ကျန်းမာရေး သတင်းများ

ဒီကနေ့ခေတ်မှာ အမြင်အယူအဆ အမျိုးမျိုးကြောင့် အငြင်းပွားမှုအကြီးမားဆုံးရှိနေတဲ့အရာတွေထဲမှာ ဆေးခြောက် (Cannabis) ခေါ် မာရီယားနား (Marijuana) လည်း တစ်ခုအပါအဝင်ဖြစ်ပါတယ်။ ကြိုက်နှစ်သက်သူတွေက ဆေးခြောက်ဟာ ဆေးဘက်ဝင်တဲ့အရာလို့ဆိုကြသလို မနှစ်သက်သူတွေကလည်း ဆေးခြောက်ကို မူးယစ်ဆေးဝါးတစ်မျိုးအဖြစ် သတ်မှတ်ခေါ်ဆိုကြပါတယ်။ ကုလသမဂ္ဂ (UN) ကတော့ ဒီအခြေအနေပေါ် သက်ရောက်မှုရှိစေမယ့် ဆုံးဖြတ်ချက်တစ်ခုကို ပြီးခဲ့တဲ့ ဒီဇင်ဘာလ ၂ ရက်နေ့မှာ ချမှတ်လိုက်ပါတယ်။ ဒါကတော့ ဆေးခြောက် (Cannabis) ကို အန္တရာယ်အရှိဆုံး မူးယစ်ဆေးဝါးစာရင်းကနေ ဖယ်ရှားလိုက်တာပဲဖြစ်ပါတယ်။ ဗုဒ္ဓဟူးနေ့က ကျင်းပတဲ့ အစည်းအဝေးမှာ UN Commission on Narcotic Drugs (CND) ရဲ့ အဖွဲဝင်နိင်ငံတွေက မဲပေးရွေးချယ်ခဲ့ကြတာဖြစ်ပြီးတော့ မဲအရေအတွက်အရ ဆေးခြောက်(Cannabis) ကို အန္တရာယ်အရှိဆုံး မူးယစ်ဆေးဝါးအမျိုးအစားစာရင်းကနေ ဖယ်ရှားဖို့ ဆုံးဖြတ်ချက်ချမှတ်နိုင်ခဲ့ပါတယ်။ ဆေးခြောက်မှာ စွဲလမ်းစေတတ်တဲ့ Tetrahydrocannabinol […]

လမ်းလျှောက် ရင် ဘယ်လိုလျှောက်လေ့ရှိလဲ....... ခပ်မြန်မြန်လား ...... ခပ်နှေးနှေးလား ....... ခပ်မြန်မြန်လျှောက်တယ်ဆိုရင်တော့ သင်က အရွယ်တင်ကျန်းမာမယ့် သူတစ်ယောက်ပါ။ ဒီလိုမှ မဟုတ်ဘဲ လမ်းလျှောက်နှေး တယ်ဆိုရင်တော့ အခုကစပြီး လမ်းကို ခပ်မြန်မြန်လျှောက်ဖို့သာ ပြင်ထားပေတော့။ ဘာကြောင့် ဒီလိုပြောရတာလဲဆိုတာကို ဒီဆောင်းပါးလေးထဲမှာ ဖတ်ကြည့်လိုက်ပါ။ လမ်းမြန်မြန်လျှောက်စေချင်ရတဲ့ အကြောင်းအရင်း အသက် ၄၅ နှစ်အရွယ်မှာ လမ်းကို ခပ်နှေးနှေးပဲလျှောက်တတ်သူတွေက အရွယ်မတိုင်ခင်မှာ အိုမင်းနိုင်ခြေပိုများနေပါတယ်။ ရုပ်ပိုင်းဆိုင်ရာရော သိမြင်မှုစွမ်းရည်ဆိုင်ရာ မှာရောပေါ့လို့ လေ့လာမှုအသစ်တစ်ရပ်အရ သိရပါတယ်။ လမ်းလျှောက်တဲ့ အမြန်နှုန်းက လူတစ်ယောက်ရဲ့ သက်တမ်းကို ခန့်မှန်းနိုင်သလို ကျန်းမာရေးအခြေအနေကိုလည်း ခန့်မှန်းလို့ရပါတယ်။ မကြာသေးခင်က ထုတ်ပြန်ခဲ့တဲ့ လေ့လာမှုအသစ်တစ်ရပ်ရဲ့ ရလဒ်အရ လမ်းမြန်မြန်လျှောက်တတ်သူတွေဟာ အသက်အရွယ်ကြီးရင့်လာတဲ့အခါ ပိုကျန်းမာကြသလို အသက်လည်း ပိုရှည်ကြတယ်လို့ တွေ့ရှိခဲ့ရပါတယ်။ လေ့လာမှုအတွင်း သုတေသီတွေဟာ အသက် ၄၅ နှစ်အရွယ်ရှိသူတွရဲ့ […]

ရာသီဥတုပြောင်းလဲမှု ကြောင့် ရောဂါပိုးပါတဲ့ခြင်တွေပိုပြန့်ပွားလာနိုင်တယ် ဇီကာ၊ ဆင်ခြေထောက်၊ ဂျပန်ဦးနှောက်အမြှေးရောင်၊ ငှက်ဖျား၊ သွေးလွန်တုပ်ကွေး၊ ချီကန်ဂူညာ (ဆင်တုပ်ကွေး) တို့က ကြောက်ဖို့ကောင်းတယ်ထင်ပါသလား။ ဒါဆို ခြင်ကိုက်မခံပါနဲ့၊ ခြင်မရှိအောင် ကြိုးစားရှင်းလင်းပါ၊ ကြိုတင်ကာကွယ်ပါ။ ကမ္ဘာကြီးပူနွေးမှုကြောင့် နောက်လာမယ့် နှစ် ၅၀ အတွင်းမှာ ရောဂါပိုးသယ်ဆောင်လာတဲ့ ခြင်တွေဆီကနေ ကူးစက်ပျံ့နှံ့ခံရသူ ကမ္ဘာ့လူဦးရေ ၁ ဘီလျံအထိ ရှိလာနိုင်တယ်လို့ သုတေသနက သတိပေးထားပါတယ်။ ရောဂါပိုးသယ်ဆောင်မှုအများဆုံးခြင်မျိုးစိတ်နှစ်ခုဖြစ်တဲ့ Aedes aegypti နဲ့ Aedes albopictus တို့က သွေးလွန်တုပ်ကွေး၊ ဇီကာနဲ့ ဆင်တုပ်ကွေး တို့လို ဗိုင်းရပ်စ်တွေကို သယ်ဆောင်ပျံ့နှံ့စေတာဖြစ်ပါတယ်။ ကမ္ဘာအနှံ့မှာ တစ်လထက်တစ်လပြောင်းလဲလာတဲ့ အပူချိန်ကြောင့် ဆယ်စုနှစ်တွေအတွင်း ဒီခြင်တွေမှာ ဘယ်လိုပြောင်းလဲမှုရှိလာမလဲ သုတေသီတွေက လေ့လာခဲ့ကြပါတယ်။ “ ကိန်းဂဏန်းအတိအကျထွက်ဖို့ မလွယ်ပေမယ့် တစ်ချိန်ချိန်တော့ ဒါပြဿနာဖြစ်လာမယ်ဆိုတာ သိပါတယ်။ ကြောက်စရာကောင်းတဲ့ အတိုင်းအတာပါပဲ။ “ လို့ […]

လူအများသိထားကြတဲ့ အဝလွန်တာ၊ သွေးတိုးရောဂါနဲ့ အထိုင်များတဲ့နေထိုင်မှုပုံစံတို့လို အန္တရာယ်အချက်တွေကြောင့်ချည်းပဲ ဆီးချို ဖြစ်နိုင်ခြေများစေတာမဟုတ်ပါဘူး။ စိတ်ဖိစီးမှုဟာလည်း အမျိုးသမီး တွေရဲ့ ဆီးချိုသွေးချိုဖြစ်ပွားမှုမှာ အရေးပါတဲ့သက်ရောက်မှုရှိနေတာကို သုတေသနအသစ်က ဖော်ပြလိုက်ပါတယ်။ ဒီသုတေသနကို American Heart Association ရဲ့ သိပ္ပံကဏ္ဍကွန်ဖရင့်မှာ တင်ပြခဲ့တာဖြစ်ပါတယ်။ အလုပ်ကြောင့် စိတ်ဖိစီးရတဲ့ အမျိုးသမီး တွေမှာ ဆီးချိုအန္တရာယ် ပိုများ ဒီသုတေသနအရ စိတ်ဒဏ်ရာဖြစ်စေတဲ့ကိစ္စတွေကြောင့်ရတဲ့ စိတ်ဖိစီးမှု၊ အိမ် ဒါမှမဟုတ် အလုပ်ခွင်မှာ ကြာရှည်ခံစားရတဲ့ စိတ်ဖိစီးမှုကြောင့် အမျိုးသမီးတွေမှာ အမျိုးအစား၂ ဆီးချိုသွေးချိုရောဂါဖြစ်နိုင်ခြေ နှစ်ဆပိုများတယ်လို့ ဆိုပါတယ်။ ဆီးချိုကာကွယ်ရာမှာ စိတ်ဖိစီးမှုအန္တရာယ်ကိုလည်း တခြားအချက်တွေလိုပဲ အလေးထား ဖြေရှင်းသင့်တယ်လို့ ကယ်လီဖိုးနီးယားတက္ကသိုလ် သုတေသီတွေက သတိပေးခဲ့ပါတယ်။ ပုံမှန်အားဖြင့်တော့ ကိုယ့်မှာ - မိဘ၊ မောင်နှမသားချင်းတွေထဲက တစ်ယောက်ယောက်မှာ ဆီးချိုရှိနေရင်၊ ဆီးချိုရောဂါနဲ့ ချိတ်ဆက်နေတဲ့ ရောဂါတချို့ ရှိနေရင်၊ ကိုယ်ဝန်ဆောင်ဆီးချိုဖြစ်ခဲ့ဖူးရင် ၊ ဆီးချိုရောဂါအစပျိုးအဆင့်မှာရှိနေရင်၊ […]

ဓာတ်ခွဲခန်းမှာ ဖန်တီးလိုက်တဲ့ သွေးကြောတွေကို ကျောက်ကပ်ဆေးနေရတဲ့ ဝေဒနာရှင်တွေဆီ  “သက်ရှိတစ်ရှူး”တွေအဖြစ် အစားထိုးကုသပေးနိုင်ခဲ့တယ်လို့ သုတေသနတစ်ခုက ဖော်ပြခဲ့ပါတယ်။ ဒီသုတေသနကို မြောက်ကယ်ရိုလိုင်းနား မှာရှိတဲ့ နည်းပညာကုမ္ပဏီ Humacyte မှ သုတေသနပညာရှင်တွေက လေ့လာခဲ့ကြတာပါ။ ဒီကနဦးစမ်းသပ်မှုအဆင့်မှာ သုတေသီတွေက နှလုံးရောဂါကအစ ဒဏ်ဖြစ်ထိခိုက်မှုတွေအထိ အမျိုးမျိုးသော ရောဂါအခြေအနေတွေကြောင့် သွေးကြောထိခိုက်ပျက်စီးနေတဲ့လူနာတွေအတွက် ကုထုံးအသစ်တစ်ခု ကြိုးပမ်းခဲ့တာပါ။ Science Translational Medicine ဂျာနယ်မှာ မတ်လ ၂၇ ရက်က ဖော်ပြခဲ့တဲ့ ဒီလေ့လာမှုမှာ ကျောက်ကပ်ရောဂါဝေဒနာရှင်တွေကို ဓာတ်ခွဲခန်းထုတ် သွေးကြောတွေ အစားထိုးထည့်သွင်းပေးခဲ့ပြီး ကျောက်ကပ်ဆေးလို့ရစေခဲ့တာဖြစ်ပါတယ်။ ဓာတ်ခွဲခန်းမှာ သွေးကြောတွေဖန်တီးဖို့က အချိန်နှစ်လယူပြီး မွေးမြူရပါတယ်။ သွေးကြောကို အစားထိုးထည့်သွင်းလိုက်တာနဲ့ လူနာရဲ့ဆဲလ်တွေက တဖြည်းဖြည်းပွားလာပြီး ခန္ဓာကိုယ်ရဲ့ မူလသွေးကြောတွေနဲ့ ဆင်တူသွားစေမှာဖြစ်တယ်လို့ သုတေသီတွေကပြောပါတယ်။ သူတို့က ကနဦးလေ့လာမှုမှာပါဝင်ခဲ့တဲ့ လူနာ ၁၃ ဦးဆီက တစ်ရှူးတွေကို သရုပ်ခွဲလေ့လာခဲ့တဲ့အခါ လူနာရဲ့ဆဲလ်တွေနဲ့ သွေးကြောအသေးစားလေးတွေက […]

မိန်းမဉာဏ်နဲ့ လာမယှဉ်နဲ့၊ မိန်းကလေးဆိုတာ အိမ်မှုကိစ္စပဲလုပ်ရုံ၊ ယောက်ျားလေးတွေက ပိုဆုံးဖြတ်နိုင်တယ်၊ ဦးဆောင်နိုင်တယ်ဆိုတဲ့ရှေးစကားတွေက အခုခေတ်မှာ ရယ်စရာဖြစ်လို့နေပါပြီနော်။ ကျား၊မ မခွဲခြားဘဲ ရင်ပေါင်တန်းနိုင်တဲ့ခေတ်မှာ ကိစ္စအတော်များများကို တန်းတူလုပ်နိုင်တယ်ဆိုပေမယ့် တချို့အရာတွေမှာတော့ ကပ်သပ်မငြင်းသင့်ဘူးပေါ့။ ဒါပေမယ့် အသင်းအဖွဲ့တွေနဲ့ လုပ်ဆောင်ရတဲ့လုပ်ငန်းခွင်တွေ၊ အဖွဲ့အစည်းတွေ၊နေရာအတော်များများမှာတော့ ဘယ်သူကသာတယ် ယှဉ်နေဖို့မသင့်ပါဘူး။ ယှဉ်နေဖို့မသင့်ပေမယ့်လည်း သုတေသနတစ်ခုမှာတော့ မိန်းကလေးတွေက သာနေပြန်ပါရော။ အသက်ကြီးလာလည်း မိန်းကလေးတွေရဲ့ ဦးနှောက်က ကြီးရင့်မှုပိုနှေးတယ်လို့ ပညာရှင်တွေက လေ့လာတွေ့ရှိခဲ့ပါတယ်။ ပျမ်းမျှအားဖြင့် မိန်းကလေးတွေရဲ့ဦးနှောက်က သက်တူရွယ်တူယောကျ်ားလေးတွေရဲ့ဦးနှောက်ထက် ၃ နှစ်စာလောက် ပိုနုပျိုပါတယ်တဲ့။ "မိန်းကလေးတွေက အသက်အရွယ်တူယောကျ်ားလေးတွေနဲ့ယှဉ်ရင် ဉာဏ်ရည်စစ်ဆေးလေ့လာမှု တွေမှာ ရလဒ်ပိုကောင်းတာကို တွေ့ရတယ်” လို့ ဝါရှင်တန်ဆေးတက္ကသိုလ်မှ သုတေသီ Dr. Manu Goyal ကပြောပါတယ်။ လူသားတွေရဲ့ဦးနှောက်မှာ အသက်ကြီးလာတာနဲ့အမျှ ဖွဲ့စည်းပုံနဲ့ လုပ်ဆောင်ချက်တွေ ဘယ်လိုပြောင်းလဲလာသလဲဆိုတာကို သိပ္ပံပညာရှင်တွေက လေ့လာခဲ့တာပါ။ ပြောင်းလဲမှုတစ်ခုမှာဆိုရင် ဦးနှောက်က သူ့ရဲ့စွမ်းဆောင်ရည်ကို အားဖြည့်နိုင်ဖို့ […]

ကွန်ပျူတာအသုံးပြုတာ၊ ဂိမ်းတွေကစားတာ၊ လူမှုရေးလှုပ်ရှားမှုတွေမှာ ပါဝင်တာတွေကြောင့် ဦးနှောက်စွမ်းရည်ကျဆင်းခြင်းဖြစ်နိုင်ခြေကိုလျော့နည်းစေတယ်လို့ သုတေသီတွေကတွေ့ရှိခဲ့ပါတယ်။ လူကအသက်ကြီးလာတာနဲ့အမျှ ဦးနှောက်ကလည်းပြောင်းလဲလာပါတယ်။ တချို့တွေမှာ မှတ်ဉာဏ်ပြဿနာ၊တွေးခေါ်နိုင်စွမ်း၊ ဆုံးဖြတ်နိုင်စွမ်းတွေမှာ ပျက်ယွင်းလာနိုင်တယ်။ ဦးနှောက်စွမ်းရည်ကျဆင်းခြင်း(MCI) ဆိုတာ အသက်အရွယ်နဲ့ဆိုင်တဲ့ ဉာဏ်ရည်ကျဆင်းမှုနဲ့ မှတ်ဉာဏ်ချို့ယွင်းမှုရောဂါ(dementia) ရဲ့ ကြားအဆင့်ဖြစ်ပါတယ်။ ဒါပေမယ့် MCI ကနေ့စဉ်ဘဝနဲ့ လှုပ်ရှားမှုတွေကို သိသိသာသာမထိခိုက်စေပါဘူး။ MCI ရှိတဲ့သူတွေကမေ့တတ်တယ်၊ အတွေးတွေနဲ့ပြောစကားတွေကို ထိန်းချုပ်နိုင်စွမ်းမရှိတော့ဘူး၊ ဆုံးဖြတ်ချက်ချရတော့မယ်ဆိုရင် ဘာလုပ်ရမှန်းမသိတော့ဘူး။ဒီအဆင့်ကိုဖြစ်နေသူတွေကနောက်ပိုင်းမှာdementiaဖြစ်လာနိုင်တဲ့အန္တရာယ် ပိုများပေမယ့် လူတိုင်းတော့ မဖြစ်ပါဘူး။ ကိုယ်လက်လှုပ်ရှားမှုနဲ့ ဦးနှောက်ဉာဏ်ရည်နှိုးဆွမှု(ကစားနည်း)တွေလိုနေထိုင်မှုဘဝရွေးချယ်မှုတွေက ဦးနှောက်အတွက် အကျိုးသက်ရောက်မှုကောင်းစေနိုင်ပါတယ်။ ဦးနှောက်ကျန်းမာရေးကို ကောင်းမွန်စေမယ့် နှိုးဆွလုပ်ဆောင်ချက်များ ကွန်ပျူတာသုံးခြင်း၊ ဂိမ်းကစားခြင်း၊ လက်မှုပညာတွေလုပ်ဆောင်ခြင်း၊ လူမှုရေးလှုပ်ရှားမှုတွေမှာပါဝင်ခြင်းတို့ကMCI အန္တရာယ်ကိုလျှော့ချနိုင်တယ်လို့Neurologyဂျာနယ်မှာဖော်ပြခဲ့တဲ့ သုတေသနက ဆိုပါတယ်။ သုတေသီတွေက အသက် ၇၀ ဝန်းကျင် လူဦးရေ ၂၀၀၀ ကို စုစည်းခဲ့ပြီး သူတို့ရဲ့သက်လတ်ပိုင်းအရွယ်အတွင်း ဦးနှော်က်ကိုအလုပ်ပေးတဲ့ လှုပ်ရှားမှုအမျိုးမျိုးမှာ ဘယ်လောက်ပါဝင်ခဲ့ဖူးလဲ စစ်တမ်းကောက်ယူခဲ့ပါတယ်။ ပါဝင်သူတွေက တွေးခေါ်မှုနဲ့မှတ်ဉာဏ်စမ်းသပ်စစ်ဆေးမှုတွေကို ၁၅ […]

လူကြီးတွေကို အထီးမကျန်အောင် ဂရုစိုက်ပေးပါ။ အထီးကျန်စိတ်နဲ့ အားငယ်စိတ်တို့ကြောင့် လူကြီးမိဘတွေမှာ ရုပ်ပိုင်းဆိုင်ရာပါထိခိုက်မှုတွေရှိလာနိုင်ပါတယ်။ သက်တူရွယ်တူချင်းစကားစမြည်ပြောချင်တယ်၊ရှေးဟောင်းနှောင်းဖြစ်တွေပြောချင်တယ်၊ သားသမီးမြေးမြစ်တွေနဲ့နွေးနွေးထွေးထွေးနေချင်တယ်ဆိုတာ သူတို့ရဲ့ဆန္ဒပါပဲ။ အပြင်မသွားရတော့ ရွယ်တူချင်းလည်းမတွေ့ရ၊ အိမ်ကမိသားစုတွေနဲ့လည်း သီးခြားဖြစ်နေရတဲ့ လူကြီးတွေမှာ ကျန်းမာရေးယိုယွင်းလာမှာသေချာပါပဲ။ အခုနောက်ဆုံးတွေ့ရှိတဲ့ သုတေသနရလဒ်တစ်ခုမှာတော့ လူမှုဆက်ဆံရေးအဆင်မပြေတဲ့ သက်ကြီးပိုင်းအမျိုးသမီးတွေမှာ အရိုးအားနည်းစေနိုင်တယ်လို့ဖော်ပြခဲ့ပါတယ်။ အမေရိကန်နိုင်ငံက သွေးဆုံးပြီးအမျိုးသမီး ၁၁၀၀၀ကျော်ကို နှစ်ရှည်လေ့လာခဲ့တဲ့သုတေသနအရ အရိုးထုထည်လျော့နည်းခြင်း(အရိုးပွအရိုးပါးခြင်း) နဲ့ လူမှုဆက်ဆံရေးအဆင်မပြေမှုကြား ဆက်နွှယ်မှုကြီးမားတယ်လို့ ဆိုပါတယ်။ လူမှုဆက်ဆံရေးနဲ့ မိသားစုချစ်ခင်မှုတို့မှာ အဆင်မပြေတဲ့၊ အထီးကျန်နေတတ်တဲ့၊ ဘယ်သူနဲ့မှ ဟက်ဟက်ပက်ပက်ပြောဆိုဆက်ဆံမှုသိပ်မရှိတဲ့ အမျိုးသမီးကြီးတွေဟာ အရိုးအားနည်းလာနိုင်ပါတယ်တဲ့။ လူမှုဆက်ဆံရေးမှာ အဆင်မပြေတဲ့ အမျိုးသမီးကြီးတွေဟာ တင်ပါးဆုံရိုးခွင်တစ်ခုလုံး၊ ခါးအောက်ပိုင်းကျောရိုးနဲ့ပေါင်ရိုးအရင်းနားကfemoral neck တို့မှာ အရိုးကျန်းမာရေးဆုတ်ယုတ်မှုဖြစ်နိုင်ခြေပိုများတယ်လို့ သိရပါတယ်။ လေ့လာမှုမှာပါဝင်ခဲ့တဲ့ အမျိုးသမီးကြီးတွေရဲ့လူမှုရေးပြဿနာကို ၄ ကနေ ၂၀ ထိ အဆင့်သတ်မှတ်ထားပြီး အဆင့်ပိုတိုးလေ အဆင်မပြေမှုပြင်းထန်လေဖြစ်ပါတယ်။ အဆင့်တစ်ခုစီကပေါင်ရင်းရိုးမှာ အရိုးထုထည် ဝ.၀၈ […]

Triclosan ဆိုတာ ဘက်တီးရီးယားတွေနှိမ်နင်းနိုင်ဖို့ လူသုံးကုန်ပစ္စည်းတွေမှာ အသုံးများတဲ့ ဓါတုပစ္စည်းတစ်မျိုးဖြစ်ပါတယ်။ ဒီဓါတုပစ္စည်းက အမျိုးသမီးတွေရဲ့အရိုးကျန်းမာရေးအတွက် ဆိုးကျိုးဖြစ်စေနိုင်တယ်လို့ သုတေသနတွေ့ရှိချက်အသစ်ကဖော်ပြခဲ့ပါတယ်။ ဆီးထဲမှာTriclosan ပမာဏများနေတာကပေါင်နဲ့ ခါးအောက်ပိုင်းအရိုးတွေမှာ သိပ်သည်းဆလျော့နည်းမှုနဲ့ ဆက်နွှယ်နေပြီး အမျိုးသမီးတွေ(အထူးသဖြင့်သွေးဆုံးပြီးအရွယ်)မှာ အရိုးပွရောဂါဖြစ်နိုင်ခြေပိုများစေတယ်လို့ တရုတ်နိုင်ငံHangzhou Medical College School of Public Health မှ သုတေသီYingjun Li ကပြောပါတယ်။ Triclosan က ဆဲလ်တွေနဲ့ တိရစ္တာန်တွေမှာ အရိုးသိပ်သည်းဆအပေါ် သက်ရောက်မှုရှိတယ်လို့တွေ့ရှိထားပြီးဖြစ်ပေမယ့် လူမှာ ဒီလိုသက်ရောက်မှုရှိတဲ့အကြောင်းအထောက်အထားတွေ့တာ ပထမဆုံးဖြစ်တယ်လို့ Li ကပြောပါတယ်။ ဒီဓါတုပစ္စည်းကို ဆပ်ပြာ၊ သွားတိုက်ဆေး၊ ခံတွင်းသန့်ဆေးရည်တို့အပါအဝင် လူသုံးကုန်ပစ္စည်းအမျိုးအစားအတော်များများများမှာ အသုံးများပါတယ်။ သူ့ကို လက်သန့်ဆေးရည်တွေမှာ မထည့်ဖို့ အမေရိကန်မှာ တားမြစ်ထားပေမယ့် တခြားကုန်ပစ္စည်းတွေမှာ သုံးနေကြဆဲပါပဲ။ ဒီသုတေသနမှာtriclosan ထိတွေ့မှုရှိတဲ့ အမျိုးသမီးတွေကိုပဲလေ့လာခဲ့တာဖြစ်တဲ့အပြင် သူတို့ရဲ့ဘဝမှာ တခြားဓါတုပစ္စည်းတွေလည်းရှိနိုင်တာမို့triclosan တစ်မျိုးတည်းကြောင့် အရိုးပွရောဂါဖြစ်စေတယ်လို့ကောက်ချက်မဆွဲနိုင်သေးတာဖြစ်ပါတယ်။ အထောက်အထားအတိအကျမပြောနိုင်သေးပေမယ့် […]

ပြုပြင်စီမံထားတဲ့အစားအသောက်တွေစားတဲ့ ကိုယ်ဝန်ဆောင်မိခင်လောင်းတွေမှာမွေးလာတဲ့ကလေးအော်တစ်ဇင်ဖြစ်လာနိုင်ခြေပိုများတယ်လို့ သုတေသနအသစ်က ဖော်ပြလိုက်ပါတယ်။ အစားအစာတွေကိုပြုပြင်စီမံတဲ့အခါပမာဏအများကြီးသုံးထားတတ်ကြတဲ့propionic acidကြောင့် သန္ဓေသားရဲ့ဦးနှောက်ဆဲလ်တွေကို ထိခိုက်စေပြီးအော်တစ်ဇင်ဖြစ်လာစေနိုင်တာပါလို့Scientific Reports မှာဖော်ပြခဲ့တဲ့ သုတေသနက ဆိုပါတယ်။ အော်တစ်ဇင်ကလေးငယ်တွေရဲ့ ဝမ်းနမူနာထဲမှာ Propionic acid( PPA) ပမာဏများနေတာတွေ့ရပြီး ဒီကလေးတွေရဲ့အူတွင်းဘက်တီးရီးယားတွေကလည်း ထူးခြားနေတယ်လို့University of Central Florida ရဲ့သုတေသီSaleh Naser ကပြောပါတယ်။ အော်တစ်ဇင်ရှိတဲ့ကလေးတွေဟာ အူလမ်းကြောင်းလှုပ်ရှားမှုမူမမှန်တဲ့ရောဂါစုလက္ခဏာနဲ့ အစာအိမ်ပြဿနာတွေ မကြာခဏ ခံစားရတာတွေ့ရပါတယ်။ သာမန်လူတွေနဲ့နှိုင်းယှဉ်တဲ့အခါအော်တစ်ဇင်ကလေးတွေရဲ့ အူတွင်းဘက်တီးရီးယားကျန်းမာရေးကွာခြားမှုဖြစ်စဉ်မှာPPA ကအဓိကပါဝင်နေတာတွေ့ရပါတယ်။ PPA ကို အသင့်ထုပ်ပိုးထားတဲ့အစားအစာတွေ တာရှည်ခံစေဖို့၊ပေါင်မုန့်နဲ့ချိစ်တွေ မှိုမတက်စေဖို့ အသုံးပြုကြပါတယ်။ ဒါပေမယ့် ဒီ acid က သန္ဓေသားရဲ့ဦးနှောက်ကို ဖွံ့ဖြိုးစေနိုင်တဲ့ အာရုံကြောဆဲလ်တွေအရေအတွက်ကိုလျော့နည်းစေနိုင်ပါတယ်။ အစာအိမ်ထဲမှာ သဘာဝအတိုင်းထုတ်ပေးတဲ့PPA ဟာ အမျိုးသမီးတစ်ယောက်ရဲ့ကိုယ်ဝန်ဆောင်ကာလအတွင်းမှာ ပမာဏများများထွက်ရှိနိုင်ပါတယ်။ ကိုယ်ဝန်ဆောင်အမျိုးသမီးကသာပြုပြင်စီမံထားတဲ့အစားအစာတွေစားလိုက်မယ်ဆိုရင်PPA ထုတ်လုပ်မှုပိုတိုးလာပြီး အဲဒီအက်စစ်တွေက သန္ဓေသားဆီရောက်လာနိုင်ပါတယ်။ ဒီအက်စစ်ကglial ဆဲလ်တွေထုတ်လုပ်မှုလွန်ကဲစေပြီး ဦးနှောက်အာရုံကြောဆဲလ်တွေကိုလျော့နည်းစေတာကြောင့် ဦးနှောက်အတွင်း ဆဲလ်တွေထိန်းညှိမှုကို […]