ကလေးငယ်

မေမေတို့ အားလုံးသိကြမှာပါ။ ကိုယ့်ကလေးက မနေ့ကမှ မွေးတယ် ဒီနေ့ အသားဝါနေတယ်ဆိုတာမျိုးတွေ။ ကလေးအသားလေးက ပန်းရောင်မသန်းဘဲ ဝါနေပြီဆိုရင်တော့ သေချာပါတယ်။ သင့်ကလေးမှာ jaundice လို့ခေါ်တဲ့ အသားဝါတဲ့ ပြဿနာဖြစ်နေပါပြီ။ ဒါက ကလေးတော်တော်များများ ကြုံတွေ့ရတဲ့ ကိစ္စတစ်ခုဖြစ်နေတော့ အချိန်မီကုသလိုက်ရင် ဘာပြဿနာမှ မဖြစ်နိုင်ပေမယ့် သူ့ဘာသာပြန်ပျောက်သွားမှာပါဆိုပြီး ပေါ့ဆနေလိုက်လို့ကတော့ ကလးအသားဝါတဲ့ပြဿနာကနေ ကလေးညဏ်ရည်မမှီတော့တဲ့အထိ ပြင်းထန်သွားတတ်ပါတယ်။ အသားလေးဝါတာ ဒီလောက်တောင်ပြင်းထန်တတ်လား။ အဲဒီမေးခွန်းရဲ့ အဖြေကို သိဖို့ ဒါလေးကိုဖတ်ကြည့်စေချင်ပါတယ် ။ Jaundice ( အသားဝါ) တယ်ဆိုတာဘာလဲ။ ။ ဆေးပညာမှာခေါ်တဲ့ Jaundice ဖြစ်နေတယ်ဆိုတာ ကလေးအသားနဲ့ မျက်လုံးတွေဝါနေတာကို ဆိုလိုတာပါ။ ဒီလို အသားဝါခြင်းကို ဖြစ်စေတဲ့ အကြောင်းအရင်းကတော့ ကလေးသွေးထဲမှာ bilirubin တွေများနေတာကြောင့်ပဲဖြစ်ပါတယ်။ Bilirubin ဆိုတာဘာလဲ ။ ။ ပုံမှန်ဆို သွေးတွင်းမှာရှိတဲ့သွေးနီဥဆဲလ်လေးတွေက […]

အိမ်ကဘေဘီပေါက်စလေးက ဆံပင်တွေကျွတ်နေတယ်။ ဒီလိုပဲဖြစ်တတ်လား။ ဟုတ်ပါတယ်။ ကလေးတွေကမွေးပြီး ၆ လအတွင်းမှာ ဆံပင်ကျွတ်လေ့ရှိပါတယ်။မွေးဆံပင်ပါလာတယ်ဆိုရင် ၂ လကနေ ၆ လလောက် အတွင်းမှာ စပြီးဆံပင်ကျွတ်ပါတယ်။ ဒါပေမယ့် ၆ လကျော် နောက်ပိုင်းကျရင်တော့ဆံပင်တွေပြန်ပေါက်မှာပါ။ ကလေးတွေမှာပုံမှန်ဖြစ်တဲ့ဆံပင်ကျွတ်ခြင်းကို "telogen effluvium" လို့ခေါ်ပါတယ်။ "telogen effluvium" ဆိုတာဟော်မုန်းတွေကြောင့်ဖြစ်တာပါ။ ကိုယ်ဝန်ဆောင်စဉ်တည်းက ကလေးရဲ့ကိုယ်ထဲမှာ မိခင်ရဲ့ဟော်မုန်းတွေအများကြီးရှိနေခဲ့တာပါ။မွေးဖွားပြီးနောက်မှာ အဲဒီဟော်မုန်းပမာဏက စတင်လျော့နည်းလာပါတယ်။ ဒါ့ကြောင့် ကလေးမှာ ဆံပင်ကျွတ်ခြင်း ခဏတော့ဖြစ်လာတာ သဘာဝပါ။ တကယ်လို့ဘေဘီမှာcradle cap လို့ခေါ်တဲ့ ဦးရေပြားပြဿနာဖြစ်နေတယ်ဆိုရင် ဆံပင်ပိုကျွတ်နိုင်ပါတယ်။ ဒါလည်းဆံပင်အတွက် စိုးရိမ်ဖို့မလိုသေးပါဘူး။ ထိုက်သင့်ကုသဂရုစိုက်မှုပေးပြီးရင် အချိန်တန်တော့ ပြန်ပေါက်မှာပါပဲ။ ဘေဘီဦးခေါင်းမှာတော့ ဆံပင်လေးအကွက်လိုက်ပါးတာမျိုးဖြစ်လာနိုင်ပါတယ်။ ဒါပေမယ့် ဆံပင်အသစ်တွေတဖြည်းဖြည်းပြန်ပေါက်လာမှာပါ။ပြန်ပေါက်လာရင်တော့ အရင်ကထက် အရောင်လေးနည်းနည်းဖျော့နိုင်တယ်။ ဒါပေမယ့် ပိုထူပြီးပိုသန်လာမှာကို သတိထားမိပါလိမ့်မယ်။ မေမေတို့ဘက်က ဘာလုပ်ပေးရမလဲ ဟော်မုန်းကြောင့် ကလေးပေါက်စ ဆံပင်ကျွတ်တာအတွက် ဘာမှလုပ်ပေးလို့မရပါဘူး။ တခြားရောဂါပြဿနာတွေကြောင့် […]

အူဝဲလို့အော်ရင်း လူ့လောကထဲကို ရောက်လာတဲ့ သားသားမီးမီးလေးအတွက် အကောင်းဆုံးတွေပဲ ပြင်ဆင်ထားပေးချင်တဲ့ မေမေဖေဖေတို့ရေ..... အခုတစ်ခေါက်တော့ ဘေဘီလေးတစ်ယောက် တစ်နေ့တာမှာ အချိန်အားဖြင့် နာရီ ၂၀လောက်ကုန်ဆုံးနေရတဲ့ ပုခက် လေးနဲ့ ပတ်သက်ပြီး နည်းနည်းလောက်ဆွေးနွေးကြမယ်နော်။ တစ်နေ့တာမှာ အချိန်များစွာ ကုန်ဆုံးနေရတဲ့နေရာလေးတစ်ခုက အဆင်ပြေမှ ဘေဘီလေးလည်း သက်သောင့်သက်သာဖြစ်ပြီး မေမေတို့လည်း စိတ်ချမ်းသာတော့မပေါ့။ ဒီသက်သောင့်သက်သာနေရာလေးက သက်သောင့်သက်ဖြစ်ရုံနဲ့လည်း မလုံလောက်သေးပြန်ပါဘူး။ အန္တရာယ်ကင်းဖို့လည်း လိုပါမယ်။ ဒါမှ အတိမ်းအစောင်းလုံးဝခံလို့မဖြစ်တဲ့ နုနယ်လှတဲ့ဘေဘီလေးကို ဘေးကင်းကင်းနဲ့ ကြီးပြင်းစေနိုင်တော့မှာပေါ့။ ဘေဘီလေးအတွက်ဘေးကင်းစိတ်ချရတဲ့ ပုခက် ရွေးတဲ့အခါ ဈေးကြီးမှလား........ မဟုတ်ပါဘူး။ ဈေးနှုန်းထက် အရည်အသွေးကို ဂရုစိုက်ရပါမယ်။ အရည်အသွေးညံ့တဲ့ပစ္စည်းတွေက ထိခိုက်စေနိုင်ခြေ ပိုများတာကြောင့် အတိမ်းအစောင်းခံလို့မဖြစ်တဲ့ ဘေဘီလေးတို့အတွက် အရည်အသွေးစိတ်ချရဖို့က အရင်ဆုံးစဉ်းစားရမှာပါ။ ဒီဇိုင်းဆန်းမှလား......... ဒီဇိုင်းကို ကလေးက ကောင်းကောင်းနားမလည်သေးပါဘူး။ မွေးကင်းစကလေးနားလည်မှာက အိပ်ရတာ သက်သောင့်သက်ဖြစ်ဖို့ပါ။ ဒီတာ့ ဒီဇိုင်းဆန်းဖို့ထက် […]

အသားအရေထိန်းသိမ်းဖို့ လူကြီးတွေပဲ လိုအပ်တာလား။ မဟုတ်ဘူးနော်။ အရွယ် သုံးပါးစလုံးလိုအပ်တာပါ။ ဒါဆိုဘေဘီလေးတွေလည်း လိုအပ်တာပေါ့ဆိုရင် ဟုတ်တာပေါ့လို့ပြန်ဖြေပါရစေနော်။ဘေဘီလေးတွေရေနွေးနဲ့ ရေချိုးမိလို့၊ ရေကျောက်ပေါက်လို့စတဲ့ အရေပြားပြဿနာတစ်စုံတစ်ခု ခံစာရတာကြောင့် အသားတွေမည်းသွားတဲ့အခါ အသားပြန်ဖြူမလာမှာကို စိုးရိမ်မိတယ်ဟုတ်။ ဒီပြဿနာကိုဖြေရှင်းဖို့ နည်းလမ်းလေးတွေရှိပါတယ်။ အသားဖြူဖို့ပေါင်းတင်ရအောင်ဘေဘီလေးတို့ရေ နဂိုညိုမဟုတ်တဲ့ဘေဘီလေးတွေအတွက် အသားဖြူစေမှာ အသေအချာပါ။ နနွင်းနဲ့နို့ နို့က အသားဖြူဝင်းစေတဲ့ သဘာဝပစ္စည်းတစ်ခုပါ။ အရေပြားအတွက် လိုအပ်တဲ့ အာဟာရတွေကိုလည်းဖြည့်ပေးနိုင်ပါတယ်။ ဗီတာမင်အေပါဝင်တာကြောင့် အရေပြားဆဲလ်တွေကို ကျန်းမာစေနိုင်ပါတယ်။ နနွင်းနဲ့နို့ကို ခပ်ပျစ်ပျစ်လေးဖျော်ပြီး ကလေးကိုယ်အနှံ့မှာ လူးပေးပါ။ပြီးရင်ခြောက်တဲ့ အထိထားလိုက်ပါ။နောက်ဆုံးအဆင့်ကတော့ရေစွတ်ထားတဲ့ တဘက်လေးနဲ့ ခပ်ဖွဖွလေးသုတ်ပေးလိုက်ပါ။ပြီးရင် ဆပ်ပြာမသုံးဘဲ ကလေးကိုရေချိုးပေးလိုက်ပါ။ တစ်ပတ်တစ်ကြိမ်လေက်လုပ်ပေးမယ်ဆိုရင် ကလေးက သိသိသာသာအသားဖြူလာမှာပါ။ ဒိန်ချဉ်နဲ့ ခရမ်းချဉ်သီး ခရမ်းချဉ်သီးက အသားအရေကို လင်းလက်စေတဲ့ အာနိသင်အပြည့်ရှိတာ သိပြီးဖြစ်မှာပါ။ ခရမ်းချဉ်သီးကို အရည်ကြိတ်လိုက်ပါ။ပြီးရင် ဒိန်ချဉ်နဲ့ရောလိုက်ပါ။ အုတ်ဂျုံနည်းနည်းထည့်ပေးရင်ပိုအဆင်ပြေပါတယ်။ပြီးရင်တော့ ကလေးရဲ့ အသားအရေပေါ်မှာ လူးပေးပြီးခြောက်တဲ့ အထိထားလိုက်ပါ။ခြောက်သွားရင်ရေစိုတဘက်လေးနဲ့ ခပ်ဖွဖွသုတ်လို့ ဆပ်ပြာမသုံးဘဲရေချိုးပေးပါ။ […]

မိဘဖြစ်ရခြင်းရဲ့ ခါးသီးတဲ့အတွေ့အကြုံကတော့ ညဘက်ဆို ကလေးငိုလို့ထထသိပ်ရခြင်းပါ။ ကလေးတွေကပုံမှန်လည်းငိုတတ်ပါတယ်။ ဒါပေမယ့် ကလေးက ဆာလို့လည်းမဟုတ်၊ ရှူးပေလို့လည်းမဟုတ် ခဏခဏကို ငိုနေပြီး ဘာလုပ်ပေးပေးစိတ်မကြည်ဘူး၊ ဂျီကျနေတယ်ဆိုရင် အဖေနဲ့အမေ ဗျာများရတော့တာပါပဲ။ စိတ်ရှုပ်တာ အလုပ်ရှုပ်တာထက် ကူကယ်ရာမဲ့ ငိုကျွေးနေတဲ့ကလေးကိုမြင်ရတာဟာ စိတ်မသက်မသာစရာပါ။ ဒါကတော့ ကလေးက မွေးစကနေ လသားအရွယ်အတွင်း အဖြစ်များလေ့ရှိတဲ့ ကလေး လေနာ ဝေဒနာကို ခံစားနေရတာဖြစ်နိုင်ပါတယ်။ ကလေးလေနာဝေဒနာ( Colic ) ဆိုတာ ကျန်းမာနေတဲ့ကလေးမှာတောင် အဆက်မပြတ်ငိုနေစေတဲ့ဝေဒနာဖြစ်ပါတယ်။ ကလေးက အကြောင်းရင်းမည်မည်ရရမရှိဘဲချော့မရမြှူမရအောင် ငိုနေတာကြောင့် မိဘတွေ စိတ်ဒုက္ခရောက်ရတဲ့ပြဿနာတစ်ခုပါပဲ။ ညနေပိုင်း၊ ညပိုင်းဆို ပိုဆိုးတာကြောင့် ကလေးရော၊ မိဘတွေပါ အရမ်းပင်ပန်းရပါတယ်။ လေနာ၊ အစာခြေရည်ဆန်တက်ခြင်း(acid reflux ) ၊နဲ့ အစာအိမ်နဲ့အူလမ်းကြောင်းပြဿနာတွေက ကလေးငယ်တွေမှာ အဖြစ်များဆုံးပါပဲ။ လေနာ လက္ခဏာ အရမ်းငိုနေမယ်။ကလေးက စူးစူးဝါးဝါးငိုနေပြီး […]

ဘေဘီလေး တစ်ယောက်ကို ကောင်းကောင်းမွန်မွန် အရွယ်ရောက် ကြီးပြင်းလာအောင် ပျိုးထောင်ရတာက အနုစိတ်လွန်းတဲ့ အနုပညာ ဖန်တီးမှု တစ်ရပ်ပါ။ ဒီဖန်တီးမှုကို မိဘတိုင်းက အကောင်းဆုံး လုပ်ချင်ကြပါတယ်။ ဘေဘီလေး ကြီးပြင်းအရွယ်ရောက်လာချိန်မှာနေ့ရက်တိုင်းက မိဘတွေအတွက် စိတ်လှုပ်ရှားခံစားမှု အပြည့်ပေါ့။ ဒီခံစားချက်က ဘာနဲ့မှမတူတဲ့ ခံစားချက်ပါနော်။ ဘေဘီလေးရဲ့ ပထမတစ်နှစ်တာကာလ ဖွံ့ဖြိုးမှု အဆင့်ဆင့် က ဘာတွေလဲ။ ပုံမှန်ဖွံ့ဖြိုးအောင် ဖေဖေမေမေတို့ ဘယ်လိုကူညီနိုင်မလဲဆိုတာ ကြည့်ကြည့်ရအောင်။ ဖေဖေမေမေတို့ သိချင်နေမယ့် ဘေဘီလေးရဲ့ ပထမတစ်နှစ်တာကာလ ဖွံ့ဖြိုးမှု အဆင့်ဆင့် ကလေးတစ်ယောက်ကို မမွေးခင်ကတည်းက စိတ်လှုပ်ရှားနေမိသူတွေက ဖေဖေနဲ့မေမေပါ။ ကလေးလေး မွေးလာပြီဆိုရင်လည်း ဘယ်လိုလေးများ ကြီးပြင်းလာမလဲ ဆိုပြီး နေ့ရက်တိုင်းမှာ စိတ်ကူးပုံဖော်နေရတာလည်း အမောပဲနော်။ စိတ်ကူးပုံရိပ်လေးတွေကို အကောင်းဆုံး ဖော်ဆောင်နိုင်စေဖို့ ဘေဘီလေးရဲ့ လအလိုက် ဖွံ့ဖြိုးမှုတွေကို ပြောပြပေးမယ်နော်။ ၁ […]

ဘေဘီလေးကို သန်ချမယ်ဆိုရင် ကလေးတစ်ယောက်ကြီးထွားဖွံ့ဖြိုးဖို့အတွက် အာဟာရပြည့်ဝအောင်ကျွေးရုံနဲ့မလုံလောက်ပါဘူး။ကောင်းမွန်စွာကြီးပြင်းလာစေဖို့ ဆိုရင်မေ့ထားလို့မဖြစ်တဲ့အချက်တစ်ခုရှိပါတယ်။ ဒါကတော့ သန်ချတာပါ။ အရွယ်သုံးပါးစလုံး သန်ချဖို့ကမေ့ထားလို့ မဖြစ်ပါဘူး။ ကလေးတစ်ယောက်ကောင်းစွာကြီးပြင်းလာစေဖို့ နဲ့ ကျန်းမာစေဖို့အတွက်ပြည့်စုံလုံလောက်တဲ့ အာဟာရရှိဖို့လိုအပ်သလို စားလိုက်တိုင်းအာဟာရဖြစ်စေဖို့အတွက်ကလည်း အချိန်မှန် သန်ချပေးဖို့လိုအပ်မှာပါ။ ဒီအချက်ကို ကလေးကြီးထွားဖွံ့ဖြိုးနေတဲ့အချိန်ဖြစ်တဲ့ ပထမ ၅ နှစ်အတွင်းမှာသေချာဂရုစိုက်ပေး ဖို့လိုအပ်မှာပါ။ ဒီဆောင်းပါးလေးမှာ ကလေးသန်ချတဲ့အကြောင်းနဲ့ ပတ်သက်ပြီးမေမေတို့စဉ်းစားရခက်နေတဲ့ပြဿနာလေးအကြောင်းကိုပြောပြပေးပါရစေ။ သန်ကောင်တွေဘယ်မှာနေကြလဲ သန်ကောင်တွေက လူသားတွေရဲ့ အစာခြေစနစ်ထဲမှာနေပြီး စားလိုက်တဲ့ အစာအာဟာရတွေကိုခေါင်းပုံဖြတ်နေကြတာပါ။ ကိုယ်ကစားရင်း သူကထွားရင်းပါ။ အရွယ်ရောက်ပြီးသူတွေမှာသိပ်မသိသာပေမယ့် ဖွံ့ဖြိုးဖို့အရှိန်ယူနေတဲ့ဘေဘီလေးတို့မှာတော့ ကြီးထွားဖွံ့ဖြိုးမှုကို ထိခိုက်စေနိုင်ပါတယ်။ အခန့်မသင့်ရင် အန္တရာယ်ရှိတဲ့အနေအထားတွေဖြစ်စေနိုင်ပါတယ်။ ဥအခြေအနေနဲ့ ကိုယ်တွင်းကိုဝင်ရောက်သွားပြီး ကိုယ်တွင်းထဲမှာပေါက်ဖွားရှင်သန်ကြတာပါ။ ဘယ်လိုနည်းနဲ့ သန်ကောင်တွေကူးစက်တာလဲ မြေကြီးတွေထဲမှာ သန်ကောင်ဥတွေရှိနေတတ်ပြီး ကလေးက စားရင်းကနေတဆင့် လက်တွေ၊ လက်သည်းတွေထဲမှာ ကပ်ပါလာရာက ခန္ဓါကိုယ်ထဲကို ကူးစက်နိုင်ပါတယ်။ ညစ်ပေတဲ့လက်တွေနဲ့ အစားစားတာ၊ သန့်ရှင်းမှုနည်းတဲ့ စားတွေစားမိတာ၊ မသန့်တဲ့ရေတွေသောက်မိတာကြောင့်လည်း သန်ကောင်တွေကူးစက်နိုင်ပါတယ်။ လူသားတွေနဲ့တိရစ္တာန်တွေရဲ့ […]

ကလေးတစ်ယောက်ရဲ့ကြီးထွားဖွံ့ဖြိုးမှုကို အနှောင့်အယှက်ပေးနေတဲ့ သန်ကောင်တွေ၊ တုတ်ကောင်တွေကို နှိမ်နှင်းပေးချင်ပေမယ့် သားသားမီးမီးကငယ်သေးလို့ ဆေးမတိုက်ရဲဘူးဖြစ်နေတယ်ဆိုရင် အခုပြောပြခဲ့တဲ့နည်းလေးတွေသုံးပြီး ကလေးတွေကို သန်ချပေးလို့ရပါတယ်။ ကလေးကို သဘာဝအတိုင်းသန်ချမယ် နနွင်း သဘာဝဆေးဖက်ဝင်အပင်တစ်မျိုးပါ။ မိးဖိုချောင်ထဲမှာလည်း အလွယ်တကူရနိုင်တယ်နော်။ ဒီမီးဖိုချောင်သုံး ပစ္စည်းလေးက အစာခြေစနစ်ထဲက သန်ကောင်တွေကိုချေဖျက်ပေးဖို့လည်း ထိထိရောက်ရောက် လုပ်ဆောင်ပေးပါတယ်။ ကလေးကိုနေ့တိုင်း နို့တစ်ခွက်စာထဲမှာ နနွင်းတစ်ဇွန်းထည့်ဖော်ျလို့ တိုက်ပေးပါ။ တစ်ပတ်လောက်ဆက်တိုက်တိုက်ပေးရင် သန်ကျလာပါလိမ့်မယ်။ နနွင်းက ဝမ်းချုပ်တတ်တာကြောင့်ရေများများတိုက်ပေးဖို့ မမေ့ပါနဲ့။ အုန်းဆီ အုန်းသီးနဲ့ အုန်းဆီမှာ ကပ်ပါးပိုးတွေကိုသေစေနိုင်တဲ့အာိသင်ရှိပါတယ်။ ဒါကြောင့်ဘေဘီလေးကို သန်ချဖို့အတွက် အုန်းဆီစစ်စစ်ကိုသုံးပေးလို့ရပါတယ်။ မနက်တိုင်း အုန်းဆီ လက်ဖက်ရည်ဇွန်း တစ်ဇွန်းစာတိုက်ကိုရေနွေးနဲ့တိုက်ပေးတာ ဒါမှမဟုတ် အုန်းသီးစားပေးတာမျိုးလုပ်ပေးပါ။ ဒီလိုလုပ်ပေးတာက ကလေးရဲ့ အစာခြေစနစ်ထဲမှာ အာဟာရတွေကို စုပ်ယူရှင်သန်နေတဲ့ သန်ကောင်တွေကို ထိထိရောက်ရောက်ဖယ်ရှားနိုင်မှာပါ။ အုန်းသီးစိမ်းကို စားပေးရင်လည်းရပါတယ်။ အုန်းသီးက သန်တင်ကျစေတာမဟုတ်ဘဲက ကလေးကို ကိုယ်ခံအားေကာင်းစေပြီး သန်တွေမဖြစ်ပေါ်အောင်လည်း ကာကွယ်ပေးနိုင်ပါတယ်။ ကြက်ဟင်းခါးသီး ကြက်ဟင်းခါးသီးကို ဝမ်းဗိုက်ပြဿနာတွေကင်းစေဖို့အတွက် အသုံးပြုပေးလို့ရပါတယ်။ […]

ဘေဘီလေးတွေရဲ့သွားတွေဟာ မေမေ့ဗိုက်ထဲမှာတည်းက စတင်ဖွံ့ဖြိုးနေပြီ ဖြစ်ပါတယ်။ ကိုယ်ဝန်ငါးပတ်လောက်တည်းက ငယ်သွားလေးတွေရဲ့ ကနဦးပုံစံလေးတွေက ဖြစ်ပေါ်နေပြီ ဖြစ်ပြီး သွားဖုံးထဲမှာ မြုပ်နေတာ ဖြစ်ပါတယ်။ မွေးလာတဲ့အချိန် ဘေဘီလေးရဲ့ သွားဖုံးထဲမှာ ငယ်သွားအချောင်း ၂၀ (အပေါ် ၁၀ချောင်း၊အောက် ၁၀ချောင်း)မြုပ်လျက် အပြည့်အစုံ ပါလာပါတယ်။ သွားပေါက်လာချိန် အဲဒီသွားဖုံးထဲကနေ သွားလေးတွေ ထွက်လာတာကို သွားပေါက်လာတဲ့အချိန်လို့ ခေါ်ပါတယ်။ ဘယ်အချိန်မှာ သွားစပေါက်လဲ ဆိုတာကဘေဘီတို့ တစ်ယောက်နဲ့တစ်ယောက်မှာ မတူကြပါဘူး။ ဥပမာ တချို့က လသားအရွယ်တည်းက သွားစပေါက်ကြပေမယ့် တချို့ဘေဘီတွေကျ တစ်နှစ်ကျော်တဲ့အထိ သွားမစုံသေးတာတွေ ရှိပါတယ်။ စပေါက်တဲ့အချိန် မတူကြပေမယ့် သွားပေါက်လာပုံ အဆင့်ဆင့်ကတော့ ဒီအတိုင်းပါပဲ - အောက်ဘက်က ရှေ့သွားလေးတွေ(အလယ်နှစ်ချောင်းလောက်)က အရင်ဆုံးပေါက်လေ့ ရှိပါတယ်။ အများအားဖြင့် အသက် ၆ လ နဲ့ ၁၀ လအတွင်းမှာပေါ့။ […]

ခေါင်းအုံးမပါရင် မအိပ်တတ်ဘူးဆိုတာမေမေ၊ဖေဖေတို့မှာပဲဖြစ်တဲ့ခံစားမှုပါ။မေမေ့ဗိုက်ထဲက အသစ်စက်စက်ထွက်လာတဲ့ဘေဘီလေးမှာ ဒီခံစားချက်မရှိပါဘူး။ခေါင်းအုံးဆိုတာ ဘာမှန်းတောင်မသိသေးတဲ့ ကလေးတစ်ယောက်အဖို့ခေါင်းအုံး မအုံးရတာကပြဿနာမဟုတ်ပါဘူး။ ခေါင်းအုံး အုံးခိုင်းရင်သာ ပြဿနာဖြစ်မှာပါ။ မွေးကင်းစ ကလေးအရွယ် ခေါင်းအုံးအုံးဖို့လိုလား ဘေဘီလေးကမေမေ့ဗိုက်ထဲမှာခေါင်းအုံးဆိုတာကို မသိဘဲ ကိုးလလောက်နေလာခဲ့တာပါ။ ဒါကြောင့်ခေါင်းအုံး မပါဘဲအိပ်ရတာက သူတို့လေးတွေကိုထွေထွေထူးထူး ခံစားရစေတာမျိုးမရှိပါဘူး။ မိဘမို့ သားသမီးကိုပြည့်ပြည့်စုံစုံလေးဖြစ်စေချင်တာသိပေမယ့် လသားအရွယ်ကလေးတစ်ယောက်အဖို့ နူးညံ့တဲ့ အခင်းကတင် အဆင်ပြေနေပါပြီ။ ဒါကြောင့် လိုရင်းပြောပြရရင်တော့ဘေဘီလေးတို့အိပ်စက်မှုအတွက်ခေါင်းအုံးမလိုပါဘူး။ လသားအရွယ်ကလေးကို ဘာကြောင့်ခေါင်းအုံး မအုံးခိုင်းတာလဲ လသားအရွယ်ကလေးလေးတစ်ယောက်ကခေါင်းနဲ့ လည်ပင်းကို ဟန်ချက်ညီအောင် မထိန်းနိုင်သေးပါဘူး။ ဒီလိုအချိန်မှာ ကလေးရဲ့ အိပ်ရာမှာ လိုအပ်တဲ့အရာကလွဲလို့ခေါင်းအုံးအပါအဝင်မလိုအပ်တဲ့အရာတွေကို မထားတာက အကောင်းဆုံးပါ။ ကလေးက ကစားစရာကိုမသိသေးသလို၊ခေါင်းအုံး၊ဖက်လုံးစောင်ဆိုတာကိုလည်း နားမလည်သေးပါဘူး။ ဒါတွေက သူတို့လေးတွေအတွက် သဘောကျစရာမရှိသလို အခန့်မသင့်ရင်ဘေဘီလေးရဲ့ အသက်အန္တရာယ်ကိုတောင် ဒီပစ္စည်းတွေက ထိခိုက်စေနိုင်ပါတယ်။ ခေါင်းအုံးကြောင့်ဘေဘီလေးမှာ ဘာထိခိုက်မှုတွေဖြစ်နိုင်လဲ ခေါင်းအုံးက ကလေးငယ်ကို ဒီလိုအန္တရာယ်ဖြစ်စေနိုင်ပါတယ်။ ကလေးကိုမွန်းစေနိုင်တယ် အသက်ရှုကြပ်စေနိုင်တယ် လသားအရွယ်ကလေးငယ်ရုတ်တရက်သေဆုံးနိုင်ခြေများစေတယ် ဓါတ်မတည့်မှုတွေဖြစ်စေနိုင်တယ် ကလေးရဲ့ကျောရိုးကို […]