ကလေးငယ်အာဟာရ

အာဟာရနို့မှုန့်တွေဟာ ကလေးအတွက် မရှိမဖြစ်လိုအပ်တဲ့ အာဟာရဓါတ်တွေကိုဖြည့်ဆည်းပေးဖို့ စီမံထုတ်လုပ်ထားတာဖြစ်ပါတယ်။ မိခင်နို့မသောက်သုံးရတဲ့ကလေးတွေ ဒါမှမဟုတ် မိခင်နို့အဓိကတိုက်ကျွေးပေမယ့် အလုပ်များတဲ့အချိန် နို့ဘူးနဲ့ထားခဲ့ရတဲ့ ကလေးတွေအတွက် အထူးသဖြင့် တိုက်ကျွေးကြပါတယ်။ ဒါပေမယ့် နို့မှုန့်ကို ရေနဲ့ဖျော်၊ နို့ဘူးထဲထည့်ပြီး ကလေးကို တိုက်လိုက်ရုံနဲ့ ရပြီလား။ မဟုတ်ပါဘူးနော်။ နုနယ်တဲ့ကလေးတွေအတွက်က အသေးစိတ်ဂရုမစိုက်ဘဲဆိုရင် အာဟာရအပြည့်အဝမရနိုင်တဲ့အပြင် မလိုလားအပ်တဲ့ရောဂါပိုးတွေကိုပါ အပိုဆုအဖြစ် ရသွားနိုင်ပါတယ်။ နို့ဘူးဖျော်ဖို့၊ နို့ဘူးတိုက်ဖို့နဲ့ပတ်သက်ပြီး ကလေးကျန်းမာရေးအတွက် သိထားသင့်တဲ့အချက်တွေကို ဒီမှာဖော်ပြပေးချင်ပါတယ်။ နို့ဘူးဖျော်နည်းအဆင့်ဆင့်လည်း ပါတာပေါ့လေ။ အခုမှ သားဦး သမီးဦးမွေးဖွားထားတဲ့မေမေတို့အတွက် အထောက်အကူဖြစ်လိမ့်မယ်လို့ထင်ပါတယ်။ အဆင့် (၁)။ ။နို့ဘူးဖျော်ဖို့ရေနွေးအရင်တည်ပါ (ဆူထားပြီးသားရေနွေးအဟောင်းတွေ မသုံးပါနဲ့)။ အဆင့် (၂)။ ။ဆူပြီးရင်ရေနွေးကို မိနစ် ၃၀လောက်ပဲ ခပ်နွေးနွေးအနေအထားထိ အအေးခံပါ။ အဆင့် (၃)။ ။ဘာမှ မလုပ်ခင်လက်ကို စင်အောင်ဆေးပါ။ အဆင့် (၄)။ ။နို့ဘူး၊ နို့သီးခေါင်း၊ အဖုံး […]

မနက်ခင်းအေးအေးလေးမှာ နွားနို့ပူပူလေးတစ်ခွက်ကိုသောက်လိုက်ရတာတော်တော်လေးအရသာရှိတယ်နော်။ နွားနို့လို့ပြောလိုက်ရင်ကို သူ့ရဲ့ ချိုစိမ့်စိမ့်အရသာလေးကိုခံစားမိလာပါတယ်။ ဒါကတော့မေမေတွေက ငယ်စဉ်ကတည်းက တိုက်လာခဲ့လို့လေ။ အာဟာရပြည့်တဲ့ အစားအစာကို အရသာရှိရှိလေးစားတတ်အောင် အလေ့အကျင့်လုပ်ပေးခဲ့တာကိုး။ နွားနို့ကသောက်လို့ကောင်းတာသိပေမယ့် ကိုယ်တိုင်မေမေဖြစ်လာတော့ ဘယ်အချိန်မှာ ကလေးကိုနွားနို့တိုက်ရမလဲဆိုတာကိုသေချာမသိပြန်ဘူးနော်။ ဒီပြဿနာလေးကို အခုဆောင်းပါလေးကနေဖြေရှင်းပေးပါရစေ။ ကလေးကို ဘယ်အချိန်မှာ နွားနို့တိုက်မလဲ ကလေးကမွေးစကနေ ၆ လအထိ မိခင်နို့တစ်မျိုးတည်းနဲ့လုံလောက်ပါတယ်။ မိခင်နို့မနိုင်မှဘဲ တတ်သိနားလည်သူတွေနဲ့တိုင်ပင်ပြီး နို့မှုန့်တိုက်ပေးရမှာပါ။ ကလေးက ၆ လကျော်လာပြီဆိုရင်တော့ မိခင်နို့ နဲ့ နွားနို့၊ဆိတ်နို့တို့ကို အချိုးကျလေးတိုက်လို့ရပါပြီ။ ကလေးကို မိခင်နို့ ၂ ဆ နွားနို့ ၁ ဆလောက်ရောပြီး စတိုက်ကြည့်ပေါ့။ ဒီလိုကနေမှ ကလေးက နွားနို့ကို ခံတွင်းတွေ့မယ်ဆိုရင် ကလေးကို တစ်နေ့ကို နွားနို့ ၂ ခွက်ကနေ ၃ခွက်လောက်အထိတိုက်ပေးလို့ရပါတယ်။ နို့ဗူးအစား နွားနို့ကို အစားထိုးတိုက်ပေးလို့လည်းရပါတယ်။ နွားနို့က […]

အရွယ်ရောက်လာလေလေ အာဟာရလိုအပ်ချက်ပိုများလာလေလေပါ။ အသက် ၆ လအထိက မိခင်နို့ရည်တစ်မျိုးတည်းနဲ့လုံလောက်တယ်ဆိုပေမယ့် ၆ လကျော်လာပြီဆိုရင်တော့ မိခင်နို့အပြင် ဖြည့်စွက်အာဟာရတွေပါ တွဲဖက်ကျွေးဖို့ လိုအပ်လာပါပြီ။ ဒီလိုတဖြည်းဖြည်းချင်း အသက်ရလာလေလေ လိုအပ်တဲ့အာဟာရပြည့်မီအောင်ဖြည့်တင်းရင်းနဲ့ ကလေးကို အစားအစာတွေကို စမ်းကျွေးလာရပါတယ်။ ဒီလိုကျွေးတဲ့အခါမှာလည်း ကလေးက ငယ်လွန်းသေးတာကြောင့် လူကြီးတွေစားတဲ့အတိုင်းကျွေးလို့ မဖြစ်သေးပြန်ပါဘူး။ ဒီနေရာမှာ မေးစရာရှိလာတာတစ်ခုက ကဲ ဒီတော့ အစားစစားတတ်စ ကလေးကို ဘယ်လိုများပြင်ဆင်ကျွေးမွေးရမလဲပေါ့။ ပြောပြမယ်လေ ...... ကလေးကို ဘယ်အချိန်မှာ အစားစကျွေးမလဲ ကလေးက ၆ လကျော်လာပြီဆိုရင် ကလေးကို အစားစကျွေးလို့ရပါပြီ။ ကလေးကိုဖြည်းဖြည်းချင်း နည်းနည်းချင်းစကျွေးဖို့တော့လိုပါမယ်။ ကလေးကိုကျွေးတဲ့အခါ ကလေးရဲ့ အစားအစာတွေထဲမှာ လိုအပ်တဲ့ဗီတာမင် သတ္တုဓာတ်တွေ ပြည့်ပြည့်စုံစုံပါဝင်အောင် ဂရုစိုက်ပေးဖို့လိုအပ်ပါမယ်။နောက်တစ်ချက်ကတော့ ကလေးကို စကျွေးမယ့်အစားအစာတွေက အစာကြေလွယ်မယ့်ခပ်ပျော့ပျော့အစားအစာတွေဖြစ်ဖို့လိုအပ်မှာပါ။ ကလေးကိုစကျွေးစမှာ ဇွန်းတစ်ဝက်စာလောက်လေးကနေစပါ။ပြီးမှ တဖြည်းဖြည်းချင်းတိုးကျွေးသွားပေါ့။ ကလေးက အစားစစားချိန်မှာ မျိုချဖို့အခက်အခဲရှိနေမှာပါ။ […]

အစားအသောက်က ကလေးတစ်ယောက်ရဲ့ ကြီးထွားမှုနဲ့ ဉာဏ်ရည်ဖွံ့ဖြိးမှုအပေါ်ကို ၇၀ ရာခိုင်နှုန်းသက်ရောက်ပါတယ်။ မိခင်နို့သောက်တာနဲ့ပဲ မလုံလောက်တော့တဲ့ ကလေးတစ်ယောက်ကို တစ်ခြားလိုအပ်တဲ့ အာဟာရေတွရအောင် ဖြည့်စွက်စာတွေကျွေးရတဲ့ အပြင် နောက်ပိုင်း လူကြီးတွေစားတဲ့ အစားအစာတွေကိုပါ စားတတ်လာအောင် တဖြည်းဖြည်းလေ့ကျင့်ပေးရပါတယ်။ ဒါမှ ကလေးတစ်ယောက်က သူလိုအပ်တဲ့ အာဟာရတွေ အကုန်ပြည့်စုံအောင်ရမှာပါ။ ပြဿနာရှိတာက ကလေးဆိုတာ အစားထက် အဆော့ကို ပိုမက်ကြတာကြောင့် ထမင်းကျွေးချိန်ရောက်တိုင်း မေမေတို့ အမြဲခေါင်းစားရပါတယ်။ ခုပြောပြပေးချင်တဲ့အကြောင်းအရာလေးကတော့ ထမင်းကျွေးချိန်တိုင်း မေမေတို့ကြုံတတ်ကြတဲ့ အခက်အခဲလေးတွေ အကြောင်းဖြစ်ပါတယ်။ ကြိုသိထားတော့ ကြိုပြင်ဆင်လို့ရတာပေါ့နော်။ ။။ ကလေးကို ထမင်းကျွေးချိန်တိုင်း မေမေတို့ ဘယ်လို အခက်အခဲတွေ ကြုံတွေ့ရတတ်လဲ။ ။ ၁။ အစားစားဖို့ ငြင်းဆန်တာ။ ထမင်းကျွေးဖို့ ဇွန်းလေးပါးစပ်နားကပ်လိုက်ပြီဆိုတာနဲ့ခေါင်းကိုချာခနဲ လှည့်လိုက်ပြီး ပါးစပ်ကိုပိတ်ထားတဲ့ကလေးတွေရှိပါတယ်။ ဒါဟာ ကလေးကိုထမင်းကျွေးပြီဆိုတာနဲ့ မေမေတို့ ပထမဆုံးကြုံတွေ့ရတဲ့ […]

ကလေးတွေက ဘာဖြစ်ချင်တယ်ဆိုတာကို မပြောနိုင်ကြပါဘူး။ဖြစ်ချင်တဲ့ဆန္ဒလေးရှိခဲ့ရင်သူတို့လုပ်ပြတတ်တဲ့အပြုအမူလေးတွေနဲ့လုပ်ပြကြတာများပါတယ်။ ဒီတော့ အသစ်စက်စက်မိဘဖြစ်သူတွေအနေနဲ့ရော အတွေ့အကြုံရှိပြီးသားမိဘတွေပါ ကလေးရဲ့ အပြုမူလေးတွေကိုသေချာကြည့်ပြီး ဆန်းစစ်အဖြေထုတ်ကြရပြီပေါ့။ ဒီလိုအချိန်မှာအများဆုံးတွေ့ကြုံရနိုင်တဲ့ပြဿနာက ကလေးနို့ဝရဲ့လား၊ ဗိုက်ပြည့်ရဲ့လားဆိုတာကပါ။ ရှုးရှုးပေါက်တဲ့အခါ၊ အင်းအင်းပါတဲ့အခါ အဝတ်လဲပေးလိုက်လို့ရပေမယ့် ဗိုက်ပြည့်ရဲ့လားဆိုတာက သိဖို့ခက်သားနော်။ ကလေးဗိုက်မဝမှာစိုးတာနဲ့ ကလေးကို လိုအပ်တာထက်ပိုပြီးနို့တွေအများကြီးတိုက်မိတာမျိုးဖြစ်နိုင်ပါတယ်။ ကလေးကို အစားအစာ၊နို့အလွန်အကျွံကျွေးမိတိုက်မိခြင်းဆိုတာ မိဘတိုင်းကတော့ သားသမီးတိုင်းကိုမွေးစကစစလို့ အရွယ်ရောက်တဲ့အထိ အစစအရာရာပူပန်တတ်ကြတာပါပဲ။ ငယ်စဉ်မှာပိုဆိုးတာပေါ့။ နုနယ်လွန်းတဲ့ကလေး သေးတွေများစိုနေမလား၊ ဗိုက်ရောဝရဲ့လားဆိုပြီး အစစအရာရာကိုပူပန်နေမိရောလေ။ ဒီလိုအခြေအနေမျိုးမှာ ကလေးရဲ့ ဖွံ့ဖြိုးမှုနဲ့ စွမ်းအင်ဖြစ်ပေါ်ဖို့အတွက်လိုအပ်တဲ့ အာဟာရပမာဏထက် ပိုမိုပြီးကျွေးမိနိုင်ပါတယ်။ ကလေးအတွက် လိုအပ်တဲ့ပမာဏထက်ပိုကျွေးမိတဲ့အရာတိုင်းက အလွန်အကျွံကျွေးမိတယ်ဆိုတဲ့သဘောသက်ရောက်နေပါတယ်။ ကလေးကိုလိုအပ်တဲ့ပမာဏထက်ပိုကျွေးမိတဲ့အခါ ဒီလိုလက္ခဏာတွေပြတတ်ပါတယ် ၁) ကလေးက ခဏခဏအန်နေမယ် ကလေးက နို့သောက်ပြီးတိုင်း အန်နေမယ်ဆိုရင်တော့ ကလေးကို နို့အများကြီးတိုက်မိနေပြီဆိုတဲ့သဘောပါ။ ဒါကြောင့် ကလေးကို နို့တိုက်ရင်လည်း နည်းနည်းချင်းနဲ့ အကြိမ်ရေခပ်များများလေးတိုက်ပေးပါ။ တစ်ခါတည်းနဲ့အများကြီးတိုက်တာမျိုးမလုပ်ပါနဲ့။ ဒါမှ ကလေးက အစာအိမ်အူလမ်းကြောင်းပြဿနာကင်းစင်ပြီး ကျန်းကျန်းမာမာကြီးထွားလာမှာပါ။ ၂) […]

ကလေးတွေရဲ့ အစာခြေစနစ်က အစားအစာတွေကို ခန္ဓါကိုယ်အတွက် လိုအပ်တဲ့ စွမ်းအင်တွေအဖြစ်ပြောင်းလဲပေးပြီး ကြီးထွားဖွံ့ဖြိုးမှုကို အထောက်အပံ့ပေးတဲ့ အရေးပါတဲ့ စနစ်တစ်ခုပေါ့။ကောင်းမွန်တဲ့ အစာခြေစနစ်က ကျန်းမာဖို့အတွက်အရေးပါတဲ့အချက်တစ်ချက်ပါ။ အစာခြေစနစ်က ရှုပ်ထွေးတဲ့စနစ်တစ်ရပ်ပါ။ ပါးစပ်ကနေစပြီး အစာတွေကိုချေဖျက်ရင်းနောက်ဆုံး စအိုရောက်မှဆုံးသွားတဲ့စနစ်၊ ခန္ဓါကိုယ်တွင်းစနစ်တွေထဲမှာ အရှည်လျားဆုံးပေါ့။ ရှည်လျားသလောက် အလုပ်လည်းများတယ်နော်။ အစာခြေစနစ်ရဲ့ လုပ်ငန်းတာဝန်က အစာခြေရတယ်ဆိုတာထက်ပိုပါတယ်။ ကိုယ်ခံအားစနစ်ရဲ့ ၇၀ ရာခိုင်နှုန်းကလည်း အစာခြေစနစ်အပေါ်မှာတည်မှီနေတာပါ။ အကျိုးပြုဘက်တီရီးယားအများစု ကွန်းခိုနေတာကလည်း အစာခြေစနစ်ထဲမှာပါ။ ဒီလောက်ဆိုရင် ဘာကြောင့် အစာခြေစနစ်ကို ကျန်းမာအောင်ထားဖို့လိုတယ်လို့ပြောလဲဆိုတာသိလောက်မယ်ထင်ပါတယ်။ အစာခြေစနစ်ရဲ့ အရေးပါတဲ့ အင်္ဂါအစိတ်အပိုင်းများ အစာခြေစနစ်ထဲမှာ အရေးပါတဲ့ အခန်းကဏ္ဍကနေပါဝင်နေတဲ့ အစိတ်အပိုင်းတွေက - ပါးစပ် အစာရေမြို အစာအိမ် အူသိမ် အူမကြီး အသည်း သည်းခြေအိတ် ပန်ကရိယ အစာဟောင်းအိမ် စအို တို့ပါ။ ရင်သွေးအစာခြေစနစ်ကျန်းမာဖို့ဆိုရင် ဒီလောက်အရေးပါတဲ့ အစာခြေစနစ်က ကြီးထွားဖွံ့ဖြိုးဖို့လိုအပ်တဲ့ ကလေးငယ်တွေအတွက်ဆိုပိုလို့တောင်အရေးပါမှာပါ။ […]

ဆရာဝန်တွေကတော့မေမေတွေကို ရင်သွေးကိုမိခင်နို့တိုက်ကျွေးတာက အကောင်းဆုံးလို့ပြောမှာပါပဲ။ မိခင်အနေနဲ့ကလည်း ကလေးကို တစ်ချိန်လုံးနို့ချိုတိုက်ကျွေးဖို့ဆိုတာ မဖြစ်နိုင်ပါဘူး။ ဒီလိုအချိန်မှာ မိခင်တွေအနေနဲ့ရွေးချယ်စရာတစ်ခုပဲရှိပါတော့တယ်။ ဒါကတော့ ကလေးအတွက်အကောင်းဆုံးနို့မှုန့်ရွေးချယ်တာပါ။ နို့မှုန့်ရွေးချယ်တဲ့အခါ မဖြစ်မနေသိထားဖို့လိုမယ့်အချက်တစ်ခုရှိနေပါတယ်။ ဒါကတော့နို့မှုန့်မှာ မိခင်နို့မှာပါဝင်တဲ့ ဗီတာမင်၊ သတ္တုဓါတ်တွေနဲ့ ကယ်လ်လိုရီေတွအားလုံးပါဝင်ဖို့ဆိုတာ မဖြစ်နိုင်ဘူးဆိုတဲ့အချက်ပါ။ ကလေးအတွက် အကောင်းဆုံးဖြစ်မယ့် နို့မှုန့်ရွေးချယ်ဖို့စဉ်းစားနေတဲ့မေမေတို့ကို ဒီဆောင်းပါးလေးကနေတဆင့် ကူညီပေးပါရစေ။ နို့မှုန့်အမျိုးအစားတွေက ဘာတွေလဲ နို့မှုန့်တွေက အဓိကအားဖြင့်တော့ ၄ မျိုးရှိနေပါတယ်။ ဒါတွေကတော့ နွားနို့ကို အခြေခံပြီးထုတ်ထားတဲ့ နို့မှုန့် ဆိတ်နို့ကိုအခြေခံပြီးထုတ်ထားတဲ့နို့မှုန့် hydrolysed protein ကိုအခြေခံပြီးထုတ်ထားတဲ့ နို့မှုန့် ပဲနို့ကို အခြေခံပြီးထုတ်ထားတဲ့နို့မှုန့် တို့ပဲဖြစ်ပါတယ်။ နွားနို့ကိုအခြေခံပြီး ထုတ်ထားတဲ့နို့မှုန့် - ကလေးနို့မှုန့်တော်တော်များများက နွားနို့ကနေရတဲ့ ပရိုတင်းပေါ်မှာ အခြေခံပြီးထုတ်ထားတာပါ။ ကလေးတွေဖွံ့ဖြိုးကြီးထွားဖို့အတွက်လိုအပ်တဲ့ အာဟာရဓါတ်ေတွများစွာပါဝင်နေပါတယ်။ ဒါပေမယ့် အချို့ကလေးငယ်တွေက နွားနို့နဲ့ ဓါတ်မတည့်တာမျိုးရှိတတ်ပါတယ်။ ဆိတ်နို့ကိုအခြေခံပြီး ထုတ်ထားတဲ့နို့မှုန့် - ဆိတ်နို့ကနေထုတ်ထားတဲ့နို့မှုန့်မှာ […]

ကလေးကို ဟိုဟာမတည့်ဘူး မစားနဲ့နော်၊ ဒါမစားနဲ့၊ မေမေဘာပြောထားလဲ၊ချောင်းဆိုးလိမ့်မယ်၊ နေမကောင်းဖြစ်လိမ့်မယ်ဆိုပြီး မိဘတွေရဲ့ပြောသံ မကြာခဏကြားရပါတယ်။ ကလေးဆိုတာ တားလေ ပိုလုပ်ချင်လေ သဘာဝကို ပိုင်ဆိုင်သူတွေမို့ ဒီလိုမျိုးဘယ်လောက်ကြာကြာ ထိန်းထားနိုင်မယ်ထင်ပါသလဲ။ သူများစားတာ လိုက်စားချင်မယ်၊ ကျန်းမာရေးအတွက်ကောင်းတာမကောင်းတာသူမသိဘဲ ကြိုက်တဲ့အစားအသောက်ကို ကြိုက်သလို ခိုးစားမယ်၊ (မိဘမသိအောင်) မိသားစုဆွေမျိုးတွေကိုဝယ်ကျွေးခိုင်းမယ် စတာတွေဖြစ်လာနိုင်ပါတယ်။ တကယ်တော့ ကလေးကိုကျွေးမယ့် အစားအသောက်ကိုမိဘက ပုံသေသတ်မှတ်ပြီး အတင်းကျွေးတာထက် အာဟာရပြည့်ကျန်းမာတဲ့အစားအစာတွေပြင်ဆင်ပေးထားတဲ့အထဲကမှ ကလေးကိုရွေးချယ်ခွင့်ပေးတာပိုကောင်းပါတယ်။ ကလေးတွေရဲ့သဘာဝကိုက လူကြီးတွေလို ကိုယ်တိုင်ရွေးချယ်ခွင့်ရတာ၊ အရာရာကိုယ်တိုင်လုပ်ခွင့်ရတာ၊ ချုပ်ကိုင်မှုကလွတ်ကင်းတယ်လို့ခံစားရတာကို အရမ်းတောင့်တကြပါတယ်။ ဒါ့ကြောင့် ကျန်းမာရေးနဲ့ညီပြီး ဖွံ့ဖြိုးကြီးထွားမှုကိုအထောက်အကူပြုမယ့်အစားသောက်တွေဖြစ်အောင် ပြင်ဆင်ပေးပြီးပေးရွေးလိုက်ပါ။ ကိုယ်လိုချင်တဲ့အတိုင်းဖြစ်လာဖို့ ဘယ်အရာကိုမှအတင်းအကြပ်မလုပ်ဘဲ ကလေးကိုယ်တိုင်ကျေနပ်လက်ခံလာအောင် ပရိယာယ်သုံးပြီးစိတ်ရှည်ရှည်နဲ့ဆွဲဆောင်ရတာ မိဘတွေရဲ့ပညာပါပဲ။ ဒီအချက်တွေကို မဖြစ်မနေ ထည့်စဉ်းစားပါ (၁) ဒါအကုန်စားရမယ် ဆိုတာမျိုး မပြောပါနဲ့ ကလေးက ဗိုက်ပြည့်နေပြီဆိုရင် အတင်းဆက်မစားခိုင်းပါနဲ့။ မိဘတော်တော်များများက ဒီလောက်တော့ကုန်ရမယ်၊ဒီလောက်တော့ကုန်အောင်စားပါ နဲ့ […]

မုယောစပါးအာဟာရအချိုရည်တွေက ခွန်အားပြည့်တယ်လို့တော်တော်များများကလက်ခံထားကြပြီး ကလေးရော၊ လူကြီးပါသောက်သုံးနေကြပါတယ်။ ခွန်အားပြည့်တာလည်းဖြစ်နိုင်ပေမယ့် ခန္ဓါကိုယ်အတွက်လိုအပ်သမျှအာဟာရဓါတ်ေတွတော့ဖြည့်ဆည်းပေးဖို့မလုံလောက်နိုင်ပါဘူး။သူ့မှာပါဝင်မှုများတာက ဗီတာမင် ဘီအုပ်စုဝင်တွေဖြစ်ပြီး ကယ်လိုရီနဲ့ အချိုဓါတ်ပမာဏတွေလည်းများပါတယ်။ ရံဖန်ရံခါဆိုပြဿနာမရှိပေမယ့် ကလေးတွေကိုပုံမှန်တိုက်ကျွေးမယ်ဆိုရင်တော့ ထည့်စဉ်းစားသင့်တဲ့အန္တရာယ်က နှစ်ချက်ရှိပါတယ်။ (၁) အချိုစားသုံးမှုများတဲ့ အန္တရာယ် ကလေးတွေမှာအချိုစားသုံးမှုများတဲ့ဘေးထွက်ဆိုးကျိုးက ချောင်းဆိုးရင်ကျပ်ြဖစ်လာနိုင်တယ်၊ ကိုယ်ခံအားနည်းလာနိုင်တယ်။ ကလေးကအချိုစားသုံးမှုလွန်ကဲတဲ့အခါ ခန္ဓါကိုယ်ထဲက ဘက်တီးရီးယားထိန်းညှိမှုကို မညီမမျှဖြစ်စေပြီး ကိုယ်ခံအားစနစ်ကိုထိခိုက်စေတာဖြစ်ပါတယ်။ ဒါ့ကြောင့် ကလေးမှာ အအေးမိဝေဒနာမကြာခဏဖြစ်လာတတ်တာမျိုးပါ။ ကိုယ်အလေးချိန်များလာမယ်။ ကလေးတွေကိုတိုက်ကျွေးတဲ့ သောက်စရာတွေ၊မုန့်တွေ၊ပြုပြင်စီမံထားတဲ့စားစရာတွေမှာပါတဲ့ သကြားဓါတ်များရင် အစားအစာရဲ့ကယ်လိုရီပမာဏကိုတိုးစေတတ်တာကြောင့် ကလေးကို ကျန်းမာရေးအတွက်မကောင်းတဲ့ ကိုယ်အလေးချိန်တိုးခြင်းကိုဖြစ်လာစေနိုင်ပါတယ်။ သွားပိုးစားမယ်။ အချိုက ကလေးရဲ့သွားမျက်နှာပြင်ပေါ်မှာ ဘက်တီးရီးယားေပါက်ဖွားစေဖို့အားပေးပါတယ်။ ကြာလာတဲ့အခါ အဲဒီဘက်တီးရီးယားတွေများလာပြီး သွားပိုးပေါက်တွေဖြစ်စေနိုင်ပါတယ်။ ဆီးချိုသွေးချိုရောဂါစိတ်ပူရတယ်။ အချိုဓါတ်စားတာများရင်သွေးတွင်းသကြားဓါတ်ပမာဏသိသိသာသာမြင့်တက်စေနိုင်ပါတယ်။ အဲဒီလိုမြင့်တက်တာက ပုံမှန်လိုလိုဖြစ်နေရင်(အချိုများတာအမြဲစားမိရင်) ကလေးမှာ ဆီးချိုဖြစ်နိုင်တဲ့အန္တရာယ်ပိုများလာနိုင်ပါတယ်။ (၂) ဓါတ်မတည့်မှုအန္တရာယ် မုယောစပါးအခြေခံတဲ့ထုတ်ကုန်တွေဟာ အညှောက်ဖောက်ခြင်းလုပ်ငန်းစဉ်အဆင့်ကိုကျော်ဖြတ်ပြီးထုတ်လုပ်ရတာဖြစ်ပါတယ်။ မုယာစပါးမှာရှိတဲ့ ကစီဓါတ်ကိုသကြားဓါတ်အဖြစ်ပြောင်းလဲနိုင်ဖို့ အင်ဇိုင်းတွေထုတ်ပေးတဲ့အတွက် အဲဒီလုပ်ငန်းစဉ်အတွင်းမှာ ဓါတ်မတည့်မှုဖြစ်စေနိုင်တဲ့အရာတွေရှိလာနိုင်ပါတယ်။ ကလေးဆိုတာ ဓါတ်မတည့်မှုဖြစ်လွယ်ပြီး ထိခိုက်လွယ်တဲ့အရွယ်မို့ […]

ကော်ဖီ၊ လက်ဖက်ရည်ဆိုတာ တော်တော်များများမကင်းနိုင်တဲ့ သောက်စရာဖြစ်ပါတယ်။ သူတို့မှာပါတဲ့ ကဖင်းဓာတ်က လန်းဆန်းစေတဲ့အတွက် နှစ်သက်ကြပါတယ်။ မိုးအေးတဲ့အချိန်ဆို ကော်ဖီပူပူလေးနဲ့မှ၊ အိမ်မှာအနားယူနေလည်း ကော်ဖီလေးနဲ့၊ မိသားစု မုန့်စားကြလည်းကော်ဖီလေးနဲ့။ နေ့စဉ်စားသောက်နေတဲ့အထဲမှာ ချောကလက်၊ ကိုလာနဲ့ အားဖြည့်အချိုရည်တွေလို ကဖင်းဓာတ်ပါတဲ့ တခြားအစားအသောက်တွေကလည်း ပါနေတာပါပဲ။ ပုံမှန်တော့ သတိမထားမိကြပေမယ့် ကလေးရှိတဲ့မိသားစုမှာတော့ ဒါကိုထည့်တွေးသင့်ပါတယ်။ လူကြီးတွေ စားသမျှကို စားချင်နေတဲ့ ကလေးတွေကိုရော ကိုယ်သောက်နေတဲ့ကော်ဖီ သို့မဟုတ် ကဖင်းပါတဲ့သောက်စရာတွေ နည်းနည်းမျှတိုက်လိုက်တာပဲလား။ ကိုယ်ခန္ဓာရဲ့ဖွံ့ဖြိုးကြီးထွားမှု မပြည့်စုံသေးတဲ့အသက်အရွယ်မှာ ကဖင်းဓာတ်ကြောင့် ဘယ်လိုသက်ရောက်မှုရှိစေနိုင်မလဲတွေးမိပါရဲ့လား။ တကယ်လို့ ကလေးက ကဖင်းကိုစွဲလမ်းသွားရင် ကျောင်းတက်လည်းကော်ဖီဘူး၊ အားဖြည့်အချိုရည်ဘူးတွေ မကြာခဏသောက်တော့မှာပါ။ ကဖင်းဓာတ်က ဗဟိုအာရုံကြောစနစ်ကို လှုံ့ဆော်နှိုးဆွပေးနိုင်လို့ အာရုံလန်းဆန်းစေတာဖြစ်ပါတယ်။ ဒါပေမယ့် ကလေးရော လူကြီးမှာပါ ကဖင်းဓာတ်လွန်ကဲရင် ဒီလက္ခဏာတွေဖြစ်လာနိုင်ပါတယ် - ကတုန်ကယင်ဖြစ်ခြင်း ဗိုက်အောင့်ခြင်း ခေါင်းကိုက်ခြင်း အာရုံစိုက်မရခြင်း အိပ်မပျော်ခြင်း […]