ကလေးငယ်

ကလေးနို့တိုက်နေရတဲ့မေမေတစ်ယောက် အမြဲလိုလိုစဉ်းစားမိနေမှာက ငါများ တစ်ခုခုစားလိုက်ရင် ငါ့ ကလေးလေးကို ထိခိုက်မလားဆိုတာပါ။ ဒီလိုစဉ်းစားမိပြီး မစားရဲတာကြောင့် အစားတော်တော်များများကို မစားမိဘဲရှိနေတာမျိုးများရှိလား။ ဒီတစ်ခေါက်တော့ ကလေးနို့တိုက်နေရလို့ နွားနို့ေသာက်လို့မဖြစ်ဘူးဆိုတဲ့မေမေတို့အတွက်ပြောပြပေးချက်ပါတယ်နော်။ နို့တိုက်မေမေ နွားနို့သောက်လို့ရလား နို့တိုက်နေရတဲ့မေမေက နွားနို့သောက်လို့ရပါတယ်နော်။ဘေဘီလေးကို နို့တိုက်နေရတဲ့မေမေတစ်ယောက်အနေနဲ့ တစ်နေ့တာကိုရေဓါတ် ၂.၂၅ လီတာကနေ ၃.၁ လိတာအထိလိုအပ်မှာဖြစ်ပါတယ်။ ခွက်ရေနဲ့ပြောရရင် ၉ ခွက်စာကနေ ၁၃ ခွက်စာလောက်ပေါ့။ မိခင်တိုင်းဒီပမာဏကို ပုံသေတွက်ထားလို့တော့ မရဘူးပေါ့။ ခန္ဓါကိုယ်ဖွဲ့စည်းပုံ မတူတဲ့အလျောက် လိုအပ်မယ့်ရေဓါတ်ပမာဏကလည်း ကွာခြားနိုင်ပါတယ်နော်။ ဒီရေဓါတ်ပမာဏကိုပြည့်မီစေဖို့မေမေတို့အနေနဲ့ရေ၊ သစ်သီးဖျော်ရည်၊ နွားနို့၊ ဟင်းချို နဲ့ အခြားသောကျန်းမာရေးနဲ့ညီညွတ်တဲ့ဖျော်ရည်တွေကိုသောက်သုံးလို့ရပါတယ်။ရေဓါတ်ဖြည့်တယ်ဆိုတဲ့နေရာမှာဆော်ဒါ၊ကော်ဖီ၊ လက်ဖက်ရည်နဲ့ အယ်လ်ကိုဟောပါတဲ့သောက်စရာတွေကိုတော့သောက်လို့မရပါဘူးနော်။ အချိုရည်တွေ၊ ကဖင်းပါတဲ့သောက်စရာတွေနဲ့ အယ်လ်ကိုဟောပါတဲ့သောက်စရာတွေကနောက်ဆက်တွြဲပဿနာတွေကို ရှိလာစေနိုင်တာကြောင့်ပါ။ ဒါတွေတင်မဟုတ်သေးပါဘူးနော်။ နို့တိုက်မေမေတော်တော်များများလုပ်မိနိုင်တာ တစ်ခုက ကလေးလည်း ကျန်းမာအောင် ကိုယ့်အတွက်လည်းကောင်းအောင်ဆိုပြီး နို့ထွက်များစေတယ်ဆိုတဲ့ဆေးဖက်ဝင်အပင်တွေနဲ့ ဖော်စပ်ထားတဲ့ရေနွေးကြမ်းတွေ၊ဆေးရည်တွေသောက်တတ်တာပါ။ တကယ်တော့ အဲ့ဒီသောက်စရာတွေက မသောက်သင့်ပါဘူး။ကောင်းကျိုးထက် […]

ရှေးထုံးလည်းမပယ်နဲ့ဆိုတဲ့ဆိုရိုးက မှန်သင့်တဲ့နေရာမှာမှန်ပေမယ့် အချို့သောအရာတွေကသေချာမဆန်းစစ်ဘဲ လက်ခံလာခဲ့ကြ လက်ဆင့်ကမ်းလာခဲ့ရင်းက မှားယွင်းတဲ့အယူအဆတွေကို လက်ခံထားမိရက်သားဖြစ်နေတတ်ကြပါတယ်နော်။ အယူအဆအမှားဆိုပေမယ့်စေတနာနဲ့စိတ်ပူပြီးပြောရာကနေဖြစ်ပေါ်လာတဲ့ အယူအဆအမှားတွေပါ။ ဒီတစ်ခေါက်တော့ရှေးထုံးမပယ်ဘဲ လုပ်မိနေတဲ့ မိခင်နို့တိုက်ကျွေးခြင်းနဲပပတ်သက်တဲ့ အယူအဆအမှားတွေအကြောင်းပြောပြချင်ပါတယ်နော်။ မိခင်နို့တိုက်ကျွေးတာနဲ့ ပတ်သက်လို့သိထားမိနိုင်တဲ့ အယူအဆအမှားအချို့ နို့တိုက်မိခင်က အစားမားများစားမှ နို့လုံလောက်အောင်တိုက်နိုင်မယ် ဒါကမမှန်ပါဘူး။ နို့တိုက်နေရတဲ့မေမေတစ်ယောက်အနေနဲ့ ပုံမှန်စားနေကျအတိုင်းစားရင်ကို အာဟာရလုံလောက်နေပါပြီနော်။ နို့တိုက်နေရလို့ဆိုပြီး အစားတွေအများကြီးပိုစားဖို့တော့မလိုပါဘူး။ အာဟာရမျှတစွာနဲ့ ပုံမှန်စားနေကျအတိုင်းအတာ အတိုင်းပဲစားပေးပါနော်။ အစားတွေအများကြီးစားရင်းက မလိုလားအပ်တဲ့နောက်ဆက်တွဲကျန်းမာရေးပြဿနာတွေခံစားရနိုင်ပါတယ်။ နို့တိုက်နေရလို့ ရေများများသောက်ရမယ် နို့တိုက်မေမေဖြစ်လို့ဆိုပြီး တစ်ချိန်လုံးရေသောက်နေစရာတော့မလိုပါဘူးနော်။ရေဆာတဲ့အချိန်မှာတော့ရေသောက်ရမှာမှန်ပေမယ့်ရေမဆာဘဲ ကလေးနို့တိုက်နေရလို့ဆိုပြီး မဖြစ်မနေသောက်တာမျိုးတော့မလုပ်ပါနဲ့။ ကလေးနို့အများကြီးသောက်တာက နို့မဝဘူးဆိုတဲ့အဓိပ္ပါယ်ပါ မိခင်နို့က အစာကြေလွယ်ပါတယ်။မေမေ့နို့ပဲသောက်နေရတဲ့ဘေဘီလေးက ခဏခဏဆာနေတာကပုံမှန်ပါပဲ။ ဒါကြောင့် ကလေးကနို့ခဏခဏသောက်တာဟာ နို့မဝလို့မဟုတ်ပါဘူး။ ဘေဘီလေးရဲ့အစာအိမ်လေးကလည်းသေးမေမေ့နို့ကလည်း အစာကြေလွယ်တော့ဘေဘီလေးခဏခဏနို့သောက်ရပြီပေါ့။ ကလေးက ၂ နာရီခြားတစ်ခါ ၃ နာရီခြားတစ်ခါနို့သောက်တာက ပုံမှန်ပါနော်။ ကလေးကိုနို့မတိုက်ခင် နို့သီးခေါင်းတွေဆးဖို့လိုမယ် ဒါကလည်းဘေဘီလေးတွေကို စိုးရိမ်လွန်ရာကနေဖြစ်လာတဲ့ ယုံတမ်းစကားတစ်ခုပါ။ ကလေးတွေဟာမွေးဖွားလာစဉ်ကတည်းကမေမေ့ရဲ့ ကိုယ်နံ့ နဲ့အသံတို့ကို ရင်းနှီးပြီးသားပါ။ နို့သီးခေါင်းမှာ အနံ့တစ်ခုရှိနေသလိုဘေဘီလေးတို့ကို ကိုယ်ခံအားေကာင်းစေနိုင်တဲ့ […]

ပုံမှန်အားဖြင့် လေယာဉ်စီးဖို့အတွက် အသက် ကန့်သတ်ထားတာမျိုးတော့ မရှိပါဘူး။ လေယာဉ်လက်မှတ် ဝယ်တဲ့၊ စစ်တဲ့ နေရာမှာတော့ ကလေးရဲ့ အသက်ကို မေးတာမျိုးတွေ ရှိပေမဲ့ လေယာဉ်စီးလို့ ကလေးအတွက် အန္တရာယ်ဖြစ်စေတာမျိုးတွေ မရှိပါဘူး။ ဒါပေမဲ့ အသက် ၁၂ နှစ်အောက် ကလေးတွေကိုတော့ လူကြီးမိဘ၊ အုပ်ထိန်းသူ အနည်းဆုံးတစ်ယောက်လောက်ပါမှ လေယာဉ်ပေးစီးတာ ပိုကောင်းပါတယ်။ ငယ်လွန်းတဲ့ ကလေးတွေ လေယာဉ်မစီးခင် ဘာတွေ ပြင်ထားဖို့လိုမလဲ။ ၁။ လေယာဉ်အမြင့်ပေါ် ရောက်သွားတဲ့အခါ လေထုဖိအားကြောင့် ကလေးတွေ အထူးသဖြင့် အသက် ၅နှစ်အောက်နဲ့ မွေးကင်းစကလေးတွေအတွက် အသက်ရှူရခက်တာ၊ ခေါင်းမူးတာ၊ နာကျင်မှု ဝေဒနာခံစားရတာမျိုးတွေ ရှိနိုင်ပါတယ်။ ဒါကြောင့် လေယာဉ်မစီးခင်မှာ ကိုယ့်ကလေးရဲ့ ကျန်းမာရေးအခြေအနေကို သေချာ စစ်ဆေးပြီး ဆရာဝန်နဲ့ အရင်ဆုံးတိုင်ပင်သင့်ပါတယ်။ ၂။ ကလေးရဲ့ နေ့စဉ်သုံးပစ္စည်းတွေ၊ ကလေးအတွက် […]

ကလေးမိဘတွေရဲ့ အဖြစ်ချင်ဆုံးဆန္ဒကို ပြောပါ ဆိုရင်တော်တော်များများကတော့ မိမိကလေးအစားကျွေးရလွယ်စေချင်တာပါပဲ။ တကယ့် တကယ်တမ်းလည်း ကလေးကို အစာကျွေးတဲ့နေရာ နည်းစနစ်မကျရင် အချိန်ကုန်လူပင်ပန်းပြီး အရာမယွင်းတာတွေလည်း ကြုံတွေ့ရတတ်ပါတယ်။ အောက်ပါ အချက်အလက်လေးတွေသတိထားသင့်ပါတယ်။ ကလေးတွေကို ကိုယ်တိုင်စားခိုင်းခြင်း - တစ်ခါတစ်လေ ကလေးတွေကို ခွံ့ကျွေးတာမလုပ်ဘဲ သူတို့လက်နဲ့ ကိုယ်တိုင်စားတတ်တဲ့အကျင့်လေး လုပ်ပေးဖို့လိုပါတယ်။ အဲ့လိုကျွေးရင် ပိုဆိုးတယ်၊ ပိုကြာတယ် ဆရာ ဆိုပြီး ပြန်ပြောပြတာလေးတွေ ခဏခဏ တွေ့ရပါတယ်။ ကိုယ်တိုင်စားခိုင်းတယ်ဆိုပေမယ့် ဘေးနားမှ အမေတို့ အဖေတို့ကတော့ ရှိသင့်ပါတယ်။ ကိုယ့်ဟာကိုယ် စားပါစေဆိုပြီး လုံးဝကို တစ်ယောက်တည်းထားပြီး စားခိုင်းရင်တော့ အမေတို့ အဖေတို့ ပြန်ပြောပြသလို အရမ်းကြာပြီး မကုန်တတ်ပါဘူး။ ရှင်းပြခြင်း  - ကလေးတွေက စူးစမ်းလေ့လာ သင်ယူနေဆဲကာလဖြစ်တဲ့ အတွက် သူတို့စားနေတဲ့ အစားအစာ၊ မုန့်တွေကို ဘာတွေပါတယ်၊ ဒါတွေ […]

အချိုမကြိုက်တဲ့ကလေးဆိုတာ မရှိပါဘူး။ သကြားလုံးနဲ့ ထမင်းဆို ကလေးတွေ ဘယ်ဟာကို ပိုရွေးကြမယ်လို့ထင်ပါသလဲ။ ကလေးတွေ အစားစားရင်ပြီးရော။ ဘာစားတာလဲက အရေးမကြီးဘူး။ စားဖြစ်ဖို့က အရေးကြီးတယ်လို့ ဆိုတဲ့ မေမေတို့ အချိုက ကလေးတွေ အတွက် ဘယ်လိုပြဿနာတွေ ဖြစ်စေနိုင်သလဲဆိုတာ သိပြီးပြီလား။ ကလေးတွေ အချိုစားများခြင်းေကြာင့်ဖြစ်နိုင်တဲ့ အန္တရာယ် ။ ။ ၁ ။ သွားပိုးစားမယ်၊ သွားတွေ ပျက်စီးလာမယ် ။ ။ ချိုတဲ့မုန့်တွေ စားတာများတဲ့ကလေးတွေရဲ့ သွားလေးတွေ အကောင်းဖြစ်နေတာရှားပါတယ်။ ကျိုးရင်ကျိုး မကျိုးရင် သွားပိုးစားနေတာချည်းပဲ။ အချိုကိုကြိုက်တာ ကလေးတွေတင်မဟုတ်ပါဘူး။ ခံတွင်းထဲက ဘက်တီးရီးယားတွေကလည်း အချိုဆို အလွန်ကြိုက်ကြပါတယ်။ ဒီတော့ အချိုများများစားလေ ဘက်တီးရီးယားတွေ ပျော်လေလေ သွားနဲ့ခံတွင်း ပျက်စီးလေလေပါ။ ဒီတော့ သကြားလုံး၊ အအေး၊ ဖျော်ရည်တွေ ကလေးကို လျှော့ကျွေးပါ […]

နှလုံးခုန်သံကို စည်းချက်မှန်မှန်လေးကြားနေရတာက စိတ်ချမ်းသာစရာပါနော်။ အရွယ်ရောက်ပြီးသူတစ်ယောက်အနေနဲ့ တစ်မိနစ်မှာ နှလုံးခုန်နှုန်းက ၆၀ ကနေ ၁၀၀ အတွင်းရှိပါတယ်။ ကလေးတွေကလူကြီးတွေထက် နှလုံးခုန်နှုန်း ပိုမြန်တယ်ဆိုတာက ကြားရတာ အံ့သြစရာကောင်းပေမယ့် တကယ့်ကို အမှန်ပါ။ ကလေးလေးတွေက အသက်အရွယ်ကိုလိုက်ပြီး နှလုံးခုန်နှုန်းကွာခြားပါတယ်။ အသက်အရွယ်ရလာတာနဲ့အမျှ နှလုံးခုန်နှုန်းကဖြည်းဖြည်းချင်းကျဆင်းသွားမှာပါ။ ကလေးတစ်ယောက်မှာရှိသင့်တဲ့ နှလုံးခုန်နှုန်း ကလေးလေးတွေရဲ့ နှလုံးခုန်နှုန်းကို သိထားတာကမိဘတွေအတွက် မလိုအပ်ဘဲ စိတ်ပူတာမျိုးမဖြစ်စေဖို့ အထောက်အပံ့ပေးနိုင်ပါတယ်။ ဒီတစ်ခေါက်တော့မေမေဖေဖေတို့ အနေနဲ့ မလိုအပ်ဘဲ စိတ်ပူတာမျိုးမဖြစ်စေဖို့အတွက်ဘေဘီလေးတွေမှာရှိသင့်တဲ့ နှလုံးခုန်နှုန်းအကြောင်းပြောပြပေးချင်ပါတယ်နော်။ ဘေဘီလေးတွေရဲ့ နှလုံးခုန်နှုန်းက အရွယ်ရောက်ပြီးသူတွေထက်ပိုများပါတယ်။ ကလေးကပြေးလွှားဆော့နေမယ်၊ ငိုနေမယ်၊ လှုပ်ရှားမှုတစ်ခုခုလုပ်နေချိန်မှာ နှလုံးခုန်နှုန်းက သာမန်ထက်ပိုမြန်နိုင်ပါတယ်။ အိပ်စက်နေချိန်မှာတော့ နှလုံးခုန်နှုန်းက ကျနေနိုင်ပါတယ်။ ဒါတွေက ပုံမှန်ဖြစ်လေ့ဖြစ်ထရှိတာမို့ စိုးရိမ်စရာမလိုပါဘူး။ အသက်အရွယ်အလိုက်ရှိသင့်တဲ့ နှလုံးခုန်နှုန်း မွေးစကနေ ၃ လအထိ နားနေချိန်မှာရှိသင့်တဲ့ နှလုံးခုန်နှုန်း တစ်မိနစ်ကို ၁၄၃ ကြိမ် […]

အိမ်မှာ ဘေဘီလေးတစ်ယောက်ရောက်လာရင်ပျော်စရာတွေများသလို သူ့အတွက်စိုးရိမ်ပူပန်ရတာတွေကလည်း အများသား။ ငိုရင်လည်း ဘာလို့ ငိုတာလဲ၊ အိပ်နေရင်လည်း နေများမကောင်းဘူးလားဆိုပြီးတော့ပေါ့။ ဒီတစ်ခေါက်တော့ စိုးရိမ်တတ်တဲ့မေမေဖေဖေတွေ ဘေဘီလေးရဲ့ ကျန်းမာရေးကို ကိုယ်တိုင်စောင့်ရှောက်နိုင်ဖို့ နည်းလမ်းကောင်းလေးတွေပြောပြပေးမယ်နော်။ ကလေးရဲ့ ကျန်းမာရေးကို ဒီအချက်တွေနဲ့သိနိုင်ပါတယ် ကလေးရဲ့ ကျန်းမာရေးကိုသိနိုင်တဲ့ အချက်တွေကတော့ အများကြီးပါ။ ဒီအချက်တွေထဲမှာမှ အခုအချက်ကလေးတွေကို သိရုံနဲ့တင်ကလေးကနေကောင်းရဲ့လားဆိုတာကို သိနိုင်မှာပါ။ ခန္ဓာကိုယ်အပူချိန် နှလုံးခုန်နှုန်း အသက်ရှူနှုန်း (၁) ခန္ဓာကိုယ်အပူချိန်ကလေးက ပုံမှန်ကိုယ်အပူချိန်ထက်ပိုများနေပြီဆိုရင် အဖျားရှိနေတာပါ။ ဒါက ခန္ဓာကိုယ်က ကူးစက်ရောဂါပိုးတွေကို တိုက်ထုတ်နေတယ်ဆိုတဲ့ အဓိကလက္ခဏာတစ်ရပ်ပါ။ ကလေးတစ်ယောက်က ပုံမှန်အနေနဲ့ ပါးစပ်ကနေ အပူချိန်တိုင်းကြည့်ရင် ၉၈.၆ ဒီဂရီဖာရင်ဟိုက်ရှိရမှာဖြစ်ပြီး စအိုကနေတိုင်းကြည့်မယ်ဆိုရင် အပူချိန်က ၉၉.၆ ဒီဂရီဖာရင်ဟိုက်ရှိရမှာဖြစ်ပါတယ်။ ပါးစပ်ကနေတိုင်းတဲ့အပူချိန်က ၉၉.၅ ဒီဂရိဖာရင်ဟိုက်ထက်များနေမယ်။ စအိုကနေတိုင်းကြည့်တဲ့အခါ အပူချိန်က ၁၀၀.၄ ဒီဂရီဖာရင်ဟိုက်ဆိုရင်တော့ ကလေးကဖျားနေပါပြီ။ကလေးကိုအပူချိန် ဘယ်လိုတိုင်းမလဲကလေးကို စအိုကနေအပူချိန်တိုင်းမယ်ဆိုရင်တော့ […]

မေမေတို့အနေနဲ့ဘေဘီလေးကိုနို့တိုက်ချိန်မှာ အမြဲလိုလိုစဉ်းစားတွေးပူတာတစ်ခုရှိတယ်။ ဒါကတော့ ငါ ဒါကိုစားလိုက်ရင် ကလေး ဗိုက်များနာမလား။နေထိုင်မကောင်းများဖြစ်မလားပေါ့။ ဒီတစ်ခေါက်တော့ကလေးကိုနို့တိုက်နေလို့ သံပုရာရည် ​သောက်လို့ရပါ့မလားလို့တွေးပူနေတဲ့မေမေတို့အတွက် ဒီဆောင်းပါးလေးကိုရေးရတာပါ။မေမေက သံပုရာရည်သောက်လို့ ကလေးက နို့အချဉ်မပေါက်ဘူးနော်။ သံပုရာရည်မှာပါတဲ့ အာဟာရဓါတ်တွေက သံပုရာရည်မှာ Riboflavin ဗီတာမင် စီ (Vitamin C) ကယ်လ်ဆီယမ် ဗီတာမင် ဘီ (Vitamin B) Phosphorous ကာဗိုဟိုက်ဒရိတ် ပရိုတင်း မဂ္ဂနီဆီယမ်တို့ကြွယ်ဝစွာပါဝင်တာကြောင့်မေမေတို့အနေနဲ့ နို့ချိုတိုက်ကျွေးနေရချိန်မှာ သံပုရာရည်သောက်ပေးတာကမေမေရောဘေဘီလေးအတွက်ပါ ကျန်းမာရေးကောင်းစေပါတယ်နော်။ နို့တိုက်မေမေ သံပုရာရည် သောက်လို့ရတယ်ဆိုတဲ့ အထောက်အထားတွေ နို့ထွက်များစေတယ် နို့တိုက်နေချိန်မှာ သံပုရာရည်သောက်တာက ခန္ဓါကိုယ်ကို ရေဓါတ်ြဖည့်ပေးသလို လန်းဆန်းစေနိုင်ပါတယ်။ ကလေးကိုလည်း နို့ကောင်းကောင်းထောက်ပံ့ပေးနိုင်ပါတယ်။ ကလေးကို အစာခြေစနစ်ကျန်းမာစေနိုင်ပါတယ် သံပုရာရည်က အစာခြေစနစ်ကို ကျန်းမာစေနိုင်တဲ့ အာနိသင်ရှိပါတယ်။ ဒါကြောင့် နို့တိုက်မေမေက သံပုရည်သောက်ပေးမယ်ဆိုရင် ကလေးမှာရောမေမေ မှာပါလေပွတာ၊ ဝမ်းချုပ်တာ၊လေထိုးလေအောင့်တာဖြစ်တာအပါအဝင် အစာခြေစနစ်ဆိုင်ရာပြဿနာတွေကို ပါကင်းစေနိုင်ပါတယ်။ နို့မှာပါတဲ့ အဆိပ်အတောက်တွေကို ဖယ်ရှားပေးပါတယ် နို့တိုက်မေမေ […]

ဘေဘီလေးကိုမွေးဖွားလာချိန်မှာ အပိုတွေ မလိုချင်သလို လိုအပ်ချက်လည်းမရှိစေဘဲ စင်းလုံးချောမွေးလာစေချင်တာကမေမေတိုင်းရဲ့ အဖြစ်ချင်ဆုံးဆန္ဒပါ။ ဒါပေမယ့် ဆုတောင်းတိုင်းပြည့်ရမယ်လို့ တထစ်ချသတ်မှတ်ထားတာမျိုးမရှိဘူးလေ။ တစ်ခါတလေမှာ လိုအပ်ချက်ပါလာတာဖြစ်နိုင်သလို တစ်ခါတလေမှာ မလိုချင်ဘဲ အပိုလေးတွေပါလာတတ်ပါတယ်နော်။ ဒီတစ်ခေါက်တော့ဘေဘီလေးတို့မှာ အပိုပါလာတတ်တဲ့ အသားပိုလေးတွေအကြောင်းပြောရအောင်လား။ အသားပိုဆိုတာ အသားပိုဆိုတာကပျော့အိအိအသားလုံးလေးတွေပါ။ ကင်ဆာကျိတ်မဟုတ်သလို၊ အဖေုအကျိတ်တေါလည်းမဟုတ်ပါဘူး။ အာရုံခံဆဲလ်တွေ၊ အဆီဆဲလေးတွေ၊ အသားမျှင်လေးတွေပါဝင်နေတတ်ပါတယ်။ ခပ်ပြားပြားပုံစံကနေ အလုံးလေးတွေအထိ ပုံစံအမျိုးမျိုးနဲ့ရှိနိုင်ပါတယ်။ အချို့က အရွယ်အစားသေးသေးလေးပဲဖြစ်ပေမယ့် အချို့အသားပိုတွေကတော့ အရွယ်အစားကြီးလာတတ်ပါတယ်။ အချင်း ၂ မီလီမီတာကနေ ၁ စင်တီမီတာလောက်အထိကြီးနိုင်ပါတယ်။ များသောအားဖြင့်ကတော့ စိုးရိမ်စရာမရှိပါဘူး။ ဘယ်နေရာတွေမှာပေါက်တတ်လဲ အသားပိုက အရေပြားမျက်နှာပြင်နေရာမရွေးမှာပေါက်နိုင်ပေမယ့် များသောအားဖြင့်ကတော့ အသားင်းပွတိုက်မိတဲ့နေရာတွေမှာ အဖြစ်များပါတယ်။ ရင်ဘတ်အပေါ်ပိုင်း မျက်ခွံ ပေါင်ကြား လည်ပင်း ချိုင်းကြား တင်ပါးတို့မှာ အများဆုံးဖြစ်နိုင်ပါတယ်။ ဒီအချက်တွေကြောင့်ဘေဘီလေးမှာ အသားပိုဖြစ်နိုင်ပါတယ် ဘေဘီလေးတွေမှာ အသားပိုဖြစ်ရတဲ့အကြောင်းအရာတွေကတော်တော်လေးတော့များပါတယ်နော်။ ကလေးက အရမ်းဝနေတာ၊ အဝလွန်နေတာ မျိုးရိုးလိုက်တာ ဆီးချိုရှိတဲ့မိဘကမွေးဖွားလာတာ ကလေးက […]

ကလေးကြို့ထိုးနေပြီ။ ဘာလုပ်ရမလဲ၊ နို့တိုက်လိုက်လေဆိုတာက အမြဲလိုလိုကြားနေရတယ်နော်။နောက်တစ်ခုရှိသေးတယ် ကလေးရဲ့ အင်္ကျီမှာထွက်နေတဲ့ ချည်စလေးကိုမေမေ ဒါမှမဟုတ် ဖွားဖွားက ဝါးပြီး ကလေးနဖူးမှာကပ်လို့ ကြို့ခမဲပေးလိုက်တာလေ။ ဒါကတကယ်ပဲ သက်သာသွားတာလား။ ဒီတစ်ခေါက်တော့ဘေဘီလေး ကြို့ထိုးနေပြီဆိုရင် ဘာလုပ်လို့ လုပ်ပေးရမှန်းမသိဘူးဆိုတဲ့မေမေတို့အတွက် နည်းလမ်းကောင်းလေးတွေပြောပြပေးပါရစေနော်။ ဒါတွေကြောင့်ဘေဘီလေးကြို့ထိုးရတာပါ ဒီအချက်တွေကြောင့်ဘေဘီလေးကြို့ထိုးနိုင်ပါတယ်။ အစားစားရင်း ဒါမှမဟုတ် နို့ေသာက်ရင်းလေတွေမျိုချမိတာ တစ်ခုခုကို လန့်သွားတဲ့အခါမျိုး စိတ်ဖိစီးတဲ့အခါမျိုး အစားတွေအများကြီးစားမိတဲ့အခါမျိုး အစားစားတာကိုမြန်မြန်စားတာ ဒါမှမဟုတ် နို့ကို အငမ်းမရသောက်တာ လေတွေ အများကြီးမျိုချမိတာတွေကြောင့်ဘေဘီလေးက ကြို့ထိုးရတာပါနော်။ ကြို့ထိုးတဲ့ဘေဘီလေးကို ဘယ်လိုသက်သာအောင်လုပ်ပေးမလဲ ကလေးလေးတွေကြို့ထားရတယ်ဆိုတာက ရင်ဝမ်းခြားမြှေးကျုံ့သွားပြီး အသံကြိုးတွေကိုမြန်မြန်ဆန်ဆန်ပိတ်လိုက်တာကြောင့် ထွက်လာတဲ့ အသံပါ။ လူကြီးတွေထင်ထားတာက ကြို့ထိုးရင် ခံရခက်တာကြောင့်ဘေဘီလေးတွေဆိုလည်း ခံရခက်မယ်ပေါ့။ တကယ်တော့ ကလေးအများစုက ကြို့ထိုးတာကြောင့် အနှောင့်အယှက်တစ်စုံတရာမရှိပါဘူး။ အအိပ်မပျက်သလို အသက်ရှုတဲ့အပေါ်မှာ ထိခိုက်မှုတစ်စုံတရာတောင်မရှိပါဘူးနော်။ ဘေဘီလေးကြို့ထိုးနေပြီဆိုရင် သက်သာစေဖို့ ဒီလိုလေးတွေလုပ်ပေးလို့ရပါတယ်နော်။ ကျောလေးကိုဖြည်းဖြည်းချင်းပုတ်ပေးပါ ကလေးကို နို့တိုက်ပြီးရင်ပဲဖြစ်ဖြစ်၊ အစားတစ်ခုခုကျွေးပြီးရင်ဖြစ်ဖြစ် ခဏလောက်နေပြီးကျောလေးကို ခပ်ဖြည်းဖြည်းလေးပုတ်ပေးပါ။လေထုတ်ပေးတာေပါ့။ […]