်ရာစစ်ဆေးခြင်း(ပီဂျီဒီ) အကျိုးသက်ရောက်မှုအရှိဆုံးနည်းလမ်းဖြစ်ပါသည်။ ဓါတ်ခွဲခန်းတွင်သန္ဓေသားလောင်းများကိုသင်၏မမျိုးဥနှင့်သင့်အိမ်ထောင်ဖက်၏သုတ်ပိုးကောင်မှဖန်တီးခြင်းဖြစ်ပါသည်။ စမ်းသပ်စစ်ဆေးပြီးသောအခါကျွမ်းကျင်ပညာရှင်သည်သန္ဓေသားလောင်းနှစ်ခုသို့မဟုတ်သုံးခုကိုသင်၏သားအိမ်ထဲသို့ထည့်ပေးမည်ဖြစ်ပါသည်။ ထိုနည်းလမ်းသည်အလုပ်ဖြစ်သော်ငြားလည်းပဲကျင့်ဝတ်ပိုင်းဆိုင်ရာစိတ်ပူစရာများရှိပါသည်။ ၃။ အသေးစိတ်ခွဲခြားခြင်း(Microsort separation) ဤနည်းလမ်းသည်အတ်စ်ခရိုမိုဇုန်းနှင့်ပိုမိုသေးငယ်သောဝိုင်ခရိုမိုဇုန်းအကြားအရွယ်အစားခွဲခြားခြင်းကိုအားသာချက်ယူပြီးပြုလုပ်သည်။ သုတ်ပိုးရည်ကိုခွဲခြားရာတွင်အမှားအယွင်းများဖြစ်ပေါ်နိုင်သည်။ အထူးသဖြင့်သားယောကျာ်းလေးလိုချင်သောအခါတွင်အမျိုးသားသုတ်ကောင်သည်အမျိုးသမီးသုတ်ပိုးထက်ပိုပြီးခွဲခြားရခက်သည်။ Hello Health Group သည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။