ကလေးငယ်

ကလေးအသက် ၆လေကျာ်လာပြီဆိုတာနဲ့ ဖြည့်စွက်စာစကျွေးဖို့ ခေါင်းစားကြတာ မေမေတိုင်းပါ။ ကလေးအာဟာရ မပြည့်မှာလည်းစိုးတယ် မတည့်တာကျွေးမိမှားလည်းစိုးတဲ့ ပူပန်မှုတွေကြားထဲ ကလေးကို ဘာတွေစကျွေးရမလဲ ဝေခွဲမရ ရွေးရခက်နေတဲ့ မေမေတို့ရှိပါသလား။ ဒါဆို ဒီဆောင်းပါလေးကိုဖတ်ကြည့်စေချင်ပါတယ်။ ဒီဆောင်းပါးလေးထဲမှာ ဖြည့်စွက်စာ ကျွေးချိန်ရောက်ပြီဆိုတာနဲ့ ဘယ်အစားအစာတွေကို ကလေးတွေကို စကျွေးရမလဲဆိုတာ မေမေတို့ ခေါင်းစားစရာမလိုတော့အောင် ပြောပြပေးတော့မှာပါ။ ဖြည့်စွက်စာ စားချိန်ရောက်ပြီဆိုတာနဲ့ ကလေးကို စကျွေးသင့်တဲ့ အစားအစာ ၅ မျိုး ။ ။ ကလေးနဲ့လည်းတည့်၊ ဝယ်ရတာလည်းလွယ်ကူ ၊ အာဟာရလည်း အပြည့်ပါတဲ့ ဘယ်လို အစားအသောက်တွေကို ကလေးတွေရဲ့ ဖြည့်စွက်စာ အဖြစ် ရွေးချယ်သင့်လဲ ။ ။ ၁ - ြကက်ဥ -နုနယ်သေးတဲ့ ကလေးအစာအိမ်အတွက် အစာခြေရတာလွယ်စေတဲ့ အစားအသောက်ဖြစ်တဲ့ အပြင် ကြီးထွားဖွံဖြိုးမှုကို အထောက်အကူပြုတဲ့ ပရိုတင်းဓါတ်တွေ […]

ကလေး သေးခံ၊ အနှီး ကိုကြည့်ပြီး သင့်ကလေး ကျန်းမာရေး ကောင်းတယ် မကောင်းဘူးဆိုတာကို ခန့်မှန်းလို့ရတာ သင်သိပါသလား။ ။ ဝမ်းအရောင် ဝမ်း အပျော့ အမာ စတာတွေကို ကြည့်ပြီး ကလေးရဲ့ ကျန်းမာရေးကို ခန့်မှန်းလို့ရပါတယ်။ ဘယ်လိုလဲဆိုတာ ဆက်ကြည့်ရအောင်။ ။ ဝမ်းအရောင်များ။ ။ ဝမ်းအမည်းရောင် ။ ။ မွေးပြီးပြီးချင်း၂၄ နာရီအတွင်းကလေးစသွားတဲ့ ဝမ်းအရောင်က အမည်းရောင်ဖြစ်နေတတ်ပါတယ်။ ဒါက ပုံမှန်ဖြစ်နေကျပါ။ မွေးပြီးပြီးချင်း ၁ ပတ်အတွင်းမှာ အမည်းရောင်ဝမ်းတွေ အများကြီးသွားနိုင်ပါတယ်။ ၁ပတ်ထက်ကျော်လို့ ဝမ်းက အမည်းရောင်ပဲ ဆက်ဖြစ်နေဦးမယ်ဆိုရင်တော့ သင့်ကလေး ကျန်းမာရေးမှာ ပြဿနာ တစ်စုံတစ်ရာ ရှိနေပါပြီ။ ။ ဝမ်းအမည်းရောင်ကို မိခင်နို့တိုက်နေတဲ့ကလေးမှာရော ၊ နို့မှုန့်သောက်နေတဲ့ကလေးမှာရော တွေ့ရပါတယ်။ ဝမ်းက စေးကပ်နေတတ်ပြီး အချွဲတွေပါတဲ့ […]

ကလေးအသက် ၆လ အထိ မိခင်နို့တစ်မျိုးတည်း တိုက်ရမယ်ဆိုတဲ့ စကားလေးကိုဆရာဝန်တွေ ဆီက မကြာခဏ ကြားဖူးကြမှာပါ။ ဆရာဝန်တွေသာ တိုက်တွန်းကြပေမယ့် ကာယကံရှင်ဖြစ်တဲ့ မိခင်တွေထဲမှာ ဒီအဆိုကို လိုက်နာတဲ့သူရှားပါတယ်။ ကိုယ့်ပတ်ဝန်းကျင်က မိခင်တွေကိုကြည့်ရုံနဲ့ သိသာပါတယ်။ ကလေး ၃ လ ၄လ လောက်ရောက်ပြီဆိုတာနဲ့ မိခင်နို့အပြင် အပြင်က နို့မှုန့်တွေကိုပါ ဖျော်တိုက်ကြတယ်လေ။ ဒါကလည်း ကလေးကို အာဟာရပိုပြည့်စေချင်တဲ့ စေတနာဖြစ်တာကြောင့် ၆ လပြည့်တဲ့အထိ မစောင့်နိုင်တဲ့ မိခင်တွေကိုလည်း အပြစ်တင်လို့မရပါဘူး။ မိခင်နို့ရော နို့မှုန့်တိုက်သာတိုက်နေရပေမယ့် တစ်ဘက်မှာလည်း ဆရာဝန်တွေ ပြောထားတဲ့ ကလေးအသက် ၆ လ အထိ မိခင်နို့တစ်မျိုးတည်း တိုက်ရမယ်ဆိုတဲ့ စကားကလည်းရှိသေးတော့ မေမေတို့ စိတ်ထဲမှာ စနိုးစနောင့်ဖြစ်နေတဲ့ မေးခွန်းတစ်ခုရှိမယ်လို့ထင်ပါတယ်။ ဘာလဲဆိုတော့ မိခင်နို့နဲ့ နို့မှုန့်ကရောတိုက်ရင် ကလေးအတွက် […]

ကလေးတွေက ၄ လလောက်ရောက်လာပြီဆိုရင် စားချင်သောက်ချင်စိတ်ဖြစ်လာပြီ။ အစားအစာတွေမြင်ရင် ပါးစပ်ပြင်တတ်လာပြီ။ ဒီအပြုအမူလေးတွေက ချစ်စရာကောင်းတာမှန်ပေမယ့် စားချင်တာကိုကျွေးလို့မရလို့ စိတ်မကောင်းဖြစ်မိတာကလည်း အမှန်ပဲနော်။ ဒီတော့ စဉ်းစားမိတာက ငါ့ကလေး စားလို့ရတာနဲ့ အရသာရှိရှိလေးကျွေးမယ်ပေါ့။ ဒီလိုတွေးမိထားတာကမေမေဖေဖေတွေတင်မဟုတ်ပါဘူး။ ကလေးကိုချစ်ကြတဲ့ ဖိုးဖိုးဖွားဖွားနဲ့ ဦးဦး တီလေးတို့လည်း ပါမယ်ထင်ပါတယ်နော်။ ဒီတစ်ခေါက်တော့ ကလေးကို အရသာရှိရှိစားစေချင်နေတဲ့ Hello ဆရာဝန်ပရိသတ်ကြီးအတွက် ကလေးတွေ နဲ့ ဆားစားသုံးခြင်းအကြောင်းလေးပြောပြပေးချင်တာပါ။ ကလေးတွေနဲ့ ဆားစားသုံးခြင်း အရသာရှိတာကျွေးမယ်ဆိုရင် အရင်ဆုံးတွေးမိတာက ဆားလေး၊ဆီလေး၊ အချိုမှုန့်လေးထည့်မယ်လို့ပေါ့။ ကလေးကိုချစ်ရင် အစားစစားချိန်မှာ ဒါတွေထည့်မကျွေးဖို့ပြောပါရစေ။ အစားစစားမယ့် ကလေးတစ်ယောက်ရဲ့ အစားအစာထဲမှာ ဆားထည့်ဖို့ တကယ်ကိုမလိုပါဘူး။ နို့စို့နေစဉ်ကမေမေ့နို့ကနေတဆင့် လိုအပ်တဲ့ ဆားဓါတ်ကို ရရှိခဲ့ပါတယ်။ ဆားတောင်မကျွေးရမှာတော့ အချိုမှုန့်ဆိုတာယောင်လို့ထည့်မကျွေးသင့်တာပါ။ အချိုမှုန့်က ကျန်းမာရေးအတွက်ကောင်းကျိုးလုံးဝမရှိတဲ့ အစားအစာပါနော်။ ဒီလိုပြောလို့ ကလေးကိုဆားလုံးဝမကျွေးရဘူးလို့ဆိုလိုတာမဟုတ်ပါဘူး။ အစားစစားချိန်မှာ မိခင်နို့ကိုဆက်တိုက်နေမယ်၊ နို့မှုန့်ကိုလည်း […]

ဘယ်အချိန်မှာ နို့ဖြတ်မှာလဲ ကလေးနို့ဖြတ်တဲ့ကိစ္စဟာ မေမေတို့အတွက်စိတ်မကောင်းဖြစ်ရတဲ့အချိန်ပါ။ကလေးက ငိုယိုနေမှာ၊ နို့ဆာနေချိန် ဒီအတိုင်းကြည့်နေရမှာ မကြည့်ရက်တာနဲ့ပဲ ကလေးကိုယ်တိုင်က နို့ပြတ်တဲ့အထိစောင့်တတ်ကြပါတယ်။ ဘယ်အချိန်မှာ နို့ဖြတ်မလဲဆိုတာ ကလေးရော၊ မိခင်ေရာ အဆင်သင့်ဖြစ်တဲ့အချိန်ကို ကိုယ်တိုင်ဆုံးဖြတ်တာအကောင်းဆုံးဖြစ်ပါတယ်။ ကျန်းမာရေးအဖွဲ့အစည်းတွေရဲ့အကြံပြုချက်မှာတော့ ခြောက်လအထိ မိခင်နို့တစ်မျိုးတည်းတိုက်ကျွေးသင့်တယ်၊ အနည်းဆုံး ကလေးအသက်တစ်နှစ်အထိလောက်အထိ တိုက်ကျွေးလို့ရတယ်လို့ ဆိုထားပါတယ်။ မိခင်တွေအနေနဲ့က ကိုယ်ရော၊ ကလေးပါ အဆင်ပြေနေသရွေ့ မိခင်နို့ကို တိုက်ကျွေးလို့ရနိုင်ပါတယ်။ ကလေးမစို့ချင်တော့အောင် နို့မှာ အခါးတွေသုတ်ထားတာ၊ ဆေးတွေသုတ်ထားတာ ...သူငယ်ချင်းတွေ၊ဆွေမျိုးနဲ့ မိဘတွေ ဘာပဲပြောပြော သူများပြောတဲ့နည်းလမ်းစုံတွေ လိုက်မသုံးပါနဲ့။ ကိုယ့်ကလေးအကြောင်း၊ ကိုယ့်အကြောင်း ကိုယ်သာအသိဆုံးမို့ အဆင်ပြေမယ့်နည်းကိုရွေးချယ်ရပါမယ်။ ကျန်းမာရေးအကြံပြုချက်တွေအတိုင်း ကလေးအသက်တစ်နှစ်အထိ နို့ဆက်တိုက်မယ်ဆိုရင်တောင် ထမင်းနဲ့တွဲကျွေးတာမျိုးဖြည်းဖြည်းချင်းကျင့်ပေးရမယ့်နည်းကိုရွေးတာမျိုး။ နို့ဖြတ်မယ်ဆိုရင်မေမေတို့ ဘာတွေသိထားရမလဲ (၁) အစပိုင်းမှာ ဖြည်းဖြည်းချင်းကျင့်ပေးသင့်တယ် ရုတ်တရက်ကြီး ကလေးကိုနို့မစို့ရအောင် လုပ်ထားတာက ညှင်းပန်းရာကျနေမလားလို့ ကိုယ်လည်းစိတ်ဆင်းရဲ၊ ကလေးလည်းပင်ပန်းရပါတယ်။ နို့ဆာလောင်နေချိန်မစို့ရလို့ဒေါသထွက်နေတဲ့ကလေးက အခုမှစစားဖူးမယ့် ကြိတ်ချေထမင်း […]

ကလေးက ၆ လ အထိနို့သောက်ပြီးပြီ။ ဒီတော့ ကလေးက ၆ လပြည့်ပြီဆိုရင် ဘာလုပ်မယ်ထင်လဲ။ ထမင်းစားမှာပေါ့။ ထမင်းကလူကြီးတွေစားသလိုတော့ စားလို့မရသေးဘူးပေါ့။ ဒီတော့ ထမင်းတိုက်ကျွေးမယ်။ ထမင်းတိုက်ကျွေးတယ်ဆိုတဲ့နေရာမှာ ထမင်းပဲကျွေးလို့မရပါဘူးနော်။ လိုအပ်တဲ့အာဟာရတွြေပည့်ဖို့ အသီးအရွက်၊ ပဲအမျိုးမျိုးနဲ့ အသား၊ ငါးတွေကို မျှတအောင်ကျွေးပေးဖို့လိုပါမယ်နော်။ အစားစစားတာက ကလေးတစ်ယောက်အတွက် ကြီးမားတဲ့စွန့်စားခန်းပေါ့။ မိဘတွေအနေနဲ့ကလည်း ကိုယ့်ကလေး အကောင်းဆုံးကျော်ဖြတ်နိုင်အောင် ကူညီပေးရမှာပါနော်။ ကလေးအတွက် အသက်အရွယ်အလိုက် အစားအစာပြင်ဆင်ပေးမယ် ကလေး ၆ လ ကနေ ၈ လအရွယ် ကလေးက ၆ လရောက်လာပြီဆိုရင် အစားစစားလို့ရပြီပေါ့။ ဒီအရွယ်မှာ ကလေးကို အစာခပ်ပျော့ပျော့လေးတစ်နေ့ကို ၂ ကြိမ် ကနေ ၃ ကြိမ်လောက်ကျွေးရပါမယ်။ ကလေးစားတဲ့ ခွက်ကလေးနဲ့တစ်ဝက်စာလောက်ကျွေးရမှာပါနော်။ ကလေးကို ထမင်း၊ ပန်းဂေါ်ဖီစိမ်း၊ မုန်လာဥနီ၊ရွှေဖရုံသီး၊ ကန်ဇွန်းဥတို့ကိုကျွေးလို့ရပါတယ်။ ပျားရည်တော့လုံးဝမကျွေးပါနဲ့ဦး။ […]

ကလေးတစ်ယောက်ကောင်းကောင်းကြီးပြင်းလာအောင် ပျိုးထောင်ရတာ လွယ်တော့မလွယ်ပါဘူး။ ဒါပေမယ့်ပျော်စရာတွေ၊ စိတ်လှုပ်ရှားစရာတွေနဲ့ပြည့်နှက်နေတဲ့ ပင်ပန်းခက်ခဲတဲ့ ခရီးပေါ့။ ဘယ်လောက်ပင်ပန်းပင်ပန်း ရင်သွေးကကျန်းကျန်းမာမာကြီးပြင်းလာတယ်ဆိုရင်ကို ပင်ပန်းတာတွေက အကုန်ပျောက်ကုန်တာလေ။ ကလေးရဲ့နေ့စဉ်နဲ့အမျှ တိုးတက်လာတဲ့တိုးတက်မှုတိုင်းကို ရင်ခုန်စိတ်လှုပ်ရှားစွာနဲ့စောင့်ကြည့်ရတာလည်းပြန်မရနိုင်တဲ့ အခိုက်အတန့်လေးတွေပါနော်။ ဒီအခိုက်အတန့်လေးတွေထဲမှာ ကလေးအတွက်အကြီးမားဆုံးစိန်ခေါ်မှုဖြစ်ပြီး မိဘတွေအတွက် စိတ်လှုပ်ရှားစရာအကောင်းဆုံး အခိုက်အတန့်ရှိပါတယ်။ ဒါကဘယ်အချိန်ဖြစ်မယ်ထင်လဲ၊ စကားစပြောတဲ့အချိန်လား၊ မတ်တတ်စမ်းတဲ့အချိန်လား၊ အစားစစားတဲ့အချိန်လား။ အစားစစားတဲ့အချိန်ပါနော်။ ကလေးတစ်ယောက်ကို ဘယ်အချိန်မှာ အစားစကျွေးမလဲ ကလေးတစ်ယောက်ကို မိခင်နို့လိုမျိုး အရည်ပဲတိုက်နေရင်းကနေ အစားစကျွေးရတာက ကလေးအတွက်ရော မိဘအတွက်ရောတော်တော်လေး စိတ်လှုပ်ရှားရတဲ့ အခိုက်အတန့်ပါ။ ဒီအခိုက်အတန့်ကို ဘယ်အချိန်မှာ ကြုံရမလဲဆိုတော့ ကလေးအသက် ၆ လရောက်လာတဲ့အချိန်မှာပါ။ ဒီအချိန်မှာမှ ကလေးက အစာခြေစနစ် အပြည့်အဝဖွံ့ဖြိုးမှာဖြစ်ပါတယ်။ ခန္ဓါကိုယ်ကြီးထွားလာမှုနဲ့အမျှ လိုအပ်တဲ့ အာဟာရပမာဏကလည်း တိုးလာပါပြီ။ ကလေးတွေကို အသက် ၆ လရောက်တဲ့အခါ အစားစကျွေးရမှာဖြစ်ပြီး ၆ လထက်နောက်မကျတာက […]

မွေးကင်းစအရွယ်မှာ မိခင်နို့တိုက်တယ်။ ဒီလိုကနေ အသက် ၆ လအရွယ်ရောက်လာတယ်။ တစ်လချင်းအလိုက်မှာလည်း ကလေးက တိုးတက်မှုအဆင့်ဆင့်နဲ့ မှတ်တိုင်လေးတွေ စိုက်ထူခဲ့တယ်ပေါ့။ ဒီလိုနဲ့ အသက် ၆ လရောက်လာတဲ့အခါ နို့အပြင် စားစရာလေးတွေပါကူရပြီလေ။ ဒီအချိန်မှာ ဘာတွေကျွေးလို့ရလို့ ဘာတွေကျွေးလို့မရဘူးလဲဆိုတဲ့အချက်ကမေမေတို့အတွက် ခေါင်းစခြောက်ရပြီလေ။ ဒီပြဿနာကို ဝိုင်းပြီးဖြေရှင်းပေးပါရစေနာ်။ ကလေးကို အားဖြစ်စေချင်လို့ စစားလို့ရပြီဆိုတဲ့အချိန်မှာ စုံစုံလင်လင်လေးကျွေးချင်နေလောက်တယ်ဆိုတာ သိပေမယ့် အချို့သောအစားအစာတွေက ကလေးတွေအတွက် မသင့်တော်တာအမှန်ပါ။ ဒီတော့ ကလေးကို ကျန်းမာပျော်ရွှင်စွာကြီးပြင်းစေချင်တယ်ဆိုရင် ဒီအစားအစာလေးတွေတော့ရှောင်လိုက်ပါ။ တစ်သက်လုံးမဆိုလိုပါဘူး။ ငယ်စဉ်နဲ့ အစားစကျွေးစမှာပါနော်။ ကလေးကိုချစ်ရင် ဒါတွေမကျွေးပါနဲ့ ပျားရည် သဘာဝအားဆေးလို့တောင် တင်စားကြတယ်နော်။ ဒါပေမယ့် ဒီအချက်က ကလေးတွေအတွက်တော့ မမှန်ပါဘူး။ အစာခြေစနစ်အပြည့်အဝမဖွံ့ဖြိုးသေးတဲ့ ကလေးတွေအတွက် ပျားရည်က ပြင်းထန်တဲ့နောက်ဆက်တွဲပြဿနာတွေဖြစ်စေနိုင်ပါတယ်။ မြေပဲထောပတ် မြေပဲဓါတ်မတည့်မှြုဖစ်စေနိုင်သလို မျိုချရခက်တာကြောင့် ကလေးကို နင်တာ၊သီးတာမျိုးတွေဖြစ်စေနိုင်ပါတယ်။ ကလေကိုမြေပဲထောပတ်ကျွေးချင်ရင်တောင် ၂ နှစ်ကျော်မှကျွေးပါနော်။ အချို့သောဟင်းသီးဟင်းရွက်တွေ ကလေးကငယ်သေးတဲ့အရွယ်မှာ နိုက်ထရိတ်ပါဝင်မှုများတဲ့ ဟင်းသီးဟင်းရွက်တွေကိုမကျွေးသင့်ပါဘူး။ […]

လျှာခင်တွယ်ဆက်ခြင်း လျှာခင်တွယ်ဆက်ခြင်းဆိုတာကမွေးရာပါရောဂါတစ်ခုပါ။ လျှာလှုပ်ရှားရခက်တဲ့အခြေအနေတစ်မျိုးပါ။ လျှာနဲ့ခံတွင်းအောက်ခြေကို တွယ်ဆက်ထားတဲ့ တွယ်ဆက်တစ်ရှုးတွေ များလွန်းနေတာကြောင့် လျှာကလှုပ်ရှားရခက်နေတာပါ။ လျှာခင်တွယ်ဆက်နေတဲ့ ကလေးငယ်တွေဟာ နို့သောက်ရာမှာ အက်အခဲရှိနိုင်သလို အစားစားတဲ့အခါ၊ စကားပြောတဲ့အခါမျိုးနဲ့ မျိုချတဲ့အခါမျိုးမှာ အခက်အခဲတွေဖြစ်နိုင်ပါတယ်။ လျှာခင်တွယ်ဆက်ရခြင်းရဲ့ အကြောင်းအရင်းတွေက ဒီရောဂါလက္ခဏာတစ်ခုပါ။ အကြောင်းအရင်းကတော့ ဘာကြောင့်ရယ်လို့ တိတိကျကျမရှိပါဘူး။ ဒါပေမယ့် လျှာခင်တွယ်ဆက်မှုတော်တော်များများက မျိုးရိုးလိုက်တာကြောင့်ဖြစ်ရတာပါ။ ဘယ်သူတွေပိုဖြစ်နိုင်လဲ ဘယ်သူမဆိုဖြစ်နိုင်ပါတယ်။ယောက်ျားလေးတွေက မိန်းကလေးတွေထက် လျှာခင်တွယ်ဆက်နိုင်ခြေပိုများပါတယ်။ တစ်ခါတလေ မိသားစုတစ်စုထဲမှာ တစ်ယောက်မကဖြစ်နိုင်ပါတယ်နော်။ လက္ခဏာတွေကဘာတွေလဲ လျှာခင်တွယ်ဆက်နေတယ်ဆိုရင် အခုလိုလက္ခဏာတွေတွေ့ရနိုင်ပါတယ်။ လျှာကို အပေါ်သွားကို ထိလို့မရဘူး။ လျှာကိုဘေးဘက်တွေကို လှုပ်ရှားလို့မရဘူး။ အောက်သွားကိုကျော်ပြီး လျှာကို အပေါ်ကို ပင့်လို့မရဘူး။ လျှာထုတ်တဲ့အခါ လျှာအလယ်ပိုင်းက ချိုင့်ဝင်နေမယ်။ နို့စို့အရွယ်ကလေးတွေမှာဆိုရင် နို့စို့ရခက်နေမယ် အမြဲလိုလိုဆာလောင်နေမယ် လေနြာဖစ်မယ် ဂျီကျနေမယ် ကိုယ်အလေးချိန် သိပ်မတက်ဘဲဖြစ်နေမယ် ကိုယ်အလေးချိန်မတက်ဘူးဖြစ်နေမယ်။ နောက်ဆက်တွဲ ဘာပြဿနာတွေဖြစ်နိုင်လဲ လျှာခင်တွယ်ဆက်မှုက ကလေးရဲ့ နို့စို့တာ၊ အစားစားတာ၊ မျိုချတာနဲ့ စကားပြောတာတွေမှာပါ အနှောင့်အယှက်ဖြစ်နိုင်ပါတယ်။ နို့သောက်ရာမှာ အခက်အခဲရှိနိုင်တယ် […]

ကလေးလေးတစ်ယောက်ကောင်းကောင်းမွန်မွန်ကြီးပြင်းလာစေဖို့ မိဘတွေအနေနဲ့ အဖက်ဖက်က ဂရုစိုက်ရပါတယ်။ ဒီလိုဂရုတစိုက်နဲ့ အရိပ်တကြည့်ကြည့်မွေးထားတဲ့ ကလေးလေးတစ်ယောက် ကိုယ်ကျွေးလိုက်မိတဲ့ အစားတစ်လုတ်ကြောင့် ဒုက္ခရောက်မှာကိုတော့ ဘယ်မိဘမှဖြစ်ချင်မယ်မထင်ပါဘူးနော်။ ဒီတော့ အစားတစ်လုတ်ကြောင့် ကိုယ့်ရင်သွေးလေးဒုက္ခမရောက်စေဖို့ အန္တရာယ်ကင်းကင်းနဲ့ အစားဘယ်လိုကျွေးမလဲပြောပြမယ်နော်။ ဘေဘီလေးတွေ အစားစားတဲ့အခါ အန္တရာယ်ကင်းကင်းဖြစ်စေဖို့ အစာစားစမှာ စားစရာတွေကို ကြိတ်ခြေပြီးကျွေးရပါမယ်။ ထမင်းကနေစလို့ အသီးအရွက်တွေရော၊ သစ်သီးတွေရောပေါ့။ ဒါမှ ကလေးက အစာနင်တာ၊ သီးတာမျိုးမဖြစ်စေမှာပါ။ ကလေးအစားစားတဲ့အခါ အရိပ်တကြည့်ကြည့်စောင့်ကြည့်ပေးပါ။ ကလေးကို အစားကောင်းကောင်းဝါးနိုင်စေဖို့အတွက် စားနေတုန်းမှာ အချိန်လေးပေးလိုက်ပါ။ အစားစားတဲ့အခါ ကလေးကို မတ်မတ်လေးထိုင်ခိုင်းပေးပါ။ သရေစာစားချိန်ရော၊ရေသောက်ချိန်မှာပါ ကလေးကို မတ်မတ်လေးထားပေးပါ။ ကလေးကိုလှဲနေတုန်း အစားခွံတာ၊ပြေးလွှားဆော့နေတုန်းအစားခွံတာ၊ ငိုနေတုန်းခွံတာမျိုးတွေမလုပ်ပါနဲ့။ ကလေးကို နို့ဘူးတိုက်တဲ့အခါမှာလည်း ကိုင်ပြီးတိုက်ပါ။ သူ့လက်နဲ့သူ ကိုင်သောက်တာမျိုးမလုပ်ပါနဲ့။ ကလေးကို နင်စေနိုင်တယ်ဆိုတဲ့ အစားအစာတွေ မကျွေးပါနဲ့။ နင်စေနိုင်တဲ့ အစားအစာတွေဖြစ်ကြတဲ့ ဘယ်ရီသီးတွေ၊ […]