ကလေးကျန်းမာရေး

ကလေးလေးတွေ အတွက် လိုအပ်မယ့် ပစ္စည်းလေးတွေရွေးချယ်တဲ့အခါ မိဘတွေအနေနဲ့ နူးညံ့လှတဲ့ကလေးငယ်လေးတွေအသားအရေအတွက်ဘေးကင်းစိတ်ချရတဲ့အရာတွေကိုပဲရွေးချယ်ပေးချင်မယ်ဆိုတာသေချာပါတယ်။ ဒါကြောင့် ဘေဘီလေးတွေ အတွက် အသားအရေထိန်းသိမ်းမှုပစ္စည်းတွေရွေးချယ်တဲ့အခါရွေးချယ်ရမခက်စေဖို့အတွက် အသုံးတည့်မယ့်နည်းလမ်းလေးတွေပြောပြပေးချင်ပါတယ်။ ကလေးငယ်တွေက ဘာကြောင့် အထူးစီမံထုတ်လုပ်ထားတဲ့ အသားအရေထိန်းသိမ်းမှုပစ္စည်းတွေလိုအပ်တာလဲ လူတိုင်းအသုံးပြုလို့ရအောင်ထုတ်ထားတဲ့ အသားအရေထိန်းသိမ်းမှုပစ္စည်းတွေက နူးညံ့တဲ့ ကလေးငယ်ရဲ့ အသားအရေကို ထိခိုက်စေနိုင်ပါတယ်။ ဒါကြောင့် လိုက်နာသင့်တဲ့အခြေခံစည်းမျဉ်းတစ်ခုက ကလေးတွေအတွက် အသားအရေထိန်းသိမ်းတဲ့ ပစ္စည်းတွေရွေးချယ်တဲ့အခါ ကလေးတွေအတွက် အထူးထုတ်ထားတဲ့ ပစ္စည်းမျိုးကိုရွေးချယ်ဖို့ပါ။ ကလေးငယ်ရဲ့အသားအရေက အရွယ်ရောက်ပြီးသူတွေထက် ပိုပါးလွှာ၊ ပိုလည်းနူးညံ့တဲ့အပြင် အရေပြားခြောက်သွေ့နိုင်ခြေလည်း အရမ်းများပါတယ်။ ဒါကြောင့်ကလေးတွေအတွက် အသားအရေထိန်းသိမ်းတဲ့ပစ္စည်းတွေရွေးချယ်တဲ့အခါ အရမ်းမပြင်းဘဲ ကလေးတွေရဲ့အရေပြားက အစိုဓါတ်ကိုထိန်းပေးနိုင်တဲ့ အသားအရေထိန်းသိမ်းမှုပစ္စည်းမျိုးကိုရွေးချယ်ရမှာဖြစ်ပါတယ်။ ကလေးအတွက် အသားအရေထိန်းသိမ်းတဲ့ပစ္စည်းရွေးတဲ့အခါ ဒါလေးတွေသတိထားပေးပါ ၁) ဆိုးဆေးတွေ၊ အမွှေးနံ့တွေပါနေလား နေ့စဉ်အသုံးပြုနေတဲ့ အသားအရေထိန်းသိမ်းမှုပစ္စည်းတွေထဲမှာ အမွှေးနံ့တစ်ခုခုလောက်တော့ပါနေတာကို သတိထားမိမှာပါ။ အမွှေးနံ့က စိတ်ကိုကြည်နူးစေတယ်ဆိုပေမယ့် ကလေးအသားအရေကို ဓါတ်မတည့်တာတွေဖြစ်စေနိုင်သလို အသက်ရှုတဲ့အခါမှာလည်း ကသိကအောက်ဖြစ်စေနိုင်ပါတယ်။ရေရှည်ဖြစ်လာတဲ့အခါ ပန်းနာရင်ကျပ်ဝေဒနာလိုမျိုး အသက်ရှုလမ်းကြောင်းထိခိုက်တဲ့ဝေဒနာတွေခံစားရနိုင်ပါတယ်။ ဒါကြောင့်ကလေးငယ်တွေမှာ ကိုယ်ခံအားစနစ် […]

အရေပြားခြောက်သွေ့မှုက အသက်အရွယ်မရွေးကြုံတွေ့ရနိုင်တဲ့ အရေပြားပြဿနာတစ်ခုပါ။ နူးညံ့ပြီး တုံ့ပြန်လွယ်သလို ခံနိုင်ရည်နည်းတဲ့ ကလေးငယ်လေးတွေမှာ အရေပြားခြောက်သွေ့တာက ပိုဆိုးပါတယ်။ အရေပြားခြောက်သွေ့တာတွေဖြစ်မယ်ဆိုရင် ကလေးငယ်ရဲ့အရေပြားမှာ နီရဲတာ၊ ခပ်တင်းတင်းကြီးဖြစ်နေတာ၊ယားယံတာ၊အရေပြားအဖတ်တွေလန်တာမျိုးတွေဖြစ်နိုင်ပါတယ်။ ဒီလိုမျိုးအရေပြားမှာခြောက်သွေ့တာတွေက အနေရခက်စေပါတယ်။ ဒါကြောင့်မိဘတွေအနေနဲ့ မိမိရင်သွေးလေးတွေရဲ့ အရေပြားကိုကာကွယ်ပေးသင့်ပါတယ်။ ရင်သွေးလေးရဲ့အရေပြားကိုဘာတွေကခြောက်သွေ့စေနိုင်လဲ ဆောင်းရာသီမှာပြင်ပကအေးမြခြောက်သွေ့တဲ့လေနဲ့ အိမ်တွင်းက အပူပေးထားတဲ့လေထုတွေက အသားအရေကိုခြေက်သွေ့စေတဲ့ အဓိကအကြောင်းအရင်းတွေပါ။ ဒီလိုမျိုး အပူအအေးလွန်ကဲတဲ့လေထုကအရေပြားပေါ်က သဘာဝအစိုဓာတ်ကို ကုန်ဆုံးစေနိုင်ပါတယ်။နွေရာသီမှာဆိုရင်တော့ နေပူရှိန်၊လေအေးပေးစက်ကလေ၊ ဆားငန်ရေနဲ့ ကလိုရင်းခတ်ထားတဲ့ရေကူးကန်ထဲကရေတွေက ကလေးအရေပြားကိုခြောက်သွေ့စေနိုင်ပါတယ်။ အရေပြားခြောက်သွေ့တာကြောင့်ဖြစ်တဲ့ ပြဿနာတွေနဲ့နောက်ဆက်တွဲပြဿနာတွေကပြင်းထန်လာနိုင်ပါတယ်။ပြင်းထန်တဲ့နောက်ဆက်တွဲ အရေပြားပြဿနာတွေက - နှင်းခူ (eczema)။ အရေပြား အရမ်းကို ခြောက်သွေ့တာက အရေပြားမှာ နှင်းခူဖြစ်တာမျိုး ဖြစ်စေနိုင်ပါတယ်။ နှင်းခူဖြစ်တဲ့အခါ အရေပြားက နီရဲတာ၊ကွဲအက်တာနဲ့ ရောင်ရမ်းတာတွေ ဖြစ်လာနိုင်ပါတယ်။ အရေပြားက အရမ်းခြောက်သွေ့လာတဲ့အခါ အပေါ်ယံအရေပြားလွှာက စတင်ကွဲအက်လာပြီး ဘက်တီးရီးယားတွေဝင်ရောက်ဖို့ လမ်းစရသွားမှာဖြစ်ပါတယ်။ ဒီလိုကနေတစ်ဆင့် ကိုယ်တွင်းကို ကူးစက်ရောဂါပိုးတွေဝင်ရောက်လာမှာဖြစ်ပါတယ်။ မိဘတွေအနေနဲ့ […]

ကလေးရဲ့အသားအရေဟာ ချောချောမွတ်မွတ်၊ နူးနူးညံ့ညံ့လေးမို့ဖေဖေမေမေတို့ မနမ်းဘဲ မထိဘဲ မနေနိုင်ကြပါဘူး။ ဒါပေမယ့် ဒီလိုအသားအရေလေးကို ထိန်းသိမ်းပေးနိုင်ဖို့က လွယ်တဲ့ကိစ္စတော့မဟုတ်ဘူးနော်။ ကလေးရဲ့အရေပြားဆိုတာ တခြားခန္ဓါကိုယ်အစိတ်အပိုင်းတွေနဲ့မတူဘဲ အမေ့ဝမ်းထဲမှာတည်းကကောင်းကောင်းဖွံ့ဖြိုးဖြစ်တည်နိုင်ဖို့ အချိန် ၉လလောက် ကြာခဲ့ရတာဖြစ်ပါတယ်။ ကလေးအသုံးအဆောင်ပစ္စည်းတွေက တကယ်ရောဘေးကင်းရဲ့လား အားလုံးတော့စိတ်ချလို့မရပါဘူး။ ကလေးတွေအတွက်ဆိုပြီး တံဆိပ်ကပ်ထားတဲ့အသားအရေနဲ့ဆံသားထိန်းသိမ်းမှုပစ္စည်းအတော်များများမှာ အရေပြားကိုနှိုးဆွပြီး ထိခိုက်စေတဲ့ဓါတ်တွေပါတတ်ပါတယ်။ ကလေးတွေမှာသုံးတဲ့အခါ တချို့ကဘာမှမဖြစ်ပေမယ့် တုံ့ပြန်လွယ်အသားအရေရှိတဲ့ကလေးတွေမှာ အရေပြားပြဿနာတွေဖြစ်လာစေနိုင်ပါတယ်။ ဒါ့အပြင်parabens နဲ့phthalates ၊dibutyl phthalate (DBP)၊ dimethylphthalate (DMP) နဲ့ diethyl phthalate (DEP) တို့က စိုးရိမ်ရတဲ့ပါဝင်ပစ္စည်းတွေပါ။ ဒီဓါတ်ပစ္စည်းတွေနဲ့ထိတွေ့မိရင် လူ့ခန္ဓါကိုယ်ရဲ့ဟော်မုန်းပမာဏကို မကောင်းတဲ့သက်ရောက်မှုဖြစ်စေပြီး ဖွံ့ဖြိုးမှုပိုင်းမှာပြဿနာတွေရှိလာစေနိုင်တယ်လို့ သုတေသနတွေ့ရှိချက်တွေကဖော်ပြထားပါတယ်။ ဒီသုတေသနအများစုက တိရစ္ဆာန်တွေမှာလေ့လာခဲ့တာဖြစ်လို့ အထောက်အထားခိုင်မာမှုက အကန့်အသတ်ရှိနေပေမယ့် ဒီပစ္စည်းတွေရဲ့စိတ်ချရမှုကလည်း သက်သေပြနိုင်တာမရှိသေးပါဘူး။ ဒီတော့ ကိုယ့်ရဲ့ရင်နှစ်သည်းချာလေးတွေအတွက်ဘေးကင်းစိတ်ချရဖို့ပဲ အဓိကထားတာအကောင်းဆုံးပါပဲ။ ကလေးအတွက် စိတ်ချရဆုံးအသုံးအဆောင်ပစ္စည်းကို ဘယ်လိုရွေးချယ်မလဲ (၁) အရင်းအမြစ်ကို […]

အရေပြားဆိုတာကခန္ဓါကိုယ်ရဲ့ အကြီးမားဆုံးအစိတ်အပိုင်းဖြစ်သလို အမြင်သာဆုံးအစိတ်အပိုင်းဆိုလည်းဟုတ်ပါတယ်။ အသားအရေကောင်းမွန်တာက လူတစ်ယောက်ကိုလှပစေတဲ့အချက်တစ်ရပ်ပါ။ ဒါကြောင့်အသားအရေထိန်းသိမ်းဖို့ကလည်း မလုပ်မဖြစ်လုပ်သင့်တဲ့ကိစ္စရပ်တွေထဲကတစ်ခုလို့ပြောချင်ပါတယ်။ အသားအရေထိန်းသိမ်းမှုကစောစောလုပ်နိုင်လေကောင်းလေပါ။ ဒါကြောင့်ဘေဘီလေးတွေကို ငယ်စဉ်ကတည်းအရေပြားစောင့်ရှောက်ပေးထားတာက အကောင်းဆုံးပါပဲ။ ကလေးရဲ့အသားအရေကိုထိန်းသိမ်းစောင့်ရှောက်တယ်ဆိုတာက ပြောသလောက်တော့မလွယ်ပါဘူး။ ကလေးတွေရဲ့အသားအရေက နူးညံ့ပြီး ထိခိုက်လွယ်တာကြောင့် အသေးစိတ်ဂရုစိုက်နိုင်မှတော်ရာကျပါမယ်။ ကလေးတွေရဲ့အရေပြားကိုထိန်းသိမ်းစောင့်ရှောက်ပေးဖို့က ဘယ်လောက်ထိအရေးကြီးလဲဆိုတာလေးပြောပြပေးချင်ပါတယ်။   ဘာကြောင့်ကလေးအသားအရေကို ဂရုစိုက်ဖို့လိုတာလဲ ကလေးငယ်ရဲ့ အရေပြားက မယ်လ်လာနင်ကို နည်းနည်းပဲထုတ်လွှတ်နိုင်သလိုနေလောင်ဒဏ်ကိုလည်း ခံနိုင်ရည်နည်းပါတယ်။ပြောချင်တာကတော့ ကလေးငယ်လေးတွေရဲ့ အရေပြားက ထိခိုက်လွယ်ပြီး ပတ်ဝန်းကျင်က အရာတွေကြောင့် ထိခိုက်နိုင်ခြေကလည်း လူကြီးတွေအသားအရေထက်ပိုများပါတယ်။ ဓါတ်မတည့်တဲ့အရာတွေနဲ့ ထိတွေ့မိတဲ့အခါ အရေပြားကျိန်းစပ်တာ၊ယားယံတာနဲ့ ဓါတ်မတည့်မှုဖြစ်တာမျိုးတွေအထိခံစားရနိုင်ပါတယ်။ ကာကွယ်ခြင်းက ကုသခြင်းထက်ပိုကောင်းတယ်ဆိုတဲ့ စကားအတိုင်း ကလေးတွေကို ကျန်းမာတဲ့ အသားအရေပိုင်ရှင်လေးတွေဖြစ်စေဖို့ ငယ်စဉ်ကတည်းကအသားအရေထိန်းသိမ်းမှုတွေလုပ်ပေးတာက အကောင်းဆုံးဖြစ်ပါလိမ့်မယ်။   ကလေးတွေမှာ အဖြစ်များတဲ့အရေပြားပြဿနာများ နို့ပွေး ကြွက်နို့ (Warts) Slapped cheek syndrome (fifth disease) ရေကျောက် (Chicken pox) မိတ် […]

အရေပြားခြောက်သွေ့မှုက အမြဲတမ်းလိုလို ကလေးတွေမှာပိုဆိုးတတ်ပါတယ်။ မွေးပြီးသိပ်မကြာခင်မှာ အရေပြားခြောက်သွေ့တာ၊ အဖတ်လန်တာမျိုးလေးတွေတွေ့ရတတ်ပါတယ်။ ကလေးတွေအရေပြားခြောက်သွေ့တဲ့အခါမျိုးမှာမိဘတွေအနေနဲ့ ရိုးရိုးအရေပြားခြောက်သွေ့တာလား၊ နှင်းခူလိုမျိုး အရေပြားပြဿနာတစ်ခုခုကြောင့်အရေပြားခြောက်သွေ့တာလားဆိုတာကိုသေသေချာချာသိအောင်လုပ်ဖို့လိုအပ်ပါမယ်။ အရေပြားကကောင်းမွန်စွာဖွံ့ဖြိုးခြင်းမရှိသေးတာကြောင့် ကလေးတွေမှာ အရေပြားခြောက်သွေ့တာက ပုံမှန်ဖြစ်ပေမယ့် အရမ်းဆိုးဆိုးရွားရွားဖြစ်နေပြီဆိုရင်တော့ရောဂါဝေဒနာတစ်ခုခုကြောင့်ဖြစ်နိုင်ပါတယ်။ ကိုယ့်ရင်သွေးလေးတွေကို အသားအရေစိုပြည်ချင်တယ်ဆိုရင်တော့ဖေဖေမေမေတို့အနေနဲ့ အသားအရေထိန်းသိမ်းမှုကို ဂရုတစိုက်လုပ်ပေးဖို့လိုပါလိမ့်မယ်။ အသားအရေထိန်းသိမ်းတယ်ဆိုတဲ့နေရာမှာလည်းရေချိုးပေးတာကနေစလို့ အသားအရေထိန်းသိမ်းမှုပစ္စည်းတွေလိမ်းပေးတာမျိုးအထိ အဖက်ဖက်ကဂရုစိုက်ပေးရမှာဖြစ်ပါတယ်။ ဒီတစ်ခါတော့ ကလေးအရေပြားကို အစိုဓါတ်ထိန်းပေးတာက ကလေးအသားအရေအတွက် ဘယ်လိုအကျိုးထူးစေမလဲဆိုတာကိုပြောပြပေးချင်ပါတယ်။   ကလေးအရေပြားကို စောင့်ရှောက်နည်း ကလေးလေးတွေမှာဖြစ်တဲ့ သာမန်အသားအရေခြောက်သွေ့တာလောက်က ဆပ်ပြာနဲ့ထိတွေ့မှုကို ကန့်သတ်တာ၊ မကြာခဏအသားအရေကို အစိုဓါတ်ထိန်းပေးတဲ့ ခရင်မ်တစ်မျိုးမျိုးလူးပေးတာမျိုးလုပ်ပေးရုံနဲ့ လုံလောက်ပါတယ်။ ကလေးတွေကို အသားအရေထိန်းသိမ်းပေးတဲ့အခါ မဖြစ်မနေလုပ်ဆောင်သင့်တဲ့အချက်လေးအချို့တော့ရှိနေပါတယ်။ ဒါတွေကတော့ - ဆပ်ပြာအပျော့စားတွေကိုပဲသုံးပေးပါ - အယ်လ်ကာလိုင်းပါတဲ့ဆပ်ပြာတွေက အရေပြားကိုထိခိုက်စေနိုင်ပြီး အပေါ်ယံအရေပြားအလွှာကို ပျက်စီးစေနိုင်သလို အသားအရေကိုလည်းခြောက်သွေ့စေနိုင်ပါတယ်။ ရေချိုးချိန်ကို ကန့်သတ်ပါ -ရေပူနဲ့ အကြာကြီးချိုးတာက အရေပြားပေါ်က အဆီတွေကိုကုန်ခမ်းစေနိုင်ပါတယ်။ ဒါကြောင့်ရေကို အကြာကြီး မချိုးပေးသင့်ပါဘူး။ဖြစ်နိုင်ရင်ရေနွေးနဲ့မချိုးပေးဘဲ […]

ကလေးတွေရဲ့အရေပြားမှာ အဖုလေးတွေ၊ အနီစက်လေးတွေ၊ အကွက်တွေတွေ့ရတတ်တာဟာ အထူးအဆန်းမဟုတ်ပါဘူး။ ကလေးဘဝမှာတော်တော်များများဖြစ်ဖူးကြပါတယ်။ အများစုက အန္တရာယ်မရှိဘူး၊စိုးရိမ်စရာမရှိဘူး၊ တော်ရုံနဲ့သက်သာပျောက်ကင်းစေနိုင်တယ်ဆိုပေမယ့် သတိထားကုသဖို့၊ စစ်ဆေးဖို့မမေ့ပါနဲ့။ တချို့သာမန်အရေပြားပြဿနာတွေက ကလေးတွေကို အန္တရာယ်ဖြစ်စေတဲ့အထိ ပြင်းထန်တဲ့ရောဂါတွေရဲ့လက္ခဏာတွေဖြစ်နေနိုင်တယ်လေ။ ဒါ့ကြောင့် ကလေးတွေမှာအဖြစ်များတဲ့အရေပြားပြဿနာလေးတွေကို ခဏနေပျောက်သွားမှာပဲလို့တွေးပြီး မပေါ့ဆကြပါနဲ့။ သတိထားသင့်တဲ့လက္ခဏာတွေကိုလေ့လာမှတ်သားထားပြီး ရောဂါတစ်ခုခုအတွက်သံသယဖြစ်လာရင် ဆရာဝန်အမြန်ဆုံးပြရပါမယ်။ ရင်နှစ်သည်းချာဖြစ်တဲ့ ကိုယ့်ရင်သွေးလေးတွေအတွက် အချိန်နှောင်းလို့မဖြစ်ပါဘူးနော်။ ကလေးအထူးကုဆရာဝန်ကတော့ ကလေးကို ရောဂါရှာဖွေပြီး သင့်လျော်တဲ့ကုသစောင့်ရှောက်မှုပေးမှာပါ။ ငယ်ရွယ်လွန်းတဲ့ကလေးလေးတွေကို ကိုယ့်သဘောနဲ့ကိုယ်ဆုံးဖြတ်ပြီးဘယ်တော့မှ အိမ်မှာကြိတ်မကုပါနဲ့။ ကလေးတွေမှာအဖြစ်များတဲ့ အရေပြားနဲ့ဆက်စပ်ဖြစ်တဲ့ရောဂါတွေအကြောင်းကိုဖော်ပြပေးလိုက်ပါတယ်။ ဝက်သက်ရောဂါ ဝက်သက်ဟာ ဗိုင်းရပ်စ်ကြောင့်ဖြစ်တဲ့ရောဂါဖြစ်ပြီး အသက်ရှူလမ်းကြောင်းကတဆင့်ကူးစက်လွယ်ပါတယ်။ ကလေးရဲ့အရေပြားအနှံ့မှာ အနီစက်လေးတွေထွက်လာမယ်၊ တုပ်ကွေးလို ဖျားနာတဲ့လက္ခဏာတွေ၊ ချောင်းဆိုးမယ်၊ နှာရည်ကျမယ် စတာတွေက သူ့လက္ခဏာတွေပါ။ ရောဂါလက္ခဏာစပေါ်လာပြီး၃/၄ရက်အကြာမှာပဲ အနီစက်တွေပြန့်လာပြီး အဖျားတက်လာမှာဖြစ်လို့ရောဂါမသိဘဲ ကုသမှုနှောင့်နှေးခဲ့ရင် အန္တရာယ်ရှိနိုင်ပါတယ်။ ရေကျောက်ရောဂါ ရေကျောက်ရောဂါဟာ ကလေးငယ်တွေမှာ အဖြစ်များတဲ့ရောဂါဖြစ်တယ်ဆိုပေမယ့် အခုတော့ ဝက်သက်ရော၊ ရေကျောက်ရော ကာကွယ်ဆေးတွေထိုးနှံပြီး တားဆီးနိုင်နေပြီဖြစ်ပါတယ်။ varicella […]

မိဘတိုင်းက သူတို့ရဲ့ရင်သွေးလေးတွေကို ကျန်းမာစေချင်ကြတာပါပဲ။ ကလေးငယ်လေးတွေ ကျန်းကျန်းမာမာနဲ့ ကြီးပြင်းလာတာကိုမြင်ရရင် မိဘတွေက စိတ်ချမ်းသာကြပါတယ်။ ဒီအတွက် ကလေးလေးတွေကို ငယ်ငယ်ကစလို့ အရွယ်ရောက်တဲ့အထိခေါင်းအစခြေအဆုံး မိဘတွေကဂရုစိုက်ပေးကြပါတယ်။ ဒီခေါင်းအစခြေအဆုံးဆိုမှတော့ အရေပြားလည်းပါပြီပေါ့။ ဒီဆောင်းပါးမှာတော့ အရေပြားထိန်းသိမ်းတဲ့နေရာမှာ အစိုဓါတ်ထိန်းခရမ် (moisturizer) အသုံးပြုတာက ဘယ်လောက်အရေးကြီးကြောင်းကိုဖေဖေမေမေတို့ကိုပြောပြမှာဖြစ်ပါတယ်။ ကလေးအရေပြားခြောက်သွေ့ရတဲ့အကြောင်းအရင်း မွေးကင်းစကလေးငယ်တွေဟာမွေးပြီး သီတင်းပတ်အနည်ငယ်အတွင်းမှာ အများကြီးပြောင်းလဲမှုတွေဖြစ်နိုင်ပါတယ်။ ကလေးငယ်ရဲ့ ဆံပင်အရောင်၊အသားအရေအရောင်တွေပြောင်းလာတာမျိုးကိုပြောချင်တာပါ။ အသားပိုဖြူလာနိုင်သလို ပိုညိုသွားတာမျိုးလည်းဖြစ်နိုင်ပါတယ်။ ဆေးရုံကမဆင်းခင် ဒါမှမဟုတ် အိမ်ကိုခေါ်လာပြီးရက်ပိုင်းလောက်မှာမွေးကင်းစကလေးငယ်လေးတွေရဲ့ အသားအရေက အဖတ်လေးတွေလန်တာနဲ့ အရေပြားခြောက်တာမျိုးတွေဖြစ်နိုင်ပါတယ်။ ဒါတွေကပုံမှန်ပါပဲ။ ကလေးလေးရဲ့ လက်တွေ၊လက်ဖဝါးတွေ၊ခြေဖဝါးနဲ့ခြေချင်းဝတ်လေးလိုမျိုး ခန္ဓာကိုယ်ရဲ့ အစိတ်အပိုင်းတွေမှာ အရေပြားတွေအဖတ်လန်တာမျိုးတွေဖြစ်နိုင်ပါတယ်။ ကလေးတွေဟာ မိခင်ဝမ်းထဲမှာနေခဲ့စဉ်က ရေမြွှာအရည်၊ သွေးနဲ့ vernix လို့ခေါ်တဲ့ အရည်တွေနဲ့ ထိတွေ့လာရတာပါ။ Vernix ဆိုတာက ကလေးငယ်ရဲ့ အရေပြားပေါ်မှာကာကွယ်ပေးထားတဲ့ အရည်တစ်မျိုးပါ။ မွေးဖွားလာတဲ့အချိန်မှာ ကလေးရဲ့ အရေပြားပေါ်က ဖုံးအုပ်ထားတဲ့အရည်တွေကို သုတ်လိုက်မိတတ်ပါတယ်။ […]

ကလေးငယ်လေးတွေရဲ့ ကိုယ်ခံအားစနစ်က ငယ်ရွယ်စဉ်မှာ အပြည့်အဝ မဖွံ့ဖြိုးသေးတာကြောင့် အချို့ရောဂါတွေကို ခုခံနိုင်စွမ်းသိပ်မရှိသေးပါဘူး။ ရာသီဥတုကြောင့်ဖြစ်ဖြစ်၊ ပတ်ဝန်းကျင်အနေအထားကြောင့်ဖြစ်ဖြစ် ကလေးတွေမှာ နှာစေး ချောင်းဆိုးတာမျိုး ဖြစ်တတ်ပါတယ်။ ဒီလိုမျိုးဖြစ်တဲ့အခါ ချောင်းဆိုးနေတဲ့ကလေး ကိုဘယ်လိုစောင့်ရှောက်ရမလဲဆိုတာနဲ့ ဘယ်လိုအခြေအနေတွေက ကလေးကိုချောင်းဆိုးစေနိုင်လဲဆိုတာတွေကို နည်းနည်းလောက်ပြောပြချင်ပါတယ်။ ချောင်းဆိုးခြင်း ချောင်းဆိုးတယ်ဆိုတာက ခန္ဓါကိုယ်က အဆုတ်နဲ့ အသက်ရှုလမ်းကြောင်းစနစ်ရဲ့ အထက်ပိုင်းမှာရောက်ရှိနေတဲ့ ချွဲနဲ့ပြင်ပအရာဝတ္ထုတွေကို ဖယ်ထုတ်ဖို့ တုံ့ပြန်မှုတစ်ရပ် (သို့မဟုတ်)လေပြွန်မှာ ဓါတ်မတည့်မှုတစ်ခုခုခံစားရတဲ့ခန္ဓါကိုယ်က တုံ့ပြန်တဲ့ တုံ့ပြန်မှုဖြစ်ပါတယ်။ ချောင်းဆိုတာကရောဂါတစ်ခုခုကြောင့် ဆိုးတာမျိုးဖြစ်နိုင်သလို တစ်ခါတလေမှာ ခန္ဓါကိုယ်တွင်းကဖြစ်ပျက်နေတဲ့အနေအထားတစ်ရပ်ရပ်ကိုဖော်ပြနေတဲ့ လက္ခဏာတစ်ရပ်လည်းဖြစ်နေတတ်ပါတယ်။ ဒါကြောင့်ချောင်းဆိုးတဲ့အခါ ဘာကြောင့်ဆိုးရတာလဲဆိုတာကို အကြောင်းအရင်းသိအောင်လုပ်ဖို့ကတော်တော်လေးအရေးကြီးပါတယ်။ ကလေးတွေချောင်းဆိုးရတဲ့အကြောင်းအရင်းတွေကဘာတွေလဲ အပေါ်မှာပြောခဲ့သလိုပဲချောင်းဆိုးတာက ခန္ဓါကိုယ်ထဲမှာဖြစ်နေတဲ့ ဓါတ်မတည့်မှုတစ်ခုခု ဒါမှမဟုတ် ချွဲတွေနဲ့ပြင်ပအရာဝတ္ထုတွေကို ခန္ဓါကိုယ်ပြင်ပကို ထုတ်ပစ်ဖို့ တုံ့ပြန်တာမျိုးဖြစ်နိုင်ပါတယ်။ ဒီအချက်တွေကြောင့်လည်းချောင်းဆိုးနိုင်ပါတယ်။ အအေးမိတာ၊တုပ်ကွေးဖြစ်တာနဲ့ croup (ကလေးလေပြွန်ပိုးဝင်၊ရောင်ရမ်း၊ချောင်းဆိုး၊ အသက်ရှုရခက်သော croupရောဂါ)တွေကြောင့်လည်းကလေးတွေမှာချောင်းဆိုးနိုင်ပါတယ်။ တုပ်ကွေးက တစ်ခါတလေပြင်းထန်တဲ့အခါမျိုးမှာချောင်းခြောက်ဆိုးတာမျိုးလည်းဖြစ်နိုင်ပါတယ်။ စားချဉ့်ရည်ပြန်ဆန်တက်ခြင်းကြောင့်လည်း ကလေးငယ်တွေမှာချောင်းဆိုးနိုင်ပါတယ်။ […]

ဘေဘီလေးတစ်ယောက် ကိုယ့်ဘဝထဲရောက်လာတဲ့အခါ အစစအရာရာ စဉ်းစားစရာတွေများလာပါတယ်။ ကလေးတစ်ယောက်ရဲ့ မိခင် သို့မဟုတ် ဖခင်ဖြစ်လာပြီဆိုတာနဲ့ ဂရုတစိုက်စောင့်ရှောက်မွေးမြူရမယ့်တာဝန်ကိုပျော်ပျော်ကြီးထမ်းဆောင်ကြရမှာပါ။ ကလေးလေးကျန်းမာဝဖြိုးဖို့၊ အာဟာရပြည့်ဖို့၊ ကြီးထွားဖွံ့ဖြိုးဖို့ကို အလေးထားကြသလိုဘေဘီလေးတွေရဲ့ အသားအရေနဲ့ပတ်သက်ပြီးလည်းမေ့လျော့မထားသင့်ပါဘူး။ ကိုယ့်ကလေးက ဘယ်လိုအသားအရေရှိသလဲ၊ ဘာတွေကို ဓါတ်မတည့်ဘူးလဲ၊ ဘာတွေလုပ်ပေးရရင်ကောင်းမလဲ ဆိုတာ မိဘတွေအနေနဲ့ တဖြည်းဖြည်းသိလာမှ ကလေးအတွက်ပိုပြီးလုပ်ပေးနိုင်မှာဖြစ်ပါတယ်။ ကလေးရဲ့အသားအရေက နုနယ်လွန်းတာကြောင့် အထိခိုက်မခံတာများပါတယ်။ ဒီတော့ ကလေးငယ်ရဲ့အသားအရေနဲ့ ထိတွေ့မယ့်အရာမှန်သမျှ အသေးအဖွဲကအစ ဂရုစိုက်သင့်တာပေါ့နော်။ ဒါပေမယ့် တုံ့ပြန်လွယ်အသားအရေရှိတဲ့ကလေးတွေဆို ဓါတ်မတည့်တာတွေကိုရှောင်ဖို့၊ အသားအရေထိန်းသိမ်းဖို့သတိထားရပါမယ်။ တချို့ကလေးငယ်တွေဟာ တခြားသူတွေထက် ပိုတုံ့ပြန်လွယ်တဲ့အသားအရေဖြစ်တာကြောင့် အနာဖြစ်တာ၊ယားတာ၊ရောင်လာတာတွေဖြစ်လေ့ရှိပါတယ်။ ရာသီအပြောင်းအလဲတွေ၊လေအေးပေးစက်၊ဆေးကြောသန့်စင်လွန်းတာတွေစတဲ့ ပတ်ဝန်းကျင်အကြောင်းရင်းခံတွေကြောင့် အရေပြားကိုခြောက်သွေ့စေတာအပြင် ဖုန်မှုန်နဲ့ထိလည်း နီရဲယားယံလာတယ်ဆိုတာမျိုး နည်းနည်းတောင်အထိခိုက်မခံတဲ့အသားအရေဖြစ်ပါတယ်။ အမွှေးနံ့ပြင်းတဲ့ဆပ်ပြာ၊ ကလေးအဝတ်မှာသုံးတဲ့အဝတ်လျှောက်ဆပ်ပြာနဲ့ alchohol ပါတဲ့ wipesတွေကပြဿနာရှိနိုင်ပါတယ်။ တုံ့ပြန်လွယ်အသားအရေမှာ အစိုဓါတ်မထိန်းနိုင်တဲ့အခါ အသားပိုခြောက်လာပြီးပြင်ပအရာဝတ္ထုတွေဆီက ထိခိုက်လွယ်လာပါတယ်။ ထိခိုက်စေတဲ့ပြင်ပအရာဝတ္ထုတွေကြောင့် အရေပြားရောင်ရမ်းလာပြီး ယားယံလာစေပါတယ်။ ဓါတ်မတည့်မှုဖြစ်လာခဲ့ရင် […]

ကလေးငယ်လေးတွေမှာ အသားအရေခြောက်သွေ့ပြီး ယားယံတဲ့အကွက်လေးတွေဖြစ်နေတာတွေ့ရတတ်ပါတယ်။ အဖြူကွက်လေးတွေက အသားပတ်သလို အဖတ်တွေကွာပြီး အသားမှာခပ်ကြမ်းကြမ်းဖြစ်နေတာ သတိထားမိပါသလား။ ဒါဆိုရင် သင့်ကလေးမှာ အသားအရေခြောက်သွေ့နေပါပြီ။ ကလေးအသားအရေဆိုတာ အရမ်းကိုနုနယ်လွန်းလို့ လူကြီးတွေမှာထက် ပိုထိခိုက်လွယ်၊ ပိုခြောက်သွေ့လွယ်ပါတယ်။အေးပြီးခြောက်သွေ့တဲ့ပြင်ပလေ၊ ပူပြင်းတဲ့လေ၊နဲ့ အိမ်တွင်းလေအေးပေးစက်၊ အနွေးပေးစနစ် စတာတွေကြောင့်လည်း အသားအရေမှာရှိတဲ့ သဘာဝအစိုဓါတ်ကိုခြောက်ခန်းစေပါတယ်။ ကလေးက နဂိုကမှခြောက်သွေ့တဲ့အသားအရေပိုင်ရှင်ဖြစ်ခဲ့ရင်ဆောင်းရာသီမှာ သူများထက်ပို အသားပတ်နိုင်သလိုနွေမှာဆိုလည်းနေအပူဒဏ်၊ အဲကွန်းဒဏ် စတာတွေကြောင့် အသားခြောက်ပြီး အဖတ်လေးတွေကွာလာပါလိမ့်မယ်။ အသားခြောက်တယ်ဆိုတာ ကလေးအရွယ်မှာအဖြစ်များကြတဲ့ လက္ခဏာတစ်ခုဖြစ်တဲ့အပြင် ရာသီဥတုကြောင့် ၊ဘာကြောင့် ညာကြောင့် အကြောင်းရင်းမျိုးစုံရှိတတ်ပါတယ်။ ဒါ့ကြောင့် ငယ်ရွယ်လွန်းတဲ့ ကလေးရဲ့အသားအရေမှာ ဘာထိခိုက်မှုမှမရှိစေဖို့ အတတ်နိုင်ဆုံးကြိုတင်ကာကွယ်ရမှာ၊ဖြစ်လာခဲ့ရင် အကောင်းဆုံးပြုစုစောင့်ရှောက်ပေးရမှာ မိဘတွေရဲ့တာဝန်ပါ။ ဒီဆောင်းပါးမှာတော့ မိမိတို့ရဲ့ ရင်နှစ်သည်းချေလေးတွေရဲ့အသားအရေကို နူးညံ့ချောမွေ့စေပြီးရေဓါတ်ပြည့်ဝနေစေဖို့ ဘယ်လိုဂရုစိုက်ပေးရမလဲ၊ အသားမခြောက်အောင် ဘယ်လိုကာကွယ်ပေးနိုင်မလဲဆိုတာလေးတွေ အကြံပြုပေးလိုက်တယ်နော်။ (၁) ကလေးကိုရေချိုးပေးတဲ့အခါ ရေနွေးစပ်ရင် သို့မဟုတ်ရေပူရေအေးစနစ်နဲ့ချိုးရင်ရေကိုသိပ်မပူပါစေနဲ့။ ခပ်နွေးနွေးလေးသာဖြစ်သင့်ပါတယ်။ အရေပြားမှာရှိတဲ့ […]