သိရမည့် ကျောရိုးခံပြားကျွံခြင်းအတွက် လိုအပ်သော အာဟာရများ

ကျန်းမာစွာစားသောက်ခြင်းက ခန္ဓါကိုယ်ပြန်လည်ကောင်းမွန်စေခြင်းအပါအဝင် အကျိုးကျေးဇူး များစွာပေးပါတယ်။ ကျောရိုးကြားခံပြားကျွံနေမယ်ဆိုရင် တချို့အာဟာတွေက အခြေအနေပိုကောင်းလာအောင် ကူညီပေးနိုင်ပါတယ်။ ကဲဒါဆိုရင်တော့ ကြားခံပြားကျွံခြင်းအတွက် စားသုံးရယ့် အာဟာရတွေအကြောင်း လေ့လာကြပါစို့။

အကျိုးပြုသော အာဟာရများ

ကျောရိုးကြားခံပြားကျွံနေမယ်ဆိုရင် အက်ကွဲကြောင်းသေသေးလေးကနေတစ်ဆင့် အတွင်းအပျော့သားက အပြင်အမာသားကနေ ကျွံထွက်သွားပြီး အာရုံကြောတွေကို သွားဖိပါတယ်။ ကုသနည်းကတော့ ကြားခံပြား ပြန်လည်ကောင်းမွန်အောင်ပြုလုပ်ပေးခြင်း ဖြစ်ပါတယ်။ ဒါမှ အာရုံကြောတွေပေါ်မှာ သက်ရောက်နေတဲ့ ဖိအားကျသွားမှာဖြစ်ပါတယ်။

ကြာခံပြားပြန်လည်ကောင်းမွန်စေသော အာဟာရမျိုးစုံရှိပါတယ်။ ဗီတာမင်စီက ကော်လဂျင်ပိုထုတ်စေပါတယ်။ ကော်လဂျင်ဆိုတာ ခန္ဓါကိုယ်တစ်လျောက် ပြန်လည်ပြုပြင်ဖို့ ကူညီပေးတဲ့ ပစ္စည်းတစ်ခုပဲ ဖြစ်ပါတယ်။

ဗီတာမင်စီက ကျောရိုးပြဿနာတွေကို ဖြေရှင်းဖို့အတွက် အရေးကြီးတဲ့အပြင် အရိုးတွေကိုလည်း သန်မာစေပါတယ်။ သင့်ခန္ဓါကိုယ်အတွက် လိုအပ်တဲ့ ဗီတာမင်စီပမာဏကို သိရှိဖို့အတွက် ဆရာဝန်ဖြင့် ဆွေးနွေးတိုင်ပင်ပေးပါ။

ဗီတာမင်ဘီအုပ်စု၊ ဇင့်၊ ကယ်ဆီယမ်၊ အမီနိုအက်စစ်မပါသော ဗီတာမင်ဒီတို့က ကြားခံပြားကို အရိုးတွေ၊ ကြွက်သားတွေနဲ့ အခြားတစ်ရှုးတွေ အားကောင်းအောင် လုပ်ပေးခြင်းအားဖြင့် ကူညီပေးပါတယ်။ တည်ဆောက်ပုံ သန်မာလာတဲ့အခါမှာ ကြောရိုးကြားခံပြားကို ထောက်ပံ့ပေးနိုင်တဲ့ အပြင် ယင်းပေါ်မှာ သက်ရောက်နေသော ဖိအားများကိုလည်း လျော့ချပေးနိုင်ပါတယ်။

ယင်းအာဟာရတွေကို ဘယ်လိုရှာဖွေကြမလဲ။

ထိုအရာတို့ကို စားသောက်နေကျ အစားအစာတွေနဲ့ ဖြည့်စွက်အာဟာရများမှာ တွေ့ရှိနိုင်ပါတယ်။

ဗီတာမင်စီကို အောက်ပါအစားအစာများတွင် တွေ့ရှိနိုင်ပါတယ်။

· လိမ္မော်သီး၊ ဘလူးဘယ်ရီ၊ စတော်ဘယ်ရီ၊ ဆီဖြူသီး၊ ဘလက်ဘယ်ရီ၊ နာနတ်သီး၊ သရက်သီး၊ ကီဝီသီး၊ စပျစ်သီးများကဲ့သို့ စစ်ထရစ်အသီးများ

· ငရုပ်သီးနီ၊ ငရုပ်သီးစိမ်း၊ မုန်လာဥ၊ အာလူးတို့လိုမျိုး ဟင်းသီးဟင်းရွက်များ

တစ်နေ့ကို ဗီတာမင်3000mgကနေ 10000mg အတွင်းသာ စားသုံးသင့်ပါတယ်။

ဗီတာမင်ဘီကိုတော့ အောက်ပါတို့တွင် တွေ့ရှိနိုင်ပါတယ်။

· အသည်း၊ အသားငါးများ

· ချိစ်နဲ့ ဒိန်ချဉ်လိုမျိုး နို့နှင့်နို့ထွက်ပစ္စည်းများ

· ကြက်ဥ

ဗီတာမင်အေကိုတော့ အောက်ပါတို့တွင် တွေ့ရှိနိုင်ပါတယ်။

· အမဲသား၊ ကြက်အသည်း

· ထောပတ်နဲ့ ချိစ်တို့လိုမျိုးနို့နှင့်နို့ထွက်ပစ္စည်းများ

· ကြက်ဥ

· မုန်လာဥဝါ၊ ဟင်းနုနွယ်၊အာလူးတို့လိုမျိုး အဝါရောင်ရှိသော ဟင်းသီးဟင်းရွက်များ

ဗီတာမင်ကို အောက်ပါတို့တွင် တွေ့ရှိနိုင်ပါတယ်။

· ကြက်ဥအနှစ်၊ ငါးကြီးဆီ

· နွားနို့

· နေရောင်ခြည်

ကယ်ဆီယမ်ကို အောက်ပါတို့တွင် တွေ့ရှိနိုင်ပါတယ်။

· ဒိန်ချဉ်၊ ချိစ်လိုမျိုး နို့နှင့်နို့ထွက်ပစ္စည်းများ

· ပန်းမုန်လာလိုမျိုး အစိမ်းရောင်ရှိ ဟင်းသီးဟင်းရွက်များ

· ပဲသီး၊ ပဲစိ၊ တို့ဟူး

· ဆယ်မွန်ငါး

· မက်မွန်သီး

ဇင့်ကိုတော့ အောက်ပါတို့တွင် တွေ့ရှိနိုင်ပါတယ်။

· အမဲသား

· ပုစွန်ဆိတ်

· ကရုကမာ

· ကြက်သွန်ဖြူ

· မြေပဲ

ဘယ်အချိန်မှာ ဖြည့်စွက်အာဟာရတွေ စားသုံးသင့်သလဲ။

အာဟာရတွေကို အစားအသောက်တွေ၊ ဖြည့်စွက်စာတွေမှာ တွေ့ရှိနိုင်ပါတယ်။ အစားအသောက်အနေနဲ့ စားတာကတော့ ပိုပြီးလွယ်ကူမယ်ထင်ပါတယ်။ ဘာကြောင့်လဲဆိုတော့ ခဲတစ်လုံးနဲ့ငှက်နှစ်ကောင်ပစ်သလို အရသာရှိအောင်ချက်စားနိုင်ပြီး အာဟာရလဲ ရနိုင်လို့ပဲဖြစ်ပါတယ်။

ဒါပေမဲ့လည်း မှန်ကန်တဲ့ အာဟာရပမာဏကိုတော့ ရမှာမဟုတ်ဘူးပေါ့။ ဖြည့်စွက်စာတွေက အရသာမရှိပေမဲ့ လိုအပ်တဲ့ ပမာဏကို အတိအကျပေးနိုင်ပါတယ်။

စားသောက်နေတဲ့ အစားအစာတွေက လိုအပ်တဲ့ အာဟာရတွေ မပေးနိုင်ဘူးဆိုရင် ဖြည့်စွက်စာတွေ အသုံးပြုနိုင်ပါတယ်။ ဖြည့်စွက်စာတွေ အသုံးပြုနေတဲ့ အခါမှာတော့ သတိထားသင့်ပါတယ်။ မညွှန်ကြားထားပဲနဲ့ အသုံးမပြုပါနှင့်။ ပေါင်းစပ်ပြီးလည်း အသုံးမပြုပါနှင့်။ လိုအပ်ချက်တွေသိရှိဖို့ အညွှန်းကို သေချာဖတ်ပေးပါ။

ကျန်းမာတဲ့ ကျောရိုးခံအပြားကို ပိုင်ဆိုင်ဖို့ ကိုယ်ကာယကုထုံးတွေ၊ နှိပ်နယ်ခြင်းတွေအပြင် အာဟာရတွေကလည်း အရေးကြီးပါတယ်။ ထိုအာဟာရတွေကို အစားအစာတွေ၊ ဖြည့်စွက်စာတွေကနေ ရရှိနိုင်ပါတယ်။ ဒါပေမဲ့လည်း ဆိုးကျိုးတွေရှိတယ်လို့ သိရှိရတာကြောင့် ဂရုတစိုက်အသုံးပြုပေးပါ။

Hello Health Group သည် ဆေးပညာအကြံပေးချက်များ၊ ရောဂါစစ်ဆေးအတည်ပြုချက်များနှင့် ကုသမှုများမပြုလုပ်ပေးပါ။