ကျန်းမာစေမည့်အလေ့အကျင့်များ

အရေပြားမှာဖြစ်တဲ့ ဒဏ်ရာအနာမှန်သမျှ အချိန်တန်ရင် အနာကျက်ရ၊သက်သာရမှာပါပဲ။ အနာကျက်နှေးတာမြန်တာကတော့ အနာကိုဘယ်လိုကုသစောင့်ရှောက်သလဲဆိုတာပေါ် မူတည်ပါတယ်။ အနာရင်းပြီးပိုးဝင်မှာ စိုးရိမ်ရတာလည်းရှိတာကိုး။နောက်တစ်ချက်က ဆီးချိုသွေးချိုလိုရောဂါအကြောင်းရင်းခံတွေကြောင့် အနာဖြစ်တာ၊ အနာကျက်နှေးတာ၊ အနာမကျက်တာတွေရှိတတ်ပါတယ်။ အနာအမျိုးအစား အမျိုးမျိုးရှိတာရော သိပါသလား။ အနာဖြစ်ရတဲ့အကြောင်းရင်းကိုမူတည်ပြီး အဓိကအမျိုးအစားလေးမျိုးကိုဖော်ပြလိုက်ပါတယ်။ ပွန်းပဲ့ဒဏ်ရာ ပွန်းပဲ့ဒဏ်ရာဆိုတာ အရေပြားမှာ မာကျောတဲ့မျက်နှာပြင်တစ်ခုခုနဲ့ ပွတ်တိုက်မိလို့ပွန်းပဲ့တာ၊ခြစ်ရာအစင်းရာတွေဖြစ်တာပါ။ ဥပမာချော်လဲလို့ဖြစ်တဲ့ပွန်းပဲ့နာ၊ စက်ဘီးမှောက်တာ စတဲ့လမ်းပေါ်မှာဖြစ်တဲ့အသေးစားအနာတရတွေပါဝင်ပါတယ်။သွေးစို့ရုံလောက်သာထွက်တတ်တဲ့ဒဏ်ရာလေးတွေဖြစ်ပေမယ့် ပိုးမဝင်အောင်သေချာသန့်စင်ကုသသင့်ပါတယ်။ အရေပြားပေါက်ပြဲခြင်း အရေပြားပေါ်မှာ ဒဏ်ရာနက်တဲ့ပြတ်ရှရာ သို့မဟုတ် စုတ်ပြဲဒဏ်ရာဖြစ်တာပါ။ ဓါး၊ ကိရိယာတန်ဆာပလာတွေ၊ စက်ပစ္စည်းတွေနဲ့ မတော်တဆထိခိုက်မိတဲ့ ဒဏ်ရာမျိုးတွေဖြစ်ပါတယ်။ ပေါက်ပြဲတဲ့ ဒဏ်ရာနက်ရင်တော့သွေးထွက်မြန်ပြီးသွေးထွက်များနိုင်ပါတယ်။ အနာပေါက်ဖြစ်စေတဲ့ထိခိုက်ဒဏ်ရာ ဒီအမျိုးအစားက သံ၊အပ် တို့လို ချွန်ထက်တဲ့အရာတွေနဲ့ စူးမိ၊ထိုးမိတဲ့အခါဖြစ်လာတဲ့ဒဏ်ရာမျိုးပါ။ တခါတရံ ကျည်ဆန်မှန်ခြင်းကလည်း ဒီအမျိုးအစားဖြစ်နိုင်ပါတယ်။ ဒီဒဏ်ရာတွေကသွေးအများကြီးမထွက်နိုင်ပေမယ့် ကိုယ်တွင်းအင်္ဂါတွေကို ထိခိုက်စေနိုင်လောက်အောင် ဒဏ်ရာနက်နိုင်ပါတယ်။ ဒီအမျိုးအစားဆိုရင် ဒဏ်ရာကသေးတယ်ဆိုရင်တောင်မှ ရောဂါပိုးမဝင်စေဖို့ ဆရာဝန်ပြပြီး မေးခိုင်ကာကွယ်ဆေးထိုးသင့်ရင်ထိုးရပါမယ်။ ပြင်းထန်တဲ့ထိခိုက်ဒဏ်ရာ ဒီအမျိုးအစားက အရေပြားတင်မကဘဲ တစ်ရှူးတွေပါစုတ်ပြဲပြီး အရိုးပေါ်တဲ့အထိ ထိခိုက်ရတဲ့ဒဏ်ရာတွေဖြစ်ပါတယ်။ ကားတိုက်ခံရတာ၊ပေါက်ကွဲမှုနဲ့သေနတ်ပစ်ခံရတာတွေလိုပြင်းထန်တဲ့ထိခိုက်မှုတွေကြောင့် […]

ထိခိုက်ဒဏ်ရာရရင်သွေးမထွက်တာမျိုးကသိပ်မရှိပါဘူး။ အနည်းဆုံးသွေးလေးတော့စို့တတ်ကြပါတယ်။ အနာဖြစ်လို့သွေးထွက်တဲ့အခါသွေးထွက်လွန်လား။ အနာကပြင်းထန်နေတာလားဆိုပြီးစိုးရိမ်စရာတွေဖြစ်လာတာက အမြဲလိုလိုဖြစ်တတ်ကြမယ်ထင်ပါတယ်။ ဒီတော့အနာကိုသွေးတိတ်အောင်ဘယ်လိုဂရုစိုက်ရမလဲဆိုတာကို သိထားမယ်ဆိုရင်တော့ အဆင်ပြေမှာပါ။ အနာကသွေးထွက်မှလည်း အနာထဲမှာဝင်နေတဲ့ အမှုန်နဲ့ပိုးမွှားတွေကိုသန့်စင်ပြီးဖြစ်မှာပါ။ အနာဖြစ်တဲ့အခါသွေးထွက်တယ်ဆိုတာက ခန္ဓါကိုယ်မှာရှိနေတဲ့သွေးကြောတွေထဲကသွေးတွေဆုံးရှုံးသွားတာပဲဖြစ်ပါတယ်။ အနာဖြစ်လို့သွေးထွက်တဲ့အခါသွေးလွန်တာမျိုးမဖြစ်စေဖို့အတွက်သွေးတိတ်အောင်မြန်မြန်လုပ်ဆောင်ဖို့လိုအပ်ပါတယ်။ ထိခိုက်ဒဏ်ရာရမှု တာ်တော်များများမှာ အရမ်းမပြင်းထန်ဘူးဆိုရင်တော့သွေးတိတ်ေ်အာင်လုပ်ဖို့က အခက်အခဲမရှိပါဘူး။သွေးကြောကိုထိမိတာ၊တစ်ရှုးတွေပျက်စီးသွားမယ်ဆိုရင်တော့သွေးအရမ်းထွက်တာမျိုးဖြစ်ပါလိမ့်မယ်။ အခုတစ်ခေါက်တော့အနာဖြစ်ရင်သွေးတိတ်အောင်ဘယ်လိုလုပ်မလဲဆိုလေးပြောပြမယ်နော်။   သွေးတိတ်အောင် ဒါလေးတွေလုပ်ကြည့်ပါ အနာပေါ်မှာ အသာအယာလေးဖိထားပေးပါ အနာဖြစ်လို့သွေးထွက်လာတဲ့အခါ ပထမဆုံးလိုက်နာရမှာက အနာပေါ်ကို အဝတ်စသန့်သန့်လေးနဲ့အုပ်ပြီး အသာအယာဖိထားပေးဖို့ပါ။ လက်မှာထိခိုက်ဒဏ်ရာရထားတာဆိုရင်တော့ ဒဏ်ရာရထားတဲ့လက်ကို နှလုံးအပေါ်ရောက်အောင်မြှောက်ထားပေးဖို့ပါ။ အနာပေါ်ကို အဝတ်စသန့်သန့်လေးနဲ့ဖိထားတာတောင်မှသွေးကထွက်နေတုန်းပဲဆိုရင်လည်း ဖိထားတဲ့အဝတ်စကိုမဖယ်လိုက်ပါနဲ့။ ဆက်ပြီးဖိထားပေးပါ။ အနာပေါ်မှာ ၅ မိနစ် ၁၀ မိနစ်ကြာအောင်ဖိထားတာတောင်မှ အနာကသွေးမတိတ်ဘူးဆိုရင် ဆရာဝန်နဲ့ သွားရောက်ပြသဖို့လိုအပ်ပါမယ်။ ရေနဲ့ဆေးကြောပါ ရေပိုက်ဖွင့်ပြီးရေပိုက်အောက်မှာ အနာကိုထားရင်းဆေးကြောပေးရင်လည်းသွေးတိတ်အောင်အထောက်အကူပြုပေးမှာဖြစ်ပါတယ်။ အနာပေါ်ကိုရေအေးအေးလေးလောင်းချပေးတာကသွေးကြောတွေကိုကျဉ်းသွားစေပြီးသွေးမြန်မြန်တိတ်စေပါလိမ့်မယ်။ပြတ်ရှဒဏ်ရာတွေကိုရေခပ်နွေးနွေးလေးနဲ့လောင်းဆေးပေးရင်လည်းသွေးခဲအောင်လုပ်ဆောင်ပေးပါလိမ့်မယ်။ရေနွေးရောရေအေးရောကိုတော့အသုံးမပြုရပါဘူး။ ရေခဲကပ်ပေးပါ အနာကသွေးထွက်နေရင် အဝတ်စသန့်သန့်ထဲမှာရေခဲတုံးလေးတွေထည့်ပြီး အနာပေါ်မှာကပ်ပေးပါ။ရေခဲကပ်ပေးတာက အနာသွေးတိတ်အောင်လုပ်ပေးနိုင်တဲ့ အိမ်တွင်းကုထုံးတစ်ခုပါ။ရေခဲကပ်တာက အနာကိုအရောင်ကျစေနိုင်သလို အနာကျက်အောင်လည်းထောက်ပံ့ပေးပါတယ်။ ခန္ဓါကိုယ်အပူချိန်မြင့်လေလေသွေးပိုထွက်လေလေပါ။ ခန္ဓါကိုယ်အပူချိန်ကျအောင်လုပ်ဆောင်ပေးမယ်ဆိုရင်သွေးတိတ်အောင်လည်းအထောက်အပံ့ဖြစ်စေမှာဖြစ်ပါတယ်။ ခန္ဓါကိုယ်အပူချိန်ကအရမ်းမြင့်နေရင်ဖြစ်ဖြစ် ပုံမှန်ထက်ကျဆင်းနေရင်ဖြစ်ဖြစ် အနာကိုရေခဲမကပ်သင့်ပါဘူး။ ဗီနီကာအသုံးပြုပေးပါ ဗီနီကာက အနာကို ပိုးမဝင်အောင်ကာကွယ်ပေးနိုင်သလိုသွေးတိတ်အောင်လုပ်ဆောင်ပေးနိုင်စွမ်းလည်းရှိပါတယ်။ပြတ်ရှဒဏ်ရာရရှိတဲ့အခါ ဗီနီကာကို […]

ကလေးတွေကို ခြင်၊ ကြမ်းပိုး၊ပျား၊ ပုရွက်ဆိတ်၊စတဲ့ အင်းဆက်တွေကိုက်ခံရတတ်ပါတယ်။ ဘာမှမသိသေးတဲ့အရွယ်ဆိုတော့ အကောင်ကိုက်မှာလည်းမသိဘဲ ပိုးကောင်လိုက်ဖမ်းရင်းဆော့တောင်ဆော့နေတတ်ကြပါသေးတယ်။ ပိုးမွှားကိုက်ခံရရင် နာကျင်ရတယ်ဆိုပေမယ့်လည်း အန္တရာယ်ဖြစ်တာတော့နည်းပါတယ်။ နာကျင်မှုကတဖြည်းဖြည်းလျော့သွားမှာဖြစ်ပြီးနောက်နေ့ကျပျောက်သွားမှာပါ။ ဒါပေမယ့်ကလေးရဲ့ ပါးစပ် သို့မဟုတ် လည်ပင်းကို အကိုက်ခံ၊ အတုပ်ခံရရင် ဒါမှမဟုတ် အကောင်ကိုက်ခံရလို့ ပြင်းထန်တဲ့အရေပြားဓါတ်မတည့်မှုဖြစ်လာခဲ့ရင် ချက်ချင်းဆေးကုသမှုခံယူသင့်ပါတယ်။ အင်းဆက်ကိုက်ခံရခြင်း ပိုးမွှားကိုက်ခံရတာအများစုက အဆိပ်ရှိတာမျိုးမဟုတ်ပေမယ့် ဘာကောင်ပဲကိုက်ကိုက် ဓါတ်မတည့်တုံ့ပြန်မှုကရှိတတ်တာပါပဲ။ ဒီတုံ့ပြန်မှုရဲ့ပြင်းထန်မှုအတိုင်းအတာကလည်းကွာခြားနိုင်ပါတယ်။ နဂိုတည်းက anaphylaxis လို့ခေါ်တဲ့ ပြင်းထန်တဲ့ဓါတ်မတည့်မှုဝေဒနာရှိတဲ့ကလေးတွေဖြစေ်နနိုင်တာကြောင့် ပိုသတိထားရပါတယ်။anaphylaxis ဆိုတာ ချက်ချင်းကုသမှုခံယူမှဖြစ်မယ့်ရောဂါအခြေအနေတစ်ခုဖြစ်လို့ပါ။   ပိုးမွှားကိုက်ခံရတဲ့လက္ခဏာများ အင်းဆက်ပိုးမွှားကိုက်ခံရတဲ့လက္ခဏာတွေကတော့ ဒီအပေါ်ကလေးရဲ့ခန္ဓါကိုယ်ကတုံ့ပြန်မှုဘယ်လိုရှိသလဲဆိုတာကို တော်တော်လေးမူတည်ပါတယ်။တွေ့ရတတ်တဲ့လက္ခဏာတွေကတော့ - အကိုက်ခံရတဲ့နေရာမှာ ယားယံပြီးနာကျင်တဲ့အနာလေးဖြစ်ပြီးအရေပြားမှာသိသာမှုအနည်းငယ်ရှိလာခြင်း၊ တချို့ကလေးတွေမှာ အကောင်ကိုက်ခံရတဲ့ နီရဲရောင်ရမ်းမှုက ပိုသိသာပြီး အနာပိုကြီးတတ်ပါတယ်။ ကလေးငယ်(နှင့်လူကြီး) တချို့မှာanaphylaxisလို့ခေါ်တဲ့ပြင်းထန်တဲ့ဓါတ်မတည့်မှုရောဂါဖြစ်လာတတ်ပါတယ်။anaphylaxis ရဲ့လက္ခဏာတွေကတော့ အဖုအပိန့်ထွက်ခြင်း၊ယားယံခြင်း၊ဗိုက်အောင့်ခြင်း၊ချောင်းဆိုးခြင်း၊အသက်ရှုသံတရွှီရွှီမြည်ခြင်း၊အသက်ရှူရခက်ခြင်း၊ မျိုချရခက်ခြင်း၊ မွန်းကြပ်ခြင်း၊ သတိလစ်ခြင်းတို့ပါဝင်ပါတယ်။   အိမ်မှာ ဘယ်လိုပြုစုကုသပေးမလဲ ကလေးကို အင်းဆက်ပိုးမွှားကိုက်ခံရတဲ့အခါ သိပ်မများရင်၊ ဓါတ်မတည့်မှုမပြင်းထန်ရင် အိမ်မှာပဲပြုစုကုသပေးလို့ရနိုင်ပါတယ်။ အရင်ဆုံး […]

အပူလောင်ခြင်းဟာ အဖြစ်များတဲ့ကိစ္စတစ်ခုဆိုပေမယ့် ခံစားရမသက်သာတဲ့ဝေဒနာလည်းဖြစ်ပါတယ်။တော်တန်ရုံအသေးစားအပူလောင်တာဆိုရင်ဆေးခန်းသွားစရာမလိုဘဲ အိမ်မှာတင်ကုသလို့ရပေမယ့်ပြင်းထန်ပြီဆိုရင် အနာကိုပိုးမဝင်အောင်၊ အနာမရင်းအောင်၊ ဆိုးဆိုးရွားရွားအမာရွတ်မကျန်အောင်သေချာဂရုစိုက်ကုသဖို့လိုအပ်ပါတယ်။ အပူလောင်စေတဲ့အကြောင်းရင်းကအမျိုးမျိုးရှိပါတယ် - ရေနွေးပူ၊ဆီပူလောင်ခြင်း ဓာတုပစ္စည်းကြောင့်လောင်ခြင်း လျှပ်စစ်ကြောင့်လောင်ခြင်း မီးအပူလောင်ခြင်း ( မီးအပူဟပ်ခြင်း၊ ဖယောင်းတိုင်မီးစသည်) နေလောင်ခြင်း အပူလောင်ခြင်း ပြင်းထန်မှုအဆင့်သတ်မှတ်ခြင်း အပူလောင်တာကို အဆင့်(၁)၊ အဆင့်(၂)၊ အဆင့်(၃) ဆိုပြီး အဆင့်သုံးခုခွဲထားပါတယ်။ အဆင့်(၁)ကတော့ အားအလျော့ဆုံးဖြစ်ပြီး အဆင့်(၃)ကတော့ အားအပြင်းဆုံး ဖြစ်ပါတယ်။ အဆင့်တစ်ခုချင်းဆီက ကွဲပြားတဲ့လက္ခဏာနဲ့ ထိခိုက်မှုကို ဖော်ပြပါတယ်။ အဆင့်(၁) အပူလောင်မှု - အရည်ကြည်ဖုမထွက်ဘဲ အရေပြားနီရဲနေတာ၊ နာကျင်မှုအနည်းငယ်၊ ရောင်ရမ်းမှု အနည်းငယ် ရှိမယ်။ အဆင့်(၂) အပူလောင်မှု - ထိခိုက်မိတဲ့နေရာမှာ အရည်ကြည်ဖုနဲ့ ထူအမ်းအမ်းဖြစ်နေမယ်။ အဆင့်(၃) အပူလောင်မှု - ထူအမ်းအမ်းဖြစ်နေတဲ့ နေရာပမာဏ များမယ်၊ အရေပြား ကွာကျပြီး အဖြူရောင် […]

လူတိုင်းက ထိခိုက်ဒဏ်ရာနဲ့မကင်းကြပါဘူး။ ထိခိုက်ဒဏ်ရာရတဲ့အခါလူ့ခန္ဓါကိုယ်က ပုံမှန်ဇီဝဖြစ်စဉ်က အနာကျက်အောင် အဆင့်ဆင့်လုပ်ဆောင်ပေးပါတယ်။ အနာတစ်ခုကောင်းကောင်းမွန်မွန်နဲ့ကျက်သွားဖို့ဆိုရင် အနေအထိုင် အစားအသောက်နဲ့ အနာကိုပါထိန်းသိမ်းဖို့လိုပါမယ်။ အခုတစ်ခေါက်တော့ အနာကျက်တာကိုနှေးစေနိုင်တဲ့အလေ့အထတွေကိုဖော်ပြပေးပါ့မယ်။ အဲဒီအလေ့အထတွေကိုရှောင်ကျဉ်မယ်ဆိုရင် အနာကိုမြန်မြန်ဆန်ဆန်ကျက်စေမှာပါ။ အနာဘယ်လိုကျက်တာလဲ အနာတိုင်းက အဆင့် ၃ ဆင့်နဲ့အနာကျက်တာပါ။ အနာတစ်ခုဖြစ်လာတဲ့အခါ အစောပိုင်းရက်အနည်းငယ်အတွင်းမှာ အနာကရောင်ရမ်း လာတာကိုတွေ့ရပါမယ်။ ဒါကပုံမှန်ပါပဲ။ အနာကျက်စေဖို့အတွက် အနာတဝိုက်ကသွေးကြောတွေကိုသွေးစီးဆင်းမှုကိုထိန်းချုပ်လိုက်တာကြောင့်ရောင်ရမ်းလာတာဖြစ်ပါတယ်။ရောင်ရမ်းမှုက ခန္ဓါကိုယ်ရဲ့ခုခံအားစနစ်ကပုံမှန်အခြေအနေဖြစ်အောင်လုပ်ဆောင်နေတယ်ဆိုတာကိုဖော်ပြပေးတဲ့မြင်သာတဲ့လက္ခဏာတစ်ရပ်ပါ။သွေးဖြူဥဆဲလ်တွေကလည်း အနာထဲက အမှိုက်တွေနဲ့ဘက်တီးရီးယားတွေကို သန့်စင်ပေးပါတယ်။ ၃ ပတ်လောက်ကြာပြီဆိုရင်တော့Proliferative Stage ကိုရောက်ရှိလာပြီလို့ဆိုရပါမယ်။ အနာကပြင်းထန်ရင်တော့ ဒီအဆင့်ကိုရောက်ရှိဖို့က ၃ ပတ်ထက်ပိုကြာနိုင်ပါတယ်။ ဒီအဆင့်မှာ အနာဖေးတက်တာကစဖြစ်လာပါပြီ။ fibroblasts လို့ခေါ်တဲ့ အထူးဆဲလ်တွေက အနာအသားတက်လာစေဖို့အတွက် ကော်လာဂျင်တွေကိုထုတ်လွှတ်ပေးနေတဲ့အဆင့်လည်းဖြစ်ပါတယ်။ သွေးကြောအသစ်တွေလည်းဖြစ်ပေါ်လာပါပြီ။ အနာကတဖြည်းဖြည်းကျုံ့လာပြီး အရေပြားအလွှာသစ်လေးလည်းဖြစ်လာပါပြီ။ နောက်တစ်ဆင့်ကတော့Maturation and Remodeling Stage ပါ။ ၂ နှစ်လောက်အထိလည်းကြာမြင့်နိုင်ပါတယ်။ကော်လာဂျင်အသစ်တွေဖြစ်ပေါ်ပြီး အနာပုံစံပြောင်းလာပြီဖြစ်ပါတယ်။ ဒီအဆင့်မှာအနာတဝိုက်က တစ်ရှုးတွေလည်းကြံ့ခိုင်မှုတိုးလာပြီဖြစ်ပါတယ်။ အမာရွတ်တစ်ရှူးတွေက […]

ထိခိုက်ဒဏ်ရာရတဲ့အခါသေချာဂရုစိုက်ဖို့လိုအပ်ပါမယ်။ ဒီလိုမှမဟုတ်ဘူးဆိုရင် အနာရင်းတာ၊ အမာရွတ်ထင်ကျန်တာ၊ အနာပိုးဝင်တာနဲ့ အခြားမလိုလားအပ်တဲ့နောက်ဆက်တွဲပြဿနာတွေဖြစ်လာနိုင်ပါတယ်။ အနာပိုးဝင်တာက ဂရုမစိုက်ဘဲထားရင်နောက်ဆက်တွဲဆိုးကျိုးတွေအများကြီးပါ။ ဒီဆောင်းပါးမှာတော့ အနာပိုးမဝင်အောင်ဘယ်လိုထားရမလဲဆိုတာနဲ့ အနာပိုးဝင်ရင်ဘယ်လိုဖြစ်တတ်လဲ ဆိုတာတွေကိုပြောပြပေးမှာဖြစ်ပါတယ်။ အနာပိုးဝင်ခြင်း အနာပိုးဝင်စေနိုင်တဲ့အကြောင်းအရင်းတွေကတော့ အများကြီးပါ။ အရေပြားကခန္ဓါကိုယ်တွင်းကိုရောဂါပိုးတွေမဝင်အောင်ကာကွယ်ပေးထားတဲ့ ခန္ဓါကိုယ်ရဲ့ အခြေခံအကျဆုံးကာကွယ်ရေးခံတပ်တစ်ခုပါ။ အရေပြားမှာ ထိခိုက်ပွန်းပဲ့တာမျိုးဖြစ်သွားပြီဆိုရင် ကိုယ်တွင်းကိုပြင်ပကရောဂါပိုးတွေဝင်ရောက်လာဖို့ လမ်းပွင့်သွားပါပြီ။မေးခိုင်ပိုးလိုမျိုးရောဂါပိုးတွေကတော့ ဖုန်မှုန့်တွေ၊မြေကြီးတွေနဲ့ သန့်ရှင်းမှုမရှိတဲ့ရေတွေထဲမှာရှိနေတတ်ပါတယ်။ အနာဖြစ်နေတဲ့အခါ အနာက ဘယ်လောက်ပဲသေးသေး အခန့်မသင့်ရင် ပိုးဝင်နိုင်ပါတယ်။ ညအိပ်တဲ့အခါမျိုးမှာ အနာကို ဖွင့်ထားတာမျိုးက သိပ်ကိစ္စမရှိပေမယ့် အပြင်ကိုသွားတဲ့အခါမျိုးမှာတော့ အနာကဘယ်လောက်သေးသေး ပလာစတာလောက်တော့ ကပ်သွားဖို့လိုပါမယ်။ မတော်တဆပိုးဝင်သွားတာမျိုးဖြစ်နိုင်တာကြောင့်ပါ။ ခွဲစိတ်ထားတဲ့ ချုပ်ရိုးတွေကနေတောင် အခန့်မသင့်တဲ့အခါ ပိုးဝင်သွားနိုင်ပါတယ်။ အနာပိုးဝင်တဲ့အခါ ဒီလိုလက္ခဏာတွေဖြစ်နိုင်ပါတယ် အနာပိုးဝင်တဲ့အခါ - အနာပတ်လည်မှာရောင်ရမ်းမယ် နီမြန်းမယ် နာကျင်မယ် ပြည်တည်မယ် အနာမကျက်ဘဲဖြစ်နေမယ် အနာကနွေးနေမယ် အဖျားတက်မယ်   အနာပိုးမဝင်အောင် ဘယ်လိုကာကွယ်မလဲ အနာပိုးမဝင်အောင်ကာကွယ်လို့ရပါတယ်။ ဘယ်လိုကာကွယ်ရမလဲဆိုတာကိုဖော်ပြပေးမှာမို့ ဆက်ကြည့်လိုက်ရအောင်နော်။ အနာတစ်ခုခုဖြစ်တဲ့အခါ အလောတကြီးလက်နဲ့ထိကိုင်လိုက်တတ်ပါတယ်။ ဒီလိုမလုပ်သင့်ပါဘူး။ […]

နေအိမ်တိုင်းမှာ အရေးပေါ်ဆေးသေတ္တာ ထားသင့်ပါတယ်။ မတော်တဆမှုဆိုတာမျိုးက ကြိုမှန်းထားလို့မှမရတာလေနော်။ ချက်ရင်းပြုတ်ရင်းဓါးရှမလား၊ အပူလောင်မလား၊ သွားရင်းလာရင်း ခလုတ်တိုက်မလား၊ချော်လဲမလား ကြိုမှန်းထားလို့မရတဲ့အနေအထားမျိုးမှာ အရေးပေါ်ထိခိုက်မိရင် သက်သာအောင်လုပ်ဖို့အတွက်ဆေးသေတ္တာရှိထားတာကမမှားတဲ့အရာတစ်ခုလို့ပဲအကြံပေးပါရစေ။ အရေးပေါ်ဆေးသေတ္တာက ကိုယ်တိုင်အတွက်ရော မိသားစုတွေ မိတ်ဆွေတွေကျန်းမာရေးအတွက်ပါ အသုံးဝင်လာပါလိမ့်မယ်။ ကဲ ဘာကြောင့်လဲဆိုတဲ့ အကြောင်းအချက်လေးတွေကိုပါထည့်ပေးထားလို့ ဆက်ကြည့်လိုက်ပါဦးနော်။   နေအိမ်မှာ အရေးပေါ်ဆေးသေတ္တာ ထားသင့်တဲ့အကြောင်းအရင်းများ (၁) ထိခိုက်မိတဲ့အခါ အလွယ်တကူအသုံးပြုလို့ရတယ် ထိခိုက်ဒဏ်ရာရတဲ့အခါ ချက်ချင်းအနာသန့်စင်တာ၊ဆေးလိမ်းတာ၊ ပလာစတာကပ်တာမျိုးကို အလွယ်တကူလုပ်လို့ရပါတယ်။ အနာထဲပိုးဝင်တာမျိုး မလိုလားအပ်တဲ့နောက်ဆက်တွြဲပဿနာတွေမဖြစ်အောင်လည်းကာကွယ်ပြီးသားဖြစ်သွားမှာပါ။ ဓါးရှတာ၊အပူလောင်တာနဲ့ အခြားမတော်တဆမှုတွေအတွက်လည်းအသုံးတည့်မှာသေချာပါတယ်။   (၂) အသေးစားဖျားနာမှုတွေအတွက်အသုံးပြုပေးလို့ရပါတယ် ဆေးသေတ္တာထဲမှာ ပါရာစီတမောလိုမျိုး အဖျားပျောက်စေနိုင်တဲ့ဆေးတွေပါထည့်ထားမယ်ဆိုရင်ရေချိုးမှားတဲ့အခါမျိုးပဲဖြစ်ဖြစ် မိုးမိလာတဲ့အခါမျိုးပဲဖြစ်ဖြစ် အအေးမိတဲ့အခါမျိုးမှာသောက်ထားလို့ရပါတယ်။ အနည်းဆုံးတော့ ဖျားနာတာရှည်တာမျိုးမဖြစ်တော့ဘူးပေါ့။   (၃) အပူလောင်ဒဏ်ရာအတွက်သုံးလို့ရတယ် အိမ်အလုပ်လုပ်ရင်း အပူလောင်တဲ့အခါမျိုးမှာ အနာကိုဆေးထည့်ဖို့အတွက် အသုံးပြုပေးလို့ရပါတယ်။ အသေးစားအပူလောင်ဒဏ်ရာလောက်က အိမ်မှာဂရုတစိုက်စောင့်ရှောက်ရုံနဲ့သက်သာနိုင်ပါတယ်။   (၄) မူးမော်တဲ့အခါမျိုးမှာအသုံးပြုလို့ရပါတယ် ခေါင်းမူးတဲ့အခါမျိုးမှာခေါင်းမူးသက်သာစေတဲ့ဆေး အလွယ်ကူသောက်လို့ရနိုင်သလို ရှုဆေးလည်း ရှုလို့ရပါတယ်။သွေးတိုးလို့ ဒါမှမဟုတသွေးပေါင်ကျလို့မဟုတ်ဘဲ သာမန်ခေါင်းမူးခေါင်းကိုက်တာတွေအတွက်အသုံးပြုပေးလို့ရပါတယ်။   (၅) ညောင်းညာကိုက်ခဲတာမျိုးအတွက် သုံးလို့ရပါတယ် အရေးပေါ်ဆေးသေတ္တာထဲမှာ ဒဏ်ကြေလိမ်းဆေး၊ ပရုတ်ဆီ၊ […]

လူတိုင်းဟာ ထိခိုက်ဒဏ်ရာနဲ့မကင်းကြဘူးဆိုတာကတော့ပြောနေစရာတောင်မလိုလောက်ပါဘူးနော်။ ဒီလိုထိခိုက်ဒဏ်ရာရလာရင်လည်း အနာကိုဆေးကြောတာ၊ဆေးထည့်တာ၊ ပလာစတာကပ်တာမျိုးတွေလုပ်ရမယ်ဆိုတာကိုတော့ လူတိုင်းလိုလိုသိကြပါတယ်။ အနာကို ပလာစတာကပ်တယ်ဆိုတဲ့နေရာမှာလည် အနာအမျိုးအစားပေါ်လိုက်ပြီး ကပ်ရတဲ့ ပလာစတာတွေ မတူကြပါဘူး။ ဒီတစ်ခေါက်တော့ ဘယ်လိုထိခိုက်ဒဏ်ရာမျိုးဆို ဘယ်ပလာစတာကို အသုံးပြုဖို့လိုမလဲဆိုတာနဲ့ ဘယ်လိုထိခိုက်ဒဏ်ရာမျိုးဆိုရင် ပတ်တီးစည်းသင့်လဲဆိုတာလေးတွေကိုပြည့်ပြည့်စုံစုံလေးပြောပြပေးမယ်နော်။ အနာပေါ်မှာ ပလာစတာကပ်တာ၊ ပတ်တီးစည်းတာတွေက အနာထဲကို ပိုးမဝင်အောင်ကာကွယ်ပေးတဲ့အပြင် အနာကြောင့်ဖြစ်တဲ့မလိုလားအပ်တဲ့နောက်ဆက်တွြဲပဿနာတွေကိုလည်း ကာကွယ်ပြီးသားဖြစ်စေပါတယ်။ အနာကျက်အောင်လည်း အထောက်အပံ့ပေးပါသေးတယ်။   ပလာစတာဆိုတာ ပလာစတာ၊ ပတ်တီးဆိုတာက ထိခိုက်ဒဏ်ရာထဲကိုပြင်ပက ဖုန်မှုန့်တွေ၊အညစ်အကြေးတွေနဲ့ ဘက်တီးရီးယားတွေမဝင်ရောက်အောင်ကာကွယ်ပေးတဲ့အရာတွေပါ။ ပတ်တီးတွေကတော့ ထိခိုက်မိထားတဲ့ ခန္ဓါကိုယ်အစိတ်အပိုင်းတွေရဲ့ လှုပ်ရှားမှုကို ထိန်းညှိပေးတဲ့အရာမျိုးပါ။ ပလာစတာတွေ၊ ပတ်တီးတွေကို ထိခိုက်ဒဏ်ရာတွေအပေါ်မှာ တိုက်ရိုက်အသုံးပြုပေးလို့ရပါတယ်။ ဆွဲဆန့်နိုင်တဲ့ ပတ်တီးတွေကိုတော့ အဆစ်တွေထိခိုက်မိတဲ့အခါရောင်ရမ်းမှုလျော့ကျစေဖို့သုံးလို့ရပါတယ်။ ပတ်တီးတွေကို အနာသွေးတိတ်အောင် အနာပေါ်ကို ခပ်ဖွဖွလေးဖိထားတဲ့အခါမျိုးမှာလည်း သုံးလို့ရပါသေးတယ်။ ပလာစတာတွေကိုလည်း ထိခိုက်မိတဲ့နေရာကိုလိုက်ပြီး အသုံးပြုရတာချင်းမတူပါဘူး။ ဘယ်လိုတွေများကွာခြားတာလဲဆိုတာကို ဆက်ကြည့်လိုက်ရအောင်ပါ။   ပလာစတာအမျိုးမျိုး အနာကပ် ပလာစတာ - အသေးစားထိခိုက်ဒဏ်ရာရတာမျိုးအတွက်ကတော့ […]

ထိခိုက်ဒဏ်ရာမရဘူးသူရယ်လို့ မရှိလောက်ပါဘူး။ ထိခိုက်ဒဏ်ရာရရင် ဘယ်လိုမျိုး ထိန်းသိမ်းစောင့်ရှောက်ရမလဲဆိုတာကိုလည်း တော်တော်များများက သိသင့်သလောက် သိပြီးသားဖြစ်မှာပါ။ ထိခိုက်ဒဏ်ရာရရင် ကိုယ်လုပ်နေကျလုပ်ရပ်တွေက မှန်ကန်ရဲ့လားဆိုတာနဲ့ ဒဏ်ရာထိန်းသိမ်းနည်းကို ဘယ်လောက်ထိသိထားလဲဆိုတာကို နည်းနည်းလောက်စစ်ဆေးကြည့်ရအောင်လား။   (၁) ထိခိုက်ဒဏ်ရာရရင် အရင်ဆုံးလုပ်သင့်တာက (က) ဒဏ်ရာကို အရင်ဆုံး ဆေးကြောမယ် (ခ) ဒဏ်ရာကို ကိုင်မယ့်လက်ကိုဆေးကြောမယ် (ဂ) ထိခိုက်မိတဲ့အရာကို စစ်ဆေးမယ် အဖြေ - (ဂ) ထိခိုက်မိတဲ့အရာကို စစ်ဆေးမယ်။ အနာတရဖြစ်အောင်ထိခိုက်မိတဲ့ အရာက ညစ်ပေနေသလားဆိုတာကို အရင်ဆုံးစစ်ဆေးရပါမယ်။   (၂) အနာတိုင်းကို အရက်ပြန်နဲ့ဆေးဖို့လိုတယ်။ မှန်/ မှား အဖြေ - မှားပါတယ်။ အနာတိုင်းကို အရက်ပြန်နဲ့ ဆေးကြောဖို့မလိုပါဘူး။ တစ်ရှုးတွေထိခိုက်ပျက်စီးတာမျိုးဖြစ်စေနိုင်တာကြောင့်ပါ။ အနာကိုရေသန့်သန့်လေးသုံးပြီးသေချာဆေးကြောပေးရင်ရပါတယ်။   (၃) ထိခိုက်ဒဏ်ရာရတဲ့အခါ အနာကို မသန့်စင်ခင် သွေးတိတ်အောင်အရင်လုပ်သင့်ပါတယ်။ မှန်/ မှား အဖြေ - မှန်ပါတယ်။ ထိခိုက်ဒဏ်ရာရတဲ့ အခါ အနာကိုအဝတ်စသန့်သန့်လေးနဲ့ခပ်ဖွဖွလေး ဖိထားပြီး သွေးတိတ်အောင်အရင်လုပ်ရပါမယ်။   (၄) အနာကိုဆေးကြောတဲ့အခါ ရေနဲ့ဆပ်ပြာသုံးပြီး (က) […]

ဒဏ်ရာတွေရလာတဲ့အခါ ဆေးလိမ်းဆေးသောက်ရုံနဲ့ သက်သာသွားတာမျိုးရှိသလို ဒဏ်ရာက ပြင်းထန်လွန်းတဲ့အခါ၊ ကြီးလွန်းတဲ့အခါမျိုးမှာတော့ အနာကို ပိုးမဝင်အောင် ကာကွယ်ဆေးထိုးရတာမျိုးရှိပါတယ်။ တိရစ္ဆာန်လေးတွေ ကိုက်ခံရတဲ့အခါ၊ လူကိုက်ခံရတဲ့အခါမျိုးမှာလည်း မေးခိုင်ကာကွယ်ဆေးထိုးဖို့ လိုအပ်ပါတယ်။ မေးခိုင်ပိုးကို မဖြစ်ခင်က ကြိုတင်ကာကွယ်တာက အကောင်းဆုံးပါ။ ဘာကြောင့်လဲဆိုတော့ မေးခိုင်ပိုးက ရောဂါအဆင့်ထိဖြစ်သွားပြီဆိုရင် ကုသလို့မရတော့ဘဲ သေဆုံးနိုင်သည်အထိဖြစ်လို့ပါ။ အခုတစ်ခေါက်တော့ ဘယ်လိုထိခိုက်ဒဏ်ရာမျိုးတွေဆိုရင် မေးခိုင်ကာကွယ်ဆေးထိုးဖို့လိုလဲဆိုတာနဲ့ မေးခိုင်ရောဂါပိုးနဲ့ ပတ်သက်လို့သိထားသင့်တဲ့အကြောင်းအရာလေးတွေကိုပြောပြပေးချင်ပါတယ်။ မေးခိုင်ပိုးဆိုတာ မေးခိုင်ရောဂါက Clostridium tetani လို့သိကြတဲ့ ဘက်တီးရီးယားတစ်မျိုးကြောင့်ဖြစ်တဲ့ ရောဂါတစ်မျိုးပါ။ အဆိုပါ ဘက်တီးရီးယားကထုတ်လွှတ်လိုက်တဲ့အဆိပ်က အာရုံကြောလုပ်ငန်းစဉ်တွေကို ထိခိုက်စေပြီး ဝမ်းဗိုက်၊ လည်ပင်း၊အစာအိမ်တို့ကကြွက်သားတွေကို အကြောဆွဲတာမျိုးတွေဖြစ်စေနိုင်သလိုခြေလက်ကြွက်သားတွေကိုလည်း ရုတ်တရက်အကြောဆွဲတာမျိုး ဖြစ်စေနိုင်ပါတယ်။ ဒီရောဂါပိုးက တစ်ခါတလေမှာမျက်နှာနဲ့လည်ပင်းကြွက်သားတွေကို အကြောဆွဲတာမျိုးဖြစ်စေပြီး ပါးစပ်ဖွင့်လို့မရတဲ့အခြေအနေမျိုးတွေ ဖြစ်စေနိုင်တာကြောင့်မေးခိုင်ပိုးလို့ခေါ်တာလည်းဖြစ်ပါတယ်။ မေးခိုင်ရောဂါကပြင်းထန်တဲ့ရောဂါတစ်မျိုးဖြစ်ပြီးသေဆုံးတာမျိုးထိဖြစ်နိုင်ပါတယ်။ ဘယ်လိုအခြေအနေတွေက မေးခိုင်ပိုးဝင်စေနိုင်တာလဲ မြေကြီးတွေ၊ဖုန်မှုန့်တွေ၊ ညစ်ပတ်တဲ့ရေတွေထဲမှာ မေးခိုင်ရောဂါဖြစ်စေနိုင်တဲ့ ဘက်တီးရီးယားတွေရှိနေတတ်ပါတယ်။ ဒီရောဂါပိုးတွေကသေချာမကာကွယ်ထားတဲ့ အနာတွေ၊ ဒဏ်ရာတွေကနေတဆင့် […]